Está en la página 1de 79

BALUK DAHULUK

PROSESU DEZENVOLVIMENTU DALEN TETUN

1. Dezenvolvimentu dalen Tetun husi rai-liur


Tetun nu‟udar dalen ida hanesan dalen seluk iha mundu raiklaran presiza kria kondisaun ida ke
di‟ak hodi dezenvolve dalen ne‟e, nune‟e mós hodi hasa‟e ninia prestizu liuhosi komponente oioin
dalen nian. Dezenvolvimentu dalen tetun iha parte rua hanesan; dezenvolvimentu rai-liur no rai-laran
Komponente linguístika ne‟ebé desenvolve iha rai-li‟ur mak hanesan tuirmai ne‟e: fonolojia,
morfolojia, sintase no semántiku. Atu koñese kle‟na kona-ba perspetiva área linguístika haat mak
tuirmai ne‟e:
1. Fonolojia
Fonolojia nu‟udar ramu linguístika nian ida ne‟ebé estuda sistema sonoru dalen nian. Hosi
variedade son ne‟ebé aparellu vokál emar nian bele prodús, no estuda hosi fonétika, ne‟e
nu‟udar númeru ki‟ik ne‟ebé uza distintivamente iha dalen. Iha fonolojia nia laran ko‟alia mós
fonétika. Fonétika nu’udar siénsia ida ne’ebé estuda karaterístika físika, artikulatóriu i
perspetiva produsaun no persesaun son hosi ko’alia no mós fornese métodu ba nia deskrisaun
no klasifikasaun. Área fonolojia nian mak envolve: “son no fonema, vogál sira, konsoante,
sílaba no liafuan”.

2. Morfolojia
Morfolojia nu‟udar parte ida hosi gramátika ne‟ebé estuda liafuan no nia formasaun, iha klase
ka kategoria liafuan gramátika nian ne‟ebé pertense ba. Área sira ne‟ebé envolve iha morfolojia
hanesan: “klase liafuan hotu-hotu ne’ebé inklui iha dalen ida nia laran (naran ka substantivu,
verbu, pronome, adjetivu, advérbial, numerál, prepozisaun, konjunsaun nst.) no nia
modifikasaun liafuan básiku ba kompleksu no mós muda hosi kategoria ida ba seluk”.

3. Sintase
Sintase nu‟udar parte ida hosi gramátika ne‟ebé estuda konstituante fraze nian no nia
ordenasaun. Área envolvimentu sintase nian mak hanesan: “fraze, tipu fraze nian, forma fraze
nian, fraze no orasaun, fraze simples no kompleksa, funsaun sintátika konstituante fraze
nian, orden konstituante orasaun, koordenasaun no subordinasaun fraze nian”.

4. Semántiku.
Semántíku nu‟udar parte ida hosi gramátika ne‟ebé estuda signifikadu liafuan nian ho
modifikasaun sentidu nian ne‟ebé sira sofre liuhosi tempu no espasu. Área ne‟ebé envolve iha
semántika mak hanesan: “relasaun semántika entre liafuan, kampu semántiku ( semántiku
leksikál no semántiku frázika) denotasaun no konotasaun, evolusaun semántika, valór
espesiál tempu nian nst”.
2. Dezenvolvimentu dalen Tetun husi rai-laran

Alénde komponente hirak iha leten, hetan mós dezenvolvimentu hosi parte rai-laran hodi hasa‟e
prestizu dalen tetun nian hanesan:
1) tetun nu’udar dalen lokál;
2) tetun nu’udar dalen franka (dalen negósiu / komérsiu);
3) tetun nu’udar dalen nasionál no
4) tetun nu’udar dalen ofisiál.

ka
Tetun nu’udar dalen ofisiál

Tetun nu’udar dalen nasionál

Tetun nu’udar dalen franka

Tetun nu’udar dalen lokál

Atu ita bele koñese di‟ak no hatene kle‟an liu tan kona-ba parte hirak-ne‟e mai ita halehat hamutuk
parte idaidak iha karaik ne‟e:

1. Tetun nu’udar dalen Lokál


Funsaun :
 Tetun nu‟udar dalen lokál nia valór hanesan mós dialetu lokál sira seluk nu‟udar dalen
materna hanesan: dalen Lasmeto, dalen Fataluku , dalen Bekais, dalen Lolein no seluseluk tan
iha rai-Timór laran. Tetun hanesan dialetu lokál sira seluk mak ita hetan no ema uza iha rai
Suai, Alas ( Manufahi), iha Soibada ( Manatutu) Balibó no iha Vikeke vila.
 Tetun nu‟udar dalen lokál: meiu ida hodi halo komunikasaun entre povu iha rai ne’ebá nian
( Suai, Alas, Soibada, Vikeke no Balibó),
 hala’o komérsiu lokál entre étniku hosi sosiedade nia laran no
 hodi habelar kultura povu rai hirak-ne’ebá nian.

2. Tetun nu’udar dalen Franka ka dalen komersiu


Tetun nu‟udar dalen franka mosu bainhira kapitál provínsia Ultramarinu Timór-Portugés iha rai-
Lifau (Oekussi) muda mai Dili (±1700). Iha tempu ne‟ebá Dili nu‟udar bairu ki‟ik ida-ne‟ebé okupa
hosi ema Mambae sira. Iha tempu ne‟ebá duni malae Portugés sira la halo interasaun ho ema
Mambae tanba malae mutin sira hatene ko‟alia de‟it sira nia dalen no Mambae-oan sira mós hatene
de‟it sira-nia lia. Ho razaun ida-ne‟e malae mutin sira hakbesik ba liurai Mambae sira atu bele kria
dalen ida ne‟ebé hetan influénsia boot tebes hosi dalen portugés, atu nune‟e hosi parte rua ne‟e
(entre malae mutin no timoroan) bele uza hamutuk hodi halo interasaun ka komunikasaun lorloron
no sira hotu kompreende nia signifikadu maske seidauk domina dalen foun ne‟e. Dalen ida-ne’e
mak hanaran dalen Franka.

2
Funsaun dalen franka mak hanesan tuirmai ne‟e:
a. Nu‟udar meiu ida ba timoroan tomak hodi uza hala‟o komérsiu lokál (dalen komérsiu);
Liuhosi dalen franka, timoroan distritu sanulu-resin-tolu bele hala‟o negósiu uza de‟it dalen
tetun. Sira idaidak husik hela dialetu lokál, uza lisuk dalen tetun hodi kria kondisaun
negósiu nian ida-ne‟ebé di‟ak entre makfa‟an no maksosa sira;
b. Nu‟udar embriaun hodi kria unidade ba timoroan (dalen unidade nian).
Tetun nu‟udar meiu hodi kria unidade ba Timór hosi Jaku to‟o Oekusi, tasi-mane to‟o tasi-
feto, uza dalen tetun hodi komunika ba malu iha moris loroloron liuhosi atividade serbisu
nian iha merkadu, servisu-fatin, fatin públiku no seluseluk tan.

Dezenvolvimentu tetun nu‟udar dalen franka hahú la‟o maka‟as, bainhira liu tiha akontesimentu
funu boot mundu nian ba daruak. Hahú hosi tempu ne‟e timoroan barak tebtebes hatene ko‟alia ona
dalen tetun. Tanba ema timoroan barak liu mak hatene ko‟alia tetun ne‟ebé hetan influénsia hosi
portugés maka‟as tebtebes (tetun-Dili) sai fali dalen Timór Lorosa‟e nian ne‟ebé hanaran lia-
veikulár. Entre tinan 1945-1975 matenek barak ( linguista) hosi Timór no raiseluk sira estuda i hakerek
dalen tetun ho vizaun atu dezenvolve, maske hetan obstákulu oioin.

3. Tetun nu’udar dalen Nasionál


Bazeia ba tetun nu‟udar dalen franka liuhosi lala‟ok naruk hodi dezenvolve dalen ne‟e sai
hanesan lia-nasionál no sientífiku iha nasaun Timór-Leste. Liuhosi tempu naruk lala‟ok tetun sai
hanesan dalen istóriku ba povu Timór. Tetun nu‟udar dalan istóriku ba povu Timor lori tempu no
liuhosi prosessu naruk, hahú hodi traduz Biblia sagrada hosi Latin mai Tetun to‟o iha luta rezisténsia
nian mós kontinua uza nu‟udar instrumentu ka meiu ba administrasaun hodi infrenta problema polítika
Timór nian hasoru ditatór Soeharto ho nia rezime tomak. Ho razaun hirak-ne‟e fó-biit ba dalen tetun sai
hanesan dalen nasionál ne‟ebé hetan fatin no konsagra ona iha “Konstituisaun Repúblika Demokrátika
Timór-Leste” artigu 13. Razaun seluk partidu FRETELIN konsagra ona iha sira-nia manuál polítika 75
nian hodi hanorin polítika ba nia militante sira. Nu‟udar dalen nasionál hatudu ba ita katak “dalen ne‟e
povu tomak no nasaun Timór-Leste nian tan ne‟e ita hotu tenta atu uza iha vida moris lorloron nian
liuhosi atividade oioin. Nia funsaun mak hanesan tuirmai ne‟e:
 nu‟udar dalen nasionál, tetun kria unidade ba povu distritu sanulu-resin-tolu;
 hamahon no hakbiit nia makdalen sira hosi dialetu oioin atu domina tetun kle‟an liu, liuhosi
esforsu no haka‟as an estuda dalen nia regra sira no ho nia mudansa tomak;
 hasa‟e prestizu dalen nasionál nu‟udar patrimóniu kulturál nasaun nian ne‟ebé hatudu identidade
própriu povu Timór nian ba mundu raiklaran;
 tetun nu‟udar identidade hodi hatudu nasaun Timor-Leste ba mundu internasionál.

4. Tetun nu’udar dalen Ofisiál


Tetun nu‟udar dalen koofisiál ba nasaun Timór-Leste, katak valoriza liu tan ka hasa‟e nia nivél.
Liuhosi nivél ida-ne‟e hatudu razaun kle‟an mai ita makdalen sira katak “iha ita-nia moris lorloron
nu‟udar sidasaun independente sente orgullu no fó onra ba ita-nia dalen nu‟udar patrimoniu kulturál sai
dalen ofisiál nasaun nian. Funsaun Tetun nu‟udar dalen ofisiál hanesan tuirmai ne‟e:
 nu‟udar meiu komunikasaun ofisiál nasaun Timor-Leste nian;
 nu‟udar meiu hodi hala‟o administrasaun públiku nasaun nian;
 nu‟udar dalen sientífiku hodi dezenvolve siénsia, teknolojia no kultura nasaun ne‟e nian.

3
A. Meiu ba Dezenvolvimentu Dalen Tetun

Nu‟udar dalan hodi dezenvolve dalen tetun ba povu Timór mak hanesan tuirmai ne‟e:
1. Aristokrasia lokál;
2. Komérsiu/negósiu lokál (tradisionál);
3. Dalen portugés;
4. Doutrina Katólika;
5. Luta rezisténsia polítika ba independénsia nasionál;
6. Liuhosi aprende dalen nu‟udar siénsia hosi kursu oioin.

Tanba sá mak Tenke Dezenvolve Dalen Tetun ?


Nu‟udar interese nasionál ba povu Timór-Leste atu dezenvolve tanba dalen tetun sai hanesan :
1. Patrimóniu kulturál nasaun no povu Timór-Leste nian.
2. Identidade nasionál.
3. Dalen nasionál.

Baze hodi dezenvolve dalen tetun


Nu‟udar baze atu dezenvolve dalen tetun iha tempu daudaun ne‟e bá oin iha oin tolu:

1. Baze konstitusionál
Hahún ba konstituisaun RDTL Parte I kona-ba Prinsípiu Fundamentál, ninia artigu 13 kona-
ba dalen ofisiál no dalen nasionál ho versu :

1. Tetun no Portugés nu‟udar dalen legál ka ofisiál ba nasaun RDTL.


2. Governu sei fó konsiderasaun ba dalen tetun no dalen rai na‟in seluseluk iha
dezenvolvimentu nia laran.

No Parte II kona-ba direitu, obrigasaun no garantia privadu, ho nia Títulu II kona-ba


direitu no obrigasaun ekonómia, sosiál no kultura, nia artigu 60 kona-ba direitu intelektuál;
Nasaun fó garantia no hamahon formasaun, produsaun no negosiasaun ema ida-idak nia
produsaun intelektualidade obras literária no artístika inklui hamahon deireitu kriasaun.

2. Baze dekretál
Hahún ba Dekretu Lei Governu RDTL liuhosi Konsellu Ministru Númeru
1/2004 14 fulan-Abril 2004 kona-ba Padraun Ortográfiku dalen Tetun ne‟ebé publikadu iha
Jornál Repúblika Série I No. 5 14 fulan-Abril 2004 (pág. 417) lihosi Reitór UNTL, Benjamin
de Araújo e Corte-Real nia intervensaun iha Jornál Nasionál Semanáriu No. 0033 (21 Agostu
2004: 12) simu ofisialmente katak Ortografia Padronizada nu‟udar sistema fonémiku,
“Promovidu, administradu no dezenvolvidu hosi INL”.

4
3. Baze sientífika
Signifika hala‟o atividade estudu kona-ba dezenvolvimentu dalen tetun tuir kritéria sientífika
linguístika nian ho sistema tolu:

a) Sistema uniforme katak ita hakerek liafuan hotu-hotu ho oin ida de’it
Sistema ne‟e fó-hanoin ba ita atu labele hakerek tuir ita ema ida-idak nia gostu, maibé tuir banati
ida. Banati ne‟e mak nu‟udar ita-nia padraun hakerek nian. Sistema ne‟e mós esplika ba ita katak
labele hakerek tuir ortografia portugés, ortografia inglés ka ortografia dalen indonézia no mós
keta hakerek tuir dialetu oioin iha Timór laran nia hakarak.

b) Sistema lasala katak fó ba liafuan ida-idak hakerek ida ne’ebé haleno liafuan ne’e nia son.
Sistema ne‟e esplika mai ita katak letra sira ne‟ebé hakerek iha dalen tetun nia laran símbolu ida
haleno de‟it son ida “ letra /s/ “ hosi hakerek liafuan „sosa ‟ son /s/ mak mosu, maibé liafuan
barak mai hosi dalen portugés hakerek ho oin ida, nia son oin seluk n.e. “ casa” signifika uma ,
liafuan ne‟e hakerek ho /c/ nia pronúnsia hamosu son /k/ no mós /s/ hamosu son /z/. Sistema
ida-ne‟e dalen tetun la rekoñese, tanba sistema sira hanesan ne‟e kria hakerek oin ida no hatete
sai oin seluk. Sistema ida-ne‟e mak hanaran sistema fonétiku.

c) Sistema fonémiku katak sinál, símbolu ka fonema idaidak iha nia son
rasik
Liuhosi sistema ne‟e, ita bele hetan esplikasaun klaru katak dalen hotu-hotu iha mundu
raiklaran inklui tetun mós iha estrutura ida-ne‟ebé nakfahe ba fonema ka son báziku oioin.
Hakerek tuir banati fó ba fonema ida-idak sinál ida de‟it. Karik kompara ho dalen portugés ita
uza sistema la hanesan, tanba iha dalen portugés sinál iha son rua. Tan ne‟e sira uza
sistema fonétiku. Liuhosi komparasaun sistema dalen nian badak ne‟e hamosu ona
konseitu ida ba ita atu komprende sistema rua ne‟e nia sentidu.

Ortografia

Ortografia nu‟udar parte ida hosi gramátika ne‟ebé hanorin ho maneira loloos hodi deskreve
liafuan. Área ortigrafia nian mak hanesan: “alfabetu, sinál sira hakerek nian, regra asentuasaun, oinsá
espremi vogál no konsoante sira, derivasaun silábika translineasaun, relasaun fonétika no gráfika
entre liafuan, uza letra maískula hosi hahú fraze, no pontuasaun”.
Ortografia dalen tetun kria hahú iha tinan 1874 hosi Padre Sebastião Maria Aparicio da Silva.
Liu tiha tinan sanulu-resin-lima (1889) mak foin públika obra importante rua ne‟e: disionáriu portugés-
tetun no mós gramátika dalen tetun. Amululik dehan iha nia livru katak tetun oin-ketak ho portugés tan
ne‟e labele hakerek ho lia-portugés nia regra ka nia ortografia. Tanba ne‟e nia halo ortografia ketak ba
lia-tetun. Obra ida-ne‟e sei hatutan husi señór Rafael das Dores iha (1907) no Padre Manuel Patrício
Mendes no mós Padre Manuel Mendes Laranjeira iha tinan (1934). Iha dékada tinan 80 no 90 linguista
timoroan no rai-seluk hadia no dezenvolve tan ortografia ne‟ebé Padre Sebastião hosik hela. Ikus liu
ekipa linguista ida-ne‟ebé serbisu hamutuk ho UNTL nian hala‟o knaar boot hodi prepara ortografia
padronizada. Liutiha tinan 129 hafoin ita uza. Bazeia ba obra ortografia nian ne‟ebé kria hosi Padre
Sebastião, INL dezenvolve sai ortografia-pradraun dalen tetun nasionál no ofisiál.

5
Pozisaun tetun hanesan dalen Franka hahú konsolida dezde husi prezensa Misionáriu sira iha
Timór. Misionáriu sira mós prosede prekosemente hakerek tetun no halo publikasaun sira hanesan
tuirmai: 1).Katesizmu Badak no Orasaun ba Loro-loron – 1907; 2). Rezumu husi Istória Sagrada
Portugés no Tetun – 1908; 3). Dicionáriu Tetun Portugés – 1900 no Portugés Tetun – 1889; 4). Kartilla
Tetun – Portugés – 1916; 5). testu iha tetun ba Literatura orál Timorense – 1961.
Durante tinan 24 iha okupasaun Indonézia nian laran, dalan ofisiál okupante nian mak tau iha
funsionamentu. Hanesan Indonézia bandu públiku uza dalen Portugés, padre sira husik hela uza iha
pregasaun no fó hakat hodi prega tetun. Don Martinho Lopes, Bispu Timór nian, rezolve husu ba
Kongregasaun Ritu nian autoriza atu selebra liturjia iha dalen Tetun. Dioseze Dili harii komisaun ida atu
tradús testu sira, nu‟udar membru ne‟ebé ativu liu mak padre Albertu Ricardo da Silva, Bispu Dili ohin
loron nian, hamutuk ho nia kolega sira konsege kompleta lalais serbisu ne‟e, no aprova tiha husi Roma
iha loron 7 fulan-Abríl 1981; liu tiha ne‟e, iha tempu badak tuirmai Dioseze Dili hanorin hafahe
polikopiadu sira ne‟e ba territóriu tomak no misa hahú selebra kedas iha dalen povu nian ne‟e.

Hatán hasuk sira tuirmai ne’e!


1 Estudante sira koko atu reflete hikas asuntu ne‟e no dehan sai tuir idaidak nia hanoin kona-ba
asuntu ne‟e rasik!
2 Esplika saida mak Ita-Boot sira hatene kona-ba verbu kompleksu ho nia ezemplu sira!
3 Tanba sá mak nasaun ida hanesan Timor-Leste mós tenke kria nia ortografia rasik? Saída mak
nu‟udar razaun fundamental ba asuntu ne‟e!
4 Konta istória ortografia ne‟ebé akontese iha dalen tetun!

