Está en la página 1de 630

#define description=DESC

#define abbreviation=CATAW
#define comments=CMTS
#define version=1
#define strong=0

÷1
Dios, cu ta infinitamente perfecto y bienaventurado den su mes, den un plan di puro
bondad, a crea e prome hende den tur libertad pa e por participa den su propio bida
bienaventurado. P’esey semper y tur caminda e ta cerca di hende. Ta yam’e y ta
ofrece ayudo pa busc’e y pa conoc’e y pa stim’e cu tur su forsa. Tur esnan cu pa via
di pica ta dividi e ta invita nan na e union di su famia, esta, su Iglesia. E ta haci esaki
mediante su Yiu cu el a manda como Redentor y Salbador, den su plenitud di tempo.
Pa medio di djE y den djE, e ta yama tur hende pa via di Spirito Santo pa nan bira su
yiunan adoptivo y asina nan bira heredero di Su Bida bienaventurado.

÷2
Pa e yamada aki por resona den mundo henter, Cristo a manda e discipelnan, cu el a
scoge, mientras cu El a duna nan e encargo pa predica evangelio. “Bay y haci tur
pueblo mi discipel y batisa nan den nomber di Tata di Yiu y di Spirito Santo. Siña nan
warda tur cos cu mi a instrui boso. Y sa cu mi ta cu boso tur dia te na fin di mundo”
(Mt 28, 19-20). Fortalece cu e mision aki, discipelnan “a sali pa predica rond mundo y
Señor tabata cu nan confirmando nan palabra mediante e señalnan cu tabata
compaña nan” (Mc 16, 20).

÷3
Esnan cu ayudo di Dios a acepta e yamada di Cristo y cu libremente a responde na
esaki, ta sinti nan mes awo yama p’e amor di Cristo pa bay y predica na tur parti di
mundo e Bon Noticia. E tesoro aki cu a ricibi for di e apostelnan ta fielmente warda
pa nan sucesornan. Tur fiel ta yama pa transmiti e tesoro aki di generacion pa
generacion pa medio di predicashi y bibando e fe den comunion fraternal y pa
celebr’e den liturgia y oracion.

÷4
Hopi lihe caba a indica cu catisashi ta e conhunto di esfuerso y iniciativa realisa den
Iglesia pa haci hende bira discipel y pa yuda nan kere cu Hesus ta Yiu di Dios Tata y pa
medio di fe nan ta posee Bida den Su nomber, pa educa y instrui nan den e bida aki y
asina construi Curpa di Cristo.
÷5
“E catisashi ta un educacion den fe pa mucha, hoben y adulto cu ta consisti
specialmente di un enseñansa Cristian y cu generalmente ta instrui na un manera
organisa y sistematico cu e fin di introduci otro den plenitud di bida Cristian”.

÷6
Sin confundi cu otro e catisashi ta fiha su mes riba un cierto cantidad di elemento di
mision pastoral di Iglesia cu ta di un aspecto cateketico, cu ta prepara pa e catisashi
of cu ta deriva di e prome anuncio di Evangelio of predicashi misionero pa lanta fe; pa
busca rason pa kere; experencia di bida Cristian; celebracion di e sacramentonan;
integracion den e comunidad di Iglesia y testimonio apostolico y misionero.

÷7
“E catisashi ta intimamente uni cu henter bida di Iglesia. No solamente e extension
geografico y e aumento numeroso di Iglesia pero tambe y mas ainda su crecemento
interior y su corespondencia cu e plan di Dios ta depende esencialmente di dje”.

÷8
E periodonan di renobacion di Iglesia tambe ta periodo fuerte di catisashi. Asina nos
ta mira cu den epoca grandi di e padernan di Iglesia, cu e obisponan santo ta consagra
un parti importante di nan ministerio na catisashi. Ta e epoca di San Cirilo di
Herusalem, San Juan Crisostomo, San Ambrosio y San Agustin y di hopi otro pader di
Iglesia, kende nan obranan cateketico ta keda un ehempel pa otro.

÷9
E ministerio cateketico semper ta saca energia nobo fo’i e concilionan. E concilio di
Trento den esaki ta destaca como un digno ehempel, el a duna prioridad na e
catisashi den su constitucion y decretonan. Asina catisashi Romano a origina y ta
carga nomber di e Concilio aki cu ta consisti di un obra di gran importancia como di e
doctrina Cristian. E concilio a trece cu ne un organisacion notabel di e catisashi den
Iglesia; esaki ta danki na e obispo y teologonan manera San Pedro Canisio, San Carlos
Borromeo, San Toribio di Mongrove y San Roberto Belarmino, kendenan a promove
publicacion di un gran cantidad di catisashi.
÷?
Hopi asunto tocante di Hesus, cu ta interesante pa curiosidad humano, no ta aparece
den Evangelio. No ta menciona casi nada di su bida na Nazaret, tampoco no ta conta
un gran parti di su bida publico173. Loke a skirbi den Evangelio a wordo inclui “pa por
kere cu Hesus ta E Cristo, e Yiu di Dios, y pa hende, door di kere, por tin bida den su
nomber” (Hu 20, 31).

÷10
Ta pesey no ta straño cu durante e periodo despues di e Segundo Concilio di Vaticano
(cu Papa Pablo VI a concidera como e gran catisashi di nos tempo), cu e catisashi di
Iglesia, di nobo ta atrae atencion. E Directorio General di e catekesis di 1971, e
sesionnan di e Sinodonan di obispo consagra na evangelisacion (1974) y na e catisashi
(1977), e exhortacionnan Apostolico cu ta sigui “Evangelii nuntiandi” (1975) y
“Catechesi tradendae“ (1979), ta duna testimonio di esakinan. E sesion extraordinario
di e sinodo di obispo di aña 1985 apidi pa “redacta sea uncatisashiof compendio
dihenter e doctrina catolico tanto di fe, como tambe di ral”6. Santo Papa Juan Pablo
II a tuma na pecho e deseo emiti aki pa Sinodo di obispo, reconociendo cu e deseo aki
ta “responde totalmente na un berdadero necesidad di Iglesia universal y di Iglesia
particular”7. Papa a haci tur lo posibel pa realisa e deseo di e Sinodo di Obispo.

÷11
E catisashi aki tin como meta, presenta un exposicion organico y sintetico di
contenido esencial y fundamental di doctrina catolico tanto di fe como di moral, den
luz di e Concilio di Vaticano II y di e conhunto di tradicion di Iglesia. Su fuentenan
principal ta Santo Scritura, e Santo Padernan, e Liturgia y autoridad di Iglesia. E ta
destina pa sirbi “como punto di referencia pa e catisashi y compendionan cu hende ta
crea den diferente pais”.

Catisashi diIglesiaCatolico

÷12
E catisashi ta destina principalmente pa e responsabelnan di e catekesis, na prome
luga pa obispo como maestro di fe y pastor di Iglesia. Iglesia ta ofrece na nan como
instrumento den realisacion den nan tarea pa siña Pueblo di Dios. Via Obispo e ta
dirigi na e redactornan di catisashi, na sacerdote y catekista. Lo e ta tambe e lectura
util pa tur demas fielnan Cristian.

÷13
E structura di e catisashi aki ta tuma segun e gran tradicion di catisashi cu ta regl’e
riba cuater pilar; e profesion di fe di Bautismo (simbolo), e sacramentonan di fe, e
Bida di fe (e mandamentonan) e oracion di e creyente (nos Tata).

Prome Parti: Profesion di Fe

÷14
Esnan cu pa fe y bautismo ta pertenece na Cristo mester profesa nan fe
publicamente9. P’esey na prome luga e catisashi ta expone di kico e Revelacion ta
consisti pa cua Dios ta dirigi su mes na hende y ta duna su mes na hende. Despues ta
sigui splicacion di fe y loke hende ta responde na Dios (prome seccion). E simbolo di
fe ta resumi e donnan, cu Dios ta duna hende como Autor di tur cos, como Redentor y
como Santificado. E ta aloca esakinan bou di e tres articulonan fundamental di nos
Bautismo. Fe den un solo Dios; Dios Tata poderoso y Creador; Hesu Cristo, su unico
Yiu, nos Señor y Redentor; Spirito Santo den Santa Iglesia (di dos seccion).

÷15
E di dos parti di catisashi ta expone con e salbacion di Dios, realisa pa medio di Hesu
Cristo y Spirito Santo, un bes y pa semper ta bira presente den acto sagrado di liturgia
di Iglesia (prome seccion), principalmente den e shete sacramentonan (di dos
seccion).

÷16
E di tres parti di e catisashi ta describi e meta final di hende, cu ta crea segun imagen
di Dios: e bienaventuransa y e camindanan pa yega na dje pa medio di obra husto y
liber cu yudansa di ley y gracia di Dios (prome seccion); pa un actuacion cu ta realisa
e mandamento dobel di amor, desaroya den e Dies mandamentonan di Dios (di dos
seccion).

÷17
E ultimo parti di e catisashi ta trata e sentido y importancia di oracion den bida di
creyente (prome seccion). E parti aki ta termina cu un breve comentario tocante e
shete peticionnan di e oracion di nos Señor (di dos seccion). Eyden nos ta haya di
berdad e cantidad di bondad di cua nos por spera y cu nos Tata Celestial kier duna
nos.
÷18
A desaroya e catisashi aki como exposicion organico di henter fe catolico. Pues,
mester les’e como un unidad. Numeroso referencia den margen di e texto y cifra
cursivo ta hiba na otro paragraf, den cual ta trata e mesun texto y e indice analitico
na final di e buki ta haci posibel pa mira cada tema den su vinculo cu e totalidad di
fe.

÷19
Frecuentemente texto saca for di Santo Scritura no ta cita literalmente, mas parti nan
ta indica solamente e referencia na un texto, (mediante cf). Pa un miho
entendimento di sorto di referencia asina ta bon pa consulta e textonan mes prome. E
referencianan biblico ta un medio pa e trabou di e catekista.

÷20
E uzo di letra chikito den cierto pasahe ta indica cu ta trata di remarke historico of
apologetico (defensa di fe Cristian) of di exposicion complementario di doctrina di fe.

÷21
E citanan di letter chikito fo’i fuente patristico, liturgico, magisterial of hagiografico
(descripcion di bida) ta pa enrikece e exposicion doctrinal. Cu frecuencia a scoge e
textonan aki pa uzo directo cataketico.

÷22
Na final di cada unidad tematico un serie di texto corto ta resumi den formula cortico
e esencia di enseñansa. E nan aki tin como meta, ofrece e catekistanan formulanan di
nan cortico cu nan por memorisa.

÷23
Den e catisashi aki e accent ta riba e exposicion doctrinal. En realidad e kier ta un
ayudo pa profundisa den conocemento di fe. Ta p’esey mes e ta orienta riba
maduracion den fe y su rais den bida, como tambe su splendor den testimonio.

÷24
Exactamente pa via di su finalidad e catisashi aki no ta propone pa realisa adaptacion
di exposicion y metodo cateketico, exigi door di diferencia di cultura, di edad, di bida
spiritual, di situacion social y eclesiastico di esnan na kende e catekista ta dirigi su
mes. E adaptacionnan indispensabel aki ta coresponde na catisashi propio di cada luga
y mas ainda na esnan cu ta tuma na nan encargo di instrui fielnan: Esun cu ta instrui
mester bira “tur pa tur” (1 Co 9, 22), pa gana tur pa Hesucristo. E no por considera,
cu tur e almanan confia na dje ta riba e mesun nivel. E no por instrui y forma tur fiel
den berdadero santidad, uzando un metodo so. Mester compronde cu algun ta manera
mucha recien naci, otro a cuminsa crece den Cristo y por fin otro mas ta
autenticamente adulto. Esnan cu ta yama na e ministerio di predica mester, ora di
transmiti siñansa di misterio di fe y di normanan di custumber, adapta nan palabranan
na e madurez y capacidad di e oyente.

÷25
Riba tur cos ta caridad. Pa conclui e presentacion aki, ta oportuno pa recorda e
principio pastoral cu e Catisashi Romano ta anuncia: Tur finalidad di e doctrina y di e
enseñansa mester ta poni den amor cu no ta caba. Naturalmente mester duna un bon
splicacion kico mester kere, kico mester spera, kico mester haci. Pero semper mester
laga “Amor di nos Señor” briya. Y cu cada un comprende cu tur acto di virtud,
perfectamente Cristian, no tin otro origin cu Amor, ni otro fin cu Amor.

÷26
Ora nos ta profesa nos fe, nos ta cuminsa cu: “Mi ta kere”, of, “nos ta kere”. Prome
cu nos expone fe di Iglesia, manera nos ta profes’e den Credo y ta celebr’e den
liturgia y nos ta bib’e den e Dies Mandamentonan y den oracion, nos kier puntra nos
mes: “Kico ta nifica kere?” Fe ta e contesta di hende na Dios cu ta revela y ta entrega
su mes na dje. Cu e contesta aki, Dios kier ilumina abundantemente e hende cu ta
buscando e ultimo sentido di su bida. Ta p’esey primeramente nos ta fiha nos
atencion riba e buscamento di Dios door di hende (Cap. 1). Siguientemente riba e
divino Revelacion pa cua Dios ta bini na encuentro di hende (Cap. 2) y finalmente riba
e contesta di fe (Cap. 3).

÷27
E deseo na Dios ta graba den curason di hende, pasobra hende ta crea mediante Dios
y pa Dios; Dios no ta stop di atrae hende p’e y solamente den Dios hende lo contra cu
e berdad y e felicidad cu e no ta caba di busca. E rason mas profundo di dignidad
humano ta sinta den vocacion di hende na e comunion cu Dios. For di su nacemento
caba hende ta yama pa un dialogo cu Dios. Ademas, e ta existi solamente pasobra e ta
crea pa Dios pa amor. Y e ta keda na bida pa amor y e no ta biba plenamente segun e
berdad si e no ta reconoce e amor ey libremente y entrega su mes na su Creador.
÷28
Den historia y te cu dia di awe, hende a duna na diferente manera expresion na nan
modo di busca Dios, tanto den manera di kere y nan comportacion religioso (oracion,
sacrificio, culto, meditacion etc.). Apesar di e ambiguedad cu e formanan di
expresion por encera, asina mes nan ta asina universal cu por yama hende, un ser
religioso. Den un principio El a crea e linahe humano pa nan pobla henter mundo. El a
determina cu exactitud e tempo y e limitenan di e luga unda nanmester biba, cu e
meta pa nan uscaDios, pa wak si an ta busc’E y hay’E; E no ta leudicada un di nos,
pues den djE nos ta biba, nos ta move y existi (Ech 17, 26-28).

÷29
Pero e “union intimo y vital cu Dios”2 hende por lubida, desconoce y hasta rechasa
explicitamente. E origen di tal actitud por ta hopi diversifica;3 rebeldia contra e
maldad den mundo; ignorancia y indiferencia religioso, afan mundano y rikesa4, e mal
ehempel di creyente, coriente di pensamento cu ta odia fe y finalmente e actitud di e
pecado cu pa miedo ta sconde pa Dios5 y hui pa su yamada.

÷30
“Alegra boso curason, boso cu ta busca Dios” (Sal 105, 3). Maskehende por lubida of
rechasa Dios, pero Dios no ta stop di yama hende pa busc’E p’asina e biba y haña
felicidad. Pero e buscamento ey ta exigi di hende un esfuerso completo di su
inteligencia, rectitud di su voluntad, un curason recto y tambe e testimonio di otro cu
ta siñ’e con pa busca Dios. Grandi Bo ta, Señor y digno di tur alabansa; grandi ta Bo
poder y Bo sabiduria ta sin limite. Y e hende, como un parti chikito di bo creacion,
ademas pa mortal cu e ta, ta carga e testimonio di su picanan y sa cu Bo ta resisti e
soberbenan. Sinembargo, e hende cu ta un parti chikito di Bo creacion kier alaba Bo.
Abo mes ta invit’e pa haci esey. Bo ta haci cu e ta encontra goso di por alaba Bo,
pasobra abo a crea nos pa Bo y nos curason ta inkieto te ora e descansa den Bo.

÷31
Crea segun imagen di Dios y yama pa conoce Dios y stim’E, e hende cu ta busca Dios
ta descubri cierto “camindanan” pa yega na conocemento di Dios. Ta yama esakinan
tambe “prueba di existencia di Dios”, no den e sentido di e pruebanan propio di
ciencia natural, sino di argumento convergente y convincente, cu ta haci posibel yega
na berdadero seguridad. E “camindanan” pa acerca Dios tin como punto di salida
creacion: e mundo material y e ser humano.
÷32
E mundo: saliendo for di e formacion, desaroyo, posibel estado den futuro y e ordo y
bunitesa di mundo, hende por yega na conoce Dios como e origen y fin di universo.
San Pablo referiendo na pagano ta bisa: “Nan ta bon na altura di loke hende por sa di
Dios. Dios mes a mustra nan esey! Pasobra for di tempo cu Dios a crea mundo, hende
por a mira claramente Su naturalesa invisibel, esta Su poder eterno y Su divinidad,
den loke Dios a crea” (Rom 1, 19-20). Y San Agustin ta bisa: “Puntra e bunitesa di nos
tera, puntra e bunitesa di lama, puntra e bunitesa di aire cu ta rondona nos, puntra e
bunitesa di shelo… puntra tur e realidadnan aki. Tur lo contesta bo: Mira, nos ta
bunita. Nan bunitesa ta un confesion. E beyesanan ey cu por cambia, ta ken a crea
nan cu no ta e Sumo Beyesa (‘Pulcher”) cu nunca ta cambia?”9

÷33
E hende: cu ta habri pa berdad y bunitesa, su sentido pa bon moral, su libertad y e
bos di su consenshi, su deseo na e infinito y felicidad, ta haci e pregunta riba
existencia di Dios. Den e apertura aki e ta percibi señal di su alma spiritual. E “simiya
di eternidad cu e tin den su ser, ya cu no por reducie na materia so”10, su alma no
por tin otro origen cu ta en Dios

÷34
Mundo y hende ta testigua cu nan no tin den nan mes e prome principio, ni tampoco
su fin, pero cu nan ta participa den Esun cu ta e Ser riba su mes; sin origen y sin fin.
Pa medio di diferente “caminda”, hende por yega na conocemento di existencia di un
realidad cu ta e prome rason y e ultimo fin di tur cos “y cu tur hende ta yama Dios”.

÷35
E facultadnan di hende ta hacie capaz di conoce existencia di un Dios personal. Pero
pa e hende por drenta den su intimidad, Dios tabata kier a revela su mes na dje y
dun’e gracia di por ricibi den Fe e revelacion. Sinembargo e pruebanan di existencia
di Dios por predispone hende pa kere y yud’e mira cu fe no ta opone rason humano.

36
“Nos Mama, Santa Iglesia, ta mantene y ta siña cu Dios, principio y fin di tur cos por
wordo conoci cu certesa mediante e luz natural di e rason humano for di cos crea”12.
Sin e capacidad aki hende lo no por a ricibi e revelacion di Dios. Hende ta posee e
capacidad aki pasobra e ta crea “segun imagen di Dios”.
÷37
Sinembargo den e condicionnan historico concreto den cual e ta biba, hende tabatin
hopi dificultad pa siña conoce Dios pa medio di solamente e luz di rasonamento:
Aunke cu rasonamento humano, si mira bon, pa medio di su propio poder y vision
natural ta siguramente capaz pa logra un conocemento berdadero y fiho di e unico
Dios personal, cu pa medio di su providencia ta protega y ta goberna mundo y di e ley
natural cu Creador a skirbi den nos alma, toch tin hopi obstaculo cu ta stroba
rasonamento di haci uzo eficazmente y na un manera fructifero di e facultad innato
aki. Pasobra e berdadnan cu tin di haci cu relacion entre Dios y hende, ta surpasa
completamente e orden visibel di tur cos y si traduci nan den actuacion humano y si
nan influencia e actuacion aki, nan ta exigi pa e hende doblega y renuncia su mes. E
spirito humano, na su turno, ta hay’e den dificultad pa logra e berdadnan ey, no
solamente pa medio di e impacto di parti di e sentidonan y di imaginacion, pero
tambe pa medio di nos deseonan desordena cu ta consecuencia di e pica original. Y
asina hende, den tal caso, facilmente ta convence su mes cu loke e lo no kier pa ta
berdad ta un engaño of por lo menos ta dudoso.

÷38
Ta p’esey hende tin necesidad pa haya luz di Revelacion di Dios, no solamente pa loke
ta supera locual e no ta comprende sino tambe pa loke ta trata “berdad religioso y
moral cu pa su rason no ta accesibel, motibo cu den e tempo di awe den cua hende ta
biba, facilmente hende por reconoce esaki firme y sin ningun mescla di eror”.

÷39
Ora ta defende capacidad di rason humano pa conoce Dios, Iglesia ta expresa su
confiansa den e posibilidad di papia di tur hende y cu tur hende. E conviccion aki ta e
punto di salida pa su dialogo cu otro religion, cu e filosofia y ciencia, tambe cu esnan
no creyente y ateista.

÷40
Na momento cu nos conocemento di Dios ta limita, nos lenguahe tocante Dios tambe
ta limita. Nos no por describi Dios, sin cuminsa pa menciona su criaturanan y segun
nos manera humano limita di conocemento y pensamento.

÷41
Tur criatura ta posee cierto semehansa cu Dios, specialmente e hende cu ta crea
segun imagen y semehansa di Dios. E cantidad di perfeccion di e criaturanan (nan
berdad, bondad, bunitesa) ta refleha e perfeccion infinito di Dios. Ta p’esey nos por
nombra Dios, pa cuminsa pa e perfeccionnan di su criaturanan, pasobra for di e
“grandesa y splendor cu Dios a crea ta duna nos algun idea di Esun cu a crea nan” (Sb
13, 5).

÷42
Dios ta riba tur criatura. Ta p’esey constantemente nos mester purifica nos lenguahe
di tur cos den dje cu ta limita, cu ta mara na un imagen of cu ta imperfecto, si nos no
kier confundi e imagen di Dios – “esun cu ta para riba tur nomber y cu ta surpasa tur
comprendemento, esun invisibel y fuera di tur alcance”16 – cu nos representacionnan
humano. Nos palabranan humano hamas ta suficiente pa por expresa kico ta e Misterio
di Dios.

÷43
Ora ta papia asina di Dios, nos lenguahe ciertamente ta expresa su mes di un manera
humano, pero ta capta Dios mes, no obstante sin por expres’e den su infinito
simplicidad. Mester corda cu ora ta señala e semehansa “entre Creador y criatura, e
diferencia entre nan ta mas grandi ainda“17 y cu “nos no por compronde di Dios loke
E ta, sino solamente loke E no ta y con e otro sernan ta den relacion cu nE”.

÷44
Hende ta di naturalesa y vocacion un ser religioso. Como cu e ta bini di Dios y ta bay
cerca Dios, e tin un bida plenamente humano, si e ta biba libremente su vinculo cu
Dios. Hende ta crea pa biba den comunion cu Dios den kende e ta haya su
felicidad:“Si cu henter mi ser mi ta uni cu Bo, lo no tin ni pena, ni tentacion pa mi y
mi bida yena cu Bo, lo ta completo”.

÷46
Ora hende ta scucha mensahe di criatura y bos di su consenshi, e por alcansa e
siguransa di existencia di Dios, cu ta causa y fin di tur cos.

÷47
Iglesia ta siña cu e unico y berdadero Dios, nos Creador y Señor, hende por conoce cu
siguridad pa su obranan, danki na e luz natural di e rason humano.
÷48
Nos realmente por describi Dios, saliendo fo’i e multiple perfeccion di criatura,
semehansa di Dios infinitamente perfecto, aunke nos lenguahe limita no por expresa
su misterio.

÷49
“Un criatura sin e Creador ta caba na nada”21. P’esey mes e creyente sa cu e amor di
Cristo ta forsa nan, pa hiba e luz di Dios bibo cerca esnan cu no conoce Dios of cu ta
rechas’E.

÷50
Mediante su rasonamento natural, hende por conoce Dios cu siguransa pa medio di su
obranan, pero ta existi otro orden di conocemento cu di ningun manera hende por
alcansa cu su propio esfuerso; esun di e RevelacionDivino”1. Pa
undecisionhenteramenteliber Dios ta revela su mes y ta duna su mes na hende. tahaci
esaki revelando su misterio, su plan benevolente, cu desde eternidad el a duna forma
na dje den Cristo na fabor di tur hende. E ta revela su plan benevolente plenamente
mandando su Yiu stima, nos Señor Hesus Cristo y Dios Spirito Santo.

÷51
“Den su bondad y sabiduria Dios a dispone pa revela su mes y haci conoci e misterio di
su boluntad, pa cua mediante Cristo, Verbo Encarna, den Spirito Santo hende tin
acceso na Tata y ta bira participante di e naturalesa divino”.

Catisashidi Iglesia Catolico

÷52
Dios cu “ta biba den luz inaccesibel” (1 Tim 6, 16) kier comunica su propio bida divino
na hende, cu ta crea libremente pa E mes pa haci nan, pa medio di su unico Yiu
Hesus, su yiunan adoptivo3. Revelando su mes Dios kier haci hende capaz pa
respond’E, pa conoc’E y pa stim’E mas di loke nan lo ta capaz cu nan propio forsa.

÷53
E plan divino di revelacion ta realisa su mes “tanto den obra como palabra” cu
intimamente ta liga cu otro y cu ta aclarea su mes mutuamente4. E plan aki ta posee
un “pedagogia divino” particular: Dios ta comunica gradualmente cu hende, e ta
prepar’e poco poco pa ricibi e Revelacion Sobrenatural cu e ta haci di su mes y cu ta
culmina den e Persona y mision di e Verbo Encarna, Hesu Cristo. Na varios ocasion San
Ireno di Lyon ta papia di e pedagogia divino aki, bou di e imagen di un
custumbramento mutuo entre Dios y Hende. “E Verbo di Dios a biba den hende y el a
bira Yiu di hende pa custumbra hende p’e compronde Dios y pa custumbra Dios biba
den hende segun boluntad di Tata”.

÷54
“Dios, cu pa su palabra ta crea y ta conserva tur cos, ta duna, den e realidadnan crea
un testimonio duradero di su mes y como cu e tabata kier a habri e caminda di
salbacion sobrenatural, El a manifesta su mes ya fo’i principio na nos
antepasadonan”6. El a invita nan na un comunion intimo cu n’E y a bisti nan cu
splendor di gracia y husticia.

÷55
E pica di nos prome mayornan no a causa interupcion di e revelacion aki. “Despues di
caida di hende, en realidad, Dios a sostene den nan e speransa di salbacion cu e
promesa di reconciliacion y constantemente a cuida e genero humano, pa duna bida
eterno na tur cu ta busca salbacion door di persevera den haci bon obra”. Ora cu pa
motibo di desobediencia na Bo, el a perde Bo amistad, ABO no a entreg’e na poder di
morto... Cada bes di nobo Bo a ofrece hende un aliansa. Aliansa cu Noe

÷56
Unabes cu e genero humano a kibra pa motibo di pica, Dios ta dicidi na prome luga pa
salba humanidad pa medio di un serie di etapa den cua E ta presente. E aliansa cu
Noe despues di e diluvio9 ta expresa e principio di e Economia divino cu e
“nacionnan”; kiermen cu grupo di hende, reuni atrobe “segun nan pais, lenga y
grupo” (Gen.10, 5).

÷57
E situacion aki di pluridad den nacion11, confia bou custodia di angel12 ta na mes
momento cosmico, social y religioso. Su meta ta pa limita e orguyo di humanidad cu a
cay y cu solamente ta uni den su ambicion perverso13 pa traha su propio unidad
manera tabata e caso na Babel14. Pero como consecuencia di pica15 tanto e
politeismo como e idolatria di e pueblo y di su hefenan constantemente ta menasa di
hiba e nacion aki, cu ainda no tin un curso definitivo, bek na paganismo.
÷58
E aliansa cu Noe ta keda na vigor mientras e tempo di nacion16 ta dura te na e
proclamacion di e Evangelio universal riba henter mundo. Bijbel ta honra algun figura
grandi di e nacionnan manera; “Abel, e husto”, e rey-sacerdote Melkisedek”17 , e
figura di “Cristo”18 of e hustonan: “Noë, Daniel y Job (Ez 14, 14).

57
Asina Scritura ta expresa ki haltura di Santidad esnan cu ta biba segun e aliansa di
Noe por alcansa, den espera di momento cu Cristo “ta reuni tur yiu plama di Dios” (Hu
11, 52).

÷59
Pa reuni e humanidad plama, Dios ta eligi Abram. E ta yam’e “fo’i su tera, famia y
cas”19 , pa hacie “Abraham”, loke kiermen: “Tata di multitud di nacion” (Gn 17, 5);
“Den bo tur nacion riba mundo lo ta bendiciona” (Gn 12, 3 LXX)20.

÷60
E pueblo cu ta sali di Abraham lo ta e depositario, esun na kende a entrega e
promesa, haci na e patriarcanan, e pueblo scogi21, yama pa un dia, prepara e reunion
di tur yiu di Dios den unidad di Iglesia22, e pueblo ey lo ta e rais, riba cua tur pagano
lo ta implanta despues cu nan a bira creyente .

÷61
E patriarca y e profetanan y otro personahe di e testament bieu semper tabata honra
y semper lo sigui honra nan como Santo den tur tradicion liturgico di Iglesia.

Dios a formasu pueblo Israel

÷62
Despues di e patriarcanan, Dios a forma Israel como su pueblo, salbando e for di
sclavitud di Egipto. El a sera cu e pueblo aki su aliansa riba Sinai y pa medio di Moises
El a dun’e su Ley, pa nan reconoc’E y sirbiE como e unico Dios bibo y berdadero, e
Tata providente y e Hues husto y pa nan spera riba e Salbador priminti.

÷63
Israel ta e pueblo sacerdotal di Dios25, e pueblo cu ”ta carga nomber di Señor” (Dt
28, 10). E ta e pueblo “cu kende Dios a papia prome”26, e pueblo di e “rumannan
mayor” den e fe di Abraham.

÷64
Mediante profetanan Dios ta forma su pueblo den speransa di salbacion, den espera di
un Aliansa nobo y eterno, cu ta destina pa tur hende27 y cu lo ta graba den
curason28. Profeta ta anuncia un redencion radical di pueblo di Dios, purificacion di
tur su infidelidadnan29, un salbacion cu ta inclui tur nacion30. Lo ta principalmente
pober y humilde di Señor31, cu lo carga e speransa aki. E muhenan santo, manera
Sara, Rebecca, Raquel, Miriam, Debora, Ana, Judith y Ester, cu a mantene bibo e
speransa den salbacion di Israel. E figura mas puro di e speransa aki entre nan, ta
Maria.

÷65
“Den pasado Dios a papia hopi biaha y na hopi manera cu nos antepasadonan pa medio
di profeta, pero ultimo tempo, El a papia cu nos pa medio di su Yiu”. (Hebr 1, 1-2).
Cristo, e Yiu di Dios, cu a bira hende, ta e Palabra unico, perfecto y insuperabel di
Tata. Den Cristo, El a bisa tur cos; lo no tin otro palabra cu esaki. San Huan de la
Cruz, entre otro, a expresa esaki di manera hopi cla comentando Hebreonan (Hebr 1,
1-2):Ora Dios a duna nos su Yiu, cu ta Su unico Palabra (ya cu E no tin ningun otro),
tur cos El a bisa nos di biaha den solamente e Palabra ey – y E no tin nada mas di
bisa...pasobra loke antes el a papia den porcion cu profeta, El a bisa den un solo tiro
awor dor di duna Tur Cos den Su Yiu. Ta p’esey esun, cu awo kier cuestiona Dios of cu
ta desea cualkier vision of revelacion, no solamente lo ta culpabel di comportacion
absurdo, sino tambe di ta ofende Dios, door di no ta fiha su wowonan completamente
riba Cristo y door di biba cu e deseo pa algo otro of nobo.

÷66
“E economia Cristian, cu ta e Aliansa nobo y definitivo, nunca lo pasa bay y no tin
ningun revelacion publico nobo, cu nos por spera prome cu e glorioso binida di nos
Señor Hesu Cristo”35. Maske e revelacion ta cla, e no ta completamente explicita, ta
depende di fe Cristian pa comprende, gradualmente, tur su contenido den transcurso
di siglo.

÷67
Den transcurso di siglo tabatin e asina yama revelacionnan “priva of particular”, algun
di nan, Iglesia a reconoce. Sinembargo nan no ta pertenece na e deposito di fe. Su
tarea no ta di “mehora” of “completa” e Revelacion definitivo di Cristo, pero di yuda
biba esaki plenamente na e miho manera den cierto epoca di historia. Guia pa e
Magisterio di Iglesia, e sentido comun di Cristian (sensus fidelium) sa di distingui y
acepta loke den e revelacionnan ta e autentico yamada di Cristo of di su santonan.E
fe Cristian no por acepta “revelacion” cu ta pretende di supera of coregi e revelacion,
di cua Cristo ta e plenitud. Esaki ta e caso cu algun religion y tambe cierto secta
recien cu ta basa nan mes riba semehante “revelacion”.

÷68
Pa amor, Dios a revela y entrega su mes na hende. Asina e ta duna un contesta
definitivo y abundante riba e preguntanan cu hende ta haci tocante sentido y meta di
su bida.

÷69
Dios a revela su mes na hende, comunicando gradualmente su mesun Misterio
mediante palabra y obra.

Catisashi diIglesiaCatolico

÷70
Fuera di etestimoniocu Dios ta duna di su mes den e creacion El a revela su mes na
nos prome mayornan. El a papia cu nan y despues di e caymento (den pica) El a
priminti nan salbacion36 y a ofrece nan su aliansa.

÷71
Dios a sera cu Noe un aliansa eterno entre E y tur ser bibo37. E Aliansa aki lo dura
tanten cu mundo ta existi.

÷72
Dios a scoge Abraham y a seya un aliansa cu ne y su descendencia. Di dje el a forma
su pueblo y pa medio di Moises El a revel’e su ley. Mediante e profetanan El a
prepar’e pa ricibi e salbacion cu ta destina pa henterhumanidad.

÷73
Dios a revela su mes plenamente mandando su propio Yiu den kende El a establece su
aliansa pa semper. E ta e palabra definitivo di Tata di manera cu despues di djE no lo
tin ningun otro revelacion mas.

÷74
Dios “kier pa tur hende ta salba y yega na conocemento di e berdad” (1 Tim 2, 4), cu
otro palabra, na conocemento di Hesu Cristo38. Ta necesario anto cu mester anuncia
Cristo na tur pueblo y tur hende y asina e Revelacion mester alcansa tur skina di
mundo:

Dios tabata desea cu loke El a revela pa salbacion di tur pueblo lo mester keda
conserva y integro y cu lo mester transmiti esaki pa tur generacion.

÷75
“Cristo nos Señor, plenitud di revelacion, a duna discipelnan e mandato di bay predica
evangelio na tur hende como fuente di tur berdad di salbacion y di tur norma di
conducta, comunicando asina e biennan divino: e Evangelio priminti anteriormente
door di profetanan, cu E mes a cumpli cu ne y a proclam’e cu su bos”.

E predicashi apostolico…

÷76
E transmision di Evangelio, segun mandato di nos Señor a tuma luga na dos manera:

Verbalmente: “discipelnan, cu predicashi, nan ehempel y nan institucion a transmiti e


palabra cu nan a haya fo’i boca di Cristo of nan compania cu n’E y di su obranan y
tambe loke nan a siña mediante inspiracion di Spirito Santo”;Por escrito: “e mesun
Apostelnan y otronan di nan generacion a skirbi e mesun mensahe di Salbacion inspira
door di Spirito Santo”.

÷77
“Pa Evangelio keda conserva semper bibo y completo den Iglesia, e apostelnan a
nombra e obisponan como nan sucesor na kende nan a entrega e encargo den e
Magisterio”42. Efectivamente e predicashi apostolico na un manera special expresa
den buki sagrado mester keda conserva pa continua transmision te na fin di tempo”.
÷78
E transmision bibo aki guia pa Spirito Santo y cu ta diferencia di Santo Scritura ta
yama Tradicion pa haci distincion cu Santo Scritura, pero ta estrechamente liga cu ne.
P’esey “Iglesia cu su enseñansa, bida y culto ta conserva y transmiti den tur tempo
loke e ta y loke e ta kere”44. E palabranan di e Santo Tatanan ta testigua e presencia
bibo di e Tradicion aki di cua su rikesanan lo ta bay pasando pa practica y pa bida di
Iglesia cu ta kere y ta resa”.

÷79
Asina e entrega cu Tata a haci di su mes pa medio di su Palabra den Spirito Santo ta
sigui ta presente y activo den Iglesia: “Dios cu den otro tempo a papia, awo ta sigui
combersa sin interupcion cu Esposa di su Yiu stima y asina Spirito Santo pa kende e
bos bibo di Evangelio ta resona den Iglesia y tambe den mundo henter ta introduci na
creyentenan e berdad berdadero y ta haci cu e palabra di Cristo ta biba
abundantemente den nan”.

÷80
E relacion entre Tradicion y Santo Scritura ta “intimamente uni y identifica cu otro.
Pasobra tur dos ta sali for di e mesun fuente divino. Den cierto modo nan ta bay den
otro y nan tin mesun meta”47. Tur dos ta presenta y ta fecunda den Iglesia e misterio
di Cristo cu el a priminti di lo keda “cerca su fielnan pa semper te na fin di mundo”
(Mat 28, 20).

÷81
“Sagrado Scritura ta e palabra di Dios, asina leu skirbi segun inspiracion di Spirito
Santo”.“Tradicion ta ricibi palabra di Dios, manda door di Cristo y Spirito Santo na e
Apostelnan y transmiti integralmente na e sucesornan, pa ilumina door di e Spirito di
berdad, nan conserv’e, interpret’e y plam’e fielmente pa via di nan predicashi”.

÷82
Consecuentemente Iglesia, cu ta encarga cu predicacion y interpretacion di e
Revelacion, ”no ta saca confirmacion encuanto tur e berdadnan revela for di
solamente e Santo Scritura. Mester acepta Santo Scritura, como tambe Tradicion y
honra nan cu sintimento igual di devocion y consulta”.
÷83
E Tradicion na cual nos ta referi aki ta bin di Apostelnan y e ta transmiti loke nan a
ricibi for di enseñansa y ehempel di Hesus y di loke nan a siña pa via di Spirito Santo.
Por cierto e prome generacion di Cristian no tabatin ainda un Testament Nobo skirbi.
E Testament Nobo mes ta testigua e proceso di Tradicion bibo.

Ta necesario distingui for di dje, e “tradicionnan” teologico, disciplinario, liturgico of


devoto cu den transcurso di tempo a lanta cabez den Iglesia local. Esakinan ta forma
particular for di cual e gran Tradicion ta ricibi expresion adapta na e diferente
luganan y den e diferente epocanan. Solamente den luz di e gran Tradicion esakinan
por keda manteni, modifica of tambe bandona bou guia di Magisterio di Iglesia.

÷84
“E deposito Sagrado49 di Fe” (depositum fidei), cu ta poni den Tradicion Sagrado y
den Santo Scritura, Apostelnan a confia na Comunidad di Iglesia. “Fiel na e deposito
aki, henter e pueblo santo, uni cu su wardadornan ta persevera constantemente den e
doctrina di e Apostelnan y den comunion, den kibramento di pan y den oracion, di
manera cu nan ta crea un concordancia particular entre e wardadornan y e fielnan
den conserva, practica y profesa e fe cu nan a ricibi”.

÷85
“E ofishi di interpreta autenticamente palabra di Dios, sea oral of skirbi ta confia
solamente na e Magisterio bibo di Iglesia, cu ta eherce su mandato den nomber di
Hesus Cristo”51, kiermen na obispo den union cu e sucesor di Pedro, e obispo di
Roma.

÷86
“E Magisterio no ta para riba palabra di Dios, sino ta na su sirbishi pa siña solamente
loke a keda transmiti. Asina ta door di e mandato divino y cu asistencia di Spirito
Santo, e ta scucha Palabra di Dios cu devocion, ta ward’e cu hopi zelo y ta splic’e
fielmente; como cu ta fo’i e unico deposito di fe e ta saca tur loke cu Dios a revela pa
kere den dje”.

÷87
Creyente ta recorda palabra cu Cristo a bisa su Apostelnan: “Esun cu ta scucha boso,
ta scucha Ami (Lc 10, 16)53 nan lo ricibi docilmente siñansa y guia cu nan
wardadornan taduna a diferente forma.
÷88
E Magisterio di Iglesia ta eherce plenamente e autoridad cu el a ricibi di Cristo, ora e
ta defini e dogmanan, kiermen, ora den cierto forma e ta obliga pueblo Cristian pa
tene su mes irevocablemente na fe, e berdadnan inclui den divino Revelacion of
tambe ora e ta propone, na manera definitivo, e berdadnan cu tin un vinculo
inevitabel cu nan.

÷89
Ta existi un vinculo entre nos bida spiritual y e dogmanan. E dogmanan ta e luznan
riba e caminda di fe, nan ta ilumina e Fe y ta dun’e siguridad. Di otro banda si nos
bida ta sigui e sendero recto, nos sinti y nos curason lo ta habri pa ricibi luz di e
dogmanan di fe.

÷90
Tur caminda den e Revelacion di e Misterio di Cristo por haya e vinculonan mutuo
entre e dogmanan y nan coherencia55. “Den doctrina Catolico ta existi un orden of
‘herarkia’ di e berdadnan, ya cu tin diferencia den nan relacion pa cu e fundeshi di e
fe Cristian”.

÷91
Tur fiel tin parti den e comprension y e transmisiondi e berdadnan revela Nan a ricibi
uncion di Spirito Santo, cu ta instrui57yguia nan na e “berdadcompleto”(Hu 16, 13).

÷92
“E totalidad di e fielnan… no por kiboca den fe. E ta manifesta su mes di un manera
cu ta asina peculiar, mediante e sentido sobrenatural di fe di henter pueblo: ora cu
esaki, ‘for di obispo te na e mas senciyo laico Cristian’, nan ta demostra cu nan ta
totalmente di acuerdo den asuntonan di fe y di moral”.

÷93
“E Spirito di Berdad ta lanta y sostene e sentido di fe. Cu ne pueblo di Dios, bou guia
di e Magisterio…, ta keda pa semper fiel na e fe transmiti na e santonan pa Semper,
ta profundis’e cu un huicio recto y ta aplic’e mas pleno cada dia den bida”.
Crecemento den inteligencia di fe

÷94
Danki na yudansa di Spirito Santo comprondemento di tanto e realidadnan como e
palabranan di herencia di fe por crece den bida di Iglesia:

- “ora creyente, pa medio di contemplacion y estudio ta warda tur e cosnan aki den
su curason”60; ta particularmente “e investigacion teologico ta esun, cu mester
profundisa e conocemento di e berdad revela”61;

- “ora creyente ta “compronde internamente e misterionan cu e ta biba”62 e


palabranan divino ta “crece hunto cu esun cu ta lesa nan”63;

- “ora obispo ta proclama nan, cu pa motibo di ta sucesor apostolico ta ricibi e


berdadero carisma di berdad”.

÷95
“Tradicion, Santo Scritura y e Magisterio di Iglesia, segun e plan prudente di Dios, ta
uni di tal manera cu otro cu esun no por existi sin e otronan: tur tres hunto, cada un
segun su propio caracteristica y bou accion unico di Spirito Santo, ta contribui
eficazmente na salbacion di alma”.

÷96
Loke Cristo a confia na apostelnan, nan a transmiti pa medio di nan predicashi y nan
scrituranan bou inspiracion di Spirito Santo, na tur generacion te dia di bolbemento
glorioso di Cristo.

÷97
“Tradicion y Santo Scritura ta forma un tesoro sagrado di palabra di Dios”66 den cua,
manera den un spiel, Iglesia peregrinante ta contempla Dios, fuente di tur rikesa.

÷98
“Iglesia, cu su enseñansa, su bida, su culto ta conserva y transmiti na tur generacion
loke e ta y loke e ta kere”.
÷99
Den virtud di su sentido sobrenatural di fe, henter pueblo di Dios no ta caba di ricibi e
don di Revelacion divino, di penetr’e mas profundamente y bib’e di manera mas
completo.

÷?4
“Di acuerdo cu e doctrina di Santo Scritura, cu e tradicion di e apostelnan y cu e
sintimento unanime di e Papanan, nos ta profesa cu e sacramentonan di Ley nobo ta
institui pa nos Señor Hesucristo”.

÷?9
Pueblo scogi a wordo institui pa Dios como “un reino di sacerdotenan y un nacion
santo” (Ex 19, 6)6. Pero bou di e Pueblo di Israel, Dios a scoge un di e diesdos
tribunan, esun di Levi y a apart’e pa sirbishi liturgico7; Dios mes ta su herencia8. Un
rito special a consagra principio di e sacerdocio di e Aliansa Bieu9. A “nombra” e
sacerdotenan “pa actua na fabor di hende relaciona cu Dios, pa ofrece donnan y
sacrificionan pa pica”.

÷100
E tarea di interpreta autenticamente e Palabra di Dios a confie unicamente na
Magisterio di Iglesia, na Papa y e obisponan den comunion cu ne.

÷101
Pa revela su mes na hende, Dios den su bondad ta papia den palabra humano:
“Pasobra palabra di Dios expresa den lenga di hende a bira igual na e manera di papia
di hende, mescos cu e Palabra di Tata Eterno cu a tuma nos condicion humano debil
mescos cu hende”.

÷102
Pa medio di tur e palabranan di Santo Scritura, Dios ta bisa solamente un palabra, su
Verbo unico, den cual e ta expresa su mes completamente69:

Boso recorda cu ta e mes palabra di Dios ta plama den henter Scritura, cu ta e mes
Verbo cu ta resona den boca di tur escritor santo, pasobra e palabra aki desde
principio tabata cerca Dios, e no tin mester di silaba, pasobra e no ta someti na
tempo.

÷103
Pa e motibo aki, semper Iglesia a venera e divino Scrituranan, mescos cu e ta venera
tambe Curpa di Cristo. E no ta stop di presenta na fielnan e Pan di Bida distribui for di
mesa di Palabra di Dios y di Curpa di Cristo.

÷104
Den Santo Scritura, Iglesia ta haya continuamente su alimento y su forsa72, pasobra
den dje e no ta ricibi solamente palabra humano, pero loke realmente ta:“Palabra di
Dios” (1 Tes 2, 13). “Den e bukinan Santo, Tata cu ta na shelo, ta sali yen di amor pa
topa cu su Yiunan pa combersa cu nan”.

÷105
Dios ta autor di Santo Scritura. “E berdadnan revela pa Dios cu Santo Scritura ta
contene y manifesta ta gracia na inspiracion di Spirito Santo”. “Santa Mama Iglesia,
segun e fe di apostelnan ta reconoce cu tur e bukinan di Testament Bieu y Testament
Nobo, cu tur su partinan ta Santo y canonico ya cu skirbi door di inspiracion di Spirito
Santo, nan tin Dios como autor y como tal nan a keda confia na Iglesia”.

÷106
Dios a inspira e autornan humano di e bukinan santo. ”Pa compone buki santo Dios a
scoge hende, cu a uza tur nan facultad y talento. Di e manera aki Dios a obra den nan
y pa medio di nan y manera berdadero autor nan a skirbi tur cos y solamente loke Dios
tabata desea”.

÷107
E bukinan inspira ta siña e berdad. “Ya cu tur loke autor inspira of escritor santo ta
afirma, ta keda afirma tambe pa Spirito Santo, nos mester reconoce cu e bukinan di
Scritura na manera solido, fiel y sin eror ta siña e berdad cu Dios, den interes di nos
salbacion, a desea di laga skirbi den Santo Scritura”.

÷108
Sinembargo, fe Cristian no ta un “religion di buki”. Cristianismo ta e religion di
“Palabra” di Dios,” no di un verbo skirbi y mudo sino e Verbo cu a bira carni y ta
bibo”77. Pa e Scrituranan no keda letter morto, ta preciso pa Cristo, Palabra eterno
di Dios bibo, pa medio di Spirito Santo, habri nos spirito pa inteligencia pa asina nos
compronde e Scrituranan.

÷109
Den Santo Scritura Dios ta papia cu hende na manera di hende. P’esey pa interpreta
Scritura bon, ta bon pa ta atento na loke e autornan humano di berdad kier afirma y
loke Dios kier a manifesta mediante su palabranan.

÷110
Pa descubri e intencion di e autornan Santo, hende mester tene cuenta cu e
condicionnan di e tempo y di e cultura den cua hende tabata biba, e “genero
literario” di e tempo ey, con hende tabata sinti, papia y conta storia. “Asina ta e
berdad ta presenta na diferente manera den obra di diferente indole historico den
buki di profesia y poetico of otro tipo di genero literario”.

÷111
Pero como Santo Scritura ta inspira, tin otro principio di interpretacion recto cu no ta
menos importante cu loke ta menciona ariba y sin cual Scritura lo ta letter morto:
“Scritura, hende mester lesa cu e mesun Spirito cu nan a skirbie”.

E Concilio di Vaticano II, ta duna tres criterio pa un interpretacion di Scritura, segun e


Spirito cu a inspir’e.

÷112
1. Pone hopi atencion na “contenido y unidad di henter Scritura”. Efectivamente ni
con diferente e bukinan di cua e ta consisti di dje ta, Scritura ta un motibo di e
unidad di e plan di Dios, di cua Cristo Hesus ta e centro y curason habri desde su
Pasco.

Cu e curason84 di Cristo ta referi na Santo Scritura, cu ta laga hende conoce curason


di Cristo. E curason aki tabata sera, prome cu Pasion, pasobra Scritura tabata scur.
Pero despues di e pasion Scritura a habri, pasobra esnan cu ya a conoce, awo por mira
y interpreta e profecianan.
÷113
2. Lesa Scritura den “Tradicion bibo di henter Iglesia”. Segun un expresion di e
Tatanan di Iglesia, Sacra Scriptura principalius est in corde Ecclesiae quam in
materialibus instrumentis scripta (Santa Scritura ta mas facil pa lesa den curason di
Iglesia cu den materialidad di e bukinan skirbi). Efectivamente ta p’esey Iglesia ta
warda den su tradicion e recuerdo bibo di e Palabra di Dios y ta Spirito Santo ta dun’e
e splicacion Spiritual di Scritura.

÷114
3. Pone atencion “na analogia di Fe”87. Bou “analogia di fe” nos ta compronde e
cohesion di berdad di fe entre nan y den e proyecto total di Revelacion.

Sentido di scritura

÷115
Segun un tradicion antiguo hende por distingui dos nificacion di Scritura; e nificacion
literal y esun spiritual; e ultimo aki ta parti den sentido alegorico, moral y anagogico.
E concordancia stricto di e cuater sentidonan ta sigura tursu rikesa na e lectura bibo
di Scrituraden Iglesia.

CatisashidiIglesiaCatolico

÷116
E nificacion literal. Esaki ta e nificacion cu palabra di Scritura ta expresa y descubri
pa e exegesis cu ta sigui e reglanan di interpretacion husto. Omnes sensus (sc. sacrae
Scripturae) fundentur super litteralem. (“Tur nificacion di Santo Scritura ta basa riba
nificacion literal”).

÷117
E nificacion spiritual. Danki na e unidad di e diseño di Dios, no solamente e texto di
Scritura, sino tambe e realidadnan y e acontecimentonan di cuale ta papia por ta
señalnan.

1. E nificacion alegorico. Nos por adkiri un comprension mas profundo di e


acontecimentonan, reconociendo nan nificacion den Cristo, asina e pasamento di
Lama Cora ta un señal di victoria di Cristo y p’esey di bautismo.

2. E nificacion moral. E acontecementonan cu Scritura ta conta por hiba nos na un


actuacion husto. Nan ta skirbi “pa instrui nos” (1 Co 10, 11).

3. E nificacion anagogico. Ta posibel mira realidad y acontecemento den nan


nificacion eterno, ya cu nan ta conduci (den Griego: anagoge) nos na nos patria. Asina
Iglesia na mundo ta un señal di Herusalem celestial.

÷118
Un oupletmedieval ta resumi e nificacion di e cuater sentidonan asina:

Litera gesta docet, quid credas allegoria,Moralis quid agas, quo tendas anagogia.(E
letter ta siña e sucedidonan,e alegoria loke hende mester kere,e moral loke mester
haciy e anagogia, kico nos kier alcansa).

÷119
“Ta tarea di exegeta, segun e normanan aki, purba logra un

mas profundo comprondemento y interpretacion di e sentido di Santo Scritura, pa


asina pa medio di estudio preparatorio laga e huicio di Iglesia madura.

Pasobra tur loke ta referi na e metodo di splicacion di Scritura, na final ta someti na e


huicio di Iglesia, cu a ricibi di Dios e tarea di conserva y interpreta Palabra di Dios”92:

Ego vero Evangelio non crederem, nisi me catholicae Ecclesiae commoveret


auctoritas.(Lo mi no kere Evangelio, si e autoridad di Iglesia Catolico no ta move mi
pa hacie).

÷120
E Tradicion apostolico a haci Iglesia distingui cua Scritura ta pertenece na e lista di
bukinan Santo94. E lista integral aki yama ”Canon” di Scritura. E ta contene pa
Testament Bieu 46 scritura (45, si ta conta Yer. y Lam. como un so) y 27 pa
Testament Nobo95:

Genesis, Exodo, Levitico, Numeros, Deuteronomio, Yosue, Huesnan, Ruth, e dos


bukinan di Samuel, e dos bukinan di e Reinan, e dos bukinan di Croniconan, Esdras y
Nehemias, Tobias, Judit, Ester, e dos bukinan di e Macabeonan, Job, e Salmonan, e
Proverbionan, e Predicador, e Canto di tur Canto, e Sabiduria, e Eclesiastico, Isaias,
Jeremia, e Lamentonan, Baruc, Ezequiel, Daniel, Oscar, Joel, Amos, Abdias, Jonas,
Miqueos, Nahum, Habacuc, Sofonias, Ageo, Zacarias, Malaquias; pa Testament Bieu;E
Evangelionan di Mateo, Marcos, Lucas y Huan, e Echonan di Apostel, e cartanan di
Pablo na Romanonan, e di prome y di dos carta na Corintionan, carta na Galatonan,
na e Colosensenan, di prome y dos carta na Timoteo, Tito, Filemon, e carta na
Hebreonan, e carta di Santiago, di prome y di dos carta di Pedro, e tres cartanan di
Huan, e carta di Judas y e Apalipsis pa Testament Nobo.

Testament Bieu

÷121
E Testament Bieu ta un parti inseparabel di Santo Scritura, cu no por pensa di laga
afo. Su bukinan ta inspira di manera divino y ta conserva un balor permanente96
pasobra nan a revoca e Aliansa Antiguo.

÷122
Efectivamente, “e fin principal di economia antiguo tabata pa prepara binimento di
Cristo, Salbador di mundo”. “Aunke e bukinan di Testament Bieu ta contene
elementonan imperfecto y pasahero”, nan ta duna testimonio di henter pedagogia
divino di amor di salbacion di Dios: “Nan ta contene enseñansa sublime di Dios y un
sabiduria di salbacion tocante di hende, nan ta encera tesoro increibel di oracion y
nan ta sconde e misterio di nos salbacion”.

÷123
Cristian ta venera Testament Bieu como Palabra di Dios berdadero. Iglesia a opone
semper vigorosamente e idea di rechasa Testament Bieu, bou di pretexto cu
Testament Nobo a haci cu e no ta valido mas (marcionismo).

Testament Nobo

÷124
“E Palabra di Dios, cu ta forsa di Dios pa salbacion di esun cu ta kere, ta fomenta y ta
desplega su forsa den e forma mas maraviyoso den Testament Nobo”98. E scrituranan
aki ta ofrece nos e berdad definitivo di Revelacion Divino. Su obhetivo central ta
Hesucristo, e Yiu di Dios encarna, su obranan, su siñansanan, su pasion y su
glorificacion y e cuminsamento di su Iglesia bou di accion di Spirito Santo.

÷125
E Evangelionan ta e curason di tur Scritura “pasobra nan ta e testimonio principal di e
bida y doctrina di e Palabra cu a bira carni, nos Salbador”.
÷126
Den e formamento di e Evangelionan por distingui tres etapa:

1. Bida y siñansa di Hesus. Iglesia ta mantene firmemente cu e cuater evangelionan,


“di cual e ta afirma sin ningún duda nan historicidad, ta comunica fielmente loke
Hesus, Yiu di Dios, cu tabata biba entre hende, a haci y siña realmente pa nan
salbacion, te riba e dia cu a lant’E bay shelo”.

2. Tradicion oral. “Despues di e ascension di Señor, e apostelnan a predica na nan


oyentenan loke El a bisa y haci y esaki cu e comprendemento mas pleno cu nan tabata
gosa di dje y instrui pa e acontecimentonan glorioso di Cristo y pa e luz di Spirito di
Berdad”.

3. E evangelionan skirbi. “E autornan sagrado, ora cu nan a skirbi e cuater


evangelionan, a scoge algun di e hopi cosnan cu hende tabata transmiti oralmente of
por escrito; e otro cosnan nan tabata sintetisa of splica teniendo na cuenta e
condicion di e iglesianan, mientras cu nan tabata mantene e forma di predica, semper
na tal manera cu nan tabata comunica na nos e berdad sincero tocante Hesus”.

÷127
E Evangelio di cuater forma ta ocupa un luga unico den Iglesia. Esaki ta evidente den
e veneracion cu e liturgia ta dun’e y den e influencia incomparabel cu e tabatin den
tur tempo riba e santonan:

No tin ningun doctrina cu ta miho, mas precioso y mas magnifico cu e texto di


Evangelio. Wak y corda loke nos Señor y Maestro, Cristo, a siña mediante su
palabranan y a realisa mediante su obranan102.Pero riba tur cos ta e Evangelio cu ta
ocupa mi mente durante mi oracionnan; den dje mi ta haya tur loke ta necesario pa
mi pober alma. Den dje mi ta descubri semper luz nobo, sentido scondi y misterioso.

Unidad di Testament Bieu y Nobo

÷128
Den tempo apostolico caba104 y despues constantemente den su tradicion, Iglesia a
pone cla e unidad di e plan divino den e dos Testamentnan pa medio di tipologia.
Esaki ta reconoce den e obranan di Dios den Aliansa Bieu, prefiguracion di loke Dios a
realisa den e plenitud di tempo den e persona di su Yiu encarna.
÷129
P’esey, Cristian ta lesa Testament Bieu den luz di Cristo morto y resucita. E lectura
tipologico aki ta pone na bista e contenido inagotabel di Testament Bieu. E no por
laga nos lubida cu Testament Bieu ta mantene su balo propio di revelacion cu nos
Señor mes a reafirma105. Di otro banda, mester lesa Testament Nobo tambe den luz
di esun Bieu.

E catekesis Cristian primitivo tabata haci uzo constante di dje106. Segun un expresion
bieu, Testament Nobo ta scondi den esun Bieu, mientras cu esun Bieu ta poni na bista
den esun Nobo: “Novum in Vetere latet et in Novo Vetus patet”.

÷130
Tipologia ta nifica un dinamismo dirigi na cumplimento di e plan divino ora cu “Dios ta
tur cos den tur hende” (1 Cor 15, 28). Pues e vocacion di e patriarcanan y e exodo for
di Egipto, por ehempel, no ta perde nan balor propio den e plan di Dios pa e simpel
echo cu nan tabata etapa intermedio.

÷131
“Asina grandi ta e poder y e forsa di palabra di Dios, cu e ta sosten y vigor di Iglesia,
firmesa di fe pa su yiunan, alimento di alma, fuente puro y continuo di bida
spiritual”108. “E fielnan di Cristo mester tin acceso facil na Santa Scritura”.

÷132
“Scritura mester taalma di teologia. E ministerio di palabra, cuta inclui
predicashipastoral catekesis, tur forma i instruccion Cristian y den un puesto
privilegia, omilia, ta ricibi di e palabra di Scritura alimento saludabel y pa medio di
dje ta duna fruta di santidad”.

÷133
Iglesia “ta recomenda cu insistencia na tur fiel... pa lesa Scritura frecuentemente pa
nan adkiri e ciencia supremo di Hesucristo’ (Flp 3,8), ‘pasobra desconoce Scritura ta
desconoce Cristo’ (San Heronimo)”.

÷134
Omnis scriptura divina unus liber est, et ille unus liber Christus est, quia omnis
Scriptura divina de Chisto loquitur, et omnis Scriptura divina in Christo impletur–
Henter Santo Scritura ta un buki y e buki aki ta Cristo, “pasobra tur Scritura divino ta
papia di Cristo y tur Scritura divino ta cumpli den Cristo”.

÷135
“Santo Scritura ta contene e Palabra di Dios y pasobra e ta inspira, e ta realmente
Palabra di Dios”.

÷136
Dios ta Autor di Santa Scritura, pasobra E ta inspira su autornan humano: E ta actua
den nan y pa medio di nan. Di e manera aki, E ta duna siguransa di cu su escritonan ta
siña sin eror e berdad cu ta salba.

÷137
Interpretacion di Scritura inspira mester ta atento riba tur cos pa loke Dios kier revela
mediante e autornan sagrado pa nos salbacion. Loke ta bini di Spirito, ta totalmente
comprendibel solamente pa accion di Spirito.

÷138
Iglesia ta acepta y venera como obra inspira e cuarentiseis bukinan di Testament Bieu
y e bintishete bukinan di Testament Nobo.

÷139
E cuater evangelionan ta ocupa un luga central, pasobra Cristo Hesus ta nan centro.

÷140
E unidad di e dos Testamentnan ta procedente di e unidad di plan di Dios y di su
Revelacion. Testament Bieu ta prepara esun Nobo, mientras cu e Nobo ta cumpli cu
esun Bieu; e dos Testamentnan ta pone otro na cla; e dos Testamentnan ta Palabra di
Dios berdadero.

÷141
“Iglesia semper a venera Santa Scritura, manera cu el a haci cu Curpa di Cristo”116:
nan dos ta alimenta y dirigi henter e bida Cristian. “Bo palabra ta flambeu pa mi
pianan y luz pa mi caminda” (Sal 119, 105).

÷142
Pa medio di su Revelacion, “Dios invisibel, den su amor grandi, ta papia cu hende
manera amigo y ta biba cu nan, pa asina invita nan pa nan tin un comunion cu nE y
ricibi nan den comunion”1. E contesta adecua na e invitacion aki ta fe.

÷143
Pa medio di fe, hende ta somete completamente su inteligencia y su boluntad na
Dios. Cu tur su ser, hende ta duna su asentimento na Dios cu ta revela2. Santa
Scritura ta yama e contesta aki di hende na Dios cu ta revela “obediencia di fe”.

÷144
Obedece (“ob-audire”) den fe ta somete libremente na e palabra scucha, pasobra su
berdad ta garantisa pa Dios, cu ta Berdad mes. Abraham ta e modelo di e obediencia
aki cu Santo Scritura ta duna nos di conoce. La Birgen Maria ta e realisacion di mas
perfecto di esaki.

÷145
E carta na e Hebreonan, den e gran elogio di fe di e antepasadonan, ta pone enfasis
special riba fe di Abraham: “Pa fe, Abraham a obedece y a sali bay na e luga cu e lo a
bay ricibi como herencia y el a sali bay sin sa na unda e tabata bay” (Hb 11, 8)4. Pa
fe, el a biba manera stranhero y peregrino den e Tera priminti. Pa fe, a duna Sara pa
concebi e yiu di e promesa5. Y pa fe, Abraham a ofrece su unico yiu como sacrificio.

÷146
Di emanera aki, Abraham ta cumpli cu e definicion di fe den e carta na e Hebreonan:
“Fe ta e garantia di loke nos ta spera riba dje, e prueba di e cosnan cu nos no por
mira” (Hb 11, 1). “Abraham a kere den Dios y Dios a mir’e como un hende husto” (Rm
4, 3)7. Pasobra e tabatin un “fe grandi”8, Abraham a bira “tata di tur creyente” (Rm
4, 11. 18).
÷147
Testament Bieu ta rico den testigo di e fe aki. E carta na e Hebreonan ta proclama e
elogio di e fe ehemplar di e antepasadonan, pa cua nan “a ricibi alabansa” (Hb 11,
40;12, 2). Sinembargo, “Dios tabatin algo miho prepara pa nos”: e gracia di kere den
su Yiu Hesus, “esun cu ta duna comienso y trece perfeccion na nos fe” (Hb 11, 40;12,
2).

Maria: “Dichoso ta esun cu a kere”

÷148
La Birgen Maria ta realisa na e manera di mas perfecto e obediencia di fe. Den fe,
Maria ta ricibi e anuncio y e promesa cu angel Gabriel a trece p’e door di kere cu “pa
Dios nada ta imposibel” (Lc 1, 37)10 y door di duna su consentimento: “Ata e sirbido
di Señor, laga sosode cu mi loke bo a bisa” (Lc 1, 38). Elisabeth a cumind’e di e forma
aki: “Dichoso ta esun cu a kere cu e cosnan cu Dios a bis’e, lo keda cumpli!” (Lc 1,
45). Pa e fe aki, tur generacion lo yam’e feliz.

÷149
Durante henter su bida y te cu su ultimo prueba12, ora cu Hesus, su yiu, a muri na
cruz, su fe nunca no a cay. Maria nunca no a stop di kere den e “cumplimento” di e
palabra di Dios. P’esey, Iglesia ta venera Maria como e realisacion di mas puro di fe.

÷150
Prome cu tur cos, fe ta e adhesion personal di hende na Dios. A la bes
inseparablemente, e ta e consentimento liber na tur berdad cu Dios a revela. En
cuanto e adhesion personal na Dios y e consentimento na e berdad cu El a revela, fe
Cristian ta diferente di fe den un persona humano. Ta corecto y husto pa pone
confiansa total den Dios y pa kere absolutamente loke E ta bisa. Lo ta inutil y robes
pa pone un fe semehante den un criatura.

÷151
Pa un Cristian, kere den Dios ta inseparabel di kere den Esun cu a El a manda, “su Yiu
stima”, ken ta legria di su curason (Mc 1, 11). Dios a bisa nos pa nos scuch’E14. Señor
mes a bisa su discipelnan: “Kere den Dios, kere tambe den mi” (Hu 14, 1). Nos por
kere den Hesucristo, pasobra e ta Dios, e Palabra cu a bira carni: “Nunca ningun
hende no a mira Dios, pero su unico Yiu, pega na Tata su curason, a revela ken Dios
ta” (Hu 1, 18). Pasobra El “a mira Tata” (Hu 6, 46), E ta e unico cu conoc’E y cu por
revel’E.
÷152
Un hende no por kere den Hesucristo sin tuma parti den su Spirito. Spirito Santo ta
esun cu ta revela na hende ken ta Hesus. Pasobra “ningun hende no por bisa: ‘Hesus
ta Señor’ si no ta Spirito Santo ta gui’e” (1 Co 12, 3). “Spirito ta sondia tur cos, hasta
e pensamentonan di Dios cu ta profundamente scondi... Ta solamente Spirito di Dios
sa tur cos di Dios” (1 Co 2, 10-11). Solamente Dios conoce Dios completamente. Nos ta
kere den Spirito Santo, pasobra E ta Dios.

÷153
Ora cu San Pedro profesa cu Hesus ta e Cristo, e Yiu di Dios bibo, Hesus ta declara cu
e revelacion aki no ta bin “di carni y sanger, sino di mi Tata cu ta na shelo” (Mt 16,
17)16. Fe ta un don di Dios, un virtud sobrenatural cu Dios ta duna nos. “Pa duna e
contesta di fe aki, nos mester di gracia di Dios, cu ta yega pa yuda nos y esaki cu
ayudo interior di Spirito Santo, cu ta move e curason, ta hib’e na Dios, ta habri e
wowonan di spirito y ta duna tur hende e gusto di acepta y kere e berdad”.

÷154
Ta posibel pa kere solamente pa gracia y ayudo interior di Spirito Santo. Pero no ta
menos berdad cu kere ta un acto autenticamente humano. No ta contrario ni na
libertad ni na inteligencia di hende pa pone nan confiansa den Dios y adheri na e
berdadnan cu El a revela. Den e relacionnan humano mes no ta contrario na nos
propio dignidad pa kere loke otro hende ta bisa di nan mes y di nan intencionnan y
tampoco pa confia den nan promesanan manera, por ehempel, ora cu un homber cu
un muhecasa), pa di maneraaki drenta den comunion mutuo.

Catisashi di IglesiaCatolico

P’esey, e ta menos contrario ainda na nos dignidad pa “somete totalmente pa fe nos


inteligencia y nos boluntad na Dios cu ta revela”18 y pa di e forma aki nos drenta den
comunion intimo cu nE.

÷155
Den fe, inteligencia y boluntad humano ta coopera cu gracia divino: Credere est actus
intellectus assentientis veritati divinae ex imperio voluntatis a Deomotae per gratiam
– “Kere ta un acto di e entendimento cu ta asenti na e berdad divino riba ordo di e
boluntad cu Dios ta duna pa medio di gracia”.
Catisashi di IglesiaCatolico

÷156
E motibo pa kere no ta den e echo cu e berdadnan revela ta mustra berdadero y
comprendibel den luz di nos entendimento natural. Nos ta kere “pa motibo di e
autoridad di Dios mes cu ta revela y cu no por gaña su mes ni gaña nos”. “Sinembargo,
pa e respet cu nos tin pa nos fe ta di acuerdo cu nos entendimento, Dios tabata kier
pa e pruebanan exterior di su revelacion ta uni cu e ayudo interior di Spirito
Santo”20. E milagernan di Cristo y di e santonan21, e profesianan, e crecemento y e
santidad di Iglesia, su fecundidad y su stabilidad “ta señal sigur di revelacion, cu ta
adapta na inteligencia di tur hende”, motibo di credibilidad cu ta mustra cu asenti na
fe no ta den ningun forma un movecion ciego di spirito.

÷157
Fe ta sigur, mas sigur cu tur conocemento humano, pasobra e ta funda riba Palabra di
Dios mes, cu no por gaña. Ta berdad cu e berdadnan revela por parce cu nan no ta cla
pa e entendimento y experencia humano, pero “e siguridad cu e luz divino ta duna ta
mas grandi cu e siguridad cu e luz di entendimento natural ta duna”23. “Dies mil
dificultad no ta forma ni un duda”.

÷158
“Fe ta purba compronde”25: ta inherente na e fe cu e creyente ta desea di conoce
miho Esun den ken el a pone su fe y di compronde miho loke El a revela. En cambio,
un conocemento mas penetrante ta fomenta un fe mas grandi, cu ta aumenta mas y
masmediante candela di amor. E gracia di fe ta habri “e wowonan di curason” (Ef 1,
18) pa haya un inteligencia bibo di e contenido di Revelacion, pues e totalidad di e
plan di Dios y di e misterionan di fe, di nan conexion cu otro y cu Cristo, e centro di
Misterio revela. “E mesun Spirito Santo ta perfecciona constantemente e fe mediante
su donnan, pa di e manera aki por compronde Revelacion mas profundamente”26.
Segun un expresion di San Agustin27, “mi ta kere pa compronde y mi ta compronde pa
kere miho”.

÷159
Fe y ciencia. “Aunke fe ta riba entendimento, hamas no por tin desacuerdo entre nan.
Mirando e echo cu Dios mes, cu ta revela e misterionan y ta comunica e fe, a laga luz
di entendimento baha riba spirito humano, E no por nenga su mes ni berdad hamas
por contradeci berdad”28. “P’esey, e investigacion metodico den tur disciplina, si e
ta procede na un manera realmente cientifico y segun e normanan moral, nunca no ta
realmente contrario na fe, pasobra e cosnan di mundo y e cosnan di fe ta bin di Dios
mes. Ademas, esun cu spirito humilde y animo constante ta persevera den investiga e
cosnan scondi, sin sa cu e ta manera guia pa man di Dios, ken ta tene tur cos
firmemente y a haci cu nan ta loke nan ta”.

÷160
“Ora cu un hende kere, e mester duna contesta boluntariamente na Dios: ningun
hende mester ta obliga contra su boluntad pa acepta fe. E acto di fe ta boluntario di
su mes naturalesa”30. “Dios ta yama hende pa sirbiE den spirito y den berdad. P’esey,
nan tin un vinculo cu nE den consenshi, pero nan no ta obliga pa sirbiE... Esaki a bira
cla specialmente den Cristo Hesus”31. Di berdad, Cristo a invita hende pa fe y
conversion. E nunca no a obliga hende. “El a duna testimonio di e berdad, pero e no
tabata kier impone esaki cu forsa riba esnan cu tabata contradeciE. Pasobra su
reino... ta crece pa amor cu cua Cristo, hisa na cruz, ta atrae hende na djE”.

÷161
Kere den Cristo y den Esun cu a mand’E pa salba nos, ta necesario pa haya
salbacion33. “Pasobra ‘sin fe... ta imposibel pa agrada Dios’(Hb 11, 6) y pa bira su
yiu, ningun hende ta hustifica sin dje y ningun hende no lo haya bida eterno, si ‘e no a
persevera den dje te na fin’ (Mt 10, 22; 24, 13)”.

