Dia : 20 Fevereiro 2020
Hato’o ba : Programa Offiser ONG ba Futuro
INTERFAITH
COOPERATION FORUM
Head office/Asia and Pacific
Alliance of YMCAs, 23
Waterloo Road, 6/F.,Kowloon
Hong Kong SAR, China
Tel: (842) 97725126
interfaithcoop@gmail.com
interfaithforum.org
Interfaith Cooperation
Forum Timor Leste
Fasilitadores :
Leonardo Gamboa Marcal
Luis Garcia dos Santos
Maria Madalena Pinto
Nogueira Mendes
Enderesu :
Rua : Masjit tuan Bairo Pite,
Dili,Timor Leste
Email ICF-Timor Leste:
alumnisoptimorleste@gmail.com
Sr. Vídal Campus
Assunto : Konvite
Ho Respeito
Ami husi Organizasaun Interfaith Cooperation Forum Timor Leste
(ICF-TL), ne’ebe mak halibur joven lubuk ida, mai ho diferente Religiaun
no Kultura hodi halo’o dialogu Transformasaun ba Konflitu iha Timor
Leste, dadaun ne’e hakarak realiza treinamentu ho Tema ‘Komprensaun
Konaba komflitu no Direitus Umanus iha Timor Leste’tamba ne’e liu
husi ami nia karta ida ne’e,ho respeitu tebes ami hakarak konvida nai EXcia
sai hanesan orador iha Treinamentu Refere ho nia topiku ‘Problema
Assedio Séxual nebee babain akontese iha Komunidade ’ loron no tempu
mak hanesan tuir mai ;
Loron : Sexta
Data : 06 Marsu 2020
Horas : 02:30-05:00 OTL
Fatin : Salaun ISMAIK Dare, Dili, Timor Leste .
Atu hatene di’ak liu konaba Programa no Aktividade Tomak, Anexu
ona ami nia TOR no orario, nune’e bele ajuda ita bo’ot hodi deside horariu
refere tuir ita bo’ot nia tempu.
Esperansa bo’ot husi ami katak EXcia nia prezensa sei Transforma
ami Juventude nia hanoin no mentalidade ba Nasaun doben ida ne’e, Mak
ne’e deit ba atensaun, la haluha hato’o obrigado wai’n.
Atu hatene informasaun klean konaba ami nia Programa bele
kontaktu Numero no Email iha Retangulo sorin.
Nogueira Mendes Leonardo Gamboa Marcal
Program Manager ICF-TL Coordinator ICF-TL
 Termu Referensia (ToR)

Introdusaun

Interfaith Cooperation Forum Timor-Leste (ICF) hanesan programa ida nebee mak
hamahan ann iha ASIA and Pacific of YMCAs, hodi fornese treinamentu Konaba Dame no
differente perspetiva ba foinsa’e sira nebee mai husi diferente religiaun, kultura no munisipio iha
Timor Lorosa’e. ICF hahu’u hala’o programa iha Timor-Leste tinan 2015 liu ba, Hanaran a’an
Interfaith Cooperation Forum Timor Leste (ICF-TL). To’o ohin loron foinsa’e nebee mak
partisipa ona iha treinamentu ida ne’e hamutuk Walu nulo resin ne’en (86).

ICF nia programa laos deit halo treinamentu durante semana ida maibe Loron tolu, Loron
Sanulo no fulan rua nia laran iha rai-laran no Liur, Programa seluk husi Alumni nian mak fahe’e
sira nia experiensia liuhusi habelar atividade servisu komunitariu nebee mak koalia liu konaba
Dame no Justisa relasaun ho Direitus Umanus iha Komunidade.Tinan tinan ICF-TL hala’o
treinamentu ho Tema diferente, relevante ho Direitus Umanus maibe tinan ida ne’e ho
komitmentu hala’o nafatin treinamentu konaba Komprensaun komflitu no Direitus Umanus
iha Timor Leste, Programa hirak ne’e organiza ba dala lima (5) ona iha Timor Leste.