Asentuasaun
Asentusaun nu‟udar sinál ausiliár ba prosessu hakerek. Asentuasaun importante tebtebes ba ita bainhira
hakerek fó-biit (tulun-biban) ba liafuan liuhosi hamonu sinál ba sílaba tónika liafuan nian. Atu nune‟e
liafuan ne‟e bele hetan nia pronunsia loloos no hatudu sentidu ne‟ebé ema hotu koñese no utiliza. Dalen
tetun rekoñese sinál ausiliár úniku iha nia siénsia ortografia mak “sinál agudu” ( ´ ).

Pontuasaun
Pontuasaun ne‟e importante tebtebes. Dala barak ita kompreende laloos saida mak ita rejista liuhosi
prosesu hakerek tanba falta koloka pontuasaun para fasilita leitura ba ema seluk. Atu ita kompreende
di‟ak liu tan kona-ba pontusaun sei hare iha oin.

6
Atu ita koñese no komprende kle‟an liu kona-ba parte tolu ortografia nian ne‟e, mai ita halehat
hamutuk asuntu idaidak kona-ba ortografia padronizada iha parte tuirmai ne‟e.

Bee-matan Dalen Tetun


Liafuan sira rihun-ba-rihun be hodi konstróe Tetun Nasionál foti hosi bee-matan rua. Bee-matan ida
mak Tetun-Terik ho naran liafuan kahorik no hosi bee-matan dalen portugés ho naran liafuan luzuzmu.

Bee-matan rua ne’e maka:

Bee-matan Portugés Todak


Materiál, impossivel
povu/reinu, rezolve
para, akontesimentu
signifika, se, insesaun
sobre kapasita kuandu
luzizmu Tetun Meik
kahorik Nasionál
Bee-matan Tetun-Terik

atu, karik, sona, se,


emar, katak, kona-ba
haberan, bainhira, labele, hanorin, hanoin,
haburas
Doras

7
BALUK DARUAK
ORTOGRAFIA PADRONIZADA

1. Estrutura Alfabetu dalen Tetun nian

Alfabetu latinu dalen Tetun emprega sinál ruanulu-resin-hitu hanesan haktuir iha karaik:

A B D E F G H I J K L LL M N Ñ O P R RR S T U V W X Z ‟
a b d e f g h i j k l ll m n ñ o p r rr s t u v w x z ‟
Sinál hirak-ne‟e hanesan mós portugés nian, alfabetu tetun nian emprega letra boot (maiúskula) no
mós letra ki‟ik ( minúskula) n.e. : A/a, B/b, D/d, E/e no seluseluk tan (nst).
Sinál idaidak soi nia naran rasik no hodi hakerek liafuan sira. Haree iha tabela tuirmai ne‟e:
Sinál/símbolu Son Liafuan
A/a Á asu, ahi,amá, apá, papa
B/b Bé barak, boek, basuk, bou
D/d Dé di’ak, doit, doben, dudu
E/e É ema, etu, emak, emar
F/f Efe furak, feto, fulan
G/g gé, gruta, garfu, gaba, goza
H/h Agá han, ha’u, hanoin, halo
I/i Í ida, iha, ikan, ikun
J/j Jota janela, José, jardín
K/k Kapa ko’a, katupa, kakoak,
ku’ak
L/l Ele lori, leba, lalin, lolon, luan
LL/ll elle ka ele kaduak toalla, Jullu, falla, pilla
M/m Eme midar, moris, masin
N/n Ene naroman, naruk, natar
Ñ/ñ eñe ka ene ho til Juñu, mañozu, maña
O/o Ó otas, ohin, oras, osan, okos
P/p Pé papa, presu, portaun, posu
R/r Erre rona, rahun, rai, risku
RR/rr erre kaduak korreiu, sigarra, sigarru
S/s Ese sukat, sura, suru
T/t Té tetun , tetu, tanis
U/u Ú uma, udan, ulun, uhi
V/v Vé vidru, vazu,
W/w Vé kaduak wee,
X/x Xis Xave, xefe, xinelus
Z/z Zé uza, meza, dezenvolve
’ kapa-tatolan Ha’u, de’it, na’i, na’in

8
Alfabetu latinu tetun ne‟e fahe ba parte haat hanesan tuirmai ne‟e :

 Konsoante iha grafia sanulu-resin-hitu:

B D F G H J K L LL M N P R RR S T V W X Z

Konsoante sira-ne‟e sei fahe ba grupu rua tuir ninia orijinalidade/proveniente;


Konsoante kahorik : B D F H K L M N R S T

Letra Iha liafuan


B ba, baliu, bani, banin, bele, be, bee, bosu, boot, bubu, buras, buti
D da‟an, dame, delek, dikur, duir, durubasa,
F fali, faru, feto, fini, furak
H han, ha‟u, hemu, hira, hitu,
K kadunan, kalan, kesi, kle‟an, karuk, kotuk, koi, kose, kuana, kumu
L lanu, laran, lemo, leba, lia, liman, losu, lotuk, luan, lolon, lulun
M mama, malus, masin, me‟ar, metan, mii, mihis, mós, moos, mutin
N naan, na‟an, naruk, naran, nata, ne‟e, nehan, nonook, nurak
R rai, rasa, rahun, reta, resin, roo, roman, ruku, ruin,
S sai, selu, seluk, sena, simu, sinu, sosa, sura, susu, sunu
T ta‟a, taha, tesi, tesik, tetak, tiha, tinan, toba, tolok, tuur, tuir, tuu
W wee, wa‟in,

Konsoante luzizmu : G J LL P RR V X Z

Letra Iha liafuan


G gaba, gruta, garfu, governu,
J janela, jardín, jornál, juís, jurista, julgamentu
LL falla, illa, toalla, jullu, kartilla, repollu
P papa, papá, paun, padraun, patraun, posu, podér
RR korreiu, derrota, karreta, sigarru
V vaga, veíkulu, vidru, viziñu, vota,
X xá, xave, xinelus
Z zero, bandeza, dezenvolve

9
 Vogál iha sinál lima :

A E I O U

 Símbolu iha sinál rua:

Ñ => símbolu nazalítiku


luzizmu akompaña, testemuña, maña, mañozu, atéamaña, juñu

‟ = kapa-tatolan => símbolu glotál (okluzivu glotál)


kahorik da‟an, di‟ak, fa‟an, hadi‟a, ki‟ik, kna‟ar, ku‟a, kle‟an, maka‟as

 Dígrafu iha sinál rua:

LL ho RR, dígrafu rua ne‟e nu‟udar dígrafu luzizmu mai hosi dalen (portugés).

Nota observasaun nian:


Letra ka alfabetu sira [C], [Q], [W] no [Y] ne‟ebé la uza iha dalen Tetun ne‟e, la‟ós bandu totál
maibé ba liafuan termu espesífiku no ema nia naran ho karatér estranjeiru ka internasionál sei uza.

Ezemplu :
[C] [Q] [Y] [W]

Carmelinda Q = kuantidade kalór Y = matematika Washintong


Crisogno IQ = intelligence quotient Yamaha Welintong
Cm Q = uza iha área Mat. Mulyana Kilowot
Dcm Aqua Microsoft Word (WS)
da Costa Aquilis Geoffrey Wiski
Cl Viqueque Okey Newzealandia
Coreia Royal Webside
Toyota Norwegia

Sistematika alfabetu dalen tetun nu‟udar padraun nia sekuénsia hanesan naktuir iha leten.

10
2. Asentuasaun
Hanesan ita hotu hatene katak iha dalen portugés rekoñese sinál asentuasan haat:
^ (sirkunfleksu),
` ( grave),
´ (agudu).
~ (til),
Asentuasaun hirak-ne‟e, iha dalen tetun adota ida de‟it, mak asentu agudu { ’ }. Ho hahesuk ida-
ne‟e hamosu lia-husuk katak oinsá kona-ba asentuasaun seluk ne‟e. Asentuasaun ~ (til) ba dalen tetun la
uza hodi tau iha vogál dadan nia leten, maibé uza iha /n/ nia leten hodi hatudu símbolu ñ nazalítiku.
Alénde ñ (til) asentu sirkunfleksu muda ba asentu agudu { ’ }, no asentu grave hodi halo kontra asaun
entre artigu definidu no prepozisaun iha tetun lalakon tiha de‟it, tanba tetun la rekoñese artigu definidu
/a/ ho propozisaun /a/.

3. Pontuasaun
Parte importante ida mós iha ortografia mak pontuasaun. Pontuasaun nia prezensa fó pauza ba
liafuan, periodu, fraze no parágrafu atu hetan sentidu kompletu ida. Bazeia ba importánsia ne‟e ita buka
atu koñese pontuasaun nia símbolu no nia naran. Haree tabela tuirmai ne‟e:

Símbolu Naran
. Pontu
, Vírgula
; pontu ho vírgula
: pontu rua
? tadak-mahusuk
! tadak- hakfodak
?! tadak mahusk no hakfodak
_ travesaun ka ifen
<< “ loke aspas
>> ” taka aspas
( loke parenteze kurvu
) taka parenteze kurvu
[ loke parenteze retu
] taka parenteze retu
… Retisénsia
/ ka ou barra

Sinál pontuasaun sira ne‟e indika kona-ba, pauza boot ka naruk mak pontu, no pauza badak hodi
la‟ó tutan mak vírgula no pontu ho vírgula. Sinál pontuasaun sira seluk asosia liu ba entonasaun fraze
nian hanesan: pontu rua, travesaun, tadak mahusuk, tadak hakfodak, retisensia no parenteze sira.

11
Ponto (.)
Indika pauza boot ida. Uza iha finál fraze, signifika katak saida mak ita pretende ko‟alia ne‟e kompletu
ona.
a) Ami hemu hotu ona [.]
b) Fitun kalan nian iha tempu rai-udan, laiha rumór ida, asu sira mak hatemi iha kintál laran [.]
Deskute iha to‟o matan-dukur. Rona ba, iha kalan nia rohan, ko‟alia mesamesak, nu‟udar
desertu hodi hetan liafuan dahikus [.]

Vírgula (,)
Vírgula indika pauza ki‟it hosi pontuasaun. Hetan iha interiór fraze nian, hodi hafahe orasaun ka nia
elementu sira.
c) Ami hakarak hemu tan[,] maibé tua mak la iha tiha ona.

Uza mós hodi halo inumerasaun sira ba liafuan ka espresaun ne‟ebé dezempeña funsaun hanesan iha
fraze, bainhira la iha ligasaun hosi konjunsaun no, ka, laiha:
d) Amá ba inaugura loja ho karregamentu dahuluk hosi kintál: kouve, alfase, manu, manu-tolun
no ai-fuan.

Uza hodi separa modifikadór sira, bainhira mosu antes ba sujeitu:


e) Semana hirak liu ba, kolega sira ba vizita ami.

Uza hodi separa fraze ka parte fraze nian bainhira enkaixa fraze seluk:
f) Iha rai-udan, hanesan rai nakukun sedu liu, halakan lampu minarai nian.

Pontu ho vírgula [;]


Hatudu pauza boot liu vírgula nian, maibé ki‟ik liu pontu finál.

Uza pontu ho vírgula atu haketak orasaun koordenadas ka subordinadas iha nia natureza rasik, ne‟ebé
konstitui enumeresaun estensu ka naruk ne‟ebé tau pontu ho vírgula iha klaran.
g) Ita tenke halo preparasaun ba buat oioin [;] ...

Uza espresivamente iha fraze badak sira, marka serteza ida ba separasaun entre elementu orasaun nian
ka fraze.
h) Sobriña la haree karta sira ne‟e [;] maibé bele repara iha nia mata-been
kompasiva iha feriadu.

Pontu rua (:)


Emprega hodi indika situasaun sira:
i) Rádiu hateten [:] “ Prezidente Repúbika Timor-Leste responde
negativamente ba apelu ex. majór Alfredu.”

Hodi aprezenta enumerasaun sira:


j) Manisfestasaun kulminante nu‟udar mentalidade koletiva povu ida
nian mak[:] polítika, morál, relijiaun.

12
Serve hodi introduz diskursu diretu:
k) Katuas doko ulun iha tempu ne‟ebá no hakotu hodi dehan:
- Parese ha‟u iha razauan, señór Mauleki, hanesan baibain. Iha ne‟ebá
kazu ne‟e karik ita hotu iha juízu, se nia la mai ba tempu to‟o ona.

Bele mós introduz esplikasaun ida ka komentáriu ida:


l) Murak ne‟ebá hanesan ahi: dook haree lahetan, besik ahi han tiha.

Tadak hakfodak (!)


Emprega ba fraze ka liafuan hakfodak nian. Bele esprime variadu sentimentu, hanesan admirasaun,
entuaziazmu, ironia, dúvida, moras, nst:
m) Imi keta hanoin aat ba mestre sira [!]
n) Karik ba ! Entaun aban ami hein.

Tadak mahusuk (?)


Emprega iha lia-husuk sira no hahusuk direta:
o) Timór tomak hamutuk distritu hira[?]
p) Sé mak seidauk mai [?]
q) Sira-ne‟e mai hosi ne‟ebé [?]

Tadak mahusuk no hakfodak (?!)


Emprega tadak mahusuk no hakfodak nu‟udar prosesu ida ne‟ebé uza iha tempu hanesan, karik
espresaun ne‟e nu‟udar pergunta no emosaun:
r) Kontrabandu [?!] Ba ema hotu [?!] Rai sira ne‟e, ba agrikultura?
s) Ema ne‟ebá halo saida [?!] – husuk ba ó-nia maluk karik sira iha responsabilidade ba
eskritóriu?!.

Travesaun (-)
Uza hodi haketak determinada orasaun, espresaun ka liafuan ne‟ebé karik koloka iha destake ka aparte:
t) Ha‟u liu hosi kampu, iha lorokraik fulan-Fevereiru [-] lorokraik nabilan ne‟ebé nu‟udar
típika área rurál nian [-] ha‟u lori ho oan feto, ne‟ebé nu‟udar kriatura.
Emprega iha deskursu diretu, hodi introduz liafuan no haketak liafuan sira diskursu indiretu karik
interkala:
u) – Oh, señór bele fó volta ba ne‟ebá Ita-Boot hakarak. Ida-ne‟e - akresenta hanesan jeitu
partikulár – no só ba ema entranjeiru sira.

Retisensia (…)
Indika ba algu ne‟ebé hela hosi ko‟alia. Suspensaun ne‟e bele signifika ezitasaun, dúvida, amargura,
ironia ka sentimentu sira seluk:
v) Luiza konsidera ho mata-been relembra sira:
- Tanba ne‟e nia ladún kontente hosi ne‟‟ebá […] La‟ós sira hotu
atu nune‟e
x) - Nem hotu […] la‟ós sira hotu […]- estrajeiru sira dehan mosu iha sira
oin alegria boot hosi dúvida.

13
Ifen (-)
Uza hodi:
z) Liga liafuan rua hodi bele konstirui liafuan única ida de‟it, ho sentidu foun
ida (naran kompostu).
- midar-siin, dekretu-lei, loron-Segunda, fulan-Janeiru nst.
- sanulu-resin-lima, da-4
a) Liga pronome no enklítiku sira ne‟ebé sei tuir ba substantivu:
- Ha‟u-nia hahán iha ne‟ebé.
b) Liga naran sira ne‟ebé se kombina designasaun ba país nian:
- Dili nu‟udar kapitál Timór-Leste.
c) Liga verbu rua sai verbu maktulun ida.
- fó-hatene, fó-sai, dehan-sai, nst

Parenteze kurvu ( )
Serve atu izola elementu fraze nian ka fraze ida ne‟ebé iha sentidu hanesan:
d) Ami visita Monas (Monumentu Nasionál)
e) Sira muda ba Baukau Kota Baru (parte ki‟ik ida husi sidade Baukau)

Parenteze retu [ ]
Serve hodi indika suspensaun testu sitasaun nian […]. Halo suspensaun ida-ne‟e hodi bele habadak
sitasaun, elimina tiha balun ne‟ebé konsidera ladún importante.

Serve mós hodi indika sitasaun ruma, ida ne‟ebé nu‟udar citasaun introduz esplikasaun ida ka
komentáriu ida:
f) Entre interesse barbarak no realizasaun Leonardu [artista no sábiu
italianu: 1452 - 1519 ] no pintura, no eskultura …

Aspas << >> ka “ ”


Koloka iha inisiu no iha dahikus fraze ka liafuan ne‟ebé nu‟udar sitasaun husi
kontestu seluk:
g) - Ema hotu dehan “Hori uluk hori wa‟in timór asu wa‟in nanis”.
h) - Ema hateten sira mesak “na‟ok-teen”
i) - Biblia hateten: << Laiha asasinu iha fatin ne‟ebé komete krime>>

14
II. SÍLABA NO LIAFUAN OIOIN

1. Formula sìlaba nian

Sílaba nia fórmula bazeia ba estrutura fonema nian ne‟ebé forma liafuan no fahe tuir regra sílaba
nian hanesan iha karaik ne‟e:

d) V = a-as, a-su, ku-a-na, li-a-fu-an, ha-la-i, ó


e) VK = an, bu-at, na-an, fu-an, da-’an, a-vi-a-un
f) VKK = abs-tra-tu, ins-ti-tu-tu, ins-tin-tu, obs-tá-ku-lu
g) KV = mo-tuk, ma-ran, la-le-tek, ka-ma, ka-ruk
h) KVK = ko-tuk, ka-rik, hak-ma-tek, fu-nan, a-ban
i) KKV = kma-nek, kbu-nus, kso-lok, kna-’ar, ha-kla-ken
j) KVKK = kons-tan-ta, kons-ti-tu-i-sa-un, kons-pi-ra-sa-un
k) KKVK = trán-..., tran-..., re-flek-..., kom-plek-su
l) KKVKK = trans-...,

2. Sílaba

Sílaba katak liafuan sira-ne’e nakfahe ba letra lubun rua ka liu. Ezemplu liafuan ‘ taka ’ nakfahe
ba sílaba rua ta - ka no liafuan konteúdu nakfahe ba sílaba haat kon-te-ú-du.

Tuir ninia karaterístika sílaba rua, ne‟ebé hanaran sílaba loken no sílaba takan. Sílaba loken katak
liafuan sira-ne’ebé nakfahe ba sílaba sira ho ninia letra ikus hotu ho vogál ka nakloke hela ho vogál.
Ezemplu:

bele = be-le
hatene = ha-te-ne
estuda = es-tu-da
baliu = ba-li-u
soletra = so-le-tra
korru = ko-rru
fali = fa-li

Sílaba takan katak liafuan sira-ne’ebé nakfahe ba sílaba sira ho ninia letra ikus hotu ho konsoante
ka taka ho konsoante. Ezemplu:

karik = ka-rik
kontente = kon-ten-te
kotuk = ko-tuk
kestaun = kes-ta-un
bateria = ba-té-ria
matak = ma-tak
makdalek = mak-da-lek

15
investimentu = in-ves-ti-men-tu
kazamentu = ka- za-men-tu
badinas = ba-di-nas nb: sílaba subliña sira mak nu’udar sílaba takan

Tuir ninia kuantidade, sílaba sei fahe ba oin tolu :

Monosílaba katak liafuan sira labele nakfahe ba sílaba rua , maibé ida de’it. Ezemplu:
bá,
bár,
jís,
fó,
pás,
sé,
krús,
súl no seluseluk tan (nst).