Perseverancia den fe

÷162
Fe ta un don gratis cu Dios ta duna hende. Nos por perde e don balioso aki, manera
San Pablo ta adverti Timoteo di dje: “Lucha e bon lucha, tene firme na bo fe y bo bon
consenshi; tin cu a fracasa den nan fe, pasobra nan no a scucha nan consenshi” (1 Tm
1, 18-19). Pa nos biba, crece y persevera te na fin den fe, nos mester alimenta nos fe
cu Palabra di Dios. Nos mester pidi Señor pa hacie bira mas grandi35. Fe mester
“actua pa medio di caridad” (Ga 5, 6)36, e mester ta yena cu speransa37 y e mester
tin rais den fe di Iglesia.

÷163
Fe ta haci nos purba di antemano e goso y e luz di e contemplacion beatifica, e final
di nos caminda akibou. E ora ey, nos lo mira Dios “cara a cara” (1 Co 13, 12), “manera
cu E ta” (1 Hu 3, 2). Pues fe ta e cuminsamento di bida eterno: “mientras cu awo nos
ta comtempla e bendicionnan di fe manera e refleho den un spiel, ta manera cu nos
ta posee caba e cosnan maraviyoso cu nos fe ta sigura nos di nan”.

÷164
Sinembargo, awo “nos ta cana pa loke nos ta kere y no pa loke nos ta mira” (2 Co 5,
7) y nos conoce Dios “manera den un spiel, pero na un manera vago..., imperfecto” (1
Co 13, 12). Apesar cu fe ta briya pa Esun cu e ta kere den dje, hopi biaha e ta biba
den scuridad. Por pone fe na prueba. E mundo cu nos ta biba den dje, hopi biaha ta
mustra hopi leu for di loke fe ta sigura nos. E experencianan di maldad y di
sufrimento, di inhusticia y di morto ta mustra cu nan ta contradeci e Bon Nobo, nan
por sacudi nos fe y nan por ta un tentacion p’e.

÷165
E ora ey, nos mester bolbe cerca e testigonan di fe: Abraham, cu a kere “den
speransa contra tur speransa” (Rm 4, 18); La Birgen Maria, cu “den su peregrinacion
di fe”39 a yega na e “nochi di fe”40 door di tuma parti na e sufrimento di su Yiu y
anochi scur di su graf, y hopi otro testigo di fe: “P’esey nos, rondona di un multitud
asina grandi di hende cu a demostra nan fe, mester benta tur peso, esta, e picanan cu
ta molestianos sina facil, un banda y participa cu perseverancia na e careda cu nos tin
nos dilanti. Laga nos tene nos bista fiha riba Hesus, cu a bay nos dilanti riba e
caminda di fe y cu lo hiba nos tambe na final di e caminda” (Hb 12, 1-2).

÷166
Fe ta un acto personal: e contesta liber di hende riba e iniciativa di Dios cu ta revela
su mes. Pero fe no ta un acto isola. Ningun hende no por kere su so, mescos cu ningun
hende no por biba su so. Ningun hende a duna su mes fe, mescos cu ningun hende a
duna su mes bida. E creyente a ricibi fe di otro hende y na su turno e mester transmiti
esaki na otro hende. Nos amor pa Hesus y pa hende ta duna nos e impulso pa papia cu
otro hende di nos fe. Cada creyente ta manera un enlace den e cadena grandi di
creyente. Mi no por kere sin tin e sosten di fe di otro hende y pa medio di mi fe mi ta
yuda sostene fe di otro hende.

÷167
“Mi ta kere”41 ta e fe di Iglesia cu cada creyente ta profesa personalmente,
specialmente durante su bautismo. “Nos ta kere”42 ta e fe di Iglesia cu e obisponan
reuni den Concilio, of mas den general, e asamblea liturgico di creyente ta profesa.
“Mi ta kere” ta alabes e Iglesia, nos Mama, cu ta duna contesta na Dios pa medio di su
fe y cu ta siña nos bisa: “Mi ta kere”, “Nos ta kere”.
÷168
Iglesia ta esun prome cu ta kere y asina e ta guia, alimenta y duna sosten na mi fe.
Tur caminda, Iglesia ta esun prome cu ta profesa fe den Señor, rond mundo (“Te per
orbem terrarum sancta confitetur Ecclesia”, – Na Bo, Santa Iglesia ta profesa tur
caminda na mundo, nos ta canta den Te Deum)43. Cu ne y den dje nos ta haya e
impulso pa profesa tambe: “Mi ta kere”, “Nos ta kere”. Pa medio di Iglesia nos ta
ricibi fe y bida nobo den Cristo mediante e bautismo. Den e Ritual Romano, e ministro
di bautismo ta puntra e catecumeno: “Kico bo ta pidi di Iglesia di Dios?” Y e contesta
ta: “Fe”. “Kico fe ta duna bo?” “Bida eterno!”.

÷169
Salbacion ta bin solamente di Dios, pero como cu nos ta ricibi bida di fe pa medio di
Iglesia, e ta nos mama: “Nos ta kere den Iglesia como e mama di nos nacemento nobo
y no como si fuera e ta e autor di nos salbacion”44. Como cu e ta nos mama, e ta
tambe e educado di nos fe.

÷170
Nos no ta kere den formula, sino den e realidadnan cu esakinan ta expresa y cu fe ta
permiti nos “mishi” cu nan. “E acto (di fe) di e creyente no ta caba na un idea, sino
na e realidadnan di e idea”.

Sinembargo nos ta acerca e realidadnan aki cu yudansa di e formulacionnan di fe.


Esakinan ta permiti nos expresa y transmiti nos fe, celebr’e den comunidad, asimil’e y
biba di dje cada bes mas.

÷171
Iglesia, cu ta “pilar y fundeshi di berdad” (1 Tm 3, 15), ta conserva fielmente “e fe
transmiti pa e santonan unabes pa semper” (Hudas 3). E ta conserva e memoria di e
palabranan di Cristo. E ta transmiti di generacion pa generacion e confesion di fe di e
Apostelnan. Manera un mama cu ta siña su yiunan papia y asina compronde y
comunica, Iglesia, nos Mama, ta siña nos e lenguahe di fe pa introduci nos na
comprondemento y bida di fe

÷172
For di hopi siglo y pa medio di hopi lenga, cultura, pueblo y nacion, Iglesia no ta stop
di profesa su unico fe, cu el a ricibi di un unico Señor, cu ta transmiti pa medio di un
unico bautismo y cu ta firme den e conviccion cu tur hende no tin mas cu un Dios y
Tata46. San Ireneo di Lyon, testigo di e fe aki, ta declara:

÷173
“Di berdad, Iglesia, aunke e ta plama na mundo henter te hasta na unda su limitenan
ta yega, a ricibi di e apostelnan y di nan discipelnan e fe... y ta conserva (e predicashi
y e fe aki) cu cuidou, como si fuera e ta biba den un cas so y ta kere den dje na un
manera identico, como si fuera e tin un alma y un curason so, e ta predic’e, siñ’e y
transmitie cu bos unanime, como si fuera ta un boca so e tin”.

÷174
Apesar cu e lenganan na tur parti di mundo ta diferente, Tradicion tin un y mesun
contenido. “E iglesianan estableci na Germania no tin otro fe of otro Tradicion, ni
esunnan cu ta memey di e Iberonan, ni esunnan cu ta memey di e Celtanan, ni
esunnan di Oriente, di Egipto, di Libia, ni esunnan cu ta estableci na centro di
mundo...”48. “E mensahe di Iglesia ta berdadero y solido, pasobra den dje ta aparece
un caminda so di salbacion den mundo henter”.

÷175
“E fe aki cu nos a ricibi di Iglesia, nos ta conserv’e cu cuidou, pasobra, e contenido di
gran balor aki, comosifuera den un glas excelente, ta wordo renoba constantemente
accion di Spirito Santo y ta renoba e proprio glas cu ta conten’e”.

÷176
Fe ta e adhesion personal di e hende completo na Dios cu ta revela su mes. E ta
encera un adhesion di inteligencia y di boluntad na e Revelacion cu Dios a haci di su
mes mediante su obranan y su palabranan.

÷177
Pues fe ta encera un referencia dobel: na e persona y na e berdad; na e berdad pa
medio di e confiansa den e persona cu ta testigu’e.

÷178
Nos no mester kere den ningun otro cu no ta Dios: Tata, Yiu y Spirito Santo.
÷179
Fe ta un don sobrenatural di Dios. Pa hende kere, e mester di ayudo interior di Spirito
Santo.

÷180
“Kere” ta un acto humano, consciente y liber, cu ta toca na e dignidad di e persona
humano.

÷181
“Kere” ta un acto di Iglesia. Fe di Iglesia ta antecede, forma, guia y alimenta nos fe.
Iglesia ta Mama di tur creyente. “Ningun hende por tin Dios como Tata si e no tin
Iglesia como Mama”.

÷182
“Nos ta kere tur loke ta den e Palabra di Dios skirbi of transmiti pa boca y cu Iglesia
ta propone... pa kere den nan como realidad revela pa Dios”52

÷183
Fe ta necesario pa salbacion. Señor mes ta afirma: “Esun cu ta kere y ta batisa, lo ta
salba. Esun cu no ta kere, ta condena su mes” (Mc 16, 16).

÷184
Fe ta un gusto anticipa di conocemento cu ta bay haci nos feliz den e bida cu ta bin”.

CREDO

Simbolo di e Apostelnan

Credo di Nicea-Constantinopla

Mi ta kere den Dios Tata Todopoderoso Creador di shelo y di tera


Y den Hesus Cristo, su unico Yui, nos Señor

Cu ta concebi di Spirito Santo, a nace di Maria Birgen,

Cu a padece bou di Poncio Pilato, cu tabata crucufica, a muri y tabata dera,

a baha na fierno, a resucita di tres dia for di morto, cu a subi na shelo, ta sinta na
man drechi di Dios Tata Todopedoroso. Djey lo bini pa husga bibo y morto.

Mi ta kere den Spiritu Santo,


Santa Iglesia catolica, comunion di santo, pordon di pica, resureccion di carni y bida
eterno.

Amen.

Mi ta kere den un Dios, Tata Todopoderoso,Creador di shelo y tera, di tur cos visibel y
invisibel.

Mi ta kere den un Señor so, Hesu Cristo, unico Yui di Dios. Naci for di Tata prome cu
tur siglo: Dios di Dios, Luz di Luz, Dios berdadero di Dios berdadero. Engendra, no
crea, un di naturalesa cu Tata, pa kende tur cos ta traha. Pa nos, e hende, y pa nos
salbacion El a baha for di shelo.

Pa obra di Spirito Santo El a encarna di La Birgen Maria y a bira hende.

Crusifica tambe pa nos bao di Poncio Pilato; El a sufri y a ser dera,

El a resucita di tres dia, segun Scritura,

El a subi na shelo y ta sinta na man drechi di Tata. Lo e bolbe bini cu gloria pa husga
bibo y morto y su reino lo no tin fin.

Mi ta kere den Spirito Santo, Señor y autor di bida, cu ta bini for di Tata y di Yiu,
kende hunto cu Tata y Yiu ta adora y glorifica y kende a papia pa boca di profeta.

Mi ta kere den un Iglesia, santo, catolico y apostolico. Mi ta profesa un Bautismo pa


pordon di pica. Mi ta warda resureccion di morto y bida di siglo futuro.

Amen

÷185
Esun cu ta bisa: “Mi ta kere”, ta bisa: “Mi ta acepta loke nos ta kere.” Comunion den
fe tin necesidad di un lenguahe comun den fe, cu ta normativo pa un y tur den mesun
confesion di fe.
÷186
Desde su origen Iglesia Apostolico a expresa y transmiti su propio fe den formula
normativo y cortico pa un y tur1. Pero masha lihe Iglesia tabata kier establece esencia
di su fe den un specialmente organisa y structura pa candidato di bautismo.

E sintesis di e confesion di fe aki no ta traha segun opinion humano, sino a recompila


di henter e Scritura loke ta mas importante pa duna integridad na e unico enseñansa
di fe. Y mescos cu e simia di mosterd, den su simia chikito tin un gran cantidad di
rama, di e mesun moda e de fe aki ta encera den poco palabra tur e conocemento di
e berdadero devocion di e Testament Bieu y di e Testament Nobo.

÷187
E sintesisnan aki nos ta yama “profesion di fe”, pasobra nan ta duna un di e fe cu
Cristian ta profesa. Nan yama “e credonan”, pa motibo di loke normalmente ta nan
prome palabra na Latin: credo (“Mi ta kere”). Nan yama tambe “e simbolonan di fe”.

÷188
E palabra Griego” symbolon” ta nifica mita di un obheto, parti den dos, (por ehempel,
un stempel) cu nan ta ofrece como señal di reconocemento. Ta pone e partinan kibra
hunto pa verifica identidad di cargado. E “simbolonan di fe” ta anto e signonan di
identidad y di comunion entre creyente. Symbolon ta nifica tambe recopilacion di
principal confesion di fe. P’esey ta consider’e e prome punto di referencia
fundamental di catekesis.

÷189
E prome profesion di fe ta tuma luga na bautismo. E simbolo di fe ta na prome luga un
simbolo bautismal. Como cu ta duna Bautismo “den nomber di Tata y di Yiu y di
Spiritu Santo”, confesion di fe durante bautismo ta formula conforme e referencia di
Tres Persona di Santisma Trinidad.

÷190
E simbolo ta dividi anto den tres parti: den e prome parti ta trata e prome Persona
Divino y e admirabel obra di creacion: pa continua den e di dos parti cu e di dos
Persona Divino y di e misterio di Redencion di hende; finalmente, di tres Persona
Divino, fuente y principio di nos santificacion3. Nan ta “e tres capitulonan di nos seyo
(bautismal)”.

÷191
E tres partinan aki, aunke distinto ta liga na otro. Segun comparacion frecuentemente
haci pa e tatanan di Iglesia, nan ta yama nan articulo. Di mesun manera, cu nos curpa
ta consisti di partinan cu ta distinto y cu ta separa for di otro asina efectivamente e
profesion di fe aki tambe tin articulo cu cada un riba su mes nos mester acepta y kere
como berdad na un manera distinto.

Segun un tradicion antiguo y confirma pa San Ambrosio, particularmente nos ta


custumbra di numera diesdos articulo i Credo simbolisando e diesdos apostelnan hunto
cu e fe apostolico.

÷192
A lo largo di siglonan, yenando e necesidad di varios epoca tabata tin diferente
profesion y simbolo di fe, simbolo di diferente Iglesia apostolico y antiguo7, simbolo
“Quicumque” confirma pa San Anastasio8, e profesion di Fe di cierto Concilionan9 of
di cierto Papa, como esun di “Fides Damasi”10 f e “Credo di Pueblo di Dios” i ablo VI
(1968).

Catisashi diIglesiaCatolico

÷193
Ningun di e simbolonan di e diferente etapanan di bida di Iglesia nos por considera
como supera of inutil. Awendia nan ta yuda nos capta y profundisa nos fe di semper
pa medio di diverso traha. Entre tur e simbolonan di fe tin dos cu ta hopi importante
den bida di Iglesia Catolico:

÷194
E simbolo di e Apostelnan, ta wordo yama asina pasobra cu rason ta consider’e como
e autentico di fe di e apostelnan. E ta e antiguo simbolo bautismal di Iglesia Romano.
Su gran autoridad ta bini di e siguiente echo: e ta “e Simbolo di e Iglesia Romano, e
sede di Pedro, e prome bou di e apostelnan, na cual el atrece e doctrina comun”.

÷195
E simbolo Nicea-Constantinopel ta debe su autoridad na e echo cu e ta fruta di dos
prome Concilionannan eucumenico (325 y 381). Te dia djawe Iglesianan grandi
oriental y occidental tin e simbolo comun aki.

÷196
Nos exposicion di fe lo sigui e Credo di Apostelnan, cu ta den realidad e mas “antiguo
catisashi Romano”. No obstante por completa e exposicion constantemente referiendo
na e Simbolo di Nicea-Constantinopel, cu frecuentemente ta esun di mas explicito y
detaya.

÷197
Mescos cu dia di nos bautismo, ora henter nos bida a keda confia na e “reglanan di
doctrina”12 cu nos ta tuma como simbolo di fe bibo. Ora nos resa Credo cu fe nos ta
drenta den comunion cu Dios nos Tata, Yiu y Spiritu Santo, nos ta drenta tambe den
comunion cu henter e Iglesia cu ta transmiti pa nos e fe den cua nos ta kere.

E simbolo aki ta e seyo spiritual, ta e meditacion di nos curason y di e guardian


semper presente, cu ta cu siguridad e tesoro di nos alma.

÷198
Nos profesion di fe ta cuminsa cu Dios, pasobra E ta “e prome y e ultimo” (Is 44, 6) e
Principio y e Fin di tur cos. E Credo ta cuminsa cu Dios Tata, pasobra Tata ta e Prome
Persona Divino di Santismo Trinidad; nos simbolo ta cuminsa cu creacion di shelo y di
tera, ya cu e creacion ta e cuminsamento y e fundamento di tur e obranan di Dios.

÷199
“Mi ta kere den Dios”: e prome afirmacion aki di profesion di fe ta alabes esun di mas
fundamental. Henter e Simbolo ta papia di Dios y si acaso e papia tambe di hende y di
e mundo, e ta haci esaki den relacion cu Dios. Tur e articulonan di e Credo ta
depende di esun prome, mescos cu ta e caso cu e mandamentonan, tur cu ta sigui ta
explicita esun prome. E otro articulonan ta laga nos conoce Dios miho na manera cu E
ta revela su mes progresivamente na ser humano. “E fielnan na prome luga ta profesa
cu nan ta kere den Dios.

÷200
Cu e palabranan aki ta cuminsa e Simbolo Niceo-Constantinopel. E confesion di e
caracter unico di Dios, cu tin su rais den Revelacion Divino di e Aliansa Antiguo, ta
inseparabel di e confesion di existencia di Dios y igualmente fundamental. Dios ta e
Unico: no tin mas cu un solo Dios: e fe Cristian ta confesa cu tin un solo Dios den
naturalesa, den substancia y den esencia.

÷201
Na Israel, su eligido, Dios a revela su mes como e Unico: “Scucha Israel, Señor, Señor
so ta nos Dios. Stima Señor, bo Dios di henter bo curason, cu henter bo alma y cu tur
bo forsa” (Dt 6, 4-5). Pa medio di profeta Dios ta yama Israel y tur nacion pa dirigi
nan mes na djE, e Unico. Bin cerca mi y boso lo ta salba, reuni for di tur parti di
mundo, pasobra ami ta Dios y ningun otro mas… Dilanti di mi so tur lo hinca rudia y
tur lenga lo hura bisa: “Solamente den Dios tin forsa y victoria” (Is 45, 22-24).

÷202
Hesus mes ta confirma cu Dios ta e unico Señor, cu nos mester stim’E cu henter nos
curason, cu henter nos alma, cu henter nos spirito y tur nos forsa4. Na mes momento
e ta laga nos comprende cu E mes ta Señor5. Profesa cu “Hesus ta Señor, ta
caracteristica di e fe Cristian. Esaki no ta contrario na fe den Dios Unico. Kere den
Spiritu Santo, “cu ta Señor y dunado di bida ”, no ta introduci ningun division den Dios
unico:

Nos ta kere y afirma sin ningun duda cu tin un solo Dios berdadero, inmenso y
incambiabel, incomprensibel, todopoderoso y inefable, Tata, Yiu y Spiritu Santo: Tres
Persona, pero un Esencia, un Substancia of Naturalesa absolutamente simpel.

÷203
Dios ta revela su mes na su pueblo Israel lagando e conoce su nomber. E nomber ta
expresa esencia, identidad di persona y sentido di bida. Dios tin un nomber, no ta un
forsa anonimo. Revela bo nomber ta haci bo conoci cerca otronan: den cierto forma
duna bo mes, laga otro acerca bo, ofrece e oportunidad pa otro sera conoci cu bo
persona mas intimo y laga otronan invoca bo personalmente.

÷204
Dios ta revela su mes progresivamente y bou di diverso nomber na su pueblo, pero e
revelacion di Nomber Divino, haci na Moises den e teofania di e mata cu ta kima na
vispera di Exodo y di aliansa di Sinai, ta e revelacion fundamental di tanto e Antiguo
como e Aliansa Nobo.
÷205
Dios ta yama Moises for di un mata di sumpiña na candela sin ta kimando. Dios ta bisa
Moises: “Mi ta Dios di bo antecesornan, Dios di Abraham, Dios di Isaac y Dios di Jacob”
(Ex 3, 6). Dios ta Dios di tatanan. Esun cu a yama y guia e patriarcanan den nan
perigrinacionnan. E ta e Dios fiel y compasivo, kende ta corda riba nan y ta corda riba
su promesa na nan; e ta bin pa libra nan descendientenan di sclavitud. E ta e Dios,
kende mas aya di espacio y di tempo lo por y lo kier pone den funcion su
Omnipotencia pa e proposito aki.

“Ami ta Esun cu ta”

Moises a bisa Dios: “Si mi bay cerca e yiunan di Israel y bisa nan: “Dios di boso tatanan
a manda mi cerca boso”. Ora nan puntra mi: “Con su nomber ta?’ Kico lo mi contesta
nan?” Dios a bisa Moises: “Ami ta Esun cu ta”. Y a añadi: “Asina bo mester bisa e
yiunan di e Israelitanan: ‘Mi ta’, nan a manda mi cerca boso... Esaki ta mi nomber pa
semper, generacion tras di generacion lo invoca Mi uzando e nomber ey” (Ex 3, 13-
15).

÷206
Revelando su nomber misterioso YHWH, “Mi ta Esun cu t’ey” of “Mi ta Esun cu ta” of
tambe “Mi ta esun cu Mi ta”, Dios ta bisa ken e ta y con mester yam’E. E Nomber
Divino aki ta misterioso, mescos cu Dios ta misterio. Ta alabes un nomber revela y
algo manera rechaso di un nomber, p’esey e ta expresa miho kico Dios ta –
infinitamente riba tur loke nos por capta comprende of bisa:E ta, “E Dios scondi” (Is
45, 15), su nomber ta inpronunciabel7 y e ta e Dios cu ta yega cerca di hende.

÷207
Revelando su nomber, Dios ta revela na e mesun momento su fieldad di semper pa
semper y ta conta tanto pa pasado. (“Mi ta e Dios di boso grandinan”, Ex 3, 6 ) y como
tambe e porvenir (“Mi lo ta cu bo”, Ex 3, 12). Dios cu ta revela su nomber como “Mi
ta”, ta revela como e Dios cu ta semper ey presente hunto cu su pueblo pa salb’e.

÷208
Den presencia atractivo y misterioso di Dios, hende ta descubri con insignificante e ta.
Dilanti di e mata di sumpiña na candela Moises ta kita su sandalia y ta tapa su cara8
dilanti di Santidad Divino. Dilanti di gloria di Dios tres bes santo, Isaias ta sclama: “Ay
di mi, cu ta perdi, mi ta un homber cu boca impuro!” (Is 6, 5). Dilanti di e signonan cu
Hesus a realisa, Pedro ta sclama: “Aleha Bo di mi, Señor, mi ta un homber pecado”
(Lc 5, 8). Pero pasobra Dios ta santo, e por pordona hende cu ta realisa cu e ta
pecado dilanti di djE: “Mi no lo manda vlam cayente... pasobra mi ta Dios y no hende;
mi ta esun Santo memey di boso (Os 11, 9). E apostel Huan lo bisa mescos: “Laga
nos... trankilisa nos consenshi dilanti di djE, den caso cu nos consenshi condena, ya cu
Dios ta mas grandi cu nos consenshi y sa tur cos” (1 Hu 3, 19-20).

÷209
Pa respet pa su Santidad e pueblo di Israel no ta pronuncia nomber di Dios. Den
lectura di Sagrado Scritura ta sustitui e nomber revela pa e titulo divino “Señor”
(“Adonai”, na Griego “Kyrios”). Cu e titulo aki lo aclama e divinidad di Hesus: “Hesus
ta Señor”.

÷210
Despues di e pica di Israel, cu a aparta nan for di Dios pa adora e bishe di oro9, Dios
ta scucha intercesion di Moises y ta acepta pa anda y biba cu e pueblo infiel,
manifestando asina su amor10. Na Moises kende a pidi pa mira gloria di Dios, Dios a
contest’e “Mi lo pasa bo dilanti y laga bo mira mibondadden tur mi beyesa y milo laga
pronuncia e nomber HWH” (Ex 33, 18-19). Y Señor a pasa dilanti diMoises y ta
proclama: “YHWH, YHWH, Dios misericordioso y clemente, cu no ta reacciona riba
iritacion, ta rico na amor y fieldad” (Ex 34, 5-6). Moises ta confesa e ora ey cu Señor
ta un Dios cu ta pordona.

÷211
E Nomber divino “Mi ta” of “E ta” ta expresa fieldad di Dios, cu apesar di infidelidad
di e pica di e hendenan y di e castigo cu nan merece, “ta mantene su amor pa mil
generacion” (Ex 34, 7). Dios ta revela cu E ta “rico na misericordia” (Ef 2,4) hasta ta
yega na duna su Yiu. Hesus dunando su bida pa libera nos di pica, ta revela cu E mes
tin e Nomber divino:“Ora boso halsa Yiu di Hende, boso lo sacu AMI TA” (Hu 8, 28).

÷212
Den transcurso di siglo, fe di Israel por a desaroya y profundisa e rikesanan conteni di
revelacion di Nomber divino. Dios ta unico; fuera di djE no tin otro dios12. Dios ta
transcende mundo y historia. E ta esun cu a traha shelo y tera: “Nan ta muri, abo ta
keda, nan tur ta desgasta manera paña… pero Abo semper ta mescos, bo añanan no
tin fin (Sal 102, 27-28). Den djE no tin cambio ni sombra di variacion” (St 1, 17). E ta
“Esun cu ta”, desde semper y pa semper y p’esey ta keda fiel na su mes y su
promesanan.
÷213
Ta p’esey revelacion di e Nomber inpronunciabel “Mi ta Esun cu ta”, ta contene e
berdad cu solamente Dios Ta. Den e mesun sentido caba e traduccion di e Setentanan
y siguiendo e Tradicion di Iglesia nan a comprende e Nomber divino: Dios ta plenitud
di Ser y di tur perfeccion, sin origen y sin fin. Mientras cu tur criatura a ricibi di djE
loke nan ta y loke nan tin, E ta solamente su mesun ser y p’esey mes e ta tur loke e
ta.

÷214
Dios, “Esun cu ta”, ta revela su mes na Israel manera esun cu ta rico na amor y
fieldad” (Ex 34, 6). E terminonan aki ta expresa den forma condensa e rikesa di e
Nomber divino. Den tur su obra, Dios ta mustra su benevolencia, su bondad, su gracia,
su amor; pero tambe su honestidad, su constancia, su fieldad y su berdad. “Mi ta
gradici bo nomber pa bo amor y bo berdad” (Sal 138, 2)13. E ta e berdad, pasobra
“Dios ta Luz, den dje no tin ningun tiniebla” (1 Hu 1, 5); e ta “Amor”, manera apostel
Huan ta siña (1 Hu 4, 8).

÷215
“E principio di bo palabra ta berdad, pa semper, tur bo huicio husto” (Sal 119, 160).
“Awor, Señor mi Dios, bo ta Dios, bo palabranan ta berdad” (2 S 7, 28); p’esey e
promesanan di Dios semper ta bira realidad14. Dios ta e berdad mes, su palabranan no
por gaña. P’esey den tur cos hende por entrega su mes cu tur confiansa na e berdad y
na e fieldad di palabra di Dios. E cuminsamento di pica y e caida di hende tabata po
motibo di un mentira di e tentado cu a pone hende duda den palabra di Dios, den Su
bondad y Su fieldad.

÷216
E berdad di Dios ta su sabiduria cu ta domina riba tur ordo di creacion y di gobierno di
mundo15. Dios, unico Creador di shelo y tera (cf Sal 115, 15), ta e unico cu por duna
conocemento berdadero di tur cos crea relaciona cu nE mes.

÷217
Dios ta tambe e berdadero ora E revela su mes: e enseñansa cu ta bini di Dios ta “un
doctrina di berdad” (Ml 2, 6). Ora E manda su Yiu na mundo, lo ta pa duna testimonio
di e Berdad” (Hu 18, 37). Nos sa cu e yiu di Dios a bini y a duna nos inteligencia pa nos
conoce esun Berdadero” (I Hu 5, 20).
Dios ta Amor

÷218
A lo largo di historia, Israel por descubri cu Dios tabatin un motibo so pa revela su mes
na Israel y pa scoge den tur pueblo Israel como su propiedad special: su amor
gratuito18. Israel a comprende, danki na su profetanan, cu atrobe ta pa amor Dios no
a stop di salba nan19 y di perdona nan infieldad y nan picanan.

÷219
Amor di Dios pa Israel ta mescos cu e amor di un tata pa su yiu21. E amor aki ta mas
fuerte cu amor di un mama pa su yiunan22. Dios ta stima su pueblo mas cu un esposo
ta stima su estimado esposa23; e amor aki ta vence hasta tur e peor infieldadnan24.
Ta yega na bira e don di mas precioso: “Dios a stima mundo asina tanto cu El a duna
su unico Yiu” (Hu 3, 16).

÷220
E amor di Dios ta “eterno” (Is 54, 8). “Pasobra maske e seronan grandi y chikito kita
un banda y tambalea, mi amor lo keda semper fiel cu bo” (Is 54, 10). “Cu amor eterno
mi a stima bo, p’esey mi a reserva e gracia pa bo” (Jer 31, 3).

÷221
Pero San Huan ta bay mas leu ainda pa afirma: “Dios ta amor” (1 Hu 4, 8.16); esencia
di Dios ta amor. Mandando su unico Yiu y Spiritu di Amor den plentitud di tempo, Dios
ta revela un secreto mas intimo25; E mes ta e eterno comunicacion di amor: Tata, Yiu
y Spiritu Santo y a destina nos pa participa den djE.

÷222
Kere den Dios, e Unico y stim’E cu tur bo ser tin inmenso consecuencia pa henter nos
bida:

÷222
E mayornan mester mira nan yiunan como e yiunan di Dios y mester respeta nan como
persona umano. Door di ustra di nan banda cu nan ta obedece e boluntad di Dios Tata
den shelo, nan mester educa nan yiunan pa cumpli culey di Dios.
÷223
Esaki ta reconoce grandesa y mahestad di Dios: “Si, Dios ta asina grandi cu e ta supera
nos ciencia” (Jb 36, 26). P’esey “mester sirbi Dios prome”.

÷224
Esaki ta biba den accion di gracia: Si Dios ta e UNICO, anto tur loke nos ta y loke nos
tin ta bini di djE: “Kico bo tin cu bo no a haya?” (1 Co 4, 7). Con mi lo por gradici Dios
pa tur locual el a haci pa mi?” (Sal 116, 12).

÷225
Esaki kiermen reconoce unidad y e berdadero dignidad di tur hende: tur hende ta
traha “na imagen y semehansa di Dios” (Gn 1, 26).

÷226
Esaki kiermen haci bon uzo di tur creacion: E fe den Dios, esun Unico, ta laga nos uza
tur loke no ta Dios, con tal cu esey ta hiba nos mas cerca na djE y pa los nos mes for
di esey si e ta aparta nos for di Dios.

Mi Señor y mi Dios, kita tur cos di mi cu ta aleha mi di Bo.Mi Señor y mi Dios, duna mi
tur loke ta pone mi yega cerca Bo.Mi Señor y mi Dios los mi for di mi mes ya mi por
duna mi mes totalmente na Bo.

÷227
Esaki kiermen confia den Dios den tur circunstancia, incluso den ora di contratiempo.
Un oracion di Santa Teresa di Hesus ta expresa admirabelmente:

No laga nada stroba bo, no laga nada spanta bo.Tur cos lo pasa, Dios no ta
muda.Pasenshi, Lo alcansa tur cos;Esun cu tin Dios, nada lo falt’e:Dios so ta
suficiente.

÷228
“Scucha, Israel, Señor nos Dios ta e Unico Señor…” (Dt 6, 4; Mc 12, 29). “Ta
absolutamente necesario cu e Ser supremo ta e unico, es decir sin igual… Si Dios no ta
unico, e no ta Dios”.

÷229
E fe den Dios ta pone nos dirigi nos atencion solamente riba djE como nos prome
fuente y nos ultimo meta; y pone nada riba djE of na su luga.

÷230
Maske Dios a revela su mes, E ta sigui ta un misterio insplicabel: Si lo bo por a
comprend’e, anto lo e no ta Dios.

÷231
E Dios di nos fe a revela su mes como esun cu e ta; rico den amor y fieldad” (Ex 34,
6). Su Ser mes ta Berdad y Amor.

÷232
Ta batisa Cristian “den nomber di Tata y di Yiu y di Spiritu Santo” (Mt 28, 19). Prome
ta responde tres biaha: “Mi ta kere” riba e preguntanan, cu ta pidi pa profesa nan fe
den Tata y di Yiu y di Spiritu Santo: “Fides omnium christianorum in Trinitate
consistit” (E fe di e Cristiannan ta funda riba e Santisima Trinidad”).

÷233
Ta batisa Cristian na “nomber” di Tata y di Yiu y di Spiritu Santo y no na nan
“nombernan” di esakinan33, pasobra tin un solo Dios, e Tata Todopoderoso y su Yiu
unico y Spiritu Santo: e Santisimo Trinidad.

÷234
E misterio di e Santisimo Trinidad ta e misterio central di fe di bida Cristian. E ta e
misterio di Dios den Dios mes. E ta anto, e fuente ditur otro misterio di fe”. E ta eluz
cu tailumina nan. E tae enseñansa mas fundamental yesencial di e herarkia di berdad
dife”34. Henter historia di salbacion no ta nada otro cu relato di caminda y e
medionan pa cual Dios berdadero y unico, Tata, Yiu y Spiritu Santo, ta revela,
reconcilia su mes cu e hendenan, aparta door di pica y ta uni su mes cu nan”.
÷235
Den e paragraf aki, lo expone den corto na ki manera ta revela e misterio di Santisima
Trinidad (II), con Iglesia a formula e doctrina di fe a base di e misterio aki (III) y
finalmente con Dios Tata ta realisa pa medio di e misionnan divino di Yiu y di Spiritu
Santo su “proposito di amor di creacion, di redencion y di santificacion (IV).

Catisashi di IglesiaCatolico

÷236
E tatanan di Iglesia ta distingui entre “E Teologia” y “E Oikonomia”, e prome
terminologia ta e misterio di bida intimo di Dios Trinidad, e di dos terminologia ta tur
e obranan di Dios pa medio di cualnan E ta revela y comunica su bida. Pa medio di
Oikonomia nos ta ricibi e revelacion di e “Teologia”; pero na su turno ta e “Teologia”
ta aclaria henter “E Oikonomia”. E obranan di Dios ta revela ken Dios su ser intimo ta;
y na su turno, e misterio di su Ser intimo ta ilumina nos comprondemento di tur su
obranan. Asina ta sosode analogicamente entre e personanan humano. E persona ta
mustra su mes den su actonan y conforme cu nos conoce e persona miho, nos ta
comprende su actonan miho.

÷237
E Trinidad ta e misterio di fe den sentido estricto, un di e “misterionan scondi di Dios,
cu no por sali na conocemento si no ta Dios mes cu ta revel’e”36. Dios si a laga su
marcanan di su ser trinitario den su obra di creacion y su revelacion den henter
Testament Bieu. Pero e bida intimo di su Ser como Trinidad Santo ta contene un
misterio cu no ta accesibel pa e rason humano so ni tampoco pa e fe di Israel prome
cu e encarnacion di Yiu di Dios y e bahamento di Spiritu Santo.

÷238
E invocacion di Dios como “Tata” ta conoci cerca hopi religion. Frecuentemente ta
considera e divinidad como “tata di e diosnan y di e hendenan”. Na Israel nan ta yama
Dios “Tata”, pasobra e ta Creador di mundo37. Dios ta mas Tata ainda pa motibo di e
aliansa y di e Ley duna na Israel, su “primogenito” (Ex 4, 22). E yama tambe Tata di e
Rey di Israel38. E ta particularmente “Tata di pobernan” y Tata di huerfano y di
viuda, cu ta bou di su proteccion amoroso.

÷239
Indentificando Dios cu e nomber “Tata” e lenga di fe ta indica principalmente dos
aspecto: cu Dios ta e prome origen di tur cos y autoridad transcedente y na mes
momento bondad y cuido amoroso pa tur su yiunan. Por expresa e ternura paternal di
Dios mediante imagen di maternidad40 cu ta indica mas expresivamente e inherencia
di Dios, e intimidad entre Dios y su criatura. E lenga di fe ta haci uzo di experencia
humano di e mayornan cu ta e prome representantenen di Dios. Pero e experiencia
aki ta bisa cu e mayornan por faya y cu nan por desfigura e imagen di paternidad y
maternidad. Ta combini pa corda cu Dios ta transcende e distincion humano di sexo. E
no ta hende homber, ni hende muhe, e ta Dios. E ta surpasa tambe e paternidad y e
maternidad humano41, aunke E ta nan origen y guia42: Ningun hende ta un tata
manera Dios.

÷240
Hesus ta revela cu Dios ta “Tata” den un sentido nobo: e no ta solamente Tata
creador; e ta eternamente Tata den relacion cu su unico Yiu, cu na su banda
eternamente ta Yiu solamente den relacion cu su Tata: ”Ningun hende conoce e Yiu
sino e Tata, y ningun hende conoce e Tata sino e Yiu y esun na kende e Yiu kier
revel’E” (Mt 11, 27).

÷241
P’esey e apostelnan ta profesa Hesus como “e Palabra cu den principio tabata hunto
cu Dios y cu tabata Dios” (Hu 1, 1), como “imagen di Dios invisibel” (Col 1, 15), como
e resplandor di su gloria y refleho di su esencia” (Hb 1, 3).

÷242
Na aña 325 Iglesia Catolico a profesa durante e prome Concilio Eucumenico di Nicea
cu e Yiu ta “consubstancial” cu Tata, esey kiermen un solo Dios cu nan. Na e di dos
Concilio Eucumenico di Constantinopol na aña 381 a mantene e expresion aki den
formulacion di e Credo di Nicea y ta profesa “na e Unico Yiu di Dios, engendra di Tata
prome cu tur siglo, Luz di Luz, Dios berdadero di berdadero Dios, engendra no crea,
consubstancial na Tata”.

÷243
Prome cu su Pasco, Hesus a anuncia e mandamento di“otroParaclito” (Defensor),
Spirito Santo. Ya cu El a actua desde su Creacion44 y “a papia pa medio di profeta”
(Credo di Niceo-Constatinopolitano), awor lo ta hunto cu discipel y den nan45, pa siña
nan46 y pa conduci nan “na e berdad completo” (Hu 16, 13). Asina ta revela Spirito
Santo como otro persona divino cu relacion cu Hesus y Tata.
÷244
Ta revela origen eterno di Spirito den su mision temporal. A manda Spirito Santo na e
apostelnan y na Iglesia tanto door di Tata den nomber di Yiu, como door di Yiu
personalmente, unabes cu E bolbe hunto cu Tata47. E mandamento di e persona di
Spirito despues di glorificacion di Hesus48, ta revela plenamente e misterio di
Santisimo Trinidad.

÷245
E fe apostolico pa loke ta trata Spirito Santo a profesa den e di dos Concilio
Eucumenico na Constantinopel, na aña 381: “Nos ta kere den Spirito Santo, Señor y
dunado di bida, cu ta bini di Tata”49. Cu e profesion aki Iglesia ta reconoce e Tata
como “e fuente y origen di henter divinidad”50. Sin embargo, e origen eterno di
Spirito Santo, no ta para separa for di e origen di e Yiu: “Spirito Santo, cu ta di tres
persona di e Trinidad, ta Dios, uno y igual na Tata y Yiu, e ta di e mesun substancia y
tambe di e mesun naturalesa. Toch no ta yam’E e Spirito di e Tata solamente..., sino
e Spirito y a la bes e Tata y e Yiu”51. E Credo di Iglesia di e Concilio di Constantinopel
(aña 381) ta reconoce:“Hunto cu e Tata y e Yiu e ta ricibi e mesun adoracion y
gloria”.

÷246
Tradicion latino di e Credo ta profesa cu Spirito “ta bini for di e Tata y e Yiu
(filioque)”. Concilio di Florencia, na aña 1439, ta enfatisa: “Spirito Santo ta bini
eternamente for di Tata y Yiu; E tin su naturalesa y alabes su substancia for di e Tata
y e Yiu. E ta bini eternamente for di tur dos como di un Principio y for di un Rosea...
Y pasobra tur cos cu ta pertenece na Tata, cu excepcion di su ser di Tata, El a duna su
unico Yiu, na momento di a engendr’E, e Yiu tambe tin eternamente di e Tata, for di
kende El a nace eternamente, cu Spirito Santo ta bini di e Yiu”.

÷247
Afirmacion di yiu (filioque) no ta aparece den e simbolo declara na Constantinoplo na
aña 381. Pero riba e base di un tradicion bieu latino y Alejandrino, Papa San Leon
dogmaticamente a confesa esaki caba na aña 44754 inclusivo prome cu Roma a conoce
y ricibi na aña 451, den Concilio di Calcedonia, e simbolo di 381. E uzo di e formula
aki den Credo poco poco a admitie den liturgia latino (entre siglo VIII y XI).
Introduccion di Filioque den Simbolo di Nicea-Constantinoplo pa liturgia latino ta
consistui, awe ainda, un motibo pa no convergi cu iglesia ortodoxo.
÷248
Tradicion oriental ta expresa na prome luga e caracter di prome origen di Tata
relaciona cu Spirito Santo. Profesando na Spirito Santo como ”sali di Tata” (Hu 15,
26), e tradicion aki ta afirma cu esaki ta bini di Tata pa medio di e Yiu55. Tradicion
occidental ta expresa na prome luga e comunion consubstancial entre Tata y Yiu
bisando cu Spirito ta procedente di Tata y di Yiu (Filioque). E ta bisa esaki “den un
manera legitimo y rasonabel”56, pasobra e orden eterno di persona divino den su
comunion consubstancial ta implica cu Tata lo ta prome origen di Spirito aunke
“principio sin principio”57, pero tambe, encuanto Tata di Yiu Unico, sea cu ne “e
unico principio for di cua Spirito Santo ta procede”58. E complementaridad legitimo,
si e no sali for di proporcion, e no ta afecta identidad di fe den realidad di e mesun
misterio profesa.

÷249
E berdad revela di Santisimo Trinidad tabata desde origen den rais di fe bibo di
Iglesia, principalmente den e acto di bautismo. E ta haya su expresion den regla di fe
di bautismo, formula den predicashi, den catisashi y den oracion di Iglesia. E
formulacionnan aki ya ta den e scrituranan apostolico, manera e saludo aki tuma fo’i
liturgia eucaristico: “E gracia di Señor Hesucristo, e amor di Dios Tata y e comunion di
Spirito Santo sea cu boso tur” (2 Co 13, 13).

÷250
Durante e prome siglonan, Iglesia ta formula mas explicitamente su fe trinitario,
tanto pa profundisa su propio comprondemento di fe como pa defend’e contra e
erornan cu tabata deform’e. Esaki tabata e obra di e Concilionan antiguo, asisti pa e
trabou teologico di e Tatanan di Iglesia y sosteni pa e sentido di fe di e pueblo
Cristian.

÷251
Pa e formulacion di e dogma di Trinidad, Iglesia mester a crea su propio terminologia
cu yudansa di nocion di origen filosofico: ”substancia”, “persona” of '93hipostatis”,
“relacion” etc. Haciendo esakiIglesia no asomete fe na unsabiduria humano, pero el a
duna un entido nobo, sorprendentena e terminonan aki, destina tambe pa nifica den
futuro un Misterio cu hende no por expresa, “infinitamente mas aya di tur loke nos
por concebi segun e midi humano”.

÷252
Iglesia ta uza e termino “substancia” (tin biaha traduci pa “esencia” of pa
“naturalesa”) pa indica e Ser Divino den su unidad; e termino “persona” of
“hipostasis” pa indica Tata, Yiu y Spirito Santo den su distincion real entre su mes; e
termino “relacion” pa indica e hecho cu su distincion ta cay den e relacion di cada un
cu otro.

÷253
Trinidad ta uno. Nos no ta profesa cu tin tres dios sino un solo Dios den tres persona:
“E Trinidad consubstancial”61. E personanan divino no ta reparti e unico divinidad
entre nan, sino cada un di nan ta henteramente Dios: “E Tata ta igual na e Yiu, e Yiu
igual na e Tata, Tata y Yiu igual na Spirito Santo, kiermen, un solo Dios pa
naturalesa”62. “Cada un di e tres personanan ta e realidad aki, loke ta nifica,
substancia, esencia of naturalesa divino”.

÷254
E personanan divino ta berdaderamente distinto esun for di e otro. “Dios ta unico
pero no solitario”64. “Tata”, “Yiu”, “Spirito Santo” no ta simplemente nomber cu ta
indica modalidad di e ser divino, pues nan ta realmente diferente entre nan mes: Esun
cu ta Yiu no ta Tata y esun cu ta Tata no ta Yiu, ni Spirito Santo ta Tata of Yiu65. Nan
ta distinto entre nan mes pa nan relacion di origen: “E Tata ta esun cu ta engendra, e
Yiu ta esun engendra y Spirito Santo ta esun cu ta procede”66. E Unidad divino ta Tres
den Uno.

÷255
E personanan divino ta mutuamente relaciona na otro. E distincion real di e
personanan entre nan mes, ya cu nan no ta kibra e unidad divino, ta keda unicamente
den e relaciona cu ta referi nan, esun na e otro: “Den e nombernan relaciona cu e
personanan, Tata ta referi na Yiu, Yiu na Tata y Spirito Santo ta referi na tur dos;
sinembargo ora ta papia di e tres personanan, considerando e relacionnan, nos ta kere
den un solo naturalesa of substancia”67. Di berdad; “tur ta un (den nan) unda no ta
existi oposicion di relacion”68. “Pa causa di e unidad aki, e Tata ta completo den e
Yiu, completo den Spirito Santo; e Yiu ta completo den e Tata, completo den Spirito
Santo; Spirito Santo ta completo den e Tata y completo den e Yiu”.

÷256
San Gregorio Nacianceno, tambe yama “e Teologo”, a confia di e fe trinitario aki na
e catecumenonan di Constantinopla:
Prome cu tur cos warda e bon deposito aki pa mi, pa cual mi ta biba y bringa, cu cual
mi kier muri cu ta haci mi soporta tur loke ta malo y desprecia tur placer, mi kier bisa
e profesion di fe den Tata, Yiu y Spirito Santo. Mi ta confi’e awe na boso. P’e mi ta
pone boso denter di poco den awa y mi lo saca boso di awa. Mi ta duna boso e fe
como compañe y patrono pa henter boso bida. Mi ta duna boso un solo Divinidad y
Poder, cu ta existi Uno den Tres y ta contene e Tresnan di un manera distinto.
Divinidad sin distincion di substancia of di natularesa, sin grado superior cu ta his’e of
grado inferior cu ta bah’e… E connaturalidad infinito di tres infinito. Cada un,
considera riba su mes, ta Dios completo… Dios ta e Tresnan considera den conhunto.
Asina cu m’a cuminsa pensa tocante e unidad, e Trinidad a baña mi cu su splendor.
Asina cu m’a cuminsa pensa tocante e Trinidad ya e unidad a posee mi di nobo…70

÷257
“O lux beata Trinitas et principalis Unitas!” (“O Trinidad, luz bienaventurado y unidad
esencial!”)71. Dios ta felicidad eterno, bida inmortal, luz cu no ta perde su splendor.
Dios ta Amor: Tata, Yiu y Spirito Santo. Dios kier comunica libremente e Gloria di su
bida bienaventurado. Asina e “diseño di su amor” ta72, cu el a concebi prome cu
creacion di mundo den su Yiu stima, “asina el a predestina nos pa adopcion como yiu
den dje “(Ef 1, 4-5), loke ta nifica “pa reproduci e imagen di su yiu” (Rm 8, 29), danki
na e “Spirito di adopcion di yiu” (Rm 8, 15). E diseño aki ta un “gracia, duna na nos
den Cristo Hesus prome cu siglonan a cuminsa” (2 Tm 1, 9-10), naci inmediatamente
for di amor trinitario. E ta desplega den obra di creacion den henter e historia di
salbacion despues di caymento, den e misionnan di Yiu y di Spirito Santo, cu ta
continua den e mision di Iglesia.

÷258
Henter e economia divino ta obra comun di e tres Personanan Divino. Pasobra mescos
cu Trinidad tin solamente un y e mesun naturalesa, asina tambe e tin solamente un y
e mesun operacion.74 Tata, Yiu y Spirito Santo no ta tres principio di creacion, pero
un principio”75. Sinembargo cada Persona Divino ta realisa e obra comun segun su
caracteristica personal. Asina Iglesia ta profesa, siguiendo e Testament Nobo76: “un
ta Dios y Tata, di kende tur cos ta bin, un ta Senor Hesucristo so, pa kende tur cos ta
y un ta Spirito Santo den kende tur cos ta77. “Ta principalmente e divino misionnan di
Encarnacion di Yiu y e don di Spirito Santo cu ta manifesta e caracteristicanan di e
personanan divino.

÷259
Henter economia divino, un obra comun y na mes momento personal, ta laga nos
conoce e caracteristica di e Personanan Divino y nan naturalesa unico. Asina cu henter
e bida Cristian ta comunion cu cada un di e personanan divino, sin ningun manera ta
separa nan. Esun cu ta duna Gloria na Tata ta hacie pa medio di e Yiu den Spirito
Santo, esun cu ta sigui Cristo ta hacie pasobra Tata ta atrae78 y Spirito ta move.

÷260
E meta mas aya di henter e economia divino ta e acceso di criatura di Dios na e
unidad perfecto di e Bienaventurado Trinidad80. Pero desde awor nos ta yama pa laga
Santisimo Trinidad biba den nos: “Si un hende ta stima Mi”, Senor ta bisa: “e ta
obedece mi palabra y mi Tata lo stim’e y nos lo bin cerca dje y keda biba serca dje”
(Hu 14, 23).

O mi Dios, Trinidad cu mi ta adora, yuda mi pa mi lubida mi mes completamente pa


mi establece mi mes den bo, inmobil y na paz, manera cu ya mi alma ta den
eternidad, no laga nada stroba mi paz, ni laga mi bandona bo, O mi Dios incambiabel,
pero laga cada minuut hiba mi mas leu den e profundidad di bo Misterio. Pacifica mi
alma. Haci di dje bo shelo, bo cas stima e luga unda bo ta sosega. Cu nunca mas lo mi
laga bo so eyden, sino cu lo mi t’ey completamente, totalmente spierta den mi fe,
dencompletoadoracion, entrega sin reserva na bo accion creador.

÷261
E misterio di Santisimo Trinidad, ta e misterio central di fe y di bida Cristian.
Solamente Dios por laga nos conoc’E revelando su mes como Tata, Yiu y Spirito Santo.

÷262
Encarnacion di Yiu di Dios ta revela cu Dios ta e Tata eterno y cu e Yiu ta
consubstancial na e Tata, kiermen, cu e ta den dje y cu n’E mes y unico Dios.

÷263
E mision di Spirito Santo, manda pa Tata den nomber di e Yiu82 y pa medio di Yiu”
hunto cu Tata” (Hu 5, 26), ta revela cu hunto cu nan e ta e mes Dios unico. “Cu Tata
y Yiu, E ta ricibi e mes un adoracion y gloria”.

÷264
“Spirito Santo ta bin di Tata como e prome fuente y pa e don eterno di esaki pa e Yiu,
di Tata y di Yiu den comunion”.
÷265
Pa gracia di bautismo “den nomber di Tata di Yiu y di Spirito Santo” nos ta yama pa
participa den e bida di e Bienaventurado Trinidad akibou den scuridad di fe y despues
di morto, den luz eterno.

÷266
“Fe catolico ta asina aki: cu nos ta adora un Dios den e Trinidad y e Trinidad den
unidad, sin confundi e personanan, ni separa e substancianan, un ta e persona di
Tata, otro di Yiu, otro di Spirito Santo, pero Tata, Yiu y Spirito Santo ta uno, nan
Gloria ta igual, nan mahestad coeternal”.

÷267
E personanan divino, inseparabel den nan ser, ta tambe inseparabel den nan obra.
Pero den e unico operacion divino, cada un ta manifesta loke ta di djE personalmente
den e Trinidad, principalmente den e misionnan divino di e Encarnacion di e Yiu y di e
don di Spirito Santo.

÷268
Di tur e atributonan divino, ta menciona solamente e omnipotencia di Dios den e
Simbolo; reconocemento di e poder aki tin un influencia grandi riba nos bida. Nos ta
kere cu Su poder ta universal, pasobra Dios cu a crea tur cos86 tambe ta goberna tur y
por tur cos. Poder di Dios ta amoroso, pasobra Dios ta nos Tata87; e poder ta
misterioso, pasobra solamente cu fe por distingui’e ora “e ta manifesta su mes den
debilidad” (2 Co 12, 9;1 Co 1, 18).

“E ta haci tur loke e ta desea” (Sal 115, 3)

÷269
E Santo Scrituranan ta reconoce cu frecuencia e poder universal di Dios. E ta yama “E
Poderoso di Jacob’ (Gn 49, 24; Is 1, 24), Senor di ehercito”, esun Fuerte y Poderoso”
(Sal 24, 8-10). Si Dios ta Todopoderoso “den shelo y na tera”, (Sal 135, 6), ta pasobra
El a traha nan. Asina ta nada ta imposibel89 pa Dios, kende ta dispone di su obra
segun su boluntad90, e ta e Senor di universo, di cual el a establece su orden, cu ta
keda completamente someti na Dje y na su disposicion; e ta Senor di historia; e ta
goberna curason y acontecimento segun su boluntad91: “Semper ta den bo poder pa
mustra fortalesa grandi. Ken por resisti e forsa dibo brasa” (Sb 11, 21)?
“Bo ta compadece turhende, pasobra bopor tur cos”(Sb 11, 23)

Catisashi diIglesiaCatolico

÷270
Dios ta e Tata todopoderoso. Su paternidad y su poder ta manda luz pa otro. E ta
revela efectivamente su omnipotencia paternal pa e manera cu e ta percura pa nos
necesidad92, pa e adopcion como yiu cu e ta duna nos (“Lo mi ta un Tata pa bo y abo
lo ta mi yiu, Dios Todopoderoso ta bisa”, (2 Co 6, 18); finalmente pa su misericordia
infinito, E ta mustra su poder den e grado mas halto, pordonando libremente pica.

÷271
E omnipotencia divino no ta di ningun modo arbitrario: “Den Dios, e poder y esencia,
e boluntad y inteligencia, e sabiduria y husticia ta un solo os. P’esey nada no por ta
den e poder divino si e no ta tambe den e boluntad husto di Dios of den su
inteligencia sabio”.

÷272
E fe den Dios Tata Todopoderoso por ser poni na prueba mediante experencia di
maldad y di sufrimento. Tin biaha Dios ta parce ausente y incapaz pa stroba algo malo
di sosode. Asina ta, Dios Tata a revela su omnipotencia di e manera mas misterioso
den e humiliacion boluntario y e Resureccion di su Yiu, pa medio di cual el a vence
maldad. Cristo crucifica, pues ta “e poder y e sabiduria di Dios. Pasobra loke ta parce
locura di Dios ta mas sabio cu sabiduria di hende y e debilidad divino, ta mas fuerte
cu forsa di hende” (1 Co 1, 24-25). Ta den Resureccion y e exaltacion di Cristo, e Tata
“a desplega e vigor di su forsa” y a manifesta “e soberano grandesa di su poder pa cu
nos, e creyentenan” (Ef 1, 19-22).

÷273
Solamente fe por laga nos brasa e camindanan misterioso di e omnipotencia di Dios. E
fe aki ta glorifica su debilidadnan, cu e meta pa atrae e poder di Cristo94. Di e fe aki,
Birgen Maria ta e modelo supremo: E tabata kere cu “nada ta imposibel pa Dios” (Lc
1, 37) y e por a proclama grandesa di Señor: “E Poderoso a haci obra grandi pa medio
di mi; su nomber ta santo” (Lc 1, 49).
÷274
“Pa confirma nos fe y speransa, nada ta mas apropia, cu e conviccion fiho den nos
alma, cu pa Dios nada ta imposibel. Unabes nos rasonamento a capta e concepto di e
poder omnipotente di Dios, facilmente y sin ningun basilamento e lo acepta tur loke
(e Credo) despues lo propone pa nos kere – aunke si nan lo ta cosnan grandi y
maraviyoso, cu grandemente ta supera e leynan comun di naturalesa”.

÷275
Hunto cu Job, esun husto, nos ta confesa: “Mi sa cu bo ta todopoderoso: loke bo ta
pensa, bo por realisa” (Job 42, 2).

÷276
Fiel na testimonio di Scritura, Iglesia frecuentemente ta dirigi su oracion na “Dios
todopoderoso y eterno” (“omnipotens sempiterne Deus…”), keriendo firmemente cu
“nada ta imposibel pa Dios” (Gn 18, 14; Lc 1, 37; Mt 19, 26).

÷277
Dios ta manifesta su omnipotencia pordonando nos nos picanan y bolbe tuma nos den
su amistad pa su gracia (“Deus, qui omnipotentian tuam parcendo maxime et
micerando manifestas….”, “O Dios, bo ta manifesta specialmente bo poder cu pordon
di misericordia…”)96.

÷278
Si no ta pa nos fe cu e amor di Dios ta todopoderoso, con kere anto cu e Tata por a
crea nos, e Yiu salba nos y e Spirito Santo santifica nos?

÷279
“Den principio Dios a crea shelo y tera” (Gn 1, 1). Cu e palabranan solem aki Santa
Scritura ta cuminsa. Simbolo di fe ta tuma e palabranan aki, declarando Dios Tata
Todopoderoso como “Creador di Shelo y di Tera”, di tur loke ta visibel y invisibel”.
Asina nos lo papia prome di e Creador, despues di su Creacion, finalmente di e caida
di pica, di cual Hesucristo, Yui di Dios a bin lanta nos.

÷280
E creacion ta fundamento di “tur e diseñonan di salbacion di Dios, “e cuminsamento
di e historia di salbacion”97 cu ta culmina den Cristo. Contrariamente, e Misterio di
Cristo ta e luz decisivo riba e misterio di Creacion, e ta revela e fin den bista di cual,
“na principio, Dios a crea shelo y tera” (Gn 1, 1): di principio Dios a premira gloria di
creacion nobo den Cristo.

÷281
P’esey, e lecturanan di nochi di Pasco, celebracion di creacion nobo den Cristo, ta
cuminsa cu e relato di creacion, mescos, den liturgia Bizantino, e relato di creacion ta
forma semper e prome lectura di e vigilianan di e fiestanan grandi di Señor. Segun
testigo antiguo e instruccion di e catecumenonan pa bautismo a sigui e mes direccion.

÷282
E catisashi tocante creacion ta di un importancia sumamente grandi. E ta referi na e
fundeshi mes di bida humano y Cristian: e ta explicita e contesta di fe Cristian riba e
preguntanan basico di hende di tur tempo: “Di unda nos ta bin?” “Kico ta nos fin?”
“Unda nos ta bay?” “Kico ta nos origen?” “Di unda tur loke ta existi ta bin y unda tur
ta bay?” E dos preguntanan, tocante origen y fin ta inseparabel. Nan ta decisivo pa
nificacion di nos bida y nos actuacion.

÷283
E pregunta tocante origen di mundo y di hende ta obheto di cantidad di investigacion
cientifico cu a enrikece di manera magnifico nos conocemento tocante edad y
dimension di cosmo, formacion di bida y aparicion di hende. E descubrimentonan aki
ta invita nos pa admira grandesa di Creador mas, pa gradicie pa tur su obranan y su
inteligencia y sabiduria cu e ta duna na e sabionan y e investigadonan. Hunto cu
Salomon, esakinan por bisa: “T’E a duna mi conocemento berdadero di loke ta existi,
di moda cu mi sa con mundo ta traha y con e elementonan ta funciona... pasobra Esun
cu a traha tur cos, a siña mi sabiduria” (Sb 7, 17-22).

÷284
E interes grandi cu e investigacionnan aki ta lanta, ta stimula grandemente pa un
pregunta di otro orden y cu ta supera e propio tereno di ciencia natural. No ta trata
solamente di sa ki tempo y con e universo a surgi materialmente, ni ki tempo hende a
aparece, sino mas bien di descubri e nificacion di tal origen: e universo ta goberna pa
suerte, un destino ciego, un necesidad anonimo of pa un Ser trascendente, inteligente
y bon cu yama “Dios”? Y si mundo ta bin di sabiduria y bondad di Dios, pakico ta existi
maldad? Di unda e ta bin? Ken ta responsabel p’e? Unda e posibilidad ta pa libra nos di
malo?

÷285
Desde su cuminsamento, fe Cristian a mir’e confronta cu un contesta distinto na esun
di dje tocante cuestion di origen. Asina den religion y cultura antiguo nos ta topa
cantidad di mito tocante origen. Algun filosofo a bisa cu tur cos ta Dios, cu mundo ta
Dios, cu formacion di mundo ta formacion di Dios (panteismo). Otro a bisa cu mundo
ta un emanacion necesario di Dios cu ta brota di e fuente aki y ta bolbe na dje, otro a
afirma incluso e existencia di dos principio eterno, e Bon y e Malo, e Luz y Scuridad,
den lucha permanente (dualismo, manikismo); segun algun di e concepcionnan aki,
mundo (a menos e mundo material) lo ta malo, producto di un caida y p’esey mester
rechas’e y super’e (gnosis); otro ta admiti cu Dios a traha mundo, pero na manera di
un trahado di holoshi cu, ora e ta cla, lo bandon’e (deismo); otro finalmente no ta
acepta ningun origen trascendente di mundo, sino cu nan ta mira den dje e puro wega
di materia, cu semper a existi (materialismo). Tur e esfuersonan aki ta duna
testimonio di e permanencia y e universalidad di e cuestion di origen. E buskeda ta
inherente na hende.

÷286
Inteligencia humano sigur ya ta capaz pa haya un contesta riba cuestion di origen. E
existencia di Dios Creador nos por conoce cu seguridad mediante su obranan, pa e luz
di rason humano100, aunke e conocemento aki hopi biaha ta scur y desfigura pa eror.
P’esey fe ta confirma y aclarea rason den comprendemento corecto di e berdad aki:
“Pasobra nos tin fe, nos ta compronde cu Dios a crea universo pa medio di su palabra:
kiermen cu loke nos por mira a nace for di loke nos no por mira” (Hb 11, 3).

÷287
Berdaderamente den creacion ta asina importante pa tur bida humano cu Dios, den su
ternura, kier a revela na su pueblo tur loke ta saludabel pa sa al respecto. Mas aya di
conocementonaturalcu tur hende por tin di e Creador101, Dios progresivamente a
revela na Israel e misterio di creacion. Esun cu a scoge e patriarcanan, esun cu a haci
Israel sali for di Egipto y cu scogiendo Israel, a cre’e y form’e102, e mesun Dios aki ta
revela su mes como esun na kende tur pueblo di mundo y mundo henter ta pertenece;
e ta Esun cu su so “a traha shelo y tera” (Sal 115, 15; 124, 8; 134, 3).

÷288
Asina e revelacion di e creacion ta inseparabel di e revelacion y realisacion di e
Aliansa di Dios unico, cu su Pueblo. E berdad di creacion aki ta wordo revela como e
prome paso di e Aliansa aki, como e prome testimonio universal di e amor
todopoderoso di Dios103. P’esey e berdad di creacion ta expresa su mes cu un vigor
creciente den e mensahe di profetanan104, den oracion di salmo105 y di liturgia, den
e reflexionnan di e sabiduria106 di e Pueblo Scogi.

÷289
Entre tur e textonan di Santa Scritura tocante creacion, e prome tres Capitulonan di
Genesis ta ocupa un luga unico. For di punto di bista literario, e textonan aki por
tabatin fuentanan diverso. E autornan inspira a pone nan na cuminsamento di Scritura
pa expresa den nan lenguahe solem e berdadnan di creacion su origen y u fin den Dios
su orden y bondad, e vocacion di hende yfinalmente e drama di ica y e speransadi
salbacion. Lesa den luz diCristo, denunidad di Santa Scritura y di e Tradicion bibo di
Iglesia, e palabranan aki ta sigui ta e fuente principal pa e catekesis di e Misterionan
di “comienso”: creacion, caida y promesa di salbacion.

÷290
“Den principio Dios a crea shelo y tera” (Gen 1,1): tres cos cu ta afirma den e prome
palabranan di Scritura: Dios eterno a duna principio na tur loke ta existi fuera di dje.
E solamente ta e creador (e verbo “crea” den Hebreu“bara” tin semper como suheto
Dios). E totalidad di loke ta existi (expresa pa e formula “shelo y tera”) ta depende di
Esun cu ta dun’e e existencia.

÷291
“Den principio tabata existi Verbo… y e Verbo tabata Dios…Tur cos el a traha y sin E
nada no ta existi” (Hu 1, 1-3). E Testament Nobo ta revela cu Dios a crea tur cos pa
medio di e Verbo Eterno, su Yiu stima. “Den dje a crea tur cos, na shelo y tera, tur
cos el a crea door di dje y p’e. E ta existi prome cu tur cos y tur cos tin den dje su
consistencia” (Col 1, 16, 17). E fe di Iglesia ta afirma tambe e accion creador di
Spirito Santo: e ta “esun cu ta duna bida”107, “e Spirito Creador”108, e “Fuente di
tur bondad”.

÷292
E accion creador di Yiu y di Spirito Santo, insinua den Testament Bieu110, revela den
e Aliansa Nobo, inseparablemente un cu esun di Tata, ta claramente afirma pa e regla
di fe di Iglesia: “Solamente ta existi un Dios...: e ta Tata, e ta Dios, e ta Creador, e ta
Autor y ta Ordenador. El a haci tur cos pa medio di su mes, kiermen, pa medio di su
Verbo y pa medio di su Sabiduria”, pa medio di Yiu y Spirito”, cu ta mescos cu “su
mannan”111. Creacion ta e obra comun di Santisima Trinidad.
÷293
Scritura y Tradicion no ta caba di siña y celebra e berdad fundamental aki:“Mundo ta
crea pa gloria di Dios”112. Dios a crea tur cos, San Buenaventura ta splica, “non
propter gloriam augendam, sed propte gloriam manifestandam et propter gloriam
suam communicandam”. (“No pa aumenta su Gloria, sino pa manifest’e y
comunic’e”)113. Pasobra Dios no tin otro motibo pa crea cu su amor y su
bondad:“Aperta manu clave amoris creaturae prodierunt” (“Cu yabi di amor a habri su
man y a surgi criatura”)114. Y e Concilio Vaticano I ta splica:

Den su bondad y pa su forsa todopoderoso, no pa aumenta su bienaventuransa, ni pa


adkeri su perfeccion, sino pa manifesta pa medio di e biennan cu el a duna su
criaturanan, e unico Dios berdadero, den libertad absoluto, den cuminsamento di
tempo el a crea fo’i nada na mes momento un y otro criatura, esun spiritual y esun
corporal.

÷294
E Gloria di Dios ta consisti den e realisacion di e manifestacion y e comunicacion di su
bondad, pa cual mundo ta crea. Dios a traha nos “pa ta su yui pa medio di Hesucristo,
segun e meta di su deseo, nos por alab’E pa su gracia glorioso” (Ef 1, 5-6): “Pasobra e
Gloria di Dios ta e hende bibo y e bida di hende ta e vision di Dios: si ya e revelacion
di Dios pa medio di creacion a percura pa bida di tur ser na mundo, cuanto mas e
manifestacion di Tata pa medio di e Verbo ta percura pa bida di esnan cu ta mira
Dios”116. E fin mas aya di creacion ta cu Dios, “Creador di tur ser na final lo bira “tur
den tur” (1 Co 15, 28), asina na mes momento sigurando su propio Gloria y nos
felicidad”.

÷295
Nos ta kere cu Dios a crea mundo segun su sabiduria118. Esaki no ta producto di
cualkier necesidad, di un destino ciego of pa casualidad. Nos ta kere cu e ta bini di
boluntad liber di Dios cu tabata desea di laga criatura participa na su ser, na su
sabiduria y su bondad: “Pasobra abo a crea tur cos; pa medio di bo boluntad a crea
loke no tabata existi” (Ap 4, 11). “Con hopi bo obranan ta, Señor! Tur bo a haci cu
sabiduria” (Sal 104, 24). “Señor ta bon pa tur hende y su compasion ta riba tur su
obranan” (Sal 145, 9).

÷296
Nos ta kere cu Dios no tabatin necesidad di nada ya existente ni ningun ayudo pa
crea119. Creacion tampoco ta un resultado necesario di substancia divino120. Dios ta
crea libremente “for di nada”121:

Ki di extraordinario tabatin si Dios lo a crea mundo for di un material ya existente? Un


artesano humano, si dun’e material, lo haci cu ne tur loke cu e ta desea. Mientras
Dios ta mustra su poder door di sali for di nada pa traha tur loke E ta desea.

÷297
Fe den creacion “for di nada” ta testigua den Scritura como un berdad yen di promesa
y di speransa. Asina mama di shete yiu Macabeo ta curasha nan pa e martirio:

Mi no sa con boso a aparece den mi entraña, ni t’ami a regala boso spirito y bida, ni
tampoco t’ami a fiha e elementonan den cada un di boso. Pues asina e Creador di
mundo, esun cu a modela hende den su nacemento y a diseña e origen di tur cos, den
su misericordia lo debolbe boso spirito y bida, pasobra awor boso ta lubida boso mes
pa motibo di su leynan… Mi ta roga bo, yiu, mira shelo y tera y na momento di mira
tur loke tin den nan reconoce cu Dios no a traha nan for di algo cu tabata existi. Ta
asina tambe genero humano ta yega na su existencia (2 M 7, 22-23. 28).

÷298
Door cu Dios por crea tur cos for di nada, E, door di Spirito Santo, por duna bida
spiritual na e pecadonan creando den nan un alma puro123 y bida corporal na e
difuntonan mediante Resurreccion. E “ta duna bida na mortonan y ta yama cos cu no
ta pa ta” (Rm 4, 17). Y ya cu, door di su Palabra, E por a laga luz resplandece124 den
scuridad, tambe e por a duna luz di fe na esnan cu ainda no conoc’E.

Dios a crea un mundo ordena y bon

÷299
Pasobra Dios ta crea cu sabiduria, e creacion ta ordena: “Abo a prepara tur cos segun
midi, number y peso” (Sb 11, 20). Crea den y pa e Palabra eterno, “imagen di Dios
invisibel” (Col 1, 15), creacion ta destina pa, dirigi na hende, imagen di Dios126,
yama na un relacion personal cu Dios. Nos inteligencia, participando den e luz di
Entendimento divino, por comprende loke Dios ta bisa nos pa medio di su
creacion127, naturalmente no sin gran esfuerso y den un spirito di humildad y di
respet dilanti di e Creador y su obra128. Saliendo for di bondad divino, creacion ta
participa den e bondad ey (Y Dios a mira cu e tabata bon… hopi bon: Gn 1, 4. 10. 12.
18. 21. 31). Pasobra Dios ta stima creacion como un don dirigi, como un herencia cu
ta destina y confia na hende. Iglesia, na diferente ocasion, mester a defende bondad
di creacion, comprendi segun mundo material.
÷300
Dios ta infinitamente mas grandi cu tur su obranan130: “Su mahestad ta mas halto cu
shelo” (Sal 8, 2), “su grandesa no tin midi” (Sal 145, 3). Pero pasobra E ta e Creador
soberano y liber, e prome causa di tur loke ta existi, Dios ta presente den e mas
intimo di e criaturanan: “Den djE nos ta biba, nos ta move y nos ta existi” (Hch 17,
28). Segun palabra di San Agustin, E ta superior summo meo et interior intimo meo –
“Dios ta e punta di mas halto cu tin den mi y E ta den e mas profundo di mi
intimidad”.

÷301
Despues di a crea tur cos, Dios no ta laga su criaturanan pa nan cuenta. No solamente
e ta duna nan escencia y existencia, sino cu e ta mantene su mes na cada momento
den nan existencia, e ta permiti nan actua y e ta hiba nan na nan meta final.
Reconocimento di e dependencia completo aki relaciona cu Creador, ta un fuente di
sabiduria y libertad, di goso y confiansa:

Pasobra Bo ta stima tur loke ta existi y Bo no ta odia nada di loke Bo a crea; sino,
pakico lo Bo a traha nan? Con un cos lo por a keda existi si Bo mes no tabata kier? Of
algo keda conserva, si Bo no a cre’e? Bo ta spaar tur cos, ya cu tur ta di Bo, o Doño y
Señor di tur loke tin bida (Sb 11, 24-26).

