KADUKASHON DI KURPA

Apesar di loke nos ta logra kura

pa nos ta klá ku kurpa ta kaduká
i ku su balidés ta pa tempu limitá
Tur invento pa prolongá karni
ta logro ku resultado temporal
maske kiko sientífikonan hasi
Pero ta bon pa nota sí
ku no tin motibu di preokupá:
pa gosa di forma material
mester bira parti dje sistema
di komienso ku rumbo p’un final
Pesei tòg, almanan ke drenta
den loke ta sinti i otro por fula
ku nos ta yama kurpa
sin k’e por tin eternidat
(DPI 2020)