Disílaba katak liafuan sira ne’ebé nakfahe ba sílaba rua.


Ezemplu:

kafé = ka-fé
maun = ma-un
futu = fu-tu
taka = ta- ka
de’it = de- ’it
ki’ik = ki-’ik
to’o = to-’o

Polisílaba katak liafuan sira-ne’eb’e nahfake ba letra lubun ka sílaba tolu ka liu ou sílaba tolu ba
leten.
Ezemplu:
Kanadá = Ka-na-dá
nadodon = na-do-don
loriku = lo-ri-ku
partikular = par-ti-ku-lár
investimentu = in-ves-ti-men-tu
surealizmu = su-re-a-liz-mu
klasifikasaun = kla-si-fi-ka-sa-un
Maukatar = Ma-u-ka-tar
kakatua = ka-ka-tu-a
Babilónia = Ba-bi-ló-ni-a

16
3. Sílaba Tónika
Tuir sílaba tónika, mak liafuan sira iha dalen Tetun sei fahe ba oin tolu (3); liafuan todak
(paroksítonu), hanehan iha sílaba daruak hosi kotuk, ne‟e nu‟udar asentu regulár, mak la presiza tau
asentu.

Liafuan meik (oksítonu) no liafuan doras (proparoksítonu), nu‟udar asentu irregulár, mak tenke
tau asentu hodi hanehan ho sotake. Liafuan meik (oksítonu) hahehan iha vogál dadan sílaba dahikus hosi
kotuk. Maibé, liafuan doras (proparoksítonu) hanehan iha vogál dadan sílaba datoluk hosi kotuk. Atu
hakonkreta ita-nia hanoin kona-ba ne‟e, mai ita halehat liafuan sira iha lista tabela karaik ne‟e:

Todak Meik Doras


bola xá demokrátika
se sé étniku
no nó polítika
ba bá sientífika
foos bár rádiu
boot jís mínimu
be fó minúskula
bee pás maiúskula
aat vés ensiklopédia
loos krús advérbiu
riin súl ezijénsia
hariis kafé agríkula
kabas pesuál farmásia
kabaas nasionál médiku
san internasionál estómagu
knaar sinál filózofu
janela partikulár jinástika
kadernu singulár válidu
libru manán inválidu
lapis sasán gráfiku
meza jardín núkleu
kadeira infantíl Áfrika
rate vogál Ázia
uma formál matéria
masin informál eskritóriu
paun señór armáriu
dosi sinál misionáriu
rebusadu mandadór semináriu
sana kantór aniversáriu
kanedok apagadór gramátika
faru eskritór tendénsia
kalsa kobradór independénsia
kalsaun la‟ós karaterístika
kamizola maibé símbolu

17
antigu ne‟ebé kurríkulu
baze portugés sékulu
bazeia inglés múzika
mudansa fransés intervokálika
muda tradús depózitu
trava satisfás esperiénsia
kareta kondús biolójika
kuda portavós kímika
karau deziguál fízika
bibi soké atómika
manu kualkér kámpara
fahi ladún kámara
samea jornál gráfika
laho nanál sumáriu
busa nazál pronúnsia
rusa glotál influénsia
lima kardinál nazalítiku
neen manuál glotáliku
sanulu anuál númeru

Asentuasaun tuir ninia ezisténsia nakfahe ba oin tolu:

a). Penúltima = paroksítonu = todak nu‟udar asentu regulár, signifika asentu ne‟e tuir regra ortografia
tetun-padraun nian, purtantu lalika tau asentu ba iha vogál sílaba dadan nia leten. Vogál dadan ne‟e
iha sílaba daruak hosi liafuan ne‟ebé hakatak ba. Liafuan sira be klasifika ba todak mak liafuan sira
be ho sutake emar timór tomak; beik, matenek, ferik, katuas, ki‟ik no boot sira hotu uza.
Ezemplu :
ai
aman
asu
aten
bandu
bola
bosu
dada
dukur
faru
fatuk
fuan
garfu
gruta
hariis
haruus
hirus
hamnasa
laran

18
labarik
lalika
mana
maun

b). Última = oksítonu = meik nu‟udar asentu irregulár iha dalen tetun, purtantu tenke tau duni asentu ba
iha vogál dadan nia leten. Meik ne‟e asentu iha sílaba ikus liu hosi liafuan sira be ko‟alia sai ba.
Ezemplu:
pás
vés
krús
súl
kafé
pesoál
nasionál
internasionál
sinál
partikulár
singulár
manán
sasán
jardín
infantíl
vogál
formál
informál
señór
sinál
mandadór
apagadór
eskritór
kobradór
la‟ós
maibé
ne‟ebé
portugés
infertíl
fransés
satisfás
kondús
portavós
jornál
jenitál
hatún
hahán
bebé, papá

19
c). Antepenúltima = proparoksítonu = doras nu‟udar asentu irregulár mós. Asentu irregulár ne‟e tau
iha vogál dadan sílaba datoluk hosi kotuk iha liafuan sira be espresa sai ba.
Ezemplu:
ádipe = balada sira-nia bokur
áditu = fatin sekretu, segredu
áfilu = tahan laek, ai-moris lahó tahan
ájenu = ema ne‟ebé la iha jerasaun
ájinu = plantasaun ka ai-moris sira ne‟ebé la iha orgaun femeninu.
álibi = mosu iha fatin ketaketak ne‟ebé hamosu krime ruma
alkólika
alójiku = lahó lójika
biolójika
antibiótiku
étniku
klínika
sientífika
urinária
mínimu
minúskula
maiúskula
ensiklopédia
kalkáriu = moras iha urinária maibé laiha konsekuésia ba parte seluk ka daet
ezijénsia
agríkula
farmásia
médiku
estómagu
glándula = parte li‟ur penis ninia
independénsia
karaterístika
símbolu

20
Liafuan tetun eruditu no korrente (kahorik ka Luzizmu)

Liafuan tetun Liafuan tetun Bainhira uza sala


eruditu/kahorik korrente/luzizmu
Atu para para atu
bainhira kuandu bainhira kuandu
labele imposível labele imposível
lia/problema asuntu/problema problema asuntu
namka‟it relasaun namka‟it relasaun
mamosuk akontesimentu mamosuk akontesimentu
sasuuk karakter sasuuk karater
hakotun desizaun hakotun desizaun
hamata resolve hamata rezolve
haksoruk opoin haksoruk opoin
makerek eskritór makerek eskritór
makerek riskadu makerek riskadu
karik se se karik
harii forma forma harii
sona insesaun insesaun sona

IV. Uza sinál okluzivu glotál ka kapa-tatolan

Kapa-tatolan importante tebtebes uza hodi hakerek no bainhira atu dehan sai liafuan ne‟e nia
son. Nia prezensa hodi destingi liafuan nia hakerek nia forma, nia son no nia sentidu. Tan ne‟e kapa-
tatolan importante tebtebes atu hato‟o ba formandu sira katak uza bainhira de‟it presiza ba
determinadu liafuan tetun nasionál ne‟ebé mai hosi tetun-terik.

ba‟i => Buat ne‟e tau ba ba’i hela de‟it [la aserta = dezvia].
ba‟inó => Hahalok ne‟e hatudu ba ema ba‟inó sira-nian.
da‟an => Daun ne‟e da’an tiha mak sona fali ba ema seluk.
da‟et => Tanba asaun seksuál livre, HIV da’et ba bebeik.
de‟it => Mak ne‟e de’it liafuan ami hato‟o ba Ita-Boot sira.
de‟ut => Keta de’ut malu demais, bá buka serbisu ruma ka...
di‟ak => Di’ak loos, ó kala ......!
du‟ut => Nu‟usá mak du’ut buras mai to‟o iha uma tatís?
fa‟an => Fa’an sasán iha ninia fatin tuir regra komun.
fo‟er => Favór ida, soe fo’er ba iha ninia fatin.
ha‟u => Dadaun ne‟e ha’u sei hanoin todan hela.
hana‟i => Bainhira hana’i Maromak ho loloos!
hana‟in => Ne‟e empresta ba imi, la‟ós atu hana’in.
ka‟it => Tiu, ka‟it lai haas ida atu han, tanba ......
ke‟e => Nia ba to‟os atu ke’e ai-farina mak hetan susar.
ki‟ik => Ohin loron sei ki’ik sira mós halo rai nakdoko.
kna‟ar = serimónia => Kna’ar inaugurasaun liubá ne‟e rame sá!
ku‟a => Ku’a ema-nia oan-nia husar didi‟ak ee...!

21
ku‟ak => Tenke halo duni, tama ona rai-ku’ak lae ona.
ku‟u => Imi-nia saida mak ladi‟ak be ku’u ita bebeik!
la‟a => Mai ita la’a ona, oras to‟o ona.
la‟o => La’o bá eskola, bá loloos eskola ee...!
la‟ós => La’ós ida sá! Nia mak hakarak tuir bebeik ha‟u.
la‟en => Feto labele la’en kaduak!
lala‟ok => Programa ne‟e nia lala‟ok ladún susesu.
lali‟a => Imi-nia lali’a mak la iha ka nu‟usá?
lale‟u => Toalla ne‟e halo lale’u hodi tutur bee.
le‟un => Fiu ne‟e hamutuk le’un hira?
lorosa‟e => Ó fiar lorosa’e sira-ne‟e!
lu‟ut => Manu-inan lu’ut loron hira ona?
maka‟as => Butamak ne‟ebá mós maka‟as sá!
na‟an => Hakarak han na’an saida?
na‟i => Na’i, fó perdaun mai ami maksalak sira!
na‟in => Keta book, ninia na’in iha tiha ona.
namka‟it [relasaun] => Kazu ne‟e namka’it ho kazu ida uluk nian.
ne‟ebá => Keta halo tuir sira ne’ebá!
ne‟ebé => Maun maihosi ne’ebé?
ne‟e => Favór ida fó surat ne’e ba prima ne‟ebá!
ne‟eduni => Tanba problema bebeik, ne‟eduni lalika rona tan
nune‟e => Agora kedas halo esforsu, nune’e to‟o tinan haat hotu
sa‟e => Maun sa’e nuu ida ba ita henu nia bee!
sa‟en => Maske ra‟ut bebeik maibé masin nia sa’en ne‟e la para
ta‟a => Kanek ne‟e ema mak ta’a ka saida mak kona?
ta‟es => Hei ..., xá ne‟e ta’es momoos ee!
ta‟uk => Keta ta‟uk sá! Nia halo finji de‟it

Liafuan sira-ne‟e nu‟udar liafuan ho kapa-tatolan, tanba bainhira ko‟alia sai liafuan sira-ne‟e,
tarutu ou nakbelit iha nanál hun besik ba garaganta laran. Se ema Timór ida mak ko‟alia ninia son la
hanesan hakatak iha leten, ne‟e katak sala, tanba la tuir regra Tetun-padraun kona-ba regra sonora ka
lian ninian.

Tuirmai ne‟e liafuan sira hanesan, só bele distingi ho kapa-tatolan ho nia sentidu. Maske nune‟e
ema Dili bele dehan sai hanesan de‟it. Liafuan sira tabela tuirmai ne‟e iha liman loos la ho kapa-talolan
no keta konfundi ho liafuan pár iha tabela liman-karuk tuirmai ne‟e.

Liafuan ho Nia sentidu Liafuan lahó Nia sentidu


kapa-tatolan kapa-tatolan
ba‟a monu bá la‟o
ba‟i hadore bai aman
ba‟in barak bain tempu
bi‟it sisi biit forsa, beran
bo‟a tiha/dai boa fohorai malae
bu‟an monu ba rai buan ema-si‟ik
da‟an nono/tein hudi-daan hudi-sasuit

22
di‟ik ninin; lita ai-diik ai oin ida
fa‟i buka fai tuku, harahun
fu‟i apita fui fakar
ha‟a ah haa Han
ha‟ak dehan bua-haak Bua nia balun ida
ka‟an hakon kaan hakarak duni
ka‟er hasai hurin kaer toma
ka‟i ka‟it kai barak
ka‟it hakail kait kamarua
kaka‟ik kail oan ida kakaik kamarua
ke‟e halo kuak kee hakee
ki‟ak ai oan ida kiak mukit
kna‟ar ukur knaar serbisu; tarefa
nafu‟a fisur mosu nafua fó fuan
so‟i merese soi Iha
so‟ik meresedór soik karik, dala ruma

V. Vogál ida ka rua

Vogál rua oin-ida ne‟ebé rabat malu iha liafuan todak ida baibain mai hosi:

1). vogál rua oin-ketak iha tetun antigu, nakfila na tanba evolui tuir tempu, vogál rua
oin-ketak sai fali vogál oin-ida, hanesan ezemplu naktuir mai ne‟e.

Tetun antigu Tetun modernu

* foas sai fali foos

*boat sai fali boot

*wai sai fali bee

2). Vogál oin-ida rabat malu bainhira konsoante ida lakon tiha hosi tetun antigu. Prosesu konsoante
lakon ne‟e mai hosi natureza tanba evolusaun dalen nian tuir dezenvolvimentu no ezijénsia
sosiedade nian hodi responde nesesidade teknolojia.

Tetun antigu Tetun modernu

* aqat sai fali aat

* loRos sai fali loos

* diRi sai fali riin

* hadiRu sai fali hariis

23
* sawan sai fali saan

* klawal sai fali knaar

Vogál rua oin-ida de‟it maibé tuur iha sílaba rua ketaketak: fo-os, be-e, hari-is. Ita labele trata vogál rua
oin-ida ne‟e sai vogál ida de‟it.

Bazeia ba evolusaun hosi tetun antigu ba tetun modernu, liafuan oioin tetun nian sei hakerek ho vogál.
Dala barak sala hakerek, tanba hakerek tuir idaidak nia gostu ka tuir dalen seluk nia ortografia.

Liafuan todak ho vogál rua mak hanesan tuirmai ne‟e:

aa
aas haat naan aat

kaan raan ai-daak saan

dahaat kabaas taa haas

faak kmaan laan kabaas

kaan-teen fetosaa no seluseluk tan

ee
bee haree naklees beek

habeen neen been prevee

dadeer kokoteek reen lee

tee feen meer sees

lees hadeer teen susubeen


kokoreek kokoteek beek morteen leet
no seluseluk tan

ii
abii hariis manu-liin riin

hamiis harii ramiis siin

liis iis mii hamiis

24
habiit mamiik kamii kbiit

no seluseluk tan

oo
boot dook loos moos

haboot hamoos loloos momoos

emboot matroos natoon kloot

hadook homrook look natoon

lia-loos kadoo kloot foos

laloos no seluseluk tan.


uu
uut tuur fuuk nuu

hatuur manu-knuuk kakuun mauhuu

huun duun ain-tuur suut

luun no seluseluk tan

Atu bele hakerek ho di‟ak no loloos keta konfunde ho liafuan sira seluk ne‟ebé mai hosi dalen portugés
no dalen malaia, hanesan tuirmai ne‟e:

be (yang) ~ bee (air)

hare (padi) ~ haree ( melihat)

lan (bulu domba) ~ laan (layar)

mas (tetapi) ~ maas (menguap)

mós (juga/ também) ~ moos (bersih/limpo)

mihis (tipis) ~ miis (basi)

sin (ya/ oke) ~ siin (asam)

25
VI. O ka ditongu ou

Ditongu
Ditongu katak son ida ne‟ebé hakohak vogál rua iha liafuan balu maihosi portugés, hanesan:
(OU).

Regra 1
Liafuan portugés hotu-hotu ho ditongu OU ne‟ebé tama ba tetun hela ditongu ne‟e iha ortografia
padronizada:

doutór matadouru
doutora mouru
doutoradu outonu
doutrina poupa
kalabousu pouzada
kouve roupa
krioulu toukadór
lousa louva
louvór xourisu

Hakerek inkluzivu, katak timoroan balu bele dehan sai ditongu OU ne‟e, hanesan iha lia-portugés,
balu fali dehan O.

Regra 2
Liafuan kahorik ka rai-na‟in nian tenke hakerek ho OU bainhira vogál rua ne‟e katuir ou
sekuénsia ida ne‟ebé forma sílaba rua:
inalou foufoun
bou hafoun
foun mout
hamout

Regra 3
Pseudu-fonema (fonema-bosok) ka alofone OU Tetun-Terik nian sai fali vogál O iha Tetun-
Prasa/Nasionál. Ditongu OU ne‟e ita rona beibeik iha Tetun-Terik nia dialetu hirak (mouris, sourin,
hasouru, lousu), maibé ditongu ne‟e la halo parte Tetun-Nasionál nia estrutura bázika.
Ezemplu:

Tetun-Nasionál Tetun-Terik
dadolik dadoulik
doku douku
hahoris hahouris
hanorin hanourin
hori, horiuluk houri, houriuluk
horik hourik
horun hourun
hosi ka husi housi ka husi

26
lolit = soe halo nakduir iha rai loulit
lori louri
losu lousu
mohu mouhu
molik moulik
morin mourin
moris mouris
sorin sourin
soruk souruk
tohu touhu

Ditongu hosi Portugés

Ditongu hosi portugés ne‟ebé adota mai iha dalen tetun maka (AI, EI, OI, UI, AU, EU, OU). Atu
distingi katak liafuan kahorik mout no luzizmu roupa soi estrutura lahanesan. Maske liafuan rua ne‟e
fahe hotu ba sílaba rua, maibé ninia estrutura sílaba maka lahanesan;
Kahorik: mout > mo-ut
beik > be-ik
hameik > ha-me-ik
hein > he-in
seidauk > se-i-da-uk
meik > me-ik
foufoun > fo-u-fo-un

Luzizmu Janeiru > Ja-nei-ru


kadeira > ka-dei-ra
roupa > rou-pa
torneira > tor-nei-ra
kauza > kaú-za
proveitu > pro-vei-tu
feudu > feu-du
kaixa > kái-xa
fauna > fáu-na
apoiu > a-poi-u
mongoloide > mon-go-lói-de
Letra /o/ ka /ou/

/O/ > /o/ solitária = mesak nafatin /-o/


la‟o, la‟ós, hodi, borus, bosok,
oras, soi, mós, monok, no, nó, ona
oioin, Timoroan, pronúnsia, konsoante nst.

> /o/ naruk ka /o/ kaduak tuituir malu mosu iha liafuan ida :

27
book, boot, dook, emboot, foos, haloot, hamrook, loos, loloos, moos, laloos,
matroos, natoon, reen-toos nst.

> /o/ ditongu ou ho son [o].


Doutór, doutora, kalabousu, kouve, krioulu, louva, louvór.

VII. Letra Monok

Letra sira ne‟ebé sempre monok iha alfabetu dalen portugés adota mai tetun mak tuirmai: /C/, /H/
no /P/. Bainhira muda ba tetun halakon tiha grafema ida lian-laek sira ne‟ebé mensiona iha leten
hanesan naktuir iha ezemplu.