÷302
Creacion tin su mesun bondad y perfeccion, pero e no a sali completamente acaba for
di man di Creador. A cree “den un forma trayectorio” (“in statu viae”) pa yega na e
ultimo perfeccion, destina door di Dios, cu ainda mester alcansa. Ta yama divino
providencia e disposicionnan pa cual Dios a conduci e obra di su creacion pa yega e
perfeccion aki:

Pa medio di su Providencia Dios ta cuida y goberna tur loke el a crea, “moviendo


poderosamente di un extremo di mundo pa otro y ordenando tur cos bon” (Sb 8, 1).
Pasobra “tur cos ta sunu y evidente den su wowonan” (Hb 4, 13), incluyendo loke
ainda tin cu bini na existencia pa medio di e accion liber di criaturanan.

÷303
E testimonio di Scritura ta unamine cu e preocupacion di Divino Providencia ta
concreto y inmediato; E ta tene cuenta cu tur cos, di e cos di mas chikito te na e
acontecimento di mas grandi di mundo y di historia. Scritura Sagrado ta afirma
firmemente soberania absoluto di Dios riba curso di acontecimentonan: “Nos Dios ta
den shelo, E ta realisa tur loke E propone” (Sal 115, 3); y di Cristo ta bisa: “Si E habri,
niun hende por sera; i E sera, niun hende por habri” (Ap 3, 7). Manera e buki i
Proverbio ta bisa: '93tin hopi proyectoden curason di hende, perosolamente plandi
Dios lo keda realisa” (Pr 19, 21).

÷304
Asina nos ta mira cu Spirito Santo, autor principal di Scritura Sagrado,
frecuentemente ta atribui accionnan na Dios accion sin menciona ningun motibo
secundario. Esaki no ta “un forma di papia”primitivo, sino un moda profundo di
recorda Dios su superioridad y su Señora absoluto riba historia y mundo133 y pa educa
asina e confiansa den djE. Oracion disalmo ta e gran scol di e confiansa aki.

÷305
Hesus ta pidi un entregamento filial den Providencia di Tata celestial cu ta cuida e
necesidadnan di mas chikito di su yiunan: “P’esey no preocupa y puntra: Kico nos lo
bay come? Kico nos lo bay bebe?… Boso Tata den shelo sa cu boso tin mester di tur e
cosnan aki. Busca prome su Reino y su husticia y lo duna boso tur e cosnan aki acerca”
(Mt 6, 31-33).

Providencia y motibo secundario

÷306
Dios ta Señor soberano di su plan. Pero pa su realisacion e ta haci uzo tambe di
asistencia di su criaturanan. Esaki no ta un señal di debilidad, sino grandesa y bondad
di Dios Todopoderoso. Pasobra Dios no ta duna solamente existencia na su
criaturanan, E ta duna nan tambe dignidad di por actua riba nan mes, di ta rason y
motibo principal pa otro, cooperando asina den realisacion di su plan.

÷307
Inclusivamente Dios ta duna hende e poder pa comparti libremente su providencia
door di confia nan cu e responsabilidad di “conkista” mundo y di domin’e136. Asina
Dios ta haci posibel pa hende ta e rason inteligente y liber pa completa y perfecciona
e harmonia di e obra di Creacion, pa su mes bon di su prohimo. Hende, hopi biaha
como colaboradonan inconsciente di boluntad divino, tambe por drenta
deliberadamente den e plan divino door di su actonan, su oracion, y su
sufrimento137. E ora ey berdaderamente nan ta bira e “coleganan trahado di Dios” (1
Co 3, 9; 1 Ts 3, 2)
y colaboradonan di su Reino.

÷308
E berdad cu Dios ta obra den tur acto di su criaturanan ta inseparabel di fe den Dios
Creador. Dios ta e prome motibo cu ta opera den y pa e medio motibonan secundario:
“Dios ta Esun cu ta obra den boso pa manifesta su boluntad y tambe pa obra pa su
placer husto” (Flip 2, 13)139. Leu di ta haci dignidad di hende menos, e berdad aki ta
aument?e. Saca for di nada pa poder, sabiduria y bondad di Dios, e no por nada si e ta
separa for di su origen, pasobra “sin e Creador e criatura ta disparce”140. Menos
ainda un ser crea lo por alcansa su meta final sin ayudo di gracia di Dios.

÷309
Si Dios Tata Todopoderoso, Creador di un mundo ordena y bon ta cuida tur su
criaturanan, pakico ta existi maldad? Riba e pregunta aki, mes tanto urgente como
inevitabel, mes tanto doloroso como misterioso, hende no por duna un contesta
simpel. Solamente fe Cristian como totalidad ta constitui e contesta riba e pregunta
aki: e bondad di creacion, e drama di pica, e amor paciente di Dios cu ta sali pa
contra hende pa medio di su Aliansanan, e Encarnacion di su Yiu, cu ta trece
salbacion, su don di Spirito Santo, su congregacion di Iglesia, e poder di e
sacramentonan, y su yamada na un bida di bienaventuransa na cual sernan crea liber
ta wordo invita pa acepta di antemano, pero for di cual tambe, door di un misterio
teribel, nan por distancia nan mes di antemano. No tin ningun aspecto di mensahe
Cristian cu no ta parcialmente un contesta riba e cuestion di maldad.

÷310
Pero pakico Dios no a crea un mundo asina perfecto cu den dje no por existi ningun
maldad? Den su poder infinito, Dios lo por a crea semper algo miho142. Sinembargo,
den su sabiduria y bondad infinito, Dios libremente a dicidi di a crea un mundo “den
un estado di biahe”, na caminda pa su perfeccion final. Den e diseño di Dios e proceso
di crecemento ta encera aparencia di cierto sernan y desaparicion di otronan;
existencia di loke ta mas perfecto banda di loke ta menos perfecto, tanto forsanan
constructivo como forsanan destructivo di naturalesa. Banda di loke ta fisicamente
bon, ta existi tambe loke ta fisicamente malo, tanten cu Creacion no a alcansa
perfeccion.

÷311
Angel y hende, como criaturanan inteligente y liber mester biaha pa nan destino mas
aya pa medio di escogencia liber y amor preferencial. P’esey nan por perde caminda.
Berdadaderamente, nan a haci pica. Y asina mal moral, disproporcionadamente mas
malo cu maldad fisico a drenta mundo e mal fisico. Dios no ta di ningun manera, ni
directa ni indirectamente, e causa di mal moral.144 Sinembargo e ta permitie,
respetando libertad di su criaturanan y misteriosamente, E sa con pa saca di dje loke
ta bon:

Pasobra Dios Todopoderoso… door cu e ta bon den e grado di mas halto, lo no permiti
nunca cu den su obranan ta existi nada malo, si E no tabata asina todopoderoso y bon
pa por laga surgi bondad for di e mesun malo.

÷312
Asina cu tempo hende por descubri cu Dios den su providencia todopoderoso, por saca
algo bon di e consecuencianan di algo malo, incluso moral malo, causa pa su
criaturanan: “Anto no ta boso”, Hose a bisa su rumannan, “kendenan a manda mi aki,
sino Dios..., boso tabatin mal intencion cu mi, pero Dios su intencion tabata bon, pa
mantene hopi pueblo na bida” (Gn 45, 8; 50-20)146. For di e maldad moral mas grandi
cu hende a yega di comete, e rechaso y morto di Yiu di Dios causa pa pica di tur
hende, Dios pa su abundancia grandi di gracia147 a saca e bondad di mas grandi, e
glorificacion di Cristo y nos Salbacion. Sinembargo, a pesar di tur esey, hamas maldad
ta bira algo bon.

÷313
Tur cos ta coopera pa bondad di esnan cu ta stima Dios (Rm 6, 28). E testimonio
constante di santonan ta confirma e berdad aki:

Asina Santa Catarina di Siena a bisa “esnan scandalisa y cu ta rebeldia contra loke ta
pasa cu nan”: “Tur cos ta bini di amor, tur cos ta destina pa salbacion di hende, Dios
no ta haci nada cu no ta pa e meta aki”.

Y San Tomas Moro, poco prome cu su martirio, ta consola su yiu: “Nada cu Dios no
kier por pasa cu mi y tur loke E ta desea, pa con malo cu ta parce nos, den realidad ta
loke ta miho”149.Y Juliana di Norwich: “Mi a comprende, pues, pa gracia di Dios, cu
tabata bon pa mi mantene mi mes firmemente den fe y kere cu no menos firrmesa, cu
tur cos lo ta pa bon... Lo bo mira cu tur cos lo ta pa bon” (Thou shall see thyself that
all MANNER of thing shall be well).

÷314
Nos ta kere firmemente cu Dios ta Señor di mundo y di historia. Pero e camindanan di
su providencia cu frecuencia ta desconoci pa nos. Solamente na final ora nos
conocemento parcial yega su fin, ora nos mira Dios “cara a cara” (1 Co 13, 12), pa nos
lo ta plenamente conoci e camindanan pa cualnan, incluso e dramanan di maldad y
pica, Dios a conduci su creacion na e sosiego di Sabat151 definitivo ey, pa cual el a
crea shelo y tera.

÷315
Den e creacion di mundo y di hende, Dios a ofrece e prome y universal testimonio di
su amor todopoderoso y di su sabiduria, e prome anuncio di su “diseño di su bondad
amoroso” cu ta haña su fin den e creacion nobo den Cristo.

÷316
Aunke ta atribui e obra di creacion principalmente na Tata, ta igualmente un berdad
di fe cu Tata, Yiu y Spirito Santo ta e principio unico y indivisibel di creacion.

÷317
Dios so a crea universo, voluntariamente, directamente y sin ningun yudansa.

÷318
Ningun criatura tin e poder infinito cu ta necesario pa “crea” den sentido propio di
palabra, esta di produci y di duna existencia na loke di ningun manera no tabatin’e
(pone den existencia for ex nihilo – di nada).

÷319
Dios a crea mundo pa manifesta y comunica su gloria. E gloria pa cual Dios a crea su
criaturanan ta pa nan forma parti di su berdad, su bondad y su bunitesa.

÷320
Dios cu a crea universo, ta manten?e den existencia mediante su Verbo, “e Yiu ta
sostene tur cos mediante su palabra poderoso” (Hb 1, 3) y mediante su Spirito
Creador cu ta duna bida.

÷321
E Divino Providencia ta consisti den e desposicionnan pa cualnan Dios cu sabiduria y
amor ta conduci tur criatura na su meta final.

÷322
Dios ta invita nos pa confia manera un yiu den e providencia di nos Tata celestial153 y
e apostel San Pedro ta conclui: “Confia na dje tur boso preocupacionnan, pues e ta
cuida boso” (1P 5, 7).

÷323
Providencia Divino ta obra tambe mediante actonan di sernan crea. Dios ta duna e ser
humano e abilidad pa coopera libremente cu su plannan.

÷324
E echo cu Dios ta permiti maldad fisico y te hasta malo moral ta un misterio cu Dios ta
clarifica pa medio di su Yiu Hesucristo, kende a muri y a resucita pa vence maldad. Fe
ta duna nos e siguridad cu Dios no lo permiti maldad si E no percura pa bondad sali for
di e mesun malo ey, na un manera cu, unicamente den bida eterno, nos lo compronde
completamente.

÷325
ECredo di Apostelnan taprofesa cu Dios ta“e Creador i shelo y ditera” y e Credo di
Nicea ta explicita cu e profesion aki ta inclui: “...tur loke ta visibel y invisibel”.

÷326
Den Santo Scritura, e expresion “shelo y tera” ta nifica: tur loke ta existi, henter
creacion. E ta indica tambe e vinculo, cu den interior di creacion, na mes momento ta
uni y distingui shelo y tera: “Tera”, ta e mundo di hende155. E “shelo” of e
“shelonan” por indica e firmamento156, pero tambe e “luga” propio di Dios: “Nos
Tata, cu ta na “shelo” (Mt 5, 16)157, cu ta e gloria exatologico. Finalmente e palabra
“shelo” ta indica e luga di criaturanan spiritual – e angelnan – cu ta rondona Dios

÷327
E profesion di fe di e di cuater Concilio di Letran (1215) ta afirma cu Dios, “na
cuminsamento di tempo, a simultaneamente for di nada ambos orden di criatura, esun
spiritual y esun corporal, kiermen esun angelico y esun mundano; y despues e criatura
humano cu ta participa den ambos realidadnan, ya cu e ta consisti di spirito y di
curpa”.

÷328
E existencia di ser spiritual, no corporal, normalmente Santo Scritura ta yama angel,
ta un berdad di fe. E testimonio di Scritura ta mes cla cu e unanimidad di tradicion.

÷329
San Agustin ta bisa tocante nan: “Angelus officu nomen est, non naturae. Quaeris
nomen huius naturae, spiritus est; quaeris officium, angelus est: ex eo quod est,
spiritus est, ex eo quod agit, angelu” (“E nomber angel ta indica su ofishi, no su
naturalesa. Si bo ta puntra pa su naturalesa, lo mi bisa bo cu e ta spirito, si bo puntra
kico e ta haci, lo mi bisa bo cu e ta un angel”)159. Cu tur nan ser angelnan ta sirbido
y mensahero di Dios. Pasobra nan ta contempla “constantemente cara di mi Tata cu
ta na shelo” (Mt 18, 10), “nan ta ehecutornan di su ordonan, scuchando e bos di su
palabranan (Sal 103, 20).

÷330
Como criaturanan puramente spiritual, angelnan tin inteligencia y boluntad: nan ta
criatura personal160 y inmortal161 y ta surpasa den perfeccion tur criatura visibel,
manera e splendor di nan gloria ta duna testimonio.

Catisashi di IglesiaCatolico

÷331
Cristo ta e centro di tur angel. Angelnan ta pertenece na dje: “Ora Yiu di hende bin
den su gloria, compaña pa tur angel...” (Mt 25, 31). Nan ta pertenece na dje pasobra
El a crea nan p’E: “Pasobra den djE tur cos a ser crea, na shelo y na tera, e visibel y
invisibelnan, e trononan, e Dominionan, e Principadonan, e Autoridadnan: tur cos El a
crea pa medio di djE y p’E” (Col 1, 16). Nan ta pertenece na djE mas ainda, pasobra
El a haci nan mensahero di su plan di salbacion: “Nan tur no ta spirito sirbido cu e
mision di asisti esnan cu mester hereda salbacion?” (Hb 1, 14).

÷332
Desde creacion163 y den transcurso di historia di salbacion, nos ta topa nan.
anunciando di leu of di cerca e salbacion ey y sirbiendo e realisacion di su plan divino:
nan ta sera e paraiso terenal164, protega Lot165, salba Agar y su yiu166, nan ta tene
man di Abraham167 ta transmiti e ley pa medio di nan ministerio (cf Hch 7, 53), nan
ta conduci e pueblo di Dios168, nan ta anuncia nacemento169 y vocacion170, nan ta
asisti profetanan171 pa menciona solamente algun ehempel. Finalmente, angel
Gabriel ta anuncia nacemento di “Esun cu ta ta precede y di Hesus mes”.

÷333
Di Encarnacion pa Ascuncion e bida di Verbo encarna ta rondona pa adoracion y
sirbishi di angelnan. Ora Dios introduci “esun prome naci na mundo”, e ta bisa: “Laga
tur angel di Dios ador’e” (Hb 1, 6). Nan cantica di alabansa cu nacemento di Cristo no
ta caba di resona den alabansa di Iglesia: “Gloria na Dios... “(Lc 2, 14). Nan ta
protega infancia di Hesus173, nan ta sirbi Hesus den desierto174, nan ta consol’e den
su agonia175, mientras cu nan lo por a salb’e di man di su enemigonan176, manera a
sosode cu Israel den otro tempo.

Ta e angelnan tambe ta “evangelisa” (Lc 2, 10) anunciando e Bon Noticia di


Encarnacion178 y di Resureccion179 di Cristo180. Nan lo ta presente na regreso di
Cristo, loke nan lo anuncia, pa sirbi na huicio di Señor .

÷334
Mientras tanto, henter e bida di Iglesia ta beneficia di e yudansa misterioso y
poderoso di angelnan.

÷335
Den su liturgia, Iglesia ta uni su mes cu angelnan, pa adora Dios tres biaha santo183; e
ta invoca nan asistencia den Supplices te rogamus… (“Nos ta roga bo
humildemente…”) di Canon Romano of di den In Paradisum deducant te angeli... (Den
paraiso angelnan ta hiba bo...) di liturgia di difunto of tambe den e “Himno di
kerubinonan” di liturgia bizantino) y ta celebra mas particularmente e recuerdo di
cierto angelnan San Miguel, San Gabriel, San Rafael y e angelnan wardador).

÷336
Desde comienso184 te na morto185, bida humano ta rondona pa nan proteccion186 y
di nan intercesion187. “Cada fiel tin band’i dje un angel como protector y cuidado pa
qui?e na e bida”188. Ya aki na mundo, pa medio di fe, bida Cristian ta participa den e
comunidad buenaventurado di angelnan y hendenan, uni den Dios.
÷337
Dios mes a crea e mundo visibel cu tur su rikesa, su diversidad y su orden. Scritura ta
presenta e obra di Creador simbolicamente manera un secuencia di seis dia di
“trabou” divino cu ta termina den “sosiego” e di shete dia189. Pa loke ta creacion, e
texto sagrado ta siña, e berdadnan revela door di Dios pa nos salbacion190,
permitiendo nos asina pa “reconoce e naturalesa intimo, e balor y e ordenamento di e
totalidad di creacion pa alabansa di Dios”.

÷338
No ta existi nada cu no ta debe su existencia na Dios Creador. Mundo a cuminsa ora
Dios a sac’e di nada pa medio di su palabra, tur ser existente, henter naturalesa,
henter historia humano tin nan rais den e acontecimento primordial aki: e ta e origen
pa cual mundo ta constitui y cu tempo a cuminsa.

÷339
Tur criatura tin su bondad y su perfeccion propio. Pa cada un di e obranan di e “seis
dianan” nan ta bisa: “Y Dios a mira cu ta bon. Pa e condicion di creacion mes, tur cos
ta yena cu firmesa, berdad y bondad propio y di un orden”193. E distinto criaturanan,
stima den nan propio ser, ta refleha cada un na su manera, un rayo di e sabiduria y e
bondad infinito di Dios. Pesey hende mester respeta e bondad propio di cada criatura
pa evita uzo desordena di cos cu ta desprecia Creador y tin consecuencia desastroso
pa hende y pa su ambiente.

÷340
E interdependencia di criaturanan ta algo cu Dios ta desea. Solo y luna, mata di ceder
y e flor chikito, aguila y barica geel: e bista di nan inumerabel diversidad y
desigualdad ta bisa nos cu ningun criatura ta autosuficiente, cu nan ta existi
solamente den dependencia di otro, pa completamenta y sirbi otromutuamente.

÷341
E beyesa di universo; orden y harmonia di e mundo crea ta deriva di e diversidad di
sernan y di e relacionnan cu ta existi entre nan. Hende ta descubri nan
progresivamente como leynan di naturalesa cu ta causa e admiracion di sabionan. E
beyesa di creacion ta refleha e beyesa infinito di Creador. E mester inspira e respet y
sumision di parti di inteligencia y boluntad di hende.
÷342
E herarkia di criaturanan ta wordo expresa pa e orden di “e seis dianan”, cu ta bay di
e menos perfecto pa lo mas perfecto. Dios ta stima tur su criaturanan194, e ta cuida
cada un, incluso e paharitonan. Pero Hesus ta bisa: “Boso ta bal mas cu hopi paharito
(Lc 12, 6-7) of tambe: “Cuanto mas un hende bal compara cu un carne!” (Mt 12, 12).

÷343
Hende ta e culminacion di e obra di creacion. E relato inspira ta expresa esaki
distinguiendo claramente e creacion di hende for di e otro criaturanan.

÷344
Ta existi un solidaridad entre tur e criaturanan pa e echo cu tur tin e mesun Creador y
tur ta ordena pa su Gloria:

Alaba Bo ta den tur criatura, mi Señor specialmente den ruman solo, pa medio di cual
bo ta duna nos luz durante dia; e ta bunita den su splendor. E ta ofrece nos un
simbolo di Bo, e Altisimo... Alaba sea Abo Señor pa e ruman awa, cu ta util, puro,
humilde precioso den su candor... Alaba sea Abo mi Señor, pa ruman tera, nos mama,
cu ta pari y alimenta nos y ta produci un variedad di fruta y flornan colorido y
yerba... Alaba y bendiciona Señor! GradiciE y sirbiE den humildad. Amen.

÷345
Sabat, culminacion di e obra di e “seis dianan”, E texto sagrado ta bisa cu “Dios a
conclui riba e di shete dia e obra cu el a traha” y asina “shelo y tera a keda termina”;
Dios, riba di shete dia, “a descansa”, el a santifica y bendiciona e dia ey (Gn 2, 1-3).
E palabranan inspira aki ta rico den enseñansa probechoso.

÷346
Den creacion Dios a pone un fundeshi y a establece leynan cu ta keda firme197riba
cual e creyente por depende cu confiansa ya cu nanta e signo y garantia die
fidelidadinkebrantabel di e Aliansa di Dios198 Di su parti hende lo mester keda fiel na
e fundeshi aki y respeta e leynan cu Creador a skirbi den creacion.
÷347
Creacion ta traha teniendo cuenta cu Sabat y p’esey na e culto y e adoracion di Dios.
E culto ta graba den e orden di creacion199. E regla di San Benito ta bisa: (Operi Dei
nihil praeponatur) “Nada ta bay prome cu e dedicacion na Dios”, esey ta adoracion
solem, indicando asina e orden corecto di e preocupacionnan humano.

÷348
Sabat ta pertenece na e curason di e ley di Israel. Tene bo mes na e mandamentonan
ta coresponde na e sabiduria y eboluntad di Dios, expresa den su obra di creacion.

÷349
Di ocho dia. Pero pa nos a surgi un dia nobo: e dia di Resureccion di Cristo. Di shete
dia e prome creacion a termina. Y di ocho dia e creacion nobo ta cuminsa. Asina e
obra di creacion ta culmina den un obra mas grandi ainda: Salbacion. E prome
creacion ta topa su nificacion su cumbre den e creacion nobo den Cristo, su splendor
ta sobrepasa esun di e prome.

÷350
Angelnan ta criaturanan spiritual cu ta glorifica Dios sin fin y cu ta sirbi Su plannan di
salbacion cu e otro criaturanan: “Ad omnia bona nostra cooperand tur angeli” (E
angelnan ta coopera den tur bon obra cu nos ta haci).

÷351
E angelnan ta rondona Cristo, nan Señor. Nan ta yuda particularmente den e
cumplimento di su mision salbador pa cu hende.

÷352
Iglesia ta venera angelnan cu ta yud’e den su peregrinacion na mundo y ta proteha tur
ser humano.

÷353
Dios a desea e diversidad di su criaturanan y nan bondad particular, nan
interdependencia y nan orden. El a destina tur criatura material pa e bon di e rasa
humano. Hende y pa medio di dje tur creacion, ta destina pa Gloria di Dios.
÷354
Respeta e leynan inscribi den creacion y den e relacionnan cu ta surgi for di
naturalesa di cosnan ta un principio di sabiduria y un fundeshi pa moralidad.

÷355
“Dios a crea hende segun su imagen, segun imagen di Dios el a crea homber y muhe”
(Gn 1, 27). Hende ta ocupa un luga unico den creacion: “e ta traha segun imagen di
Dios” (I); den su propio naturalesa e ta uni mundo spiritual y mundo material (II); e ta
crea “homber y muhe (III); Dios a accept’e den Su amistad (IV).

÷356
Di tur criatura visibel solamente hende ta “capaz di conoce y stima su creador”202; e
ta e “unico criatura na mundo, cu Dios a stima pa su mes”203; solamente e ta yama
pa participa, pa conocemento y amor den bida di Dios. Pa e meta aki Dios a crea
hende y esaki ta e rason fundamental di su dignidad:

Kico of kende tabata motibo cu bo a duna hende semehante dignidad? Sigur nada cu
no lo ta e amor inextinguibel cu cual Bo a contempla Bo criatura den Bo mes. Pa amor
Bo a cre’e, pa amor Bo a dun’e un ser capaz di gusta bo Bon eterno.

÷357
Pasobra e ta crea segun imagen di Dios, e ser humano tin dignidad di persona: e no ta
solamente algo, sino un hende. E ta capaz pa conoce su mes, di posee su mes y di
duna su mes libremente y drenta den comunion cu otro persona; y e ta yama pa
gracia, na un aliansa cu su Creador, pa ofrece un contesta di fe y di amor cu ningun
otro ser por duna na su luga.

÷358
Dios a crea tur cos pa hende205, pero Dios a crea hende pa sirbi y stima Dios y pa su
motibo ofrece henter creacion.

Asina ta, cua ta e ser cu lo bin den existencia rondona cu semehante consideracion?
Ta e hende, un figura bibo, grandi y admirabel, mas precioso den wowo di Dios cu
henter creacion; ta e hende. P’e ta existi shelo y tera y lama y e totalidad di creacion
y Dios a duna tanto importancia na su salbacion cu p’esey e no a scapa bida di su
unico Yiu. Pasobra Dios no a stop di haci tur loke ta posibel pa hende lo por alcans’E y
sinta na su man drechi.

÷359
“Realmente, e misterio di hende solamente lo bira cla den e misterio di e Verbo cu a
bira carni”207:

San Pablo ta bisanos cu dos hende a duna rigen na e genero humano esta Adam y
Cristo… E prome hende Adam tabata un ser anima; e ultimo Adam, un spirito cu ta
duna bida. E prome Adam ey ta esun crea pa esun di dos, di ken el a haya e alma cu
cua el a cuminsa biba... E Segundo Adam ta esun cu ora El a crea esun di prome, a
pone den dje su imagen divino. P’esey el a ricibi su naturalesa y a adopta su mes
nomber, pa esun cu El a forma segun su propio imagen, por desaroya. E prome Adam
ta, en realidad, e Adam nobo; e prome Adam tabatin principio, pero e ultimo Adam
no tin fin. P’esey e ultimo ta realmente esun di prome, manera e mes a afirma:“Ami
ta esun di prome y ami ta e ultimo”.

÷360
Debi na e mesun y e comun origen, e genero humano ta forma un unidad. Pasobra
Dios “a crea, di un solo principio, henter e liña humano” (Hch 17, 26)209:

Ki vision maraviyoso cu ta haci nos contempla e genero humano den unidad di su


origen den Dios...; den e unidad di su naturalesa, consistiendo di igual manera den tur
di un curpa material y un alma spiritual; den e unidad di su meta inmediato y di su
mision na mundo; den e unidad di su morada: mundo, di cual su biennan, tur hende
pa derecho natural, por uza pa sostene y desaroya bida; den e unidad di su meta
sobrenatural: Dios mes, kende tur hende mester purba alcansa, den e unidad di medio
pa yega e meta aki; den e unidad di su salbacion realisa pa tur hende pa medio di
Cristo.

÷361
“E ley aki di solidaridad humano y di caridad”211, sin exclui e variedad rico di hende,
cultura y pueblo, ta sigura nos cu tur hende di berdad mes ta ruman.

÷362
E ser humano, crea segun imagen di Dios ta un ser cu na mes momento ta corporal y
spiritual. E relato biblico ta expresa e realidad aki den un lenguahe simbolico ora e ta
afirma cu “Dios a forma hende cu stof di suela y a supla den su nanishi rosea di bida y
hende a resulta un ser cu bida” (Gn 2, 7). P’esey, hende den su totalidad ta keri pa
Dios.

÷363
Hopi bes, e palabra alma ta indica den Santa Scritura e bida humano212 of tur ser
humano213. Pero e ta indica tambe loke ta di mas intimo den hende214 y di mas balo
den dje215, e loke cu ta particularmente imagen di Dios: “alma” ta nifica principio
spiritual den hende.

÷364
E curpa di hende ta participa den dignidad di “imagen di Dios”: e ta un curpa humano
precisamente pasobra e ta anima pa e alma spiritual y ta henter e ser humano cu ta
destina pa bira den Curpa di Cristo, e Tempel di Spirito216:

Un den curpa y alma, hende, pa su mes condicion corporal, ta reuni den su mes e
elementonan di mundo material, di tal modo cu, pa medio di dje, esakinan ta alcansa
nan perfeccion mas halto y ta halsa nan bos pa e liber alabansa di Creador. P’esey no
ta permisibel pa hende desprecia bida corporal, sino cu, al contrario, e mester
considera su curpa bon y digno di honra, ya cu ta Dios a cre’e y e mester resucita riba
e ultimo dia.

÷365
E unidad di alma y curpa ta asina profundo cu hende mester considera e alma como e
“forma” di e curpa218; loke ta nifica, cu gracia na e alma spiritual, e materia di loke
e curpa ta consisti ta un curpa humano y bibo; den hende, e spirito y e materia no ta
dos naturalesa uni, sino cu su union ta constitui di un naturalesa unico.

÷366
Iglesia ta siña cu cada alma spiritual ta directamente crea pa Dios219, no ta e
mayornan a producie. Tambe iglesia ta siña cu e alma ta inmortal220: e no ta perece
ora e separa di e curpa na momento di morto y lo e uni di nobo cu e curpa den
resureccion final.

÷367
Tin biaha hende ta custumbra di distingui entre alma y spirito. Asina San Pablo ta roga
pa “henter nos ser, spirito, alma y curpa” sea conserva sin mancha te na binida di
Señor (1 Tes 5, 23). Iglesia ta siña cu e distincion ey no ta introduci un dualidad den e
alma221. “Spirito” ta nifica cu hende ta ordena den su creacion pa su fin
sobrenatural222 y cu su alma ta capaz pa wordo eleva gratuitamente na comunion cu
Dios.

÷368
E tradicion spiritual di Iglesia tambe ta presenta curason den su sentido biblico di “lo
mas profundo di e ser”224, unda persona ta scoge pa Dios of no.

÷369
Homber y muhe ta crea, kiermen cu nan ta stima pa Dios: di un banda den perfecto
igualdad pa loke ta trata persona humano y di otro banda den su ser respectivo di
homber y di muhe. “Ta homber”, “ta muhe” ta un realidad bon y desea paDios:
homber

y muhe tin un dignidad cu nunca ta bay erdi, cu ta bin inmediatamentedi Dios


sucreador226. Homber y muhe ta cue mesun dignidad “Imagen di Dios”. Den su “ser
homber” y “ser muhe” ta refleha sabiduria y bondad di Creador.

÷370
Dios no ta, di ningun manera, segun imagen di hende. E no ta ni homber ni muhe. Dios
ta spirito puro, den cual no tin luga pa diferencia di sexo. Pero e “perfeccionnan” di
homber y muhe ta refleha algo di perfeccion infinito di Dios, esnan di un mama227,
un tata y esposo.

÷371
Crea na mes momento hunto, Dios a desea homber y muhe un pa otro. E palabra di
Dios ta laga noscompronde pa medio di diverso parti di e texto santo. “No ta bon cu
hende ta su so. Mi ta bay dun’e un yudansa adecuado” (Gn 2, 18). Ningun animal ta
“yudansa adecua” pa hende229. E muhe cu Dios a forma for di e ribchi di e homber y
presenta na dje, ta lanta den dje un grito di admiracion, un sclamacion di amor y di
comunion: “E ta weso di mi weso y carni di mi carni” (Gn 2, 23). E homber ta descubri
den e muhe manera un otro “ami”, di e mesun humanidad.

÷372
Homber y muhe ta traha “un pa e otro”: no cu Dios a traha nan “na mita” ni
“incompleto”; el a crea nan pa un comunion di persona, den cada un por ta
“yudansa” pa e otro pasobra nan ta na mes momento igual como persona (“weso di mi
weso”) y complementario encuanto masculino y femenino. Den matrimonio Dios ta uni
nan di manera cu formando “un solo carni” (Gn 2, 24) nan por transmiti bida humano:
“Sea fertil y multiplica boso mes y yena mundo” (Gn 1, 28). Transmitiendo na nan
descendientenan di bida humano, homber y muhe ta coopera na un manera unico den
e obra di Creador.

÷373
Den e plan di Dios, homber y muhe ta yama pa “somete” mundo231 como
“administrado” di Dios. E soberania aki no mester ta un dominio arbitrario ni
destructor. Segun imagen di e Creador, “cu ta stima tur loke ta existi” (Sb 11, 24),
homber y muhe ta yama pa participa den e Divino Providencia, pa cu otro cos crea.
Djey ta bin nan responsabilidad pa e mundo cu Dios a confia na nan.

÷374
E prome hende no solamente a ser crea bon, pero tambe forma den amistad cu su
Creador y den harmonia cu su mes y cu e creacion rond di dje; amistad y harmonia di
tal manera cu solamente gloria di creacion nobo den Cristo lo supera nan.

÷375
Iglesia, interpretando di manera autentico e simbolismo di e lenguahe biblico den luz
di Testament Nobo y di e Tradicion, ta siña cu nos prome mayornan Adam y Eva
tabata forma den un estado “di santidad y di husticia original”232. E gracia aki den
santidad original tabata un “participacion den bida divino”.

÷376
Pa e radiacion di e gracia aki, tur dimension di bida humano a wordo fortaleci.
Mientras e ta permanece den intimidad divino, hende ni mester a muri234 ni sufri235.
E harmonia interior di e persona humano, e harmonia entre homber y muhe236 y pa
ultimo e harmonia entre e prome pareha y henter creacion tabata forma e estado
yama “husticia original”.

÷377
E “dominio” di mundo cu Dios a concede na hende desde principio, a realisa su mes
prome cu tur cos den e hende mes como dominio propio. E hende tabata integro y
ordena den henter su ser pa ta liber di e tripel deseo pecaminoso237, cu ta somet’e
na e placernan di carni, na e gana na materia mundano y na e afirmacion propio cu ta
bay contra loke sano huicio ta dicta.

÷378
Señal di e familiaridad cu Dios, ta e echo cu Dios a pon?e den e Hardin di paraiso 238.
E ta biba ey “pa cultiva e tera y cuid’e” (Gn 2, 15): e trabou no ta duro p’e239, sino
cu e ta e colaboracion di e homber y e muhe cu Dios den perfeccionamento di e
creacion visibel.

÷379
Tur e harmonia di e husticia original, premira pa hende pa medio di e plan di Dios, lo
bay perdi pa pica di nos prome mayornan.

÷380
“Segun bo imagen bo a crea hende y bo a encomenda na dje henter universo, pa
sirbiendo solamente abo, su Creador, domina tur loke ta crea”.

÷381
Hende ta predestina pa reproduci e imagen di e Yiu di Dios cu a bira hende “imagen di
e Dios invisibel” (Col 1, 15), pa Cristo lo ta e prome naci di un multitud di ruman
homber y muhe.

÷382
Hende ta “un unidad di curpa y alma”242. E doctrina di fe ta afirma cu alma spiritual
y inmortal ta crea di forma inmediato pa Dios.

÷383
“Dios no a crea hende su so, di berdad, desde principio ‘el a crea nan, homber y
muhe’243 (Gn 1, 27). E asociacion aki ta constitui e prome forma di comunion entre
persona.
÷384
E revelacion ta laga nos conoce e estado di santidad y di husticia original di e homber
y e muhe prome cu nan a peca: fo’i amistad cu Dios a nace e felicidad di su existencia
den paraiso.

÷385
Dios ta infinitamente bon y tur su obranan ta bon. Sinembargo ningun hende ta scapa
e experencia di sufrimento, di e maldad den naturalesa – cu ta aparece manera liga
na e limitenan propio di e criaturanan – y principalmente na e cuestion di mal moral.
Di unda e malo a bin? “Quaerebam unde malum et non erat exitus” (Mi a busca e
origin di malo y no a haya solucion) San Agustin244 ta bisa y su propio buskeda
doloroso solamente lo haya salida den su conversion na Dios bibo. Pasobra “e misterio
di e maldad” (2 Ts 2, 7) solamente ta bira cla den luz di e “Misterio di piedad”, (1 Tm
3, 16). E revelacion di amor divino den Cristo a manifesta na mes momento di e e
grandura di maldad y e abundancia di gracia245. P’esey nos mester samina e cuestion
di e origen di e malo, fihando e mirada di nos fe den esun cu ta su unico Vencedor.

÷386
Pica ta presente den historia di hende: lo ta envano pa trata di ignora esaki of duna
un otro nomber na e realidad scur aki. Pa purba compronde kico pica ta, ta preciso na
prome luga pa reconoce e laso profundo di hende cu Dios, pasobra fuera di e relacion
aki, e malo di pica no ta keda desenmascara den su berdadero identidad di rechaso y
oposicion na Dios, mientras e maldad aki ta sigui pisa riba bida dihende y riba historia

÷387
E realidad di pica y mas en particular e pica original, solamente ta bira cla den luz di
e Revelacion divino. Sin e conocemento cu esaki ta duna nos di Dios, hende no por
reconoce pica di manera cla y hende ta sinti e tentacion pa splic’e solamente como
un defecto di crecemento, como un debilidad sicologico, un eror, e consecuencia
necesario di un structura social inadecuado etc. Solamente den e conocemento di e
plan di Dios pa hende, nos por compronde cu pica ta un abuso di e libertad cu Dios ta
duna hende crea pa nan por stim’e y stima nan prohimo.

÷388
Cu e desaroyo di e Revelacion tambe e realidad di pica lo bira mas cla. Aunke e
Pueblo di Dios di Testament Bieu a conoce di algun manera e condicion humano den
luz di historia di e caida conta den Genesis, e no por a yega na e nificacion mas aya di
e historia aki, cu solamente ta manifesta su mes den luz di Morto y Resureccion di
Hesucristo247. Ta necesario conoce Cristo como fuente di gracia pa conoce Adam
como fuente di pica. E Spirito Santo, manda pa Cristo resucita, ta esun cu a bin “pa
convence mundo loke ta referi na pica” (Hu 16, 8) revelando kende ta su Salbador”.

÷389
E doctrina di pica original ta, na manera di papia, “e contrario” di e Bon Nobo cu
Hesus ta e Salbador di tur hende, cu tur hende mester di salbacion y cu e salbacion ta
ofreci na tur hende, danki na Cristo. Iglesia cu tin e sentido di Cristo,248 sa bon cu
hende no por lesiona e revelacion di e pica original, sin atenta contra Misterio di
Cristo.

÷390
E relato di caida (Gn 3) ta uza un lenguahe cu ta consisti di imagen, pero ta afirma un
acontecimento primordial, un echo cu a tuma luga na cuminsamento di historia di
hende249. E Revelacion ta duna nos e seguridad di fe, cu henter e historia humano ta
marca pa e pica original, cu nos prome mayornan250 a comete libremente.

÷391
Despues cu nos prome mayornan a scoge pa desobedece, tin un bos seductor, opuesto
na Dios251 cu, pa envidia a laga nan cay den morto252. E Scritura y e Tradicion di
Iglesia ta mira den e ser aki un angel cu a cay, yama Satanas of Diabel253. Iglesia ta
siña cu prome e tabata un bon angel, crea pa Dios. (“Diabel y e otro demonionan Dios
a crea cu un naturalesa bon, pero nan a haci nan mes malo”).

÷ 392
E Scritura ta papia di un pica di e angelnan ki255. E “caida”aki taconsisti di e
scogencia liberdi e spiritonancu na manera radical y irevocabel a rechasa Dios y su
Reino. Nos ta topa un refleho di e rebelion aki den e palabranan di e tentado na nos
prome mayornan: “Boso lo ta manera Dios” (Gn 3, 5). E diabel ta “pecado desde
principio” (1 Hu 3, 8), “tata di mentira” (Hu 6, 44).

÷393
Ta e caracter irevocabel di su scogencia y no un defecto di infinito misericordia divino
loke ta haci cu e pica di e angelnan no por haya pordon. “No tin arepentimento pa
nan despues di e caida, mescos cu no tin arepentimento pa hende despues di morto”.

÷394
E Scritura tatestigua e influencia desastroso di esun cu Hesus a yama “un matado
desde principio” (Hu 8, 44), y cu incluso a trata di apart’e di e mision cu el a ricibi di
Tata257. “E yiu di Dios a manifesta su mes pa deshaci di e obranan di Diabel” (1 Hu 3,
8). E consecuencia mas grave di e obranan aki tabata e seduccion mentiroso cu a pone
hende desobedece Dios.

÷395
Sinembargo, e poder di Satanas no ta infinito. E no ta mas cu un Criatura. E ta
poderoso pa e hecho cu e ta solamente spirito puro, pero solamente criatura: e no por
stroba e edificacion di Reino di Dios.

Aunke Satanas ta actua na mundo pa odio contra Dios y su Reino den Hesucristo y
aunke su accion ta causa daño serio, di indole spiritual y indirectamente tambe di
indole fisico, na cada hende individual y na sociedad den su totalidad, e actuacion aki
ta permiti pa e divino providencia, cu ta dirigi historia di hende y di mundo cu forsa y
dulsura. Cu Dios ta permiti actividad diabolico ta un gran misterio, pero “nos sa cu
den tur cos Dios ta interveni pa salbacion di esnan cu ta stim’e” (Rm 8, 28).

÷396
Dios a crea hende segun su imagen y a establec?e den su amistad. Como criatura
spiritual, hende no por biba e amistad aki mas cu den e forma di sumision liber na
Dios. E prohibicion haci na hende pa come di palo di conocemento di bon y di malo ta
expresa esaki, “pasobra e dia cu bo come di dje lo bo muri” (Gn 2, 17). “E palo di
conocemento di bon y malo” ta evoca simbolicamente e limite impasabel cu hende
como criatura mester reconoce libremente y mester respeta cu confiansa. Hende ta
depende di Creador, e ta somete na ley di creacion y e normanan moral cu ta regula e
uzo di libertad.

÷397
Hende, tenta pa Diabel, a laga e confiansa den su creador258 muri den su curason y
abusando di su libertad el a desobedece mandamento di Dios. Esaki tabata e prome
pica di hende259. Djey pa dilanti tur pica lo ta un desobediencia na Dios y un falta di
confiansa den su bondad.
÷398
Den e pica aki, hende a prefera su mes na luga di Dios y p’esey desprecia Dios: el a
scoge su mes riba Dios, contra e exigencianan di su estado di criatura y por lo tanto
contra su mes bon. Hende, constitui den estado di santidad, tabata destina pa ta
completamente “santifica” pa Dios den Gloria. Pa e seduccion di Diabel e tabata kier
“ta mescos cu Dios”260, pero “sin Dios, riba Dios y no segun Dios”.

÷399
Scritura ta mustra e consecuencianan dramatico di e prome desobediencia aki. Adam
y Eva ta perde inmediatamente e gracia di santidad original262. Nan tin miedo di
Dios263, di kende nan tabatin un concepto robes, un Dios cu anciosamente ta cuida su
previlegionan.

÷400
E harmonia cu nan tabata aden, danki na e husticia original, a keda destrui; e dominio
di e facultadnan spiritual di e alma riba e curpa ta kibra265; e union entre homber y
muhe ta sufri tension266, su relacion ta marca pa deseo y dominio267. E harmonia cu
creacion ta kibra; e creacion visibel a bira straño y hostil pa hende268. Pa causa di
hende, e creacion ta someti “na na sclabitud di corupcion” (Rm 8, 20). Finalmente, e
consecuencia explicitamente anuncia pa e caso di desobediencia aki269 lo bira
realidad: hende “lo bolbe na stof di cual e ta forma”270. Morto ta haci su entrada den
historia di humanidad.

÷401
Desde e prome pica, un berdadero invasion di pica a inunda mundo; e morto di Abel,
mata pa su ruman Cain272; e corupcion universal, na rais di pica273; den e historia di
Israel, e pica ta manifesta su mes frecuentemente, principalmente como un
infidelidad na Dios di e Aliansa y como trapamento di e ley di Moises; y incluso
despues di e Redencion di Cristo, entre e Cristiannan, pica a manifesta su mes na hopi
manera274. Scritura y Tradicion di Iglesia no ta stop di recorda e presencia y e
universalidad di pica den historia di hende.

Loke revelacion ta siña nos ta coincidi cu e mes experencia. Pues hende, saminando
su curason, ta descubri cu e tambe ta inclina pa haci malo y cu e ta hinca den hopi
malo cu no por ta bin di su Creador, kende ta bon. Nengando cu frecuencia di
reconoce Dios como su principio, el a kibra ademas e orden necesario pa loke ta trata
su meta final y na mes momento el a kibrae orden corecto cu mester reina den su mes
como tambe esun entre e mes y otro hende y henter creacion.
÷402
Tur hende ta implica den pica di Adam. San Pablo ta afirma esaki: “Pa desobediencia
di un hende so, tur a bira pecado” (Rm 5, 19): “Door di un hende so pica a drenta
mundo y hunto cu pica a drenta morto y asina morto a alcansa tur hende, pasobra tur
a peca…” (Rm 5, 12). En contra di e universalidad di pica y di morto, e apostel ta
pone e universalidad di e salbacion den Cristo: “Como e delito di un hende so a hiba
tur hende na condenacion, mescos e obra di husticia di uno so (Cristo) ta duna tur
liberacion cu ta duna bida” (Rm 5, 19).

÷403
Siguiendo San Pablo, Iglesia ta siña semper cu e miseria inmenso cu ta oprimi hende y
su inclinacion na maldad y na morto no ta comprendibel si no relaciona esaki cu e
pica di Adam y cu e hecho cu el a transmiti na nos un pica cu cual nos tur ta nace
afecta y cu ta “morto di e alma”276. Pa e seguridad di fe aki; Iglesia ta concede
bautismo pa pordon di pica, incluso na mucha cu no a haci pica personal.

÷404
Dicon pica di Adam a bira pica di tur su descendientenan? Henter e genero humano ta
den Adam “sicut unum corpus unius hominis” (“como e curpa unico di un homber
unico”)278. Pa e “unidad aki di e genero humano” aki, tur hende ta implica den pica
di Adam, mescos cu tur ta implica den husticia di Cristo. Sinembargo, e transmision di
pica original ta un misterio cu nos no por compronde completamente. Pero nos sa
mediante e Revelacion cu Adam a ricibi santidad y husticia original, no pa su so, sino
pa henter naturalesa humano: sucumbiendo na e tentado, Adam y Eva a comete un
pica personal, pero e pica aki ta afecta naturalesa humano, cu despues nan lo hinca
den un estado estado di decadencia279. Ta un pica cu lo ser pasa pa henter
humanidad pa medio di transmision, kiermen, mediante transmision di un naturalesa
humano cu ta priva di santidad y di husticia original. P’esey, ta yama pica original
“pica” di manera analogo: e ta un pica “contrai”, no “cometi”, un estado y no un
acto.

÷405
Aunke propio di cada un280, pica original no tin, den ningun descendiente di Adam,
un caracter di falta personal. E ta e privacion di santidad y husticia original, pero
naturalesa humano no ta totalmente corumpi: e ta herida den su propio forsa natural,
someti na ignorancia, na sufrimento y na e imperio di morto y inclina na pica, (e
inclinacion na maldad nos ta yama “concupiscencia”). Bautismo, dunando e bida di
gracia di Cristo, ta laba e pica original y ta debolbe hende na Dios, pero e
consecuencianan pa e naturalesa debilita y inclina na maldad, ta persisti den hende y
nan ta urgi hende pa continuamente hiba un lucha spiritual.

÷406
E doctrina di Iglesia tocante transmision di pica original a wordo precisa
principalmente den siglo V, particularmente bou di e impulso di e reflexion di San
Agustin, contra e pelagianismo y den siglo XVI, oponiendo e Reforma Protestant.
Pelagio a pretende cu hende tabata por, pa forsa natural di su boluntad liber y sin
yudansa necesario di gracia di Dios, hiba un bida moralmente bon; asina a reduci e
influencia di e falta di Adam na solamente mal ehempel. E prome reformadornan
protestant, al contrario, tabata siña, cu hende tabata radicalmente perverso y su
libertad a wordo kita door di e pica original; nan tabata identifica e pica original di
cada hende cu e tendencia na maldad(“concuspiscencia”), cu lo no por wordo supera.
Iglesia a expresa su mes, riba e sentido di e informacionnan di Revelacion encuantoe
pica original, specialmente den e di II Concilio di Oranje na aña 529281 y den e
Concilio di Trento na aña 1.

÷407
E doctrina tocante e pica original – hunto cu esun di Salbacion di Cristo – ta duna un
bista cla y lucido di e situacion di hende y di su obranan na mundo. Pa e pica di e
prome mayornan, diabel a adkiri un cierto dominio riba hende, aunke e hende a keda
liber. E pica original ta conduci na “e sclabitud bou di poder di esun cu for di e
momento ey tabatin e poder di morto, esta, e diabel”283. Ignorando cu hende tin un
naturalesa herida, inclina na maldad, ta duna espacio na erornan serio riba tereno di
educacion, politica, accion social284 y di moral.

÷408
E consecuencianan di pica original y di tur pica personal di hende ta duna mundo un
condicion pecaminoso, cu por describi cu e expresion di San uan como: e pica di
mundo (Hu 1, 29). Cu e expresion aki ta ndica tambe e influencia negativo cu
ituacioncomunitario y structura social cu ta e fruta i e picanan di hende, ta eherce
riba hende.

÷409
E situacion dramatico di mundo, cu “tur cos ta completamente den poder maligno” (1
Hu 5, 19)286, ta haci di bida di hende un combate:

Henter e historia di hende ta e storia di un lucha duro contra poder di tiniebla, cu a


inicia ya desde origen di mundo y cu lo dura te cu e ultimo dia segun Señor ta bisa.
Hinca den e lucha aki, hende mester bringa continuamente pa mantene su mes na
loke ta bon y ta cu sacrificio grandi, y yudansa di gracia di Dios, e ta capaz di logra
integridad den su mes.

÷410
Despues di e caida, Dios no a bandona hende. Al contrario, Dios ta yam’e288 y ta
anunci’e di modo misterioso e victoria riba e malo y e lantamento for di su caida289.
E pasahe aki di Genesis nan a yama “Protoevangelio”, pasobra e ta e prome anuncio
di e Mesias Salbador, anunciando un lucha entre e serpiente y e Muhe y e victoria final
di un descendiente di dje.

÷411
E tradicion Cristian ta mira den e pasahe aki un anuncio di e “Adam nobo”290 cu pa
su “obediencia te na morto na Cruz” (Flp 2, 8), ta drecha cu sobre-abundancia e
desobediencia di Adam291. Di otro banda, hopi Pader y doctor di Iglesia ta mira den e
muhe anuncia den e “Protoevangelio” e Mama di Cristo, Maria manera un “Eva nobo”.
Maria, na prome luga y na un manera unico, a beneficia di e victoria di Cristo riba
pica: el a keda limpi di tur mancha di pica original292 y durante henter su bida na
mundo, pa gracia special di Dios e no a comete ningun clase di pica.

÷412
Pero, pakico Dios no a stroba e prome hende di haci pica? San Leon Magno ta
contesta: “E gracia inpronunciabel di Cristo a duna nos biennan miho cu loke e envidia
di demonio a kita di nos”294. Y San Tomas di Aquino: “Nada por stroba e naturalesa
humano di wordo halsa na algo mas grandi, ni despues di pica; Dios, di berdad, ta
permiti cu malo ta sosode pa saca di nan un bon mas grandi. P’esey e palabranan di
San Pablo: “Unda pica tabata abunda, a sobre-abunda gracia” (Rm 5, 20). Y e canto di
Exultet: “O feliz culpa cu a merece tal y tan grandi Redentor!”.

÷413
“No tabata Dios kende a crea morto ni tin placer den destruccion di bida... Pa envidia
di diabel morto a drenta mundo” (SB 1, 13; 2, 24).

÷414
Satanas of e diabel y e otro demonionan ta angel cu a cay pasobra nan a rechasa
libremente di sirbi Dios y su plan. Nan escogencia contra Dios ta definitivo. Nan a
purba haci hende complice den nan rebelion contra Dios.

÷415
“Forma pa Dios den husticia, hende, tenta pa esun Maligno, a abusa di su libertad,
desde cuminsamento di historia, lantando contra Dios y tratando di alcansa su propio
meta separa for di Dios”.

÷416
Pa su pica, Adam, e prome hende a perde e santidad y e husticia original, cu el a
ricibi di Dios, no pa e so, sino pa tur ser humano.

÷417
Adam y Eva a transmiti na nan descendientenan e naturalesa humano herida pa nan
propio prome pica, p’esey e naturalesa humano ta priva di santidad y di husticia
original. E privacion aki nan ta yama “pica original”.

÷418
Como consecuencia di e pica original, e naturalesa humano a keda debilita den su
forsa, someti na ignorancia, na sufrimento y na dominio di morto y inclina na pica
(inclinacion yama “concupiscencia”).

÷419
Laga nos mantene pues, siguiendo e Concilio di Trento, cu e pica original ta ser
transmiti hunto cu e naturalesa humano, “pa medio di propagacion, no pa imitacion”
y cu e “ta un pica propio den cada hende”.

÷420
E victoria riba pica, obteni pa Cristo a duna nos biennan miho cu loke e pica a kita di
nos: “Unda pica a abunda, a sobre-abunda gracia” (Rm 5, 20).

÷421
“E fielnan Cristian ta kere cu mundo a ser crea y conserva pa amor di Creador, poni
sigur bou sclavitud di pica, pero libra pa Cristo crucifica y resucita, despues di a kibra
e poder di esun Maligno…”.

÷422
“Pero, na yegada di plenitud di tempo, Dios a manda su Yiu, naci di un muhe, naci
segun ley, pa salba esnan cu tabata respeta ley y pa asina nos por bira e yiunan
adoptivo di Dios” (Ga 4, 4-5). Ata aki “E Bon Nobo di Hesucristso, Yiu di Dios” (Mc 1,
1): Dios a bishita su pueblo1, el a cumpli cu e promesanan haci na Abraham y na su
descendencia2; el a hacie mas aya di tur loke a spera: El a manda su “Yiu stima” (Mc
1, 11).

÷423
Nos ta kere y nos ta reconoce cu Hesus di Nazaret, naci Hudiu di un yiu di Israel, na
Belen den tempo di Rey Herodes e Grandi y di e Emperador Cesar Augusto, di ofishi
carpinte, a muri crucifica na Herusalem, bou e procurador Poncio Pilato, durante e
reinado di Emperador Tiberio, e ta Yiu eterno di Dios cu a bira hende, cu a “sali di
Dios” (Hu 13, 3), el “a baha di Shelo” (Hu 3, 13; 6, 33) “el a bin den carni” (1 Hu 4,
2), pasobra “Palabra a bira carni y el a pone su cas memey di nos y nos a mira su
Gloria, Gloria cu E ta ricibi di Tata, como Yiu unico, yen di gracia y berdad… Pues di
su plenitud nos tur a ricibi tur cos, gracia y mas gracia” (Hu 1, 14, 16).

÷424
Movi pa e gracia di Spirito Santo y atrai pa Tata, nos ta kere den Hesus y nos ta
profesa: “Bo ta e Cristo, e Yiu di Dios bibo” (Mt 16, 16). Riba e baranca di fe aki,
confesa pa San Pedro, Cristo a construi su Iglesia.

÷425
E transmision di fe Cristian ta consisti primeramente den proclama Hesucristo pa asina
guia otronan na kere den Dje. Desde principio, e prome discipelnan tabatin un deseo
ferviente pa anuncia Cristo: “Nos no por keda sin papia di loke nos a mira y tende”
(Hch 4, 20). Y nan mes ta invita hende di tur tempo pa drenta den e alegria di nan
comunion cu Cristo:

Loke tabata existi desde principio, loke nos a tende, loke nos a mira cu nos mesun
wowonan, loke nos a contempla y loke a toca nos mannan tocante e Palabra di bida,
pues e Bida a manifesta su mes y nos a mir’e y nos ta duna testimonio y nos ta
anuncia na boso bida eterno, cu E tabata cu Tata y a manifesta na nos loke nos a mira
y tende, nos ta anuncia boso, pa asina boso tambe ta den comunion cu nos. Y nos ta
den comunion cu Tata y su Yiu, Hesucrito. Nos ta skirbi boso esaki pa asina boso goso
ta completo (Hu 1, 1 ,4).

÷426
“Den e centro di catisashi nos ta topa esencialmente un Persona, Hesus di Nazaret,
Yiu unico di Tata, kende a sufri y muri pa nos y kende awo, resucita, ta biba pa
semper cu nos... Catekisa ta... descubri den e persona di Cristo e plan eterno di
Dios… Ta trata di percura pa compronde e nificacion di e actonan y di e palabranan di
Cristo, e señalnan realisa pa E mes”4. E meta di catisashi: “Conduci na e comunion cu
Hesucristo: solamente E por hiba nos na e amor di Tata den Spirito y haci nos
participante di bida di Santisimo Trinidad.

÷427
“Den catisashi nos ta siña di Cristo, e Verbo cu a bira carni y Yiu di Dios y tur e resto
tocante di djE; e unico cu ta siña ta Cristo y cualkier otro ta hacie como su portabos,
permitiendo asina cu Cristo ta siña pa medio di su boca… Tur catekista lo mester por
aplica na su mes e misterioso palabra di Hesus: “Mi doctrina no ta di mi, sino di Esun
cu a manda mi” (Hu 7, 16).

÷428
Esun cu ta yama pa “siña Cristo”, prome cu tur cos e mester busca “e ganashi sublime
aki cu ta conocemento di Cristo”; ta necesario “acepta pa perde tur cos… pa gana
Cristo y ser haña den djE” y conocE, experencia e poder di su resureccion y comparti
su sufrimentonan; mi ke bira manera E den su morto. Anto asina ey mi ta spera cu lo
mi resucita for di morto” (Fl 3, 8-11).

÷429
Di e conocemento amoroso di Cristo aki, ta brota e deseo pa anunci’E, pa
“evangelisa” y pa hiba otro na e “si” di fe den Hesucristo. Y na mes momento hende
ta sinti e necesidad di conoce e fe miho. Cu e meta aki, siguiendo e orden di e
Simbolo di fe, nos lo presenta na prome luga e titulonan principal di Hesus: Cristo, Yiu
di Dios, Señor (Articulo 2). E simbolo ta reconoce e misterionan principal di e bida di
Cristo: tocante su encarnacion (Articulo 3) di su Pasco (Articulo 4 y 5) y pa ultimo, di
su glorificacion (Articulo 6 y 7).
÷430
Hesus ta nifica den Hebreu: “Dios tasalba”. Den e momento di e anunciacion,Angel
Gabriel adun’E como nomber esus, cu ta expresaalabes su identidad y su mision7. Ya
cu ta: “Kende por pordona pica, sino solamente Dios?”8, ta Esun kende den Hesus, su
Yiu eterno cu a bira hende, “lo salba su pueblo di su picanan” (Mt 1, 21). Den Hesus,
Dios ta recapacita asina henter e historia di e salbacion na fabor di hende.

÷431
Den e historia di salbacion, Dios no a keda contento cu solamente libra Israel di “e cas
di sclabitud” (Dt 5, 6) y haci cu el a sali di Egipto. Tambe e ta salb’e di su pica. Door
cu pica semper ta un ofensa haci contra Dios9, E solamente por duna absolucion10.
P’esey Israel, tumando cada bes mas consciencia di e universalidad di pica, ya no lo
por busca salbacion sino ta implora na e Nomber di Dios Redentor.

÷432
E nomber di Hesus ta nifica cu e Nomber mes di Dios ta presente den persona di su
Yiu12, kende a bira hende pa salbacion universal y definitivo di pica. E ta e Nomber
divino, e unico cu ta trece salbacion13 y di awo pa dilanti por ser invoca pa tur
hende, pasobra El a uni cu tur hende pa medio di Encarnacion14, di tal forma cu “no
tin bou shelo otro nomber, duna na hende door di ken nos mester wordo salba” (Hch
4, 12).

÷433
Nomber di Dios Salbadortabata invoca olamente un biaha pa Aña pa e sumo sacerdote
pa pordon di picanan di Israel, ora el a muha cu sanger di e sacrificio16 e siya di
misericordia di e Santo di Santonan. E siya di misericordia tabata e luga di presencia
di Dios17. Ora San Pablo bisa di Hesus cu “Dios a designa como instrumento di pordon
pa su mesun sanger” (Rm 3, 25), e kier men cu den humanidad di Cristo “Dios tabata
den Cristo reconciliando mundo cu nE mes” (2 Co 2, 19).

÷434
E resureccion di Hesus ta glorifica e nomber di Dios Salbador18 pasobra di awo
padilanti, e nomber di Hesus ta esun cu ta manifesta den plenitud e poder soberano di
e “Nomber cu ta riba tur nomber (Flp 2, 9). Spirito malo ta teme su Nomber19 y den
su Nomber e discipelnan di Hesus ta haci milagro20 pasobra tur loke nan pidi Tata den
su Nomber, E lo concede na nan.
÷435
E nomber di Hesus ta den curason di plegaria Cristian. Tur e oracionnan liturgico ta
caba cu e formula: Per Dominum Nostrum Jesum Christum… (“Pa Nos Señor
Hesucristo…”). E “Avemaria” ta culmina den “y bendiciona ta e fruta di bo barica,
Hesus”. E oracion di curason, den uzo na Oriente yama “oracion na Hesus” ta bisa:
“Señor Hesucristo, Yiu di Dios, tene piedad di mi pecador”. Hopi Cristian ta muri,
mescos cu San Juana di Arco, cu den nan boca un unico palabra: “Hesus”.

÷436
Cristo ta bin di e traduccion Griego di e palabra Hebreu “Mesias” cu ta nifica “esun
hunta” (esun hunta cu azeta). Esaki a bira e nomber propio di Hesus, pasobra E ta
cumpli perfectamente cu e mision divino cu e palabra ta nifica. Efectivamente, na
Israel nan tabata hunta, esnan cu den nomber di Dios tabata consagra na djE pa un
mision cu nan a ricibi di djE, cu azeta. Esaki tabata e caso cu e reynan22, e
sacerdotenan23 y, masha poco biaha, cu e profetanan24. Esaki mester tabata pa
excelencia e caso cu e Mesias cu Dios lo manda pa inaugura su Reino
definitivamente25. E Spirito di Señor mes mester a hunta e Mesias26 di biaha como
rey y sacerdote27 y tambe como profeta28. Hesus a cumpli cu e speransa mesianico di
Israel den su triple funcion di sacerdote, profeta y rey.

÷437
E angel a anuncia na e wardadornan e nacemento di Hesus como esun di e Mesias
priminti na Israel: “A nace awe pa boso, den e ciudad di David, un Salbador, cu ta
Cristo Señor” (Lc 2, 11). Desde principio e tabata “esun cu Tata a santifica y a manda
na mundo” (Hu 10, 36), concebi como “santo” (Lc 1, 35) den e seno birgen di Maria.
Dios a yama Hose “pa tuma Maria como su esposa” na estado “di esun engendra den
dje pa Spirito Santo” (Mt 1, 20), pa asina Hesus “yama Cristo” nace di e esposa di
Hose den e descendencia mesianico di David (Mt 1, 16).

÷438
E consagracion mesianico di Hesus ta manifesta su mision divino. “Di otro parti esey
ta loke ta nifica su mes nomber, pasobra e nomber Cristo ta encera Esun cu a hunta,
Esun cu nan a hunta y e propio Uncion cu locual nan a hunt’E: Esun cu a hunta ta
Tata, Esun cu nan a hunta ta Yiu y el a sosode den Spirito cu ta e uncion”30. Su
consagracion mesianico eterno tabata revela durante e tempo di su bida na mundo
den e momento di su bautismo pa Huan ora “Dios a hunt’E cu Spirito Santo y cu
poder”. (Hch 10, 38) pa asina e manifesta su mes na Israel” (Hu 1, 31) como su
Mesias. Su obra y su palabranan a haciE conoci como “e santo di Dios” (Mc 1, 24; Hu
6, 69; Hch 3, 14).
÷439
Numeroso Hudiu y te hasta algun pagano cu tabata comparti nan speransa a reconoce
den Hesus e calidadnan fundamental di e mesianico “Yiu di David” priminti pa Dios na
Israel31. Hesus a acepta e titulo di Mesias riba cual e tabatin derecho32, pero no sin
reserva pasobra un parti di e hendenan di su tempo a compronde esaki segun un
concepto demasiado humano33, esencialmente politico.

÷440
Hesus a acepta e profesion di fe di Pedro, cu a reconoc’E como Mesias, pero na mes
momento El a anuncia e venidero pasion di Yiu di hende35. El a revela, na mes
momento, e autentico contenido di su realesa mesianico den e identidad transcedente
di e Yiu di hende ”cu a baha di Shelo” (Hu 3, 13)36, na mes momento cu den su
mision salbador como Siervo sufriente: “E Yiu di hende no a bin pa wordo sirbi, sino
pa sirbi y duna su bida como salbacion pa hopi” (Mt 20, 28)37. Pa e motibo aki e
verdadero nificacion di su realesa unicamente ta wordo manifesta saliendo for di e
Cruz38. Solamente despues di su resureccion Pedro por a proclama su realesa
mesianico dilanti di e pueblo di Dios: “Pues, pa henter e cas di Israel e mester ta un
echo indescutibel cu Dios a trah’E como Señor y como Cristo, e Hesus aki cu boso a
crucifica” (Hch 2, 36).

÷441
Yiu di Dios, den Testament Bieu, ta un titulo di e angelnan39, di e pueblo scogi40 ,di
e yiunan di Israel41 y di e reynan42. E ta nifica pues un afiliacion adoptivo cu ta
establece entre Dios y su criatura un relacion di un intimidad particular. Ora cu e Rey-
Mesias priminti ta yama ‘Yiu di Dios’43 esaki no ta implica necesariamente, segun e
nificacion literal di e textonan aki, cu e lo ta mas cu humano. Esnan cu a yama Hesus
“Yiu di Dios” como e Mesias di Israel44, kisas no kier a bisa nada mas cu simplemente
esaki.

÷442
Esaki no a sosode asina cu Pedro ora e ta confesa na Hesus como “Cristo, e Yiu di Dios
bibo” (Mt 16, 16), pasobra esaki a contest’e solemnemente: “esaki ni carni ni sanger
no a revela na Bo, sino mi Tata cu ta na Shelo” (Mt 16, 17).

Similarmente Pablo lo bisa relaciona cu su combersacion na caminda di Damasco:


“Ora Esun cu a separa mi for di e pecho di mi mama y a yama mi pa su gracia, a dicidi
di revela na mi su Yiu pa consecuentemente ami anunci’E na e pueblonan pagano...”
(Ga 1, 15-16). “Y mesora el a cuminsa predica tocante Hesus den sinagoga, cu e
tabata e Yiu di Dios” (Hch 9, 20). Esey lo ta desde principio46 e punto central di fe
apostolico47 profesa na prome luga pa Pedro como e fundeshi di Iglesia.

÷443
Si Pedro a reconoce e caracter transcendente di e filiacion divino di Hesus Mesias,
tabata pasobra cu Hesus a lag’e compronde claramente. Dilanti di Sanedrin, riba
pregunta di su acusadornan: “Pues, abo ta e Yiu di Dios?”, Hesus a responde: “Manera
bo di: Mi ta” (Lc 22, 70)49. Ya hopi prome, El a designa su mes como e “Yiu” cu
conoce Tata50, cu ta distinto na e “sirbidonan” cu Dios a manda anteriormente na su
pueblo51, superior na e propio angelnan mes52. El a distingui su filiacion for di esun
di su discipelnan, nunca papiando di “nos Tata”53, excepto pa ordena nan: “Boso
mester resa asina: Nos Tata” (Mt 6, 9); y E ta enfatisa e distincion aki: “Mi Tata y
boso Tata” (Hu 20, 17).

÷444
E evangelionan ta conta na dos momento solem, e bautismo y e transfiguracion di
Cristo, cu e bos di Tata ta design’E como su “Yiu Stima”54. Hesus ta designa su mes
como “e Yiu Unico di Dios” (Hu 3, 16) y e ta enfatisa pa medio di e titulo aki su pre-
existencia eterno55. E ta pidi fe den “Nomber di e Unico Yiu di Dios” (Hu 3, 18). E
confesion Cristian aki ya ta aparece den exclamacion di e centurion dilanti Hesus na
cruz: “Di berdad mes cu e hende ey tabata Yiu di Dios” (Mc 15, 39), pasobra ta
solamente den e misterio pascual e creyente por alcansa e sentido pleno di e titulo di
“Yiu di Dios”.

÷445
Despues di Su Resureccion, su filiacion divino ta aparece den e poder di su humanidad
glorifica: “Yiu constitui di Dios cu poder, segun Spirito di santidad, pa medio di su
Resureccion for di morto” (Rm 1, 4)56. E apostelnan lo por profesa: “Nos a mira su
Gloria, Gloria cu El a ricibi di Tata como Unico Yiu, yen di gracia y berdad” (Hu 1, 14).

÷446
Den e traduccion Griego di e bukinan di Testament Bieu, e nomber inpronunciabel cu
cual Dios a revela su mes na Moises57, YHWH, ta wordo describi cu Kyrios (“Señor”).
Señor desde ey ta bira e nomber mas normal pa designa e divinidad mes di Dios di
Israel. E Testament Nobo ta uza den sentido stricto e titulo “Señor” pa Tata, pero ta
uz’e ambe, y aki ta algo nobo, pa Hesus, reconociendo E como Dios.
Catisashi diIglesiaCatolico

÷447
Hesus ta duna su mes e nomber aki den forma scondi ora e ta discuti cu e fariseonan
tocante e sentido di Salmo 10959, pero tambe den forma explicito, ora e ta dirigi su
mes na su apostelnan60. A lo largo di henter su bida publico su actonan di dominio
riba naturalesa, riba malesa, riba demonio, riba morto y pica a demostra su soberania
divino.

÷448
Cu hopi frecuencia, den evangelio, tin hende cu ta dirigi nan mes na Hesus, yamando
E “Señor”. E titulo aki ta expresa e respet y confiansa di esnan cu ta acerca Hesus y
kendenan ta spera di djE yudansa y curacion61. Bou di inspiracion di Spirito Santo ta
expresa e reconocemento di e misterio divino di Hesus62. Den e encuentro cuHesus
resucita, e ta bira adoracion: “Mi Señor y mi Dios” (Hu 20, 28). Asina e ta asumi un
conotacion di amor y afecto cu ta keda forma parti intrinsico di e tradicion Cristian:
“E ta Señor!” (Hu 21, 7).

÷449
Dunando Hesus e titulo divino di Señor, e prome confesionnan di fe di Iglesia ta afirma
desde principio63 cu e poder, honor y gloria cu mester duna na Dios Tata, mester
duna Hesus tambe64 pasobra E ta di “condicion divino” (Flp 2, 6) y Tata a manifesta e
soberania di Hesus, lantando E for di e mortonan y exaltando E na su gloria.

÷450
Desde cuminsamento di historia Cristian, e afirmacion di señorio di Hesus riba mundo
y historia66 ta nifica tambe cu hende no mester somete su libertad personal di ningun
manera, na ningun poder terenal sino solamente na Dios Tata y na Señor Hesucristo:
Cesar no ta e “Señor”67. “Iglesia ta kere cu e yabi, e centro y e meta di henter
historia humano ta den su Señor y Maestro”.

÷451
E oracion Cristian ta marca pa e titulo “Señor”, ya sea den e invitacion pa oracion
“Señor ta cu boso”, sea den su conclusion “pa medio di Hesucristo nos Señor” of den e
sclamacion yen di confiansa y speransa “Marana atha” (“Señor ta bin!”) of “Marana
tha” (“Bini Señor!”) (1 Co 16, 22): “Amen! Bini, Señor Hesus!” (Ap 22, 20).
÷452
E nomber di Hesus ta nifica “Dios ta salba”. E mucha naci di la Birgen Maria yama
“Hesus” “pasobra el a salba su pueblo di pica” (Mt 1, 21). “Bou di Shelo no tin otro
nomber duna na hende pa cual nos lo ta salba” (Hch 4, 12).

÷453
E nomber di Cristo ta nifica “Esun Hunta”, “Mesias”. Hesus ta e Cristo pasobra “Dios a
hunt’E cu Spirito Santo y cu poder” (Hch 10, 38). Tabata “E kende mester a bin”69, e
obheto di “e speransa di Israel” (Hch 28, 20).

÷454
E nomber di Yiu di Dios ta nifica e relacion unico y eterno di Hesucristo cu Dios su
Tata: E ta e unico Yiu di Tata70 y E mes ta Dios71. Pa ta Cristian ta necesario kere cu
Hesucrito ta Yiu di Dios.

Catisashi di glesia Catolico

÷455
E nomber “Señor” ta nifica soberania divino. Profesa of invoca Hesus como Señor ta
nifica kere den su divinidad. “Ningun hende por bisa: Hesus ta Señor! sino ta pa medio
di Spirito Santo” (1 Co 12, 3).

÷456
Cu e Credo di Nicea nos ta responde confesando: “Pa nos, hende y pa nos salbacion El
a baha for di shelo y pa obra di Spirito Santo el a bira carni for di Maria Birgen y a bira
hende”.