Prinsipiu Fundamental

Prinsipiu Fundamental husi ICF-TL mak tane no dignifika valor humanidade, hametin unidade
no toleransia, halakon injustisa, promove dialogu ba transformasaun, mantein kultura respeitu
malu no proteje diversidade nudar forsa no riku-soin ba Timor-Leste.

Vizaun

Atu hametin koperasaun entre-fiar no habelar justisa, dame, unidade, respeitu malu atu moris iha
harmonia entre ema ho fiar, rasa, kor, kultura, etniku, divizaun, lian ne’ebe diferente no luta ba
direitu ema marginalizadu sira ne’ebe hetan injustisa no diskriminasaun husi qualquer parte.
 Misaun

1. Atu fasilita dialogu entre ema fiar, rasa, kor, kultura, etniku, divizaun no lian ne’ebe la
hanesan atu bele komprende no respeita malu hodi moris iha diversiade nia laran.
2. Lori transformasaun pesoal ba foin sa’e sira nia mentalidade no attitude brutalizmu
ne’ebe dala barak hamosu konflitu.
3. Enkoraja maluk foin sa’e no komunidade sira atu sai agente dame iha sira nia familia,
komunidade, igreja, organizasaun no nasaun liu husi treinamentu.

Objektivu

Objektivus ICF-TL mak:

1. Kopera ho religiaun hotu-hotu atu servisu hodi promove dame no justisa liu husi dialogu
entre-fiar (Interfaith Dialogue) iha nivel hotu-hotu (nasional, regional no Municipal) hodi
prevene konflitu entre-religiaun.
2. Luta atu halakon konflitu entre rasa, kor, etniku, lingua, kultura no divizaun sira entre
ema Timor oan tomak.
3. Defende direitus no valores ema sidadaun hotu-hotu la hare’e ba nia identidade no status
social no konsidera ema hotu hanesan iha lei nia okos.
4. Luta atu halakon injustisa no diskriminasaun ne’ebe pratika husi lideransa nasaun, grupu
maioria hasoru grupu minoria no ba ema marginalizadu sira.

TEMPU NO FATIN

Seminario ba ICF-TL sei hala’o iha Salaun ISMAIK, Dare, Timor Leste abertura ba
Seminariu sei hahu’u iha dia 3 de Marsu no Remata iha dia 8 de Marsu 2020 ho partisipantes nia
prezensa.
 ORADORES

Oradores sira sei prepara material hodi fahe matenek nebe’e mak iha ba Juventude sira,
no mo’os fahe’e experiensia pessoal ba Joventude hotu nebe’e partisipa iha treinementu ba dala
Lima (5). Iha momentu ida ne’e Sr. Vidal Campus, sei halo’o aprezentasaun relasiona ho topiku
nebe’e ami mensiona iha karta konvite ho durasaun 200 minutos, 60 sei halo’o aprezentasaun
materia, 90 minutos sei halo’o diskusaun aberta ho partrisipantes no 50 minutos ikus sei fo’o
tempu ba partisipantes sira husu no hatan.

ho Senior nia Prezensa espera katak bele hasa’e konhesimentu partisipantes sira nian
konaba oinsa mak diferente Religiaun bele halo’o dialogu ba transformasaun la hare’e ba kores
no Rasa iha Nasaun ida ne’e, kuda dame no domin metin liu tan iha Juventude ida-idak nia le’et.

PARTISIPANTES

Foinsa’e nebe’e partisipa iha treinamentu ba Koperasaun entre fiar refere, mai husi
Joventude sira nebe’e Remata ona eskola Secundario, husi Religiaun lahanesan ho tinan 18 to’o
25, partisipantes sira hamutuk nain 18, Komposto husi feto 9 no mane 9.

Obrigado Wain no melhor comprimentus.

Dili, 20 de Fevereiro 2020

Leonardo Gamboa Marcal

Coordinator ICF-TL