Portugés tetun

habitante abitante
harmonia armonia
habitante abitante
habilidade abilidade
horário oráriu
hospital ospitál
hotel otél
acção asaun
actividade atividade
reacção reasaun
direcção diresaun
eléctrico elétriku
adopta adota
baptista batista
baptismo batizmu
Egipto Éjitu

Formasaun Liafuan

Haree hosi aspetu kuantidade liafuan nian, ita klasifika liafuabn sira ne‟e ba grupu rua hanesan
naktuir mai ne‟e:

A. Formasaun liafuan kahidak;


Formasaun liafuan kahidak signifika liafuan ida mak hamriik mesak ho sentidu ida no refere ba
objetu ida.
Ezemplu:
- fatuk,
- besi
- rai
- uma,
- etu

28
- ta‟a
- taha
- kanuru
- bikan
- kanedok
- kabasuk
- salurik
- nádega
- étniku
- kurríkulu
- hamoos
- pasta

Formasaun liafuan kompostu = katutan, katetek ka kadoel


Formasaun liafuan kompostu signifika forma lianfuan rua ho ifen (-) mak sai liafuan ida de‟it ho
sentidu ida no refere ba objetu ida.
Ezemplu :
- masin-midar
- masin-meer
- faru-mutin
- bikan-fatuk
- fuuk-naruk
- ulun-molik
- livru-tuan
- uma-du‟ut
- ida-ne‟e
- manu-tali
- kuda-tali
- fuan-kanek
- laran-kanek
- ain-aat
- régua-ai
- bikan-fatuk
- sana-fatuk
- hirak-ne‟e
- ai-fuan
- ai-funan
- ai-daak
- ai-sanak
- ahi-klaak
- ahi-matan
- ai-tarak
- ain-tuur
- ain-tuba
- liman-fuan
- liman-sikun

29
- liman-tane
- manu-tali
- manu-ain
- bibi-ain
- tali-husar
- husar-ku‟ak
- fuuk-mean
- fuuk-mutin
- fuuk-kribun
- fuuk-naruk
- na‟an-uat
- na‟an-ruin
- na‟an-rahun
- na‟an-sona
- na‟an-maran
- na‟an-tokir
- na‟an-dois
- bola-baskete
- polísia-feto
- rai-aas
- rai-bokur
- rai-kle‟an
- rai-inur
- rai-henek
- rai-fuik
- rai-ku‟ak
- surat-kalén
- surat-kontratu
- tanis-teen
- Tasi-Timór
- tasi-mane
- tasi-lidun
- tuuk-oan
- tua-mutin
- tudik-tahan
- ulun-boot
- ulun-bulak
- ulun-fatuk
- ulma-han
- uma-justisa
- uma-lulik
- uma-kakuluk
- vidru-tahan
- xapa-matríkula
- xave-fatin
- xave-metin

30
- xina-oan
- xina-uma
- xumasu-hako‟ak
- xumasu-ár
- xokolate-moruk

IX. Bainhira mak atu uza letra w

Grafema w la hola parte iha tetun-prasa nia estrutura. Iha tetun antigu no tetun- terik koñese
konsoante w (wé) nia nakfilak ba B iha tetun-nasionál. Mudansa ida-ne‟e mosu iha sékulu da-18 liu ba.
Malae mutin sira no makdalen tetun-terik hakotu ona diferensa entre tetun-terik no tetun-prasa ka tetun
nasionál hanesan naktuir iha kuadru tuirmai ne‟e:

Tetun-terik Tetun-nasionál
Tetun-terik uza grafema W Tetun-nasional uza grafema B
Iha verbu ho nia fleksaun Iha verbu maibé la ho fleksaun
La hetan influénsia husi dalen seluk Hetan influénsia husi dalen portugés
Seidauk dezenvolve Dezenvolve hela ( iha proseseu
dezenvolvimentu)
Nu‟udar dialetu lokál Kriolu

Iha karaik ne‟e hatudu lifuan tetun-terik oioin iha ne‟ebé uza letra w no nakfila ba b iha tetun-
nasionál, hanesan haktuir iha tabela tuirmai ne‟e:

Tetun-terik Tetun-nasionál
waikenu Baikenu
wailoro Bailoro
Wain (tempu) bain (tempu)
Wa‟in ba‟in (boot)
wainhira Bainhira
Waka Baka
Wani Bani
wani-uma bani-uma
wani-ween bani-been
Wee Bee
asuwa‟in asuba‟in
Awan Aban
haweer Habeer
lawarik Labarik
serwisu Serbisu
susuween Susubeen

31
Amululik sira no emar seluk ne‟ebé tradús Biblia no Santa Liturjika ba tetun, maske uza Tetun-
Prasa, buka atu hafutar testu ho liafuan antigu oioin ne‟ebé sira hadada hosi Tetun-Terik. Ho nune‟e
tetun liturjiku uza barak liu grafema W.
Maske fahe tiha ona idaidak nia „area maibé sei iha esesaun katak iha liafuan balun husi Tetun-
Terik tenke ita uza iha Tetun-Nasional tanba liafuan sira ne‟e ladun koñese husi sosiedade tomak.
Purezemplu: kmanek wa‟in, asuwa‟in nst.
Letra w uza bainhira presiza no nesesita atu uza duni. Maibé presiza ita destingi diferensa entre
Tetun-Terik ho Tetun nasionál, atu nune‟e ita bele uza tuir padraun ita ke loosmaske iha esesaun .Ne‟e
normal tuir siénsia dalen nian.

X. Bainhira atu uza ifen?

Ifen nu‟udar sinál grafema dalen nian ne‟ebé hatutan liafuan katetek ka kadoek (kompostu ) sira
hanesan (paun-rahun, hanoin-hetan uma-moras, fó-sai) nst., mós hola parte iha grafia loloos dalen tetun
nian.Baibain ifen serve atu tutan liafuan rua ne‟ebé mai husi klase lahanesan hodi forma liafuan foun ida
ne‟ebé refere ba klase foun mós hanesan bani-been = Portugés mel no malaia madu , midar-siin =
modo-been oin ida.

Liafuan katetek tuir loloos katak ita bele tutan liafuan rua ho ifen hanesan tuirmai ne‟e:

1) lubun naran + adjetivu, nu‟udar ezemplu (n.e.)


laran-di’ak, mina-morin, aten-barani uma-moras, midar-siin

Ita koko forma fraze ho liafuan katetek sira ne‟e hodi hatene kle‟an liu liafuan sira ne‟e nia
sentidu.

Ezemplu:
a) Labaraik sira laran-di’ak tebtebes fó fila há‟u-nia karteira.
b) Luiza ho Julia uza mina-morin tanba sira atu ba festa.
c) Sira aten-barani hasoru ema aat sira ne‟e.
d) Ema barak tebtebes mak ba konsultasi iha uma-moras.
e) Modo loron manas nian mak midar-siin.

2) Lubun naran + naran, nu‟udar ezemplu (n.e.)


ai-kakeu, hudi-laran, oan-feto, derok-been karau-inan

Ezemplu:
a) Ai-kakeu sira ne‟ebá mesak loloos de‟it.
b) Aldeia Hudi-laran besik Bairupite.
c) Ita-nia oan-feto eskola iha Portugál.
d) Bainhira ba han meiu-dia hemu mós derok-been.
e) Karau-inan boot ne‟e monu mate iha ne‟ebá.

32
3) hun verbu + verbu, nu‟udar ezemplu (n. e)
buka-hatene, hanoin-hikas, haree-hetan, fó-hatene, fó-sai

Ezemplu:
a) Joven sira buka-hatene lia-loos ba mamosuk ne‟e
b) Ami hanoin-hikas matebian Karlus nia hahalok.
c) Sira haree-hetan nibiru iha rai súl Australia nian
d) Profesór fó-hatene ba sira atu tuir konkursu atu eskola iha estranjeiru.
e) Ami fó-sai informasaun ba públiku hahú horseik.

4) Espreasaun reduplikativa sira hanesan tuirmai.


tinan-tinan, hotu-hotu, uma-uma, loron-loron

Ezemplu:
a) Tinan-tinan ita komemora loron independénsia Timór-Leste nian.
b) Ami hotu-hotu iha korajen atu estuda iha estranjeiru
c) Loron-loron ami tenke lee livru ida.

5) Katuir pronominál tuirmai ne‟e hakerek mós ho ifen, hanesan iha karaik ne‟e:

ha‟u-nia ha‟u-nia Ita-Boot


ó-nia ó-nian ha‟u-ata
ita-nian ita-nian atan-ha‟u
ami-nian ami-nian
imi-nia imi-nian
sira-nia sira-nian

33
BALUK DATOLUK

IMPROVIZA LIAFUAN TETUN TUIR ORTOGRAFIA


PADRONIZADA NE’EBÉ MAI HUSI VOKABULÁRIU
DALEN PORTUGÉS

Iha regra lubun boot ida mosu iha ortografia dalen tetun hodi muda liafuan tetun abut portugés.
Mudansa ne‟e mosu ho razaun dalen portugés uza sistema fonétiku ne‟ebé símbolu ka sinál ida nia son
liuhosi ida, bainhira ita koko dehan sai ka espresa. Iha dalen tetun rekoñese kestaun rua hodi improviza
liafuan tetun mai hosi dalen portugés. (1) da-1 kestaun pronunsia ba fonema (B ka V no J ka Z) (2) da-2
kestaun muda fonema tuir son pronunsia nia

1. Kestaun pronunsia nian

Ba kestaun pronunsia mosu iha letra lubun ida mak hanesan B ka V no J ka Z hanesan haktuir
iha karaik ne‟e dala barak timoroan sira espresa latuir nia son ka muda letra nia son ba seluk

1) B ka V

Timoroan barak la destinge son fonema B no V bainhira espresa ka dehan sai dehan liafuan sira
ne‟ebé mai hosi abut portugés hakerek ho letra b ka v. Ita presiza fó-atensaun no kuidadu hodi hakerek
liafuan sira ne‟ebé uza letra rua ne‟e tuir dalan loos no di‟ak. Konsoante v mosu iha liafuan balu ne‟ebé
mai hosi dalen portués (n.e vadiu, vida, viola, viva no votu), maibé Timoroan balu la konsege dehan sai
son konsoante ne‟e no muda son konsoante ne‟e hanesan b (badiu, bida, bioala, biba no botu). Liuhosi
dalan ne‟e fanun ita hotu ho matan-moris atu uza ho kuidadu liafuan sira hanesan ne‟e, atu ita labele sala
hodi tau B envezde V.

Regra ne’e fó-hanoin mai ita katak la’ós atu muda letra B ba V, maibé fó-hanoin hikas ba
ita atu destinge letra B no V lihosi hakerek no nia son bainhira atu dehan sai

Liafuan ho B

Portugés Tetun

bagagem bagajen
balão balaun
bancu banku
cobrador kobradór
bloco bloku

34
obrigadu obrigadu
obriga obriga

Liafuan ho V

Portugés Tetun

vacina vasina
vidro vidru
votação votasaun
livru livru
favor favór
chuveiro xuveiru
povo povu

2) J ka Z

Dalen Tetun simu tiha dalen portugés nia konsoante rua be ketaketak, mak J (Jota) no Z (zé), maibé
Timoroan barak ne‟ebé seidauk eskola la konsege dehan sai konsoante J. Sira muda fali konsoante J
hanesan Z, nu‟udar ezemplu jejún (zezún), Japanés (Zapanés), serveja (Serveza). Pronúnsia ida-ne‟e
bele populár (alofóniku), maibé la‟ós universal ( fonémiku) no razaun ida-ne‟e, atu hodi hakerek dalen
tetun ita tenke haketak nomoos letra J no Z.mai ita haleaat ezemplu tuirmai:

Liafuan balu ho Letra J

Portugés Tetun
javanês javanés
japão japaun
jardim jardin
jornal jornál
justiça justisa
bandeja bandeja
projecto projetu
jogador jogadór
judicial judisiál
loja loja
juramento juramentu
conjunto konjuntu

Liafuan balu ho letra Z

zinco zinku

35
azul azúl
organiza organiza
juizo juizu
pazer prazér
razão razaun
reza reza
viznho viziñu
despreza despreza
zelo zelo
azeitona azeitona

2. Kestaun Muda Fonema ba liafuan sira husi Portugés ba


Tetun

1). C nakfila ba K no S

Letra C la serve hodi hakerek liafuan dalen tetun, tanba iha dalen tetun la rekoñese C.
Liafuan sira ne‟ebé mai hosi dalen portugés hakerek ho C (bainhira muda ba tetun nakfila ba K karik
nu‟udar C toos (karik iha c nia kotuk mosu vogál a, o no u) no nakfila ba S se nu‟udar C mamar ( karik
iha c nia kotuk mosu vogál e, o i).Razaun muda letra C hosi dalen portugés ba dalen tetun bazeia ba son
pronúnsia nian. Atu muda letra C iha liafuan sira ne‟ebé ho abut portugés ba K ka S la haree hosi letra
nia pozisaun,maibé haree hosi pronunsiasaun ne‟ebé iha.

C toos iha dalen portugés muda ba tetun nakfila ba K

Portugés Tetun

cadeira kadeira
café kafé
caixa kaixa
clima klima
recurso rekursu
commando komandu
comprimentu komprimentu
Baucau baukau
Becora Bekora

Bainhira liafuan portugés ida hakerek ho C mamar tama ba tetun, C ne’e ita hakerek ho letra S.

Portugés Tetun
celebra selebra
cena sena
acidente asidente
acontece akontese
cidade sidade

36
ciénsia siénsia
doce dose
precentagem presentajen
precisa presiza

C ho sedilla iha okos (ç) iha liafuan portugés ita hakerek mós nu’udar S iha tetun.

Portugés Tetun

aliança aliansa
almoço almosu
licença lisensa
esforço esforsu
lençol lensól
preço presu
açoriano asorianu

2) CH, SC no XC nakfila ba X
Iha alfabetu Timór nia ba dalen tetun letra X nia son sempre hanesan letra X iha liafuan portugés.
Maibé liafuan portugés barak ho son ida-ne‟e hakerek mós ho letra rua hanesan CH ( chave, chaleira,
trecho), SC no XC. Digrafu sira ne‟e ita la uza iha ortografia tetun, nune‟e liafuan portugés ho sinál
digrafu sira-ne‟e nakfila ba konsoante X hodi tama ba dalen tetun.

Potugés Tetun
chá xá
chancelaria xanselaria
chapéu xapéo
chefe xefi
colchão kolxaun
matabicho matabixu
disciplina dixiplina
fascismo faxizmu
consciência konxiénsia
excelência exelésia

3) S nakfila ba Z
Bainhira letra portugés S mosu iha vogál rua nia leet, nia son hanesan ho Z.liafuan ne‟e tama ba
dalen tetun,S iha Vogál rua nia leet hanaran S intervokálika ita hakerek nu‟udar Z atu Timoroan keta
dehan sala.

Letra S intervokálika portugés nian ita muda ba Z iha liafuan tuirmai ne’e mós:

Portugés Tetun

abusa abuza
asia ázia

37
depósito depózitu
resisténcia rezisténsia
música múzika
isolado izoladu
criminoso kriminozu
fusível fuzivel
indonésia indonézia

Letra portugés S nia son mós hanesan Z bainhira mosu iha sorona ka fibrasaun(lian-talin
nakdedar bainhira espresa ka dehan sai liafuan sira ne’ebé hakerek ho letra Z)nia oin, katak bainhira
letra B, D, G, L, M, N,no R mak tuir.Hosi portugés tama ba tetun,S iha liafuan hotu-hotu tuirmai ne‟e
nakfila ba Z.

Portugés Tetun
esboço esbosu
esmola ezmola
mesmo mezmu
komunismo komunizmu
depois de depoizde

4) SS nakfila S
Iha dalen portugés letra SS kaduak hanesan S ida iha dalen tetun.Liafuan portugés ho SS ne‟ebe
tama ba dalen tetun hela ho S ida de‟it:

Portugés Tetun
assassino asasinu
assina asina
gesso jesu
massa masa
passadeira pasedeira
procissão prosisaun
progresso progresu

5) X nakfila S
Letra portugeza X nia son dalabalu hanesan S, nu‟udar ezemplu (n.e) textu, Sexta –feira,
experiência, exterior (postu, festa, estrada ) iha ortografia dalen tetun nian X hanesan ne‟e mós nakfila
ba S. Atu ita komprende kle‟an liu kona-ba mudansa ne‟e, mai ita haree hamutuk ezemplu tuir mai:

Portugés Tetun
exporta esporta
exprime esprime
experiência esperiénsia
sintâxe sintase
explora esplora
expressão espresaun

38
6) X nakfila ba KS
Liafuan portugés mai loos hosi dalen Latin ka dalen Fransés (Liuliu terminolojia sientífiku), letra
X nia son hanesan KS. Tan ne‟e liafuan sira nune‟e, tama iha dalen tetun nakfila ka katuir KS, atu
makdalen sira bele dehan sai loloos. Atu ita komprende kle‟an, di‟ak liu mai ita haleat ezemplu tuirmai:

Portugés Tetun
oxigênio oksijéniu
lexico léksiku
crucifixo krusifiksu
sexo seksu
táxi táksi
boxe bokse

6) X nakfila ba Z

Liafuan sira mai hosi dalen portugés hakerek ho letra X, nia son dala balu hanesan Z. Iha
ortografia dalen tetun nian, letra X loloos nia son mós nakfila ba S maibé liafuan portugés ne‟ebé
hakerek ho X nakfila ba ortografia tetun muda ba letra Z. Nu‟udar ezemplu:
Portugés Tetun
exame ezame
êxito ézitu
exemplar ezemplar
existe eziste
exigência ezijénsia
exército ezérsitu

7) Z nakfila ba S

Liafuan Portugés ne‟ebé nia letra dahikus Z konsoante Z iha dalen portugés, nia son hanesan S.
Ne‟e duni, konsoante Z ba letra dahikus iha liafuan portugés,bainhira nakfila ba dalen tetun sai S.mai ita
haleat ezemplu tuirmai:

Portugés Tetun

Produz prodús
Tradus tradús
Conduz kondús
Portavos portavós
Juiz juís
Paz pás
Gis jís
Cruz krús
Capaz kapás
Satisfaz satisfás

39
8) G nakfila ba J

Letra portugeza G iha son rua. Bainhira letra G katuir kedas vogál A, O ka U iha nia oin,
konsoante ne‟e sei garantia nafatin hanesan G iha dalen malaiu (G toos). Maibé bainhira konsoante G
vogál E ka I mak tuir letra ne‟e nia son hanesan J (G mamar). Dalen tetun mós hanesan malaiu, letra
G ne‟e sempre toos. Tan ne‟e, G mamar iha portugés nian nakfila ba J iha ortografia tetun, mai ita
tanesan (kompara ) G toos no G mamar tuir ezemplu iha karaik.