÷457
E palabra a bira carni pa salba nos, reconciliando nos cu Dios: “Dios a stima nos y a
manda pa nos su Yiu como sacrificio pa kita pica di mundo” (1 Hu 4, 10). “Tata a
manda su yiu pa ta Salbador di mundo” (1 Hu 4, 14). “El a manifesta su mes pa kita
pica” (1 Hu 3, 5):
Siendo enfermo, nos naturalesa a exigi sanacion; decai a exigi pa lanta atrobe, siendo
morto a exigi pa resucita. Nos a perde e posesion di loke ta bon, tabata necesario pa
debolbe nos esey. Door cu nos tabata sera den scuridad, tabata necesario pa trece e
luz bek pa nos, siendo preso nos a spera riba un Salbador, siendo prisionero nos
tabatin mester di yudansa, siendo catibo nos tabatin mester di un libertador. E cosnan
ey tabata cosnan chikito of insignificante? No ta e cosnan aki a conmove Dios y a
pon’E baha y asumi nos naturalesa humano y bishita nos, ya cu humanidad tabata den
un estado asina miserabel y desgraciado?73

÷458
Palabra a bira carni, pa asina nos conoce amor di Dios: “Den esaki amor cu Dios tin pa
nos a manifesta su mes: Dios a manda su Unico Yiu na mundo pa nos biba pa medio di
djE” (1 Hu 4, 9). “Pasobra asina tanto Dios a stima mundo cu el a duna su unico Yiu,
pa asina tur cu ta kere den djE no perece, sino cu e lo tin bida eterno” (Hu 3, 16).

÷459
Palabra a bira carni pa ta nos modelo di santidad: “Tuma riba boso mi yugo y siña di
Mi...” (Mt 11, 29) “Ami ta e caminda, Berdad y Bida. Ningun hende no ta yega na
Tata, si no ta pa medio di Mi” (Hu 14, 6). Y Tata, den sero di Transfiguracion ta
ordena: “Boso scuch’E” (Mc 9, 7)74. E ta efectivamente, e modelo di e
bienaventuransanan y e norma di e ley nobo: “Boso stima otro manera mi a stima
boso” (Hu 15, 20). E amor aki tin como consecuencia e ofrenda efectivo di su mes.

÷460
Palabra a bira carni pa haci nos “participe di e naturalesa divino” (2 P 1, 4): “Pasobra
esey ta e motibo, pa cual e Palabra a bira hende y e Yiu di Dios, Yiu di hende, pa
asina hende, drentando den comunion cu Palabra y ricibiendo asina e afiliacion divino
ta bira yiu di Dios”76. “Pasobra Yiu di Dios a bira hende pa haci nos Dios”77.
“Unigenitus Dei Filius, suae divinitatis volens nos esse participes, naturam nostrum
assumpsit, ut homines deos faceret factus homo” (“E unico Yiu di Dios kende kier a
haci nos participe di su divinidad, a asumi nos naturalesa pa asina, birando hende E
haci hende dios”).

÷461
Tumando e frase di San Huan (“Palabra a bira carni”: Hu 1, 14), Iglesia ta yama
“Encarnacion” e hecho cu Yiu di Dios a asumi un naturalesa humano pa asina logra nos
salbacion. Den un himno, cita pa San Pablo, Iglesia ta canta e misterio di Encarnacion:
Boso mester tin e mesun actitud cu Cristo Hesus tabatin: Aunke E tabata mescos cu
Dios, E no kier a para riba su derecho di keda igual na Dios. No, El a pone esey un
banda; El a bira mescos cu un catibo y a bira igual na hende. Y ora El aparece como
hende, El a humilia su mes y a bira obedecido te na morto, si, morto na cruz. (Flp 2,
5-8).

÷462
E carta na Hebreu ta papia di e mes misterio:

P’esey, drentando na mundo, Cristo a bisa: bo no tabata kier sacrificio ni ofrenda,


pero bo a forma un curpa pa mi. Holocausto y sacrificio pa pica no tabata agrada bo.
Despues m’a bisa: Ata mi aki m’a bin pa haci bo boluntad, O Dios! (Hb 10, 5-7).

÷463
E fe den e berdadero encarnacion di Yiu di Dios ta e signo distintivo di fe Cristian:
“Door di esaki boso lo por conoce e Spirito di Dios: Tur Spirito cu ta reconoce
Hesucristo cu a bin den carni, ta di Dios” (1 Hu 4, 2). Esey ta e conviccion alegre di
Iglesia desde su cuminsamento ora e ta canta “e gran misterio di piedad”: “El a
manifesta su mes den carni” (1 Tm 3, 16).

÷464
E acontecimento unico y totalmente singular di Encarnacion di Yiu di Dios no ta nifica
cu Hesucristo ta pa un parti Dios y pa un parti hende, ni cu e ta e resultado di un
mescla bruha entre divinidad y humanidad. El a bira hende di berdad, sin stop di ta
Dios di berdad. Hesucristo ta berdadero Dios y berdadero hende. Iglesia mester a
defende y clarifica e berdad di fe aki durante e prome siglonan contra algun
desviacion cu a falsific’e.

÷465
E prome desviacionnan no tanto a nenga e divinidad di Hesucristo sino mas bien su
humanidad berdadero (docetismo gnostico). Desde e epoca apostolico, fe Cristian a
insisti den e berdadero encarnacion di Yiu di Dios, “cu a bin den carni”81. Pero desde
siglo III, Iglesia mester a afirma contra Pablo di Samosata, den un Concilio reuni na
Antioquia, cu Hesucristo ta yiu di Dios pa naturalesa y no pa adopcion. E prome
Concilio Eucumenico di Nicea, na aña 325, a reconoce den su Credo cu Yiu di Dios ta
“engendra, no crea, di mes substancia (homousios) cu Tata” y a condena Arrio kende
tabata afirma cu “Yiu di Dios a bin di nada”82 y cu e lo ta “di un substancia diferente
cu di Tata”.
÷466
E desviacion di Nestor a mira den Cristo un persona humano, hunto cu e persona
divino di Yiu di Dios. Contra esaki San Cirito di Alehandria y di tres Concilio
Eucumenico reuni na Efeso, na aña 431, a reconoce cu “E Palabra, ora di uni den su
persona cu un carni anima pa un alma racional, a bira hende”84. E humanidad di
Cristo no tin ningun otro personalidad cu e persona divino di Yiu di Dios cu a asumi e
persona divino aki y a hacie di djE desde su concepcion. P?esey e concilio di Efeso a
proclama na aña 431 cu Mariadi berdad mes a bira Mama di Dios, mediante
concepcion humano di e Yiudi Dios den su su scochi:“Mama di ios, no pasobra e
naturalesa di e Verbo of su divinidad a debeprincipio di su existencia na e Birgen
santo, pero pasobra su curpa santo, anima pa un alma racional a nace for di dje. A
base di esaki ta bisa cu e Verbo, door di uni den su persona cu un curpa – anima pa un
alma racional – a bira hende”.

÷467
E monofistanan a afirma cu e naturalesa humano a stop di existi como tal den Cristo,
na momento cu el asumi e persona divino di Yiu di Dios. Enfrentando e desviacion aki,
di cuatro Concilio Ecumenico, na Calcedonia, a reconoce na aña 451:

Siguiendo pues e santo tatanan nos ta siña unanimamente cu nos mester reconoce un
solo y mesun Yiu y nos Señor Hesucristo: perfecto den divinidad y perfecto den
humanidad, berdaderamente Dios y berdaderamentehende, consistiendo di alma
racional y curpa, consubstancial cu Tata, segun su divinidad y consubstancial cu nos
segun humanidad, “den tur cos semehante na nos, cu excepcion di pica (Hb 4, 15)
naci di Tata prome cu tur siglo segun e divinidad y pa nos y nos salbacion, naci den e
ultimo tempo di Birgen Maria, e Mama di Dios, segun humanidad.

Nos mester reconoce un y mesun Dios Cristo Señor, Yiu unico di dos naturalesa, sin
confusion, sin cambio, sin division, sin separacion. E diferencia di e naturalesanan, di
ningun manera, ta keda aboli pa motibo di su union, sino cu e caracteristicanan di
cada un di e naturalesanan ta keda preserva ora nan a bin hunto den un solo persona
(prosopon) y un solo hypostasis.

÷468
Despues di e Concilio na Calcedonia, algun a mira e naturalesa humano di Cristo como
un sorto di suheto personal. Contra esaki, e di cinco Concilio Eucumenico, na
Constantinopel na aña 553 a reconoce: “No tin mas cu un solo hipostasis (persona),
kende ta nos Señor Hesucristo, un di e Trinidad87. Pesey tur cos den humanidad di
Hesuscristo nos mester atribui na su persona divino como tambe na su mes suheto88,
no solamente e milagernan, sino tambe e sufrimentonan89 y su morto tambe: Esun cu
a keda crucifica den carni, nos Señor Hesucristo, ta Dios di berdad, Señor di Gloria y
uno di Santisima Trinidad”.

÷469
Iglesia asina ta reconoce cu Hesus ta inseparablemente berdadero Dios y berdadero
hende. Di berdad mes e ta Yiu di Dios, cu a bira hende, nos ruman, anto esey sin laga
di ta Dios, nos Señor:

“Id qoud fuit remansit et quod non fuit assumsit” (“Sin laga di ta loke E ta, el a asumi
loke E no ta”), asina e liturgia Romano ta canta91. Y e liturgia di San Huan Crisostomo
ta proclama y canta: “O unico Yiu y Verbo di Dios! Abo cu ta inmortal, abo cu a digna
bo mes pa salba nos, cu a tuma carni di Santa Mama di Dios y semper Birgen Maria.
Abo, Cristo Dios, sin sufri cambio, bo a bira hende y na cruz, cu bo morto bo a vence
morto. Abo, uno di e Santisima Trinidad, glorifica cu Tata y Spirito Santo, salba
nos!”92

÷470
Ya cu den e union misterioso di Encarnacion “e naturalesa humano a ser asumi, no
absorbi,93 Iglesia a reconoce den transcurso di siglo, e pleno realidad di alma
humano, cu su actonan di inteligencia y boluntad y di e curpa humano di Cristo. Pero
di modo paralelo, e mester a recorda na cada ocasion cu e naturalesa humano di
Cristo ta pertenece propiamente na e persona divino di Yiu di Dios cu el a asumi. Tur
loke e ta y ta haci ta pertenece na “uno di e Trinidad”. Yiu di Dios ta comunica pues,
na su humanidad su propio modo personal di existi den e Trinidad. Asina den su alma
y den su curpa, Cristo ta expresa di manera humano e comportamento divino di e
Trinidad94: E Yiu di Dios… a traha cu man di hende, a pensa cu inteligencia di hende,
a actua cu boluntad di hende, a stima cu curason di hende. Naci di La Birgen Maria, el
a bira di berdad mes un di nos, den tur cos semehante na nos cu excepcion den pica.

÷471
Apolinar di Laodicea a afirma cu den Cristo e Verbo a sustitui e alma of spirito. Contra
e eror aki Iglesia a reconoce cu e Yiu eterno a asumi tambe un alma racional humano.

÷472
E alma humano aki cu yiu di Dios a asumi ta yena di un berdadero conocemento
humano. Como tal, esaki no tabata por pa su mes ser ilimita: el a desaroya den e
condicionnan historico di su existencia den espacio y tempo. P’esey Yiu di Dios, ora el
a bira hende kier a progresa “den sabiduria, estatura y gracia” (Lc 2, 52) y igualmente
adkiri loke condicion humano ta adkiri di manera experimental97. Esaki a coresponde
cu e realidad cu boluntariamente el a tuma “condicion di catibo” (Flp 2, 7).

÷473
Pero na mesun momento, e conocemento berdaderamente humano aki di Yiu di Dios a
expresa e bida divino di su persona98. “E naturalesa humano di e Yiu di Dios, no riba
su mes, pero pa su union cu e Verbo, a conoce y a manifesta den dje tur loke ta bin di
Dios99. Esaki ta sosode principalmente den loke ta referi na e conocemento intimo y
inmediato cu e Yiu diDios cu a bira hende tin di su Tata100. E Yiu, den su
conocemento humano a mustra tambe e poder divino cu e tabatin di por penetra den
e pensamento secreto di curason humano.

÷474
Debi na su union cu Sabiduria divino den e persona di e Verbo encarna, e
conocemento humano di Cristo a gosa den plenitud di conocemento di e plannan
eterno cu el a bin revela102. Loke e ta reconoce di no sa riba e tereno aki103, na un
otro luga e ta declara di no tin e mision pa revel’e.

Boluntad humano di Cristo

÷475
Di manera paralelo, Iglesia a profesa den e di seis Concilio Eucumenico105 cu Cristo ta
posee dos boluntad y dos operacion natural, divino y humano, no contrario di otro,
sino cooperante di manera cu e Palabra cu a bira carni, den su obedencia na Tata
tabata desea humanamente tur loke cu el a dicidi divinamente cu Tata y Spirito Santo
pa nos salbacion106. E boluntad humano di Cristo ta sigui su boluntad divino sin resisti
ni opone, sino tur lo contrario kedando subordina na boluntad omnipotente”.

Berdadero curpa di Cristo

÷476
Como cu e Verbo a bira carni, asumiendo un berdadero humanidad, e curpa di Cristo
tabata limita108. P’esey hende por “pinta” e cara humano di Hesus (Ga 3, 2). Den e
di shete Concilio Eucumenico, Iglesia a reconoce cu su representacion den imagen
sagrado ta legitimo.
÷477
Na mes momento, Iglesia semper a admiti cu den curpa di Hesus, Dios, “cu tabata
invisibel den su naturalesa a haci su mes visibel”110. Efectivamente, e particularidad
individual di curpa di Cristo ta expresa e persona divino di Yiu di Dios. El a haci e
caracteristicanan di su propio curpa humano asina tanto di dje, cu pinta den un
imagen sagrado, hende por vener’e, pasobra e creyente cu ta venera su imagen, “ta
venera e persona cu e ta representa”.

Curason di Verbo encarna

÷478
Hesus, durante su bida, su agonia y su pasion a conoce y stima nos tur y cada un di
nos y El a entrega su mes pa cada un di nos: “E Yiu di Dios a stima mi y a entrega su
mes pa mi” (Ga 2, 20). El a stima nos tur cu un curason humano. Pa e motibo aki,
Sagrado Curason di Hesus, traspasa pa nos picanan y pa nos salbacion112, “ta ser
considera como e principal expresion y simbolo... di amor, cu cual e divino Redentor
ta stima continuamente Tata eterno y tur hende”.

÷479
Den e momento, estableci pa Dios, e Yiu Unico di Tata, e Palabra eterno, kiermen, e
Verbo y imagen substancial di Tata, a bira carni: sin perde e naturalesa divino, el a
asumi e naturalesa humano.

÷480
Hesucristo ta berdadero Dios y berdadero hende den e unidad di su Persona divino, pa
e motibo aki E ta e unico Mediador entre Dios y hende.

÷481
Hesucristo tin dos naturalesa, divino y humano, no bruha, sino uni den e unico
Persona di e Yiu di Dios.

÷482
Cristo, siendo berdadero Dios y berdadero hende, tin inteligencia y boluntad humano
perfectamente di acuerdo y someti na su inteligencia y su boluntad divino cu e tin den
comun cu Tata y Spirito Santo.
÷483
E encarnacion ta pues, e misterio di e admirabel union di naturalesa divino y e
naturalesa humano den e unico Persona di e Verbo.

÷484
E anuncio na Maria a inaugura “e plenitud di tur tempo” (Ga 4, 4), esta, e
cumplimento di promesa haci y di preparacion. A invita Maria pa concebi esun den
cual “corporalmente lo biba e plenitud di e divinidad” (Col 2, 9). Riba su pregunta:
“Con esey por ta, ya cu mi no conoce ningun hende homber?” (Lc 1, 34), a dun’e e
contesta divino, pa medio di poder di Spirito: “Spirito Santo lo baha riba bo” (Lc 1,
35).

÷485
E mision di Spirito Santo semper ta uni y ta poni riba orden segun esun di e Yiu114. A
manda Spirito Santo pa santifica scochi di Birgen Maria y pa fecund’e pa medio di
Dios: “E ta Señor cu ta duna bida”, percurando asina cu e ta ricibi e Yiu eterno for di
Tata den un naturalesa humano tuma for di dje.

÷486
E unico Yiu di Tata, concebi como hende den scochi diBirgen Maria, desde principio di
suexistencia humano ta“Cristo” miho bisa,esun hunta pa Spirito Santo115. Aunke su
manifestacion no a tuma luga sino progresivamente na: e wardadornan di carne116, e
magonan117, na Huan Bautista118 y e discipelnan119. P’esey, henter Hesucristo su
bida lo manifesta con “Dios a hunt’e cu Spirito Santo y cu poder (Hch 10, 38).

÷487
Loke fe catolico ta kere tocante Maria ta bini di loke nan ta kere tocante Cristo, pero
locual nan ta siña tocante di Maria ta ilumina na mes momento e fe den Cristo.

÷488
“Dios a manda su Yiu” (Ga 4, 4), pero pa forma un curpa p’e120, e tabata desea e
cooperacion boluntario di un criatura. Pesey for di tur eternidad, Dios a scoge como
Mama di su Yiu, un yiu muhe di Israel, un mohe Hudiu hoben for di Nazaret na Galilea,
“un birgen cu a caba di compromete su mes cu un homber yama Hose, for di famia di
David; nomber di e birgen aki tabata Maria” (Lc 1, 26-27):

Tabata boluntad di Tata misericordioso pa e Encarnacion ta precedi pa consentimento


di parti di e Mama predestina, ya cu mescos cu un muhe ta comparti den binimento di
morto, asina tambe un muhe lo mester contribui na binimento di bida.

÷489
A lo largo di henter Aliansa Antiguo, e mision di hopi muhe santo a prepara e mision di
Maria. Na principio di tur tempo tabatin Eva, cu apesar di su desobediencia ta ricibi e
promesa cu un di su descendientenan lo ta e vencedo di e Malbado122 y di lo ta Mama
di tur cu ta biba123. Den virtud di e promesa aki Sara ta concebi un yiu, apesar di su
edad avansa caba124. Contra tur expectativa humano, Dios ta scoge esnan cu nan ta
mira como impotente y debil125, pa demostra fieldad na su promesa. Entre nan Ana,
mama di Samuel126, Debora, Ruth, Judith, Ester y hopi muhe mas. Maria a “sobresali
entre e humildenan y e pobernan di Señor, cu ta warda cu confiansa e salbacion for di
dje y cu ta brind’e hospedahe. Finalmente cu ne, sublime yiu di Sion, despues di un
wardamento largo riba e promesa, e termino ta yega y e plan nobo di salbacion ta
cuminsa”.

÷490
Pa bira Mama di e Salbador, “Dios a dota Maria cu un don, di acuerdo cu un mision
asina importante”128. Na momento di duna e anuncio, Angel Gabriel a salud’e cu e
palabranan “yen di gracia” (Lc 1, 28). Efectivamente, pa e duna su consentimento
boluntario di su fe na momento di haya e anuncio di su vocacion, tabata necesario pa
e tabata totalmente posei pa e gracia di Dios.

÷491
A lo largo di e siglonan, Iglesia a bira consciente cu Maria “yen di gracia”129 a haya
redencion di Dios desde su concepcion. Esaki ta loke e dogma di Inmaculata
Concepcion, proclama na aña 1854 door di Papa Pio IX, ta declara:

…Bienaventurado Birgen Maria a preserva inmunidad di tur mancha di pica original


desde e prome instante di su concepcion pa gracia particular y privilegio di Dios
omnipotente, como atencion pa e meritonan di Hesucristo Salbador di e genero
humano.

÷492
E “resplandeciente santidad completamente singular” aki cu a “enrikeci?e desde
prome instante di su concepcion”131, ta bin completamente for di Cristo. E ta
“redimi di e manera mas sublime den atencion pa merito di su Yiu”132. Tata a
‘bendicion’e cu tur clase di bendicion spiritual di shelo den Cristo” (Ef 1, 3), mas cu
ningun otro persona crea. El a ”eligie den djE, prome cu creacion di mundo pa ta
santo y inmacula den su presencia, yena cu amor” (Ef 1, 4).

÷493
E tatanan di e tradicion oriental ta yama Mama di Dios, “Esun henteramente Santo”
(‘Panaghia’). Nan ta dun’e culto “como esun liber di tur mancha di pica y como esun
forma pa Spirito Santo y transforma den un criatura nobo”133. Pa gracia di Dios,
Maria a permanece puro di tur pica personal durante henter su bida.

÷494
Na e anuncio cu e lo duna luz na “Yiu di Haltisimo”, pa virtud di Spirito Santo134, sin
conoce ningun homber, Maria a contesta cu obediencia di fe (Rm 1, 5) y sigur cu “pa
Dios no tin nada imposibel”: “Ata aki e sirbido di Señor, haci cu mi segun bo palabra”
(Lc 1, 37-38). Dunando asina su consentimento na palabra di Dios, Maria a bira Mama
di Hesus y aceptando di henter su curason e boluntad divino di salbacion y sin cu
ningun pica a strob’e, el a entrega su mes completamente na e persona y na e obra di
su Yiu, pa sirbi den su dependencia y hunto cu n’E, pa gracia di Dios, na e misterio di
Redencion135:

E, efectivamente, manera San Ireneo ta bisa: “Pa su obediencia” el a logra su mesun


salbacion y di henter genero humano. Pa e motibo aki, varios Tata di antiguedad, den
nan predicashi ta coincidi cu esaki afirmando cu: “e conopi di desobediencia cu Eva a
mara pa falta di fe, Birgen Maria a los cu su fe”. Loke e birgen Eva a mara pa motibo
di falta di fe, Birgen Maria a los cu su fe. Comparando e cu Eva, ta yama Maria “Mama
di e bibonan” y cu mas frecuencia ta afirma cu “morto a bin door di Eva y bida door di
Maria”.

÷495
Yama den Evangelio como “Mama di Hesus” (Hu 2, 1; 19, 25)137, Maria ta aclama,
bou di impulso di Spirito Santo, como “Mama di Señor”, desde prome cu e nacemento
di su Yiu (Lc 1, 43). Efectivamente, esun cu el a concebi como hende pa obra di
Spirito Santo y cu berdaderamente a bira yiu segun e carni ta ningun otro cu e Yiu
Eterno di Tata, e segundo persona di Santisimo Trinidad. Iglesia ta profesa cu Maria,
berdaderamente ta “Mama di Dios” (Theotokos).
÷496
Desde prome formulacion di fe139, Iglesia a confesa cu a concibi Hesus den scochi di
Birgen Maria unicamente a traves di Spirito Santo, afirmando tambe e aspecto
corporal di e suceso aki: a concebi “absque semine ex Spiritu Sancto”140, esaki ta
nifica sin simiya di homber pero pa obra di Spirito Santo. E padernan ta mira e
concepcion birginal como e signo cu, esun cu a bin den un humanidad manera esun di
nos, ta berdaderamente Yiu di Dios:

Asina San Ignacio di Antoquia (na cuminsamento di siglo II) a bisa: “Sea firmemente
convenci encuanto cu nos Señor ta berdaderamente di rasa di David segun carni141,
cu e ta Yiu di Dios142, segun boluntad y poder di Dios, cu berdaderamente el a nace
for di un birgen... cu berdaderamente nos a clab’e den su carni bou di Poncio Pilato...
cu berdaderamente el a muri, como tambe berdaderamente el a resucita”.

÷497
E relatonan Evangelico144 ta presenta e concepcion birginal como un obra divino cu
ta sobrepasa tur comprendemento y posibilidad humano145: “E yiu den dje ta bin di
Spirito Santo”, asina e angel a bisa Hose, su casa recien (Mt 1, 20), tocante Maria.
Iglesia ta ira den esaki ecumplimento di e promesa divino, haci door di profeta Isaias:
“T’asina cu e birgen lo keda concebi y lo duna luz na un yiu homber”.

÷498
Tin biaha e silencio cu ta reina den Evangelio di San Marco y den e cartanan di
Testament Nobo, encuanto e concepcion birginal di Maria ta desconcertante. Tambe
ta keda plantea si no ta trata aki

di un leyenda of di un construccion teologico sin pretension historico. E contesta riba


esaki mester ta; cu fe den concepcion birginal di Hesus a topa cu oposicion fuerte, cu
burla of incomprension di parti di esnan cu no ta kere, esta Hudiu y pagano147; no a
origina for di mitologia pagano ni for di un adaptacion di e idea den su tempo. E
sentimento di e misterio aki no ta accesibel mas sino pa e fe cu ta mira den esaki “e
laso cu ta uni e misterionan na otro”148 denter di e conhunto di Misterio di Cristo,
desde su Encarnacion te su Pasco. San Ignacio di Antioquia ya a duna testimonio di e
vinculo aki: “E Prins di e mundo aki no a nota e birginidad di Maria y su parto, ni
tampoco e morto di Señor: e tres misterionan resonante aki cu a keda realisa den
silencio di Dios”.

÷499
E profundisacion di fe den maternidad birginal a hiba Iglesia na confesa e birginidad
real y perpetua di Maria150, incluso durante dunamento di luz di e Yiu di Dios, cu a
bira hende151. Efectivamente, e nacemento di Cristo “leu di disminui a consagra e
integridad birginal“ di su Mama152. Liturgia di Iglesia ta celebra Maria como e
“Aeiparthenos”, esun “semper Birgen”.

÷500
Algun biaha tin obhecion encuanto esaki, ya cu Scritura ta menciona algun ruman
homber y muhe di Hesus154. Iglesia semper ta comprende bou di e pasahenan aki cu
no ta referi na otro yiu di Birgen Maria; efectivamente, Santiago y Hose “rumannan di
Hesus” (Mt 13, 55) ta e yiunan di un tal Maria, discipulo di Cristo,155 cu
specificamente ta referi na dje como e “otro” Maria (Mt 28, 1). Ta trata di un famia
cerca di Hesus, segun expresa den Testament Bieu.

÷501
Hesus ta e unico Yiu di Maria. Pero maternidad spiritual di Maria ta extende157 na tur
hende, cu El a bin pa salba: “El a duna luz na e Yiu cu Dios a constitui como e mayo di
hopi ruman (Rm 8, 29), miho bisa, di e creyentenan, pa kendenan E ta colabora cu
amor di Mama den nan nacemento y educacion.

÷502
E wowo di fe, den contexto di henter e Revelacion, por descubri e motibonan
misterioso di con Dios, den su plan di salbacion, tabata desea pa Su Yiu nace for di un
birgen. E motibonan aki ta referi tanto na e persona di Cristo y su mision redentor,
como tambe na e acceptacion cu Maria a duna na e mision ey, na nomber di tur
hende.

Catisashi di IglesiaCatolico

÷503
E birginidad di Mariata manifesta e iniciativaabsoluto diDios den Encarnacion Hesus su
unico Tata ta Dios159. “Naturalesa humano cu el a tuma no a aleh’e nunca for di su
Tata... substancialmente cu su Tata den divinidad; substancialmente cu su Mama den
nos humanidad, pero propiamente Yiu di Dios den su dos naturalesanan”.

÷504
A concebi Hesus door di obra di Spirito Santo, den scochi di Birgen Maria, pasobra E ta
e Adam Nobo161, cu lo inaugura e creacion nobo: “E prome homber tabata di mundo,
un homber di tera; di dos ta di shelo (1 Co 15, 47). E humanidad di Cristo desde su
concepcion ta yena cu Spirito Santo, pasobra Dios ta “duna Spirito sin midi” (Hu 1,
13). Di “su plenitud”, como Cabes di humanidad salba162, “nos tur a ricibi gracia y
masgracia” (Hu 1, 16).

÷505
Hesus, e Adam Nobo, pa medio di su concepcion birginal, ta inicia e nacemento nobo
di e yiunan adoptivo den Spirito Santo pa medio di fe. Con esey por ta? (Lc 1, 34)163.
Participacion den bida divino no ta origina “di sanger, ni di deseo carnal, ni di deseo
di hende, sino di Dios” (Hu 1, 13). Ricibimento di e bida aki ta birginal pasobra Spirito
ta regala esaki completamente na hende. E sentido di ta un bruid encuanto e
vocacion humano den su relaciona cu Dios164, ta keda perfectamente cumpli den e
maternidad birginal di Maria.

÷506
Maria ta birgen pasobra su birginidad ta e signo di su fe, “sin ta mancha pa duda
algun” y di su entrega total na boluntad di Dios165. Su fe a pone cu el a bira Mama di
e Salbador;“Beatior est Maria percipiendo fidem Christi quam concipiendo carnem
Christi” (“Mas bienaventurado Maria ta door di a ricibi Cristo pa su fe, cu pa concibi
den su scochi carni di Cristo”).

÷507
Maria ta birgen y mama alabes pasobra e ta e imagen y e realisacion mas perfecto di
Iglesia167: “Iglesia ta converti su mes den Mama pa medio di palabra di Dios acepta
cu fe. Ya cu pa medio di predicashi y bautismo, e ta engendra e yiunan concebi di
Spirito Santo y naci di Dios pa un bida nobo y inmortal. E ta e birgen tambe cu ta
mantene integro y puro e fieldad priminti na e Bruidegom”.

÷508
For di descendencia di Eva, Dios a scoge Birgen Maria pa bira Mama di su Yiu. E “yen
di gracia” ta e fruta excelente di redencion169; desde e prome momento di su
concepcion el a keda totalmente liber di e mancha di pica orginal y el a permanence
puro di tur pica personal, durante henter su bida.

÷509
Maria berdaderamente ta “Mama di Dios”, pasobra e ta Mama di e Yiu eterno di Dios
cu a bira hende y cu ta Dios mes.

÷510
Maria tabata “Birgen na momento di concepcion di su yiu, Birgen durante su
embaraso, Birgen durante e parto, Birgen despues di e parto y Birgen pa semper”170;
cu henter su ser e ta “sirbido di Señor” (Lc 1, 38).

÷511
Birgen Maria cu “su fe y obediencia a colabora activamente na salbacion di
hende”171. El a pronuncia su “fiat” “loco totius humanae natutae” (“ocupando e luga
di henter naturalesa humano”)172. Pa su obediencia, el a converti den e Eva nobo,
mama di tur bibo.

÷512
Tocante bida di Cristo, e Credo (Simbolo di Fe), ta papia solamente di e misterionan
di Encarnacion (concepcion y nacemento) y di Pasco (pasion, crucificacion, morto,
deramento, bahamento na fierno, resureccion y ascencion). No ta menciona nada
explicitamente di misterio di bida priva y publico di Hesus. Pero e articulonan di fe,
referente na Encarnacion y Pasion di Hesus, ta ilumina henter bida terenal di Cristo.
“Tur loke Hesus a haci y a siña desde cuminsamento te na e dia cu… a hib’e shelo”
(Hch 1,1-2), mester mira den luz di e misterionan di Pasco di Nacemento y Pasco di
Resureccion.

÷513
Catisashi, segun circunstancia, mester presenta tur rikesa di e Misterionan di Hesus.
Akiden ta indica suficientemente, algun elemento comun di tur Misterio di bida di
Cristo (1), pa deliña seguidamente e misterionan principal di e bida priva (2) y bida
publico (3) di Hesus.

÷515
E hendenan cu a pertenece na e promenan cu tabatin fe, a skirbi e Evangelio174 y nan
tabata compartie cu e otronan. Door di conoce, pa medio di nan fe, ken Hesus ta, nan
por a mira y haci otro mira e pistanan di su Misterio durante henter su bida aki na
tera. Desde e bruki di su nacemento175 te na e binager di su Pasion176 y e mortaha di
su Resureccion177, tur cos di bida di Hesus ta señal di su Misterio. Pa medio di su
actonan, su milagernan y su palabranan, a revela cu “den djE, corporalmente (Col 2,
9), ta biba henter e plenitud di Divinidad”. Su humanidad a aparece como
“sacramento”, es decir, e señal y instrumento di su divinidad y di e salbacion, cu e ta
trece. Loke tabata visibel den su bida terenal ta conduci na e misterio invisibel di su
descendencia divino y di su mision di redentor.

÷516
Henter Cristo su bida ta Revelacion di Tata; su palabranan y su obranan, su silencio y
su sufrimento, su manera di ta y di papia, Hesus por a bisa: “Esun cu ta mira mi ta
mira Tata” (Hu 14, 9) y e Tata por bisa: “Esaki ta mi Yiu stima; scuch’e” (Lc 9, 35).
Nos Señor, birando hende pa cumpli cu boluntad di Tata178, te hasta e detayenan di
mas chikito di su misterionan ta manifesta “e amor di Dios… pa nos” (1 Hu 4, 9).

÷517
Henter Cristo su bida ta Misterio di Redencion. Nos ta haya Redencion prome cu tur
cos pa via di sanger di e cruz179, pero e misterio aki ta activo den henter bida di
Cristo. Esaki ya desde su Encarnacion, pasobra birando pober el a enrikece nos door di
su pobresa180; den su bida priva unda e ta paga pa nos rebeldia pa medio di su
sumision181; den su palabra cu ta purifica esnan cu ta scuch’e182; den su
curacionnan y sacamentonan di diabel, pa cual “El a kita nos flakesa y a carga nos
enfermedadnan” (Mt 8, 17)183; den su Resureccion, pa medio di cual e ta hustifica
nos.

÷518
Henter Cristo su bida ta Misterio di Recapitulacion. Tur loke Hesus a haci, a bisa y a
sufri, tabatin como meta restablece e hende cu a cay pa e por realisa su prome
vocacion:

Na momento cu Cristo a encarna y bira hende, el a recapitula den su mes e historia


largo di humanidad, y a ofrece nos salbacion den su propio historia, ya cu loke nos a
perde den Adam, es decir, ta imagen y semehansa di Dios, nos lo por haya bek den
Cristo Hesus185. Pa e motibo aki Cristo a biba tur etapa den bida humano,
debolbiendo asina e comunion cu Dios na tur hende.

÷519
Henter rikesa di Cristo ta pa tur hende y ta e bon di cada un187. Cristo no a biba su
bida pa su mes, sino pa nos, desde su Encarnacion “pa nos e hendenan y pa nos
salbacion” te na su morto, “pa nos picanan” (1 Co 15, 3) y den su Resureccion “pa nos
hustificacion” (Rm 4, 25). Awo ainda e ta “nos abogado cerca di Tata” (1 Hu 2, 1), “E
ta biba pa semper pa intercede pa nos serca Dios” (Hb 7, 25). “El a drenta shelo mes
pa aya presenta dilanti di Dios na nos fabor” (Hb 9, 24).

÷520
Durante henter su bida, Hesus a aparece como “nos modelo”188: E ta e “hende
perfecto”189 cu ta invita nos pa bira su discipelnan y pa siguie; cu su humiliacion, el a
duna nos un ehempel pa sigui190; cu su oracion e ta atrae oracion191; cu su pobresa,
e ta haci un yamada pa acepta libremente escasez y persecucion.

÷521
Tur loke Cristo a biba ta haci cu nos por bib’e den dje y cu e ta biba den nos. Cu su
encarnacion, e Yiu di Dios, a uni den cierto modocu tur hende193. Nos ta yama pa ta
cu un cos so cu nE; e ta pone nos bay di acuerdo, encuanto parti di su Curpa, di loke
el a biba den su carni pa nos y como nos modelo:par
Nos mester sigui y nos mester cumpli cu condicion y Misterio di Hesus y
frecuentemente pidie pa realisa esaki y pa hib’e den nos plenitud y den Iglesia
henter… Pasobra e Yiu di Dios tin e intencion pa haci, participa, extende y continua su
Misterionan den nos y den henter Iglesia pa gracia cu E ta desea di comunica nos y pa
e efectonan cu e kier logra den nos, danki na e Misterionan. Y pa medio di esaki E ta
desea di realiza nan den nos.

÷522
E binimento na tera di e Yiu di Dios ta un acontecimento asina inmenso cu Dios a
dicidi pa prepar’e durante siglo y siglonan. Tur e rito y sacrificio, figura y simbolo di e
“Prome Aliansa” (Hb 9, 15), tur E ta laga convergi cu Cristo; E ta anunci’E pa boca di
e profetanan, cu a sigui otro na Israel. Ademas E ta lanta den curason di e paganonan
un speransa, ainda confuso, di e binimento di Cristo.

÷523
San Huan Bautista ta e precursor195inmediato di Señor, paprepara e caminda p’E196.
'93Profetadi Altisimo”(Lc 1, 76), cu ta sobrepasa tur profeta197, di cual e ta e
ultimo198, el a inaugura e Evangelio199; for di scochi di su mama200 e ta saluda e
binida di Cristo y ta haya su alegria door di ta e “amigo di e bruidegom” (Hu 3, 29), cu
e ta señala como “e Lamchi di Dios cu ta kita pica di mundo” (Hu 1, 29). Precediendo
Hesus “cu e Spirito y poder di Elias” (Lc 1, 17), e ta duna testimonio di dje mediante
su predicashi, su bautismo di conversion y finalmente mediante su martirio.
÷524
Celebrando anualmente e liturgia di Advent, Iglesia ta actualisa e wardamento riba e
Mesias: participando na e preparacion largo di e prome binimento di e Salbador, e
fielnan ta renoba e deseo ardiente di su segundo binimento202. Celebrandoe
nacemento y e martirio di e Precursor, Iglesia ta uni su mes na e deseo aki: “Ta
necesario pa e crece y ami disminui” (Hu 3, 30).

÷525
Hesus a nace den un stal humilde di un famia pober203; algun cuidado di bestia
senciyo tabata e prome testigonan di e acontecimento. Den e probesa aki gloria di
shelo a manifesta su mes204. Iglesia no ta cansa di canta e gloria di e anochi ey:

Awe La Birgen a duna luz na e Eterno,y tera a ofrece un cueba na e


Inaccesibel.Angelnan y wardadornan ta alab’EE Magonan ta cana cu e streya;Pasobra a
nace pa nos,e Niño chikito,e Dios prome cu siglonan.

÷526
“Bira mucha” relaciona cu Dios ta e condicion pa drenta den Reino206. Pa haci esaki
ta necesario pa bo rebaha bo mes207, haci bo mes chikito; mas ainda: ta necesario pa
“nace di nobo”(Hu 3, 7), “nace di Dios”208 pa “bira yiu di Dios” (Hu 1, 12). ”E
Misterio di Pasco di Nacemento ta realisa su mes den nos ora Cristo “haya forma” den
nos209. Pasco di Nacemento ta e Misterio di “e intercambio admirabel aki”:

“O admirabile commercium!” E Creado di genero humano, tumando curpa y alma, a


nace di un birgen y birando hende sin asistencia di homber, ta laga nos comparti den
su divininad.

÷527
E circuncision di Hesus, riba di ocho dia di su nacemento211, ta e señal di su
incorporacion den descendencia di Abraham, den pueblo di Aliansa. E ta e señal di su
sometemento na Ley212 y di su consagracion na e culto di Israel, na cual e lo
participa durante henter su bida. E signo aki ta prefigura e “circuncision di Cristo” ey,
cu ta e Bautismo.

÷528
Epifania ta manifestacion di Hesus como Mesias di Israel, Yiu di Dios y Salbador di
mundo. Cu bautismo di Hesus den riu Jordano y casamento di Cana214, Epifania ta
celebra adoracion di Hesus door di algun “mago” cu a bin for di Oriente215. Den e
“magonan” aki, representantenan di religionnan pagano di pueblonan bisiña,
Evangelio ta mira e prome nacionannan cu ta acepta, pa medio di Encarnacion, e Bon
Noticia di salbacion. E yegada di e magonan na Herusalem pa “rindi homenahe na e
Rey di Hudiunan”216 ta demostra cu nan ta buscando, na Israel, pa medio di e luz
mesianico di e streya di David217, na Israel, esun cu lo bira rey di tur nacion218. Nan
binimento ta nifica cu paganonan por descubri Hesus y ador’e como Yiu di Dios y
Salbador di mundo, simplemente door di aserca Hudiunan219 y ricibi di nan e promesa
mesianico manera ta poni den Testament Bieu220. Epifania ta manifesta cu “e
multitud di paganonan ta drenta den famia di e patriarcanan”221 y cu nan ta adkiri
“dignidad di e pueblo eligi di Israel”.

÷529
Presentacion di Hesus den Tempel223 ta demostr’e como e Primogenito cu ta
pertenece na Señor224. Cu Simeon y Ana henter Israel ta spera su encuentro cu e
Salbador – e nomber duna na e evento aki den e tradicion Bizantino. Ta reconoce
Hesus como e Mesias tan spera, e “luz di nacion” y e “gloria di Israel”, pero tambe
“un señal di contradiccion”. E spada di dolor pronostica pa Maria, ta anuncia otro
ofrenda, perfecto y unico, esun di Cruz cu lo trece e salbacion cu Dios a prepara “pa
tur pueblo”.

÷530
E Huida pa Egipto y e matansa di inocente225 ta demostra e oposicion di scuridad
contra e luz: “El a bin su Cas y su mesun hendenan no a ricibie”. Henter Hesus su bida
lo ta den luz di persecucion. Su hendenan ta comparti esaki cu ne226. Su regreso for
di Egipto227 ta recorda e exodo228 y ta presenta Hesus como e libertador definitivo
di pueblo di Dios.

÷531
Hesus a comparti, durante mayoria parti di su bida, e condicion di e inmenso mayoria
di hende; un bida diario sin aparente importancia, un bida di trabou manual, un bida
religioso di un Hudiu someti na ley di Dios229, un bida den e comunidad. Di henter e
periodo aki a wordo conta na nos cu Hesus tabata “someti” na su mayornan y cu e
“tabata progresa den sabiduria, y den gracia di Dios y hende” (Lc 2, 51-52).

÷532
Cu sumision na su Mama y na su tata legal, Hesus ta cumpli perfectamente cu e di
cuater mandamento. E ta e imagen temporal di su obediencia filial na su Tata
Celestial. E sumision diario di Hesus na Hose y Maria ta anuncia y anticipa e sumision
di Diahuebs Santo: “No haci mi boluntad…” (Lc 22, 42). E obediencia di Cristo na e
bida diario priva ta inaugura ya caba e obra di restauracion di loke e desobediencia di
Adam a destrui.

÷533
E bida scondi na Nazaret ta permiti tur hende di yega den contacto cu Hesus pa medio
di e caminda mas comun di bida humano:

Nazaret ta e scol na unda ta cuminsa na comprende e bida di Hesus. E scol caminda ta


cuminsa cu conocemento di Evangelio… E prome les ta silencio. Mare e amor pa
silencio e mentalidad admirabel y indispensabel, renoba y fortalece su mes den nos…
Tambe e ta ofrece nos un les den bida familiar. Mare Nazaret siña nos tambe e
nificacion di bida familiar, su comunion di amor, su beyesa senciyo y sobrio, y su
caracter sagrado y inviolabel... Finalmente aki tambe nos ta siña e les den trabou.
Nazaret e cas di e “Yiu di e Carpinte”. Con nos ta desea di comprende e sobrio, pero
redentor ley di trabou humano. Finalmente, nos ta desea desde aki di saluda tur
trahado di mundo y fiha nan atencion riba nan gran modelo, nan ruman cu ta Dios.

÷534
E hayamento di Hesus den Tempel232 ta e unico suceso cu a kibra e silencio di
Evangelio encuanto e añanan scondi di Hesus. Cu esaki Hesus a duna un impresion di e
misterio di su consagracion total na e mision, cu ta resultado di su filiacion divino:
“Boso no sa cu mi mester haci trabou di mi Tata?” Maria y Hose “no a comprende” e
palabranan aki, pero nan a acepta esaki cu fe y Maria “cuidadosamente a conserva tur
cos den su curason”, durante tur e añanan cu Hesus a permanece scondi den silencio
di un bida comun.

÷535
Cuminsamento233 di bida publico di Hesus ta su bautismo door di Huan den riu
Jordano234. Huan tabata proclama “un bautismo di conversion pa pordon di pica” (Lc
3, 3). Un multitud di pecado, cobrado di belasting y solda235, fariseo, saduseo236 y
prostituta237 a lag’e bautisa nan. “E ora ey Hesus a aparece”. E Bautista a duda.
Hesus ta insisti y ta ricibi bautismo. E ora ey Spirito Santo, den forma di un palomba,
a baha riba Hesus y e bos di shelo a proclama cu esaki ta “mi Yiu stima”238. Esaki ta
e manifestacion (Epifania) di Hesus como Mesias di Israel, e Yiu di Dios.
÷536
Di su parti, bautismo di Hesus ta aceptacion y inauguracion di su mision como Sirbido
sufriente di Dios. El a laga nan cont’e entre e pecadornan239; ya caba e ta e “Lamchi
di Dios cu ta kita pica di mundo” (Hu 1, 29); ya caba e ta anticipa e “bautismo” di su
morto sangriente240. Ya El a bin pa “cumpli cu tur husticia” (Mt 3, 15), miho bisa, e
ta somete su mes completamente na boluntad di su Tata: pa amor E ta acepta e
bautismo di morto pa pordon di nos picanan241. Na e aceptacion aki e bos di Tata ta
contesta cu henter su complacencia den su Yiu242. E Spirito cu Hesus ta posee den
plenitud desde su concepcion ta bin pa “baha” riba dje (Hu 1, 32-33)243. Hesus lo ta
e fuente di e Spirito pa henter humanidad. Cu su bautismo “shelo” cu e pica di Adam
a sera “a habri” (Mt 3, 16); y door di bahamento di Hesus y di Spirito e awanan a
wordo santifica, como preludio di e creacion nobo.

÷537
Pa medio di bautismo, e Cristian ta compara su mes sacramentalmente cu Hesus,
kende, cu su bautismo, ta anticipa su morto y su resureccion; e mester drenta den e
misterio di humiliacion humilde y di arepentimento, e mester descende den awa
hunto cu Hesus pa por resucita cu ne, pa nos renace di awa y di e Spirito pa por bira e
yiu stima di Tata, den e Yiu y “biba un bida nobo” (Rm 6, 4):

Laga nos dera nos mes cu Cristo pa medio di bautismo pa resucita cu nE; laga nos
baha cu nE pa resucita cu nE; y laga nos resucita cu nE pa wordo glorifica cu nE.

Tur loke a pasa cu Cristo ta siña nos cu despues di e baño cu awa, Spirito Santo ta
baha riba nos for di shelo y cu, adopta pa medio di bos di Tata, nos ta yega na bira
yiunan di Dios.

÷538
Evangelio ta papia di un tempo di soledad di Hesus den desierto, inmediatamente
despues di su bautismo door di Huan: “Impulsa door di Spirito” pa bay desierto, Hesus
a keda ey durante cuarenta dia. El a biba memey di bestia y e angelnan a sirbie246.
Na final di e temporada aki, Satanas a tent’E tres biaha, tratando di pone na prueba e
posecion di Hesus como Yiu enfrente Dios como Tata. Hesus ta rechasa e atakenan
aki, cu ta recapitula etentacionnan di Adam den Paraiso y esunnan di Israel den
desierto y diabel ta aleha su mes for di dje “tena e tempo determina” (Lc ,13).

Catisashidi Iglesia Catolico

÷539
Evangelistanan ta indica e sentido di salbacion di e acontecimento misterioso aki.
Hesus ta e Adam nobo cu ta permanece fiel, caminda e prome Adam a sucumbi pa
tentacion. Hesus a cumpli perfectamente u vocacion di Israel: contrario na snan cu
anteriormente a provoca Dios durante cuarenta aña den desierto247. Cristo ta revela
su mes como e Sirbido di Dios, completamente obedecido na boluntad divino. Den
esaki Hesus ta e vencedo di diabel; el a “mara e homber fuerte” pa kita loke el a
horta for di dje248. Victoria di Hesus riba e Tentado den desierto ta anticipa e
victoria di Pasion, e supremo acto di obediencia di su amor di Yiu pa Tata.

÷540
Tentacion di Hesus ta revela e manera cu e Yiu di Dios ta Mesias, contrario na loke
Satanas ta propone na dje, y na loke hende249 kier atribui na dje. Ta p’esey Cristo a
vence e Tentado pa nos: “pasobra nos no tin un gran sacerdote cu no ta capaz di
simpatisa cu nos debilidadnan, pero uno cu a wordo poni na prueba den tur sentido,
mescos cu ta e caso cu nos, sinembargo E no a peca” (Hb 4, 15). Iglesia ta uni su mes
tur aña, durante e cuarenta dianan solem di Cuaresma, na e Misterio di Hesus den
desierto.

÷541
“Despues cu nan a coge Huan preso, Hesus a bay Galilea y a proclama e Bon Noticia di
Dios, bisando: A cumpli cu e tempo y Reino di Dios ta cerca; converti boso mes y kere
den e Bon Noticia” (Mc 1, 15). “P’esey Cristo, pa haci boluntad di Tata, a inaugura
Reino di shelo na tera”250. Ta p’esey, e boluntad di Tata ta pa “eleva hende pa
participa na bida divino”251. E ta haci esaki door di reuni hende alrededor di su Yiu,
Hesucristo. E reunion aki ta e Iglesia, cu na tera ta “e origen y e comienso di e Reino
aki”.

÷542
Cristo ta e curason di e reunion aki di hende den “famia di Dios”. E ta convoca
esakinan alrededor di dje pa medio di su palabranan, pa medio di su señalnan cu ta
manifesta e Reino di Dios y pa medio di su discipelnan cu El a manda. Riba tur cos, e
ta realisa e binimento di su Reino pa medio di e gran Misterio Pascual, su morto na
Cruz y su Resureccion. “Ora lanta mi for di tera, lo mi hala tur hende cerca mi” (Hu
12, 32). Den e union cu Cristo aki, tur hende ta yama pa drenta.

÷543
Un y tur ta yama pa dentra den Reino. Anuncia na prome luga na e yiunan di
Israel254, e reino mesianico aki ta destina pa ricibi hende di tur nacion255. Pa dentra
den dje ta necesario pa ricibi palabra di Hesus:
Palabra di Dios ta comparabel na un simiya sembra den campo: esnan cu ta scucha cu
fe y ta uni nan mes na e manada chikito di Cristo lo ricibi Reino; despues e simiya, di
su mes, ta spruit y ta crece te na tempo di cosecha.

÷544
Reino ta pertenece na e pobernan y esnan humilde, es decir, na esnan cu ta ricibie cu
un curason humilde. A manda Hesus pa “anuncia e Bon Noticia na e pobernan” (Lc 4,
18)257. E ta declara nan bienaventurado, pasobra di “nan Reino di shelo ta” (Mt 5, 3).
Ta na e humildenan Tata a duna e honor di revela na nan e cosnan cu el a tene scondi
pa e sabionan y esnan prudente258. Hesus, for di pesebre te na cruz ta comparti bida
cu e pobernan. E conoce hamber259, sed260 y escasez261. Mas ainda: e ta identifica
su mes cu pobernan di tur clase y ta pone e amor berdadero pa nan como condicion
pa drenta den su Reino.

÷545
Hesus ta invita e pecadonan na e bankete di Reino: “Mi no a bin pa yama e hustonan
sino e pecadonan” (Mc 2, 17)263. E ta invita nan pa converti, sin esaki nan no por
drenta den Reino, pero e ta mustra cu palabra y hecho e misericordia sin limite di su
Tata pa nan264 y e inmenso alegria di shelo pa un solo pecado cu ta converti” (Lc 15,
7). E prueba supremo di e amor aki lo ta e sacrificio di su mes bida “pa pordon di
pica” (Mt 26, 28).

÷546
Hesus ta haci un yamada pa drenta den Reino den forma di parabel, cu ta tipico pa su
siñamento265. Pa medio di nan e ta invita pa e bankete di Reino266, pero e ta exigi
tambe un escogencia radical: pa alcansa e Reino, ta necesario pa duna tur cos267;
palabra so no ta bastante, ta echonan ta necesario268. Parabelnan ta manera
spielnan pa hende. E ta ricibi e palabra manera suela duro of tera fertil?269 Kico e ta
haci cu e talentonan cu el a ricibi?270 Hesus y presencia di Reino den e mundo aki di
un manera misterioso ta forma e esencia di e parabelnan. Hende mester drenta den
Reino, es decir, bira discipel di Cristo pa por “conoce Misterio di Reino di shelo” (Mt
13, 11). Pasobra esnan cu keda “pafo”271, tur cos ta keda enigmatico.

÷547
Hesus ta compaña su palabranan cu hopi “obranan poderoso, milagernan y
simbolonan” (Hch 2, 22) cu ta manifesta cu e Reino ta presente den djE. Nan ta
testigua cu Hesus ta e Mesias priminti.
÷548
E simbolonan cu Hesus ta efectua ta testimonio cu Tata a mand’e274. Nan ta invita pa
kere den Hesus275. Nan ta concede loke esnan cu ta acudi na dje cu fe ta pidi276.
Asina ta, e milagernan ta fortalece e fe den Esun cu ta haci obra di su Tata; esakinan
ta duna testimonio cu e ta Yiu di Dios277. Pero e milagernan por ta tambe
“motibonan pa scandalisa”278. Nan no ta pretende di satisface curiosidad ni deseo
magico di hende. Apesar di su milagernan tan evidente, algun hende ta rechasa
Hesus279; te hasta nan ta acus’e di ta obra mediante poder di demonionan.

÷549
Na momento di libera hende for di malo di e mundo aki281, di inhusticia282, di
enfermedad y di morto283, Hesus a realisa algun simbolo mesianico; a pesar cu, e no
a bin pa aboli tur malo akibou284, sino pa libera hende di e sclavitud di mas grave,
pica285, cu ta stroba hende den su vocacion como yiu di Dios y ta causa tur forma di
sclabitud humano.

÷550
Binimento di Reino di Dios ta nifica e derota di reino di Satanas286: “Si pa Spirito di
Dios mi a expulsa demonionan, anto e ora ey Reino di Dios a yega cerca boso” (Mt 12,
28). E Excorcismonan di Hesus ta libera algun hende di dominio di demonio287. Nan ta
anticipa victoria grandi di Hesus riba “e monarca di e mundo aki” (Hu 12, 31). Pa
medio di Cruz di Cristo lo keda definitivamente estableci, e Reino di Dios: “Regnavit a
lingo Deus”, (“Dios a reina desde e palo di Cruz”).

÷551
Desde cuminsamento di su bida publico Hesus a eligi algun homber, un total di
diesdos, pa ta hunto cu nE y pa participa den su mision289; el a laga nan participa
den su autoridad “y el a manda nan proclama e Reino di Dios y haci curacion” (Lc 9,
2). Nan a keda pa semper asocia cu Reino di Cristo, pasobra mediante nan E ta dirigi
su Iglesia:

Ami, di mi parti, ta pone Reino disponibel pa boso, manera mi Tata a pon?e disponibel
pa mi, pa boso come y bebe na mi mesa den mi Reino y pa boso sinta riba trono pa
husga e diesdos tribunan di Israel (Lc 22, 29-30).
÷552
Den colegio di e diesdosnan aki, Simon Pedro ta ocupa e prome luga290. Hesus ta
confie cu un mision unico. Danki na un revelacion di Tata, Pedro a profesa: “Abo ta
Cristo, Yiu di Dios bibo”. E ora nos Señor a declara na dje: “Abo ta Pedro y riba e
piedra aki mi ta construi mi Iglesia y porta di fierno lo no podera di dje” (Mt 16, 18).
Cristo, “E Piedra bibo” (1 P 2, 4), ta sigura su Iglesia, construi riba Pedro, e victoria
riba poder di morto. Pedro, pa motibo di e fe cu el a profesa, lo ta e baranca
inkebrantabel di Iglesia. E tin como mision di proteha e fe aki contra tur deficiencia y
confirma su rumannan den e fe ey.

÷553
Hesus a confia na Pedro un autoridad specifico: “Mi ta duna bo yabi di Reino di shelo;
y loke bo mara na tera lo keda mara den shelo y loke bo los na tera lo keda gelos den
shelo” (Mt 16, 19). E poder di yabi ta duna autoridad pa goberna cas di Dios, cu ta
Iglesia. Hesus e “Bon Wardado” (Hu 10, 11), a confirma e encargo aki despues di su
resureccion: “Cuida mi carnenan” (Hu 21, 15-17). E poder di “mara y los” ta nifica e
autoridad pa absolve pica, pronuncia sentencia di doctrina y tuma decision
disciplinario den Iglesia. Hesus a confia e autoridad aki na Iglesia door di ministerio di
apostelnan292 y particularmente door di ministerio di Pedro, e unico cu El a confia
explicitamente cu yabi di Reino.

÷554
Desde e dia cu Pedro a profesa cu Hesus ta Cristo,Yiu di Dios bibo, e Maestro “a
cuminsa mustra su discipelnan cu e mester bay Herusalem, sufri…, ser condena na
morto y resucita riba di tres dia” (Mt 16, 21): Pedro ta rechasa e anuncio293 aki y e
otronan no ta comprende esaki tampoco294. Den e contexto aki a pone e episodio
misterioso di Transfiguracion di Hesus,295 riba un sero, dilanti di tres testigo eligi
door di dje: Pedro, Santiago y Huan. E cara y paña di Hesus a bira briyante manera
luz, Moises y Elias a aparece y nan a “papia cu ne di su baymento, cu tabata a punto
pa keda cumpli na Hesuralem” (Lc 9, 31). Un nubia a cubriE y por a tende un bos for
di shelo cu a bisa: “Esaki ta mi Yiu, esun cu mi a eligi; scuch’E” (Lc 9, 35).

÷555
Pa un instante Hesus a mustra su gloria divino, confirmando asina e profesion di
Pedro. Tambe e ta mustra cu pa “drenta den su gloria” (Lc 24, 26), ta necesario pasa
door di e Cruz na Herusalem. Moises y Elias a mira gloria di Dios riba e sero; Ley y
profeta a anuncia sufrimento di Mesias296. Pasion di Cristo ta boluntad pa excelencia
di Tata; e Yiu ta actua como sirbido di Dios297. E nubia ta indica presencia di Spirito
Santo: “Tota Trinita pparuit: Pater in voce; Filius in homine, Spiritus in nube clara”
“Henter Trinidad a aparece: Tata, den e bos; eYiu, den e homber; Spirito anto den e
nubiabriyante”).

Bo a transfigura riba sero y bo discipelnan a contempla bo Gloria, Cristo Dios, asina


leu cu nan por a compronde esaki. P’asina, ora nan mira Bo claba na cruz, nan por
compronde cu bo a padece libremente y nan lo por anuncia na mundo cu Abo ta di
berdad e resplandor di Tata.

÷556
Na drempel di bida publico, e Bautismo; na drempel di Pasco, e Transfiguracion. Door
di Bautismo di Hesus “a manifesta e misterio di e prome renacemento”: nos bautismo.
Transfiguracion ta “sacramento di e di dos renacemento: nos propio resureccion300.
Desde awo nos ta participa den Resureccion di Señor pamedio di Spirito Santo, cu ta
actua den sacramento di Curpa di Cristo. Transfiguracion ta concede nos un vision
anticipa di e glorioso binimento di Cristo “esun cu lo transfigura e curpa miserabel di
nos aki den un curpa glorioso di dje” (Flp 3, 21). Pero e ta corda nos tambe cu “ta
necesario pa nos pasa den hopi tribulacion pa drenta den Reino di Dios” (Hch 14, 22):

Pedro no a compronde esaki ora e kiera keda cu Cristo riba e sero (cf Lc 9, 33). Esaki
a keda reserva pa bo, Pedro, pero pa despues di morto. Pero tanten, Hesus ta bisa:
“Baha pa sufri na tera, pa sirbi na tera, pa wordo desprecia y crucifica na tera. E Bida
ta baha pa wordo mata; e Pan ta baha pa pasa hamber; e Caminda ta baha pa keda
morto cansa di cana; e Fuente ta baha pa sinti sed; y abo, bo ta nenga di sufri?301

÷557
“Manera cu e dianan di su ascencion ta bay cumpliendo, e ta afirma su boluntad di
bay Herusalem” (Lc 9, 51)302. Pa motibo di e decision aki e ta manifesta cu e ta subi
bay Herusalem, dispuesto pa muri. Durante tres ocasion el a ipiti e anuncio di
suPasion y di su Resureccion303. Dirigiendo su mes na Herusalem e ta bisa: “No ta
cuadra cu un profeta ta muri pafo di Herusalem” (Lc 13, 33).

÷558
Hesus ta recorda e martirio di e profetanan cu a muri na Herusalem304. Sinembargo,
e ta persisti di yama Herusalem pa reuni alrededor di dje:“Cuanto biaha mi a desea di
reuni boso yiunan, manera un galiña ta reuni su puyitonan bou di su halanan y boso no
tabata kier” (Mt 23, 37b). Ora E ta mira Herusalem, E ta yora p’e y ta expresa un
biaha mas e deseo di su curason: “Mare abo tambe, riba e dia aki, por a realisa kico ta
trece paz pa bo! Pero awo esey ta scondi pa bo wowonan” (Lc 19, 41-42).
÷559
Con Herusalem lo ricibi su Mesias? Hesus semper a huy di e tentacionnan popular di
haciE bira rey305, pero el a scoge e momento y a prepara e detayenan di su entrada
mesianico den e ciudad di su “tata David” (Lc 1, 32)306. Aclama como yiu di David,
esun cu ta trece salbacion (“Hosana” ta nifica “salba nos!” of “Duna nos salbacion!”),
e “Rey di Gloria” (Sal 24, 7-10) ta drenta den su ciudad “riba un burico”307. Hesus ta
conkista e Yiu Muhe di Sion, un figura di su Iglesia, ni pa medio di astucia ni pa medio
di violencia, sino door di humildad cu ta duna testimonio di e Berdad308. Pa e motibo
aki esnan cu ta someti na su Reino, riba e dia aki a bira e muchanan309 y “e pobernan
di Dios”, cu a aclam’e manera e angelnan a anunci’E na e cuidadonan di carne310.
Nan aclamacion, “Bendiona ta esun cu ta bin den nomber di Señor” (Sal 118, 26),
Iglesia a tuma over den e “Sanctus” di liturgia Eucaristico, cu ta introduci e
conmemoracion di Pasco di Señor.

÷560
Entrada di Hesus den Herusalem ta manifesta e binimento di Reino cu e Rey-Mesias lo
bay ehecuta pa medio di e Pasco di su Morto y su Resureccion. Cu celebracion di e
entrada ey riba diadomingo di Rama, liturgia di Iglesia ta habri Semana Santa.

÷561
“Henter Hesus su bida tabata un constante siñamento: su silencio, su milagronan, su
gestonan, su oracion, su amor pa hende, su preferencia pa e chikitonan y e pobernan,
su aceptacion total di sacrificio na cruz pa salbacion di mundo y su resureccion, ta
actualisacion di su palabra y cumplimento di Revelacion”.

÷562
E discipelnan di Cristo mester parc?E te ora e crece y forma den nan312. “Ta p’esey
nos cu a wordo crea den Su semehansa, nos cu ta indentifica nos mes cu nE, cu a muri
y resucita cu nE ta integra den e misterionan di su bida: te ora cu nos reina cu nE”.

÷563
Cuidado di bestia of mago, niun hende no por alcansa Dios akibou sino ta door di hinca
rudia dilanti di pesebre di Belen y ador’E cu ta scondi den debilidad di un criatura
recien naci.

÷564
Pa medio di su sumision na Maria y Hose, como tambe pa medio di su trabou humilde
durante di añanan largo na Nazaret, Hesus ta duna nos ehempel di santidad den bida
diario di famia y di trabou.

÷565
Desde cuminsamento di su bida publico, na su bautismo, Hesus ta e “Sirbido”
completamente consagra na obra di salbacion cu e lo ehecuta durante “bautismo” di
su pasion.

÷566
E tentacion den desierto ta mustra Hesus, e humilde Mesias, cu ta triunfa riba
Santanas door cu e ta mantene su mes firmemente na e plan di salbacion cu tabata
boluntad di su Tata.

÷567
Cristo a inaugura Reino di shelo na tera. “E reino aki a keda manifesta na hende pa
medio di e palabra, den e obranan y den presencia di Cristo”314. Iglesia ta e simia y e
principio di e Reino aki. A confia Pedro cu su yabinan.

÷568
Transfiguracion di Cristo tin como meta fortalece fe di apostelnan den anticipacion di
Su Pasion: e subimento riba un “sero halto” ta prepara pa subi bay Calvario. Cristo,
Cabes di Iglesia, ta manifesta loke su curpa ta contente y ta refleha den sacramento:
“e speransa di gloria” (Col 1, 27).

÷569
Hesus a subi boluntariamente bay Herusalem, sabiendo perfectamente cu aya lo e
muri un morto violento causa pa oposicion di e pecadonan.

÷570
Entrada di Hesus den Herusalem ta manifesta e binimento di Reino cu e Rey-Mesias,
ricibi di curason den su ciudad pa muchanan y e humildenan di curason, lo realisa pa
medio di e Pasco di su Morto y su Resureccion.
÷571
Misterio di Pasco di Cruz y Resureccion di Cristo ta central den e Bon Noticia cu
apostel y Iglesia mester anuncia na mundo, pa continuacion di esaki. A cumpli, “unbes
pa tur”317, cu e intencion di salbacion di Dios, pa medio di morto redentor di su Yiu
Hesucristo.

÷572
Iglesia ta keda fiel na “interpretacion di tur e Scrituranan” duna door di Hesus mes,
tanto prome como despues di su Pasco: “No tabata necesario pa e Cristo sufri pa e
cosnan aki y asina drenta den su gloria?” (Lc 24, 26-27, 44-45). E sufrimentonan di
Hesus a tuma un forma concreto historico door di e hecho cu El a keda “rechasa pa e
ancianonan, e gran sacerdotenan y e doctornan di ley” (Mc 8, 31), cu a “entreg’e na e
paganonan, pa nan haci burla di dje, sut’e y crucific’e” (Mt 20, 19).

÷573
Ta p’esey, fe por purba investiga e circunstancianan di morto di Hesus, manera e
Evangelio318 fielmente a reproducie y manera otro fuentenan historico a ilumin’e, pa
por compronde e nificacion di Salbacion miho.

÷574
Desde cuminsamento di ministerio publico di Hesus, cierto fariseonan y partidarionan
di Herodes, hunto cu sacerdotenan y doctornan di ley, a bay di acuerdo pa
elimin’E319. Pa motibo di algun di su obranan320 – saca demonio, pordona pica, cura
hende riba dia di Sabat, su interpretacion nobo di e disposicionnan di e Ley encuanto
puesa y su amistad cu cobradonan di belasting y pecadonan publico – algun hende cu
tabatin mal intencion a sospecha Hesus tabata posei pa diablo321. Ta acus’E di
blasfemia322 y di profetisacion falso323, crimen religioso cu Ley ta castiga cu pena di
morto pa medio di piedramento.

÷575
Hopi di e obranan y e palabranan di Hesus tabata un “signo cu ta wordo contradeci”
(Lc 2, 34) mas tanto pa autoridadnan religioso di Herusalem, cu Evangelio di San Huan
frecuentemente ta denomina como “e Hudiunan”325, cu pa e pueblo comun di Dios
(cf Hu 7, 48-49). Ciertamente, Cristo su relacion cu e fariseonan no solamente tabata
basa riba polemica. Algun fariseo a advertiE di e peliger cu e tabata core326. Hesus a
alaba algun di nan, manera e doctor di ley den Marco (Mc 12, 34) y a come varios
biaha na cas di e fariseonan327. Hesus ta apoya algun di e doctrinanan cu e elite
religioso di pueblo di Dios a predica: resureccion di morto328, cierto forma di piedad
(duna limosna, yuna y oracion)329 e custumber di referi na Dios como Tata, y e
caracter central di e mandamento pa stima Dios y prohimo.

÷576
Den wowo di hopi hende na Israel, Hesus ta parce di ta actua contra institucionnan
esencial di e Pueblo Eligi:

- contra sumision na Ley integral den su mandamentonan skirbi y, pa e fariseonan,


den interpretacion di historia oral.

- contra e caracter central di e Tempelna Herusalem como lugasanto aminda Dios ta


iba na un manera privilegia.

- contra fe den e Dios unico, den kende su gloria ningun hende por toca parti.

÷577
Na cuminsamento di e Predicashi riba Sero, Hesus ta duna un advertencia solem
presentando e Ley di Dios duna na Sinai durante e Prome Aliansa, den luz di e gracia
di e Aliansa Nobo:

“No kere cu mi a bin pa aboli e Ley of e Profetanan: Mi no a bin pa aboli sino pa duna
cumplimento. Si, mi ta sigura boso cu: shelo y tera lo pasa bay prome cu un punto
riba “i” of un punto culminante di Ley pasa,tanten cu no cumpli cu tur cos. Ta p’esey
esun cu kibra un di e mandamentonan mas insignificante aki y ta siña hende pa haci
mescos, lo bira esun menor den Reino di shelo; a cambio esun cu observa y siña nan,
lo bira grandi den Reino di shelo” (Mt 5, 17-19).

÷578
Hesus, e Mesias di Israel, y p’esey, esun di mas grandi den Reino di shelo, lo a somete
su mes na Ley cumpliendo totalmente cu ne te den e detaye di mas chikito, segun su
propio palabranan. Incluso e ta e unico cu por haci esaki perfectamente331. E
Hudiunan, segun nan propio confesion, nunca por a cumpli cu e Ley den su totalidad,
sin viola e puntonan di mas chikito332. Ta p’esey, durante cada fiesta anual di
Penitencia, e yiunan di Israel ta pidi Dios pordon pa nan violacion di Ley.
Efectivamente, Ley ta constitui di tur cos y manera Santiago ta recorda: “Esun cu ta
respeta e Ley completo, pero ta faya den un mandamento so, ta resulta culpabel di a
faya cu tur e otro mandamentonan (St 2, 10)”.
÷579
E principio di e observacion integral aki di e Ley, no solamente den letter skirbi sino
tambe den su spirito, tabata wordo aprecia pa e fariseonan. Dunando Israel e
principio aki nan a conduci hopi Hudiu den tempo di Hesus, na un extremo fervor
religioso334, E fervor aki, contal cu e no converti den un moralisacion “hipocrita”335,
solamente por a prepara e Pueblo pa intervencion sin precedente di Dios, mediante e
ehecucion perfecto di e Ley door di e Unico Husto na luga di tur pecado.

÷580
E cumplimento perfecto di Ley no por ta otro sino e obra di e Divino Legislado cu a
nace someti na Ley den persona di e Yiu337. Den Hesus ya e Ley no ta aparece mas,
graba riba tablanan di piedra sino “den fondo di curason” (Jr 31, 33) di e Sirbido, cu
door “di a aporta fielmente na e derecho” (Is 42, 3), a converti su mes den e “Aliansa
di pueblo” (Is 42, 6). Hesus a cumpli cu Ley hasta tumando riba dje “e maldicion di e
Ley” (Ga 3, 13) pa cual esnan cu no “ta respeta e cosnan skirbi den e buki di Ley y
practica nan” (Ga 3, 10), ta responsabel, pasobra “su morto a tuma luga pa salba nan
di e infraccionnan segun e Prome Aliansa” (Hb 9, 15).

÷581
E pueblo Hudiu y nan lidernan spiritual a considera Hesus un maestro – “rabbi”338. Cu
frecuencia e ta argumenta den cuadro di e interpretacion rabinico di Ley339. Pero na
mes momento, Hesus no tabata por otro cu ofende e doctornan di ley, pasobra no ta
cu gusto e tabata posiciona su interpretacion banda di esun di nan pero El a siña e
pueblo “como un hende cu tabatin autoridad y no como un di nan doctornan di Ley”
(Mt 7, 28-29). Den Hesus, e mesun palabra di Dios, cu a resona riba Sinai, pa duna
Moises e Ley por escrito, a bolbe resona di nobo riba Sero di e
Bienaventuransanan340. E palabranan ey no a revoca e Ley, sino a perfeccion’e
aportando di manera divino na su interpretacion definitivo: “Boso a tende tambe cu a
bisa esaki na e antepasadonan… Pero Ami ta Bisa boso…” (Mt 5, 33-34). Cu e mes un
autoridad divino aki, E ta desaproba cierto “tradicionnan humano”(Mc 7, 8) di e
fariseonancu tabata “anula Palabra di Dios” (Mc 7, 13).

÷582
Bayendo te hasta mas aleu, Hesus a duna plenitud na e Ley tocante e puresa di
alimento cu ta asina importante den bida comun Hudiu, manifestando su sentido
“pedagogico”341 pa medio di un interpretacion divino: “Tur loke drenta hende di
pafo no por hacie impuro… – asina e ta declara tur alimento puro – … Loke sali di
hende ta loke ta haci hende impuro. Pasobra for di paden, di curason di hende, ta sali
pensamentonan malo” (Mc 7, 18-21). Hesus, na momento di duna interpretacion
definitivo di Ley, cu autoridad divino, a haya su mes enfrenta cu algun doctor di Ley,
cu no ta acepta su interpretacion, apesar cu esaki tabata garantisa mediante signonan
divino cu a compaña e interpretacion...342 Esaki a sosode, particularmente, relaciona
cu leynan di sabat: Hesus ta recorda frecuentemente usando argumentonan
rabinico343, cu e descanso di sabat no ta wordo viola door di duna servicio na Dios344
y na e prohimo345 cu ta loke Su propio curacionnan a haci.

÷583
Mescos cu e profetanan prome cu nE, Hesus a expresa e respet di mas profundo pa
Tempel di Herusalem. Hose y Maria a present’E aya cuarenta dia despues di su
nacemento346. Na edad di diesdos aña, el a dicidi di keda den Tempel pa recorda su
mayornan cu E mester ocupa su mes cu asuntonan di su Tata347. Durante su bida
priva, tur aña el a bay ey por lo menos, na ocasion di Pasco348. Su ministerio publico
tabata diseña pa su perigrinacionnan pa Herusalem na ocasion di e gran fiestanan
Hudiu.

÷584
Hesus a subi bay na e Tempel como e luga privilegia di encuentro cu Dios. Tempel p’e
tabata e cas di su Tata, un cas di oracion y el a bira indigna pasobra a converti e
plenchi pafo den un mercado350. El a expulsa e comerciantenan for di e Tempel pa
motibo di amor jaloers pa su Tata: “No haci di e cas di mi Tata un mercado. Su
discipelnan a corda cu tabata skirbi: Jaloezie pa bo Cas lo devora mi (Sal 69, 10)”.
Despues di su Resureccion, e apostelnan a mantene un respet religioso pa e Tempel.

÷585
Na drempel di su Pasion, Hesus a anuncia, e futuro destruccion di e edificio tremendo
aki di cual no lo keda niun piedra riba otro352. Ata aki un anuncio di un señal di e
ultimo dianancu lo habri cu su propio Pasco353. Pero e profecia aki testigo falso por a
deform’e durante su interogacion na cas di e gran sacerdote354 y a reproch’e como
insultante ora e tabata claba na cruz.

÷586
Leu di tabata hostil contra di e Tempel356, caminda El a expone e esencia di su
siñamento357, Hesus tabata desea di paga impuesto di e Tempel asociando su mes cu
Pedro358, kende El a caba di pone como fundeshi di su futuro Iglesia359. El a
identifica su mes mas ainda cu e Tempel, presentando su mes como e cas definitivo di
Dios bou di hende360. Pa e motibo aki su morto corporal361 ta anuncia e destruccion
di e Tempel cu ta indica e entrada di un periodo nobo di historia di salbacion: “Lo
yega e momento ora cu ni riba e sero aki, ni na Herusalem lo boso adora Tata” (Hu 4,
21).

÷587
Si Ley y e Tempel di Herusalem lo por tabata ocasionnan di “oposicion”363 contra
Hesus di parti di autoridadnan religioso di Israel, su rol den redencion di pica – obra
divino pa excelencia – tabata e berdadero sumpiña den wowo di e autoridadnan aki.

÷588
Hesus a scandalisa e fariseonan door di come, mes familiarmente cu cobradonan di
belasting y pecadonan365 cu el a haci cu nan366. Algun bou di nan “cu tabata sinti
nan mes husto y tabata desprecia otro” (Lc 18, 9)367, Hesus a laga sa: “Mi no a bin pa
yama e hustonan pa repenti, sino e pecadonan” (Lc 5, 32). El a bay mas leu ainda
door di proclama dilanti di e fariseonan cu, ya cu pica ta un realidad universal368.
esnan cu pretende cu nan no tin ningun necesidad pa salbacion ta ciego pa loke ta
trata nan mes.

÷589
Hesus a scandalisa mas tanto ora El a identifica su conducta misericordioso en
relacion cu e pecadonan cu e actitud di Dios mes relaciona cu nan370. Te hasta el a
duna di compronde cu compartiendo mesa cu e pecadonan371 el a admiti nan na e
bankete mesianico372. Pero ta specialmente na momento di pordona pica, cu Hesus a
hinca e autoridadnan religioso di Israel den un dilema. Nan consternacion no tabata
hustifica nan pa puntra asombra: “Ken otro por pordona pica sino ta solamente Dios?”
(Mc 2, 7) Na momento di pordona pica, of sea Hesus ta comete blasfemia pasobra e ta
un hende cu ta pretende di haci su mes igual na Dios373 of sea e ta papia berdad y su
persona ta haci presente y ta revela Nomber di Dios.

÷590
Solamente e identidad divino di e persona di Hesus por hustifica un exigencia asina
absoluto manera: “Esun cu no ta cu Mi ta contra Mi” (Mt 12, 30); y su declaracion cu
den dje tin algo mas grandi cu Jonas… mas grandi cu Salomon” (Mt 12, 41-42), algo
“mas grandi cu e Tempel” (Mt 12,6); ora e ta recorda, cu David cu a yama e Mesias su
Señor375, y su afirmacionnan: “Prome cu Abraham tabata, Ami ta” (Hu 8, 58); y te
hasta: “Ami y Tata nos ta un” (Hu 10, 30).
÷591
Hesus a pidi e autoridadnan religioso di Herusalem pa kere den djE pa motibo di e
obranan di su Tata cu El a realisa376. Pero e acto di fe ey mester pasa e caminda di
un morto misterioso di bo mes pa “nace di nobo atrai dor di gracia divino” (Hu 3,
7)377. Tal exigencia di conversion enfrente di un cumplimento asina sorprendente di
e promesanan378 ta permiti pa compronde e desprecio tragico di Sanedrin pa Hesus:
nan a husga cu Hesus merece morto pa motibo di blasfemia379. Asina pues,
miembronan di e Sanedrin pareu a actua tanto pa “ignorancia”380 como pa
“insistencia” (Mc 3, 5; Rm 11, 25) den nan “falta di fe”.

÷592
Hesus no a aboli e Ley di Sinai, sino cu el a perfeccion’e382di tal forma383 cu El a
revela suprofundo sentido384 y apaga pa eviolacionnan contradi esaki.

÷593
Hesus a venera e Tempel bishitando esaki durante fiestanan Hudui di peregrinacion y
el a stima e cas di Dios aki bou di hende cu amor jaloers. E Tempel ta prefigura su
Misterio. Anunciando e destruccion di Tempel, ta manera e ta anuncia su propio
morto y entrada den un era nobo di historia di salbacion, ora cu Su Curpa lo ta e
Tempel definitivo.

÷594
Hesus a realisa obranan, manera pordon di pica cu a revel’E como e berdadero Dios
Salbado386. CiertoHudiunan, cu no a reconoc’E como Dios cu a bira hende387, a mira
den djE solamente “un hende cu a haci su mes un Dios” (Hu 10, 33) y a husg’E como
un hacido di blasfemia.

÷595
Tabata forma parti di e autoridadnan religioso di Herusalem, no solamente e fariseo
Nicodemo388 y e prominente Jose di Arimatea, ambos discipelnan secreto di
Hesus389, pero tambe tabatin disidencia di hopi tempo caba relaciona cu nE390, asina
tanto cu San Huan a bisa di e religiosonan ey na vispera di pasion di Cristo, “un gran
cantidad di hende a kere den dje”, aunke na un manera imperfecto (Hu 12, 42). Esaki
no tabata nada straño si corda cu riba e mesun dia despues di Pentecoste “masha hopi
di e sacerdotenan a acepta e fe” (Hch 6, 7) y cu “algun creyente… di e partido di
fariseonan… a gara e fe” (Hch 15, 5) di manera cu San Hacobo por a bisa San Pablo cu
“miles y miles di Hudiu a acepta e fe y tur ta fanatico partidarionan di e Ley” (Hch
21, 20).

÷596
Autoridadnan religioso di Herusalem no tabatin unanimidad encuanto ki posicion pa
asumi enfrente Hesus391. E fariseonan a menasa di expulsa e siguidonan di Hesus392.
Na esnan cu tabatin miedo cu “tur lo kere den djE, y e Romanonan lo bin destrui nos
luga santo y nos nacion” (Hu 11, 48), e gran sacerdote Caifas a propone profetisando:
“Ta miho pa un so muri pa e pueblo y no cu henter un nacion ta disparce” (Hu 11, 49-
50)393. E Sanedrin cu a declara cu Hesus ta merece pa muri como hacido di
blasfemia, pero door di a perde e derecho di por condena un hende na morto, ta
entrega Hesus na e Romanonan acusando e di rebelion politico394, un acusacion cu ta
pon’E den e mesun categoria cu Barabas, acusa di “rebeldia”395. Tambe e gran
sacerdotenan a menasa Pilato politicamente, pa asina e condena Hesus na morto.

÷597
Teniendo cuenta cu e complehidad historico manifesta den naracion evangelico
tocante e procesamento di Hesus y sea cual sea e pica personal di e protagonistanan
di e procesamento (Hudas, Sanedrin, Pilato), cu Dios so conoce, no por atribui e
responsabilidad di e procesamento na Hudiunan di Herusalem den su totalidad, apesar
di e grito di un multitud manipula397 y e acusacionnan general conteni den e
yamadanan di e apostelnan pa conversion despues di Pentecoste398. Hesus mes, door
di pordona nan riba Cruz399 Pedro siguiendo su ehempel, ambos ta acepta e
“ignorancia”400 di Hudiunan di Herusalem, incluso di nan lidernan. Te hasta menos
ainda nos por extende e responsabilidad aki pa otro Hudiunan di diferente epoca y
luga, basa unicamente riba e grito di e multitud: “Su sanger bini riba nos y riba nos
yiunan!” (Mt 27, 25) cu ta un formula pa ratifica un sentencia hudicial401:

Tanto asina cu Iglesia a declara den Concilio di Vaticano II: “Loke a perpetua durante
su Pasion no por wordo atribui sin distincion na tur Hudiu cu tabata biba den e tempo
ey ni na Hudiunan di awendia… No mester señala Hudiunan como esnan cu Dios a
rechasa of a maldiciona comosifuera por deduci esaki for di Santo Scritura”.

÷598
Iglesia, den e siñansa di su fe y den testimonio di su santonan, hamas a lubida cu
“pecadonan mes tabata e causantenan y ehecutornan di tur sufrimento cu e Divino
Redentor403 a soporta”. Teniendo na cuenta cu nos picanan ta alcansa Cristo mes404,
Iglesia no ta basila pa atribui na Cristiannan e responsabilidad di mas grave pa e
matamento di Hesus, un responsabilidad cu masha hopi biaha nan a tira riba lomba di
unicamento e Hudiunan:
Nos mester considera esnan cu continuamente ta bolbe cay den pica culpabel di e
falta horibel aki. Ya cu ta nos accionnan malo ta loke a haci nos Señor Hesucristo sufri
e morto na cruz, esnan cu ta sumergi den desorden y den maldad sin duda “ta bolbe
crucifica e Yiu di Dios, asina leu cu E ta den nan, y ta expon’E na infamia publico” (Hb
6, 6).Y ta necesario reconoce cu nos crimen den e caso aki ta mas grandi cu esun di e
Hudiunan. Pasobra segun testimonio di apostel, “si nan a conoce e Señor
Splendoroso, hamas nan lo a crucific’E”405. Nos, a cambio, ta profesa di ta conoc’E,
toch nos ta neng’E den nos accionnan, y asina den cierto forma nos ta dal cu nos
mannan criminal riba djE.

Y no ta demonionan a crucific’E; t’abo hunto cu nan a crucific’e y ta sigui crucific’E,


door di haya satisfaccion den vicio y pica.

÷599
Morto violento di Hesus no tabata fruta di casualidad den un desgraciado constelacion
di circunstancia. E ta pertenece na misterio di plan di Dios, manera San Pedro ta
splica esaki na e Hudiunan di Herusalem ya desde su prome discurso di Pentecoste: “A
entreg’E segun e plan y proposito cu Dios tabatin caba” (Hch 2, 23). E lenguahe
biblico no ta nifica cu esnan cu a “entrega Hesus” (Hch 3, 13) tabata solamente
ehecutornan pasivo di un drama skirbi di antemano door di Dios.

÷600
Pa Dios tur momento den tempo ta presente den su actualidad. Ta p’esey E ta
establece su plan eterno di “predestinacion” incluyendo den dje e contesta liber di
cada hende na su gracia: “Pasobra en berdad nan a sera complot den e ciudad aki
contra bo sirbido santo, Hesus, cu Bo a scoge como Mesias, esta tanto Herodes como
Poncio Pilato, hunto cu e pueblonan pagano y e pueblo di Israel408. Asina nan a
ehecuta tur cos cu Abo den bo poder a dicidi cu mester a sosode” (Hch 4, 27-28). Dios
a permiti e actonan naci for di nan cieguedad409, pa realisa su plan di salbacion.

÷601
A anuncia e proposito divino di salbacion aki, atrabes di morto di e “Sirbido, esun
Husto” (Is 53, 11)411 prome den Scritura como misterio di redencion universal, es
decir, di e rescate cu ta libera hende di esclavitud di pica412. San Pablo ta profesa
den un confesion di fe, cu segun e ta bisa, a “ricibi” (1 Co 15, 3), cu “Cristo a muri pa
nos pica segun Scritura” (ibid.)413. Morto redentor di Hesus ta cumpli,
particularmente, cu profecia di e Sirbido doliente414. Hesus mes a presenta e sentido
di su bida y di su morto den e luz di e Sirbido doliente415. Despues di su Resureccion
el a duna e interpretacion aki di Scritura na e discipelnan di Emaus416 y despues na
su propio apostelnan.
÷602
A consecuencia, San Pedro por a formula fe apostolico den resolucion divino di
salbacion asina’ki: ”Boso a wordo libra di e existencia sin sentido cu boso
antepasadonan a laga pa boso, pa medio di e sanger precioso di Cristo, e Lamchi sin
mancha of fayo cu tabata predestina prome cu fundacion di mundo, pero cu a aparece
pa boso awor numa na final di tempo” (1 P 1, 18-20). Picanan di hende, cu ta
consecuencia di e pica original, ta wordo castiga cu morto418. Door di manda su
propio Yiu den forma di un esclavo419, den forma di un humanidad cu a cay, pa
motibo di pica420. Dios “a haci’E pa ta pica, E cu nunca a haci pica, ya pa den Dje
nos lo por bira e husticia di Dios” (2 Co 5, 21).

÷603
Hesus no a conoce desaprobacion comosifuera ta e mes a peca421. Pero, den amor
redentor cu semper ta unific’E cu Tata422, el a acepta nos ora nos a aleha nos di Dios
pa motibo di pica, ya e por a bisa den nos nomber riba cruz: “Mi Dios, Mi Dios, pakico
bo a bandona mi?” (Mc 15, 34; Sal 22, 2). Door di bira asina solidario cu nos, e
pecadonan, “Dios no a pordona ni su propio yiu, pero a entreg’E pa nos tur” (Rm 8,
32), pa nos por a “reconcilia cu Dios pa medio di morto di su Yiu” (Rm 5, 10).

÷604
Door di entrega su Yiu pa nos picanan, Dios ta manifesta cu su proposito pa nos ta un
plan di amor amabel cu ta precede tur merito di nos banda: “T’esaki ta amor: no ta
nos a stima Dios prome, ma t’E a stima nos y a manda su Yiu pa e bira e sacrificio pa
pordon di nos picanan” (1 Hu 4, 10)423. Prueba cu Dios ta stima nos ta Cristo,
mientras cu ainda nos tabata pecado, el a muri pa nos (Rm 5, 8).

÷605
Hesus ta recorda na final di e parabolo di e lamchi perdi, cu e amor aki ta sin
excepcion: “Pues no ta boluntad di boso Tata celestial cu un di e chikitonan aki ta bay
perdi” (Mt 18, 14). Asina E ta confirma di a bini “pa duna su bida pa rescata hopi” (Mt
20, 28); e ultimo termino aki no ta restringi: e ta contrasta e totalidad di humanidad
cu e persona unico di e Redentor cu a entrega su mes pa salba nos424. Iglesia,
siguiendo e apostelnan425, ta siña cu Cristo a muri pa tur hende sin excepcion: “No
tin, ni tabatin, ni lo tin un ser humano cu Cristo no a sufri p’e”.
÷606
Yiu di Dios cu a baha“for di shelo, no pa haci su propioboluntad, sino esun di u Tata
cu a and’e” (Hu6, 38), na momento di drenta e mundo aki, a bisa: “Ata mi a bin…pa
haci, oh Dios, bo boluntad.” Y mediante e boluntad aki nos a wordo santifica, pa
medio di e ofrenda di curpa di Hesucristo un biaha y pa tur hende.” (Hb 10, 5-10).
Desde e prome instante di su Encarnacion, e Yiu ta uni su mes cu e plan divino di
salbacion di Su Tata den su mision redentor: “Mi alimento ta pa haci boluntad di Esun
cu a manda mi y pa cumpli cu su obra” (Hu 4, 34). Sacrificio di Hesus “pa pica di
henter mundo” (1 Hu 2, 2) ta expresion di su comunion di amor cu Tata: “Tata ta
stima mi pasobra mi a entrega mi bida,” asina Señor a bisa, “pasobra mi ta haci
manera mi Tata ta manda (Hu 10, 17), pa mundo sa cu mi ta stima Tata” (Hu 14, 31).

÷607
E deseo aki di acepta e plan di amor redentor di su Tata ta anima henter Hesus su
bida427 pasobra su Pasion redentor ta e motibo primordial di su Encarnacion: “Tata
libra mi di e momento aki! Pero, ta hustamente p’esaki mi a yega e momento aki!”
(Hu 18, 11). “E caliz cu Tata a duna mi, lo mi no bebe?” Y ainda na cruz, prome di a
“cumpli cu tur cos”428, E ta bisa: “Mi tin sed” (Hu 19, 28).

÷608
Huan Bautista, despues di a acepta di bautis’E den compania di pecado,429 a mira y a
señala Hesus como “Lamchi di Dios cu ta kita pica di mundo” (Hu 1, 29)430. Asina e ta
indica cu Hesus ta alabes e Sirbido doliente cu den silencio ta laga nan hib’e na
matansa431, ta carga cu pica di multitud432 y e ta e lamchi di pasco cu ta simbolo di
salbacion di Israel na momento di celebra e prome Pasco433. Henter Cristo su bida ta
expresa su mision: “Esta, sirbi y duna su bida pa rescata hopi” (Mc 10, 45).

÷609
Hesus, na momento di acepta den su curason humano e amor di Tata pa hende, ta
bisa: “Mi a stima nan te den extremo” (Hu 13, 1), pasobra “niun hende tin amor mas
grandi cu esun cu ta duna su bida pa su amigonan” (Hu 15, 13). Tanto den su
sufrimento como den morto, su humanidad a bira instrumento liber y perfecto di su
amor divino cu ta desea salbacion di hende434. Efectivamente, el a acepta
libremente su pasion y su morto pa amor pa su Tata y hende cu Tata kier salba:
“Ningun hende ta kita mi bida; ami ta dun’e boluntariamente” (Hu 10, 18). Esaki ta
splica e libertad soberano di Yiu di Dios ora e mes a bay topa cu su morto.

÷610
Hesus ta expresa den forma supremo e ofrenda liber di dje mes durante e cena cu e
diesdos apostelnan436, “e anochi cu nan a entreg’E” (1 Co 11, 23). Na vispera di su
Pasion, ainda liber, Hesus a transforma e ultimo Cena aki cu su apostelnan den e
recuerdo di su ofrenda boluntario na Tata437, pa salbacion di hende: “Esaki ta mi
Curpa cu lo ta entrega pa boso” (Lc 22, 19). “Esaki ta mi Sanger di e Aliansa cu lo ta
drama pa hopi pa pordon di pica” (Mt 26, 28).

÷611
E Eucaristia cu E ta institui na e momento ey lo ta e recuerdo438 di su sacrificio.
Hesus ta inclui e apostelnan den su propio ofrenda y e ta manda nan hacie
perpetuo439. Asina Hesus ta institui e apostelnan como sacerdote di e Aliansa Nobo:
“Pa nan Mi a consagra Mi mes, ya nan tambe lo ta consagra pa medio di berdad” (Hu
17, 19).

÷612
E caliz di Aliansa Nobo cu Hesus a anticipa na momento di ofrece su mes441, durante
e Ultimo Cena, el a acept’e despues for di man di su Tata den su agonia den hofi di
Getsemani442 haciendo su mes “obedecido te na morto” (Flp 2, 8)443. Hesus ta resa:
“Mi Tata, si ta posibel, laga e caliz di sufrimento aki pasa bay…” (Mt 26, 39). Asina e
ta expresa e horor cu morto a representa pa su naturalesa humano. Esaki,
efectivamente, mescos cu di nos, ta destina pa bida eterno; pero, contrario na esun
di nos, e ta perfectamente exonera di pica444 cu ta e causa di morto445; pero riba
tur cos su naturalesa humano a wordo incorpora den e persona divino di e “Autor di
Bida” (Hch 3, 15), di “Esun cu ta biba” (Ap 1, 18)446. Ora El a acepta den su boluntad
humano pa haci boluntad di Tata447, el a acepta su morto como Redentor pa “e mes
carga nos faltanan den su curpa y hiba nan na cruz” (1 P 2, 24).

÷613
Morto di Cristo ta alabes e sacrificio di Pasco cu ta cumpli cu e redencion definitivo di
hende448 pa medio di e “Lamchi cu ta kita pica di mundo” (Hu 1, 29)449 y e sacrificio
di e Aliansa Nobo450, cu ta debolbe na hende e comunion cu Dios,451 reconciliando
nos cu nE pa “medio di sanger drama pa hopi pa pordon di nan pica” (Mt 26, 28).

÷614
E sacrificio aki di Cristo ta unico, e ta den plenitud y ta sobrepasa tur sacrificio453.
Riba tur cos, e ta un don di Tata Dios mes: ta Tata ta esun cu ta entrega su Yiu pa
reconcilia nos cu nE454. Na mes momento e ta ofrenda di Yiu di Dios cu a bira hende y
libremente y pa amor455 a ofrece su bida456 na su Tata pa medio di Spirito Santo457,
pa reparacion nos desobediencia.

÷615
“Mescos cu hopi hende a bira pecado como resultado di desobediencia di un solo
hende, asina Dios ta acepta tur hende como husto pa medio di obediencia di e otro
hende, Hesucristo” (Rm 5, 19). Pa su obediencia te na morto, Hesus ta logra substitui
e Sirbido Sufriente cu “a entrega su mes pa expiacion”, ora “el a carga pica di asina
tanto hende”, y cu “lo percura pa hopi wordo considera husto,” pasobra e lo carga
nan culpa”458. Hesus ta drecha nos faltanan y ta duna satisfaccion na Tata pa nos
picanan.

Na cruz, Hesus ta cumpli cu su sacrificio

÷616
E “amor te den extremo” (Hu 13, 1) ta esun cu ta duna e sacrificio di Cristo su balor
di rendencion y reparacion, di expiacion y satisfaccion. El a conoce nos y a stima nos
tur ora el a ofrece su bida460. “E amor cu Cristo tin pa nos ta determina loke nos ta
haci, pasobra nos a bira consciente cu un hende a muri pa tur otro hende,
consecuentemente tur a muri” (2 Co 5, 14). Ningun hende, aunke e tabata esun di
mas santo, tabata den condicion pa tuma riba dje e picanan di tur hende y di ofrece
su mes como sacrificio pa tur hende. Existencia den Cristo di e persona divino di Yiu,
cu na mes momento ta surpasa y brasa tur ser humano y ta pon’E na Cabes di henter
humanidad, ta haci su sacrificio di rendentor pa tur hende posibel.

÷617
“Sua sanctissima passione in lingo cruces nobis justificationem meruit” (Pa su
santisimo pasion riba e palo di cruz e ta pone nos merece hustificacion”), Concilio di
Trent461 ta siña esaki, subrayando e caracterunico di sacrifcio diCristo como “motibo
di salbacion eterno” (Hb 5, 9). Y Iglesia ta venera e Cruz, cantando: “O crux, ave,
spes unica!” (‘Salve, oh cruz, unico speransa!’).

÷618
E Cruz ta e sacrificio unico di Cristo “unico mediado entre Dios y hende” (1 Tm 2, 5).
Pero pasobra den su Persona divino encarna, “el a uni su mes den cierto forma cu tur
hende”463, “e posibilidad pa ta partner, na un manera conoci pa Dios, den e misterio
pascual”464 ta wordo ofreci na tur hende465. E ta yama su discipelnan pa “tuma e
cruz y siguiE”, pasobra “Cristo a sufri pa nos tambe lagando un ehempel atras pa nos
por siguiE den su pasonan”466. Berdaderamente Hesus kier, pa esnan cu na prome
luga lo ta e beneficiarionan, tuma parti den su sacrificio redentor467. Esaki E ta
realisa den forma sublime den caso di su Mama, cu tabata mas intimamente implica
cu cualkier otro persona den e misterio di su sufrimento redentor.

Fuera di e Cruz no tin ningun otro trapi pa subi pa por yega shelo.

÷619
“Segun Scritura, Cristo a muri pa nos picanan” (1 Co 15, 3).

÷620
Nos salbacion ta origina for di e iniciativa di amor di Dios pa nos pasobra “El a stima
nos y a manda su Yiu como reconciliacion pa nos picanan” (1 Hu 4, 10). “Den Cristo,
Dios a reconcilia mundo cu nE” (2 Co 5, 19).

÷621
Hesus a ofrece su mes libremente pa nos salbacion. E sacrificio aki el a anticipa, a
duna nificacion y a realisa durante e ultimo cena: “Esaki ta mi curpa cu ta entrega pa
boso” (Lc 22, 19).

÷622
E Redencion di Cristo ta encera cu El a bin “pa duna su bida como rescate pa hopi”
(Mt 20, 28), es decir, “pa stima su hendenan te den extremo” (Hu 13, 1) pa por a
“rescata nan di e bida bashi hereda di nan tatanan” (1 P 1, 18).

÷623
Pa su obediencia amoroso na su Tata, “te na morto na cruz” (Flp 2, 8), Hesus a cumpli
su mision di expiacion470 di e Sirbido sufriente cu “ta hustifica hopi hende cargando
nan culpa” (Is 53, 11).

÷624
“Dios, den su bondad, tabata kier pa E muri pa nos tur” (Hb 2, 9). Den su plan di
salbacion, Dios ta dispone cu su Yiu no solamente “ta muri pa nos picanan” (1 Co 15,
3), sino cu El a “experencia morto” tambe, esta cu E lo conoce e estado di morto, e
estado diseparacion entre Su alma y Su curpa, incluyendo durante e temporada entre
momento cu El a hala su ultimo rosea na Cruz y e momento cuEl a resucita. Eestado
aki di Cristomorto ta emisterio di entregamento di Su Spirito, graf y bahamento den
luga di morto. Esaki ta e misterio di Diasabra Santo na unda Cristo poni den graf472 a
manifesta e gran dia di sosiego di sabat di Dios473, despues di a realisa474 salbacion
di hende, cu ta establece paz na henter universo.

÷625
E tempo cu Hesus a pasa den graf ta forma e berdadero laso entre e estado di
sufrimento di Cristo prome cu Pasco Grandi y su estado glorioso actual di Esun
Resucita. E mesun persona di “Esun cu ta bibo”, por bisa “Mi tabata morto, pero awo
Mi ta biba pa semper den tur siglo di siglonan” (Ap 1, 18):

Dios (e Yiu) no a impedi pa morto separa e alma for di e curpa, segun e orden
inevitabel di naturalesa, pero areuni nan na otro pa medio di e Resureccion, ya pa E
mes por ta, den Su Persona, e punto di encuentro di morto y bida, door di frena den
su mes e descomposicion di naturalesa cu morto ta produci y asina bira e fuente pa
reuni e partinan cu ta separa di otro.

÷626
Ya cu e “Autor di bida” cu a wordo hiba pa morto”477 ta na mesun tempo “e Bibo cu
a resucita”478, e persona divino e Yiu di Dios a keda mantene su alma y su curpa
humano, separa di otro door di morto:

Pa e hecho cu na morto di Cristo su alma a keda separa di su carni, su persona unico


den su mes no ta dividi den dos persona; pasobra alma y curpa di Cristo ta existi na e
mesun manerafor di principio di su existencia na mundo, den persona divino di e
Palabra; y den morto, aunke separa for di otro, cada un a keda cu e mesun y unico
persona di e Palabra.

÷627
Morto di Hesucristo tabata un morto di berdad pasobra esaki a pone un fin na su
existencia humano aki na mundo. Pero pa motibo di e union cu su curpa a conserva cu
e persona Yiu, e no tabata un cadaver manera cualkier hende, “pasobra morto no por
a ten’e den su gara” y p’esey “e virtud divino a conserva e curpa di Hesucristo pa e no
daña”480. E siguiente dos declaracionnan ta relaciona cu Cristo: ”Nan a ranc’E for di
tera di e bibonan” (Is 53, 8); y: ”mi carni lo sosega den speransa. Pasobra bo lo no
entrega mi alma na fierno, ni lo bo permiti Esun Santo mira corupcion” (Sal 16, 9-
10)481. Resureccion di Hesucristo “riba e di tres dia” (1 Co 15, 4; Lc 24, 46)482:
tabata un prueba di esey, pasobra tabata supone cu e corupcion ta manifesta su mes
riba e di cuater dia despues di morto.
÷628
Bautismo, di cual e señal original y completo ta bay completamente den awa, ta
nifica eficientemente bahada di Cristian den graf cu ta muri pa pica manera Hesus pa
haya un bida nobo: “Kiermen cu pa medio di nos bautismo nos tabata dera y a muri
hunto cu Cristo, pa mescos cu El a keda lanta for di morto pa medio di poder glorioso
di Tata, nos tambe lo ta lanta for di morto pa biba un bida nobo” (Rm 6, 4).

÷629
Hesus a experencia morto pa bienestar di nos tur485. E ta e berdadero Yiu di Dios cu a
bira hende, a muri y tabata dera.

÷630
Durante cu Hesus a permanece den graf, Su persona divino a sigui asumi tanto su alma
como su curpa, aunke cu nan tabata separa for di otro door di morto. Ta pesey e
curpa morto di Cristo “no a conoce putrimento”.

÷631
“Hesus a baha te na e parti mas abou di tera. Esun cu a baha ta e mesun cu a subi
hopi mas halto cu shelonan” (Ef 4, 9-10). E Credo di e Apostelnan ta profesa den e
mesun articulo di Fe, e bahamento di Cristo na fierno y Su Resureccion riba e di tres
dia for di morto, pasobra ta den Misterio di Pasco, for di profundidad di morto, El a
laga bida brota:

Christus, Filius tuus,Qui, regressus ab inferis,Humano generi serenus illuxit,Et vivit et


regnat in saecula saeculorum. Amen.

(Ta Cristo, Bo Yiu resucita, a lanta for di morto,y a manda un lus di paz riba
humanidad,bo Yiu cu ta biba y reina den tur siglo y siglonan. Amen).

÷632
E afirmacionnan frecuente di Testament Nobo segun cual Hesus a “lanta for di morto”
(Hch 3, 15; Rm 8, 11; 1 Co 15, 20) ta supone cu prome cu resureccion el a keda den
reino di morto488. Esaki ta e prome splicacion for di predicashi di apostelnan tocante
Hesus su bahamento na fierno; Hesus a conoce morto manera tur hende y a
experiencia morto y Su alma a topa cu tur otro den reino di morto. Pero El a baha ey
como Salbador, proclamando e Bon Noticia na e almanan cu tabata deteni ey.

÷633
Scritura ta yama fierno, ‘sheol of hades’490 e reino di morto na unda Cristo a baha
bay despues di morto, pasobra esnan ey ta priva di contemplacion di Dios491. Asina ta
e caso cu tur esnan morto, sea pecado of husto492, mientras nan ta warda yegada di
e Redentor, esey no kiermen cu nan suerte ta identico na esun cu Hesus ta siña den e
parabola di pober Lazaro ricibi den “seno di Abraham”493. Ta exactamente e almanan
santo aki, cu a warda nan Salbador den seno di Abraham, esnan cu Cristo e Señor a
salba ora el a baha na fierno494. Hesus no a baha na fierno pa libera esnan
condena495 ni pa destrui fierno di condenacion496, sino pa libera e hustonan cu a bay
Su dilanti.

÷634
“A predica e Bon Noticia te hasta pa mortonan…” (1 P 4, 6). Bahamento na fierno ta e
cumplimento completo di e mensahe di e Palabra di Dios pa salbacion. Esaki ta e
ultimo etapa di e mision mesianico di Hesus, un etapa cu ta limita den tempo, pero
inmensamente amplio den su nificacion real: plamamento di e obra redendor di Cristo
pa humanidad di tur tempo y tur luga, pasobra tur esnan salba a bira participe den e
salbacion.

÷635
Cristo, p’esey, a baha den profundidad di morto498 pa “e mortonan tende bos di Yiu
di Dios y esnan cu a tende lo biba”499, Hesus, “Autor di bida” (Hch 3, 15), a destrui,
“mediante su morto, a destrui “esun cu tin e poder di morto, es decir, e diabel, y a
libera tur esnan cu door di miedo pa morto tabata someti na sclavitud henter nan
bida” (Hb 2, 14-15). For di eynan padilanti, Cristo resucita “tin e yabinan di morto y
di Hades (Ap 1, 18) y “na nomber di Hesus, cada rudia ta dobla, na shelo, na tera y
bou di tera” (Flp 2, 10).

Un gran silencio ta reina awe riba tera, un gran silencio y un gran abandono. Un gran
silencio, pasobra e Rey ta drumi; e tera a tembla y ainda ta tembla pasobra Dios a
pega soño de e carni y ta spierta esnan cu ta drumi desde cu mundo a cuminsa… E ta
bay busca Adam, nos prome tata, manera ta busca un carne perdi. Cu deseo grandi di
pa bishita esnan cu ta dwaal den tiniebla y scuridad di morto; E ta bay libera di dolo
di morto Adam , cu ta den sclabitud, y Eva cu ta preso hunto cu ne – E cu ta nan Dios
y na mes momento yiu homber di Eva… “Ami ta bo Dios cu pa amor pa bo a bira bo yiu
… Mi ta ordena bo, abo cu ta drumi, lanta riba; pasobra ami no a crea bo pa bo ta
preso den e region di morto. Lanta riba for di e mortonan; pasobra Ami ta bida di
esnan cu a muri”.
÷636
Cu e expresion “Hesus a baha na fierno”, e Credo di Apostelnan ta profesa cu Hesus a
muri di berdad y cu su morto pa nos, el a vence morto y e diabel, “kende ta Señor di
morto” (Hb 2, 14).

÷637
E Cristo morto, den su alma uni cu su persona divino, a baha den reino di morto. El a
habri porta di shelo pa e hustonan cu a bay su dilanti.

÷638
“Nos ta anuncia na boso e Bon Noticia, cu Dios a priminti e tatanan, awe Dios a
cumpli den nos, e yiunan, door di laga Hesus resucita” (Hch 13, 31-33). Resureccion di
Hesus ta e berdad culminante di nos Fe den Cristo, un Fe cu nos ta kere y biba, como
e berdad central pa e prome comunidad Cristian; transmiti como fundamental door di
tradicion; fiha den e documentonan di Testament Nobo; y predica como un parti
esencial di e Misterio Pascual hunto cu e Cruz:

Cristo a lanta for di mortoCu su morto a vence morto.Na e mortonan el a duna bida.

Catisashi di IglesiaCatolico

÷639
E misterio di Cristo su resureccion ta un evento real, cu tabatin manifestacion
historicamente comproba manera ta poni den Testament Nobo, ya na aña 56, San
Pablo por a skirbi na e Corintionan: “Na prome luga mi a pasa e siñansa cu mi a ricibi
na boso, esta cu Cristo a muri pa nos picanan, manera Scritura ta bisa; cu nan a der’E
y cu riba e di tres dia El a lanta for di morto, manera Scritura ta bisa; cu El a aparece
na Cefas y despues na e diesdos apostelnan” (1 Co 15, 3-4). E Apostel ta papia aki di e
tradicion bibo di Resureccion cu el a ricibi despues di su conversion na porta di
Damasco.

÷640
“Pakico busca esun bibo entre e mortonan? E no ta aki, El a resucita” (Lc 24, 5-6). E
prome acontecimento cunos ta topa den cuadro di e acontecimentonan di Pasco ta e
graf bashi. Ribasu mes e no ta un prueba directo di Resureccion. Por splica eausencia
di curpa i Cristo den graf diotro forma503 A pesar di esaki, e graf bashi a forma un
señal esencial pa nos tur. Su descubrimento door di e apostelnan tabata e prome paso
den reconocemento di e hecho di Resureccion. Esaki tabata e caso, primeramente, cu
e muhenan santo504 y despues cu Pedro505. “E discipel stima di Hesus” (Hu 20, 2) a
afirma cu ora el a drenta den e graf bashi y a descubri “e pañanan poni na suela” (Hu
20, 6), “el a mira y a kere” (Hu 20, 8). Esaki ta nifica cu el a constata cu door di e
estado di e graf bashi506, ausencia di curpa di Hesus no tabata por ta obra humano y
cu Hesus no a bolbe simplemente na un bida terenal manera cu tabata den caso di
Lazaro.

÷641
Maria Magdalena y e muhenan santo cu a bay pa balsamacurpa di Hesus508, dera den
pura riba Bierna Santo atardi pa motibo cu sabat tabata yegando509, tabata e
promenan cu a topa cu Esun Resucita510. Asina ta cu e muhenan tabata e prome
mensaheronan di Resureccion di Cristo pa e propio apostelnan511. E apostelnan
tabata e siguientenan na kende Hesus a aparece: prome na Pedro, despues na e
Diesdosnan512. Pedro tabata yama pa fortalece fe di su rumannan,513 y p’esey ta
mira Esun Resucita prome cu nan; ta a base di su testimonio e comunidad ta sclama:
“Ta berdad! Señor a resucita for di morto y a aparece na Simon!” (Lc 24, 34).

÷642
Tur cos cu a pasa durante e dianan di Pasco tabata compromete cada apostel – y
particularmente Pedro – den construccion di e era nobo cu a cuminsa Pasco mainta.
Como testigo di Esun Resucita, e apostelnan ta keda piedra di fundeshi di Su Iglesia. E
fe di e prome comunidad di creyente ta basa riba testimonio di hende concreto,
conoci pa e Cristiannan y pa mayoria cu ainda tabata biba entre nan. E “testigonan di
Resureccion di Cristo”514, ta na prome luga Pedro y e diesdos apostelnan, pero no
solamente nan ta e uniconan: Pablo ta papia bon cla di mas cu cinco shen persona na
kende Hesus a aparece den un solo biaha, ademas di Jacobo y di tur e otro
apostelnan.

÷643
Mirando tur e testimonionan aki, ta imposibel pa interpreta Resureccion di Cristo
como algo for di e orden fisico y ta imposibel pa no reconoc’e como un hecho
historico. Door di e hechonan nos sa cu e fe di e apostelnan a wordo someti na un
prueba rigoroso door di pasion y di morto na cruz di nan Maestro, anuncia door di djE
di antemano516. E shock cu e Pasion a provoca tabata asina grandi cu (por lo menos
algun di e apostelnan) no a kere e noticia di Resureccion mesora. Leu di ta mustra nos
un comunidad yena cu exaltacion mistico, e Evangelionan ta presenta na nos
discipelnan abati517 y spanta518. Pasobra nan no a kere e muhernan santo cu a bolbe
for dje graf y “a considera nan palabranan como un disparate” (Lc 24, 11)519. Ora
Hesus a revela su mes na e diesun apostelnan riba Pasco atardi, “el a reprocha nan pa
motibo di nan falta di fe y nan curason duro, pasobra nan no a kere esnan cu a mir’e
despues cu El a resucita” (Mc 16, 14).

÷644
Esaki tabata parce nan algo asina imposibel cu hasta ora nan a keda enfrenta cu e
realidad di Hesus resucita, e discipelnan ainda520 tabata duda; nan tabata kere cu
tabata un spirito521. “A pesar di nan felicidad nan no por a kere, y a sigui den duda”
(Lc 24, 41). Thomas tambe lo experiencia e prueba di duda522 y Mateo ta relata cu
durante e ultimo aparicion na Galilea di e Señor resucita, “algun a kedea den duda”
(Mt 28, 17). Ta p’esey e hipotesis cu e Resureccion lo tabata un producto” di fe (of di
credulidad) di e apostelnan, no tin base. Al contrario, nan fe den e Resureccion a
nace – pa medio di gracia divino – for di nan experiencia directo di e realidad di Hesus
resucita.

÷645
Hesus resucita ta establece un relacion directo cu su discipelnan door di mishi cu
nan523 y comparti cumindacu nan524. Asina E ta invita nan pa reconoce cu E no ta un
spirito525 y mas cu tur cos pa comproba cu e curpa resucita den cua e ta presenta su
mes na nan ta e mesun curpa cu a keda tortura y crucifica, ya cu ainda esaki tabatin e
marcanan di su pasion526. E curpa autentico y real aki na mesun momento ta posee e
caracteristicanan nobo di un curpa glorioso: e no tin limitacion di espacio ni di tempo,
pero si e habilidad di por ta presente con cu E kier y ki ora cu E kier527; pasobra ya
no por retene Cristo su humanidad na tera mas y e ta pertenece solamente na e
dominio divino di Tata528. Pa e motibo aki tambe Hesus resucita ta soberanamente
liber pa aparece manera e kier: un aparencia como un hardinero529 of “den un otro
figura”530 diferente na cual su discipelnan a custumbra cu ne, esaki precisamente pa
spierta nan fe.

÷646
Resureccion di Cristo no tabata un regreso na un bida terenal, manera tabata e caso
di resureccion for di morto cu El a realisa prome cu Pasco cu: yiu muhe di Jairo y e
hoben di Naim, Lazaro. E hechonan aki tabata acontecimentonan milagroso, pero e
personanan lanta for di morto pa medio di e poder di Hesus a bolbe haya un bida
terenal “comun”. Na cierto momento nan lo bolbe muri. Resureccion di Cristo ta
esencialmente diferente. Den su curpa resucita, e ta pasa di estado di morto pa un
otro bida mas aya den tempo y espacio. Na ora di Resureccion, e curpa di Hesus ta
yena cu poder di Spirito Santo; e ta participa den bida divino den su estado di gloria,
di tal manera cu San Pablo por a bisa cu Cristo ta “e homber celestial”.
÷647
“Ki anochi tan dichoso – e Exultet di vigilia di Pasco ta canta – e so a merece pa
conoce e momento cu Cristo a resucita for di reino di morto!” Ningun hende tabata
testigo ocular di Resureccion di Cristo y ningun evangelista ta describi esaki. Ningun
hende por bisa con esaki a sosode fisicamente. Menos ainda por a percibi cu e
sentidonan, e esencia di mas intimo cu ta su pasamento pa un otro bida. Aunke cu e
Resureccion tabata un evento historico cu por a verifica pa medio di e señal di e graf
bashi y pa e realidad di e encuentronan di e apostelnan cu Cristo resucita, toch e ta
keda den centro di e Misterio di Fe como algo cu ta transcende y ta surpasa historia.
Ta p’esey, Cristo resucita no ta revela su mes na mundo sino na su discipelnan533,
“na esnan cu a subi cu nE for di Galilea pa Herusalem y cu awo ta Su testigonan pa e
pueblo” (Hch 13, 31).

÷648
Resureccion di Cristo ta obheto di fe asina leu cu e ta un intervencion transcendental
di Dios mes den creacion y den historia. Den dje, e tres Personanan divino ta actua
hunto na mes momento y ta manifesta nan propio originalidad. Ta poder di Tata “a
resucita” (cf Hch 2, 24) Cristo, su Yiu y di e forma aki a introduci den un manera
perfecto e humanidad di su Yiu – incluso su curpa – den Santisimo Trinidad. Hesus ta
revela su mes definitivamente como “Yiu di Dios cu poder, segun Spirito di santidad,
door di su resureccion for di morto” (Rm 1, 3-4). San Pablo ta enfatisa e revelacion di
poder di Dios534 pa medio di e accion di e Spirito cu a duna bida na e humanidad
morto di Hesus y a yam’E na e estado glorioso di Señor.

÷649
Pa loke ta trata e Yiu, El a realisa su propio Resureccion den virtud di su poder divino.
Hesus ta anuncia cu e Yiu di hende mester sufri hopi, muri y despues resucita (den
sentido activo di e palabra)535. Di otro banda, E ta afirma explicitamente: “Mi ta
entrega mi bida, pa despues Mi bolbe tum’e… Mi tin poder pa entreg’e y poder pa
bolbe tum’e” (Hu 10, 17-18). “Nos ta kere cu Hesus a muri y a resucita for di morto”
(1 Ts 4, 14).

÷650
E Tatanan di Iglesia ta contempla Resureccion for di e perspectiva di e persona divino
di Cristo cu a keda uni na su alma y su curpa, te hasta ora nan a wordo for di otro pa
morto: “Pa medio di e unidad di e naturalesa divino cu ta keda presente den cada un
di e dos partinan di hende, nan ta wordo uni di nobo. Pasobra mescos cu ta produci
morto door di e separacion di e componentenan humano, asina tambe ta logra
Resureccion door di union di e dos partinan”.

÷651
“Si Cristo no a resucita, anto e ora ey nos predicashi ta sin sentido y boso fe ta sin
sentido” (1 Co 15, 14). Prome cu tur cos, Resureccion ta encera e confirmacion di tur
loke Cristo a haci y a siña. Tur e berdadnan, te hasta esnan di mas inaccesibel pa
rasonamento humano, ta haya nan hustificacion, si Cristo, pa medio di su
Resureccion, a duna e prueba definitivo di su autoridad divino cu El a priminti.

÷652
Cristo su Resureccion ta cumplimento di promesa tanto di Testament Bieu537 y di
Cristo mes durante su bida na tera538. E expresion “segun Scritura” (cf 1 Co 15, 3-4)
ta indica cu a cumpli cu Resurreccion di Cristo segun profecia.

÷653
Ta confirma e berdad di e divinidad di Cristo dor di su Resureccion. El a bisa: “Ora
boso halsa Yiu di Hende, boso lo sa cu AMI TA” (Hu 8, 28). Resureccion di Esun
crucifica ta demostra cu berdaderamente, e tabata “AMI TA”, Yiu di Dios y Dios mes.
San Pablo por a bisa e Hudiunan: “E Promesa haci na nos antepasadonan, Dios a
cumpli den nos… ora Hesus a resucita, manera tambe ta skirbi den e prome salmo:
‘Abo ta Mi Yiu; mi a procrea Bo awe’” (Hch 13, 32-33)539. Resureccion di Cristo ta
estrechamente conecta na e misterio di Encarnacion di Yiu di Dios: ta su cumplimento
segun e plan eterno di Dios.

÷654
Tin un aspecto dobel den e misterio pascual: pa su morto nos a libra di pica, pa su
Resureccion ta habri pa nos e caminda pa un bida nobo. E bida nobo ta, na prome
luga, ehustificacion cu ta debolbe nos den gracia di Dios540, “asinacu, mescos cu
Cristo a resucita for di morto pa Gloria di Dios… sina nos tambe a biba un bida
nobo”(Rm 6, 4) Esaki ta consisti di victoria riba morto causa pa pica y di tuma parti di
nobo den gracia541. Ta realisa adopcion filial pasobra hende ta bira ruman di Cristo,
manera Hesus mes a yama su discipelnan despues di Su Resureccion: “Bay y bisa mi
rumannan” (Mt 28, 10; Hu 20, 17). Rumannan no pa naturalesa, sino pa e don di
gracia, pasobra e filiacion adoptivo ta trece un participacion di berdad den bida di Yiu
unico, esun cu a keda completamente revela den u Resureccion.
÷655
Finalmente, Resureccion di Cristo – y e Cristo Resucita mes – ta principio y fuente di
nos futuro resureccion: “Cristo a resucita for di morto como esun prome di esnan cu a
bay sosega… di e mesun manera cu Adam a muri pa nos tur, asina tambe nos tur
lorebiba den Cristo” (1 Co 15, 20-22). Mientras nan ta warda pa esaki keda cumpli,
Cristo resucita ta biba den curason di su fielnan. Den djE e Cristiannan “ta saborea… e
forsanan di mundo futuro” y Cristo ta hiba nan bida te den curason di bida divino542
pa nan “no biba mas pa nan mes, sino pa Esun cu a muri pa nan, Esun cu Dios a lanta
for di morto” (2 Co 5, 15).

÷656
Fe den Resureccion tin como obhetivo un evento cu ta historicamente confirma pa e
discipelnan cu realmente a topa cu esun Resucita. Na mes momento e
misteriosamente a relaciona cu entrada di humanidad di Cristo den gloria di Dios.

÷657
E graf bashi y e pañanan tira abou riba nan mes ta nifica cu e curpa di Cristo a scapa
door di poder di Dios di e lasonan di morto y di perdicion. A prepara e discipelnan pa
nan encuentro cu esun Resucita.

÷658
Cristo, “esun prome cu a lanta for di morto” (Col 1, 18), ta e principio di nos propio
resureccion, for di awo caba pa medio di hustificacion di nos alma543, y despues pa
medio di e bida nobo cu E lo duna na nos curpa.

÷659
“Cu esaki, Hesus, despues di a papia cu nan, a subi na shelo y a sinta na man drechi di
Dios” (Mc 16, 19). Curpa di Cristo a keda glorifica for di e momento di su Resureccion
manera ta proba den e caracteristicanan nobo y sobrenatural, cu di awo padilanti e
curpa tin pa semper545. Pero durante e cuarenta dianan cu familiarmente El a come y
bebe cu su discipelnan546, El a siña nan tocante Su Reino547 Su gloria ainda a keda
tapa bou di e apariencia di naturalesa humano comun548. E ultimo aparicion di Hesus
ta termina cu e entrada ireversibel di su humanidad den gloria divino simbolisa pa
nubia549 y pa shelo550 na unda E ta sinta pa semper na man drechi di Dios551.
Solamente den un forma completamente excepcional y unico, Hesus ta mustra su mes
na Pablo “como na uno cu a nace prematuro” (1 Co 15, 8) den un ultimo aparicion cu
ta establec’e como un apostel.

÷660
E caracter scondi di gloria di Esun Resucita durante di e tempo aki a keda anuncia den
su palabranan misterioso na Maria Magdalena: “Ainda Mi no a subi bay cerca mi Tata.
Bay cerca mi rumannan y bisa nan cu mi ta subi bay cerca mi Tata y bo Tata, mi Dios y
bo Dios” (Hu 20, 17). Esaki ta indica un diferencia den manifestacion entre gloria di
Cristo Resucita y esun di Cristo halsa na man drechi di Tata. Un acontecimento alabes
historico y transcendental di Ascension ta marca e transicion.

÷661
E ultimo etapa aki ta keda estrechamente liga na esun prome, miho bisa, na su
bahamento for di shelo den Encarnacion. Solamente esun cu “a bin di Tata” por
“bolbe cerca Tata”: esaki ta Hesucristo553. “Ningun otro hende a subi bay shelo cu
esun cu a baha for di shelo, esta e Yiu di hende” (Hu 3, 13)554. Si humanidad mester
depende riba su propio poder natural, e no tin acceso na e “cas di Tata” (Hu 14, 2),
na bida y felicidad di Dios. Solamente Cristo por habri un entrada asina pa hende, “el
a desea di bay dilanti como Cabes y nos Fuente, pa asina nos, su curpa, por biba cu e
speransa fervoroso di siguiE den su Reino”.

÷662
“Ora cu halsa mi for di tera, lo mi hala tur hende na mi” (Hu 12, 32). Halsamento na
cruz ta nifica y ta anuncia su halsamento na shelo pa medio di su Asuncion, y
realmente esaki ta comienso di esey. Hesucristo, e unico Sacerdote di e Aliansa Nobo
y eterno, no “a drenta den un Sanctuario cu hende a traha…, sino El a drentra shelo
mes pa presenta su mes obedientemente dilanti di Dios na nos fabor” (Hb 9, 24). Den
shelo, Cristo ta haci permanentemente trabou di sacerdocio. “For di ey E por salba
perfectamente esnan cu ta acerca Dios pa medio di djE, ya cu E ta biba pa semper pa
boga na nan fabor cerca Dios” (Hb 7, 25). Como “Gran Sacerdote di e futuro biennan”
(Hb 9, 11), E ta e centro y actor principal di Liturgia cu ta honra Tata den shelo.

÷663
For di e tempo ey, Cristo ta sinta na man drechi di Dios Tata: “Cu man drechi di Tata,
nos ta compronde e gloria y honor di divinidad, unda Esun cu a existi manera Yiu di
Dios prome cu tur siglo, pues como Dios y consubstancial cu Tata, ta sinta
corporalmente despues cu El a encarnacu y cu su curpa a keda glorifica”.
÷664
Sinta na man drechi di Tata ta nifica e inauguracion di Reino di e Mesias, cumpliendo
asina cu e vision di e profeta Daniel pa loke ta trata Yiu di hende: “A dun’e autoridad,
honor y reino pa tur pueblo, nacion y idioma sirbiE. Su imperio ta un imperio eterno
cu ta dura pa semper y no por destrui su reino nunca” (Dn 7, 14). For di e momento
ey, e apostelnan a converti den testigonan di e “Reino cu lo no tin fin.

÷665
Asuncion di Hesucristo ta marca e entrada definitivo di humanidad di Hesus den poder
celestial di Dios, for di unda E lo bolbe559 mientras tanto e humanidad aki ta scond’e
for di bista di hende.

÷666
Hesucristo, Cabes di Iglesia, a bay nos dilanti den Reino glorioso di Tata, pa asina nos,
e miembronan di su Curpa, por biba den e speransa cu un dia nos lo ta cu nE den
eternidad.

÷667
Unabes cu Hesucristo a drenta e santuario di shelo pa nos tur, E ta intercede
constantemente pa nos, como e mediador, cu ta sigura nos di dramamento
permanente di Spirito Santo.

÷668
“Cristo a muri y a bolbe biba pa e por ta Señor di tanto bibo y morto” (Rm 14, 9).
Asuncion di Cristo na shelo ta nifica su participacion como ser humano, den poder y
autoridad di Dios. Hesucristo ta Señor: e ta posee tur poder di shelo y di tera. E ta
“riba tur Imperio, Autoridad, Poder, Dominio”, pasobra Tata “a pone tur cos bou di su
pia” (Ef 1, 20-22). Cristo ta Señor di Cosmo561 y di historia. Den djE historia di
humanidad y henter creacion ta coincidi562, y ta keda transcendentalmente cumpli.

÷669
Como Señor, Hesus ta tambe Cabez di Iglesia, cu ta su Curpa563. Eleva na shelo y
glorifica, cumpliendo asina cu su mision, E ta permanece na tera y den su Iglesia.
Salbacion ta fuente di autoridad cu Cristo, den virtud di Spirito Santo, ta eherce riba
Iglesia564. “Reino di Cristo, ya ta presente den misterio”, “e simia y e cuminsamento
di e Reino aki na tera”.

÷670
Desde Asuncion, e plan di Dios a drenta den su realisacion. Ya nos a yega na e “ultimo
ora” (1 Hu 2, 18)566. “Ya final di historia a yega cerca nos y renovacion di mundo di
manera irevocabel ya ta dicidi y di algun forma realmente ya anticipa na e mundo aki,
pasobra. Iglesia na tera, ya caba ta bisti cu un santidad berdadero, aunke ainda
imperfecto”567. Reino di Cristo ya caba ta manifesta su presencia door di signonan
milagroso568 cu ta acompaña su anuncio mediante Iglesia.

÷671
Reino di Cristo, presente caba den su Iglesia, sinembargo ainda e mester wordo
realisa “cu gran poder y gloria” (Lc 21, 27)570 cu regreso di e Rey na tera. E Reino aki
ainda ta bou di atake di podernan malo571, apesar cu nan a keda venci pa medio di
Pasion di Cristo. Te ora tur cos ta someti na dje572 y “mientras cu no tin un shelo y
un tera nobo caminda husticia ta reina, Iglesia peregrino den su sacramentonan y
institucionnan, cu ta pertenece na e tempo aki, ta carga e imagen di e mundo
pasahero aki, y e mes ta biba memey di e criaturanan cu ta sigui keha y sufri dolor di
parto, wardando riba manifestacion di e yiunan di Dios”573. Pa e motibo aki
Cristiannan ta pidi, mas tanto durante Eucaristia574, pa pura e regreso575 di Cristo
door di suplica na Dje: Marana tha! “Bini, Señor Hesus!” (1 Co 16, 22; Ap 22, 17-20).

÷672
Prome cu su Asuncion Cristo a afirma cu ainda no tabata ora pa establecemento
glorioso di e Reino mesianico cu Israel tabata wardando riba dje576, cu segun
profeta577 lo mester trece e orden definitivo di husticia, amor y paz pa tur hende.
Etempo presente, segun Señor, ta e tempo di Spirito ydi testimonio578 pero e ta
tambe untempo aindamarca pa “dificultad” (1 Co 7, 28) y prueba di maldad579, cu ta
afecta Iglesia tambe580 y ta introduci e batayanan di e ultimo dianan581. Ta un
tempo di espera y vigilia.

Glorioso binimento solem di Cristo, speransa di Israel

÷673
Desde Asencion, e binimento solemne di Cristo den gloria ta cerca583, apesar cu no ta
“na nos pa conoce ni dia y ni ora cu Tata a fiha pa medio di su propio autoridad” (Hch
1, 7)584. Por realisa e binimento escatologico aki na cualkier momento585, hasta si
tanto e binimento aki, como y e prueba final cu lo preced’e, wordo “retrasa”.
÷674
Binimento di e Mesiasglorioso, na un momento determina den historia,587 ta vincula
cu e reconocemento di e Mesias di “henter Israel” (Rm 11, 26; Mt 23, 39), cu di “un
parti ta endureci” (Rm 11, 25) den “incredulidad”588 relaciona cu Hesus. Despues di
Pentecoste San Pedro a bisa e Hudiunan di Herusalem: “P’esey converti y bira cara pa
Dios, pa E por kita boso picanan. Asina ey tempo di alivio lo bini di Dios, ora E manda
Mesias, esta Hesus, Esun cu El a destina pa boso. Shelo mester a tuma Hesus te ora
tempo pa restaura tur cos yega. Tocante esey Dios a yega di papia for di antes caba,
pa medio di su profetanan santo” (Hch 3, 19-21). Y cerca San Pablo e palabranan ta
sigui resona: “Si nan rechaso a trece reconciliacion pa mundo, kico otro nan
aceptacion por nifica si no ta biba for di mortonan?” (Rm 11, 12). Entrada di “e
cantidad completo” di Hudiunan den salbacion mesianico, despues di “e cantidad
completo di e pueblonan pagano” (Rm 11, 25)589, ta haci posibel pa Pueblo di Dios
logra alcansa “plenitud den Cristo” den cual “Dios lo ta tur cos den nos tur” (1 Co 15,
28).

÷675
Prome cu binimento solem di Cristo, Iglesia mester pasa door di un prueba final cu lo
sacudi fe di hopi creyente590. Persecucion cu ta compaña su peregrinacion na tera591
lo devela e “Misterio di Maldad” den forma di un mentira religioso cu ta ofrece hende
un aparente solucion pa nan problemanan. E prijs cu nan mester paga ta cu nan lo ta
infiel na e berdad. E supremo mentira religioso ta esun di e Anticristo, un seudo-
mesianismo, door di cual hende ta glorifica su mes, poniendo su mes na luga di Dios y
di su Mesias, cu a bin den carni.

÷676
E mentira diAnticristo ya ta cuminsa tumaforma den mundo cada biaha cu ta pretende
di realisa, den cuadro di historia, e speransa mesianico, cu solamente mas aya di
historia por alcansa pa medio di e huicio escatologico: Iglesia a rechasa te hasta
formanan modifica di e falsificacion di e futuro Reino aki bou nomber di
milenarismo593, especialmente e forma politico “intrinsicamente perverso” di un
mesianismo secularisa.

÷677
Iglesia lo drenta den Reino su gloria solamente pa medio di e ultimo Pasco aki, ora e
lo sigui su Señor den su morto y Resureccion595. P’esey no por realisa Reino mediante
un triunfo historico di Iglesia596 den forma di un crecemento progresivo, sino
solamente door di victoria di Dios riba e ultimo manifestacion di maldad597. Cu e
victoria aki Bruid di Cristo lo baha for di shelo598. E triunfo di Dios riba rebelion di
maldad lo tuma e forma di Huicio final599 despues di e ultimo trastorno cosmico di e
mundo pasahero aki.

÷678
Siguiendo e profetanan601 y Huan Bautista602, Hesus a anuncia den su predicashi e
Huicio di e ultimo Dia. E ora ei conducta di cada uno y secretonan603 di curason lo
sali na cla604. E ora lo condena incredulidad culpabel di a considera e gracia ofreci
door di Dios como algo sin balor605. Actitud relaciona cu e prohimo lo revela e
aceptacion of e rechaso di gracia y di amor divino606. Hesus riba e ultimo dia lo bisa:
“Loke bo a haci pa un di mi rumannan di mas chikito, bo a hacie pa Mi” (Mt 25, 40).

÷679
Cristo ta Señor di bida eterno. E derecho completo di husga definitivamente obra y
curason di hende ta pertenece na Cristo como e Redentor di mundo. El a “adkiri” e
derecho aki pa medio di e Cruz. Tata tambe a entrega “tur huicio na e Yiu” (Hu 5,
22)607. Asina ta, e Yiu no a bin pa husga, sino pa salba608 y pa duna bida cu e tin den
dje609. Ta door di e rechaso di gracia durante e bida aki cu ya cada un ta husga su
mes610; e ta haya su recompensa segun su obranan611 y te hasta e por condena su
mes eternamente door di rechasa e Spirito di amor.

÷680
Cristo, Señor, ta reina mediante Iglesia, pero ainda no tur cos di mundo ta someti na
dje. Triunfo di Reino di Cristo lo no tuma luga sin un ultimo atake di forsa di maldad.

÷681
Dia di Huicio, na final di mundo, Cristo lo bin den gloria pa finalmente ehecuta e
triunfo definitivo di bondad riba maldad cu, mescos cu maishi y yerba malo, a crece
hunto den curso di historia.

682
Ora E bini na final di tempo pa husga bibo y morto, Cristo glorioso lo revela e
disposicion secreto di curason y lo recompensa cada hende segun su obra y segun su
aceptacion of rechaso di gracia.
÷683
“Niun hende por bisa: ‘Hesus ta Señor!’ Si no ta door di influencia di Spirito Santo” (1
Co 12, 3). “Dios a manda Spirito di su Yiu pa nos curason, cu ta grita: “Alaba, Tata!”
(Ga 4, 6). E conocemento di fe aki ta posibel solamente den Spirito Santo. Pa drenta
den contacto cu Cristo, ta primeramente necesario keda atrai door di Spirito Santo. E
ta bin topa nos y ta spierta fe den nos. Pa medio di bautismo, e prome sacramento di
fe, Spirito Santo den Iglesia, na un manera intimo y personal, ta duna nos bida cu tin
su origen den Tata y ta wordo ofreci na nos den e Yiu:

Bautismo ta duna nos gracia di un nacemento nobo den Dios Tata pa medio di su Yiu
den Spirito Santo. Pasobra lo conduci na Palabra, esnan cu ta carga Spirito di Dios,
miho bisa, na e Yiu; anto e Yiu ta presenta nan na Tata y Tata ta concede
inmortalidad na nan. Asina ta, sin Spirito no ta posibel mira Yiu di Dios y, sin e Yiu,
niun hende lo por acerca e Tata, pasobra e conocemento di Tata ta e Yiu y ta logra
conoce e Yiu di Dios pa medio di Spirito Santo.

÷684
Spirito Santo cu su gracia ta e “prome” cu ta spierta fe den nos y E ta para na inicio di
e bida nobo cu ta: ”conoce e Tata y esun cu El a manda, esta Hesucristo”2. Pero
Spirito Santo ta e ultimo di

e personanan di Santisimo Trinidad cu a wordo revela. San Gregorio Nacianceno, e


Teologo, ta splica e desaroyo aki mediante e pedagogia di “descenso” divino cerca
hende:

Testament Bieu a proclama e Tata hopi cla mes , pero e Yiu mas scondi. Testament
Nobo ta revela e Yiu y ta mustra djis un swing di e divinidad di e Spirito. Awo Spirito
ta biba memey di nos y e ta duna nos un bista mas cla di su mes. No tabata prudente,
pa mientras cu ainda no a profesa e divinidad di Tata, proclama e Yiu abiertamente, y
mientras cu divinidad di e Yiu ainda no a keda admiti, pa pone acerca e Spirito Santo
como un carga extra, pa uza un expresion un poco atrevido… Avansando y progresando
“di gloria pa gloria”, lus di SantisimoTrinidad lo resplandece rayonan cu ta briya cada
bes mas y mas.

÷685
P’esey, kere den Spirito Santo ta, profesa cu Spirito Santo ta un di e personanan di
Santisimo Trinidad, consubstancial na Tata y Yiu, “cu hunto cu Tata y Yiu ta ricibi e
mes un adoracion y gloria” (Simbolo di Nicea-Constantinopel). Ta p’esey a papia di
misterio divino di Spirito Santo den ‘teologia’ Trinitario. Aki, sinembargo, ta trata di
solamente Spirito Santo den e ‘plan di salbacion’ divino.
÷686
Spirito Santo ta coopera cu Tata y cu Yiu desde cuminsamento di plan di nos salbacion
y te na su cumplimento. Solamente den e “ultimo tempo”, inaugurando cu
Encarnacion redentor di e Yiu, ta momento cu Spirito ta revela su mes y ta duna su
mes y lo reconoc’E y acept’E como Persona. E ora ey e Plan Divino, realisa den Cristo,
“e Prome Yiu” y Cabes di creacion nobo, lo wordo encorpora den humanidad pa medio
di dramamento di e Spirito: como e Iglesia, e comunion di santonan, e pordon di pica,
e resureccion di carni y e bida eterno.

÷687
“Solamente Spirito di Dios sa tur cos di Dios” (1 Co 2, 11). Pues anto, su Spirito, cu ta
revel’e ta laga nos conoce Cristo, su palabra bibo, pero e Spirito no ta bisa nada mas
di su mes. E Spirito, cu ”a papia pa boca di profeta” ta laga nos tende e palabra di
Tata, pero E Spirito mes nos no ta tende. Nos conoc’E, solamente pa medio di
inspiracion cu ta releva na nos e Palabra y ta haci nos disponibel pa den fe nos
acept’E. Spirito di berdad, cu ta “devela” Cristo pa nos, “no ta papia riba su mes”4.
Tal discrecion, berdaderamente divino, ta splica pakico “mundo no por ricibiE,
pasobra mundo no ta mir’E ni conoc’E”, mientras esnan cu ta kere den Cristo conoce
e Spirito pasobra E ta biba cerca nan.

÷688
Iglesia, un comunidad bibando den e fe di e apostelnan cu e ta transmiti, ta e luga
caminda nos ta siña conoce Spirito Santo:

- den e Scrituranan cu el a inspira;

- den e Tradicion di cual e Tatanan di Iglesia semper ta testigonan oportuno;

- den e Magisterio di Iglesia, cu E ta asisti;

- den e liturgia sacramental pa medio di su palabra y simbolonan, pa medio di cual


Spirito Santo ta pone nos den comunion cu Cristo;

- den oracion pa medio di cual E ta intercede pa nos;

- den e donnan di gracia y e ministerionan pa medio di cual Iglesia ta construi

- den e signonan di bida apostolico y misionero;

- den e testimoniodi santonan, pa medio di kendenan E ta manifesta su santidad y ta


continuae obra di albacion.
÷689
Esun cu Tata a hinca den nos curason, e Spirito di su Yiu (cf Ga 4, 6), ta realmente
Dios. Uno den esencia cu Tata y Yiu, e Spirito ta inseparablemente mara cu nan, tanto
den bida intimo di Santo Trinidad como den su don di amor pa mundo. Sinembargo ora
ta adora Santo Trinidad cu ta duna bida, cu ta consubstancial y individibel, e fe di
Iglesia ta profesa tambe e distincion di e personanan. Ora Tata ta manda su palabra, e
ta manda semper Su Rosea; den nan mision conhunto, ta distingui Yiu y Spirito Santo
pero nan ta inseparabel. Siguramente, ta Cristo ta esun kende ta aparece, e imagen
visibel di e Dios invisibel, pero ta Spirito Santo ta revel’E

÷690
Hesus ta Cristo, “Esun hunta”, pasobra Spirito Santo ta su uncion y tur loke cu sosode
for di Encarnacion en adelante, ta bini di e plenitud aki6. Ora por fin Cristo ta
glorifica7, E na su turno, por manda Spirito Santo for di Tata, pa nan cu ta kere den
djE: e ta laga nan tuma parti den su Gloria8, es decir, den e Spirito Santo cu ta
glorific’E9. E “mision” conhunto aki lo keda manifesta den e yiunan adopta pa e Tata
den e Curpa di su Yiu: E mision di Spirito di adopcion ta pa uni nan cu Cristo y pa laga
nan biba den dje:

E idea di huntamento ta sugeri… cu entre Yiu y Spirito Santo no tin ningun distancia.
En realidad, mescos cu ta e caso entre e superficie corporal y e huntamento cu azeta,
ni rasonamento ni sensacion conoce ningun intermediario, asina e contacto entre e
Yiu y e Spirito ta directo, di manera cu ken cu kier tin contacto cu e Yiu pa medio di
fe, mester tin contacto prome cu e azeta. Pues, no tin ningun parti cu no ta cubri pa
Spirito Santo. Ta p’esey e reconocemento cu e Yiu ta Señor ta bira realidad den
Spirito Santo door di esnan cu ta acept’e, e Spirito cu ta bini di tur banda na esnan cu
ta acerca e Yiu den fe.

÷691
“Spirito Santo”, esey ta nomber propio di esun cu nos ta adora y glorifica hunto cu
Tata y Yiu. Iglesia a ricibi e nomber aki di Señor y lo profesa esaki na bautismo di su
yiunan nobo.

E palabra “Spirito Santo” ta un traduccion di e palabra Hebreo “Ruah”, cu


primeramente ta nifica rosea, aire of biento. Hesus a uza netamente e imagen
sensibel di biento pa duna Nicodemo un idea di e novedad transcendental di esun
kende personalmente ta rosea di Dios, e Spirito divino12. Di otro banda “Spirito” y
“Santo” ta atributonan divino cu ta comun pa e tres personanan Divino. Door di uni e
dos palabranan, Santa Scritura, liturgia y lenguahe teologico ta indica e persona
inefabel di Spirito Santo, sin ningun posibel kibocacion encuanto otro uzo di e
palabranan “spirito” y “santo”.

÷692
Ora Hesus ta anuncia y priminti e Binimento di Spirito Santo, E ta yam’e “Paraclito”,
literalmente “esun cu ta wordo yama pa bini cerca”, “ad-vocatus” (Hu 14, 16-26; 15,
26; 16, 7). Normalmente ta traduci “Paraclito” como “Consolado”, y Hesus ta e prome
consolado1313. Señor mes ta yama Spirito Santo: “Spirito di Berdad“ (Hu 16-13).

÷693
Ademas di e nomber propio “Spirito Santo” cu mas tanto ta wordo uza den Hechonan
di Apostelnan y den Cartanan, San Pablo ta uza tambe e nombernan: e Spirito di
promesa14, e Spirito di adopcion15, e Spirito di Cristo (Rm 8, 11),e Spirito di Señor (2
Co 3, 17), y e Spirito di Dios (Rm 8, 9. 14; Rm 15, 19; 1 Co 6, 11; 1 Co 7, 40) y cerca
San Pedro, e “Spirito di gloria” (1 Pe 4, 14).

÷694
Awa. simbolismo di awa ta nifica e accion di Spirito Santo ora di Bautismo. Despues di
invocacion di Spirito Santo, awa ta bira e signo sacramentalmente eficaz di
renacemento: mescos cunos bida, prome cu nos nacemento, durante embaraso a
desaroya rondona di awa, asina e awa di bautismo realmente ta indica cu nos
nacemento pa e bida divino ta un regalo di Spirito Santo. Mescos cu nos ta batisa den
un Spirito so, asina tambe “nos a bebe di un Spirito so” (1 Co 12, 13): Pues E Spirito ta
tambe personalmente e Awa bibo cu ta brota for di Cristo crucifica16 como su fuente
y cu ta brota den nos na bida eterno.

÷695
E huntamento. E simbolismo di huntamento cu azeta tambe ta nifica e Spirito Santo
asina leu cu esey ta bira sinonimo di Spirito Santo18. Den rito di introduccion Cristian
e huntamento cu crisma ta e signo sacramental di Confirmacion. Den Iglesia Oriental
nan ta yama esaki ”Crismacion”. Nos mester bolbe sinembargo na e prome uncion cu
Spirito Santo a haci pa por comprend’e completamente: e huntamento di Hesus.
Cristo (“Mesias” den Hebreu) ta nifica “Esun cu ta hunta“ cu Spirito di Dios. Den
Testament Bieu tabatin hende “hunta” pa Señor19, entre nan especialmente, Rey
David20. Pero Hesus di un manera unico ta Esun hunta pa Dios: e naturalesa humano
cu e Yiu a asumi den su totalidad ta “hunta (crisma) door di Spirito Santo”. Hesus a
bira “Cristo” pa medio di Spirito Santo21. Birgen Maria a concebi Cristo for di Spirito
Santo, cu pa medio di e angel, na su nacemento a anunci’E como Cristo22, y ta
impulsa Simeon pa bay tempel pa mira e Cristo di Señor23. Spirito Santo ta esun cu a
yena Cristo24 y ta Su forsa cu a sali for di Cristo ora El a cura hende y a trece
salbacion25 Finalmente ta Spirito Santo a lanta Hesus for di morto26. Hesus, cu awo
te plenamente confirma como “Cristo” den su naturalesa humano victorioso riba
morto, ta drama Spirito Santo na abundancia te ora “e santonan” den comunion cu
humanidad di Dios Yiu – “e Homber perfecto aki… cu ta realisa e plenitud di Cristo”27
(Ef 4, 13): ta forma “e Cristo total” segun un expresion di San Agustin.