Liafuan ho G toos iha dalen portués ka malaiu nian:

galão galaun
garagem garajen
raga(malayu) raga
gaba gaba
gripe gripe

Liafuan ho J (G mamar hosi dalen portugés)

gentio jentiu
gestu jestu
geografico jeográfiku
gerador jeradór
estarngeiro estranjeiru
original orijinál
página pájina
religião relijiaun
giz jís
mensagem mensajen
higíene ijíene
virgem virjen

9) GU nakfila ba G
Bainhira liafuan portugés ne‟ebé hakerek ho,GU tama ba dalen tetun, ita sei hakerek nafatin ho
GU selae G de‟it, depende liafuan nia pronúnsia GU ita la muda tanba vogál A no O iha GU nia
oin;maibé E no I mak iha nia oin dala barakliu nia son hanesan G,maibé dala balu mós hanesan GU.
Tuirmai ita haleat ezemplu iha karaik:
Portugés Tetun
GU > hanesan: guarda guarda
desigual dezigúal
linguista linguista
consaguineo konsanguineu
guarita guarita
igualdade igualdade

40
G > Hanesan guerrilha gerrilla
guiador giadór
guine giné
builingue bilinge
português portugés
perseguição persegisaun
dengue denge

10) QU nakfila ba K
Dígrafu portugés QU la eziste iha ortografia dalen tetun. Bainhira liafuan sira ne‟ebé hakerek ho
diagrafu QU tama ba dalen tetun, ita muda nia hakerek ba KU ka K de‟it,konforme liafuan nia
pronúnsia. QU nia son sempre hanesan KU bainhira vogál A no O iha nia oin, karik vogál E no I mak
iha oin, QU nu‟udar digrafu ida dalen portugés dala barakliu hanesan K.maibé dala ruma bele mós
hanesan KU. Atu ita kompriende kle‟an liu mai ita haleat ezemplu tuirmai:

Portugés Tetun

quarto kuartu
quadro kuadru
qualidade kualidade
aquático akuátiku
tranquilo trankuilu
questão kestaun
quintal kintál
quilometro kilómetru
inquérito inkéritu
pequim pekin
suquestra sukestra

11) LH, NH nakfila ba LL, Ñ


Letra portugés H (agá) monok mosu mós iha katuir tolu tuirmai hanesan CH, LH, NH. Iha-ne‟e
prezensa letra H serve atu muda C, L no N nia son ba son seluk. Tan ne‟e H la‟ós konsoante monok
(lian-laek) iha dalen tetun. Letra H bele hala‟o funsaun ne‟e iha ortografia dalen tetun. Nune‟e dígrafu
CH, LH no NH sai fali konsoante X, dígrafu LL no símbolu Ñ. Razauan LH muda sai LL kaduak tanba
kestaun oral. Katak bainhira ita dehan-sai lifuan sira ne‟ebé hakerek ho lh tanba iis mai hosi aparellu
fonadór liuhusi kakorok talin sai iha ibun no inus la hetán difikuldade (sistema orál). No dígrafu nh sai ñ
(n ho til) tanba iis mai husi aparellu fonadór liuhusi kakorok talin sai iha ibun no inus hetán difikuldade(
sistema nazalizasaun).
Dalen tetun oras ne‟e simu liafuan oioin hosi dalen portugés, sai nanis on akatuir[nh], nu‟udar
ezemplu iha liafuan bainhira. Sei hamosu konfusaun boot se ita hakerek liafuan bainhira no linha
hanesan de‟it, tanba linha ne‟e nia pronúnsia afinál la‟os [lin-ha] maibé [li-nha]

Satán son dalen tetun diagrafu LL no Ñ ladún hanesan ho son portugés LH no NH. Iha dalen
portugés son LH no NH sira-nia son sempre [LY] no [NY], maibé Timoroan la konsege dehan sai LL

41
no Ñ hanesan iha dalen portugés .Iha pronúnsia populár LL no Ñ bele sai fali [L] no [N] bainhira
konsoante hirak-ne‟e tuir vogál I :

Loos Laloos
kartilla [ kartila]
millaun [milaun]
liña [ lina ]
viziñu [ vizinu]

Bainhira LH no NH tuir vogál seluseluk (A,E,O,U),son dígrafu rua ne‟e nakfila ba [il] no [in]iha
pronúnsia populár,tanesan:

Loos Laloos
falla [faila ]
evangellu [ebanzeilu]
jullu [zuilu]
mañozu [mainozu]
juñu [ juinu ]

Ita labele emprega dígrafu NH ka LH hodi hakerek liafuan dalen tetun hanesan ne‟e. Linguístika
sira buka atu halo alfabetu ida de‟it ba dalen hotu-hotu Timór-leste nian.

Sinál LL no Ñ, maske uza mós iha dalen español, la‟os galegu no españól nian de‟it nu‟udar ema
ruma nia hanoin.molok simu dígrafu LH hosi lia-oksitaun (dalen Fransa Tasi-mane nian), portugés
artigu emprega mós dígrafu LL no LL ne‟e hetan mós iha alfabetu dalen katalaun no dalen franses nian.
Ñ sai mós hanesan símbolu fonétiku internasionál ne‟ebé Linguista sira iha mundu tomak emprega iha
sira estudu sientífiku. Nune‟e Timoroan sira lalika laran-rua kona-ba uza sinál LL no Ñ hodi hakerek
sira-nia dalen sira.

Ezemplu : Liafuan tetun hirak ho sinál diagrafu LL hanesan tuirmai:

Portugés Tetun
aparelho aparellu
bacalhau bakallau
batalha batalla
bilhas billás
evangelho evanjellu
patrulha patrulla
telha tella
folheto folletu
conselho konsellu
medelha medella
bilhete billete

42
esvilha esvilla
pilha pilla
repolho repollu
barulho barullu
toalha toalla

Ezemplu: Liafuan tetun no sinál símbolu ñ hanesan tuirmai:

Portugés tetun

acompanha akompaña
desinha dezeña
castanha kastaña
penhor peñor
rascunho raskuñu
reconhece rekoñese
senhor señor
banho bañu
comunhão komuñaun
sardinha sardiña
terstemunho tertemuñu
vizinho viziñu

12) R ka RR
Atu hakerek dalen tetun ho di‟ak presiza kuidadu ho letra R. Iha liafuan ne‟ebé
hetan emprestu (luzizmu) hosi dalen portugés R ne‟e kaduak (RR).mosu iha lista tuirmai ne‟e liafuan
luzizmu hakerek ho RR iha klaran. Nu‟udar ezemplu (n.e.)

arrasta autokarru barraka


arredores barra borraxa
inglaterra karreta korrupsaun
irrigasaun karriñu korruptu
interrope korredór orrivél
interruptór korreiu pontu-sokorra
karreira korrespondénsia sigarra
sigarru terrivél

0bservasaun Seluseluk

1). liafuan portugés sira ne‟ebé afinál fraze badak ida (fraze jenitiva ho prepozisaun de), hetan hakerek
nu‟udar liafuan ida de‟it bainhira tama ba tetun:

botão de punho butaundepuñu


casa de banho kazadebañu
conselho de guerra konselludegerra
cor de rosa korderoza (mós kór-roza)

43
Liafuan portugés kompostu (ho elementu rua tutan ba malu ho ifen) ita hakerek mós nu‟udar liafuan ida
de‟it iha tetun:

arranha-céu arrañaseu
cessar-fogo sesarfogu
guarda-chuva guardaxuva

2). Timoroan sira-nia naran (liuliu naran portugés) ita lalika muda ba ortografia padronizada tanba ita-
nia populasaun la prontu atu simu inovasaun ida-ne‟e. nune‟e naran ida Martinho da Costa lalika fila
ba Martiñu da Kosta; Isabel Quintão Vasconcelos la sai fali Izabél Kintaun Vaskonselus.

3. Ita lalika hatama lia-portugés nia forma plurál sira ba substantivu ka adjetivu tetun. Nune‟e:

Kete hakerek hakerek fali

Estudus universitárius estudu universitáriu sira


Saserdotes saserdote no madre sira
Hosi nasoins hotu-hotu hosi nasaun hotu-hotu

Bele uza fali plurál portugés sira ne‟ebé tama tiha ona ba tetun nu‟udar substantivu báziku (singulár
mós), la hatudu númeru ida, n.e. oras, goiabas, froñas, botas, luvas, meias, selus, britas, inisiais,
batatiñas, kebranozes, estraordinárias, reprezálias.

Maski iha forma barak nune‟e, ema balu tesi tiha –s ikus. Ne‟e duni ita bele hakerek fraldas selae
fralda, sakarollas selae sakarola, parakedas selae parakeda, portamoedas selae portamoeda,
kolete-salvavidas selae kolete-salvavida.

44
BALUK DAHAAT
KATEGORIA GRAMATIKÁL

Klase liafuan nian


Liafuan sira agrupa iha klase oioin: naran ka substantivu, pronome, adjetivu, verbu, advérbiu,
prepozisaun, numerál sira, konjunsaun, interjeisaun no kuantifikadór sira.
Ezemplu klasifikasaun liafuan nian tuirmai ne‟e:

1. La esiste siénsia se laiha dúvida


Adv verbu naran konjunsaun advérbiu. naran

2. Labarik ki’ik tama iha uma


Naran adjetivu verbu prepozisaun naran

Tuirmai klasifikasaun liafuan nian tuir idaidak nia kategoria hanesan haktuir iha karaik ne‟e:

1 Substantivu (naran)
a) Naran komún; refere ba sasán sira ne‟ebé komún ka universal liu.
Ezemplu: tasi, foho, artigu, problema, ema

b) Naran própriu: refere ba ema, instituisaun, rai ka sidade nia naran;


António, Pedro, Dili, Baukau, Prezidente Santino, Banku Nasionál, UNTL, UMPAS

c) Naran simples: karau, asu, domin, demokrasia, doutrina, informasaun, ai-fuan,

d) Naran kompostu/katetek (kadoek): refere ba liafuan rua mak hajunta ho ifen (-) hodi forma
sentidu ida de‟it no mós hatudu objetu ida de‟it:
masin-midar, tua-siin, lia-foun, tasi-ibun, manu-tali, bani-been, laran-sa‟e,
hariis-fatin, uma-moras, mane-foun, midar-siin nst.

e). Naran koletivu


Konjuntu sasán, ema lubun, tipu animál oin ida-ne‟ebé moris hamutuk iha fatin hodi hanaran
naran koletivu (turma, família, aldeia, suku, luhan). Liafuan sira ne‟e hatudu konjuntu emar,
sasán, ka animál sira nu‟udár unidade ki‟ik ne‟ebé forma liafuan naran koletivu.

d) Naran konkretu no abstratu:


Naran konkretu refere ba sasán sira ne‟ebé bele haree no karek, hanesan kadeira, meza, uma,
lapis, uma, ema nst.
Naran abstratu hatudu ba sasán sira ne‟ebé labele haree no labele kaer, hanesan: hanoin,
domin, Maromak, demokrásia nst.

45
Funsaun kategoria substantivu ka naran pozisiona nia an nu‟udar sujeitu no mós komplementu iha
konstrusaun fraze nian laran.

Ezemplu:
1) Antóniu bá vizita nia kolega iha ospitál.
2) Pedru sosa karau iha Oekusi.
3) Sira na‟in rua nia domin sei la namkore arbiru.
4) Maromak lia tun ba ema dehan, grasa wa‟in ba imi sira be la haree.
5) Ami hakat liu mota mota Loes, bainhira ba Maliana.

2. Pronome
a. Pronome emak/pesoál
Normalmente pronome emak ida dalen ne‟ebé de‟it iha mundu fahe ba parte rua, inklui mós
dalen tetun hanesan haktuir iha karaik ne‟e:

1. Pronome emak Kahidak (Singulár)


1) da-1 Ha‟u
2) da-2 Ó /Ita
3) da-3 Nia no (Ita-Boot mós nu‟udar pronome emak da-3 kahidak
tanba hatudu ema ida de‟it).

2. Proneme emak Kabasuk (Plurál)


1) da-1 Ami
2) da-2 Imi
3) da-3 Sira no (Ita-Boot sira mós nu‟udar pronome emak da-3 plurál
nian tanba hatudu ba ema barak)

Pronome emak nia funsaun mak nu‟udar sujeitu ka autór no mós sai komplementu indiretu iha
konstrusaun fraze nia laran bainhira pozisiona iha komplementu diretu nia kotuk.

Ezemplu:
1) Ha‟u estuda hela iha biblioteka.
2) Nia hola kamiza ba ha‟u-nia naan.
3) Sira ne‟ebá mesak profesór de‟it.
4) Imi sira ne‟e tenke lee makaas hodi bele hetán valór boot.
5) Ami bá Baukau aban dadeer.

b. Pronome posesivu/Adjetivál

Iha dalen tetun rekoñese Pronome posesivu /adjetivál rua:-Nia/Nian. “Ninia” nu‟udar forma baibain
“nia” ne‟ebé iha aplikasaun sai hanesan klítika ne‟ebé hakerek ligadu ho pronome emak ho razauan
katak forma ida-ne‟e refere ka indika ba ema, autór ka sujeitu la‟ós ba sasán ne‟ebé nu‟udar
komplementu.
Ezemplu:
1) Ne‟e ha‟u-nia lapis.
2) Ida kamiza mutin ne‟ebá ami-nia primu.

46
3) Ne‟ebá sira-nia karreta.
4) Ida ain aas ne‟e ita-nia maun-alin koran.
5) Karik loos, ida-ne‟e ha‟u-nia família

“Ninian” nu‟udar forma baibain “nian” katak bainhira uza iha estrutura fraze nia laran hatudu ba sasán
ne‟ebé konsidera nu‟udar komplementu. Forma daruak nian ne‟e hakerek la presiza liga ho ifen (-) tanba
nia la muda ho sistema derivadu ida.

Ezemplu:
1) Lapis ne‟e ha‟u nian.
2) Karau aman boot ne‟ebá sira nian.
3) Uma ne‟ebá señór nian.

Baseia ba esplikasaun badak ne‟e ba estudante mak makdalen sira keta konfundi bainhira ita
estuda forma rua ne‟e iha pronome maksoik sira ne‟ebé ko‟alia kona-ba atributivu no predikativu.

3. Adjetivu
Ekivalente iha tetun ba adjektivu nu‟udar verbu adjetivál ho nia subkategoria adjetivu derivadu.
Adjetivu derivadu ne‟e forma hosi naran no verbu mediante ba akréximu ka tautan sufiksu ida atu
nune‟e bele sai restritu liu iha respeitu ba nia funsionamentu.

Adjetivu > Kategoria liafuan ne‟ebé refere ba situasaun no kondisaun kona-ba


sasán ka ema ruma nia karaterístika:
- Kondisaun: > manas, malirin
- Situasaun : > boot, ki’ik, bokur, krekas, aas, badak, nst.

Adjetivu báziku sira


Horiuluk adjetivu tetun barakliu hetan forma ho prefiksu ma-, m- selae sufiksu –k, no dala ruma
mós ho sirkunfiksu ma – k. Tetun modernu se soi adjetivu barak ho afiksu hirak tuirmai ne‟e:

1. ma-k, m-k
matenek mamuk malahuk
makerek matak moruk
mesak merak

2. ma-
manas moris mutin
malirin moos mean
moras maus mihis
midar morin mahar
mamar mak‟aas metin
maran metan meer

3. – k ki‟ik badak tasak


maruk kosok beik
di‟ak nurak fuik

47
furak bulak seluk

Ita bele haree fafutuk estruturál entre adjetivu no verbu sira iha banati oioin henesan:

Verbu adjetivu
matene matenek
mate matek
halirin malirin
haka‟as maka‟as
hahoris moris
lanu lanuk

Husi parte seluk dalen tetun modernu soi mós adjetivu lubun ida ne‟ebé lakon tiha ona afiksu
kahorik tradisionál sira hanesan: aat, aas, tuan, loos, todan, tebes, fo’er, luan nst.

Adjetivu Hadadan sira


Dalen tetun iha adjetivu hadadan (derivadu) katak adjetivu sira ne‟ebé hadadan husi baze klase
substantivu. Adjetivu hadadan nu‟udar rikusoin boot ida iha dalen tetun. Adjetivu hadadan barakliu
hetan forma ho sufiksu –k no mós balun mosu ho sirkunfiksu k- k hanesan iha karaik ne‟e:

Substantivu Adjetivu
modo modok
funa-(n) funak
rai kraik; raik (rai nain)
asu asuk
ama-(n) amak
ina-(n) inak
mane kamanek
feto fetok
raa-(n) raak
ulu-(n) uluk
bee beek
monu monuk
rona-(n) “naroman” Maromak (ida-ne‟ebé
haroman rai)

Makerek dalen tetun aproveia mekanizmu katemik iha leten ba ne‟e hodi forma adjetivu lubun
foun hodi troka ka komplementa liafuan-empresta sira iha ita-nia dalen. Iha kuadru tuir mai ami haleat
neolojizmu balu ne‟ebé hadada husi hun substantivu:
Substantivu Adjetivu Foun Luzizmu
Tasi tasik mariñu (tasi nian)
laleha-(n) lalehak selestiál (lalehan nian)
Loro lorok solár (loro/loron nian)
fula-(n) fulak lunár; mensál (fulan nian)
fitu-(n) fituk estrelár, astrál (fitun nian)

48
kala-(n) kalak noturnu (kalan nian)
tina-(n) tinak anuál (tinan nian)
uda-(n) udak pluviál (udan nian)
Ahi ahik igneu (ahi nian)

Ema emak umanu (ema nian)


ao-(n) oak filiál (oan nian)
mau-(n)-ali-(n) mauk-alik fraternu (maun-alin nian)
Liurai liuraik reál (liurai nian)
Dato datok nobre, aristokrátiku (dato nian)
nara-(n) narak nominál (tuir naran)
Balada baladak animál (balada nian)
Busa busak felinu (busa nian)
Kuda kudak ekuinu (kuda nian)
Bibi bibik kaprinu (bibi nian)
isi-(n) isik korporál (isin nian)
oi-(n) oik fasiál (oin nian)
ibu-(n) ibuk orál (ibun nian)
neha-(n) nehak dentál, dentáriu (nehan nian)
tilu-(n) tiluk aurál (tilun nian)
inu-(s) inuk nazál (tilun nian)
lima-(n) limak manuál (liman nian)
lia-(n) liak vokál (lian nian)
dale-(n) dalek linguístiku (dalen nian)
neo-(n) neok mentál (neon nian)
Dame damek pasífiku (dame nian)
Funu funuk béliku (funu nian)
Uma umak doméstiku (uma nian)
fati-(n) fatik lokál (fatin nian)
sori-(n) sorik laterál (sorin nian)
lara-(n) larak internu, interiór (laran nian)
klara-(n) klarak médiu, sentrál (klaran nian)
le‟u-(n) le‟uk sirkulár (le‟un nian)

Adjetivu Sorun no Negativu Sira


Adjetivu kontráriu ba negativu forma husi tutan prefiksu la- :
Adjetivu-hun prefiksu Adjetivu sorun
di‟ak la- ladi‟ak (aat)
Loos la- laloos (bosok, falsu)
Furak la- lafurak (aat, oin-aat)
Susar la- lasussar (mamar, fasil)
Kleur la- lakleur (lais)
Tebes la- latebes (insertu)
Jeitu la- lajeitu (inkompetente)
Eskola la- laeskola (ignorante)

49
hakmatek la- lahakmatek (laran-nakali)
Belek la- labelek (imposivel)
Beluk la- labeluk (ladun oin na‟in

Adjetivu Maderak (Privativu) sira

Iha dalen tetun mós konsidera –laek nu‟udar sufiksu maderak hodi tutan ba liafuan hun
substantivu ka verbu ba forma adjetivu ida-ne‟ebé “hedera” ka mai husi substantivu-hun kan verbu-hun
nia kualidade baibain, hanesan naktuir iha karaik ne‟e:

Hun substantivu/verbu Adjetivu maderak

moe moe-laek
ta‟uk ta‟uk-laek
rohan rohan-laek
sala sala-laek
ukun ukun-laek
anin anin-laek
domin domin-laek
fiar fiar-laek
fuan fuan-laek
osan osan-laek
moras moras-laek
oan oan-laek
serbisu serbisu-laek

Adjetivu Kadoek Sira


Adjetivu kadoek (adjetivu seriál) ne‟e nu‟udar adjetivu katetek ida-ne‟ebé hakohak liafuan rua,
(ida husi naran no ida seluk husi adjetivu) sai adjetivu kadoek hanesan tuirmai ne‟e:

Adjetivu kadoek (tetun) Adjetivu simples (Portugés)


laran-luak generoso
ulun-toos teimoso
ulun-mamar esperto
laran-makerek hipócrita
laran-fo‟er perverso
matan-moris atento
oin-aat feio
laran-taridu perplexo
ain-badak baixo

4.Verbu
- Báziku (Liafuan verbu báziku ne’ebé seidauk heta afiksasaun) Ezemplu: han, hemu, la’o,
tuur, baku, fahe, lori nst.

50
- Kompleksu (Liafuan verbu no adjetivu hetan afiksasaun hanesan : prepiksu, sufiksu no
sirkunfiksu). Ezemplu: hatuur, nakfahe, habokur, belek, hemun, dalen, makdalen, hasolok,
haksolok nst.

Atu ita bele hatene kle‟an liu kona-ba verbu kompleksu mai ita haleat hamutuk detallu sira. Verbu
hafahe ba parte hirak tuirmai ne‟e:
1. Verbu kauzativu forma husi prefiksu ha-ho variasaun: ha-,hak-,no ham-,
Exemplu:
1) Keta hamati ahi ne‟e.
2) Estudantes sira ne‟e sei hakfahe ba grupu neen.
3) Keta hamtauk ema sira ne‟e.
4) Sira haksolok tebes bainhira portugál manan jogu.
5) Timoroan sira haktemik tuir konstituisaun nia hateten.

Verbu Kauzativa tranzitivu ka intranzitivu harii husi prefiksu ha- ho variasaun


hak- hanesan naktuir mai ne‟e: (haktemik, hakfuik, haksumik, hakbadak,
hakfuik).

Ezemplu:
1) Ita-Boot labele haktemik buat hirak ne‟e.
2) Mane sira hakfuik loos, bainhira hetan buat di‟ak ruma.
3) Molok ita hotu haksumik an iha fatin ne‟e, keta haluha agradese ba Na‟i Maromak.
4) Tanba dezastre ema sira ne‟e hakbadak tiha sira-nia vida.
5) Progrma hakmatak rai hahú fulan oin.

Verbu kauzativa maktulun harii husi verbu rua ne‟ebé liga ho ifen sai verbu katetek (kompostu) ho
sentidu foun. Verbu maktulun sira mak tuirmai ne‟e: ( fó-hatene, fó-sai, fó-hanoin)

Ezemplu:
1) Keta fó-hatene lai informasaun ne‟e ba povu ki‟ik sira.
2) Labele fó-sai informasaun kona-ba mamasok ne‟e molok hetán evidensia natoon.
3) Profesór sira fó-hanoin ba estudantes atu estuda didi‟ak hodi hadia futuru.
4) Sira na‟in rua fó-sasin ba mamosuk 12 Novembru liu ba.

Verbu Kauzativa derivada/u harii husi prefiksu na- ho variasaun nak- ho nam hanesan haktuir mai
ne‟e: (doko sai nakdoko, kore sai namkore ).

Ezemplu:
1) Semana liu ba rai nakdoko maka‟as tebtebes iha polu súl ne‟ebá.
2) Kuda nia talin ne‟e namkore mesamesak.
3) Ai-tahan sira ne‟ebá namlaik hotu ona.
4) Iha tempu primavera ai-tahan sira namtate hotu.

51
2. Verbu inkoativu forma hosi prefiksu na- ho variasaun: na-, nak-,nam-,
( namasas, nabadak, nahisin).

Ezemplu:
1) Populasaun sira ko‟alia namanas mamosuk nibiru ba tinan 2013.
2) Hudi ramu ida-ne‟ebá sedauk nahisin.
3) Roupa sira ne‟e naklees hotu ona.
4) Dezastre boot ne‟ebé sei mosu mai halo ita halai namkari arbiru de‟it.

3. Verbu dinámika > forma/harii hosi prefiksu hak- ( hakbaruk, hakbesik,


hakfodak, hakmatek) nst. Verbu ne‟e hamosu sentidu agresivu ka halo prevensaun ba asaun
ruma.

Ezemplu:
1) Ita-nia atitude ne‟e bele hakbaruk ema barak nia anímu.
2) Maske nu‟udar sala na‟in, maibé hakbesik nafatin ba Na‟i Maromak.
3) Keta hakfodak demais ba sasán mundu nian.
4) Bainhira ema hotu moris hakmatek ita bele rezolve problema.
5) Keta halo nia hakfodak demais bele provoka tensaun.

4. Verbu intensivu ne‟ebé forma hosi sirkunfiksu ; hak-k selae ham-k


(hakmatak, hamsonak, hakbetek, hakla’ok) nst. Verbu ne‟e hatudu sentidu asaun nian ne‟ebé
transforma husi objetu ruma nia kondisaun.

Ezemplu:
1) Programa hakmatak rai liuhusi rearvorizasaun hahú hala‟ó.
2) Sira hamsonak (hamanas) hahan malirin sira.
3) Hahan bokur bele hakbetek (habadak) ema
4) Maria hakbetik (hasai) tiha hare musan sira iha foos.
5) Se imi hadeer demais bele hakbetok (oin-ku‟ak) imi-nia hasan.
6) Katuas sira hakla’ok (halo ativu)sira nia hanaoin beibeik ba labarik sira.

Alénde prefiksu ; ha-,na-, ho nia variasaun, iha mós seluk hanesan : prefiksu reduplikativu: la-, sa-,
ta-, fa-,ma-, ka-, (laleban, sasemok, tatemik, fafihir mamosu, momoos, katemik ) nst.

Ezemplu:
1) Sé mak sunu tiha ha‟u-nia ai-laleban ne‟e.
2) Se nia la eskola sei sai ema ai-leban ida ba mahukun sira.
3) Rai nakaras tiha ona mak sasemok rua hafoin liu ba.
4) Liafuan tatemik ne‟e nu‟udar predikadu mós.
5) Kamiza mutin ida-ne‟e nu‟udar ha‟u-nia fafihir.
6) Dalen tetun nu‟udar parte ida mós husi fafutuk Austronézia.
7) Espetákulu ne‟e fó-hanoin hikas ba ita kona-ba mamosuk loron 12 fulan-Novembru 1992.
8) Trajedia Santa Krús nu‟udar mamosuk ida ne‟ebé hafanun komunidade internasionál nia neon
ba povu Timór nia luta.

52
9) Hatudu momoos mai ita katak governu halo deskriminasaun.

Prefiksu ajentivál mak- + verbu ka naran seluk harii ka forma liafuan hanesan (makdalen, maksemok,
mahemun malee, mahan nst).

Ezemplu:
1) Iha Timor-Leste makdalen Lolein hela oitoan de‟it ona.
2) Maksemon númeru 4890 ba diresaun Timor-Leste sai daudauk ona.
3) Labarik ne‟ebá nu‟udar makleban modo nian.
4) Alunu sira ativu tuir aula tanba manorin ne‟e badinas.
5) Tua ne‟e siin oitoan, tanba halo mahemu sira la gosta hemu tan.

Iha dalen tetun mós eziste sufiksi hanesan kahorik rua: -n ho k. Sufiksu -n ne‟e forma liafuan naran ka
substantivu no sufiksu –k forma liafuan adjetivu hodi hatutu karaterístika sasan ida nian.
Sufiksu -n > hodi forma liafuan substantivu hanesan (leban, dalen hemun, sonan) nst.

Ezemplu:
1) Labarik nia leban ai-farina nia tahan.
2) Hemun ne‟e mesak kafé.
3) Semon ida mai ne‟ebá sasemon Merpati.
4) Sonan ne‟ebá saida?

Sufiksu –k > hodi forma liafuan adjetivu hanesan ( lorok, belek, barik, futuk, kesik) nst.

Ezemplu:
1) Lorok ida ohin lorn manas.
2) Nia nu‟udar ema belek iha área informátika
3) Ai futuk ida-ne‟ebá boot loos.
4) Kesik ida hanesan ne‟ebá la metin.

Alénde sufiksu kahorik tetun mós adota sufiksu luzizmu: -saun, ho -mente, > izmu mosu iha
liafuan hanesan (orientasaun, asaun, somente, diretamente) nst.

Ezemplu:
1) Diretór nia orientasaun ne‟e di‟ak tebtebes.
2) Organizasaun ne‟e foin mak harii iha fulan Marsu liu ba.
3) Sira ne‟e somente halo trosa de‟it labarik sira.
4) Ami ba diretamente Lospalos.
5) Sira-nia profisaun mak kontabilista.

53
5. Numerál Sira
Numerál kardinál nu‟udar numerál báziku, tanba hatudu hahirak ka kuantidade ba sasán ruma
ninian. Iha lia-tetun numerál sira tuir sistema nuluk (desimál), katak númeru sanulu mak hun. Lian sira-
ne‟ebé uza sistema nuluk mak dalen Portugés, Inglés, Malaiu no dalen rai-na‟in seluk balu iha rain
Timór, ézetu dalen Mambae dialetu tasi-mane, Tokodede no Naueti ne‟ebé uza fali sistema numerál
limak ou kináriu nu‟udar sistema tuan liu ( hosi emar Papua sira iha tinan rihun haat liubá) hosi sistema
nuluk.
Iha dalan tolu mak hodi hakerek numerál kardinál:

1. Nu’udar liafuan; ida, rua, tolu, haat, lima, neen, hitu, ualu, sia, sanulu, sanulu-resin-ida,
sanulu-resin-sia, ruanulu-resin-rua, ualunulu-resin-tolu, atus ida-resin-ida, atus rua ruanulu-resin-
neen, atus ualu ualunulu-resin-ualu, rihun ida sanulu-resin-ida nst.

2. Nu’udar algarizmu Indu-Árabe;


a. Sifra kahidak: 1, 2, 3, 4, 5, 6, 7, 8, 9,
b. Sifra katetek: 10, 13, 29, 67, 78, 84, 98, 101, 1.117, 15.000 nst.

3. Nu’udar algarizmu Romanu; I, II, III, IV, V, VI, VII, VIII, IX, X, XI, XII, XIII, XIX, XX,
XXIX, XXX, XXXIX, XL, L, LI, LII, LIII, LIV, LV, LVI, LVII, LVIII, LIX, LX, LXX, LXXX,
XC, C, CX, CXX, CXXIX, CXXX, CXXXI, CXXXIX, CXL, CL, CC, CCC, CD, D, DC, DCC,
DCCC, CM, M, MCX, MCXXI, MCD nst.

Bainhira ita atu hakerek numerál kardinál indu-árabe tuir klasifikasaun sekensiál, mak sei fahe
ba:

Numerál báziku:
1 ida 6 neen
2 rua 7 hitu
3 tolu 8 ualu
4 haat 9 sia
5 lima 0 zero

Numerál nuluk (dezena):

10 sanulu 60 neenulu
20 ruanulu 70 hitunulu
30 tolunulu 80 ualunulu
40 haatnulu 90 sianulu
50 limanulu

Numerál katetek sira ho liafuan-maktulun – resin- iha klase dezena nian:

11 sanulu-resin-ida 66 neenulu-resin-neen
22 ruanulu-resin-rua 77 hitunulu-resin-hitu
33 tolunulu-resin-tolu 88 ualunulu-resin-ualu
44 haatnulu-resin-haat 99 sianulu-resin-sia

54
55 limanulu-resin-lima

Numerál sentena sira no ba leten:

100 atus ida 1.000 rihun ida


200 atus rua 2.000 rihun rua
300 atus tolu 3.000 rihun tolu
400 atus haat 4.000 rihun haat
500 atus lima 5.000 rihun lima
9.000 rihun sia
10.000 reben ida
100.000 tokon ida
1.000.000 miliaun ida

Numerál katetek sira ho liafuan-maktulun -resin- iha klase sentena no


Miliaun nian.
101 atus ida-resin-ida ka atus ida ida
106 atus ida-resin-neen atus ida neen
201 atus rua-resin-tolu atus rua ida
217 atu rua sanulu-resin-hitu atus rua sanulu-resin-hitu
407 atus haat-resin-hitu atus haat hitu
802 atus ualu-resin-rua atus ualu rua
909 atus sia-resin-sia atus sia sia

110 atus ida sanulu


115 atus ida sanulu-resin-lima
130 atus ida tolunulu
370 atus tolu hitunulu
147 atus ida haatnulu-resin-hitu

1.111 rihun ida atus ida sanulu-resin-ida


2.222 rihun rua atus rua ruanulu-resin-rua
9.999 rihun sira atus sia sianulu-resin-sia

Klasifikadór numériku -na’in

Bainhira ita uza númeru kardinál ida hamutuk ho substantivu haktemik (refere ba) ema ida, tenke tutan
ho klasifikadór na‟in ba numerál ne‟e. Forma ho ifen na‟in tutan ba de‟it numerál sira ne‟ebé hakohak ka
hakohan elementu ida de‟it; bainhira numerál kardinál haklohan elementu rua ka liu ita tutan de‟it ho
na‟in, lahó ifen.
Ezemplu:
- ema na‟in-tolu
- feto na‟in-haat
maibé
- ema na‟in sanulu-resin-ida.

55
- feto na‟in ruanulu-resin-hitu.

Maske nune‟e, bainhira ita emprega algarizmu de‟it, bele uza na‟in- (ho ifen) iha kazu hotu-hotu.
Ezemplu:
- ema na‟in-11
- feto na‟in-27
- mestre na‟in-450 no mestra na‟in-237.

Algarizmu Romanu Sira


To‟o sékulu da-11 povu rai-Europa nian hatene de‟it algarizmu ne‟ebé Romanu sira inventa, kala
molok tinan rihun ida. Ohin loron fali ita hotu-hotu barakliu uza mak algarizmu indu-árabe ka indu-
arábiku. Árabe moru sira maka hatama sistema ne‟e ba rai-España no Portugál iha sékulu da-10 liutiha
Kristu (LK), hafoin sistema indu-árabe ne‟e naklekar iha Europa tomak. Portugés sira maka lori sistema
indu-árabe mai iha rai-Timór. Algarizmu Romanu sira ita uza de‟it nu‟udar enfeite selae bainhira
presiza ba sistema alternativu hodi kontrasta ho algarizmu indu-árabe sira.
Algarizmu romanu hotu bazeia ba letra boot (maiúskula) hitu alfabetu latinu nian, maka:
I = 1
V = 5
X = 10
L = 50
C (centum) = 100
D = 500
M (mille) = 1.000

Faktu interesante ida mak símbolu V Romanu sira adota atu reperezenta númeru lima (5) tamba hanesan
liman nakloke ida ho liman-fuan lima.

Algarizmu Romanu sira bazeia sistema limak ka kináriu ho forma:

Indu-Árabe Romanu Indu-Árabe Romanu

1 I 11 XI
2 II 12 XII
3 III 13 XIII
4 IV 14 XIV
5 V 15 XV
6 VI 16 XVI
7 VII 17 XVIII
9 IX 19 XIX
10 X 20 XX
21 XXI 200 CC
29 XXIX 350 CCCL
30 XXX 485 CDLXXXV
35 XXXV 500 D
38 XXXVIII 600 DC

56
40 XL 700 DCC
46 XLVI 800 DCCC
50 L 900 CM
60 LX 1.000 M
70 LXX 1.111 MCXI
80 LXXX 2.000 MM
90 XC 2.555 MMDLV
100 C 3.000 MMM

. Numerál ordinál
Numerál ordinál sira hatudu númeru sira-nia orden ka relasaun ba malu. Atu hakerek numerál
ordinál sira soi forma tolu mak hanesan:

1. Nu’udar liafuan tetun kahorik; dahuluk, daruak, datoluk, dahaat, dalimak, daneen, dahituk,
daualuk, dasiak, dasanuluk, dasanulu-resin-idak, dasanulu-resin-ruak, dasanulu-resin-toluk,
dasanulu-resin-haat, daruanuluk, datolunuluk, dahaatnuluk, dalimanuluk nst.

2. Nu’udar liafuan luzizmu (hosi dalen Portugés): primeiru, segundu, terseiru, kuartu, kintu,
sestu, sétimu, oitavu, nonu, désimu, désimu-primeiru, désimu-segundu, désimu-terseiru,
désimu-sétimu, vizézimu, vizézimu-nonu, trizézimu, trizézimu-kintu nst.

3. Nu’udar abreviatura ho prefiksu da- + algarizmu Indu-Árabe; da-1, da-2, da-3, da-4, da-
5, da-6, da-7, da-8, da-9, da-10, da-11, da-12, da-20, da-100, da-150, da-199 nst.

Ezemplu: Timór Lorosa‟e sai membru Nasaun Naklibur sira da-199.

. Numerál indefinidu

Numerál indefinidu sira hatudu hahirak ida-ne‟ebé la hatene totalidade nian loloos, la‟ós hanesan
hahirak tebes nian hanesan numerál kardinál sira.
Ezemplu: barak (basuk), barakliu, hotu, hotu-hotu, liután, oitoan, atus-ba-atus, rihun-ba-rihun,
natoon, dahuluk, dahikus) nst

Ezemplu:
1) Sasan sira ne‟e barakliu karreta la bele tula.
2) Ema atus-ba-atus mak tuir manifestasaun iha loron ne‟ebá.
3) Ami lori sasan natoon de‟it ba semana ida.
4) Rai-henek ne‟e oitoan liu.
5) Sira mak nu‟udar ema dahikus nian.

Númeru koletivu
Númeru koletivu nu‟udar ida-ne‟ebé hatudu totalidade grupu nian hanesan: (nuluk, atus, rihun,
reben, batain) nst.

57
Ezemplu:
1) Agrikultór ne‟ebá iha karau atus-rua.
2) Emprezáriu lokál sira nia konta bankaria bele atinji reben-ida.

6. Prepozisaun
Prepozisaun maihosi lia-latin praepositio, katak buat ne‟ebé hatuur ka tau iha oin ba naran ruma.
Iha sistema gramatikál prepozisaun serve atu liga konstituente rua hosi fraze ida nian ka nu‟udar
elementu ida ne‟ebé hatudu komplementu fatik.
Prepozisaun iha dalen tetun hanesan subkategoria hosi verbu; prepozisaun kahorik ka nativu soi
origem verbál.