÷696
Candela. Mientras awa ta e nificacion di nacemento y fertilidad di bida cu ta duna den
Spirito Santo, candela ta simbolisa e forsa, e energia transformado di trabou di Spirito
Santo. Profeta Elias, kende “a lanta para manera candela y kende su palabra a kima
manera un antorcha” (Sir 48, 1), pa medio di su oracion ta laga candela basha for di
shelo riba e sacrificio di Sero Carmel28. E ta un profecia di e candela di Spirito Santo
cu tur loke e mishi cu ne, ta cambia. Huan Bautista, kende ta precedi Señor cu spirito
y forsa di Elias” (Lc 1, 17), ta anuncia Cristo como esun, kende “lo batisa cu Spirito
Santo y candela” (Lc 3, 16), e Spirito di kende Hesus lo bisa: “Mi a bini pa cende
mundo na candela y Mi tin masha gana pa e candela cuminsa kima pa caba!” (Lc 12,
49). Ta den figura di lenga, “manera di candela” cu Spirito Santo a baha riba e
discipelnan e mainta di Pentecoste y a yena nan cu su mes (Ech 2, 3-4). E tradicion
spiritual lo conserva e simbolismo aki di candela como un di e accionnan mas
expresivo di Spirito Santo29. “No paga e Spirito” (1Tes 5, 19).

÷697
Nubia y Luz. E dos simbolonan aki ta inseparablemente mara ora di e
manifestacionnan di Spirito Santo. Desde e diferente teofanianan den Testament
Bieu, “nubia”, tin biaha scur, tin biaha cla, ta revela un Dios bibo y salbador,
teniendo asina un velo riba e caracter transcendental di su Gloria: den caso di Moises
riba e sero Sinai30, den e tent di encuentro31 y durante e marcha den desierto32,
mescos den caso di Salomon ora di dedicacion di e tempel33. Cristo ta trece e
cumplimento total di e figuranan aki den e Spirito Santo. Ta Spirito Santo ta esun cu
ta baha riba Birgen Maria y ta cubrie “cu su sombra” di manera cu Maria ta concebi y
ta duna luz na Hesus34. Riba sero di transfiguracion “Spirito Santo ta bini den un
nubia y ta cubri Hesus, Moises, Elias, Pedro, Jacobo y Huan cu su sombra” y “for di e
nubia ta zona un bos cu ta bisa:’Esaki ta mi Yiu, Esun scogi, scuch’E’” (Lc 9, 34-35).
Finalmente ta e mesun nubia cu ta kita Hesus for di bista di e discipelnan riba dia di
Ascension35 y cu lo revel’E como Yiu di hende den gloria riba dia cu E bolbe.

÷698
E seyo ta un simbolo masha yega na uncion (crisma). Pues ta Cristo ta esun cu Dios a
marca cu su seyo (Hu 6, 27) y ta den dje cu Tata a marca nos tambe cu su seyo37.
Pasobra e imagen di seyo (“sphragis”) ta indica e efecto cu no ta kita di e uncion cu
Spirito Santo den e sacramentonan di Bautismo, Confirmacion y Ordenacion
Sacerdotal, a uza e seyo den cierto tradicionnan teologico pa indica e “caracter” cu
no ta kita y cu ta wordo graba den hendepa medio di e tres sacramentonan aki, cu no
por ripiti.

÷699
E Man. Pa medio di ponemento di man, Cristo ta cura hende enfermo38 y e ta
bendiciona e muchanan chikito39. Den Su nomber apostel lo haci mescos40. Miho
bisa, ta pa medio di ponemento di man di apostelnan nos ta ricibi Spirito Santo41.
Den e Carta na Hebreonan, e ponemento di man ta figura entre e “ partinan
fundamental” di su siñansa42. E signo aki di dramamento todopoderoso di Spirito
Santo, Iglesia a mantene den su invocacionnan sacramental.

÷700
Dede. “Ta pa medio di dede di Dios cu Ami (Hesus) ta saca demonio” (Lc 11, 20). Si a
skirbi ley di Dios riba tabla di piedra “door di dede di Dios” (Ex 31, 18), anto “e carta
di Cristo”, confia na cuido di e apostelnan, “no ta skirbi cu inkt, sino cu Spirito di Dios
bibo; no skirbi riba tabla di piedra, pero den curason di hende bibo” (2 Cor 3, 3). E
himno “Bini, Spirito Creador” (“Veni Creator Spiritus”) ta invoca Spirito Santo como
“digitus paternae dexterae” (“e dede di man drechi di Tata”).

÷701
E Paloma. Na final di deluvio, (cu su simbolismo ta referi na bautismo) e paloma cu
Noe, a laga bay, ta bolbe cu un taki di olijfi fresco den su pik, un señal cu mundo
tahabitabel atrobe43. Ora Cristo ta sali for di awa di su bautismo, Spirito Santo
denfigura di un paloma, ta baha riba dje y ta keda cu nE44. Spirito Santo ta bahay
takeda den curason purifica diesunbatisa. Den algun misa ta conserva Santa Eucaristia
den un cahita di metal den forma di un paloma (columbarium), cu ta colga riba altar.
E figura di paloma, representando Spirito Santo, ta un simbolo tradicional den
iconografia Cristian.

÷702
Desde cuminsamento y te na “e plenitud di tempo” (Gal 4, 4), e Mision conhunto di e
Palabra y e Spirito di Tata ta keda scondi pero activo. Spirito di Dios tabata prepara e
tempo di e Mesias. Niun di dos ta wordo completamente revela, pero tur dos ya a
wordo priminti, ya pa hende por paga tino cu nan y acepta nan ora nan manifesta nan
mes. Ta p’esey ora Iglesia ta lesa e estament Bieu45, e ta investiga den dje46, loke e
Spirito, “cu a papia pa medio di e profetanan”, kier bisa nos tocante di Cristo.

Como ”profetanan”, fe di Iglesia ta considera aki tur esnan cu Spirito Santo a inspira
pa medio di proclamacion bibo y pa medio di e redaccion di e Bukinan Santo, tanto di
Testament Bieu como di Testament Nobo. Tradicion Hudiu ta distingui e Ley (e prome
5 bukinan historico of Pentateuch), despues e Profetanan (cu nos ta yama e bukinan
historico y profetico) y finalmente e Scrituranan (especialmente e literatura di
sabiduria, particularmente e Salmonan).

÷703
Palabra di Dios y Su rosea ta origin di existencia y bida di cada criatura48:

Ta husto cu Spirito Santo ta goberna, santifica y anima creacion, pasobra e ta Dios, un


den ser hunto cu Tata y Yiu… Ta na dje poder riba bida ta pertenece, pasobra como
Dios e ta preserva creacion den Tata pa Medio di Yiu.

÷704
“Dios (esta, e Yiu y e Spirito Santo) a forma hende cu su propio mannan, y El a forma
den carni su propio figura, di tal forma cu hasta loke tabata visibel lo por a carga e
figura divino”.

÷705
Desfigura pa pica y morto, hende ta keda cu “e imagen di Dios”, e imagen di Yiu, pero
“priva di Gloria divino” (Rm 3, 23), priva di su “semehansa”. E promesa haci na
Abraham ta e principio di economia di salbacion. Na culminacion di esaki e Yiu mes ta
tuma “e imagen”51 y lo restaur’e den “semehansa” di Tata, door di bolbe dun’e su
Gloria, e Spirito cu ta “dunado di bida”.

÷706
Contrario na loke ser humano ta spera, Dios ta priminti Abraham un descendiente,
como fruta di fe y di poder di Spirito Santo52. Den esaki tur nacion di tera lo ta
bendiciona53. E descendiente aki lo ta Cristo54, den kende e dramamento di Spirito
Santo “lo trece hunto como uno e yiunan di Dios cu ta plama tur caminda”.
Comprometiendo su mes cu huramento solem55. Dios ta obliga su mes pa regala su Yiu
stima56, y “e Spirito Santo priminti… [cu ta] e garantia di nos herencia te ora nos bira
doño di dje” (Ef 1, 13-14).
÷707
E teofanianan (manifestacionnan di Dios) ta ilumina e caminda di e Promesa, for di
Patriarcanan te na Moises y for di Joshue te na e visionnan cu a inaugura misionnan di
e gran Profetanan. Tradicion Cristian semper a reconoce cu Palabra di Dios a laga
mira y tende su mes den e Teofanianan aki, den cual e nubia di Spirito Santo na
mesun momento a revela y a tapa Dios den su sombra.

÷708
E pedagogia divino aki ta aparece specialmente den e don di ley58, cu Dios a duna
como un “pedagogia” pa guia su pueblo cerca Cristo (Ga 3, 24). Pero e impotencia di
e ley pa salba hende, cu ta priva di e “semehansa” divino y di e conocemento
creciente di pica59, cu e ta manifesta, ta lanta e deseo pa Spirito Santo. E kehonan di
e Salmonan ta duna testimonio di esaki.

÷709
E ley ta señal di e Promesa y Aliansa cu lo mester a guia e curasonnan y e
institucionnan di Pueblo, naci for di fe di Abraham. “Si boso obedece mi bos y
mantene mi aliansa…, boso lo ta pa mi un reino di sacerdotenan y un nacion santo”
(Ex 19,5-6)60. Pero, despues di David, Israel a sucumbi pa e tentacion pa bira un reino
mescos cu e otro nacionnan. E reino sinembargo, e obhetivo di e promesa haci na
David61, lo ta awo e obra di Spirito Santo; e lo pertenece na pobernan di acuerdo cu e
Spirito Santo.

÷710
Ponemento un banda di e Ley y infieldad na e Aliansa ta conduci na Morto: e ta e
Exilio, aparente e fracaso di e promesanan, cu ta en realidad e fidelidad misterioso di
Dios Salbador y cuminsamento di un restoracion priminti, pero di acuerdo cu e Spirito.
E Pueblo di Dios mester a sufri e purificacion aki62; Den e plan di Dios ya caba e Exilio
tin den dje e sombra di e Cruz y e Resto di e pobernan cu a bolbe di Exilio, ta un di e
prefiguranan mas cla di e Iglesia.

÷711
“Mira, mi ta bay traha algo nobo” (Is 43, 19): dos liña profetico lo a desaroya, uno ta
dirigi riba wardamento riba e Mesias, e otro ta indica e anuncio di un Spirito nobo.
Nan ta bini hunto den e Resto chikito, e pueblo di pobernan63,cu ta warda cu
speransa riba ”consolacion di Israel” y ”redencion di Herusalem” (Lc 2, 25. 38).
Nos a weita mas prome cabacon Hesus ta cumpli cu e profecianan tocante di djE. Aki
nos ta limita nos mes na esnan den cual e relacion entre e Mesias y su Spirito ta
aparece mas cla.

÷712
E caracteristicanan di Mesias spera ta cuminsa aparece den e “Buki di Emanuel”64
particularmente den Isaias 11, 1-2:

Un steki di mata lo cuminsa spreit for di troncon di Isaiasy un taki lo crece for di su
rais.Y Spirito di Señor lo sosega riba djE,Spirito di sabiduria y inteligencia,Spirito di
conseho y di forsa,Spirito di conocemento y temor pa Señor.

÷713
E caracteristicanan di Mesias ta revela mas tanto den Cantonan di Sirbidor65. E
cantonan aki ta proclama e nificacion di e Pasion di Hesus y ta mustra con e lo drama
Spirito Santo pa duna bida na e multitud: no di pafo, pero door di tuma nos
‘existencia di un catibo”66. Tumando nos morto riba dje, e por laga nos participa den
su propio Spirito di bida.

÷714
Ta P’esey Cristo ta inaugura e proclamacion di e Bon Noticia haciendo e siguiente
fragmento di Isaias di Dje (Lc 4, 18-19)67:

Spirito di Señor a bini riba mi,pasobra El a hunta mi.El a manda mi anuncia e ” Bon
Noticia” na pobernan,pa proclama liberacion na presonan,y bista na ciegonany
libertad na esnan oprimi;pa proclama e era di Señor su gracia.

÷715
E textonan profetico cu ta referi directamente na e mandamento di Spirito Santo, ta
palabranan den cual Dios ta dirigi su mes n’e curason di su pueblo den e lenguahe di
Promesa, cu enfasis riba “amor y fieldad”68. Segun e promesanan aki, Spirito Santo,
na “final di tempo”, lo renoba e curason di hende grabando den dje un Ley nobo; e lo
trece hunto y reconcilia e pueblonan plama y dividi; lo e transforma e prome
creacion, y Dios lo biba aya cu hende na paz.
÷716
E pueblo di “pobernan”69, esnan cu den forma humilde y manso, ta depende
unicamente di e plannan misterioso di nan Dios, cu ta spera husticia, no di hende sino
di e Mesias- ta finalmente e gran logro di e Mision scondi di Spirito Santo, durante
tempo di promesanan cu ta prepara pa binimento di Cristo. Ta e calidad di curason
aki , purifica y ilumina pa Spirito Santo, cu ta wordo expresa den e Salmonan. Den e
pobernan aki Spirito Santo ta forma pa Señor ”un pueblo bon prepara pa Señor” (Lc 1,
17).

÷717
“Tabatin un homber manda door di Dios, kende su nomber tabata Huan (Hu 1, 6).
Huan tabata ‘yena cu Spirito Santo ya for di den barica di su Mama’ (Lc 1, 15, 41) pa
medio di Cristo mes, kende e Birgen Maria a caba di concebi pa medio di Spirito
Santo. E “bishita” di Maria na Elizabeth a bira asina un “bishita di Dios na su pueblo”.

÷718
Huan ta “Elias kende mester bini” (Mt 17, 10-13): e candela di Spirito Santo ta biba
den dje y ta hacie antecesor di Señor cu ta bini. Den Huan, e antecesor, Spirito Santo
ta completa e obra di “forma un pueblo bon prepara pa Señor” (Lc 1, 17).

÷719
Huan Bautista ta “mas cu un profeta” (Lc 7, 26). Den dje Spirito Santo ta termina su
”comunicacion pa medio di profeta”. Huan ta completa e ciclo di profetanan di cual
Elias tabata esun prome71. E ta proclama e yegada cercano di consuelo di Israel, e ta
e “bos” di e Consolado cu ta yegando (Hu 1, 23)72. Manera e Spirito di Berdad lo haci
tambe, “asina Huan a bini pa duna testimonio di e luz” (Hu 1, 7)73. Segun Huan, asina
e Spirito ta completa “e buskeda prudente di e profetanan” y ta realisa e anhelo di e
angelnan74: “Esun riba kende bo ta mira e Spirito baha y permanece, e ta esun kende
ta batisa cu Spirito Santo. Ami mes a mira y tabata testigo cu esaki ta e Yiu di Dios…
Ata aki e Lamchi di Dios” (Hu 1, 33-36).

÷720
Finalmente, pa medio di Huan Bautista, Spirito Santo ta inicia dunamentobek na
hende e“semehansa divino”, prefigurando loke E lorealisaden futuro cu Cristo y
denCristo E bautismo di Huan tabata pa penitencia; bautismo cu awa y Spirito Santo lo
ta un nacemento di nobo.
÷721
Maria, Santisimo Mama di Dios, esun semper Birgen, ta obra maestro di e mision di Yiu
y di Spirito Santo den plenitud di tempo. Pa di prome biaha den plan di salbacion y
pasobra su Spirito a prepara Maria, Tata a haya e Vivienda na unda su Yiu y su Spirito
por biba memey di hende. Ta p’esey e tradicion di Iglesia frecuentemente a aplica e
textonan di mas bunita encuanto sabiduria riba Maria76: den liturgia ta aclama y
representa Maria como e “Sede di Sabiduria”. Den Maria “maraviyanan di Dios”, cu
Spirito lo a cumpli den Cristo y Iglesia a cuminsa manifesta:

÷722
SpiritoSanto a prepara Maria pa medio di su gracia. Ta conveniente cu e Mama di Esun
den kende “naturalesa divino ta completamente presente den curpa fisico” (Col 2, 9),
mester ta “yen di gracia”. El a ser concebi sin pica, pa puro gracia, como e mas
humilde di tur criatura, esun mas capaz pa ricibi e regalo inefabel di Todopoderoso.
Cu tur rason, Angel Gabriel a cumind’e como “Yiu muhe di Sion”: ”Legra bo”77.
Cargando den su barica e Yiu eterno, den su canto den Spirito Santo78, e ta halsa na
Dios Tata e gradicimento di henter e Pueblo di Dios y consecuentemente di Iglesia.

÷723
Den Maria, Spirito Santo ta realisa e plan yen di amor y bondad di Tata. Pa medio di
Spirito Santo, e Birgen ta concebi y duna luz na e Yiu di Dios. Pa poder di Spirito Santo
y Maria su fe, su virginidad a converti den fecundidad unico.

÷724
Den Maria, Spirito Santo ta haci e Yiu di Tata visibel, kende a bira Yiu di e Birgen. E ta
e mata di mondi kimando di teofania definitivo; yena di Spirito Santo e ta mustra e
Palabra den humildad di su carni lagando pobernan80 y prome representantenan di e
paganonan sera conoci81 cu NE.

÷725
Finalmente, pa medio di Maria, Spirito Santo ta cuminsa trece hende, e “obhetivo di
Dios su amor misericordioso”82 den contacto cu Cristo. Y e humildenan semper ta e
promenan pa ricibiE: cuidadonan di carne, reynan mago, Simeon y Ana, e bruid y e
bruidegom di Cana y e prome discipelnan.
÷726
Na fin di e mision aki di Spirito Santo, Maria ta bira e “Muhe”, e Eva nobo, “mama di
tur hende”, mama di e “Cristo total”83. Como tal Maria tabata presente cu e
Diesdosnan, cu “uni den e mesun spirito a dedica nan mes na oracion” (Ech 1, 4), na
cuminsamrnto di e “fin di tempo” cu Spirito Santo lo a anuncia riba e mainta di
Pentecoste ora Iglesia manifesta su mes.

Henter e mision di Yiu y Spirito Santo, den plenitud di tempo ta conteni den lo
siguiente: cu e Yiu ta Esun Hunta pa Spirito di Tata desde su Encarnacion: Hesus ta e
Cristo, e Mesias.Henter e di dos capitulo di Credo nos tin di lesa den e luz aki. Henter
e trabou di Cristo ta un mision conhunto di Yiu y Spirito Santo. Aki, nos lo menciona
solamente loke tin di haci cu e promesa di Hesus di manda Spirito Santo y e regalo di
dje realisa pa e Señor glorifica.

÷728
Hesus no ta revela Spirito Santo completamente, te ora cu e mes ta glorifica door di
su Morto y Resureccion. Sinembargo, poco poco e ta referi na Dje te hasta den su
siñansa na e multitudnan ora e ta revela cu su propio Carni lo ta alimento pa bida di
mundo84. E ta referi tambe na Spirito Santo ora el a papia cu Nicodemo85, cu e muhe
Samaritano86 y cu esnan cu ta tuma parti den e fiesta di Tabernakelnan87. Cu su
discipelnan e ta papia abiertamente di Spirito Santo en conexion cu oracion88 y cu
testimonio cu nan lo mester duna.

÷729
Solamente ora e momento a yega pa su glorificacion, Hesus ta priminti e binimento di
Spirito Santo, ya cu su morto y Resureccion ta e cumplimento di e Promesa haci na e
Tatanan90. E Spirito di Berdad, e otro Paraclito, Tata lo duna como riba e oracion di
Hesus; Tata lo mand’E na nomber di Hesus; Hesus lo mand’E di parti di Tata, pasobra
El a sali for di Tata. Spirito Santo lo bini, nos lo reconoc’E y E lo keda pa semper cerca
nos, E lo tuma su biba cerca nos; E lo siña nos tur cos y lo recorda nos tur loke Cristo
a bisa y E lo duna testimonio di djE; E lo guia nos na tur e berdad y lo glorifica Cristo.
E lo mustra mundo su faltanan pa loke ta pica, husticia y huicio.

÷730
Por fin Hesus Por fin Hesus su ora ta yega91: E ta entrega su Spirito den Tata su
mannan92 di Tata na e mesun momento cu door di su Morto e ta vence morto, asina
cu, “lanta for di morto pa medio di Gloria di Tata” (Rm 6, 4), mesora e ta duna Spirito
Santo “suplando” riba su discipelnan93. Desde e momento aki e mision di Cristo y e
Spirito ta bira e mision di Iglesia: “Mescos cu Tata a manda mi, asina tambe mi ta
manda boso” (Hu 20, 21).
÷731
Riba dia di Pentecoste (na final di e shete simannan di tempo di Pasco Grandi) Pasco
di Cristo ta keda cumpli den dramamento di Spirito Santo, manifesta, duna y
comunica como un persona divino: desde su plenitud, Cristo e Señor95, ta drama e
Spirito na abundancia.

÷732
Riba e dia aki ta revela plenamente Santisimo Trinidad. Desde e dia ey, e Reino
anuncia pa Cristo ta habri pa tur cu ta kere den djE: den humildad di carni y den fe,
nan ta participa caba den Comunion di Santisimo Trinidad. Cu su binida, cu no ta
caba, Spirito Santo ta haci su entrada na mundo den e “ultimo temponan”, e tempo di
Iglesia, e Reino ya hereda, pero no finalisa ainda”:

Nos a mira e Luz berdadero, nos a ricibi Spirito Celestial, nos a haya e fe berdadero;
nos ta adora e Trinidad indivisibel, cu a salba nos.

÷733
“Dios ta Amor” (1 Hu 4, 8. 16) y amor ta su prome regalo cu ta inclui tur otro. E amor
aki “Dios ta derama den nos curason pa medio di Spirito Santo, cu a wordo duna na
nos” (Rm 5, 5).

÷734
Pasobra nos ta morto of a lo menos herida pa pica, e prome efecto di e regalo di amor
ta pordon di nos picanan. E comunion di Spirito Santo (2 Co 13, 13) den Iglesia ta duna
bek e semehansa divino cu nos a perde pa motibo di pica na esnan batisa.

÷735
E ta duna nos e “promesa” of “e prome frutanan” di nos herencia97: e mesun Bida di
Santisimo Trinidad cu ta stima manera “El a stima nos”98. E amor aki99 ta e
cuminsamento di e bida nobo den Cristo, haci posibel pasobra nos a “ricibi forsa di
Spirito Santo” (Ech 1, 8).

÷736
Danki na e poder aki di Spirito Santo e yiunan di Dios por duna hopi fruta. Esun cu a
pega nos na e wendruif verdadero lo laga nos pari “e fruta di Spirito Santo: …amor,
alegria, paz, pasenshi, amabilidad, bondad, fieldad, mansedumbre, dominio propio”
(Ga 5, 22-23). “E Spirito ta nos bida”; mas nos renuncia nos mes, mas100 nos lo biba
segun eSpirito” (Ga 5, 25):

Pa medio di Spirito Santo nos ta recobra e admision na paraiso, pa medio di djE nos ta
wordo guia atrobe na e Reino di shelo y adopta como yiu, duna confiansa pa yama
Dios “Tata” y comparti den gracia di Cristo y yama yiunan di luz y permiti pa participa
den Gloria eterno.

÷737
E mision di Cristo y Spirito Santo ta yega na plenitud den Iglesia, Curpa di Cristo y
Tempel di Spirito Santo. E mision conhunto aki ta di awo padilanti ta trece esnan cu
ta kere den Cristo pa comparti den Su comunion cu Tata den Spirito Santo. E Spirito ta
prepara hende, ta duna nan su gracia pa hala nan na Cristo. E ta laga nan mira Señor,
E ta laga nan recorda su palabra y ta habri nan mente pa nan compronde su Morto y
Resureccion. E ta haci nan presencia e Ministerio di Cristo, principalmente den
Eucaristia, pa por reconcilia nan y pa “guia nan na e comunion cu Dios, pa nan por
duna hopi fruta” (Hu 15, 5. 8. 16).

÷738
Pues, e mision di Iglesia no ta añadi nada na esun di Cristo y di Spirito Santo, sino e ta
su sacramento: den henter su alma y den tur su miembronan, Iglesia ta manda pa
anuncia y duna testimonio, pa actualisa y plama e Misterio di Comunion di Santisimo
Trinidad (esaki lo ta e topico di e proximo articulo):

Nos tur cu a ricibi e unico y e mesun Spirito, esta Spirito Santo , nos a mescla bira un
cu otro y cu Dios. Ni maske nos ta hopi separa, Cristo ta haci cu e Spirito di Tata y
Esun di djE, ta bin biba den cada un di nos. E Spirito aki cu ta individibel ta hiba na
comunion esnan cu ta diferencia for di otro y ta haci cu tur ta bira un den djE.
Pasobra mescos cu e poder di carni sagrado di Cristo ta haci cu tur esnan den kende E
ta biba ta forma un solo curpa, mi ta pensa, cu mescos tambe Spirito di Dios, unico y
individibel, cu ta biba den nos tur, ta hiba tur na unidad spiritual.

÷739
Ya cu Spirito Santo ta e Huntamento di Cristo, ta Cristo ta e cabes di e curpa, cu ta
drama e Spirito entre e miembronan pa alimenta, cura y organisa nan den nan funcion
mutuo, ta inspira nan, manda nan duna testimonio, ta laga nan participa den su
ofrenda voluntario na Tata y den su intercesion pa henter mundo. Pa medio di e
sacramentonan di Iglesia, Cristo ta anuncia su Spirito Santo y Santificador, na e
miembronan di su curpa (esaki lo ta e topico di e di Dos parti di e Catisashi).

÷740
E“trabounan maraviyoso aki di Dios”, ofreci na e fielnan dene sacramentonan di
Iglesia, ta duna nan fruta den e bida nobo den Cristo, segun e pirito (Esaki lo ta e
topico di e di resparti di e Catisashi).

÷741
“E spirito ta yuda nos den nos debilidad; pasobra nos no sa mes con nos mester resa,
pero e Spirito mes ta intercede pa nos cu suspiro inefabel” (Rm 8, 26). Spirito Santo,
cu ta e artesano di obra di Dios, ta e maestro di oracion (Esaki lo ta e topico di e di
cuater parti di e Catisashi).

÷742
“Pasobra boso ta yiunan, Dios a manda e Spirito di su Yiu den nos curason, bisando:
Abba! Tata!” (Gal 4, 6).

÷743
Desde cuminsamento te na final di tempo, kiora cu Dios manda su Yiu, semper E ta
manda su Spirito: nan mision ta conhunto y inseparabel.

÷744
Den plenitud di tempo Spirito Santo ta completa den Maria tur e preparacionnan pa
binimento di Cristo cerca pueblo di Dios. Pa medio di accion di Spirito Santo den
Maria, Tata ta duna mundo e Emanuel, “Dios cu nos” (Mt 1, 23).

÷745
Yiu di Dios a wordo consagra como Cristo (Mesias) pa medio di huntamento di Spirito
Santo na momento di su Encarnacion.

÷746
Pa medio di su Morto y su Resureccion, Hesus ta estableci den Gloria como Señor y
Cristo (Ech 2, 36). For di su plenitud, El a drama Spirito Santo riba su apostelnan y
Iglesia.

÷747
Spirito Santo cu Cristo e Cabes ta drama riba su miembronan, ta construi, anima y
santifica Iglesia. Iglesia ta e sacramento di e Comunion entre Santisimo Trinidad cu
hende.

÷748
“Cristo ta e luz di humanidad; y p’esey e ta e deseo ferviente di e Concilio Sagrado
aki, reuni den Spirito Santo, cu, proclamando su Evangelio na cada criatura, e por
hiba na tur hende e luz di Cristo cu ta briya visiblemente for di Iglesia.” Cu e
palabranan aki e Constitucion Dogmatico di Iglesia di e II Concilio di Vaticano ta
cuminsa. Door di scoge e punto di salida aki e “Concilio cu ta mustra cu e articulo di
fe encuanto e Iglesia” ta depende completamente di e articulonan cu ta referi na
Cristo Hesus. Iglesia no tin otro luz cu esun di Cristo; segun un imagen preferi di e
Tatanan di Iglesia, e Iglesia ta manera luna, tur su luz ta refleho di solo.

÷749
E articulo encuanto Iglesia ta depende tambe completamente di esun cu ta bini prome
cu ne, esta esun tocante Spirito Santo. Pues, despues cu nos a demostra cu Spirito
Santo ta e fuente y dunado di tur santidad, nos ta profesa awo cu e mesun Spirito a
enrikece Iglesia cu santidad104. Iglesia, segun expresion di e Tatanan, ta e luga
“Caminda e Spirito ta florece”.

÷750
Kere cu Iglesia ta “Santo” y “Catolico” y cu e ta “Uno” y “Apostolico” (manera Credo
di Nicea-Constantinopel ta agrega), ta inseparabel di fe den Dios, e Tata, e Yiu y e
Spirito Santo. Den e Credo di e Apostelnan nos ta profesa “un Iglesia Santo” (Credo…
Ecclesiam) y no cu nos ta kere den e Iglesia, pa no confundi Dios cu su obranan y pa
claramente atribui tur e donnan cu El a regala su Iglesia na e bondad di Dios.

÷751
E palabra “Iglesia” (“ekklèsia”, di Griego “ekkalein”, “yama pa bin pafo”) ta nifica un
“convocacion” of un “reunion”. E ta indica asambleanan di e pueblo, usualmente pa
un motibo religioso107. Ta uza e termino “Ekklesia’ frecuentemente den e Testament
Bieu Griego pa e asamblea di e pueblo eligi ante Dios, principalmente pa nan
asamblea riba Sero Sinai, caminda Israel a ricibi e ley y a wordo estableci pa Dios
como su pueblo santo108. Yamando su mes “Iglesia” e prome comunidad di Cristian cu
tabata kere den Cristo a reconoce cu nan ta heredero di e asamblea ey. Den Iglesia,
Dios “ta yama hunto“ su pueblo di tur parti di mundo. E palabra ekivalente na Griego
“Kyriake”, di cual a deriva e palabra na Ingles “church” y e palabra Aleman “Kirche”,
ta nifica “esun cu ta Pertenece na Señor”.

÷752
Den e lenguahe Cristian, e palabra ”Iglesia” no ta nifica solamente e asamblea
liturgico109, sino tambe e comunidad local110 of henter e comunidad universal di
creyente111. E tres nificacionnan aki ta inseparabel. “Iglesia” ta e pueblo cu Dios ta
reuni den henter mundo. E Iglesia di Dios ta existi den e comunidadnan local y ta bira
real como un asamblea liturgico y mas cu tur cos un asamblea eucaristico. E ta biba di
e palabra y e Curpa di Cristo y asina e mes ta bira Curpa di Cristo.

÷753
Den Sagrado Scritura nos ta haya un multitud di imagen y di figura relaciona cu otro,
pa medio di cual Revelacion ta papia di e Misterio inagotabel di Iglesia. E imagennan
tuma di Testament Bieu ta variacionnan di un tema profundo: e Pueblo di Dios. Den
Testament Nobo112 tur e imagennan aki ta haya un centro nobo pasobra Cristo a bira
“Cabes” di su pueblo113, cu for di e momento ey ta su Curpa. Rond di e centro aki tin
imagen agrupa “tuma for di bida di e wardado di carne, of for di agricultura, for di e
arte di construccion, of for di bida familiar y matrimonio”.

÷754
“Iglesia, efectivamente, ta e cura di carne di cual Cristo ta e unico y necesario
entrada115. Iglesia ta tambe e trupa di carne di cual Dios mes di antemano a anuncia
cu Cristo lo ta e wardador116. Aunke e wardadornan ta hende, cu ta na cabes di e
trupa di e carnenan aki, toch ta Cristo mes ta esun cu ta guia y alimenta nan
constantemente; Cristo e Bon Wardador, e Wardador Supremo117, kende a entrega su
bida pa su carnenan”.

÷755
“Iglesia ta cuminsa cu Dios119. Den e cunucu aki ta crece e palo di olijfi antiguo di
cual e patriarcanan tabata e rais santo y den cual e reconciliacion entre Hudiunan y
paganonan a tuma luga y lo tuma luga atrobe120. E cultivado divino a planta Iglesia
como cunucu di wendruif selecta121. E mata di wendruif berdadero ta Cristo, kende
ta duna bida y fertilidad na e rancanan, pues na nos: cu pa medio di Iglesia ta
permanence den Cristo y sin djE nos no por haci nada”.

÷756
“Hopi biaha tambe ta yama Iglesia e edificio di Dios123. Señor a compara su mes cu e
piedra cu e constructornan a rechasa, pero cu a bira e piedra principal124.
Apostelnan a construi Iglesia riba e fundeshi aki125, cu ta duna e solidez y unidad. E
edificio aki tin hopi nomber pa describie: cas di Dios126 den cual su famia ta biba;
residencia di Dios den Spirito127, cas di Dios memey di hende (Ap 21, 3); y
specialmente e tempel santo. E tempel aki, representa pa luganan santo traha di
piedra, alaba door di e Tatanan Santo, y no sin motibo, ta wordo compara den
liturgia, cu e Ciudad Santo, e Herusalem Nobo. Nos aki na mundo ta anto den dje
manera e piedranan bibo cu ta wordo hinca den e construccion128. Ta e ciudad santo
aki San Huan ta mira bahando di shelo, for di Dios, ora mundo wordo traha di nobo,
prepara manera un bruid, dorna bunita pa su esposo” (Ap 21, 1-2).

÷757
“Iglesia tambe yama ‘e Herusalem di ariba’ y nos mama (Gal 4, 26)129, ta wordo
describi como e bruid sin mancha di e lamchi sin mancha130. Ta e Cristo ‘a stima y ta
p’e El a entrega su mes pa por santific’e’ (Ef 5, 25-26); ta cu ne El a uni su mes den
un aliansa inkebrantabel, alimentando y cuidando e (Ef 5, 29) constantemente”.

÷758
Origen, fundacion y mision di Iglesia ta combini primeramente pa medita riba su
origin den e plan di salbacion di Santisimo Trinidad y su realisacion progresivo den
historia.

÷759
“Tata eterno a crea mundo pa un decision totalmente liber y misterioso di su
sabiduria y bondad. El a dicidi di eleva hende pa comparti den su bida divino” pa cual
E ta yama tur hende pa medio di su Yiu: “Tata kier yama tur cu ta kere den Cristo pa
forma e Iglesia Santo”. E “famia di Dios aki” a wordo forma gradualmente y ta tuma
forma durante e etapanan di historia humano, di acuerdo cu e plan di Tata.
Efectivamente, e Iglesia aki “cu ta prefigura ya desde principio di mundo a wordo
prepara na un manera milagroso den historia di e pueblo di Israel y den e Aliansa
Antiguo. Estableci den e ultimo tempo aki di mundo y proclama pa medio di
dramamento di Spirito Santo, e lo yega na su plenitud glorioso na final di siglo”.
÷760
E Cristiannan di e prome siglonan tabata bisa: “Mundo a wordo crea na bienestar di
Iglesia”133. Dios a crea mundo pa comunion cusu bida divino, un comunionrealisa pa
medio di e “convocacion” di hende den Cristo y e “convocacion” aki ta Iglesia. Iglesia
ta e meta di tur cos134, y Dios a permiti pa e trastornonan doloroso manera e caida di
Angelnan y pica di hende solamente como ocasionnan y modanan di manifesta tur
poder di su brasa y e midi completo di e amor cu El a desea di duna mundo:

Mescos cu boluntad di Dios ta creacion y ta wordo yama“e mundo”, asina su intencion


ta salbacion di hende y esaki yama Iglesia

÷761
E yamamento hunto di pueblo di Dios a cuminsa na e momento cu pica a destrui e
comunion di hende cu Dios y e comunion entre e hendenan mes. Reuni hende den
Iglesia, na manera di bisa, ta reaccion di Dios riba e caos cu pica a provoca. A logra e
reunificacion aki secretamente den curason di tur pueblo: “Den tur nacion, ken cu tin
temor di Dios y ta practica husticia ta aceptabel pa Dios” (Hch 10, 35).

÷762
E preparacion lehano pa reuni e pueblo di Dios ta cuminsa cu e yamada di Abraham,
kende Dios ta priminti cu e lo bira Tata di un gran pueblo137. E preparacion
inmediato ta cuminsa cu e eleccion di Israel como pueblo di Dios138. Cu e eleccion
aki, Israel mester ta e signo di e futuro reunion ditur nacion139. Pero ya e profetanan
ta acusa Israel di a kibra e aliansa y di a comporta su mes manera un prostituta140.
Nan ta anuncia un Aliansa nobo y eterno141. “Hesus a institui e aliansa nobo aki”.

÷763
Tabata tarea di e Yiu pa realisa e plan di salbacion di Tata, Den plenitud di tempo;
esaki tabata e motibo di su “mision”143. “Señor Hesus a cuminsa su Iglesia cu e
anuncio di e Bon Noticia, esey ta, e binimento di Reino di Dios priminti atraves di
siglonan den Scritura”144. Pa cumpli cu e boluntad di Tata, Cristo a introduci e Reino
di shelo na tera. Iglesia “ta e Reino di Cristo cu como misterio ya ta presente”.

÷764
“E reino aki ta bira visibel pa hende pa medio di palabra, hecho y presencia di
Cristo”146. Acepta palabra di Cristo ta acepta “e Reino”147. E simia y e
cuminsamento dje Reino ta e “rebaño chikito” (Lc 12, 32) di esnan cu Hesus a bini pa
reuni rond di djE, e rebaño di cual E ta e wardador148. Nan ta forma e berdadero
famia di Hesus149. Esnan cu El a reuni rond di djE, el a siña un “manera di actua”
nobo, y tambe nan manera propio di resa.

÷765
Señor Hesus a duna su comunidad un structura cu lo permanece te na e realisacion
completo di e Reino. Prome cu tur otro cos tin scogemento di e Diesdosnan cu Pedro
na cabes151; epresentando e diesdos tribunan di Israel152, nan ta e piedranan di e
fundeshi di e Herusalem nobo153. E Diesdosnan154 y e otro discipelnan155 ta
participa den e mision di Cristo, den su poder y den su suerte156. Pa medio di tur e
echonan aki Cristo ta prepara y construi su Iglesia.

÷766
Iglesia a nace principalmente di e entrega total di Cristo pa nos salbacion, anticipa
den institucion di Eucaristia y realisa riba Cruz. “E awa y sanger cu ta brota dje custia
habri di Hesus crucifica ta simbolo di e cuminsamento y crecemento aki”157. “Ta for
di e custia di Cristo, drumiendo e soño di morto na Cruz a nace e sacramento
admirabel di henter Iglesia”158. Manera cu a forma Eva di custia di Adam na soño,
asina Iglesia a nace do di e curason traspasa di Cristo, cu tabata colga morto na Cruz.

÷767
“Ora e trabou cu Tata a encarga Yiu pa haci na mundo tabata cumpli, a manda Spirito
Santo riba dia di Pentecoste pa continuamente santifica Iglesia”160. Ta e ora ey
”Iglesia a manifesta su mes publicamente dilanti di e multitud; e plamamento di
Evangelio na pueblo a cuminsa pa medio di predicamento”161. Siendo e convocacion
di tur hende pa salbacion, Iglesia ta misionero pa naturalesa, manda pa Cristo na tur
nacion pa haci nan su discipelnan.

÷768
Pa Iglesia realisa su mision, Spirito Santo “ta otorg’e diverso donnan herarkico y
carismatico y asina ta dirigie”163. “For di e momento ey e Iglesia, enrikeci pa e
donnan di su Fundador y cumpliendo fielmente cu su mandamentonan di amor,
humildad y renunciacion, ta ricibi e mision di proclama y establece pa tur pueblo e
Reino di Cristo y di Dios. Na tera e Iglesia aki ta e simia y e cuminsamento di e reino
aki.
÷769
Iglesia… “solamente lo yega na su perfeccion den Gloria di shelo”165, ora Cristo bolbe
den gloria. Te e dia ey, “Iglesia lo progresa den su peregrinacion memey di
persecucionnan di mundo y consuelo di Dios”166. Akibou, Iglesia sa cu e ta den exilio,
leu di Señor167 y “ta anhela e yegada den plenitud di e Reino ora e lo ta “uni den
gloria cu su Rey”168. Iglesia y pa medio di dje e mundo, lo no por yega na perfeccion
Glorioso sin pruebanan grandi. Ta e ora ey numa, tur e descendientenan husto di
Adam, “desde Abel, e husto te na e di ultimo di esnan eligi”, … lo bini hunto den
Iglesia Universal den presencia di Tata”.

÷770
Iglesia ta forma parti di historia, pero na e mesun momento e ta trascend’e. Ta
solamente “cu e wowonan di fe”170 hende por mir’e den su realidad visibel y na mes
momento den su realidad spiritual como poseedo di bida divino.

÷771
“Cristo e unico Mediador, a establece y ta sostene constantemente su Iglesia santo aki
na mundo, un comunidad di fe, speransa y caridad, como un organisacion visibel, pa
medio di cual e ta comunica berdad y gracia na tur hende”. Iglesia ta na e mesun
momento:

- un “sociedad structura cu organo herarkico y e curpa mistico di Cristo;

- e sociedad visibel y e comunidad spiritual;

- e Iglesia terenal y e Iglesia cu a ricibi hopi biennan celestial”.

E dimensionnan aki hunto ta forma “un realidad compleho, cu ta encera un elemento


humano y uno divino”171:

Iglesia ta esencialmente, tanto “humano como divino; visibel y dota cu realidadnan


invisibel, entusiasma den obranan y dedica na contemplacion, presente den mundo,
pero como peregrino, constitui di manera cu den dje loke ta humano ta dirihi y
subordina na loke ta divino, loke ta visibel na loke ta invisibel, accion na
contemplacion y e mundo actual aki na e ciudad futuro cu nos ta buscando”.

Oh humildad! Oh sublimidad! Tanto e tabernakel di cedro como santuario di Dios;


tanto vivienda terenal como palacio celestial; un cas di klei y un mansion real: un
curpa mortal y un tempel di luz; y finalmente tanto un obheto desprecia pa esnan
soberbe, como bruid di Cristo! E ta preto di stofi, pero bunita. Oh yiu muhe di
Herusalem, aunke cansancio y dolo di exilo largo a mancha su color, toch bunitesa
celestial a sigui dorn’e.

÷772
Ta den Iglesia, Cristo ta realisa y revela su propio misterio como meta di plan di Dios:
”pa uni tur cos den Cristo” (Ef 1, 10). San Pablo ta yama e union nupcial di Cristo y
Iglesia “un gran misterio” (Ef 5, 32). Pasobra Iglesia ta mara na Cristo como su
bruidegom174, p’esey na su turno e ta bira un Misterio175. Mirando e misterio aki den
dje, San Pablo ta sclama: “Cristo ta memey di boso, e speransa di gloria eterno” (Col
1, 27).

÷773
Den Iglesia, e comunicacion aki di hende cu Dios pa medio di “amor cu nunca ta caba”
(1 Co 13, 8), ta e meta cu ta fiha riba tur loke den dje ta medio sacramental, mara na
e mundo pasahero aki176. “Su structura ta fiha completamente riba santidad di e
miembronan di Cristo. Y santidad ta midi di acuerdo cu e ‘gran Misterio’ den cual e
esposa ta contesta cu e don di amor riba e don di e Bruidegom”177. Maria ta surpasa
nos tur den santidad cu ta e Misterio di Iglesia como e “Bruid sin mancha ni lashi” (Ef
5, 27). P’esey “e dimension Mariano di Iglesia ta prome cu e dimension di San Pedro”.

÷774
Ta traduci e palabra Griego mysterion na Latin na dos manera: mysterium y
sacramentum. Den e interpretacion mas despues, e termino ”sacramentum” ta
expresa miho e simbolo visibel di realidad scondi di salbacion cu esun indica pa e
termino “mysterium”. Den e nificacion aki, Cristo mes ta e Misterio di salbacion: “Non
est enim aliud Dei mysterium, nisé christus” (“No tin otro misterio di Dios cu
excepcion di Cristo”)179. E obra di salbacion di su humanidad santo y santificante ta e
sacramento di salbacion cu ta manifesta su mes y actua den e sacramentonan di
Iglesia (cu e Iglesianan oriental ta yama tambe “e santo misterionan”). E shete
sacramentonan ta simbolonan y instrumentonan pa medio di cual Spirito Santo ta
plama e gracia di Cristo, e Cabes, den henter e Iglesia, cu ta su Curpa. Iglesia ta
contene anto y ta anuncia e gracia invisibel cu e ta nifica. Ta den e nificacion
analogico aki, Iglesia ta wordo yama “sacramento”.

÷775
“Iglesia ta den Cristo manera e sacramento of señal y instrumento di union intimo cu
Dios y di unidad di henter e rasa humano”180: Ser sacramento di e union intimo di
hende cu Dios ta e prome meta di Iglesia. Pasobra e comunidad di hende cu otro tin su
rais den su union cu Dios, Iglesia ta tambe e sacramento di unidad di rasa humano.
Den dje ya e unidad aki a cuminsa caba pasobra e ta reuni hende “di tur nacion, rasa,
pueblo y idioma” (Rev 7, 9), na mesun tempo Iglesia ta “señal y instrumento” di e
realisacion completo di e unidad aki cu ainda mester bini.

÷776
Como sacramento, Iglesia ta instrumento di Cristo. Cristo ta uza Iglesia “como
instrumento di salbacion pa tur hende”181, “sacramento universal di salbacion”182,
pa medio di cual Cristo “ta manifesta y realisa na mesun tempo e misterio di amor di
Dios pa hende”183 Iglesia “ta e plan visibel di amor di Dios pa humanidad”184 cu
Pasobra Dios ta desea “cuhenter e rasa humano por bira un Pueblo di Dios, por forma
un Curpa di Cristo, y por wordo construi den ntempel di Spiritoanto”.

÷777
E palabra “Iglesia ”, ta nifica “yama hunto”. E ta indica e binimento hunto di esnan,
cu Palabra di Dios “ta yama hunto”, pa forma e pueblo di Dios y nan mes, alimenta cu
e curpa di Cristo, ta bira e Curpa di Cristo.

÷778
Iglesia ta tanto e caminda como e meta di Dios su plan di salbacion: prefigura den
creacion, prepara den e Aliansa Bieu, funda pa palabra y obra di Cristo, realisa pa su
Cruz redentor y su Resureccion, Iglesia a wordo manifesta como e misterio di
salbacion pa medio di dramamento di Spirito Santo. E lo yega na perfeccion den gloria
di shelo como e asamblea di tur esnan salba di mundo

÷779
Iglesia ta tanto visibel como spiritual, un sociedad herarkico y e Curpa Mistico di
Cristo. E ta uno, sin embargo, forma di dos componente, humano y divino. Esey ta su
Misterio, cu solamente fe por acepta.

÷780
Iglesia ta den e mundo aki e sacramento di salbacion, eseñal y e isntrumento di
comuniondi Dios cu hende.
÷781
“Den tur tempo y cerca tur pueblo esun cu teme Dios y ta practica husticia ta na
agrado di Dios. Sinembargo, Dios tabata desea di santifica y salba hende no
individualmente y aisla, sin conexion entre nan, sino haci di nan un pueblo pa nan por
a conoce di berdad y lo por sirbiE cu un bida santo. El a eligi e pueblo di Israel como
su pueblo, El a sera un aliansa cu ne y a educ’e poco poco. El a revela su persona y su
plan a lo largo di su historia y el a bay santificando e. Tur esaki, sin embargo, a
sosode como preparacion pa, y figura di e Aliansa Nobo y perfecto cu lo a keda
ratifica den Cristo…, cu e Aliansa Nobo den su sanger; El a convoca un pueblo,
consistiendo di Hudiu y Pagano, cu lo ta uni, no segun carni, sino den e Spirito”.

÷782
Pueblo di Dios tin cierto caracteristica cu ta distingui nan masha cla for di tur otro
grupo religioso, etnico, politico of cultural cu tin den historia:

- E ta e pueblo di Dios: Dios, bon mira, no ta pertenece na ningun pueblo, pero El a


gana pa su mes un pueblo for di esnan cu antes no tabata forma un pueblo; “un grupo
scogi, un sacerdocio real, un nacion santo” (1 P 2, 9).

- Bo ta bira miembro di e pueblo aki no pa medio di nacemento fisico, pero door di


“nace di nobo”, un nacemento di “awa y e Spirito” (Hu 3, 3-5), es decir, pa medio di
fe den Cristo y Bautismo.

- E pueblo aki tin Hesus como Cabes, e Cristo (esun Hunta, e Mesias). Pasobra e mesun
uncion, e Spirito Santo, ta core di Cabes pa Curpa, esaki ta e “Pueblo mesianico”.

- E status di e Pueblo aki ta dignidad y libertad di yiunan di Dios, den nan curason e
Spirito Santo ta biba manera den un tempel.

- “Su ley ta e mandamento nobo: stima manera Cristo mes a stima nos”188. Esaki ta e
ley “nobo” di Spirito Santo.

- Su mision ta pa ta e salo di tera y luz di mundo190. “E pueblo aki ta un simia masha


fuerte di unidad, speransa y salbacion pa henter e rasa humano”.

- “Su destino, finalmente “ta e Reino di Dios. E Reino cu Dios mes a inicia na e mundo
y cu mester sigui wordo extendi te ora E mes hib’e na perfeccion na final di tempo”.

÷783
Hesucristo ta Esun cu Tata a hunta cu Spirito Santo y cu El a ordena como “Sacerdote,
Profeta y Rey”. Henter pueblo di Dios ta participa den e tres funcionnan aki di Cristo
y tin e reponsabilidadnan di mision y servicio cu ta nan consecuencia.
÷784
Ora hende pa medio di fe y bautismo drenta den e pueblo di Dios, e ta participa
tambe den e yamada unico di e pueblo aki; den su vocacion sacerdotal: “Cristo, e
Señor, e Pontifice, tuma for di hende, a haci e pueblo nobo ‘un reino di sacerdote pa
Dios su Tata’. Esnan batisa, pues, pa medio di e nacemento nobo y e huntamento di
Spirito Santo, ta keda consagra como un vivienda spiritual y un sacerdocio santo”.

÷785
“E Pueblo santo di Dios ta participa tambe den e ofishi santo di Cristo.” E ta haci
esaki principalmente den e sentido sobrenatural di fe di henter e pueblo; e laiconan y
herarkia, ora “e keda infaliblemente fiel na e fe aki, cu pa awo y semper ta entrega
na e santonan”194 y ora e profundisa su mes den comprendemento y bira un testigo di
Cristo memey di e mundo aki.

÷786
Finalmente, Pueblo di Dios ta participa den e reinado di Cristo. Cristo ta eherce su
mahestad halando cerca djE tur hende pa medio di su morto y su resureccion195.
Cristo, Rey y Señor di universo, a haci su mes sirbidor di tur, pasobra E no a “ bini pa
wordo sirbi, pero pa sirbi y pa duna su bida pa rescata hopi hende” (Mt 20, 28). Pa un
Cristian, “reina ta nifica sirbiE”196, specialmente ora ta sirbi “e hendenan pober y
esnan cu ta sufri, den kende Iglesia ta reconoce “e imagen di su Fundador pober y
sufriente”197. E pueblo di Dios ta realisa su “dignidad real” door di biba comforme su
vocacion pa sirbi hunto cu Cristo.

E señal di cruz ta haci tur cu a renace den Cristo bira rey y e huntamento di Spirito
Santo ta consagra nan como sacerdote, pa asina, fuera di e servicio special di nos
ministerio, tur Cristian spiritual y racional wordo reconoci como miembronan di e
pueblo real aki y participantenan den e ofishi sacerdotal di Cristo. Kico, realmente, ta
mas real cu e spirito humano, cu someti na Dios ta reina riba e curpa? Y kico ta mas
sacerdotal cu dedica un consenshi puro na Señor y ofrece e ofrendanan sin mancha di
devocion riba e altar di nos curason?198

÷787
Desde cuminsamento Hesus a comparti su bida cu su discipelnan199; El a revela na
nan e misterio di Reino200; El a laga nan comparti su mision, su alegria201 y su
sufrimento202. Hesus ta papia di un comunion mas intimo ainda entre E y esnan cu ta
siguiE: “Keda cu Mi manera Ami ta keda cu boso… Ami ta e mata di wendruif y boso ta
e ramanan” (Hu 15, 4-5). E ta anuncia un comunion misterioso y verdadero entre su
mesun Curpa y esun di nos: “Esun cu come mi Carni y bebe mi Sanger ta keda den Mi y
Ami den dje” (Hu 6, 56).

÷788
Ora Su presencia visibel a disparce di nan bista, Hesus no a laga su discipelnan atras
como huerfano203. El a priminti nan di keda cerca nan te na fin di tempo204, El a
manda nan su Spirito205. Pesey comunion cu Hesus a bira den cierto manera mas
intenso: “Pa medio di e comunicacion di su Spirito na su rumannan, kende El a reuni
for di tur pueblo, Cristo a haci di nan Su Curpa na un manera mistico”.

÷789
E comparacion di Iglesia cu un curpa ta tira un rayo di luz riba e relacion intimo entre
Iglesia y Cristo. Iglesia no solamente ta reuni rond di djE; e ta den djE, uni den su
curpa. Tres aspecto di Iglesia como “Curpa di Cristo”, mester trece esaki
specificamente padilanti; e union di tur miembro cu otro como resultado di nan union
cu Cristo; Cristo como Cabes dje Curpa; Iglesia, como bruid di Cristo.

÷790
Creyentenan cu ta responde riba Palabra di Dios y ta bira miembro di Curpa di Cristo,
ta bira intimamente uni cu Cristo: “Den e curpa aki e bida di Cristo ta wordo drama
den e creyentenan, cu pa medio di sacramentonan na manera misterioso y real ta uni
cu Cristo den su Pasion y glorificacion”207. Esaki ta particularmente berdad den caso
di Bautismo cu ta uni nos cu morto y Resureccion di Cristo208 y den caso di Eucaristia,
pa medio di cual, “compartiendo realmente den Curpa di Señor, nos ta wordo eleva
den comunion cu nE y cu otro”.

÷791
E unidad di e curpa no ta deshaci di e diversidad di su miembronan: “Den e
construccion di Curpa di Cristo ta existi un diversidad di miembro y funcion. Ta e
mesun Spirito cu, di acuerdo cu su rikesa y necesidadnan di e ministerionan, ta duna
su diverso donnan na bienestar di Iglesia.” Unidad di e Curpa Mistico ta produci y
stimula caridad entre e fielnan: “Consecuentemente, si un miembro ta sufri di algo,
tur miembro ta sufri hunto cu ne; si un miembro ta wordo honra, tur miembro hunto
ta contento cu ne”210. Finalmente, e unidad di e Curpa mistico ta sali victorioso riba
tur division humano: “Bon mira, tur hende batisa den Cristo ta bisti di nobo cu Cristo.
No tin Hudiu ni Griego; ni esclavo of hende liber; no tin homber ni muhe; ya cu boso
tur ta uni den Cristo Hesus” (Ga 3, 27-28).
÷792
Cristo ta “Cabez di e Curpa cu ta Iglesia”(Col 1, 18). E ta principio di creacion y
salbacion. Eleva den gloria di Tata, “den tur cosE ta prome” (Col 1, 18),
principalmente den Iglesia pa medio di cual E ta extende su reino riba r cos:

÷793
Cristo tauninos cu su Pasco: tur miembro mester haci esfuerso pa imit’E “te ora cu
Cristo ta forma den nan” (Ga 4, 19). Ta p’esey nos ta integra den e misterionan di su
bida…, uni cu ne den su sufrimento manera curpa cu su cabes, sufriendo cu nE, pa nos
por wordo glorifica cu nE”.

÷794
Cristo ta percura pa nos crecemento212: Pa haci nos crece pa bay cerca djE, nos
Cabez213, Cristo ta duna su curpa, e Iglesia, e donnan y e ayudo mediante cual nos ta
yuda otro riba e caminda pa salbacion.

÷795
Asina Cristo y Su Iglesia hunto ta constitui e “Cristo total” (“Christus totus”). Iglesia
ta un cu Cristo. E Santonan tamasha consciente di e unidad aki:
Laga nos felicita nos mes y laga nos gradici cu nos no solamente a bira Cristian pero
tambe nos a bira Cristo. Boso ta compronde, rumannan, e gracia cu Dios a regala nos
dunando nos Cristo como Cabes? Mustra admiracion y sea alegra: nos a bira Cristo; Si E
ta Cabes, anto nos ta e miembronan; E y nos hunto ta e hende completo… Plenitud di
Cristo ta pues, Cabes y e miembronan: Pero kico ta nifica e “Cabes y e miembronan”?
Cristo y e Iglesia.
(Redemptor noster unam se personam cum sancta Ecclesia, quam assumpsit,
exhibuit.) “Nos salbador a mustra su mes di ta un solo persona cu e Santo Iglesia cu El
a tuma pa su mes”. (Caput et membra, quasi una persona mystica.) “Cabes y miembro
ta forma, na manera di bisa, un y e mesun persona mistico”.
Un contesta di San Huana di Arco na su huesnan ta resumi e fe di e doctornan santo y
e bon sinti di e creyente: “Encuanto Hesucristo y Iglesia, simplemente mi sa cu nan ta
solamente un cos y no ta necesario pa haci un problema di esey”.

÷796
E unidad di Cristo y Iglesia, Cabes y miembro di un curpa, ta implica tambe e
distincion di ambos den un relacion personal. E aspecto aki frecuentemente ta wordo
expresa pa medio di e imagen di Bruidegom y bruid. E tema di Cristo como Bruidegom
di Iglesia, tabata prepara pa e profetanan y anuncia pa Huan Bautista218. Señor ta
referi na su mes como e “Bruidegom” (Mc 2, 19)219. E apostel ta papia di henter
Iglesia y di cada un di e creyentenan, miembronan di su Curpa, como un bruid
‘comprometi’ cu Cristo e Señor, pa por “bira cu nE solamente un spirito”220. Iglesia
ta e bruid sin mancha di e Lamchi sin mancha221. “Cristo a stima Iglesia y a entrega
su bida p’e pa E por a santific’e” (Ef 5, 25-26). El a uni Iglesia na su mes den un
Aliansa eterno y nunca E ta stop di cuid’e manera e ta cuida Su mes Curpa222:Esaki ta
e Cristo total, cabes y curpa, un so, forma di hopi… sea cu e Cabes of e miembronan
papia, ta Cristo ta papia. E ta papia den su papel como cabes (“ex persona capitis”) y
den su papel como curpa (“ex persona corporis”). Ta kico esaki ta nifica? “E dosnan
ey lo bira un carni (Mt 19, 6). Esaki ta un misterio grandi y ami ta relat’e na Cristo y e
Iglesia” (Ef 5, 31-32). Y Señor mes ta bisa den Evangelio: “Pues no mas nan ta dos,
sino un carni so” (Mt 19, 6). Nan ta, en realidad, dosdiferente persona, sinembargo
nan ta unden e union conyugal, … como cabes, e ta yama su mes “bruidegom” y como
curpa e ta yama su mes“bruid”.

÷797
“Loke nos spirito, es decir, e alma ta pa e curpa humano, Spirito Santo ta pa e Curpa
di Cristo, cu ta e Iglesia”224. “Na e Spirito di Cristo aki, manera un principio invisibel,
mester atribui e hecho cu tur e partinan di e curpa ta conecta un na otro y na nan
cabes glorifica; pasobra e henter Spirito di Cristo ta den e cabes, y henter e Spirito ta
den e curpa, y e henter Spirito ta den cada un di e miembronan”225. Spirito Santo ta
haci Iglesia “e Tempel di e Dios bibo” (2 Co 6, 16)226:
En berdad, ta na e mesun Iglesia a confia e ‘Don di Dios’… Ta den dje a deposita e
comunion cu Cristo, es decir, Spirito Santo, e garantia pa incoruptibilidad, e
fortificacion di nos fe y e trapi pa nos subi bay cerca Dios… Pasobra caminda e Iglesia
ta, ey Spirito di Dios tambe ta; caminda Spirito di Dios ta, ey Iglesia ta y tur gracia.

÷798
Spirito Santo ta “e principio di tur accion vital y berdaderamente salbatorio den cada
parti di e curpa”228. E ta actua na hopi manera pa halsa henter e Curpa den
caridad229: pa medio di Palabra di Dios, “cu tin e poder pa halsa bo”;(Ech 20, 32)
door di Bautismo mediante cual e (Spirito Santo) ta forma e Curpa di Cristo230; pa
medio di e sacramentonan, cu ta duna e miembronan di Cristo crecemento y curacion;
pa medio di “e gracia concedi na e apostelnan” cu ta destaca entre su donnan”231,
pa medio di e virtudnan cu ta pone nos actua di acuerdo cu loke ta bon; finalmente,
pa medio di e hopi gracianan special (yama “Carismanan”), mediante cual e ta haci cu
e fielnan ta keda “prepara y dispuesto pa asumi diferente tarea of ministerio cu ta
contribui na renobacion y halsamento di e Iglesia”.
÷799
Sea extraordinario of simpel y humilde, carismanan ta gracianan di Spirito Santo cu
directamente of indirectamente ta beneficia e Iglesia, pasobra nan ta destina pa
edifica Iglesia, na bienestar di hende y pa e necesidadnan di mundo.

÷800
E persona cu ta ricibi carismanan, y tambe tur miembro di Iglesia, mester acepta nan
cu gratitud. Berdaderamente nan ta un rikesa maraviyoso di gracia pa e vitalidad
apostolico y pa e santidad di henter e Curpa di Cristo; con tal cu ta trata di donnan cu
en berdad ta bini di Spirito Santo y con tal cu esakinan ta wordo uza na un manera cu
ta completamente di acuerdo cu e inspiracionnan autentico di e mesun Spiriro ey,
esta, di acuerdo cu caridad, e berdadero midi pa tur carisma.

÷801
Ta den e sentido aki distincion di carismanan ta semper necesario. Ningun carisma ta
dispensa di e deber di referencia y sumision na e wardadonan di Iglesia. “Nan tin e
tarea special di no paga e candela di e Spirito, pero di investiga tur cos y mantene
loke ta bon”234, pa tur carisma den nan diversidad y complementaridad por coopera
pa “e bienestar comun” (1 Co 12, 7).

÷802
“Cristo Hesus a entrega su mes pa nos, pa libra nos di tur inhusticia y pa purifica nos
di pica y haci di nos Su pueblo” (Ti 2, 14).

÷803
“Boso ta un generacion eligi, un sacerdocio real, un nacion santo, Dios su mesun
pueblo” (1 P 2, 9).

÷804
Hende ta drenta den Pueblo di Dios pa medio di fe y Bautismo. “Tur hende ta invita
pa pertenece na e Pueblo nobo di Dios”236, asina cu den Cristo, “hende lo por forma
un solo famia y un Pueblo di Dios”.
÷805
Iglesia ta Curpa di Cristo. Pa medio di Spirito Santo y su accion den e sacramentonan,
principalmente den Eucaristia, Cristo, kende un biaha a muri y a resucita, ta
establece e comunidad di creyente como su mesun Curpa.

÷806
Den e unidad di e Curpa aki, tin diversidad di miembro y di funcion. Tur miembro tin
laso cu otro, particularmente cu esnan cu ta sufri, cu esnan pober y esnan persigui.

÷807
Iglesia ta e Curpa aki di cual Cristo ta e Cabez: Iglesia ta biba di djE, den djE y pa
medio di djE; Cristo ta biba cu Iglesia y den Iglesia.

÷808
Iglesia ta Bruid di Cristo: El a stim’e y El a entrega su mes p’e. El a purific’e pa medio
di su sanger. El a hacie mama fructifero di e yiunan di Dios.

÷809
Iglesia ta Tempel di Spirito Santo. E Spirito ta manera alma di e Curpa Mistico, fuente
di su bida, di su unidad den diversidad y di e rikesa di su donnan y carismanan.

“Asina anto e Iglesia universal ta wordo considera un pueblo uni for di unidad di Tata,
Yiu y Spirito Santo” (San Cipriano).

÷811
“Esaki ta e unico Iglesia di Cristo, di cua den Credo nos ta profesa cu ta uno, santo,
catolico y apostolico”239. E cuater cualidadnan aki, inseparablemente uni cu otro240,
ta indica e caracteristica esencial di Iglesia y di su mision. Iglesia no tin nan di su
mes; ta Cristo, pa medio di Spirito Santo, ta haci Iglesia uno, santo, catolico y
apostolico y E ta tambe ta haci un yamada riba Iglesia pa realisa cada un di e
cualidadnan aki.

÷812
Solamente fe por reconoce cu Iglesia tin e cualidadnan aki pa motibo di su origen
divino. Pero su manifestacionnan historico ta e señalnan cu tambe ta apela masha cla
na e rasonamento humano. Concilio di Vaticano I ta corda nos cu: “Iglesia riba su mes
ta un motibo grandi y eterno di credibilidad y un testimonio irefutabel di su mision
divino pa motibo di su propagacion admirabel, su divino testimonio, su fertilidad
inagotabel den tur loke ta bon, su unidad catolico y di su stabilidad invencibel”.

÷813
Iglesia ta uno debi na su origen: “E modelo y principio supremo diemisterio aki ta e
unidad, den eTrinidad i Personanan”243, di un Dios, e Tata y e Yiu den Spirito Santo.
Iglesia ta uno debi na su Fundador: “Pasobra e mesun Yiu cu a bira carni, e Prins di
paz, a reconcilia tur hende cu Dios pa medio di su cruz… restaurando asina e unidad di
tur hende den un pueblo y un solo curpa”244. Iglesia ta uno debi na su ‘alma’: “Ta
Spirito Santo, cu ta biba den esnan cu ta kere y cu ta yena y ta goberna henter
Iglesia, ta esun cu ta realisa e comunion admirabel aki di fielnan y ta uni nan tur asina
intimamente den Cristo, cu E ta e Principio di e unidad di Iglesia”245. Unidad ta
esencial pa e Iglesia:

Ki un misterio milagroso! Tin un solo Tata di universo, un solo Palabra di universo y


tambe un solo Spirito Santo, identico tur caminda; tin tambe solamente un Birgen cu
a bira Mama y mi lo kier yam’e “Iglesia”.

÷814
Desde cuminsamento, esun Iglesia aki tabata marca pa un gran diversidad cu ta bini
tanto di e variedad di e donnan di Dios como di e diversidad di esnan cu ta ricibi nan.
Denter di e unidad di Pueblo di Dios un cantidad di pueblo y cultura ta bini hunto.
Entre e miembronan di Iglesia tin diferente don, encargo, condicion y manera di biba;
“denter di comunion di Iglesia tin tambe Iglesianan particular cu legitamamente a
mantene nan propio tradicionnan”247. E gran rikesa di tal diversidad no ta opuesto na
e unidad di Iglesia. Toch pica y e peso di su consecuencianan, constantemente ta
menasa e don di unidad. Ta p’esey e Apostel mester stimula Cristiannan pa “mantene
e unidad di e Spirito pa medio di e laso di paz” (Ef 4, 3).

÷815
Ta cua ta e lasonan aki di unidad? “Riba tur cos, amor ta mara tur cos na otro den un
harmonia perfecto” (Col 3, 14). Pero e unidad di Iglesia peregrino tambe ta sigura pa
medio di lasonan visibel di comunion:

- profesion di e mesun fe ricibi di e apostelnan;


- celebracion hunto di e adoracion divino; especialmente di e sacramentonan;

- sucesion apostolico pa medio di e sacramento di Ordenacion Sacerdotal,


manteniendo e concordancia fraternal di e famia di Dios.

÷816
“Esaki ta e unico Iglesia di Cristo…, Nos Salbador, cu despues di su resureccion, a
entreg’e na Pedro y a confi’e na cuido pastoral di Pedro y a encarga Pedro y e otro
apostelnan pa extend’e y gobern’e… E iglesia aki, consititui y organisa manera un
sociedad den mundo presente, ta realisa su mes (“subsisti in”) den Iglesia catolico,
dirigi pa e sucesor di Pedro y pa e obisponan den comunion cu ne”.

E decreto encuanto Eucumenismo di Segundo CONCILIO DI VATICANO, ta splica:


“Solamente pa medio di Iglesia Catolico di Cristo cu ta e medio universal di salbacion,
por alcansa e plenitud di e medionan di salbacion. Nos ta kere cu Señor a confia tur
gracia di e Aliansa Nobo na un colegio unico apostolico, presidi pa Pedro, pa constitui
un Curpa so di Cristo aki na mundo, na cual mester incorpora completamente, tur cu
di un of otro manera ta pertenece na e Pueblo di Dios”.

÷817
En realidad, “den e Iglesia di Dios cu ta uno y unico, ya for di cuminsamento tabatin
cierto kiebronan, cu e Apostel ta desaproba fuertemente como condenabel; y den e
siglonan cu a sigui a surgi diferencianan di opinion mucho mas serio y comunidadnan
grandi a separa for di e comunion pleno cu Iglesia Catolico – y hopi biaha, hende di
ambos banda tabatin culpa di e diferencianan aki”251. E kiebronan aki cu ta herida e
unidad den Curpa di Cristo, (aki nos mester distingui: herehia, apostasia y e cisma)252
no ta sosode sin pica humano:

(Ubi, peccata sunt, ibi est multitudo, ibi schismata, ibi haeress, ibi discussiones. Ubi
autem virtus, ibi singularitas, ibi unio, ex quo ominium credentium erat cor unum et
anima una.) “Caminda tin pica, ey tambe tin division, cisma, herihia y discusion.
Sinembargo, caminda tin virtud, ey tambe tin harmonia y union, for di cual ta surgi e
solo curason y e solo alma di tur creyente”.

÷818
Sinembargo, no por carga cu e pica di separacion esnan cu awo ta nace den e
comunidadnan ey (cu tabata resultado di tal separacion) y “a crece den fe di Cristo
den e comunidadnan ey, y Iglesia catolico ta acepta nan cu respet y amor como
ruman… Tur esnan, hustifica pa medio di fe den bautismo, lo wordo incorpora den
Cristo. P’esey nan tin derecho di wordo yama Cristian, y cu hopi rason e yiunan di
Iglesia Catolico ta reconoce nan como rumannan den Señor”.

÷819
Ademas, “hopi elemento di santificacion y di berdad”255 ta existi pafo di e limitenan
visibel di Iglesia Catolico: “e palabra skirbi di Dios; e bida di gracia; fe, speransa y
caridad y otro donnan interno di Spirito Santo y tambe elementonan visibel”256. E
Spirito di Cristo ta uza e iglesianan y e comunidadnan eclesialnan aki como medio di
salbacion cua forsa ta bin di e plenitud di gracia y di berdad cu Cristo a confia Iglesia
Catolica. Tur e bendicionnan ey ta bini di Cristo y ta conduci na djE257 y nan ta riba
nan mes yamada cu ta hiba pa “e unidad catolico”.

÷820
“Cristo a regala” desde cuminsamento e unidad aki na su Iglesia. E unidad akita existi
den Iglesia Catolico…nos ta kere, como algo cu e no por perde nunca y nos ta spera cu
e lo continua y crece te na fin di tempo”259, Cristo semper ta duna su Iglesia e don di
unidad, pero Iglesia semper mester resa y traha pa mantene, reforsa y perfecciona e
unidad cu Cristo ta desea pa Iglesia. Ta p’esaki Cristo mes a roga na e ora di su Pasion
y no ta caba di roga na su Tata pa e unidad entre su discipelnan: “Cu nan por ta uno
manera Abo, Tata, ta den mi y ami ta den Bo, pa nan tambe ta uno den nos, p’asina
mundo por kere cu Abo a manda mi” (Hu 17, 21). E anhelo pa recobra e unidad di tur
Cristian ta un don di Cristo y un yamada di Spirito Santo.

÷821
Pa responde adecuadamente na e yamada aki ta exigi:

- un renobacion permanente di Iglesia den un lealtad mas grandi di su vocacion. E


renobacion aki ta e alma di e movecion pa unidad261;

- e conversion di curason pa “hiba un bida mas puro, segun Evangelio”262, pasobra e


infieldad di e miembronan na e don di Cristo ta e causa di e divisionnan;

- e oracion hunto, pasobra “e conversion di curason y santidad di bida aki, hunto cu e


oracionnan priva y publico pa e unidad di Cristian mester ser considera manera e alma
di tur movemento eucumenico y cu tur rason merece e nomber di “eucumenismo
spiritual”263;

- e conocemento fraternal di un pa otro264;

- e formacion eucumenico di e fielnan y specialmente di sacerdotenan265;


- e dialogo entre teologonan y encuentronan entre Cristiannan di diferente iglesia y
comunidad266;

- e colaboracion entre Cristiannan den diferente area di servicio na humanidad.

÷822
“E preocupacion pa realisa e unidad ta toca henter Iglesia, tanto laiconan y
clero”268. Pero nos mester realisa “cu e santo proposito aki di reconcilia tur Cristian
den unidad di e unico Iglesia di Hesucristo ta surpasa forsa y capacidad humano”. Ta
p’esey nos ta pone tur nos speransa “den e oracion di Cristo pa Iglesia, den amor di
Tata pa nos y den poder di Spirito Santo”.

÷823
“Nos fe ta bisa nos cu Iglesia… ta inagotablemente santo. Esaki t’asina pasobra Cristo,
Yiu di Dios, kende cu Tata y Spirito ta proclama como ‘Unico Santo’, a stima Iglesia
manera su bruid. El a entrega su mes p’e p’asina santific’e; El a bira uno cu ne como
su curpa mes y a yen’e cu e don di Spirito Santo pa gloria di Dios”270. Iglesia,
consecuentemente, ta “Pueblo santo di Dios”271, y su miembronan ta wordo yama
“santonan”.

÷824
Uni cu Cristo, Iglesia ta santifica p’E; pa medio di djE y cu nE Iglesia tambe ta bira
santificador. Tur actividad di Iglesia ta dirigi riba nan meta “e santificacion di hende
den Cristo y e glorificacion di Dios”273. Ta den Iglesia ta deposita “e plenitud di e
medionan di salbacion”274. Ta den dje, “pa medio di gracia di Dios, nos ta haya
santidad”.

÷825
“Iglesia aki na mundo caba ta caracterisa pa un berdadero santidad, aunke ainda
imperfecto”276. Den su miembronan, e santidad perfecto ainda mester wordo adkeri:
”Reforsa pa asina tanto y asina gran medio di salbacion, tur fielnan, sin importa nan
situacion of condicion, cada un na su mes manera, ta yama door di Señor na tal
perfeccion di santidad door di cual Tata mes ta perfecto”.

÷826
Caridad ta e alma di santidad pa cua tur hende ta yama: “E ta dirigi, forma y
perfecciona tur medio di santificacion”278:

Si Iglesia tabatin un curpa cu ta consisti di diferente miembro, e no por a laga di tin


loke ta di mas noble di tur cos; e mester tin un Curason, y e curason aki lo ta
KIMANDO DI AMOR. M’a compronde cu e Amor aki so ta e berdadero motibo y forsa cu
ta pone e otro miembronan di Iglesia actua; si el a stop di funciona; e Apostelnan lo a
lubida di predica e Evangelio, e Martirnan lo a nenga di drama nan sanger… AMOR,
REALMENTE TA E VOCACION CU TA INCLUI TUR OTRO; CU E TA ABARCA TUR TEMPO Y
TUR ESPACIO… DEN UN PALABRA, CU E TA ETERNO!279

÷827
“Cristo, santo, inocente, y sin mancha, no a conoce pica, sino El a bini solamente pa
kita pica di mundo. Iglesia,sinembargo, brasando e pecadonan, na mesun Momento ta
santo y semper den necesidad di purificacion, ta busca constantemente conversion y
renovacion”280. Tur miembro di Iglesia, incluso su sacerdotenan, mester reconoce cu
nan ta pecado281. Den tur, e yerba shimaron di pica ta mescla ainda cu e bon simia di
Evangelio te na fin di tempo282. Iglesia, anto, ta trece pecadonan hunto cu ya ta
alcansa pa e salbacion di Cristo, pero cu ainda ta na caminda pasantidad:

P’esey Iglesia ta, santo aunke e tin pecado den su seno, pasobra e nota gosa di otro
bida cu e bida di gracia; si su miembronan berdaderamente ta alimenta nan mes
cuebida aki, nan lo wordo santifica; sinan alehanan mes di dje, anto nan ta cay den
pica y desorden cu ta impedi e radiacion di santidad. Ta p’esey Iglesia ta sufri y ta
haci penitencia pa e picanan ey. Mientras Iglesia na mes momento tin e poder pa
libera su yiunan pa medio di sanger di Cristo y e don di Spirito Santo.

÷828
Declarando cierto fielnan santo, miho bisa, proclamando solemnemente cu e fielnan
aki na un manera heroico a practica e virtudnan y a biba fielmente den Dios su gracia,
Iglesia ta reconoce e forsa di Spirito di santidad den dje y ta sostene e speransa di
esnan cu ta kere door di ofrece e santonan como ehempel y intercesor284. E santonan
semper tabata e fuente y origen di renobacion den e momentonan mas dificil den
historia di Iglesia”285. Berdaderamente, “esantonan di Iglesia ta e fuento secreto y e
midi infalibel di su actividad apostolico y zelo misionero”.

÷829
“Iglesia den e Santisimo Birgen a yega na perfeccion, mientras cu e ta existi sin
mancha ni lashi, e fielnan ainda ta haci esfuerso pa vence pica y crece den santidad.
P’esey nan ta halsa nan wowo na Maria”287: den dje, Iglesia ya ta “henteramente
santo”.
÷830
E palabra “catolico” ta nifica “universal” den e nificacion di “di acuerdo cu e
totalidad’ of “integralmente”. Na prome luga, Iglesia ta catolico den dos nificacion:E
ta catolico, pasobra Cristo ta presente den dje. “Caminda Cristo Hesus ta, ey Iglesia
Catolico ta”288. Den dje ta biba e plenitud di Curpa di Cristo uni cu su Cabez289, loke
ta implica cu Iglesia ta ricibi di djE “e plenitud di e medionan di salbacion”290 cu
tabata Su boluntad pa ofrece: profesion di fe directo y completo, bida sacramental
integro y ministerio pa medio di e ordenacion den e sucesion apostolico. Iglesia, den e
sentido fundamental aki, tabata catolico dia di Pentecoste291 y e lo t’ey pa semper
te na dia di Parousia (binimento di Señor pa di dos biaha).

÷831
Na di dos luga, Iglesia ta catolico pasobra Cristo a mand’e cu un mision pa henter e
rasa humano292:Tur hende ta invita pa pertenece na e Pueblo Nobo di Dios. P’esey e
pueblo aki, kedando uno y unico, mester plama den henter mundo y durante tur siglo,
pa asina e plan di Dios sea cumpli, cu na cuminsamento El a crea un naturalesa
humano unico y a dicidi di finalmente reuni como uno, su yiunan cu tabata plama… E
caracter aki di universalidad cu ta distingui e pueblo di Dios, ta un don di Señor mes.
Danki na e caracter aki, Iglesia Catolico constantemente y eficazmente ta reuni
henter humanidad cu tur su balornan bou di Cristo e Cabes y den unidad cu Su Spirito.

Cada un Iglesia particular ta “catolico”

÷832
“E Iglesia di Cristo aki ta berdaderamente presente den tur grupo local di fielnan,
legitimamente organisa, cu, asina leu cu nan ta uni cu nan pastornan,
apropiadamente yama Iglesianan den Testament Nobo … Den nan e fielnan ta reuni pa
medio di predicamento di e Evangelio di Cristo y caminda ta celebra e misterio di
Cena di Señor… Den e comunidadnan aki, aunke hopi biaha chikito y pober, of plama,
Cristo ta presente, y pa medio di Su poder y influencia e Iglesia uno, santo, catolico y
apostolico ta wordo estableci”.

÷833
Nos ta compronde bou “Iglesia particular” na prome luga e diocesis (of eparkia), un
comunidad di fielnan Cristian den comunion di fe y di sacramentonan cu nan obispo
ordena den sucesion apostolico295. E Iglesianan particular aki ta “forma segun e
modelo di Iglesia Universal. Den nan y forma for di nan, e Iglesia Catolico, uno y unico
ta existi”.

÷834
Iglesianan particular ta completamente catolico pa medio di nan comunion cu un di
nan, cu ta e Iglesia di Roma,” cu ta presidi den caridad”297. “Pasobra cu e Iglesia aki,
pa motibo di su origen excelente, henter e Iglesia, cu ta e fielnan di henter mundo,
necesariamente mester concorda298. “Efectivamente, for di tempo cu e Palabra
encarna a baha bini cerca nos, tur Iglesianan Cristian di tur parti di mundo a tuma y
ta tuma e gran Iglesia aki (na Roma) como nan unico base y fundeshi pasobra, segun e
promesanan di e Salbador, nunca e portanan di fierno tabatin dominio riba dje”.

÷835
“Laga nos ta masha prudente pa no mira e Iglesia universal como e simpel suma total
of… federacion di iglesianan particular cu esencialmente ta diferente. Den e
pensamento di Señor, Iglesia ta universal pa medio di vocacion y mision, pero ora e
tira su reisnan den un variedad di tereno cultural, social y humano, el ta asumi
diferente expresion y aparencia externo den cada parti di mundo”300. E variedad rico
di disciplinanan eclesiastico, ritonan liturgico y herencianan teologico y spiritual
tipico di e iglesianan local “uni den un esfuerso comun, ta demonstra hasta cu mas
claridad e catolicidad di e Iglesia individibel”.

÷836
“Tur hende ta invita pa e unidad catolico aki di Pueblo di Dios… Na e unidad aki ta
pertenece of ta fiha, na diferente manera; e fielnan Catolico, otro hende cu ta kere
den Cristo y finalmente henter humanidad, yama na salbacion pa medio di gracia di
Dios”.

÷837
“Completamente incorpora den sociedad di Iglesia ta esnan cu, den posesion di Spirito
di Cristo, ta acepta integralmente tur e medionan di salbacion ofreci na Iglesia hunto
cu su organisacion completo y esnan cu – pa medio di e lasonan forma pa profesion di
fe, e sacramentonan, e direccion eclesiastico, y comunion – ta uni den e structura
visibel di e Iglesia di Cristo, cu ta dirigie, pa medio di e Sumo Pontifice y e obisponan.
Aunke incorpora den Iglesia, si un hende, sin embargo, no ta persevera den amor no lo
ta salba. E ta keda, berdaderamente, den seno di Iglesia, pero ‘den curpa’, y no ‘den
curason’”.
÷838
“Iglesia ta sinti su mes uni na hopi manera cu, esnan cu ta honra nan mes cu e nomber
Cristian pa medio di bautismo, aunke nan no ta profesa e fe Catolico den su totalidad
of no ta conserva e unidad di comunion bou di sucesor di Pedro”304. “Esnan cu ta
kere den Cristo y a ricibi bautismo na e manera corecto, ta, aunke na un manera
imperfecto, den comunion cu Iglesia Catolico”305. Cu e iglesianan ortodoxo, e
comunion aki ta asina profundo “cu ta falta masha poco pa alcansa e plenitud cu lo
por a permiti un celebracion comun di Eucaristia di Señor”

Catisashi di IglesiaCatolico

÷839
“Esnan cu ainda no a ricibi Evangelio ta relaciona cu e Pueblo di Dios na varios
manera”307:E relacion di Iglesia cu e pueblo Hudiu. E Iglesia, Pueblo di Dios den e
Aliansa Nobo, ora e investiga su propio misterio, ta descubri su vinculo cu e pueblo
Hudiu308 “cu kende Dios a papia prome”309. Contrario na otro religionnan no-
Cristian, e fe Hudiu ya ta un contesta na e revelacion di Dios den Aliansa Antiguo. Na
e pueblo Hudiu ta pertenece e “adopcion filial, e gloria, e aliansanan, e legislacion, e
culto di adoracion y e promesanan; na nan ta pertenece e patriarcanan, y di nan rasa,
di acuerdo cu e carni, e Cristo ta” (Rm 9, 4-5); “pasobra e donnan y e yamada di Dios
ta irevocabel” (Rm 11, 29).

÷840
Di otro banda, ora considera e futuro, e Pueblo di Dios di Aliansa Antiguo y Pueblo
nobo di Dios ta inclina na e mesun metanan: e wardamento riba binimente (of
regreso) di e Mesias; sinembargo pa esun, ta e speramento riba e regreso di e Mesias,
cu a muri y a resucita, y cu ta reconoci como Señor y Yiu di Dios; pa e otro, ta e
binimento di e Mesias kende su caracteristicanan ta permanece scondi te na fin di
tempo, e speramento aki ta compaña pa e drama di ignorancia of di concepto eroneo
di Cristo Hesus.

÷841
Relacion di Iglesia cu e moslimnan. “E plan di salbacion tambe ta inclui esnan kende
ta reconoce e Creador, na prome luga e moslimnan cu ta mantene nan profesion di e
fe di Abraham y ta adora mescos cu nos e Dios unico y misericordioso kende lo husga
hende na fin di mundo”.
÷842
E vinculo di Iglesia cu religionnan no-Cristian ta na prome luga e origen y e fin comun
di e rasa humano:

Tur pueblo ta forma solamente un comunidad y tin mesun origen, pasobra Dios a haci
henter e rasa humano biba riba henter e superficie di tera; nan tin tambe e mesun
meta final, cu ta Dios. Su providencia, bondad evidente, y plannan di salbacion ta
extende pa tur te ora cu esnan scogi louni den e Ciudad Santo.

÷843
Iglesia ta reconoce den otro religionnan e buskeda, “entre sombranan y imagennan”,
di e Dios desconoci, pero sinembargo asina cerca, ya cu ta E ta duna bida y rosea y tur
cos y E ta desea cu tur hende ta salba. Asina, Iglesia ta aprecia tur loke ta bon y
berdadero, cu por haya den e diverso religionnan, “como un preparacion pa Evangelio
y como un don di esun cu ta ilumina tur hende, pa nan porfin por tin e bida”.

÷844
Pero den nan comportacion religioso hende ta mustra tambe limitacionnan y erornan
cu ta desfigura den nan e imagen di Dios:

Hopi biaha hende, gaña pa Esun Maligno ta bruha den nan pensamento y a
intercambia e berdad di Dios pa e mentira di un idolo falso, sirbiendo e criatura en
bes di e Creador. Of bibando y muriendo sin Dios den e mundo aki, nan ta exponi na e
desesperacion di mas extremo.

÷845
Tata kier a invita henter humanidad hunto den Iglesia di suYiu pa reuni di nobo tur su
yiunan cu pica a plama y haci nan perde caminda. Iglesia ta e lugacaminda humanidad
mester recobra su unidad y salbacion. E ta e “mundo reconcilia”314E ta ademas e
barco “cu e belagrandi die cruz di Cristo, supla door di rosea di Spirito Santo, ta
nabega sigur den e mundo aki”315; segun otro imagen stima pa e Tatanan di Iglesia,
Iglesia ta prefigura pa e arca di Noe cu ta e unico cu ta salba di e diluvio.

÷846
Con mester compronde e afirmacion aki, asina tanto biaha ripiti door di e Tatanan di
Iglesia? Esaki formula di manera positivo ta nifica cu tur salbacion ta bini di Cristo e
Cabes, mediante e Iglesia cu ta su Curpa:
E santo Concilio… basa riba Sagrado Scritura y den Tradicion ta siña cu e Iglesia
peregrino aki ta necesario pa salbacion. Cristo, efectivamente, ta e unico Mediador y
caminda di salbacion; E ta presenta pa nos den su curpa cu ta Iglesia. E mes a
siguramasha cla, e necesidad di fe y bautismo y di e manera ey a confirma na mesun
tempo e necesidad di Iglesia, den cua hende ta drenta pa medio di bautismo manera
door di un porta. P’esey, no por salba esnan cu sabiendo cu Iglesia Catolico, como
necesario, a wordo funda pa Dios, pa medio di Hesucristo ta nenga, sea pa drenta den
dje, of pa permanece den dje.

÷847
E afirmacion aki no ta referi na esnan cu, sin tin culpa, no conoce Cristo ni su Iglesia:

Esnan cu, fuera di nan culpa, no conoce Evangelio di Cristo ni su Iglesia, pero ta busca
Dios cu un curason sincero y ta purba den nan actonan, cu ayudo di gracia, pa haci
boluntad di Dios, segun nan consenshi ta dicta, nan tambe por haya salbacion eterno.

÷848
“Aunke Dios, na manera cu solamente E conoce, por hiba esnan, cu fuera di nan
culpa, no conoce e Evangelio, na e fe ey, sin cual ta imposibel pa agrad’E’319, toch
Iglesia tin e obligacion y e derecho sagrado di evangelisa tur hende”.

÷849
E tarea misionero. “Iglesia, manda door di Dios na nacionnan pa por ta ‘e sacramento
universal di salbacion,’ Iglesia, obedeciendo e tarea di su fundador y pasobra su
propio universalidad esencial ta exigi esey, ta haci esfuerso pa predica e Evangelio na
tur hende”321: “Bay anto y haci e hendenan di tur nacion mi discipelnan, batisando
nan na nomber di Tata y di Yiu y di Spirito Santo, siñando nan pa cumpli cu tur loke Mi
a manda boso; y sea consciente cu Mi ta cu boso tur dia te na fin di mundo” (Mt 28,
19-20).

÷850
Origen y meta di mision. Mandato misionero di Señor tin finalmente su fuente den e
amor eterno di Santisimo Trinidad: “Iglesia durante su biahe di peregrinacion aki na
tera, ta di naturalesa misionero pasobra, di acuerdo cu e plan di Tata, e tin como su
origen e mision di Yiu y Spirito Santo”322. E meta final di e mision no ta otro cu laga
hende participa den e comunion entre Tata y Yiu den nan Spirito di amor.
÷851
Motibo di e mision. Ta for di amor di Dios pa tur hende, Iglesia den tur epoca ta ricibi
e obligacion y e vigor di su impulso misionero, “pasobra amor di Cristo ta sigui stimula
nos…” (2 Co 5, 14)324. Di berdad, “Dios kier pa tur hende wordo salba y yega na
conocemento completo di e berdad”(1 Tm 2, 4). Dios kier salbacion di tur pa medio di
conocemento di e berdad. Salbacion ta ser haya den e berdad. Esnan cu ta obedece e
Spirito di Berdad, ya caba ta na caminda pa salbacion. Pero Iglesia, na kende a confia
e berdad aki, mester sali pa topa e deseo di esnan cu ta busc’e, pa ofrece nan e
berdad. Pasobra e ta kere den e plan universal di salbacion, Iglesia mester ta
misionero.

÷852
Caminda di mision. “Spirito Santo ta en berdad e protagonista di henter e mision
eclesiastico”325. E ta esun cu ta guia Iglesia riba e camindanan di mision. E “ta
continua y ta desaroya den curso di historia e mision di Cristo mes; kende a mand’e
pa evangelisa e pobernan; pues Iglesia, impulsa pa Spirito Santo, mester avansa riba
mesun caminda riba cual Cristo a avansa; esey ta e caminda di pobresa, obediencia,
sirbishi y sacrificio propio te na morto, di cual El a surgi victorioso pa medio di su
resurreccion”326. Ta asina ta cu e “sanger di martirnan ta simia di Cristiannan”.

÷853
Pero den su peregrinacion, Iglesia a experiencia tambe “ki distancia tin entre e
mensahe cu e ta proclama y e debilidad humano di esnan na kende a confia e
Evangelio”328. Solamente avansando riba caminda “di conversion y renovacion”329 y
“riba e berea smal di e Cruz”330 e Pueblo di Dios por extende e reino di Cristo331. En
berdad, “manera Cristo a realisa e obra di salbacion den pobresa y persecucion,
Iglesia tambe ta yama pa sigui e mesun caminda pa anuncia na hende e frutonan di
salbacion”.

÷854
Simplemente pa medio di su mision, “Iglesia ta… avansa hunto cu henter humanidad y
ta comparti e mesun suerte terenal cu mundo y ta existi manera yeast y, comosifuera,
e alma di sociedad humano, den su renobacion door di Cristo y transformacion den
famia di Dios”333. E esfuerso misionero ta exigi pasenshi. E ta cuminsa cu e anuncio
di e Evangelio na e pueblonan y na e gruponan cu ainda no ta kere den Cristo334; ta
continua cu establecimento di comunidadnan Cristian, cu ta “un señal di presencia di
Dios den mundo”335, y ta conduci na fundacion di Iglesianan local336; E mester
implica un proceso di enculturacion pa e Evangelio por encarna den e cultura di cada
pueblo337, den e proceso aki no lo falta fracaso tampoco. “Pa loke ta trata hende,
gruponan y pueblonan, ta solamente den un forma gradual Iglesia ta mishi cu nan y ta
penetra den nan y asina ta incorpora nan den e plenitud cu ta Catolico”.

÷855
E mision di Iglesia ta stimula esfuersonan pa yega na e unidad Cristian339.
Siguramente, “e divisionnan bou di e Cristiannan ta stroba Iglesia di yega den practica
na plenitud di su catolicidad peculiar cerca su yiunan cu, aunke liga cu ne pa medio di
bautismo, toch ta separa di comunion completo cu ne. Ademas, pa Iglesia mes ta mas
dificil pa expresa den e realidad actual di bida su catolicidad pleno den tur su
aspectonan”.

÷856
E tarea misionero ta implica un dialogo respetuoso cu esnan cu ainda no ta acepta e
Evangelio341. E creyentenan por saca probecho pa nan mes di e dialogo aki, siñando
di conoce miho “cuanto di berdad y di gracia tabatin caba entre e nacionnan, danki
na un presencia secreto di Dios”342. Nan ta proclama e Bon Noticia na esnan kende
no conoc’e, pa consolida, completa y eleva e berdad y e bondad cu Dios a reparti
entre hendenan y nacionnan y pa purifica nan di eror y maldad “pa gloria di Dios,
berguensa di diabel y felicidad di hende”.

÷857
Iglesia ta apostolico pasobra e ta funda riba e apostelnan den tres sentido:

- a construie riba “fundeshi di e apostelnan” (Ef 2, 20)344, e testigonan scogi y manda


cu mision door di Cristo mes345;

- cu yudansa di Spirito Santo kende ta biba cerca dje, Iglesia ta warda y ta transmiti e
siñansa,346 e tesoro di fe, e palabranan saludabel cu el a tende di apostelnan347;

- e ta sigui wordo siña, santifica y dirigi door di e apostelnan te na regreso di Cristo pa


medio di nan sucesornan den tarea pastoral: e colegio di obisponan, “asisti pa
sacerdotenan, den union cu e sucesor di Pedro, e Pastor Supremo di Iglesia”.

Abo ta nos pastor eterno kende nunca ta bandona su pueblo, pero ta keda cuida y
proteha nos pa medio di e santo apostelnan. Asina ta guia Bo Iglesia pa e wardadornan
cu Abo a nombra pa tuma e luga di Bo yiu y comparti e trabou di Bo Yiu.

÷858
Hesus ta esun manda door di Tata. For di cuminsamento di su ministerio, ”el a yama
cerca Dje esnan cu El a desea;… El a nombra diesdos, cu El a yama apostelnan, pa
compañ’e y a manda nan bay predica” (Mc 3, 13-14). For di e momento ey nan lo ta su
‘emisarionan’ (na Griego ‘apostoloi’). Den nan Cristo ta continua cu sy propio mision:
“Manera Tata a manda Mi, Mi ta manda boso tambe” (Hu 20, 21)350. Asina
nanministerio ta e continuacion di emision di Cristo: “Esun cu ricibi boso, t’Ami e ta
ricibi”, Hesus ta bisa e Diesdosnan (Mt 10, 40).

÷859
Hesus ta uni nan cu e mision cu El a ricibi di Tata. Mescos

cu “e Yiu no por haci nada riba su mes” (Hu 5; 19, 30), pero ta ricibi tur cos for di
Tata, kende a mand’E, asina esnan cu Cristo ta manda, no por haci nada sin djE352
for di kende nan ta ricibi tanto e mandato pa nan mision como e poder pa cumpli cu
ne. E apostelnan di Cristo tabata sa cu Dios a yama nan como “ministronan di e
aliansa n” (2 Co 3, 6); “sirbidonan di Dios” (2 Co 6, 4), “embahadornan pa Cristo” (2
Co 6, 4), “sirbidonan di Cristo y administradornan di e misterionan di Dios” (1 Co 4,
1).

÷860
Den e encargo duna na e aspostelnan tin un aspecto cu no por wordo transmiti: esta,
di ta e testigonan di e resureccion di Señor y asina e piedranan di e fundeshi di
Iglesia. Pero nan encargo tambe tin un aspecto permanente. Cristo a priminti di keda
cu nan te na fin di tempo353. “E mision divino aki, confia door di Cristo na su
apostelnan “lo dura te na fin di tempo, ya cu e Evangelio cu nan a transmiti ta e
fuente duradero di tur bida pa Iglesia. Ta p’esey… e apostelnan a percura pa nombra
sucesornan”.

÷861
“Pa e mision confia na nan lo por continua despues di nan morto, e apostelnan,
comosifuera pa medio di testament, a duna e encargo na nan colaboradornan mas
yega pa termina yconsolida e obra cu nan a cuminsa, urgiendo nan pa percura pa
henter e rebaño, di cual Spirito Santoa nombra nan pa duna guia na e Iglesia di Dios.
P’esey, nan a nombra algun hende homber y despues dunanan e encargo pa percura
pa despuesdi nanmorto otro hombernan cu a proba nan mes tuma encargo di nan
ministerio”.

÷862
“Mescos cu e ministerio cu Señor a confia na solamente Pedro, como prome di e
apostelnan, destina pa wordo transmiti na su sucesornan, ta uno permanente, asina
tambe e encargo, cu e apostelnan a ricibi, di duna guia na Iglesia, un encargo destina
pa wordo eherce sin interupcion pa medio di e sagrado orden di obisponan lo
perdura”. Ta p’esey Iglesia ta siña cu “obisponan, pa medio di institucion divino a
tuma e luga di e apostelnan como wardadornan di Iglesia, di tal manera cu ken cu
scucha nan ta scucha Cristo y ken cu desprecia nan, ta desprecia Cristo y esun cu a
manda Cristo”.

÷863
Henter Iglesia ta apostolico, asina e ta keda pa medio di e sucesornan di San Pedro y e
otro apostelnan, den comunion di fe y bida cu su origen y asina el “a wordo manda”
den henter mundo. Tur miembro di Iglesia ta comparti e mision aki aunke na diferente
manera. “E vocacion Cristian ta, pa naturalesa, un vocacion apostolico tambe.” En
berdad, nos ta yama un apostolado “cada actividad di e Curpa Mistico” cu tin como
meta “plama e Reino di Cristo riba henter mundo”.

÷864
“Cristo manda door di Tata, ta e fuente di henter e apostolado di Iglesia”; asina ta
masha cla cu e fertilidad di e apostolado, tanto di e sirbidonan consagra como esun di
laiconan, ta depende di nan union vital cu Cristo358. Di acuerdo cu nan vocacionnan,
e demandanan di tur tempo y e diferente donnan di Spirito Santo, e apostolado ta
asumi e formanan di mas varia. Pero semper ta caridad, di cual Eucaristia ta e fuente
principal, ta semper “comosifuera, e alma di e apostolado completo”.

÷865
Iglesia ta uno, santo, catolico y apostolico den su identidad mas profundo y definitivo,
pasobra den dje “e Reino di shelo”, “e Reino di Dios”360, ta existi caba y lo wordo
realisa na fin di tempo. E reino a bini den persona di Cristo y ta crece
misteriosamente den curason di esnan cu ta incorpora den Dje te na su completo
manifestacion escatologico. E ora ey tur hende cu El a salba (Ef 1, 4) y den Dje a haci
“santo y puro lo wordo reuni su dilanti” como e unico Pueblo di Dios, e “Bruid di e
Lamchi” (Rev 21, 9), “e Ciudad Santo Herusalem cu mientras tanto ta baha di shelo
for di Dios cu gloria di Dios” (Rev 21, 10-11); Pasobra “e muraya di e ciudad tabatin
diesdos fundeshi, y riba nan e diesdos nombernan di e diesdos apostelnan di e
Lamchi” (Rev 21, 14).

÷866
Iglesia ta uno: E tin un Señor so; e ta profesa un fe so; e ta naci di un Bautismo so; no
ta forma mas cu solamente un Curpa, e ta ricibi bida mediante e unico Spirito, cu
bista riba un speransa361. Si e speransa aki keda cumpli, tur division lo ta supera.

÷867
Iglesia ta santo: Dios Santisimo ta su autor; Cristo, su Bruidegom, a entrega su mes
p’e pa santific‘e; e Spirito di santidad ta dun’e bida. Aunke ainda e tin pecadornan
memey di dje, e ta (“ex maculatis immaculata”) “ e inmaculada cu ta consisti di
pecadornan”. Den e santonan ta briya su santidad; den Maria ya caba e ta
henteramente santo.

÷868
Iglesia ta catolico: E ta anuncia e totalidad di fe; ta hiba den su mes y ta administra e
plenitud di e medionan di salbacion; el a ser manda na tur pueblo; “e ta misionero di
naturalesa”.

÷869
Iglesia ta apostolico: E ta construi riba piedra solido; e diesdos apostelnan di e
Lamchi” (Rev 21, 14); e ta indestructibel363; e ta mantene su mes infaliblemente den
e berdad: Cristo ta gobern’e mediante Pedro y e demas apostelnan, cu ta presente
den nan sucesornan, e Papa y e colegio di obisponan.

÷870
“E unico Iglesia di Cristo, cu den e Credo nos ta profesa cu e ta uno, santo, catolico y
apostolico… tin su existencia den Iglesia catolico, cu ta wordo goberna pa e sucesor di
Pedro y pa e obisponan den comunion cu ne. Sinembargo, ta haya hopi elemento di
santificacion y di berdad pafo di su limitenan visibel”.

÷871
“E fielnan Cristian ta esnan cu, asina leu cu nan ta incorpora den Cristo pa medio di
bautismo, a wordo constitui como e Pueblo di Dios; pa e motibo aki, ya cu nan, na nan
propio manera, a bira participantenan den e funcion sacerdotal, profetico y real di
Cristo, nan ta wordo yama pa ehecuta e funcion cu Dios a confia na Iglesia pa realisa
den mundo, di acuerdo cu e condicion propio di cada uno”.
÷872
“Den virtud di nan renacemento den Cristo, ta existi entre tur fiel Cristian un
berdadero igualdad encuanto dignidad y accion, door di cual nan tur, segun cada uno
su condicion y funcion, ta coopera den e construccion di e Curpa di Cristo”.

÷873
E diferencianan mes cu Señor a dicidi di pone entre e miembronan di su Curpa ta sirbi
pa su unidad y su mision. Pasobra “den Iglesia tin diversidad di ministerio pero unidad
di mision. Na e apostelnan y nan sucesornan Cristo a confia e ministerio di siña,
santifica y goberna den su nomber y pa medio di su poder. Pero e laiconan tambe a
haya e encargo pa participa den e ministerio sacerdotal, profetico y real di Cristo; ta
p’esey den Iglesia y den mundo nan tin nan propio tarea den e mision di henter e
Pueblo di Dios”367. Finalmente, “den ambos grupo (herakia y laiconan) tin fielnan
Cristian cu ta consagra na Dios, na nan propio manera special, y cu ta sirbi e mision di
salbacion di Iglesia pa medio di e profesion di conseheronan evangelico”.

÷874
Cristo mes ta e fuente di e ministerio di Igleisa. El a instituie, el a dun’e autoridad y
mision, orientacion y finalidad:

Cristo Señor, pa dirigi e Pueblo di Dios y hacie progresa semper, a institui den su
Iglesia, diferente funcion cu tin como meta e bienestar di henter e Curpa. Esnan cu
tin funcion, esnan cu ta bisti cu poder sagrado ta, en efecto, dedica na promove e
interesnan di nan rumannan, pa asina tur hende cu ta pertenece na e Pueblo di Dios…
por yega na salbacion.

÷875
“Con nan por kere den esun di kende nan no a tende nunca? Y con nan por tende di
dje sin un predicado? Y con un hende por predica sin cu e ta manda pa Dios?” (Rm 10,
14-15). Ningun hende, ningun individuo, ni ningun comunidad, por proclama e
Evangelio na su mes. “Fe ta bini di predicashi” (Rm 10, 17). Ningun hende por duna su
mes e mandato ni e mision di anuncia e Evangelio. Esun manda pa Señor ta papia y
traha no cu su mesun autoridad, sino den virtud di e autoridad di Cristo; no como
miembro di e comunidad, sino papiando cu e comunidad na nomber di Cristo. Ningun
hende por duna su mes gracia, e mester wordo duna y ofreci. Esey ta implica
ministronan di gracia, autorisa di parti di Cristo. Di djE obispo – y sacerdotenan ta
ricibi e mision y e facultad (e ”poder sagrado”) di actua in persona Christi Capitis, e
diacononan tin e autoridad pa sirbi e Pueblo di Dios den e “diaconia” di liturgia, di
palabra y di caridad, den comunion cu obispo y su sacerdotenan. E ministerio aki, den
cual e embahadornan di Cristo, pa gracia di Dios, ta haci y ta duna loke nan no por
haci ni duna, pa medio di nan propio podernan, e tradicion di Igleisa ta yama
“sacramento”. E ministerio aki di Iglesia ta wordo duna pa medio di un sacramento
specifico.

÷876
E caracter di sirbishi di e ministerio eclesiastico ta fundamentalmente liga na e
naturalesa sacramental. En berdad, eternamente dependiente di Cristo, kende ta
duna mision y autoridad, e sacerdotenan ta berdadero “sirbidornan di Cristo”370,
imagen diCristo, kende libremente a tuma pa nos “e condicion di catibo” (Fil 2, 7).
Como cu e palabra y e gracia, di cual nan ta e ministronan, no ta di nan mes, sino
duna na nan door di Cristo, na bienestar di otronan, nan lo haci nan mes
boluntariamente esclavo di tur.

÷877
Asina tambe ta inherente na e naturalesa sacramental di ministerio eclesiastico cu e
tin un caracter colegial. Berdaderamente, desde cuminsamento di su trabou di
sirbishi, Señor Hesus a nombra e Diesdosnan, “e simianan di e Israel Nobo y e origen di
e herarkia sagrado”372. Eligi hunto, tambe nan a wordo manda hunto y nan unidad
fraternal lo ta na sirbishi di e comunion fraternal di tur e fielnan; nan lo ta un refleho
y un testimonio di e comunion di e tres Personanan divino373. P’esey, tur obispo ta
eherce su funcion saliendo for di seno di e colegio episcopal, den comunion cu e
obispo di Roma, sucesor di San Pedro y hefe di e colegio. Pues e sacerdotenan tambe
ta eherce nan funcion saliendo for di seno di e presbiterio di e diocesis, bou direccion
di nan obispo.

÷878
Por ultimo, ta inherente tambe na e naturalesa sacramental di e ministerio
eclesiastico cu e tin un caracter personal. Ora e ministronan di Cristo ta actua den
comunion, nan ta actua semper tambe na un manera personal. A yama cada un
personalmente (“Abo sigui mi”, Hu 21, 22)374 pa por ta un testigo personal dentro di
e mision comun, pa carga responsabilidad personal dilanti Esun, cu ta concede e
mision, actuando “in persona Christi” y na fabor di otro personanan: “Mi ta batisa bo
na nomberdi Tata y di Yiu y di Spirito Santo…”; “Mi ta pordona bo…”

÷879
Asina anto, den Iglesia, e ministerio sacramental ta un sirbishi haci na nomber di
Cristo y ta di ndole personal y cu formacolegial. Esaki ta bira evidente den e lasonan
entre e colegio episcopal y su cabesante, e sucesor di an Pedro y den e relacion entre
e responsabilidad pastoral di e obispo pa su Iglesia particular y e uido comundi e
colegio di obisponan pa e glesiauniversal.

÷880
Ora Cristo a nombra e Diesdosnan, El “a haci di nan un sorto di colegio of asamblea
permanente y for di nan El a eligi Pedro y a pone na cabes”375. “Mescos cu, pa
disposicion di Señor, San Pedro y e otro apostelnan ta forma un colegio apostolico
unico, asina tambe e Pontifice Romano, sucesor di Pedro, y e obisponan, sucesornan
di e apostelnan ta vincula y uni cu otro”.

÷881
Señor a haci solamente di Simon, kende El a yama Pedro, e “baranca” di su Iglesia. El
a entrega na dje e yabinan di su Iglesia377 y a nombr’e wardador di henter e
grupo378. “Ta masha clacu tambe e Colegio di su apostelnan, uni cu su Cabez, a ricibi
e funcion di mara y los, duna na Pedro”379. E tarea pastoral di Pedro y di e otro
apostelnan ta pertenece na e fundeshi di Iglesia y e obisponan bou di e primaciao di
Papa ta continua cu ne.

÷882
E Papa, Obispo di Roma y sucesor di San Pedro, “ta e fuente y fundeshi perpetuo y
visibel di e unidad, tanto di e apostelnan como di e grupo completo di fielnan”380. “E
Pontifice Romano, pa medio di su encargo como Vicario di Cristo y Wardador di henter
Iglesia, tin poder completo, supremo y universal riba Iglesia den su totalidad, un
poder cu semper e por eherce cu tur libertad”.

÷883
“E Colegio of curpa episcopal no tin ningun autoridad si e no ta uni cu e Pontifice
Romano, sucesor di Pedro, como su cabesante”. Como tal, e Colegio aki tin
“autoridad supremo y completo riba e Iglesia universal; pero no por eherce e poder
aki sin consentimento di e Pontifice Romano”.

÷884
“Colegio di Obisponan ta eherce autoridad riba e Iglesia universal di manera solem
den un concilio eucumenico”383. “Pero “no ta existi un concilio eucumenico cu no ta
aproba of por lo menos reconoci como tal door di e sucesor di Pedro”.
÷885
“Asina leu cu e Colegio aki ta consisti di hopi miembro, e ta expresa e diversidad y e
universalidad di e Pueblo di Dios; y asina leu cu e ta uni bou un cabes, e ta expresa e
unidad di e grupo di Cristo”.

÷886
“E obisponan individualmente ta e fuente y fundeshi visibel di unidad den nan
Iglesianan particular”386. Como tal, nan ta “eherce nan tarea pastoral riba e parti di
e Pueblo di Dios, confia na nan”387, asisti pa sacerdotenan y diacononan. Pero, como
miembro di e colegio episcopal, cada obispo ta comparti e cuido pa tur e
Iglesianan388. E obisponan ta eherce e cuido aki primeramente “door di dirigi na un
bon manera, nan propio Iglesianan, cu ta partinan di Iglesia universal”, contribuyendo
asina “na bienestar di henter e Curpa Mistico, cu, for di otro punto di bista, ta tambe
e Curpa di e Iglesianan”389. E cuido aki nan ta encera particularmente pobernan390,
esnan persigui pa motibo di nan fe y tambe e misioneronan cu ta traha rond di mundo.

÷887
E Iglesianan particular den bisindario cu tin e mesun cultura, ta forma provincianan
eclesiastico of gruponan mas grandi yama teritorio patriarcal of regionnan391. E
obisponan di e teritorionan aki por reuni den sinodonan of Concilionan provincial. “Di
mesun manera, awendia e conferencianan episcopal por duna ayudo di manera
multiple y fructifero pa asina realisa concretamente e colegialidad”.

÷888
Obisponan cu e sacerdotenan como nan colaboradonan, tin como nan prome tarea
“anuncia na tur hende e Evangelio di Dios”393, segun e mandato di Señor394. Nan ta
“proclamadornan di fe, cu a hala discipelnan nobo cerca Cristo. Nan ta tambe
“maestronan autentico” di e fe apostolico “dota cu autoridad di Cristo”.

÷889
Pa mantene Iglesia den e puresa di fe entrega pa e apostelnan, Cristo, cu ta e Berdad,
a dispone pa laga Iglesia tuma parti den su propio infalibilidad. Pa medio di un
”sentido sobrenatural di fe” e Pueblo di Dios “ta tene su mes firmemente na e fe
aki”, bou guia di e Magisterio bibo di Iglesia.
÷890
E mision di e Magisterio ta liga na e caracter definitivo di e Aliansa, estableci pa Dios
cu su pueblo den Cristo. Ta e tarea di e Magisterio aki pa proteha Dios su Pueblo di
desviacion y di apostasia y pa garantisa nan e posibilidad obhetivo di profesa, sin eror,
e fe berdadero. P’esey e tarea pastoral di e Magisterio tin como meta pa percura pa e
Pueblo di Dios tene su mes na e berdad cu ta libera hende. Pa cumpli cu e sirbishi aki,
Cristo a yena e wardadornan di Iglesia cu carisma di infalibilidad den asuntonan di fe
y moral. Por eherce e carisma aki na diferente manera:

÷891
“E Pontifice Romano, cabes di e colegio di obisponan, ta gosa di e infalibilidad aki den
virtud di su funcion, ora, cu como wardador supremo y maestro di tur e fielnan – cu ta
confirma su rumannan den fe – e ta proclama pa medio di un acto definitivo e
doctrina perteneciente na fe of moral… E infalibilidad priminti na Iglesia ta presente
tambe den e cuerpo di obisponan ora, hunto cu e sucesor di Pedro, nan ta eherce e
Magisterio supremo”, principalmente den un Concilio Eucumenico397. Ora Iglesia pa
medio di su Magisterio supremo, propone un doctrina pa “fe siendo revela pa Dios”398
y como siñansa di Cristo, “mester acepta su definicion cu obediencia di fe”399. E
infalibilidad aki ta abarca henter e tesoro di e Revelacion Divino.

÷892
Tambe ta concede asistencia divino na e sucesornan di e apostelnan, ora nan ta duna
siñansa den comunion cu e sucesor di Pedro y, di un manera particular, na e obispo di
Roma, wardador di henter Iglesia, ora, sin yega na un definicion infalibel y sin haci
pronunciacion di “manera definitivo”, nan, eherciendo e magisterio ordinario, ta
propone, un siñansa cu ta conduci na un miho comprondemento di e Revelacion den
asuntonan di fe y di moral. Na e siñansa ordinario aki, e fielnan “mester acept’e cu
aprobacion religioso”401 cu, aunke diferente na aprobacion di fe, ta un extension di
dje.

÷893
E obispo ta “e administrado di e gracia di sacerdocio supremo”402, particularmente
den Eucaristia cu e mes ta ofrece; of e Eucaristia cu e ta percura pa e sacerdotenan,
su colaboradonan, ofrece. Pasobra Eucaristia ta e centro di bida di Iglesia particular.
Obispo y e sacerdotenan ta santifica Iglesia cu nan oracion y nan trabou, pa medio di
nan ministerio di palabra y di e sacramentonan. Nan ta santific’e cu nan ehempel, ”no
tiranisa esnan cu ta confia na bo, pero sea un modelo pa nan” (1 P 5, 3). Asina anto,
“hunto cu e rebaño cu ta confia na nan, nan por logra bida eterno”.
÷894
“Obisponan, como vicarionan y delegadonan di Cristo ta goberna e Iglesianan
particular confia na nan cu nan consehonani, estimulonan, y ehempel, pero mas tanto
cu esey tambe pa medio di e autoridad y poder sagrado”404, cu, sin duda nan eherce
pa por construi cu spirito di sirbishi cu ta inherente na nan Maestro.

÷895
“E poder aki cu nan ta desempeña personalmento na nomber di Cristo, ta propio,
comun y inmediato, su practica sin embargo, den ultimo instante ta wordo regla pa e
autoridad supremo di Iglesia”406. Pero no mester considera e obisponan como
vicarionan di Papa, kende su autoridad comun y inmediato riba henter Iglesia no ta
anula esun di nan, sino cu, al contrario, e ta confirma y proteha e autoridad di e
obisponan. Nan autoridad mester wordo desempeña den comunion cu henter Iglesia
bou guia di e Papa.

÷896
E Bon Wardador mester ta e modelo y “ehempel” di e mision pastoral di obispo.
Consciente di su mesun debilidad “e obispo… por tene compasion di esnan ignorante y
esnan kibocando”. E no mester nenga nunca di scucha su fielnan, sino cuida nan
bienestar comosifuera ta trata su yiunan berdadero… E fielnan… di nan parti, mester
ta liga estrechamente na e obispo manera Iglesia ta na Cristo y manera Hesucristo ta
na Tata”407:

Boso tur sigui e obispo manera Hesucristo ta sigui su Tata y sigui e colegio di
sacerdotenan manera Su apostelnan; respeta e diacononan manera boso ta respeta ley
di Dios. Laga ningun hende haci algo cu ta concerni Iglesia den desacuerdo cu e
obispo.

÷897
“Cu e palabra ‘laico’ nos kier meen aki tur e fielnan, cu excepcion di esnan den
Ordennan Sagrado y esnan den un estado religioso reconoci pa Iglesia. Nan ta, anto, e
fielnan cu, pa medio di Bautismo ta incorpora den Cristo y integra den e Pueblo di
Dios, na nan manera particular ta wordo haci participantenan den e ministerio
sacerdotal, profetico, y real di Cristo, y cu tin nan propio papel di hunga den e mision
di henter e pueblo Cristian den Iglesia y den mundo”.
÷898
“Pa motibo di nan vocacion special laiconan mester busca Reino di Dios door di ocupa
nan mes cu e realidadnan temporal, dirigiendo esakinan di acuerdo cu boluntad di
Dios… Na nan, di un manera special, ta coresponde pa ilumina y ordena tur cos
temporal cu cual nan tin vinculonan intimo pa esakinan semper tuma luga y crece di
acuerdo cu Cristo y pa nan por ta pa gloria di e Creador y Salbador”.

÷899
E iniciativa di e laiconan Cristianta particularmente necesario ora ta trata di descubri
of inventa medionan pa penetra den e realidadnan ocial, politico y economico cu e
exigencianan di e doctrina y di bida Cristian. E iniciativa aki ta n elemento ormal di e
bida di Iglesia:

Creyentenanlaico ta para den e liña mas dilanti di e bida di Iglesia; pa nan Iglesia ta e
principio vital di sociedad humano. P’esey, specialmente nan, mester ta consciente,
cada bes mas, cu nan no solamente ta pertenece na Iglesia, sino cu nan ta e Iglesia;
na moda di bisa, nan ta e comunidad di fielnan riba mundo bou guia di e Papa, e Hefe
comun, y di e obisponan den comunion cu ne. Nan ta e Iglesia.

÷900
Manera tur fiel, laico ta encarga door di Dios di e apostolado pa medio di bautismo y
di confirmacion y p’esey nan tin e obligacion y ta gosa di e derecho, individualmente
of den grupo di asociacion pa traha pa asina e mensahe divino di salbacion sea conoci
y ricibi pa tur hende y den henter mundo; e obligacion aki ta mas urgente ora
solamente pa mediodi nan e resto di hende por tende e Evangelio y conoce Cristo.
Den e comunidadnan celestial, nan accion ta asina necesario cu sin nan, e apostolado
di e wardadornan no por obtene den mayoria di biaha, su eficacia completo.

÷901
“P’esey e laiconan, pa motibo di nan dedicacion na Cristo y hunta pa Spirito Santo, ta
maraviyosamente yama y prepara di manera cu frutanan di SpiritoSanto wordo
produci te hasta mas abundantemente den nan. Pasobra tur nan obranan, oracionnan,
iniciativanan apostolico, bida matrimonial y familiar, trabounan diario, sosiego
spiritual y orporal, si realisa nan den e Spirito, si te hasta sufrimentonan di bida, con
tal cu nan ta carga cu pasenshi, tur esakinan ta bira sacrificionan spiritual cu ta
agradabel na Dios door di Hesuristo. Den e celebracion di e Eucaristia, na manera
sumamente digno, hunto cu e di curpa di Señor nan por wordo ofreci na Tata. Anto
asina tambe, e laiconan, ofreciendo adoracion tur caminda pa medio di nan accionnan
santo, ta consagra e mundo mes na Dios, ofreciendo tur caminda adoracion na Dios pa
medio di un bida santo”.

÷902
Na un manera particular mayornan ta participa den e mision di santificacion “door di
hiba un bida conyugal di acuerdo cu e spirito Cristian y percurando pa educacion
Cristian di nan yiunan”.

÷903
Por admiti laiconan, cu tin e cualificacionnan rekeri, permanentemente na e
ministerionan di lector y acolito415. Si necesidad surgi den Iglesia y si no tin
miembronan di clero, por permiti laiconan tambe, aunke nan no ta ni lector ni
acolito, pa eherce cierto funcion, es decir, eherce e ministerio di palabra, presidi
oracionnan liturgico, batisa hende y parti Santa Comunion, di acuerdo cu loke ley di
Iglesia ta prescribi”.

÷904
“Cristo... ta realisa e funcion profetico aki... no solamente mediante e herarkia...
sino tambe pa medio di e laiconan. E ta haci nan su testigonan y E ta duna nan e
sentido di e fe y e gracia di palabra”417:

Duna siñansa, pa hiba hende na fe, ta tarea di tur predicado y di cada creyente.

÷905
Laiconan tambe ta cumpli cu nan mision profetico door di evangelisacion, cu ta “e
proclamacion di Cristo pa medio di palabra y e testimonio di bida”. Cerca laiconan “e
evangelisacion aki... ta haya un indole specifico y un eficacia particular, pasobra
esaki ta wordo realisa den e circunstancianan comun di e mundo”419:

E apostolado no ta consisti solamente den testimonio di bida; e berdadero apostel ta


en busca di ocasionnan pa anuncia Cristo pa medio di palabra, sea na no- creyente
como na fielnan.

÷906
Laico fiel cu ta capaz y forma tambe por duna nan colaboracion den formacion
cateketico421, den duna instruccion den ciencianan sagrado422 y den uzo di
medionan di comunicacion.
÷907
“Laiconan tin e derecho y de bes en cuando hasta e deber, conforme nan propio
conocemento, competencia y prestigio, di laga pastor sagrado sa nan opinion
encuanto asuntonan cu ta na bienestar di Iglesia y nan tin e derecho pa vocifera na e
otro fielnan Cristian, teniendo na cuenta e integridad di fe y moral y respet pa nan
pastornan, y teniendo cuenta cu bienestar general y e dignidad di personanan”.

÷908
Pa su obediencia te na morto425, Cristo a duna su discipelnan e don di libertad real
“pa den nan mes, pa medio di sacrificio propio y un bida santo, nan por vence e reino
di pica”426:

Esun cu somete su propio curpa y domina su alma, sin cay pa pasion ta doño di su
mes: e por yama su mes rey, pasobra e ta capaz di dirigi su propio persona; e ta liber
y independiente y e no ta bira catibo di pica y maldad.

÷909
“Ademas, uniendo nan forsa, laga e laiconan asina sanea e institucionnan y
condicionnan di mundo, ora cu esakinan ta un incentivo pa haci pica, pa nan por ta
conforme cu e normanan di husticia, faboreciendo embes di impediendo e practica di
virtud. Haciendo esaki nan ta penetra cultura y labor humano cu un balor moral”.

÷910
“Laiconan tambe por sinti nan mes yama of por wordo yama efectivamente pa
colabora cu nan pastornan den sirbishi di e comunidad eclesiastico, pa su crecemento
y su vida. Esaki por wordo haci door di eherce diferente sorto di ministerio segun e
gracia y carismanan cu a complace Señor pa concede na nan”.

÷911
Den Iglesia, “laiconan miembronan di e fielnan Cristian por coopera den eherce e
poder (di gobernacion) aki di acuerdo cu e norma di ley”430. Y asina Iglesia ta
percura pa nan presencia den concilionan particular431, sinodonan diocesano432, e
consehonan pastoral433; den ehercicio di e tarea pastoral di un parokia434; e
colaboracion den e comisionnan financiero435; y participacion den cortenan
eclesiastico436 etc.
÷912
E fielnan mester “siña distingui cuidadosamente entre e derecho – y debernan cu nan
tin como miembro di Iglesia y loke ta coresponde na nan como miembro di comunidad
humano. Nan mester haci esfuerso pa integra e dosnan aki harmoniosamente,
cordando cu den tur asunto temporal nan mester ta guia pa un consenshi Cristian, ya
cu ningun actividad humano, ni uno di indole temporal, por wordo kita for di e
dominio di Dios”.

÷913
“Pues, tur persona, pa medio di e donnan duna na dje, ta na mes momento e testigo y
e instrumento bibo di e mision di Iglesia mes, ‘di acuerdo cu e tamaño di e don di
Cristo’ (Ef 4, 7)”.

÷914
“E estado di bida cu ta basa riba e profesion di e consehonani envangelico, aunke cu e
no ta relaciona na e structura herarkico di Iglesia, toch ta pertenece
indiscutiblemente, na su bida y su santidad”.

÷915
Cristo ta propone e consehonani envangelico, cu ta grandemente varia, na cada
discipel di Cristo. E perfeccion di caridad, cu tur fiel ta yama pa alcansa, ta encera,
pa esnan cu libremente kier sigui e yamada pa vida consagra, e obligacion pa practica
castidad den celibato pa e Reino, pa pobresa y pa obediencia. Ta e profesion di e
consehonani aki, denter di un estado di bida permanente reconoci pa Iglesia, cu ta
caracterisa “e bida consagra” na Dios.

÷916
E estado di bida consagra ta pues un manera di experiencia un consagracion “mas
intimo”, cu tin su rais den bautismo y cu ta totalmente dedica na Dios441. Den e bida
consagra, e fielnan di Cristio, inspira pa Spirito Santo, ta propone pa sigui Cristo mas
di cerca, pa entrega nan mes na Dios cu nan ta stima riba tur cos y, purbando di
alcansa e perfection di caridad den servicio di Reino pa duna nificacion y pa proclama
den Iglesia e gloria di e mundo futuro.
÷917
“For di e ‘simia di e consehonani’ duna pa Dios, a nace un mata maraviyoso y hopi
grandi den cura di Señor, cu a rama den varios forma di bida religioso, sea solitario of
den comunidad. Diferente comunidad religioso a keda forma den cual recursonan
spiritual ta wordo multiplica pa e progreso di santidad di su miembronan y na
bienestar di henter e Curpa di Cristo”.

÷918
“For di principio di Iglesia tabatin homber y muhe cu a cuminsa sigui Cristo cu mas
libertad y pa imit’e mas, dor di practica e consehonani evangelico. Cada un, na su
manera, a biba un bida dedica na Dios. Hopi di nan, bou di inspiracion di Spirito
Santo, a biba den soledad of a funda comunidadnan religioso. Iglesia, pa medio di su
autoridad, gustosamente a acepta y a aproba esakinan”.

÷919
Obispo semper lo haci esfuerso pa distingui donnan nobo di bida Consagra, ofreci na
Iglesia pa medio di Spirito Santo; e aprobacion di formanan nobo di bida consagra ta
reserva pa e Cede Apostolico.

÷920
Sin semper ta profesa e tres consehonani evangelico publicamente, eremitanan, “ta
dedica nan bida na alabansa di Dios y salbacion di mundo pa medio di un separacion
mas stricto for di mundo, e silencio di soledad y continuo oracion y penitencia”.

÷921
Eremitanan ta manifesta na tur hende e aspecto interior di e misterio di Iglesia, cuta
e intimidad personal cu Cristo. Scondi pa wowo di hende e bida di e eremita ta un
predicashi densilencio di Señor, na kende el a somete su bida simplemente pasobra E
ta tur cos p’e Aki tatrata di un yamada particular pa hayaden desierto,memey di e
lucha spiritual, e gloria di Esun Crucifica.

÷922
Desde e temponan apostolico, birgennan y viudanan Cristian, yama door di Señor pa
consagra nan mes totalmente447 na Dje cu un libertad mayor di curason, curpa y
alma, a dicidi cu aprobacion di Iglesia, pa biba respectivamente den e estado di
virginidad of di castidad perpetua “pa causa di reino di Shelo” (Mt 19, 12).

÷923
“Birgennan cu, comprometi na e plan divino di sigui Cristo masdi cerca, ta consagra
na Dios door di e obispo diocesano segun e rito liturgico aproba, ta bruidnan mistico di
Cristo, e yiu di Dios y ta dedica na e servicio di Iglesia”448. Pa medio di e ritmo solem
aki449, “e birgen ta nombra… un persona sagrado, un señal transcendente di amor di
Iglesia pa Cristo, y un imagen escatologico di e Bruid celestial di Cristo y di e bida cu
lo bini”.

÷924
“Igual cu otro forma di bida consagra”451, e orden di birgennan ta establece e muhe
(of soeur) bibando na mundo den oracion, penitencia, servicio na prohimo y actividad
apostolico, di acuerdo cu e estado di bida y donnan spiritual duna na dje452.
Birgennan consagra por forma nan mes den asociacionnan pa cumpli cu nan proposito
cu mayor fieldad.

÷925
Bida religioso a cuminsa na Oriente durante e prome siglonan di Cristianismo454 Biba
dentro di institucionnan canonicamente lanta pa Iglesia455, e ta distingui su mes for
di otro formanan di bida consagra pa su caracter liturgico, profesion publico di e
consehonani evangelico, bida fraternal den comunidad y e testimonio duna na e union
cu Cristo cu Iglesia.

÷926
E bida religioso ta bini for di e misterio di Iglesia. E ta un don cu Iglesia a ricibi di su
Señor, un don cu e ta ofrece como un manera stabil di bida na e fielnan yama pa Dios
pa profesa e consehonan. Asina Iglesia por manifesta Cristo y reconoce su mes como
Bruid di e Salbador. Bida religioso den su diferente formanan ta yama pa expresa e
berdadero caridad di Dios den lenguahe di nos tempo.

÷927
Tur religioso, sea dispensa of no457, ta tuma nan luga bou di e coloboradornan di
obispo diocesano den su mision pastoral458. For di cuminsamento di e trabou di
evangelisacion, e “fundacion” y expansion misionero di Iglesia ta rekeri presencia di
bida religioso den tur su formanan”459. “Historia ta duna testimonio di e servicio
excelente ofreci pa comunidadnan religioso den e propagacion di fe y den e formacion
di Iglesianan nobo; desde e antiguo institucionnan monastico y e ordonan medieval te
na e congregacionnan moderno”.

÷928
“Un instituto secular ta un instituto di bida consagra den cual e fielnan Cristian
bibando na mundo ta aspira e perfeccion di caridad y trabou pa santificacion di
mundo specialmente di paden”.

÷929
Pa mediodi “un bida perfectamente ycompletamente consagra na e santificacion
aki”462, miembronan di e institutonan aki ta comparti e tarea di evangelisacion di
Iglesia, “den mundo y for di den e mundo”, caminda nan presencia ta traha manera
“yeast” den mundo”463. “Nan testimonio di un bida Cristian” ta trata di “ordena
realidadnan temporal di acuerdo cu Dios y di inspira mundo cu forsa di Evangelio”.
Mediante lasonan sagrado, nan ta compromete nan mes na e consehonani evangelico y
ta cumpli entre nan cu e comunion y fraternidad cu ta cuadra cu nan “forma
particular di bida secular”.

÷930
Banda di e diferente formanan di bida consagra tin “sociedadnan di vida apostolico di
cual nan miembronan, cu no a haci un promesa religioso, ta purba logra e meta
particular apostolico di nan asociacion, bibando un bida como ruman den comunion
segun un moda di bida particular, aspirando perfeccion di caridad pa medio di
observacion di e constitucionnan. Entre nan tin asociacionnan den cual e miembronan
ta adopta e consehonani evangelico” di acuerdo cu nan constitucionnan.

Consagracion y mision: anunciando e Rey cu ta bini

÷931
E persona cu pa medio di bautismo ya caba ta dedica na Dios y cu ta somete su mes
na e Dios cu e ta stima riba tur cos, na mes momento ta consagra su mes mas
intimamente na sirbishi di Dios y na bienestar di Iglesia. Door di ta consagra na Dios,
Iglesia ta manifesta Cristo y ta mustra nos con Spirito Santo ta obra den dje di un
manera maraviyoso. Y asina e prome mision di esnan cu ta profesa e consehonani
evangelico ta di biba nan consagracion intensamente. Ademas, “ya cu miembronan di
institutonan di bida consagra, ta dedica nan mes, pa medio di nan consegracion, na
servicio di Iglesia, nan ta obliga na un manera special di envolve nan mes den trabou
misionero, di acuerdo cu e naturalesa di e instituto”.

÷932
Den Iglesia, cu ta manera un sacramento – e signo y e instrumento – di Dios su propio
bida, e bida consagra ta manera un señal special di e misterio di Redencion. Pa sigui y
imita Cristo “mas di cerca” y pa manifesta “mas cla” su sacrificio propio ta igual na
ser “mas profundamente” presente cerca bo contemporaneonan den curason di
Cristo. Pasobra esnan cu ta riba e caminda mas smal aki ta curasha nan rumannan cu
nan ehempel y nan ta duna testimonio briyante “cu sin e spirito di e
bienaventuransanan no por cambia e mundo aki y ofrec’e na Dios”.

÷933
Sea cu nan testimonio ta publico, manera den e estado religioso, of mas discreto of te
hasta secreto, Cristo su binimento ta keda, pa tur esnan consagra, e origin y solo
saliente di nan bida:

Ya cu e Pueblo di Dios, en realidad, no tin un ciudad permanente aki, pero ta en


busca di esun futuro... p’esey e estado religioso no solamente ta manifesta hopi cla
na tur creyente e bienestar di shelo cu ta presente den mundo , pero tambe e ta duna
testimonio di e bida nobo y eterno adkeri pa nos pa medio di e Redencion di Cristo y
ta anuncia tambe e futuro resureccion y Gloria di Reino di Shelo.

÷934
“Pa medio di institucion divino tin entre e fielnan Cristian den Iglesia, ministronan
sagrado, cu pa ley tambe ta wordo yama miembronan di clero, e otro fielnan Cristian
ca tambe ta wordo yama laiconan.” Den tur dos grupo tin e fielnan Cristian cu, door
di profesa e consehonani evangelico, ta consagra na Dios y asina ta sirbi e mision di
salbacion di Iglesia.

÷935
Cristo a manda su apostelnan y nan sucesornan pa anuncia e fe y pa implanta su
Reino. E ta laga nan comparti den su propio mision. Di djE nan ta ricibi e poder pa
actua den Su persona.

÷936
Señor a haci San Pedro e fundeshi visibel di su Iglesia. El a confi’e cu e yabinan di
Iglesia. E obispo di Iglesia di Roma, sucesor di San Pedro, ta “cabesante di e colegio di
Obisponan, Vicario di Cristo y Pastor di Iglesia universal riba mundo”.

÷937
E Papa, pa institucion divino, “ta gosa di un autoridad supremo, pleno, inmediato y
universal pa loke ta trata e cuido di e almanan”.

÷938
E obisponan, institui pa Spirito Santo, ta e sucesornan di e apostelnan. Nan ta “e
fuente y fundeshi visibel di unidad den nan propio Iglesianan particular”.

÷939
E obisponan, asisti pa e sacerdotenan, nan colaboradornan, y pa e diacononan, tin e
mision di siña e fe autenticamente, di celebra e culto divino, riba tur cos e Eucaristia
y di guia nan Iglesianan como pastornan berdadero. Nan mision tambe ta encera e
cuido di tur e Iglesianan cu ta bou di e Papa.

÷940
“E caracteristica di e estado di laico, siendo un bida hiba memey di mundo y di
asuntonan temporal, laiconan ta yama pa Dios pa haci di nan apostolado, pa medio di
e vigor di nan spirito Cristian, e yeast den e mundo”.

÷941
E laiconan ta participa den e sacerdocio di Cristo: cada bes mas uni cu nE, nan ta
desplega e gracia di Bautismo y di Confirmacion den tur e dimensionnan di nan vida
personal, familiar, social y eclesiastico y asina nan ta realisa e yamada pa santidad
dirigi na tur cu ta batisa.

÷942
Gracia na nan mision profetico, laiconan “ta yama pa ta testigo di Cristo den tur
circunstancia, y te hasta den curason di comunidad humano”.
÷943
Debi na nan mision real, laiconan tin poder pa deshaci di e dominio di pica cerca nan
mes y di e mundo, pa medio di nan abnegacion y santidad di bida.

÷944
E bida consagra na Dios ta caracterisa pa profesion publico di e consehonan
evangelico di pobresa, castidad y obediencia den un estado di bida stabiel reconoci pa
Iglesia.

÷945
Si ya caba door di bautismo e ta consagra na Dios, e persona cu ta entrega su mes na
e Dioscu e ta stima mas cu tur cos, ta consagra su mes ainda mas intimamente na
servicio di Dios y nabienestar di henter Iglesia.

÷946
Despues di a profesa fe den “Iglesia Santo Catolico”, e Profesion di Fe di Apostelnan a
añadi “e comunion di santonan”. E articulo aki den cierto sentido ta un splicacion mas
profundo cu esun cu e ta precede: “Kico otro Iglesia ta, cu e asamblea di tur
santo?”476. E comunion di santonan ta e Iglesia.

÷947
“Como cu tur e fielnan ta forma un solo curpa, e bondad di cada un ta pasa pa e
otronan. P’esey ta necesario pa kere cu ta existi un comunion di biennan di Iglesia.
Pero e miembro mas importante ta Cristo, ya cu E ta e Cabes. P’esey, e bondad di
Cristo ta pasa pa tur e miembronan pa medio di e sacramentonan di Iglesia”477. Como
cu e Iglesia aki ta wordo goberna pa un solo y unico pirito, tur e biennan cu el a ricibi,
inevitablemente ta forma un fondo comun.

÷948
E expresion “comunion di santonan” tin pues dos nificacion estrechamente liga cu
otro: “comunion di cosnan santo (“sancta”) y comunion entre personanan santo
(“sancti”).

Sancta sanctis (“Biennan santo di Dios, pa pueblo santo di Dios”) ta loke e celebrante
ta proclama den mayoria di liturgianan oriental na momento di halsamento di e
Donnan santo prome cu partimento di comunion. E fielnan (“sancti”) ta alimenta nan
mes cu e Curpa y Sanger Santo di Cristo (“sancta”) pa crece den e comunion cu Spirito
Santo (“Koinônia”) y pa comunica esaki na mundo.

÷949
Den e comunidad primitivo di Herusalem, e discipelnan a dedica nan mes na e siñansa
y confraternidad di e apostelnan y na kibramento di pan y na oracion (Hch 2, 42).

Comunion den fe. E fe di e fielnan ta e fe di Iglesia, ricibi for di e apostelnan. Fe ta


un tesoro di bida cu ta wordo enrikeci ora compartie.

÷950
Comunion di sacramentonan. “E fruta di tur e sacramentonan ta pertenece na tur
esnan fiel. Tur e sacramentonan ta vinculonan sagrado cu ta uni e fielnan cu otro y ta
mara nan na Hesus Cristo y particularmente e Bautismo, cu ta e porta door di cual nos
ta drenta den Iglesia… Mester mira e comunion di santonan como e comunion di e
sacramentonan. Por aplica e nomber “comunion” na tur di nan, pasobra nan ta uni
nos na Dios... Pero e nomber aki ta mas apropia pa e Eucaristia cu pa cualkier otro,
pasobra ta principalmente e Eucaristia cu ta efectua e comunion aki”.

÷951
Comunion di carismanan: Denter di e comunion di Iglesia, Spirito Santo “ta parti
gracia special entre e fielnan di tur rango” pa edificacion di Iglesia480. Pues, “na
cada un a wordo duna e manifestacion di e Spirito pa e bienestar comun” (1 Co 12, 7).

÷952
Nan tabata comparti tur cos cu otro (Hch 4, 32): “Tur loke e berdadero Cristian tin,
mester considera un bien cu e ta posee hunto cu tur otro hende. Tur Cristian mester
ta prepara y ancioso pa yuda esnan den necesidad… y e prohimo den miseria481. Un
Cristian ta un administrador di Señor su biennan.

÷953
Comunion den caridad: Den “e comunion di santonan”, ningun di nos ta biba pa su
mes ni tampoco ta muri pa su mes” (Rm 14, 7). “Si un miembro ta sufri, tur otro
tambe ta sufri cu ne”. Si un miembro ta honra, tur otro tambe ta comparti den su
goso. Pues, boso ta curpa di Cristo y miembro individual di djE” (1 Co 12, 26-27).
“Caridad no ta existi pa su propio interes” (1 Co 13, 5)483. Den e solidaridad aki cu
tur hende, bibo of morto, cual ta funda riba comunion di santonan, e minimo di nos
actonan haci den caridad, ta beneficia tur hende. Tur pica ta daña e comunion aki.

÷954
E tres estadonan di Iglesia. “Ora cu Señor bini den su gloria cu tur su angelnan, lo no
tin morto mas y tur cos lo ta someti na djE. Pero den e tempo presente algun di Su
discipelnan ta peregrino riba mundo. Otronan a muri caba y nan purificacion ta
tumando luga, mientras tin otronan cu ta den gloria, contemplando ‘claramente Dios
mes como Trinidad y como Unico, exactamente manera E ta’”484:

Nos tur, sin embargo, den varios grado y nadiferente manera ta participa den e mesun
amor pa Dios y pa nos prohimo, y nos ta canta e mesun himno di alabansa pa nos Dios.
Berdaderamente, tur cu ta di Cristo y tin su Spirito ta forma un Iglesia y ta uni cu otro
den Dje.

÷955
“E union di e miembronan di Iglesia peregrino cu e rumannan cu ta drumi den paz di
Cristo no por wordo interumpi di ningun manera, al contrario, segun e fe constante di
Iglesia e union aki ta wordo reforsa door di intercambio di biennan spiritual”.

÷956
Intercesion di e santonan. “Door cu esnan den shelo ta mas intimamente uni cu
Cristo, nan ta consolida henter e Iglesia mas firmemente den santidad… Nan no ta
laga di intercede pa nos cerca Tata, ya cu nan ta ofrece pa medio di e unico Mediador
entre Dios y hende, Cristo Hesus, e meritonan cu nana adkeri na mundo. Asina nan
cuido raternal ta yuda nos debilidad masha hopi mes”487:

No yora, pasobra mi lo ta mas util pa boso despues di mi morto y mi lo yuda boso mas
eficazmente cu durante mi bida.

Lo mi pasa tur tempo den shelo haciendo bon pa mundo.

÷957
Comunion cu santonan. “Nos no ta celebra e recuerdo di esnan cu ta den shelo
solamente pasobra nan ta nos modelo, sino pa e union di henter Iglesia den Spirito
keda reforsa door di e practica di e amor fraternal. Pasobra, manera e union entre e
Cristiannan cu ainda ta na caminda ta hiba nos mas cerca di Cristo, asina e comunion
cu e santonan ta uni nos cu Cristo for di kende, como for di un fuente y Cabes, ta bini
tur gracia y bida di pueblo di Dios”490:

Nos ta adora Cristo, pasobra E ta Yiu di Dios; nos ta stima e martirnan, como
alumnonan y siguidonan di Señor y hustamente pa motibo di nan devocion
incomparabel pa nan rey y maestro. Mare nos tambe por ta nan compañeronan y nan
co-discipelnan.

÷958
Comunion cu difuntonan. “Iglesia peregrino cu ta perfectamente consciente di e
comunion cu henter e Curpa mistico di Hesucristo, for di e prome temponan di
Cristianismo a honra cu gran piedad e recuerdo di e difuntonan y tambe ‘pasobra cu
ta un idea santo y provechoso pa resa pa e difuntonan, pa nan haya liberacion di nan
picanan’, Iglesia ta ofrece oracion pa nan” (2 M 12, 45)492. Nos oracion pa nan no
solamente por yuda nan, sino tambe por haci nan interseccion eficaz na nos fabor”.

÷959
…den e unico famia di Dios. “Si nos sigui stima otro y uni den alabansa na Santisima
Trinidad – nos tur cu ta e yiunan di Dios y ta forma un solo famia den Cristo – lo ta fiel
na e intimo vocacion di Iglesia”493.

÷960
“Iglesia ta ‘comunion di santonan’”. E expresion aki ta nifica primeramente e “cosnan
santo” (“sancta”) y mas cu tur cos e Eucaristia, mediante cual “e unidad di e
creyentenan cu ta forma un solo curpa den Cristo, ta na mesun momento ta wordo
representa realisa”.

÷961
E termino aki tambe ta referi na e comunion entre e “personanan santo (“sancti”) den
Cristo “cu a muri pa tur hende”, di manera cu loke cada hende haci den of sufri pa
Cristo ta duna fruta pa tur hende.

÷962
“Nos ta kere den e comunion di tur fiel Cristian, esaki kiermen, esnan cu ainda ta
peregrinando den e mundo aki, esnan cu ta purificando despues di nan morto y den
esnan cu ta gosa di e bienaventuransanan celestial y tur esnan cu ta uni den un solo
Iglesia; y nos ta kere cu den e comunion aki, e amor misericordioso di Dios y Su
santonan semper ta scucha nos oracionnan”.

÷963
Despues di a papia di e funcion di Birgen Maria den e Misterio di Cristo y di Spirito, ta
bon awo pa considera su luga den e Misterio di Iglesia. “Ta reconoce y ta venera
Birgen Maria como e berdadero Mama di Dios y di e Redentor... Mas ainda e ta
‘berdaderamente e mama di e miembronan di Cristo’… pasobra el a colabora cu su
amor pa realisa e nacemento di creyentenan den Iglesia, cu ta miembronan di su
cabes”496. “Maria, Mama di Cristo, Mama di Iglesia”.

÷964
E papel di Maria den Iglesia ta inseparabel di su union cu Cristo y ta resulta
directamente for di dje. “E union aki di e Mama cu e Yiu den e obra di salbacion a
wordo manifesta desde e momento di e concepcion birginal di Cristo te na su
morto”498; e ta wordo manifesta specialmente na ora di su pasion:

E Birgen Bienaventura a avansa den e peregrinacion di fe y a mantene fielmente e


union cu Su yiu te na cruz. Ey, di acuerdo cu e plan divino, el a para sufri
inmensamente cu su unico yiu y a uni cu su sacrificio den su curason di mama y yen di
amor el a duna su consentimento na e sacrificio di su yiu como victima. Finalmente,
agonisandona cruz, Hesucristo a dun’e como mama na su discipelnan cu e palabranan
aki: “Muhe, mira bo iu ey” (Hu 19, 26-27).

÷965
Despues diAsuncion di su Yiu, “Maria tabata presente cu su oracionnan den
cuminsamento di Iglesia”500. Reuni cu e apostelnan y algun muhe, “Maria a pidi cu su
oracionnan e don di Spirito, cu ya den e Anunciacion a cubrie cu su sombra”.