Prepozisaun Signifikadu Signifikadu verbál


Ba para bá (ir para)
banati-tuir da-2 tuir hakarak imita tuir modelu
(konforme)
Bodik para; husi ema ida -
Dunitán purkauzade -
Dunitanba grasa ba
Hadulas hale‟u husi fó volta; la‟o hadulas
Hafoin depoizde; após
Hakat liuhusi
Haktuir ho akordu tuir
hale‟u fó volta husi -
Halolok iha diresaun -
Hanesan - sai hanesan, hanesan ho
Hasoru kontra diresaun -
Hatutuk direitu ba diriji ba
Ho - abreviatura ba hodi
Hodi husi meiu ba; ho ajuda lori
husi
Hori desde ba husi
Horikedas ezatamente hori + kedas
Iha - -
kona-ba sobre aserta; toka
lahó; lahodi sen negativu ba ho, hodi
Laiha sen negativa ba iha
lato‟o negativa ba to‟o
Liu após tuir liuhusi
Lihusi através (liu + husi)
Mai fila
Molok antesde, depoizde -
nu‟udar - -
Seidauk antezde -
Sikat entre tama leet

58
Tanba husi kauza tan + ba > ba
Tuir akordu ho -
uluk-ba antezde (uluk + bá)

Liafuan sira iha leten bainhira ita hatama iha fraze balun muda nia kategoria no hamosu konfuzaun iha
makdalen sira-nia neon tanba sai verbu prepozisionais. Ezemplu:
1. Amá sosa kamiza ba alin.
2. Ita hela iha uma ne‟ebá.
3. Sira mai hosi Baukau.
4. Maromak fó aten-boot mai ita.
5. Feto ida mai to’o knua.
6. Nia tanis hela iha nia kuartu.
7. Sira lori nuu hirak-ne‟e hosi knua ida besik Maubara.
8. Sira haksesuk beibeik ho ami.
9. Ema hotu hakarak moris ho pás.
10. Atleta sira halai tuir tasi-ibun.
11. Ita kleur ona funu hasoru injustisa sosiál.
12. Sebastiaun sei halo nu’udar imi hateten..

Prepozisaun Kahorik
Iha okos ne‟e ami fo lista ida kona-ba prepozisaunsira tetun nian ne‟ebé pertense ba kategoria
vokábulu kahorik ho liafuan seluk, sira ne‟e laos mai hosi portugés.
Ami mós hato‟o iha ne‟e prepozisaun sira nian fafutuk verbál bainhira forma prepozisaun nian
lahanesan verbu orijinal nian.

Tetun Portugés Inglés Malaiu


ba (< bá) a, para to; for ke, kepada, untuk,
bagi
hadulas,hale‟u ao redor de, aroud keliling
à volta de
Hakat atraves de, across melewati
Hanesan como like seperti
Hasoru contra; em against, towards menentang, terhadap
direcção a
ho(< hodi) com with dengan
hodi com, por meio de with, by means of dengan memakai
hosi,husi(<husik) de, desde, por from, by oleh
hori,hosikedas desde (há) since sejak
Iha em, a in, on, at di
kona-ba acerca de, sobre about, concerning tentang,mengenai
Lahó ( <la hodi) sem without tanpa
laiha (< la iha) sem without tanpa
lato‟o menos que less than kurang dari
Liu após following menyusul
Liuhosi por (meio de) through,by melalui, dengan jalan

59
means of
liutiha(< liu tiha) depois de after sesudah,setelah
Mai a, para to, for ke, kepada; untuk
Molok antes de before sebelum
nu‟udar como as sebagai
Rabat ao lado de next to di sebelah
seidauk, ladauk antes de before sebelum
Talain defronte de opposite dihadapan
tan, tanba por causa de because of oleh karena
to‟o até until, as far as sampai
Tuir ao longo de; along; according to; sepanjang;menerut,se
segundo; após following, after sudah
uluk (ba) antes de (ordem) before, preceding pada bagian awal

Verbu Prepozisionál
Iha dialetu tetun-terik nian, prepozisaun kahorik sira ne‟ebé hahú ho h- funsiona nu‟udar verbu lolos,
ne‟e mak, foti prefiksu emak ka pesoál hanesan verbu ordinário sira. Fenómenu ne‟e ita la hetan ida iha
dalen raiseluk hanesan malaiu, portugés ka inglés. Tanesan fraze sira tuirmai ne‟e iha dialetu Samoro
nian ne‟ebé hatudu maklalin verbu prepozisionál ho ninian:

Tetun-terik Portugés Inglés


Ha‟u kela ko nia Eu fico como ele/a I stay with him
Ó mela mo ha‟u Tu ficas comigo You stay with me
Nia nela no ha‟u Ele fica comigo He stays with me
Ita hela ho sira Nós ficamos com eles We sty with them
Ami hela ho sira Nós ficamos como eles We stay with them
Imi hela ho sira Vós ficais como eles You stay with them
Sira hela no ha‟u Eles ficam comigo They stay with me

Maklalin sira ne‟e lakon tiha ona iha tetun prasa no mós iha tetun ofisiál, ne‟ebé uza forma báziku
prepozisaun nian (hanesan verbu nian) iha kazu hotu-hotu, kp.
1. Ha‟u hela ho nia
2. Ó hela ho ha‟u
3. Nia hela ho ha‟u
4. Ita hela ho sira
5. Ami hela ho sira
6. Imi hela ho sira
7. Sira hela ho ha‟u

60
Lokusaun Substantivál

Tetun (hanesan mós lia-malaiu) dala barak emprega lokusaun substantivál iha situasaun sira ne‟ebé
lia-portugés no inglés uza de‟it prepozisaun simples ida ka katetek (kompostu) ne‟ebé tuur iha
substantivu nia oin.lokusaun substantivál tuir lolos mós lokusaun maksoik ka pisesivu, tamba hodi
hateten nune‟e ita afinál temi kona-ba buat ka ema rua nia balun ida, n.e.iha uma nia okos = iha parte
okos uma nian. Estrutura rua ne‟e ita bele tanesan iha dalen haat:

Lokusaun substantivál prepozisaun + substantivu

tet. iha uma (nia) okos = inglés: under the house


mal. di bawah rumah = portugés: debaixo da casa

Iha fraze tetun ho malaiu deskreve iha leten iha no di mak nu‟udar prepozisaun; okos no bawah
afinál nu‟udar naran ne‟ebé lori knaar komplementu diretu.

Lokusaun substantivál sira ne‟ebé baibain uza iha dalen tetun mak tuirmai ne‟e (substantivál tama ba
fatin ne‟ebé ami hatadak ho retisénsia …) hanesan naktuir iha kuadru karaik ne‟e:

Tetun Malaiu Portugés Inglés


iha… (nia) laran di dalam… dentro de … inside …
iha … (nia) li‟ur di luar… fora de … out of …/outside…
iha … (nia) oin di depan … em frente de*… in front of*
iha … (nia) kotuk di belakang… atrás de behind …
iha … (nia) leten di atas … em cima de*… on top of*…
iha …(nia) okos di bawah bebaixo de under (neath)…
iha … (nia) tutun di puncak … no cimo de*… at the top of …
iha …(nia) kraik di bawah… debaixo de.. below…
iha … (nia) sorin di samping … ao lado de*… beside …/next to…
iha … (nia) leet di antara… entre… between…/among…
iha …(nia) klaran di tengah-tengah … no meio de … in the middle…

Nota observasaun nian:


Forma dalen inglés no portugés ninian ne‟ebé ami marka ho tadak astériku mós nu‟udar lokusaun
substantivál.

Prepozisaun Dalen Portugés

Prepozisaun sira ne‟ebé adota hosi dalen portugés naturalmente la iha fafutuk ho abut verbál tetun nian.
Atu komprende di‟ak liu tan ita haleat iha kuadru karaik ne‟e:

Tetun Potugés Inglés

61
alein, aleinde além de besides, as well as
Apezarde apesar de in spite of
Durante durante during
Entre entre between, among
Envezde em vez de instead of
Konforme conforme according to, up to
kontra (= hasoru) contra against
kuaze (=besik) quase almost, nearly
Menus menos except
sobre (= kona-ba) sobre about, concerning

Oinsa Uza Prepozisaun Sira

Atu hatene kle‟an liu kona-ba prepozisaun sira presiza hare iha kontestu fraze nia laran, hanesan
ezemplu sira tuirmai ne‟e:

Ba no mai

Ezemplu: Papá fó ruin ida ba asu.


Luís sosa faru ba alin

Ba iha fraze rua iha leten hatu diresaun ema ne‟ebé ko‟alia. Iha tetun literáriu ida-ne‟e normál iha
prezensa pronome emak ema dahuluk nian (katak ha’u, ita ka ami).

Ezemplu: Maromak fó aten-boot mai ita.


Sira la‟o mai husi diresaun katedrál.

Tanesan mós: Sira haruka surat ida ba Dili ne‟ebá.


Sira haruka surat ida mai Dili ne‟e

To’o no lato’o

Ezemplu: Daniel ho Fátima bá to’o Dili.


Husi Dili ba Metinaru lato’o oras.

Iha

Ezemplu: Nia tanis hela iha nia kuartu.


Ami bele bá iha kuartél.
Sira bá to‟o iha Ramelau tutun.

Hosi ka husi
Hosi ka nia maklalin husi bele soi arti hanesan tuirmai ne‟e.

62
Ezemplu: Ema ne‟ebá pastór protestante hosi Ataúru.
Ami liu hosi banku molok bá eskritóriu.
Sira la‟o hosi ai-laran no deskansa besik motaoan ida.

Hosi mós soi nia arti hanesan liafuan portugés por:

Ezemplu: Padre ne‟e simu ordenasaun hosi ambispu Baukau.


Informasaun ne‟e hato‟o hosi señór José Amaral

Ho
Ezemplu: Sira haksesuk ho amo beibeik
Mane ida mai ne‟e ho liurai nia naran

Ho be mós troka ho hodi iha dalen tetun literáriu, hanesan ezemplu tuirmai ne‟e:

António bá kreda hodi nia oan-feto.


Nia ohin mai hodi pasta metan ida.

Tuir
Ezemplu: Atleta sira halai tuir tasi-ibun.
Sira halai tuir ami-nia kotuk.

Hasoru/kontra
Ezemplu: Ita kleur ona funu hasoru injustisa sosiál.
Estudante sira hasoru Reitór UNTL.
Ema sira ne‟e kleur ona luta kontra injustisa sosiál.
Senadu estudante nian kontra desizaun Dekanu FCE.

Hanesan/nu‟udar

Ezemplu: Koellu ne‟e balada hanesan laku


José aas hanesan ho António
Busa nu’udar espesie ida ho tigri.
Há‟u serbisu nu’udar advogadu

7. Advérbiu
Kategoria Advérbiu fahe ba parte rua :
A. Forma: 1. Forma reduplikadu ( baibain, foufoun, dodook, lalais, lailais, neneik,
( neineik, loloos ) - maihosi hun adjetivu nakfila ba advérbiu

B. Forma Advérbiu ho abut portugués ( luzizmu : absolutu, ezatu, emediatu, naturál, kompletu,
nst. )

63
Klasifikasaun
Kategoria advérbiu klasifika ba parte sia hanesan tuirmai :

a. Adverbiál fatik (iha ne’ebé, iha ne’e, hosi ne’e, hosi uma, mai uma),nst.

Ezemplu:
1. Sira han hela iha-ne’ebá.
2. Ami liu husi ne’e.
3. Sira mai husi uma
4. Ami hetan nia la‟ó mai uma

b. Adverbiál tempu nian (bainhira, kuandu, horikba, hira, dadaun, semana


uluk, tuku hitu) nst.

Ezemplu:
1. Bainhira mak imi ba estranjeiru.
2. Kuandu imi mai ami sei sai tiha ona.
3. Uma ida imi horikba ne‟e señór José nian
4. Sira mai daudaun ne‟ebá.
5. Semana uluk ami bá vizita sira.
6. Aban dadeer tuku hitu ami liuhusi uma.

c. Adverbiál Nu‟un ka modun nian mak henesan (naran, oinsá, halonu’usa naranaran, maka’as,
saugati, kasian, mukit) nst.

Ezemplu:
1. Ema sira ne‟e maka’as tebtebes.
2. Imi estuda saugati de‟it.
3. Ita tenke tulun ema kasian sira
4. Sira ne‟ebá mesak ema laran mukit.
5. Ita-Boot sira halo naranaran de‟it.
6. Oinsá imi-nia hanoin kona-ba manifestasaun ne‟ebá.
7. Halonu’usa mak imi sai husi ne‟ebá.

d. Adverbiál konfigurasaun (ida-ida, lemo-lemo, laran-baliur, mesak) nst.

Ezemplu:
1. Imi ida-ida sei lori hahan ba loron ida nian.
2. Sira la‟ó lemo-lemo iha ai-laran tuan ne‟e.
3. Bainhira ami lakon dalan hafila roupa laran-baliur.
4. Nia mesak mak mai.

e Adverbiál sasukat (mós, hotu, liután, barak, basuk, baibain, kurakuran,


kuaze) nst.

Ezemplu:

64
1. Nia mós hetan ami iha lorokraik ne‟ebá
2. Ami hotu hakarak nia atu sai lideransa ba instituisaun ne‟e.
3. Sira barak ne‟e mesak estudante sekundáriu nian.
4. Baibain ami liuhusi odamatan oin.
5. Kurakuran nia mak nu‟udar maraek.

f Adverbiál afirmasaun no definisaun (sin, loos, nune’e, afinál, liuliu, satán)


nst) nst.

Ezemplu:
1. Loos duni , sira ne‟ebá mak nu‟udar estudante sekundária.
2. Afinál imi mak halo buat sira ne‟e.
3. Sira be mai la hatene ona, satán imi sira be la mai.
4. Sin, ida-ne‟e duni mak loos.
5. Nune’e duni mak sira la mai.

g. Adverbiál negasaun no limitasaun (lae, la´os, nein, ladún, nunka, só mesak, nein) nst.

Ezemplu:
1. Ida-ne‟e mak Ita-Boot nia livru lae. La‟os ida-ne‟e.
2. Ita-Boot nia maun mak ida-ne‟e la’os, maibé ida-ne‟ebá.
3. Ami ladún konkorda ho hanoin ida-ne‟e.
4. Sira nunka halo buat sira ne‟e mai ami
5. Só nune‟e mak ita bele manan konfiansa.
6. Imi bele halo mesak.
7. Bainhira ha‟u nein iha ema ida.

h. Adverbiál dúvida ka laran-rua nian (karik, kala, se, bele, to’ok, maizumenus, selae, parese,
dalaruma, podia) nst

Ezemplu:
1. Karik iha tempu Ita-Boot bele mai vizita ami.
2. Kala nune‟e mak sira la mai haree ami.
3. Se ita hakarak ha‟u bele fó hatene.
4. Bele fó ajuda ba sira, bainhira presiza.
5. Husu to’ok ba nia larik iha.
6. Buat ne‟ebé mak há‟u bele ajuda maizoumenus mak ne‟e.
7. Sorti di‟ak ha‟u hetan Ita-Boot, selae amo la hatene.
8. Tuir ha‟u-nia haree, parese nia mak halo violasaun.
9. Ami-nia estudante dalaruma halo sala oioin.
10. Podia ha‟u mak ba, bele harosu nia.

i. Adverbiál interogasaun ( oinsá, bainhira, ka, lae, tansá, oinsá, dala hira) nst.

Ezemplu:

65
1. Oinsá Ita-Boot bele hatena katak nia mak estraga?
2. Bainhira mak ita bele hasoru malu fali?
3. Kala nune‟e mak nia la tama eskola?
4. Lae na‟i, atan ha‟u la iha fatin iha tempu ne‟ebá?
5. Tansá mak imi ida-ne‟e?

j. Adverbiál intensidade ( loos, tebes, tebtebes, duni, kedas, lahalimar,


mezmu, para, natoon, komplementu, totalment, para, liu) nst

Ezemplu:
1) Loos, ida-ne‟e mak nia alin.
2) Se imi mai tebes, entaun ami hein.
3) Ó duni mak halo ida-ne‟e ba sira.
4) Sira dsetroe totalmente uma ne‟ebá.
5) Ita lori sasan natoon de‟it ba semana ida.
6) Para atu koñese arlele bele kaer fuan maran.
7) Mezmuke nune‟e ita labela ses husi nia.
8) Para nia mai, ita tenke kria kondisaun
9) Sira bele ona liu ba sorin.

8. Konjunsaun
Liafuan konjunsaun katak liafuan sira mak hatutan liafuan, orasaun no fraze rua. Liafuan sira
nu‟udar konjunsaun sei fahe ba rua mak konjunsaun koordenativa no konjunsaun subordinativa.
Konjunsaun sira ne‟ebé mak envolve iha koordenadór hanesan tuirmai ne‟e

1) Konjunsaun kopulativa katak konjunsaun ne’ebé tuir lójika no


gramatikalmente iha relasaun.
Ezemplu: no/i > Kuda han du‟ut no asu han na‟an.
Ha‟u manán osan no tau hotu ba banku. [no konjunsaun literáriu]
Ha‟u manán osan i tau hotu ba banku. [i konjunsaun kolokiál]
Amá te‟in etu i Maria halo modo.

ho > Amá ho Apá bá to‟os.


Manuel ho Anita bá kuru bee.
Kuda ho karau nu‟udar balada mamiferu
Manu semo ho liras.
Samea dolar ho isin lolon tomak.

no mós > Tenke ho laran hala‟o serbisu no mós halo tuir


regulamentu.
Hamoos vidru no mós tenke kuidadu.
Bainaka sira hananu no mós bidu.

ho mós > Ita han hudi ho mós ai-han sira seluk.

66
Bainaka sira hananu ho mós bidu (k).

hodi > Serbisu maka‟as hodi fó-han no hemu ba família.


Ambispu vizita kadeia hodi fó-konfesa ba dadur sira.

ne‟e > Hemu ai-moruk ne’e atu kura moras.

nune‟e > Ita halo esforsu antes nune’e bele hetan rezultadu másimu.

purtantu > Matéria sira mak ne‟e, purtantu Ita-Boot sira mak tenke
hakle‟an liuhosi estuda dokumentu hosi média oioin.

2) Konjunsaun adversativa
Konjunsaun adversativa katak liafuan konjunsaun sira mak hajunta orasaun daruak ho signifika
kontraditivu ho signifika orasaun dahuluk iha fraze ruma nia laran.
Ezemplu: maibé > Nia hakarak ha‟u maibé ferik-katuas sira la simu nia.

mais > La‟o ba mais mak ne‟e, …

mas (k) > Bele serbisu oioin mas labele nafatin.

maske nune‟e > Maske nune’e ba mas ita hotu sei to‟o rohan.

soké > Kalan bele saibá soké tenke kuidadu.

Enkuantu > Agora labele ona, mas enkuantu sei klosan mós halo rai sá

aupásuke > Marta sai madre aupásuke nia alin-feto enfermeira.

4) Konjunsaun disjuntiva
Konjunsaun disjuntiva signifika konjunsaun sira mak hakatak alternativa iha fraze ruma nia laran.
Ezemplu:
ka > Nia mak sala ka ita mak sala seidauk hatene loos.

ka lae > Dehan ó mak manda iha ne‟e, nune’e ka lae?

eh > Riku eh kiak hotu-hotu tenke hola feto ne‟ebé hakarak ona.

selae > Bá lalais ona, selae ita susar.

keta > La‟o ba mais keta tau todan fali ba ema seluk.

Iha koordenasaun balu harabat de‟it ho ifen ba substantivu sira la harabat ho konjunsaun “no” mak
lahanesan:
Ezemplu:
aman-inan bá-mai

67
di‟ak-aat ferik-katuas
han-hemu inan-aman
ki‟ik-boot loron-kalan
maun-alin tun-sa‟e

Konjunsaun subordenadór (konjunsaun subordinativa)


Konjunsaun sira mak inklui ba suboordinadór mak konjunsaun:

1) Konjunsaun konsesiva
Konjunsaun ne‟ebé hatada espresaun diversaun alternativa ba buat ka kondisaun ruma ne‟e la‟o
dadaun.
Ezemplu:
maski > Maski sira tolok ami, ami la lakon neon.

maske > Maske udan boot hela, ami-nia serbisu la para.

embora > Embora sira manán ona, ida-ne‟e hanesan lisaun ida ba ita.

biar > Biar la‟o neneik mós, tempu ida sei to‟o rohan.

mézmuke > Mézmuke liu ona ezame, mas sei iha serbisu boot ida atu
hala‟o.

2) Konjunsaun kondisionál
Konjunsaun kondisionál katak konjunsaun ne‟ebé refere liubá buat ka lala‟ok ruma mak
kondisionalmente. Ezemplu:
se > Se senti moras karik, bele fila uluk ona.

bainhira > Ideia ne‟e ita bele simu, bainhira apár ho kondisaun reál
positivamente.

naran > Serbisu sira halo naran hetan netik osan.

naran katak > Serbisu saida de‟it bele halo naran katak labele na‟ok.

Sarak (T) > Atu di‟ak eh aat, sarak halo tuir liafuan loos nian.

3) Konjunsaun konsekutiva
Konjunsaun konsekutiva katak konjunsaun ne‟ebé ho funsaun atu haktuir atividade
relasionada mak tuituir malu.
Ezemplu:
atu > Lori ai-han ne‟e atu fahe ba ema kiak sira.

hodi > Atu bá tuir kursu hodi hasa‟e kapasidade.

atuhodi > Osan ne‟e atuhodi ema-nia tusan.

68
parahodi > Favór ida halo hotu lalais parahodi halo ninia relatóriu mós.

para (k) > Husu tuir ida-ne‟e para …?

atubele > Halo uma ketak atubele hela mesak.

ba > Hodi ne‟e mai fó ba alin.

4) Konjunsaun negativa sira


Konjunsaun ne‟ebé hakatak negativa hodi hasoru hahusuk ruma.
Ezemplu:
keta > Maun-alin sira, keta halimar ho regulamentu!

ketahalobé > Anó, ketahalobé tali sa‟e kakorok mak ne‟e ee…!

labele > Feto ne‟ebá labele mai tama iha ita-nia grupu!

keta … karik > Ko‟alia-ko‟alia, keta nia mak halo karik!


> Amá taka odamatan sira, keta udan tama karik!

5) Konjunsaun temporál sira


Konjunsaun temporál katak liafuan konjunsaun sira mak refere liubá tempu nian.
Ezemplu:
bainhira > Ha‟u mai, bainhira udan para.

durante > Atividade ne‟e hala‟o durante semana ida.

enkuantu >Iha semináriu ne‟e, enkuantu partisipante iha direitu atu husu.

kuandu > Ba imi, kuandu ema fó ona tempu tenke husu.

natoon > Rezultadu ne‟e natoon ona ba ha‟u.

to‟o, to‟obá > foin >

depoizde > depois >

molok (atu) > antes (atu) >

antezde >hori … >

69
6) Konjunsaun komparativa sira
Konjunsaun komparativa katak konjunsaun ne‟ebé refere ba aspetu komparasaun objetu rua
ninian kondisaun.
Ezemplu:
fali > Nia mak di‟akliu fali ona ha‟u.

duke > Di‟akliu ha‟u hili ida be natoon duké hili ida ne‟ebá.

tuir > Hotu tiha tuir fali sira be simu ona billete.

hanesan > Ida ne‟ebá mós hanesan ida be liu tiha ba ne‟e.

liu > Se imi liu tiha ezame ne‟e sei tuir tan ezam ida mós.

7) Konjunsaun kompletiva

Ezemplu:
katak > Ne‟e katak ita labele liuhosi iha ne‟e.

ke > Seja ké ha‟u la mai mós, imi sempre estuda rasik.

ne‟ebé > Ba sira ne’ebé la hatama tarefa, lalika ejize nota ba ha‟u.

dehan > Ida-ne‟e ka ou sé de‟it hotu-hotu bele dehan di‟ak hotu de‟it.

katak dehan > Mak hanesan ne‟e hela de‟it, bele dehan katak mate iha fatin
sá.

9. Interjesaun

Interjesaun (Luzizmu: olá, halo ,he, ben, viva, ai, bosta)

1. Olá, di‟ak ka lae ?

2. Viva señór Juaun!

3. Basta imi halo di‟ak ba ita hotu.

4. Ben, buat ne‟ebé ó halo mesak kapás.

70
ANÁLIZA SINTÁTIKA
Fraze.
Fraze nu‟udar liafuan ida de‟it ka lubun ida ne‟ebé tutan malu no hatuir hale‟u hanoin ida, hodi
fó-hatene kona-ba buat ruma,mak harii iha estrutura no remata ho pontuasaun.

Fraze no nia análiza

Fraze iha oioin,maibe iha parte ida-ne‟e ami koko fó-hanoin ba profesor sira, oinsá atu bele koñese
funsaun fraze nian, kategoria liafuan nian ne‟ebé forma fraze no papél estrutra fraze nian. Asuntu ida-
ne‟e importante tebtebes atu ita kuda metin iha estudantes sira nia neon nu‟udar fundamentál atu estuda
siénsia linguístika

Fraze mós bele sainaruk no liafuan rua ka tolu ka barakliu.Iha kazu ida-ne‟e ita bele hetan:

a. Fraze ho verbu : Tinan balu liubá ha‟u bele hala’o ha‟u-nia knaar nu‟udar
profesór.

b.Fraze laiha verbu: Loron di‟ak ho dader naroman no kalan malirin.

Ita hotu buka haka‟as an koñese kle‟an fraze ho nia análiza, hodi nune‟e ita bele fó informasaun klaru
no kle‟an ba estudante sira.
Ezemplu:

(a) Mateus fó na’an ba asu.


Naran verbu naran prepozisaun naran

(b) Labarik sira gosta rebusadu, la’ós ai-moruk


Naran verbu naran advérbiu naran

Se fraze ne‟e ita análiza nia estrutura no liafuan ne‟ebé forma estrutura liuhosi dalan oin tolu: Funsaun,
kategoria no papél.

Mateus fó na’an ba asu


Funsaun (F) (S) P Komp. diretu Komp indiretu

Kategoria (K) N.Próp V naran prepozisaun Naran simples

Papél (P) Autór tatemik komp.

(c) Labarik sira gosta rebusadu, la’ós ai-moruk.


(F) S P Komp
(K) N.Kom V N. kom Adv. neg N.kompostu
(P) Autór tatemik Komp.

71
Ezersísiu:

1. Turista Inglés sira gosta foho no tasi-ibun.


2. Siénsia nakfahe ba dixiplina oioin.
3. Dili mak kapitál,Timor-Leste nian, la‟os rai-Vanuatu nian.
4. Ami sa‟e karreta atu bá Baukau.
5. Lia-Fataluku ne‟e dalen furak tebtebes.
6. Ami-nia kolega sira halo protesta ida iha parlementu

Verbu

Verbu sira: Tempu & Aspetu


Kona-ba liafuan verbál iha parte tempu no aspetu, bainhira ita tanesan ita-nia dalen ho dalen
seluk hanesan dalen portugés no dalen inglés, ita bele hanoin katak sistema verbál maka gramátika
sanak ida ne‟ebé mamar iha dalen tetun, toos fali iha dalen inglés no mós iha dalen portugés. Se ita to‟o
ba konkluzaun sala ne‟e karik, ne‟e tanba ita tetu verbu sira hosi pontudevista tempu nian de‟it. Tebes
duni, difikuldade ida ba timoroan sira ne‟ebé aprende dalen europeu ida maka domina tempu nian.
Hanesan dalen portugés no inglés iha tempu báziku tolu maka tuirmai:

prezente pasadu futuru

Portugés ele ajuda ele ajudou ele ajudará


Inglés he helps he helped he will help
Tetun nia tulun nia tulun nia tulun

Bele mós ita uza liafuan-maktulun verbu tempu iha dalen tetun hanesan kraik ne‟e:
Tetun nia tulun ita nia tulun ona ita nia atu tulun ita
tiu tulun alin tiu tulun ona alin tiu atu tulun alin

Hodi espresa tempu (bainhira mak hahalok ida akontese) dalen portugés no inglés muda verbu ho dalan
rua:
Tutan ho sufiksu ida (-a, -ou, ará iha portugés, -s no –ed iha inglés
Emprega verbu maktulun (ausiliár ida (hiill iha inglés

Maibé dalen austronéziku sira hanesan tetun no malaiu la foka tempu iha sira-nia lójika
gramatikál. Purtantu, iha dalen tetun ita lalika hatama fali forma ida (prefiksu verbu maktulun) hodi
espresa tempu. Tempu ne‟e makdalek tetun sira hanesan mós makdalek malaiu) hatudu liuhosi kontestu
de‟it, katak liafuan sira-ne‟ebé hale‟u verbu iha fraze laran mak hatudu tempu. Hodi kompara balu ita
bele haree katak dalen tetun no malaiu la presiza matadak (markadór) ida hodi espresa tempu.

Tempu Dalen Ezemplu


Portugés Ele ajuda-me todos os dias.

72
Prezente Inglés He helps me every day.
Tetun Nia tulun ha‟u loroloron.
Malaiu Dia menolong saya tiap hari.
Portugés Ele ajudou-me há três dias.
Pasadu Inglés He helped me three days ago.
Tetun Nia tulun ha‟u loron tolu liubá.
Malaiu Dia menolong saya tiga hari yang lalu.
Portugés Ele ajudará os estudantes às cinco horas.
Futuru Inglés He will help the students at five o‟clock.
Tetun Nia tulun estudante sira iha tuku lima mai.
Malaiu Dia menolong para mahasiswa pukul lima.
Bainhira dalen portugés no inglés foka liu ba tempu, enkuantu dalen tetun foka liu ba aspetu,
hanesan iha kraik-ne‟e:

aspetu aspetu

tiha sai tiha uza matadak perfetivu tiha


soe tiha
sunu tiha
hakohak tiha

ona selu ona uza matadak insetivu ona


bá ona
liu ona
mak ne‟e ona

foin foin hahú uza matadak resentivu foin


foin tun
foin mai
foin fila

sei sei la‟o uza matadak prospetivu sei


sei lakon sá
sei hakarak hela
sei botuk loos hela

sei la‟o hela lalais/maka‟as uza matadak gresivu daudaun


sei manas hela
sei ku‟u hela daudaun
sei fuma daudaun ne‟ebá

sei la‟o neneik hela uza matadak estativu hela


sei ke‟e neneik
sei halai neneik
sei hakaat neneik mai

73
atu atu monu uza matadak iminentivu atu
atu hahú
atu sasaltu
atu mosu tan
atu hamriik ketak

ba atu hahú de‟it uza matadak aprosimativu ba


halo de‟it ba
hasai de‟it ba sá
tuur de‟it ba
atu hahú loke de‟it

Ezemplu:

gresivu Labarik sira haksoit daudaun iha kama leten.


Apá sira han daudaun na‟an-asu iha sorin.

estativu Ha‟u hein hela iha ha‟u-nia kuartu.


Maria moras hela.

prospetivu Nia sei han hela.


Sira sei halimar hela.

perfetivu Di‟ak liu hatún tiha molok sira mosu.


Di‟ak liu hasa‟e tiha ba hadak leten.

insetivu Mateus selu ona tusan.


Keta hamrook ona karik.

perfeitu Ha‟u hakerek tiha ona surat ida ba nia.


Maske nia lakohi mai, maibé ha‟u bolu tiha ona.

resentivu Ha‟u foin han sá.


Nia foin pasa ho predikadu di‟ak.

aprosimativu Lori lalais ba karta ne‟e bá nia.


Saida mak akontese ba, ita oferese an de‟it.

Iminentivu Sira atu foti prosesu ne‟e hodi hasoru ita.


Polísia multinasionál atu besik mai iha Timór Lorosa‟e.

Ezersísiu:
Hanaran matadak-aspetu itáliku sira iha fraze kraik mai ne‟e:

1. Imi loke ona kaixa foun ne‟e ka seidauk? _________________________


2. Amu-papa sei foti madre ne‟e ba santa. _________________________

74
3. Labarik sira halai daudaun iha kintál laran. _________________________
4. António, tesi tiha ai-sanak maran ne‟ebá. _________________________
5. Sé mak atu lori hahán ne‟e bá avó-feto? _________________________
6. Sira lohi hela mak ne‟e, tenke mata-moris! _________________________
7. Klise ne‟e fase tiha ona hodibainrua. _________________________
8. Ami foin fó informasaun ne‟e ba sira. _________________________
9. Mestre keta fó nota aat ba sira! _________________________
10. Sira sei hanoin katak ha‟u labele bá festa. _________________________

Verbu katak liafuan sira-ne‟ebé hatudu asaun sujeitu nian ruma mak akontese iha iha vida diária ba
tempu ne‟ebé liu ona, dadaun no atu mai nian.

Hosi parte konstrusaun nian, mak liafuan verbu sei hakfahe ba oin rua:
- báziku
Liafuan verbu báziku katak liafuan verbu sira mak seidauk hetan afiksasaun
ruma: n.e. han, hemu, tuda, rona, tuur, baku, fahe, lori, haree nst.

- kompleksu
Liafuan verbu kompleksu signifika liafuan verbu no adjetivu mak hetan ona
afiksasaun: prefiksu, infiksu, sufiksu ou konfiksu ka sirkunfiksu.

Prefiksu: tuur > hatuur, sa‟e > hasa‟e, manas > hamanas
Sufiksu : bele > belek, hemu > hemun, dale > dalen
Konfiksu: futu > fafutuk, mate > hakmatek,

Hosi parte jéneru, verbu sei fahe ba subklase lubun ida mak tuirmai ne‟e:

1.Verbu inkoativuku sira

Verbu inkoativu maihosi termu gramatikál (port. incoativo) hosi adjetivu latinu inchoativus
(hahú, hahú nian). Hosi liafuan hun incotivo „hahú‟ komesa. Iha tetun-terik, verbu inkoativu sira forma
ho prefiksu na- no haktemik estadu ka situasaun ida ne‟ebé hahú. Sira hotu-hotu intranzitivu katak verbu
hirak ne‟e ninia objetu la iha. Verbu inkoativu iha klase rua: verbu inkoativu ho hun adjetivál no verbu
inkoativu ho hun substantivál
.
Verbu inkoativu ho hun adjetivál:

Liafuan-hun verbu inkoativu iha tetun-prasa

manas namanas sai manas


badak nabadak sai badak
mutin namutin sai mutin
mamar namamar sai mamar
toos natoos sai toos
todan natodan sai todan

75
aat nahaat sai aat

Verbu inkoativu ho hun substantivál:

been nabeen sai been


funan nafunan sai funan
fuan nafuan sai fuan
isin nahisin sai isin
roman naroman sai naroman
tutun natutun to‟o tutun

Nota: Iha tetun-terik verbu inkoativu barak tesi tiha konsoante ikus ne‟ebé mosu iha hun adjetivál ka
substantivál. Nune‟e ita bele hetan maklalin (variante) barak barak iha tetun literáriu, hanesan:

nabadaselae nabadak
nadiu nadiuk
namea namean
nameti nametin
nabee nabeen
nafua nafuan
nafuna nafunan
naroma naroman
natutu natutun
nahisi nahisin
natolu natolun „fó tolun‟

Tan forma rua hotu loos, hakerek-na‟in bele hili forma ida-ne‟ebé nia gosta liu.

Nota mós katak verbu kauzativu halirin (halo malirin) nia maluk inkoativu ne‟e naliri ka nalirin,
labele *namalirin.

Verbu inkoativu sira balu lakon tiha ona sira-nia sentidu inkoativu, no ohin loron refere ba hahalok ka
situasaun baibain nian, la‟ós ba hahalok ka situasaun nia hun de‟it, n.e.:
nabilan
nakonu
nakukun
nadodon

1.Verbu Dinámiku sira

Prefiksu hak- forma verbu foun hosi hun adjetivál ka substantivál. Verbu dinámiku sira la‟ós
kauzativu (hanesan sira ne‟ebé hahú prefiksu ha-). Sira espresa hahalok simples de‟it no barakliu
intranzitivu.

76
adjetivu verbu dinámiku

baruk hakbaruk = halo an hanesan ema baruk-teen


besik hakbesik = bá besik
dook hakdook = bá dook
solok haksolok
fodak „nervozu‟ hakfodak
tenik haktenik = repete, dehan dala ida tan
belak hakbelak = hoku
fetok hakfetok = halo an hanesan feto
karuk hakaruk < *hakkaruk „fila bá karuk
lisuk haklisuk = halo hamutuk, kolabora
matek hakmatek
klebak haklebak < *hakklebak

substantivu verbu dinámiku

belu-n hakbelu, hakbelun „halo amizade‟


sasin haksasin „fó sasin‟ testemuña
buan hakbuan „halo an hanesan buan‟
funu hakfunu „halo funu‟
maluk hakmaluk „hamaluk malu‟
sahin haksahin „fahe lisuk‟, pedasu, bokadu, baluk
bazar hakbazar „halo kontratu, komersializa
klamar haklamar „< hakklamar, medita, hakbadan‟
foli hakfoli „hatais foli‟
na‟i hakna‟ik „ukun, manda ema seluk (negativu)‟

2.Verbu Intensivu sira


Verbu intensivu sira atu hanesan verbu dinámiku sira hodi espresa intensu ida, katak hahalok
maka‟as, lais ka rame liu baibain nian. Iha diferensa rua de‟it:
a. verbu maka sira-nia la‟ós adjetivu ka substantivu
b. sira hetan forma hodi sirkunfiksu hak-k selae ham-k (hosi prefiksu hak-, ham-, de‟it fali
bainhira verbu-hun nia konsoante ikus maka –k).

Ezemplu:
Hun verbu verbu intensivu nia arti

tohi haktohik hamosu erosaun, korroi


sala naksalak liman ka ain-ruin mak naksalak
fakar hakfakar halo nabeen, nakfakar osan
kona hamkonak influénsia, afeta
duu hakduuk fó sala ba ema esluk sira
buti hakbutik de‟ut malu, riba malu

77
la‟o hakla‟ok akompaña, hamaluk
dudu hakduduk sikun malu, tuli malu
lees haklees lees rahun
hadebar hakdebar hata‟uk, teroriza
tama haktamak tama klaran, mete
tebe haktebek tebe malu, tebe tun-sa‟e
tuku haktukuk tuku malu, tuku tun-sa‟e
sona hamsonak estímula, motiva
ta‟uk hamta‟uk respeita

78
BIBLIOGRAFIA

Carvalho, M. de B. (2008). Manuál kursu Ortografia no Gramátika Dalen


Tetun. Dili: Timor Aid.

Hull, G. no Eccles, L. (2005).Gramática da língua Tétum. Lisboa:


LIDEL.

Hull, G. (1993). Mai Ko’alia Tetun: A Course in Tetum-Praça, The Língua Franca of East Timor.
Australia: Australian Catholic Relief.

Hull, G.S. no Correia, A.J.G. (2005). Kursu Gramátika Tetun: ba Profesór, Tradutór, Jornalista no
Estudante-Universidade sira. Baukau : Gráfika Diocesana.

Gomes, N. da Silva. (2008). Halibur Literatura Populár iha Timor-Leste. Dili: Timor Aid.

INL. (2006). Matadalan ortográfiku ba Dalen Ofisial. Baukau: Grafika


Diocesana.

INL. (2006). Hakerek Tetun tuir Banati: Kursu Ortografia Padronizada


nian. Baukau: Grafika Diocesana.

79

También podría gustarte