…tambe den su Asuncion

÷966
“Finalmente e Birgen Inmaculada, conserva di tur mancha di pica original, ora curso
di su bida na tera a termina, a wordo halsa na shelo cu curpa y alma y corona door di
Dios como Reina di universo p’asina e ta plenamente conforma na su Yiu, Señor di tur
Señornan y vencedo di pica y morto”502. E Asuncion di e Birgen Bendiciona ta un
participacion special den Resureccion di su Yiu y un anticipacion di Resureccion di tur
otro Cristian:
Na bo parto bo a mantenebo Birginidad; na bo Asuncion bo no a laga mundo, o Mama
di Dios, pero a wordo uni cu e fuente di Bida. Bo a concebi e Dios bibo y, pa medio di
bo intersecionnan bo ta salba nos alma for di morto.

÷967
Door di su entrega total na e boluntad di Tata, na e trabou di salbacion di su Yiu y na
cada inspiracion di Spirito Santo, Birgen Maria ta e modelo di fe y caridad pa Iglesia.
P’esey e ta e “miembro mas halsa y mas particular di Iglesia”504, e ta e “realisacion
ehemplar” (typus) di Iglesia.

÷968
Pero su papel relaciona cu iglesia y cu henter humanidad ta bay ainda mas leu. “El a
colabora na un manera totalmente singular cu e obra di Salbador door di su fe,
speransa y amor ardiente pa restablece e bida sobrenatural di hende. P’esey el a bira
nos mama den e orden di gracia”.

÷969
“Maternidad di Maria den orden di gracia ta perdura sin interupcion, desde e
consentimento cu el a duna fielmente den Anunciacion y cu el a mantene sin basila
bou di cruz, te na e pleno realisacion definitivo di tur esnan scogi. Despues di su
Asuncion, e no a stop cu su mision di salbacion, sino pa medio di su multiple
intersecionnan ta sigui trece pa nos e donnan di salbacion eterno… P’esey e Birgen
Bendiciona ta wordo invoca den Iglesia cu e titulonan di Abogada, Auxiliadora,
Beneficiaria, Mediadora”.

÷970
“Funcion di Maria como mama di hende di ningun manera ta oscurece of disminui e
mediacion unico aki di Cristo, pero mas bien ta demonstra su poder. Henter e
influencia di e Santisimo Birgen riba salbacion di hende ta brota for di e abundancia
pleno di e meritonan di Cristo, ta basa riba Su mediacion, ta depende totalmente di e
mediacion aki y ta for di dje ta saca tur su poder”508. “Nunca por conta ningun ser
crea hunto cu e Verbo Encarna y Redentor; pero mescos cu tanto e ministronan como
e pueblo creyente ta participa na diferente manera den sacerdocio di Cristo y mescos
cu e bondad di Dios realmente ta briya na diferente manera bou di su criaturanan,
asina tambe e mediacion unico di e Salbador no ta exclui, sino e ta crea un
cooperacion multiple, cu ta solamente tuma parti den e unico fuente aki”.
÷971
Tur generacion lo yama mi bendiciona (Lc 1, 48). “E devocion di Iglesia na e Birgen
Bendiciona ta intrinsico na culto Cristian”510. E Birgen Bendiciona “cu rason ta wordo
honra pa Iglesia cu un veneracion special. Y efectivamente desde tempo antiguo ta
venera e Birgen Bendiciona cu e titulo di ‘Mama di Dios’, y ta cerca dje e fielnan ta
busca refugio den tur nan peliger y necesidad… E veneracion aki, aunke di caracter
singular, ta esencialmente diferente for di e culto di adoracion di e Verbo encarna y
mescos na e Tata y e Spirito Santo, y ta faborec’e grandemente”511; E fiestanan
liturgico dedica na e Mama di Dios512 y oracionnan Mariano, manera e Santo Rosario,
“sintesis di henter e Evangelio”, ta expresa e devocion aki na e Birgen Maria”.

÷972
Despues di a papia di Iglesia, di su origen, di su mision y di su destino, no tin un miho
manera pa conclui cu fiha nos mirada na Maria. Den Maria nos ta contempla loke ya e
Iglesia ta den su ministerio, den su propio “peregrinacion di fe”, y loke Iglesia lo ta na
final di su marcha. Aya, “den Gloria di Santisimo y Individibel Trinidad”, “den
comunion cu tur santo”514, esun cu Iglesia ta venera como Mama di su Señor y como
su mes Mama lo ta wardando riba e Iglesia:

Mientras tanto e Mama di Hesus, den e Gloria cu e tin den curpa y alma den shelo, ta
e imagen y principio di Iglesia cu lo yega na su plenitud den e siglo futuro. Di mes
manera e ta sigui briya aki na mundo, te ora cu yega e dia di Señor, como un señal di
speransa y consuelo berdadero pa e pueblo di Dios.

÷973
Door di duna su “fiat” na e Anunciacion y su consentimento na Misterio di
Encarnacion, Maria ya a colabora den e obra cu su Yiu tin cu cumpli cu ne. E ta Mama
tur caminda cu Cristo ta Salbador y Cabes di e Curpa mistico.

÷974
A hiba Santisimo Birgen Maria, kende a cumpli cu su curso di bida terenal, cu curpa y
alma den gloria di shelo caminda ya e ta participa den gloria di resureccion di su Yiu,
anticipando e resureccion di tur miembro di su Curpa.

÷975
“Nos ta kere cu Santa Mama di Dios, e Eva nobo, Mama di Iglesia, ta continua
eherciendo su rol materno den shelo pa probecho di e miembronan di Cristo”.
÷976
E Credo di Apostel ta asocia e fe den pordon di pica no solamente cu fe den Spirito
Santo, pero tambe cu fe den Iglesia y den comunion di santonan. Door di duna e
Spirito Santo na su apostelnan, Cristo resucita a yena nan cu su propio poder pa
pordona pica: “Ricibi Spirito Santo. Si boso pordona un hende su picanan, nan ta keda
pordona; si boso no pordona e picanan, nan no ta keda pordona” (Hu 20, 22-23).

(E di dos parti di Catisashi lo trata explicitamente pordon di pica door di bautismo y


door di sacramento di penitencia y otro sacramentonan, specialmente e Eucaristia. Na
e momento aki, ta suficiente pa menciona brevemente algun informacion
fundamental).

÷977
Nos Señor a mara e pordon di pica na e fe y e bautismo: “Bay y proclama e Bon
noticia na henter creacion. Esun cu kere y ta batisa, lo ta salba” (Mc 16, 15-16). E
bautismo ta e prome y principal sacramento di pordon di pica, pasobra e ta uni nos cu
Cristo, kende a muri pa nos picanan y a resucita pa nos hustificacion (cf Rm 4, 25)
p’asina nos “tambe biba un bida nobo” (Rm 6, 4).

÷978
“Na momento cu nos ta haci nos prome profesion di fe, ricibiendo e santo Bautismo cu
ta purifica nos, e pordon cu nos ta ricibi ta asina completo, cu no ta keda nos
absolutamente nada pa deshaci di dje, ni pica original ni picanan cometi di nos propio
boluntad, tampoco a keda ningun castigo pa nos sufri pa paga pa nan… Sin embargo, e
gracia i bautismo no ta libra ningun hende ditur e debilidadnan di naturalesa. Al
contrario, ainda nos mester combati e impulsonan di deseo cu nunca ta stop di hiba
nos na maldad”.

÷979
Ken lo ta suficientemente balente y vigilante pa evita tur herida di pica den e bataya
contra nos inclinacion pa comete maldad? “Si Iglesia tin e poder di pordona pica, anto
Bautismo no por ta e unico manera pa uza e yabinan ricibi di Reino di shelo for di
Hesucristo. Iglesia mester por pordona ofensanan di tur penitente, te hasta si nan
sigui haci pica te na e ultimo momento di nan bida”.
÷980
Ta pa medio di e sacramento di Penitencia, cu esnan batisa por reconcilia nan mes cu
Dios y cu Iglesia:

E Tatanan santo di Iglesia tabatin rason pa yama e penitencia “un bautismo


laborioso”519. Pa esnan cu a cay despues di bautismo, e sacramento di penitencia aki
ta necesario pa salbacion, di esnan cu a cay despues di Bautismo, mescos cu Bautismo
ta necesario pa salbacion di esnan cu ainda no a renace.

÷981
Despues di su Resureccion, Cristo a manda su apostelnan predica “den su nomber e
arepentimento y pordon di tur pica na tur nacion” (Lc 24, 47). E apostelnan y nan
sucesornan a cumpli cu e “Ministerio di reconciliacion aki” (2 Co 5, 18), no solamente
door di anuncia na hende e pordon di Dios cu Cristo a realisa pa nos y door di haci un
apelacion pa nan converti y tene fe, sino tambe door di comunica na nan e pordon di
pica pa medio di Bautismo y door di reconcilia nan cu Dios y cu Iglesia pa medio di e
poder di e yabinan ricibi for di Cristo:

Iglesia a ricibi e yabinan di Reino di shelo, pa di e manera ey, den dje, por pordona
pica pa medio di sanger di Cristo y e accion di Spirito Santo. Den e Iglesia aki e alma
cu tabata morto pa motibo di pica ta haya bida atrobe, pa por biba cu Cristo, kende
su gracia a salba nos521.

÷982
No tin ningun pica, con grave cu e por ta, cu Iglesia no por pordona. “No tin ningun
hende, ni maske con perverso y culpabel, cu no ta spera cu confiansa pa haya pordon,
basta su arepentimento ta sincero”522. Cristo cu a muri pa tur hende ta desea pa,
den su Iglesia e portanan di pordon semper ta habri pa ken cu ta bira lomba pa pica.

÷983
E catekesis ta haci esfuerso pa lanta y nutri e fe den e grandesa incomparabel di e on
cu Cristo Resucita a duna na su Iglesia: e mision y e poder pa pordona pica pa medio
di e ministeriodi e apostelnan y di su sucesornan:

Ta boluntad di Señor pa su discipelnan tin un poder inmenso: E ier pa u pober


sirbidonancumpli den su nombercu tur cos cu El a haci tempo E tabata na mundo.

E sacerdotenan a ricibi un poder di Dios cu E no a duna ni na su angelnan, ni na su


arcangelnan… Dios ta sanciona aya ariba tur loke e sacerdotenan ta haci akibou525.Si
den Iglesia no tabatin pordon di pica, lo no tabatin ningun speransa, ningun
espectativa di un bida eterno y di un liberacion eterno. Laga nos duna Dios danki cu El
a duna Iglesia un don asina.

÷984
E Credo ta relaciona “e pordon di pica” cu e profesion di fe y Spirito Santo.
Efectivamente, Cristo resucita a confia na e apostelnan e poder di pordona e picanan
ora El a duna nan e Spirito Santo.

÷985
Bautismo ta e prome y principal Sacramento pa pordon di pica: e ta uni nos cu Cristo
cu a muri y resucita y ta duna nos Spirito Santo.

÷986
Door di Cristo su boluntad, Iglesia tin e poder di pordona pica di esnan batisa y e ta
eherce e poder ey pa medio di obisponan y sacerdotenan normalmente den e
sacramento di Penitencia.

÷987
“Den e pordon di pica, e sacerdotenan y e sacramentonan ta instrumentonan cu nos
Señor Hesucristo, e unico autor y dunado generoso di salbacion, ta hiba di gusto di
uza pa kita nos picanan y duna nos e gracia di hustificacion”.

÷988
E Credo Cristian – profesion di nos fe den Dios Tata, Yiu y Spirito Santo y den su accion
creador, salbador y santificador – ta culmina den proclamacion di resureccion di esnan
cu a muri na final di tempo y den bida eterno.

÷989
Nos ta kere firmemente y nos ta spera, cu mescos cu Cristo berdaderamente a
resucita for di morto y ta biba pa semper, mescos e hustonan lo biba pa semper cu e
Cristo resucita y E lo lanta nan for di morto riba e ultimo dia528. Nos resureccion,
mescos cu di djE, lo ta obra di Santisimo Trinidad:

Si Spiritodi Esun cu a lanta Hesus for di morto ta biba memey di boso, Esun cu a
resucita Hesus for di morto tambe lo duna bida na boso curpanan mortal pa medio di
su Spirito cu ta biba den boso (Rm 8, 11).

÷990
E palabra “carni” ta referi na hende den su condicion debil y mortal530. E
“resureccion di carni” no solamente ta nifica cu e alma inmortal lo sigui biba despues
di morto, pero cu te hasta nos “curpa mortal”lo bolbe haya bida.

÷991
Creencia den resureccion di morto for di su cuminsamento tabata un elemento
esencial di fe Cristian. “E resureccion for di morto ta e speransa di Cristiannan; door
di kere den esaki nos ta biba”531:

Con por ta posibel cu algun di boso ta bisa cu no tin resureccion for di morto? Si no tin
resureccion for di morto anto Cristo tampoco no a resucita. Y si Cristo no a resucita,
nos predicashi ta envano y bo fe ta envano… Pero no! Cristo a resucita for di morto
como e prome di esnan cu a bay drumi (1 Co 15, 12-14; 20).

÷992
Progresivamente Dios a revela e lantamento for di morto na su pueblo. E speransa riba
e lantamento corporal for di morto a establece su mes como consecuencia intrinsico
na fe den Dios como creador di hende completo, alma y curpa. E creador di shelo y di
tera tambe ta Esun cu fielmente ta mantene su Aliansa cu Abraham y su
descendencia. Ta den e perspectiva dobel aki cu fe den e resureccion a cuminsa haya
forma. E martirnan Macabeo a profesa den nan penanan:

E Rey di mundo lo lanta nos, cu a muri pa su leynan, na un eterno renobacion di vida,


pasobra nos a muri pa su leynan. (2 M 7, 9). Ta deseabel muri na man di hende debi
na e speransa cu Dios ta otorga nos cu E lo bolbe lanta nos for di morto (2 M 7, 14).

÷993
E fariseonan533 y hopi cu a biba den tempo di Señor534 a spera riba resureccion.
Hesus ta siña esaki firmemente. E ta contesta e Saduceonan cu ta nenga resureccion:
“Boso no conoce ni e Scrituranan ni e poder di Dios, n’ ta p’esey boso ta ekiboca?”
(Mc 12, 24). E fe den resureccion ta basa riba fe den Dios cu “no ta Dios di esnan
morto sino di bibonan” (Mc 12, 27).
÷994
Pero tin mas: Hesus ta mara e fe den resureccion na su mesun persona: “Ami ta
resureccion y bida” (Hu 11, 25). Ta Hesus mes, riba e ultimo dia, lo lanta for di morto
esnan cu a kere den djE535, riba e ultimo dia for di morto y cu a come su curpa y a
bebe su sanger536. Di awor caba e ta duna un señal y garantia di resureccion, door di
debolbe bida537 na algun cu tabata morto, anunciando asina su propio Resureccion,
aunke cu e lo tabata di un otro orden. Di e acontecimento unico aki E ta papia di e
“señal di Jonas” (Mt 12, 39), di señal di e Tempel538; E ta anuncia su Resureccion
riba e di tres dia despues di su morto.

÷995
Ser un testigo di Cristo ta ser un “testigo di su Resureccion” (Hch 1, 22)540, di “a
come y bebe cu NE despues cu El a resucita for di morto” (Hch 10, 41). E
encuentronan cu Cristo resucita ta caraterisa e speransa Cristian den resureccion. Nos
lo resucita mescos cu Cristo, cu Ne y door di djE.

÷996
For di cuminsamento fe Cristian den resureccion a confronta incomprension y
oposicion541. “Riba ningun punto e fe Cristian ta confronta mas oposicion cu riba
resureccion di e carni”542. Generalmente, hende ta acepta cu e bida di hende
despues di morto lo sigui den un forma spiritual. Pero, con nos por kere cu e curpa
aki, cu obviamente ta asina mortal, por por resucita den bida eterno?

÷997
Kico ta “resureccion”? Den morto, cu ta separacion di e alma for di e curpa, e curpa
humano ta putri, mientras su alma ta bay topa cu Dios, sperando riba e union di nobo
cu su curpa glorifica. Dios den su omnipotencia, definitivamente lo garantisa bida
incoruptibel pa nos curpa, door di uni nan di nobo cu nos alma, pa medio di e poder di
Resureccion di Hesus.

÷998
Ken lo lanta for di morto? Tur hende cu muri lo lanta: “esnan cu a haci bon pa e
resureccion di bida y esnan cu a haci malo pa resureccion di Huicio” (Hu 5, 29).

÷999
Con? Cristo a resucita cu su propio curpa: “Mira mi mannan y mi pianan; ta ami mes”
(Lc 24, 39); pero E no a bolbe na un bida terenal. Pues, den djE, “tur di nan lo
resucita cu nan propio curpa cu nan tin awo”544, pero Cristo “lo cambia nos curpa
humilde pa e bira manera Su curpa glorioso”545, un “curpa spiritual” (1 Co 15, 44).

Pero algun lo bisa: “Con e defuntonan lo lanta for di morto? Ki sorto di curpa nan lo
tin? Hende bobo! Ora bo sembra un simia den tera, e simia no por spreit si e no muri
prome! Ora bo sembra, no ta e mata cu ta bay sali bo ta sembra, pero simia so…, loke
dera ta pasa bay y loke lanta for di morto ta algo incoruptibel... Pues, nos naturalesa
cu ta pasa bay, ta transforma bira uno cu ta permanece pa semper y nos curpa mortal
lo bira inmortal!” (1 Co 15, 35-37. 42. 53).

÷1000
E “con” aki ta sobrepasa nos imaginacion y nos entendimento; ta solamente den fe e
ta accesibel. Pero nos participacion den Eucaristia ta duna nos caba un prueba di e
transfiguracion di nos curpa door di Cristo:

P’esey manera pan cu ta bin di tera, despues di a invoca Dios, ya no ta pan ordinario
mas sino Eucaristia, cu tin un aspecto terenal y celestial, asina tambe nos curpa cu ta
participa den Eucaristia ya no ta coruptibel mas, ya e tin speransa di resureccion.

÷1001
Ki tempo? Indudablemente riba e “ultimo dia” (Hu 6, 39-40; 44-54; 11-24); “na fin di
mundo”547. Efectivamente, resureccion di morto ta intimamente asocia cu Parusia di
Cristo:

Señor mes lo baha for di shelo, segun orden atrabes di bos di un arcangel y e trompet
di Dios y esnan cu a muri den Cristo lo resucita na prome luga (1 Ts 4, 16).

÷1002
Si ta berdad cu Cristo lo resucita nos for di morto “riba e ultimo dia”, anto tambe ta
berdad, den cierto modo, cu nos a resucita cu Cristo caba. Efectivamente, danki na
Spirito Santo, bida Cristian na tera ta, desde awo, un participacion den morto y den
Resureccion di Cristo:

Dera cu n’E den bautismo, cu n’E tambe lo bo resucita door di fe den poder di Dios,
cu lo resucita bo for di morto... Asina pues, si bo a resucita cu Cristo, busca loke tin
ariba, aya unda Cristo ta sinta na man drechi di Tata (1 Col 2, 12; 3; 1).
÷1003
Uni cuCristo door di bautismo, e creyentenan ealmente ta participa caba na bida
celestial di Cristo resucita548, pero e bida ta permanece “scondi cu Cristo den Dios”
(Col 3, 3). Tata ya a “resucita nos cu n’E, y a pone nos sinta cu n’E den luganan
celestial den Cristo Hesus” (Ef 2, 6). Alimenta den Eucaristia cu su curpa, nos ta
pertenece caba na Curpa di Cristo. Ora nos resucita riba e ultimo dia nos tambe lo
“manifesta cu n’E yen di gloria” (Col 3, 4).

÷1004
Sperando riba e dia ey, ecurpa y e alma di e creyente ta participa caba den dignidad
di ta pertenece na Cristo. E dignidad aki ta encerae exigencia pa su propio curpa
wordo trata cu respet y tambe e curpa di cada otro persona, particularmente si e
tasufri:

E curpa ta paSeñor ySeñor ta provee pa e curpa: manera Dios a lanta Señor fo’i morto,
E lo resucita nos tambe pa medio di su poder. Bo no sa cu bo curpa ta parti di Cristo?
… E no ta pertenece na bo… Glorifica anto Dios cu bo curpa (1 Co 6, 13-15; 19-20).

÷1005
Pa resucita cu Cristo ta necesario pa muri cu Cristo, ta necesario pa “laga e curpa aki
pa bay biba cerca Señor” (2 Co 5, 8). Den e “baymento” aki (Flp 1, 23), cu ta morto, e
alma ta separa di e curpa. E lo reuni cu su curpa atrobe riba dia di resureccion di
morto.

÷1006
“Niun caminda e enigma di hende suexistencia ta asina grandi cu den e luz di
morto”550. Den un sentido, morto corporal ta natural, pero pa fe nos sa cu realmente
e ta e “consecuencia di pica” (Rm 6, 23)551. Y pa esnan cu muri den gracia di Cristo,
esaki ta un participacion den morto di Señor pa por participa tambe den su
Resureccion.

÷1007
Morto ta final di bida terenal. Nos bida ta midi pa tempo, den curso di cual nos ta
cambia, nos ta bira bieu y mescos cu tur ser bibo riba mundo, morto ta aparece como
desaroyo normal di bida. E aspecto di morto aki ta duna nos bida un caracter di
urgencia; e recuerdo di nos mortalidad ta sirbi tambe pa pone nos pensa cu nos tempo
ta limita pa realisa nos bida:Corda riba bo Creador den bo dianan hoben…, prome bo
cambia den stof di tera, loke bo tabata y e spirito bolbe cerca Dios, kende a dun’e
(Qo 12, 1. 7).

÷1008
Morto ta consecuencia di pica. Interpretacion autentico di afirmacion di Santo
Scritura553 y di Tradicion, e Magisterio di Iglesia ta siña cu morto a drenta mundo pa
motibo di pica di hende554. Maske cu hende tin un naturalesa mortal, Dios no a
destin’e pa muri. Asina ta, morto tabata contrario na e plannan di Dios Creador y a
drenta mundo como consecuencia di pica555. “Morto temporal di cua hende lo a libra
su mes si e no a comete pica”556, pues morto corporal ta e “ultimo enemigo” di
hende cu e tin di vence.

÷1009
Morto a keda transforma pa Cristo. Hesus, Yiu di Dios, tambe a sufri e morto cu ta
parti di e condicion humano. Pero apesar di su angustia pa morto558, El a acept’e den
un acto di sumision total y liber na boluntad di Tata. Obediencia di Hesus a
transforma e maldicion di morto den un bendicion.

÷1010
Danki na Cristo, morto Cristian tin un sentido positivo. “Pasobra pa mi, biba ta Cristo
y muri ta un ganashi” (Flp 1, 21). “E afirmacion aki ta berdadero; si nos a muri cu n’E,
nos ta biba cu n’E tambe” (2 Tm 2, 11). E novedad esencial di morto Cristian ta: pa
medio di Bautismo, e Cristian ya “a muri cu Cristo sacramentalmente, pa biba un bida
nobo; y si nos muri den gracia di Cristo, morto fisico ta completa e “muri cu Cristo”
aki, y ta perfecciona asina nos incorporacion den djE den su acto redentor:

Pa mi ta miho muri den (“eis”) Cristo Hesus cu reina di un extremo pa otro riba
mundo. Lo mi busc’E, esun cu a muri pa nos; mi ta stim’E, esun cu a resucita pa nos.
Mi ta na punto di nace… Laga mi ricibi luz puro; ora mi yega ey, e ora ey numa lo mi
ta un hende.

÷1011
Den morto, Dios a yama hende cerca djE. P’esey e Cristian por experiencia den morto
e mesun deseo cu San Pablo: “Mi ta desea di bay y ta cu Cristo” (Flp 1, 23); y e por
transforma su propio morto den un acto di obediencia y amor na Tata, segun ehempel
di Cristo561:

A crucifica mi deseo terenal…; den mi tin awa bibo cu ta murmura y cu ta bisa for di
paden di mi “bini cerca Tata”.

Mi ta desea di mira Dios y pa mir’e ta necesario muri.

÷1012
E vision Cristian di morto565 ta expresa den un moda privilegia den e liturgia di
Iglesia:

E bida di esnan cu ta kere den Bo, Señor, no ta caba, ma e ta transforma; y ora nos
cas terenal cay aden, nos ta obtene un mansion eterno den shelo.

÷1013
Morto ta fin di peregrinacion terenal di hende, di tempo di gracia y di misericordia cu
Dios ta ofrece pa realisa su bida terenal segun e diseño divino y pa dicidi su ultimo
destino. Ora nos tin cu yega “e unico curso di nos bida terenal”567, nos no ta bolbe
na otro bida terenal mas. “Ta un hecho cu hende ta muri un biaha so” (Hb 9, 27). No
tin “reencar nacion” despues di morto.

÷1014
Iglesia ta anima nos pa nos prepara nos mes pa ora di nos morto. (“Di morto repentino
y imprevisto, libra nos Señor”: Letania di tur Santo), ta pidi Mama di Dios pa
intercede pa nos “na ora di nos morto” (Avemaria) y ta confia nos na San Hose,
patrono di bon morto:

Cada accion, cada pensamento di nos mester ta prepara comosifuera nos ta muri
prome cu dia caba. Si un hende tin bon consenshi e no mester tin miedo di morto.
Miho ta pa hui di pica cu di morto. Si awe bo no ta cla pa enfrenta morto, con lo bo ta
cla mañan?568

Y pa mi ruman morto, mi ta alaba bo, Señor! Ningun no ta scapa di su persecucion;


Ay, si den pica grave e sorprende e pecador! Dichoso ta esnan cu ta cumpli cu
boluntad di Dios!

÷1015
“Caro salutis est cardo.” (Carni ta e sosten di salbacion”)570. Nos ta kere den Dios cu
ta creador di carni, nos ta kere den e Palabra cu a bira carni pa rescata e carni; nos ta
kere den resureccion di carni, den perfeccion di creacion y den redencion di carni.
÷1016
Door di morto e alma ta separa for di curpa, pero den resureccion Dios a debolbe e
bida incoruptibel na nos curpa transforma, reuniendo e cu nos alma. Manera Cristo a
resucita y ta biba pa semper, asina nos tambe lo resucita riba e ultimo dia.

÷1017
“Nos ta kere den berdadero resureccion di e carni cu nos tin awo”571. No obstante cu
nos a dera un curpa coruptibel, un curpa incoruptibel ta resucita,572 un “curpa
spiritual” (1 Co 15, 44).

÷1018
Como consecuencia di pica original, hende mester sufri “e morto corporal, di cual e
hende lo a keda libra, si e no a haci pica”.

÷1019
Hesus, e Yiu di Dios, a sufri y muri pa nos libremente sometiendo su mes totalmente
na boluntad di Dios, su Tata. A vence morto door di su morto, dunando asina e
posibilidad di salbacion na tur hende.

÷1020
E Cristian cu ta uni su propio morto na esun di Hesus ta mira morto como un
baymento cerca djE y un entrada den bida eterno. Ora Iglesia papia pa ultimo biaha
palabra di pordon di absolucion di Cristo riba e muribundo Cristian, sey’e pa ultimo
biaha cu un uncion fortificante y ta duna Cristo “in viaticum” como alimento pa e
biahe, e ta papia cu un siguridad suave:

Bay alma Cristian, for di e mundo aki na nomber di Dios Tata Todopoderoso, cu a crea
bo na nomber di Hesucristo, Yiu di Dios bibo, cu a muri pa bo, na nomber di Spirito
Santo, cu a baha riba bo. Bay Cristian fiel! Drenta den e luga di paz awe, bo cas sea
hunto cu Dios den Sion, e ciudad santo, cu Santa Birgen Maria, Mama di Dios, cu San
Hose y tur e angelnan y e santonan. Bolbe cerca bo Creador cu a forma bo di stof di
mundo. Mare santa Maria, tur e angelnan y e santonan lo sali na bo encuentro ora bo
sali for di e bida aki… Mare bo por contempla bo Redentor cara cara…574
÷1021
Morto ta pone fin na bida di hende como e tempo habri pa sea aceptacion of rechaso
di gracia divino manifesta den Cristo575.

E Testament Nobo ta papia di e huicio principalmente den perspectiva di encuentro


final cu Cristo den su di dos binimento; pero tambe ta sigura cada bes cu cada ken lo
ricibi recompensa inmediato despues di morto di acuerdo cu su obranan y su fe. E
parabola di e pober Lazaro576 y e palabranan di Cristo na Cruz na e bon ladron577,
como tambe otro textonan di e Testament Nobo578 ta papia di e destino final di e
alma579 cu por ta diferente pa cada un di nos.

÷1022
Cada hende despues di morto, ta ricibi den su alma inmortal su retribucion eterno den
un huicio particular cu ta referi su bida na Cristo, pa medio di un purificacion580 pa
drenta inmediatamente den e bienaventuransa di shelo581 of pa inmediatamente
conden’e pa semper.

E atardi di bida lo husga bo amor.

÷1023
Esnan cu a muri den gracia y amistad di Dios y a purifica nan, ta biba pa semper cu
Cristo. Pa semper nan lo ta semehante na Dios, pasobra nan ta mir’E “manera cu E
ta” (1 Hu 3, 2), cara cara584:

Cu autoridad apostolico nos ta defini: cu segun disposicion general di Dios, e almanan


di tur santo… y di tur fiel cu a muri despues di a ricibi bautismo di Cristo (A menos cu
nan no tabatin mester di purificacion ora nan a muri…, of den caso cu na e momento
ey nan tabatin, of lo tin algo pa purifica, y a cumpli cu esaki,…) ya prome cu nan
tuma nan curpa atrobe y prome cu huicio final – pues desde e Asuncion na shelo di
nos Señor y Salbador Hesucristo – nan tabata, na ta y nan lo ta den shelo, den Reino di
shelo y den paraiso celestial cu Cristo, hunto den compania di e angelnan santo. esde
morto y pasion di nos Señor Hesucristo e almanan aki a contempla y ta contempla e
divino esencia cu un vision intuitivoy te hasta cara cara, sin mediacion di ningun
criatura.

Catisashi diIglesiaCatolico

÷1024
E bida perfecto aki cu Santisimo Trinidad, e comunion di bida aki y amor cu e
Trinidad, cu Birgen Maria, e angelnan y tur e bienaventuradonan ta wordo yama
“shelo”. E shelo ta e ultimo fin y e realisacion di e aspiracionnan mas profundo di
hende, e estado supremo y definitivo di dicha.

÷1025
Biba den shelo ta nifica: “ta cu Cristo”586. Esnan eligi ta biba “den Cristo”, pero nan
ta retene, of miho bisa ey nan ta haya nan berdadero identidad, nan propio
nomber587:

Pues bida ta cu Cristo; unda Cristo ta, ey bida ta, ey reino ta.

÷1026
Pa medio di su morto y Resureccion, Hesucristo a“habri” shelo pa nos. E bida di e
bienaventuradonan ta consisti den e pleno posicion di e frutanan di e redencion
realisa pa Cristo. Den su glorificacion celestial E ta asocia cu esnan cu a kere den djE
y a keda fiel na Su boluntad. Shelo ta e comunidad bienaventurado pa tur cu ta
perfectamente encorpora den Cristo.

Catisashi diIglesia Catolico

÷1027
E misterio i comunion bienaventura cu Dios y cu tur cu ta cu Cristo, ta surpasa tur
comprension y representacion. Scritura ta papia di dje den imagen; bida, luz, paz,
bankete di boda, biña di reino, cas di Tata, Herusalem celestial, paraiso: “Loke ni e
wowo a mira, ni e horea a tende, ni a yena e curason di hende, loke Dios a prepara pa
esnan cu ta stim’E (1 Co 2, 9).

÷1028
Pa motibo di su transcendencia no por mira Dios manera e ta, si E mes no habri su
Misterio pa contemplacion inmediato di hende y si e no duna hende e capacidad pa
esey. E contemplacion di Dios den su Gloria celestial, Iglesia ta yam’e “e
contemplacion beatifica”:

Ki grandi bo gloria y felicidad lo ta, ora bo ta permiti pa mira Dios y tin e honor pa
comparti e alegria di salbacion y e luz eterno cu Cristo, Señor bo Dios…, pa disfruta di
e alegria di inmortalidad den e Reino di shelo hunto cu esnan husto y amigonan di
Dios.
÷1029
Den gloria di shelo e bienaventuradonan lo continua cumpliendo cu alegria e boluntad
di Dios den relacion cu e otro hendenan y cu henter creacion. Ya nan ta reina cu
Cristo; cu ne nan “lo reina pa siglo y siglonan” (Ap 22, 5).

÷1030
Esnan cu muri den gracia y den amistad cu Dios, pero imperfectamente purifica,
aunke cu nan ta sigur di nan salbacion eterno, ta sufri despues di nan morto un
purificacion p’asina obtene santidad necesario pa drenta den e alegria di shelo.

÷1031
Iglesia ta yama e purifacion final aki di esnan scogi, Purgatorio, cu ta completamente
distinto for di esnan condena. Iglesia a formula e doctrina di fe relaciona cu
Purgatorio specialmente den Concilio di Florencia591 y di Trento592. E tradicion di
Iglesia ta papia di un candela purificante, haciendo referencia na cierto textonan di
Scritura593:

En conexion cu cierto falta leve, ta necesario kere cu prome cu Huicio Final, ta existi
un candela purificante. Esun cu ta Berdad, ta bisa cu ken cu comete blasfemia contra
Spirito Santo, lo no wordo pordona ni den e mundo aki ni den futuro mundo (Mt 12,
31). Den e frase aki nos ta compronde cu por pordona cierto ofensa den e mundo aki,
pero cierto otro ofensa den e mundo futuro.

÷1032
E enseñansa aki tambe ta basa riba e practica pa haci oracion pa e difuntonan, loke
Santa Scritura ya ta bisa: “Ta p’esey a manda (Hudas Macabeo) haci e sacrificio
expiatorio aki na fabor di e mortonan, p’asina nan por ta libra di pica” (2 M 12, 46).
For di principio, Iglesia a honra memoria di e difuntonan y a ofrece intercesionnan na
nan favor, particularmente e sacrificio Eucaristico595, pa, unabes purifica, nan lo por
logra obtene e contemplacion beatifica di Dios. Iglesia tambe ta recomenda pa duna
limosna, indulgencia y obra di penitencia na fabor di difunto:

Laga nos yuda nan y conmemora nan. Si e yiunan di Job a keda purifica door di
sacrificio di nan Tata596; dicon anto nos tin duda cu nos ofrendanan pa e mortonan lo
duna nan cierto consuelo? Laga nos no keda sin yuda esnan cu a bay y no keda sin
ofrece nos plegaria pa nan.
÷1033
Nos por ta uni cu Dios solamente ora nos scoge libremente pa stim’E. Pero nos no por
stima Dios si nos ta peca gravemente contra djE, contra nos prohimo of contra nos
mes: “Ken cu no ta stima ta keda den morto. Ken cu ta odia su ruman ta un asesino; y
bo sa cu ningun asesino tin bida eterno bibando den dje.” (1 Hu 3, 15). Nos Señor ta
adverti nos cu nos lo ta separa for di djE si nos no yuda den necesidad grave di esnan
pober y di esnan chikito cu ta Su rumannan598. Muri den pica mortal sin ta arepenti y
no acepta Dios su misericordia ta nifica keda separa di djE pa semper door di nos
propio escogencia liber. E estado aki di auto-exclusion definitivo di comunion cu Dios
y cu bienaventuradonan ta loke ta yama “fierno”.

÷1034
“Hesus ta papia cu frecuencia di “Gehenna” y di “candela cu no ta paga nunca”599,
cu ta reserva pa esnan cu te na fin di nan bida ta nenga di kere y di converti, caminda
por perde alma y curpa alabes600. Hesus ta anuncia solemnemente cu “E lo manda su
angelnan cu lo recoge… tur e autornan di inhusticia, y lo benta nan den e forno di
candela,” (Mt 13, 41-42) y cu E lo pronuncia e condenacion: “Bay for di mi
malvadonan den e candela eterno” (Mt 25, 41).

1035
Enseñansa di Iglesia ta afirma existencia di fierno y su eternidad. E almanan cu ta
muri den estado di pica mortal ta baha na fierno inmediatamente despues di morto y
ey nan ta sufri pena di fierno, “e candela eterno”601. E pena principal di fierno ta
consisti den separacion eterno for di Dios den kende unicamente hende por tin vida y
felicidad pa cual el a keda crea y cual e ta aspira.

÷1036
E afirmacionnan di Santa Scritura y enseñansa di Iglesia tocante fierno ta un
yamamento riba e responsabilidad cu cual hende ta haci uzo di su libertad relaciona
cu su destino eterno. Na e mesun momento e ta un yamamento urgente pa converti:
“Drenta pa e porta smal; pasobra hancho e porta ta y espacioso e caminda cu ta hiba
bo na perdicion y ta hopi ta esnan cu ta drenta ey; ki smal e porta y e caminda ta cu
ta dirigi pa Bida; y ta poco ta esnan cu ta hay’e (Mt 7, 13 -14):

Como cu nos no sa ni e dia ni e ora, ta necesario, pa sigui e conseho di Señor, pa ta


continuamente alerta, pa ora e unico rumbo di nos bida na tera yega na su fin, nos
por merece di drenta cu n’E den fiesta di casamento y di por wordo conta entre esnan
bendiciona y no, manera e crianan malo y floho, nos wordo ordena pa bay den
candela, den scuridad pafo, caminda lo tin ‘yoramento y mordemento di djente’.
÷1037
Dios no ta predestina ningun hende pa bay fierno603; p’esaki sosode ta necesario un
aversion boluntario contra Dios (un pica mortal) y persisti den dje te na final. Den
liturgia eucaristico y den e plegarianan diario di e fielnan, Iglesia ta implora e
misericordia di Dios, cu “no kier pa ningun hende bay perdi, sino cu tur hende ta
converti” (2 P 3, 9):

Acepta Señor, den bo bondad, e ofrenda aki di bo sirbidornan y di tur bo famianan


santo, duna nos bo paz den e dianan aki, libra nos di e condenacion eterno y conta
nos bou di bo escogidonan.

÷1038
E resureccion di tur morto, “di e hustonan y di e pecadonan” (Hch 24, 15), lo precede
e huicio final. Esaki ta e “ora cu tur cu ta den sepulcro lo scucha su bos y esnan cu a
haci bon lo resucita pa bida y esnan cu a haci malo pa condenacion” (Hu 5, 28-29). E
ora ey Cristo lo bini “den su Gloria acompaña pa tur su angelnan... Tur nacion lo bini
hunto su dilanti y e lo separa un for di otro, manera e cuidado di carne ta separa e
carnenan for di e chubatonan. E lo pone e carnenan na su banda drechi y e
chubatonan na su banda robes… Y nan lo haya castigo eterno y e hustonan lo haya
bida eterno” (Mt 25, 31, 32, 46).

÷1039
Dilanti di Cristo, kende ta e Berdad, lo pone berdad di cada persona su relacion cu
Dios sunu605. E huicio final lo revela hasta na su ultimo consecuencia loke cada hende
a haci bon of a keda sin haci durante su bida terenal:

Ta registra tur loke hende malo haci y ningun hende sa. Ora “nos Dios bini, E lo no
keda keto” (Sal 50, 3)… E lo dirigi su mes na esnan na su man robes: “Mi a pone mi
pobernan chikito na mundo, pa boso. Ami, como nan cabes, tabata sinta den shelo na
banda drechi di mi Tata, pero na mundo mi miembronan tabata sufri hamber. Si boso
a duna algo di come na mi miembronan, esaki lo a yega cerca nan Cabes. Ora mi a
pone esnan di mi di balor di mas chikito na mundo, cu tabata sufri hamber, pa boso,
mi a nombra nan como boso representantenan pa trece boso bon obranan pa mi
tesoreria: como cu boso no a pone nada den nan man, boso no a haya nada cerca Mi”.

÷1040
E huicio final lo tuma luga ora Cristo bini den su Gloria. Solamente Tata conoce e dia
y e ora cu esaki lo sosode; E so lo dicidi su binimento. E ora ey E lo anuncia, pa medio
di su Yiu Hesucristo, su ultimo palabra riba henter e historia. Nos lo conoce e ultimo
sentido di tur e obranan di creacion y di tur e economia di salbacion y nos lo
compronde e maneranan admirabel cu su Providencia a guia tur cos te na e final
ultimo. E huicio final lo revela cu Dios su husticia lo triunfa riba tur inhusticia cometi
door di su criaturanan y cu su amor ta mas fuerte cu morto.

÷1041
E mensahe di e Huicio final ta yama paconversion, mientras cu Dios ainda ta duna
“tempo favorabel, tempo di salbacion” na hende (2 Co 6, 2). E tainspira temor santo
pa Dios, y ta compromete nan na e husticia di Reino di Dios. E ta anuncia
e“speransabienaventura”. (Tt 2, 13) di e regreso di Señor cu “lobini pa taglorifica
entre su santonan y pa ta admira pa tur cu a kere” (2 Ts 1, 10).

÷1042
Na fin di tempo, Reino di Dios lo yega na su plenitud. Despues di e Huicio final, e
hustonan lo reina cu Cristo pa semper glorifica na alma y curpa y universo mes lo keda
renoba:

Iglesia… lo yega na su perfeccion solamente den Gloria di shelo, ora yega tempo di
restauracion universal y ora humanidad tambe drenta den henter e universo, cu ta
intimamente uni cu hende y cu ta alcansa su meta pa medio di Dje, lo ta
perfectamente reestableci den Cristo.

÷1043
E Sagrado Scritura ta yama e renobacionmisterioso aki cu lo transforma humanidad y
mundo (2 P 3, 13) “shelo nobo y tera nobo”609. Esaki lo ta e realisacion definitivo di e
diseño di Dios cu lo haci cu tur cos lo tin Cristo como Cabes, loke ta den shelo y loke
cu ta na tera (Ef 1, 10).

÷1044
Den “e universo nobo aki”610, e Herusalem celestial, Dios lo tin su existencia den
hende. “E lo kita tur lagrima for di nan wowo y lo no tin morto ni yoramento, ni grito,
ni dolor mas, pasobra e universo bieu lo no t’ey mas” (Ap 21, 4).

÷1045
Pa hende e conclusion aki lo ta e realisacion final di e unidad di e rasa humano, stima
pa Dios desde e creacion y di kende e Iglesia Peregrino “tabata manera e
sacramento”612. Esnan cu ta uni cu Cristo lo forma e comunidad di esnan salba, e
Ciudad di Dios (Ap 21, 2), “e Esposa di e Lamchi” (Ap 21, 9). Iglesia ya lo no ta herida
mas pa pica, pa mancha613, amor propio, cu ta destrui of herida e comunidad terenal
di hende. E contemplacion beatifica, den cual Dios lo manifesta su mes di un manera
inagotabel na e escogidonan, lo ta un fuente eterno di felicidad inmenso, di paz y di
comunion mutuo.

÷1046
Encuanto di e cosmos, e Revelacion ta afirma e profundo destino comun di e mundo
material y hende:

Cu un deseo fervoroso creacion ta spera riba e revelacion di kende ta e yiunan di


Dios... sperando pa libra nan di sclavitud di corupcion... Nos sa cu henter e creacion
te dia di awe ta keha y ta sufri cu dolor di parto. Y no solamente creacion, sino nos
mes, cu tin e prome frutanan di e Spirito, ta keha di paden mientras nos ta warda cu
anhelo pa Dios adopta nos como su yiu, pa di e manera ey nos curpa keda salba (Rm 8,
19-23).

÷1047
Asina pues, e universo visibeltambe tabata destina pa transform’e cu“e fin cu e
mundo mes lo restora su estado primitivo ya cu ningun obstaculo ta sirbi e hustonan”
cu ta participando den Hesucristo resucita su glorificacion.

÷1048
“Nos ta ignorante di e momento di consumacion di tera y di humanidad, nos no sa
tampoco con e universo lo transforma su mes. E forma di e mundo aki, deforma pa
pica, ta pasa bay, pero nos a siña cu Dios a prepara husticia y su bienaventuransa lo
yena y lo supera tur deseo di paz cu lo lanta den curason di hende”.

÷1049
“E wardamento riba un tera nobo, absolutamente no mester mengua, sino mas bien e
mester stimula nos preocupacion pa cultiva e tera aki, pasobra ta aki e curpa di e
famia humano nobo ta crece, anunciando di un forma of otro e siglo nobo. P’esey,
maske cu nos mester ta cauteloso pa distingui claramente e progreso terenal for di e
crecemento di e Reino di Cristo, tal progreso ta di vital importancia pa e reino di Dios
asina leu cu e por contribui den ordena e sociedad humano miho”.
÷1050
“Tur fruta bon di nos naturalesa aki y di nos deligencia cu nos a plama riba mundo den
Spirito di Dios, nos lo bolbe haya despues limpi di tur mancha, ilumina y transfigura
ora Cristo entrega e reino eterno y universal na Tata”617. Dios lo ta e ora “tur den
tur” den bida eterno (1 Co 15, 22).

Bida subsistente y berdadero ta consisti di Tata, cudoor di Yiu y Spirito Santo, ta


drama for di shelo edonnan celestial riba tur cos sin excepcion. Danki na
sumisericordia, tambe nos, hende, a ricibi e promesainevitabel di bida eterno.

÷1051
Cada persona ta ricibi den su alma inmortal na ora di su morto su retribucion eterno
den un huicio particular for di Cristo, e hues di bibo y morto. “Nos ta kere cu tur alma
di esnan cu a muri den gracia di Cristo lo ta e Pueblo di Dios despues di morto, cual lo
keda destrui totalmente riba e dia di Resureccion, ora cu e almanan aki bolbe reuni
cu nan curpa”.

÷1053
“Nos ta kere cu e multitud di e almanan aki cu a congrega cu Hesus y Maria den
paraiso, ta forma e Iglesia celestial, caminda nan ta gosa e bienaventuransa eterno,
ta mira Dios manera E ta y ta participa tambe, den diverso grado, hunto cu e
angelnan santo, den e gobernacion divino di tur cos, cu Cristo ta eherce den Gloria,
comokiera nan ta intercede pa nos y cu nan solicitud fraternal ta yuda nos flakesa
grandemente”.

÷1054
Esnan cu ta muri den gracia y amistad di Dios, pero imperfectamente purifica, aunke
cu nan ta sigur di nan salbacion eterno, ta sufri un purificacion despues di nan morto,
p’asina nan por obtene e santidad necesario pa drenta den e goso di Dios.

÷1055
Den virtud di e “comunion di santonan”, Iglesia ta recomenda e difuntonan na e
misericordia di Dios y ta ofrece oracion particularmente e santo sacrificio di Misa, na
nan fabor.

÷1056
Siguiendo e enseñansa di Cristo, Iglesia ta adverti e fielnan di e “tristo y lamentabel
realidad di morto eterno”621, yama tambe “fierno”.

÷1057
E pena principal di fierno ta consisti di separacion eterno di Dios den kende solamente
hende por tin bida y felicidad pa cual el a wordo crea y cual e ta desea.

÷1058
Iglesia ta roga pa ningun hende no bay perdi: ”Señor, no permiti pa hamas mi separa
for di bo.” Si ta berdad cu ningun hende no por salba su mes, ta berdad tambe cu
“Dios ta desea cu tur hende ta salba” (1 Tm 2, 4) y “p’E tur cos ta posibel” (Mt 19,
26).

÷1059
“Iglesia Catolico Romano mes ta kere firmemente y ta profesa cu tur hende lo
aparece den su propio curpa dilanti Cristo su tribunal pa duna cuenta di su propio
actonan riba e dia di huicio”.

÷1060
Na fin di tempo, Reino di Dios lo yega na su plenitud. E ora, e hustonan glorifica den
curpa y alma lo reina cu Cristo pa semper y e universo material mes lo ta transforma.
Dios lo ta e ora ey “tur den tur” (1 Co 15, 28) den bida eterno.

÷1061
E Credo, como e ultimo buki di Sagrado Scritura623, ta caba cu e palabra Hebreu
Amen. E palabra aki frecuentemente ta aparece na final di e oracionnan di Testament
Nobo. Iglesia igualmente ta caba su oracionnan cu un “Amen”.

÷1062
Na Hebreu, “Amen” ta bini di e mesun rais cu e palabra “kere”. E rais aki ta expresa e
solides, e confiabilidad y fieldad. Y p’esey nos por compronde di con e “Amen” por
expresa tanto e fidelidad di Dios na nos como nos confiansa den djE.
÷1063
Den e buki di profeta Isaias, nos ta haya e expresion “Dios di berdad” literalmente:
“Dios di Amen” kiermen, e Dios fiel na su promesa: “Esun cu kier haya bendicion na
mundo, ta desea di ta den e Dios di Amen” (Is 65, 16). Nos Señor hopi bes ta uza e
palabra “Amen”624, tin biaha den forma duplica625 pa accentua e fiabilidad di su
enseñansa, su autoridad funda den e Berdad di Dios.

÷1064
Asina pues e “Amen”: final di Credo ta recoge y confirma su prome palabra:“Mi ta
kere.” Kere ta nifica “Amen” na palabra”, na promesa y na e mandamentonan di Dios,
ta confia totalmente den djE cu ta e Amen di amor infinito y di fieldad perfecto. E
bida Cristian di cada dia tambe lo ta e “Amen” na e “Mi ta kere” di profesion di fe di
nos Bautismo:

Mare bo credo por ta un spil pa bo. Mira bo mes den dje, si bo ta kere den tur cos cu
bo ta bisa. Y alegra den bo fe tur dia.

÷1065
Hesucristo mes ta e “Amen” (Ap 3, 14). E ta e “Amen” definitivo di Amor di Tata pa
nos; e ta asumi y completa nos “Amen” na e Tata: “Tur e promesanan haci pa Dios tin
su “si” den dje; y p’esey pa medio di djE nos ta bisa “Amen” na Gloria di Dios” (2 Col,
20):

Pa medio di djEhunto cun’E y den djE,tur honor y gloria ta toca na Bo,Dios tata
Todopoderoso,den unidad di Spirito Santo,den tur siglo di siglonan. Amen.

÷1066
Den e simbolo di fe, Iglesia taprofesa e misterio di Santisimo Trinidad y di e “designo
benevolento” di Dios pa ur creacion: Tataa realisa “misterio di su boluntad”dunando
su Yiu stima y Spirito Santo pa salbacion di mundo y pa gloria di su Nomber”1. Asina
ta, e Misterio di Cristo 2, revela y realisa den e historia segun e plan huiciosamente
ordena, cu San Pablo ta yama “e plan secreto”3 y cu e tradicion patristico lo yama e
“economia di e Palabra encarna” of e “economia di salbacion”.

÷1067
“Cristo e Señor a realisa e obra aki di redencion humano y di perfecto glorificacion di
Dios, prepara pa e maraviyanan cu Dios a haci den e pueblo di Antigua Aliansa,
principalmente pa e misterio pascual di su bienaventurado pasion, di su resureccion di
morto y di su glorioso ascencion. Door di e misterio aki, ‘cu su morto el a destrui nos
morto y cu su resureccion el a restaura nos bida’. Pues for di curason traspasa di
Cristo rumi na cruz, a nace e sacramento admirabel di henter Iglesia”4. P’esey den
liturgia, Iglesia ta celebra principalmente e misterio pascual cu Cristo a completa den
e trabou di nos salbacion.

÷1068
Ta e misterio di Cristo aki cu Iglesia ta proclama y ta celebra den su liturgia di manera
cu e fielnan por biba di dje y duna testimonio di dje den mundo:

Pasobra ta den e liturgia, special den divino sacramento di Eucaristia, cu “e trabou di


nos redencion a keda cumpli” y ta special door di e liturgia cu e fielnan por expresa
den nan bida y manifesta e misterio di Cristo na otro y e naturalesa real di e
berdadero Iglesia.

÷1069
E palabra “Liturgia” ta nifica originalmente “e obra publico of servicio den nomber di
y na fabor di e pueblo”. Den e tradicion Cristian e ta nifica e participacion di e Pueblo
di Dios den e “obra di Dios”6. Pa medio di e liturgia, Cristo, nos Redentor y Sumo
Sacerdote ta continua e trabou di nos redencion den, cu y door di su Iglesia.

÷1070
Den Testament Nobo e palabra “Liturgia” ta referi no solamente na e celebracion di e
culto divino7, pero tambe na e proclamacion di e Evangelio8 y na e acto di caridad9.
Den tur e situacionnan aki ta trata di e servicio di Dios y di hende. Den e celebracion
liturgico, Iglesia ta sirbido, segun e imagen di su Señor, e unico “Liturgo”10, di cual e
ta participa den su sacerdocio, kiermen den e culto, anuncio y servicio di caridad:

Cu rason ta considera e liturgia como e ehercicio di e funcion saderdotal di Hesucristo


den dje, mediante señal sensibel, cu ta nifica y ta realisa, segun manera propio di
cada uno, e sanctificacion di hende y asina, e Curpa mistico di Hesus, esta Cabez y su
miembronan, ta eherce e culto publico integral. Di esaki, tur celebracion liturgico,
como obra di Cristo sacerdote y di su Curpa, cu ta Iglesia, ta accion sagrado pa
excelencia, cual cu su eficacia, cu e mesun titulo y den e mesun grado, ningun otro
accion di Iglesia no ta igual’e.

÷1071
E liturgia, obra di Cristo, ta tambe un accion di su Iglesia. E ta realisa y manifesta e
Iglesia como signo visibel di e comunion entre Dios y e hende pa Cristo. E ta introduci
e fielnan den e bida nobo di e comunidad. E ta implica un participacion “consciente,
activo y fructifero” di tur hende.

÷1072
“E liturgia sagrado no ta agota tur accion di Iglesia”13: e evangelisacion mester
precedi e fe y e conversion; asina so e por duna fruta den bida di e fielnan; Bida nobo
segun e Spirito, e compromiso den e mision di Iglesia y e servicio di su unidad.

÷1073
Liturgia tambe ta participacion den oracion di Cristo, dirigi na Tata den Spirito Santo.
Den liturgia tur oracion Cristian ta haya su fuente y su meta. E hende interior tin su
rais y ta mara14 na “amor grandi cu e Tata ta stima nos” (Ef 2, 4) den su Yiu Stima. E
ta e mesun “trabou maraviyoso di Dios” cu ta biba y internalisa pa tur oracion “na tur
momento den Spirito (Ef 6, 18).

÷1074
“E Liturgia ta e cumbre riba cual e actividad di Iglesia ta dirigi, e ta tambe e fuente
for di unda tur su forsa ta sali”15. P’esey tambe e ta e luga privilegia di e catekesis di
e Pueblo di Dios. “E catekesis ta uni di su mes naturalesa cu tur e accion liturgico y
sacramental, pasobra ta den e sacramentonan y specialmente den Eucaristia, caminda
Hesucristo ta actua den plenitud pa e transformacion di hende”.

÷1075
Catekesis liturgico ta introduci den e Misterio di Cristo (mistagogia) procediendo di
loke ta visibel pa loke ta invisibel, di signo pa e nificado, di e sacramentonan pa e
“misterionan”. E modalidad di catekesis aki ta representa den ecatekesis local y
regional. E catekesis aki kierta un servicio pa henter Iglesia, den e diversidad di su
ritonan y su culturanan17, ta siña henter Iglesia kico ta fundamental y comun den
loke ta referi na e liturgia en cuanto misterio y celebracion. (Prome seccion) y e shete
sacramentonan y e sacramentalnan (di Dos seccion).

÷1076
Riba dia di Pentecoste Iglesia a keda manifesta na mundo1 door di bahamento di
Spirito Santo riba dje. E don di Spirito Santo ta inaugura un tempo nobo den e
“dispensacion di e Misterio”: e tempo di Iglesia, durante cu Cristo ta manifesta, ta
presente y ta comunica su obra di salbacion pa medio di Liturgia di su Iglesia, “te ora
E bini” (1 Co 11, 26). Durante e tempo aki di Iglesia, Cristo ta biba y actua den su
Iglesia y cu ne di un manera nobo, apropia na e tempo nobo. E ta actua den e
sacramentonan; esaki ta loke e Tradicion comun di Oriente y Occidente ta yama:
“Economia Sacramental” y e ta consisti den e comunicacion (of ‘dispensacion’) di e
frutanan di e misterio pascual di Cristo den e celebracion di liturgia “sacramental” di
Iglesia. P’esey ta bon pa splica prome e “dispensacion sacramental” (Capitulo uno).
Asina e caracter natural y esencial di e celebracion liturgico lo sali mas cla (Capitulo
dos).

÷1077
“Bendiciona sea Dios y Tata di nos Señor Hesucristo! El a bendiciona nos, pa medio di
nos union cu Cristo, cu tur beneficio spiritual di e regionnan celestial. Pasobra den
Cristo El a scoge nos fo’i prome cu El a crea mundo, pa nos ta santo y sin fayo dilanti
di djE, yena cu amor. El a dicidi di antemano cu lo E adopta nos como su yiunan pa
medio di Hesu Cristo. Esey tabata cuadra cu loke tabata agrad’E y cu loke E mes kier
a haci. El a hacie pa nos por alab’E pa su gracia glorioso, cu cual El a bendiciona nos
pa medio di su Yiu Stima” (Ef 1, 3-6).

÷1078
Bendiciona ta un accion divino cu ta duna bida y su fuente ta e Tata. Su bendicion ta
alabes palabra y don (bene-dictio, eu-logia). Aplica riba hende, e termino aki ta nifica
e adoracion y e entrega na su Creador den accion di gracia.

÷1079
For di cuminsamento y te na conclusion di tempo, tur obra di Dios ta bendicion. For di
e poema liturgico di e prome creacion te na e canticanan di e Herusalem celestial, e
autornan inspira ta anuncia e diseño di salbacion como un bendicion divino inmenso.

÷1080
For di cuminsamento, Dios a bendiciona e sernan bibo, specialmente e homber y
muhe. E aliansa cu Noe y cu tur e sernan anima cu ta renoba e bendicion di
fecundidad, apesar di pica di hende, pa cual mundo a keda “maldiciona”. Pero ta cu
Abraham e bendicion divino a penetra den historia humano, cu tabata riba caminda di
morto, cu a hacie bolbe biba, bolbe na su fuente; door di e fe di “tata di creyente”,
cu a brasa e bendicion cu ta inaugura e historia di salbacion.
÷1081
E bendicionnan divino ta manifesta den e acontecimentonan maraviyoso y salbado: e
nacemento di Isaac, e salida for di Egipto. (Pasco y Exodo), e regalo di e Tera
priminti, e scogemento di David, e Presencia di Dios den tempel, e exilio purificado y
e retorno di e “resto chikito”. E ley, e Profetanan, e Salmonan cu ta hinca den e
liturgia di e Pueblo eligi, ta recorda nos alabes di e bendicionnan divino y ta responde
cu e bendicionnan di alabansa y e accionnan di gracia.

÷1082
Den e Liturgia di Iglesia, e bendicion divino ta plenamente revela y comunica; e Tata
ta reconoci y adora como e fuente y e fin di tur e bendicionnan di e Creacion y di e
Salbacion; den su Palabra, cu a encarna, muri y resucita pa nos, E ta colma nos cu su
bendicionnan. Pa medio di Su Palabra, E ta drama den nos curason e Don cu ta
contene tur don: e Spirito Santo.

÷1083
Bo por comprende cu tocanto e contesta di fe y di amor na e “bendicionnan spiritual”
cu e Tata ta enrikece nos, e liturgia Cristian tin un dimension dobel. Di un banda,
Iglesia uni cu su Señor y “bou di accion di Spirito Santo”2, ta bendiciona e Tata “pa su
don inefabel” (2 Co 9, 15) mediante e adoracion, e alabansa y e accion di gracia. Na e
otro banda y hasta e consumacion di e diseño di Dios, Iglesia no ta cansa di presenta
na e Tata “e ofrenda di su propio donnan” y di implora Spirito Santo pa baha riba e
ofrenda, riba e mes, riba e fielnan y riba mundo henter y tambe pa, mediante
comunion den morto y resureccion di Cristo e Sacerdote y pa medio di e poder di
Spirito, e bendicionnan divino aki por produci frutanan di bida ”pa alabansa di su
gracia glorioso” (Ef 1, 6).

Catisashi di IglesiaCatolico

÷1084
“Sinta na man drechi di Tata” y dramando e SpiritoSanto riba su Curpa cuta Iglesia,
Cristo ta actua awo pacomunica su gracia. Esacramentonan ta signo sensibel (palabra
y accion), accesibel pa nos humanidad actual. Nan ta realisa eficazmente e gracia cu
nan ta nifica door di e accion di Cristo y pa e poder di Spirito Santo.

÷1085
Den Liturgia di Iglesia, Cristo ta nifica y ta realisa principalmente su misterio pascual.
Durante su bida terenal Hesus a anuncia cu su enseñansa y a anticipa misterio pascual
cu su actonan. Ora yega su ora3, E ta biba e unico acontecimento den historia cu no a
pasa: Hesus a muri, e tabata dera, resucita for di morto y ta sinta na man drechi di
Tata “unbes pa semper” (Rm 6, 10; Hb 7, 27; 9, 12). E sucedido den nos historia ta un
acontecimento real, pero absolutamente singular: tur e otro acontecimentonan a
sosode un biaha so y a pasa y a keda absorba pa e pasado E misterio pascual di Cristo
al contrario, no por keda permanece solamente den pasado, pues pa su morto a
destrui e morto y tur loke Cristo ta y tur loke El a haci y a sufri pa hende ta participa
den e eternidad divino y asina ta transcende tur tempo manteniendo sinembargo Su
presencia den tur. E acontecimento di Cruz y di Resureccion ta permanece y ta atrae
tur cos na Bida.

÷1086
“Pa e motibo aki, como cu Tata a manda Cristo, E mes a manda tambe e apostelnan,
yena cu Spirito Santo, no solamente pa predica e Evangelio na tur criatura,
anunciando cu e Yiu di Dios, pa su morto y resureccion, a libera nos di e poder di
Satanas y di morto y a conduci nos na e reino di Tata, sino tambe pa realisa e obra di
salbacion cu nan a predica mediante e Sacrificio y e sacramentonan cu ta e centro di
henter e bida litúrgico”.

÷1087
Asina Cristo resucita ta duna Spirito Santo na e apostelnan, E ta confia nan cu su
poder di santificacion5; nan a bira Cristo su signonan sacramental. Pa e mesun forsa
di Spirito Santo e ta confia e poder aki na su sucesornan. E sucesion apostolico aki ta
structura henter e bida liturgico di Iglesia. E mes ta sacramental, transmiti pa e
sacramento di Ordenacion Santo.

÷1088
“Pa cumpli cu un obra asina grandi” – e dispensacion of comunicacion di su obra di
salbacion – “Cristo semper ta presente den su Iglesia, specialmente den e
celebracionnan liturgico. E ta presente den sacrificio di misa, no solamente den e
persona di e ministro, ‘ofreciendo su mes pa medio di e ministerio di sacerdote cu e
tempo aya a ofrece su mes na cruz’, pero tambe riba tur cos bou di figuranan
eucaristico. E ta presente cu su virtud den e sacramentonan di manera cu ora un
hende ta batisa, ta Cristo ta esun cu ta batisa. E ta presente den su palabra, asina ta
cu E mes ta papia ora ta lesa Sagrado Scritura den Iglesia. Finalmente, E ta presente
ora Iglesia ta haci su suplica y ta canta salmo, e mes a priminti: “Unda dos of tres ta
reuni den mi nomber, ey Mi ta memey di nan” (Mt 18, 20).
÷1089
“Realmente, den un obra asina grandi den cual Dios ta perfectamente glorifica y
hende ta salba, Cristo mes semper ta asocia cu Iglesia, su Bruid stima, cu ta invoca su
Señor y pa medio di djE ta adora e Tata Eterno”.

÷1090
“Den e liturgia terenal nos ta sinti gana caba y ta participa den e liturgia celestial aya
cu ta celebra den e ciudad santo Herusalem, na cual nos ta distingui nos como
peregrino, caminda Hesus ta sinta na man drechi di Tata, como minister di santuario y
di e berdadero tabernakel. Nos ta canta un himno di Gloria pa Señor hunto cu e
ehercito celestial, venerando e memoria di tur santo, nos ta spera di coparticipacion
y compañerismo cu nan; cu fervor nos ta warda riba e Salbador, nos Señor Hesucristo,
te ora E, nos bida, aparece y nos tambe aparece cu Ne den Gloria”.

÷1091
Den Liturgia Spirito Santo ta e maestro di fe di Pueblo di Dios, e ta e artesano di “Dios
su obranan maraviyoso” cu ta e sacramentonan di e Aliansa Nobo. E deseo y e obra di
Spirito den e curason di Iglesia ta pa nos hiba e bida di Cristo resucita. Ora nos haya e
contesta di fe cu El a duna nos e ora ey un berdadero cooperacion ta keda realisa. Pa
medio di dje Liturgia ta bira un obra comun di Spirito Santo y di Iglesia.

÷1092
Den e dispensacion sacramental di e misterio di Cristo aki Spirito Santo ta actua di e
mesun manera cu den e otro temponan di e economia di salbacion: E ta prepara
Iglesia pa topa cu su Señor, ta recorda y ta manifesta Cristo na e fe di e asamblea; E
ta haci presente y actualisa e misterio di Cristo pa su poder transforma; finalmente e
Spirito di comunion ta uni Iglesia na bida y na e mision di Cristo.

÷1093
Spirito Santo ta realisa den e economia sacramental e figuranan di e Aliansa Antiguo.
Door cu Iglesia di Cristo “tabata maraviyosamente prepara den historia di e pueblo di
Israel y den e Aliansa Antiguo”9, Liturgia di Iglesia a conserva como un parti integral y
no por wordo reemplasa, adoptando nan como di dje:

- principalmente e lectura di Testament Bieu;


- oracion di e Salmonan;

- primordialmente, recordando e acontecimentonan di salbacion y realidadnan


significativo cu ta haya nan realisacion pleno den e misterio di Cristo (e Promesa y e
Aliansa; Exodo y Pasco; e Reino y e Tempel; e Exilio y e Regreso).

÷1094
Ta riba e harmonia di e dos Testamentnan aki10 e catekesis pascual di Señor11 ta
basa y despues, esun di e apostelnan y di e Tatanan di Iglesia. E catekesis aki ta
revela loke tabata scondi bou di e letter di Testament Bieu, e misterio di Cristo. E ta
wordo yama e catekesis “tipologico”, pasobra e ta revela e novedad di Cristo a base
di e “figuranan” cu ta anunciE den e hechonan, palabra y e simbolonan di e prome
Aliansa. Door di e lesamento di nobo den e Spirito di berdad cuminsando cu Cristo, ta
revela e figuranan12. Asina e diluvio y e arca di Noe ta prefigura e salbacion door di
Bautismo13 y e nubia mes y e pasada den lama Cora, e awa cu tabata sali for di
baranca, tabata figura di e donnan spiritual di Cristo14; e mana den desierto tabata
prefigura e Eucaristia “e berdadero pan di Shelo”.

÷1095
P’esey Iglesia, specialmente durante e temponan di Advent, Cuaresma y
especialmente e anochi di Pasco, ta bolbe lesa y rebiba tur e acontecimentonan di
historia di salbacion den e “awe” di su liturgia. Pero esaki ta exigi tambe cu e
catekesis ta yuda e fielnan habri nan mes pa e inteligencia “spiritual” di economia di
salbacion, manera cu Liturgia di Iglesia ta manifesta y ta haci nos bib’e.

÷1096
Liturgia Hudiu y Liturgia Cristian. Un miho conocemento di fe y di bida religioso di e
pueblo Hudiu manera cu nan ta profesa y ta biba awe ainda, por yuda compronde
miho cierto aspectonan di Liturgia Cristian. Pa e Hudiunan y e Cristiannan, Sagrado
Scritura ta un parti esencial di su respectivo liturgianan: pa e proclamacion di e
Palabra di Dios, e contesta di e Palabra aki, e adoracion di alabansa y di intercesion
pa e bibonan y pa e difuntonan, e recurso di e misericordia divino. E liturgia di e
Palabra, den su propio structura tin su origen den e oracion Hudiu. E oracion di Ora y
otro texto y formulanan liturgico tin nan parti bon tambe den dje, mescos cu e mesun
formula di nos oracionnan mas venerabel, por ehempel e Nos Tata. E plegarianan
eucaristico tambe ta saca nan inspiracion for di e tradicion Hudiu. E relacion entre
liturgia Hudiu y liturgia Cristian, pero tambe e diferencia di su contenido, ta
particularmente visibel den fiestanan grandi di e aña liturgico manera Pasco. E
Cristiannan y Hudiunan ta celebra Pasco. Pa Hudiunan e ta Pasco di historia, orienta
riba e futuro; Pa Cristiannan, e ta Pasco realisa den morto y resureccion di Cristo,
aunke semper wardando riba e consumacion definitivo.

÷1097
Den e liturgia di e Aliansa Nobo, tur accion liturgico, specialmente e celebracion di e
Eucaristia y di e sacramentonan ta un encuentro entre Cristo y Iglesia. E asamblea
liturgico ta ricibi su unidad den e “comunion di Spirito Santo” cu ta reuni e yiunan di
Dios den e unico Curpa di Cristo. E reunion aki ta transcende afinidadnan racial,
cultural, social, pues tur afinidad humano.

÷1098
E asamblea tin cu prepara su mes pa un encuentro cu su Señor, e mester ta “un
pueblo bon dispuesto”. E preparacion di e curasonnan aki ta e obra comun di Spirito
Santo y di e asamblea, particularmente di su ministernan. E gracia di Spirito Santo ta
rondia pa lanta fe, conversion di curason y adhesion na e boluntad di Tata. E
disposicionnan aki ta pre-condicion pa ricibi otro gracianan ofreci den e celebracion
mes y tambe pa ricibi e frutanan di bida nobo cu e celebracion tin intencion pa
produci despues.

÷1099
Spirito y Iglesia ta coopera den e manifestacion di Cristo y di su obra di salbacion den
e Liturgia. Principalmente den Eucaristia y analogicamente den e otro
sacramentonan. Liturgia ta Recuerdo di e Misterio di salbacion, Spirito Santo ta e
memoria bibo di Iglesia.

÷1100
Palabra di Dios. Spirito Santo ta corda e asamblea liturgico primeramente riba e
sentido di e acontecimento di e salbacion, dunando bida na e Palabra di Dios, anuncia
pa e por wordo ricibi y biba: E importancia di Sagrado Scritura den e celebracion di e
liturgia ta maximo. For di dje ta sali e lecturanan lesa y splica den e homilia y e
salmonan canta. Ta for di Scrituranan, e intersecionnan, e oracionnan y e
himnonanliturgico ta saca nan inspiracion y nan forsa; di dje e accionnan y signonan
ta saca nan nificacion.

Catisashi di IglesiaCatolico

÷1101
Spirito Santota esun cu ta dunainteligencia spiritual di e Palabradi Dios na e lectornan
y a e oyentenan segun e disposicion di nan curason. Atrabes di e Palabranan, e
accionnan y e simbolonan cu ta forma e structura di e celebracion, Spirito ta pone e
fielnan y e ministernan den un relacion bibo cu Cristo, e Palabra y Imagen di Tata, di
manera cu nan por biba e nificacion di loke nan ta tende, contempla y haci den e
celebracion.

÷1102
“Ta lanta fe den curason di e no creyentenan y ta alimenta cu e palabra di salbacion e
curason di e creyentenan”18. E anuncio di e Palabra di Dios no ta stop cu un
enseñansa: e ta exigi un contesta di fe, como consentimento y compromiso, cu mirada
riba e Aliansa entre Dios y su pueblo. Spirito Santo tambe ta esun cu ta duna gracia di
fe, cu ta fortalec’e y ta hacie crece den e comunidad. E asamblea liturgico prome cu
ur cos ta comunion den fe.

÷1103
Anamnesis. E celebracion liturgico semper ta referi na e intervencionnan di salbacion
di Dios den historia. “E plan di revelacion ta realisa den e obranan y palabranan cu ta
intrinsicamente mara cu otro;… e palabranan ta proclama e obranan y ta splica e
misterio”19. Den e liturgia di Palabra, Spirito Santo ta “recorda” e asamblea tur loke
Cristo a haci pa nos. Segun e naturalesa di e accionnan liturgico y e tradicionnan
ritual di Iglesia, un celebracion ta “haci memoria” di e maraviyanan di Dios den un
Anamnesis mas of menos desaroya. Spirito Santo cu asina ta spierta e memoria di
Iglesia, despues ta inspira e accion di gracia y alabansa (Doxologia).

÷1104
Liturgia Cristian no solamente ta recorda e acontecementonan cu a salba nos, pero
tambe ta actualisa nan, e ta haci nan presente. E Misterio Pascual di Cristo ta
celebra, no ta ripiti; ta ripiti e celebracionnan, den cada un di nan tin e lugar di e
dramamento di Spirito cu ta actualisa e unico Misterio.

÷1105
Epiclesis (“invocacion riba”) ta e intercesion mediante cual e sacerdote ta suplica
Tata pa manda e Spirito Sanctificado pa converti e ofrendanan den e Curpa y e Sanger
di Cristo y pa e fielnan, ora di ricibi, converti nan mes den ofrenda bibo pa Dios.
÷1106
Hunto cu e Anamnesis, e Epiclesis ta e centro di tur celebracion sacramental y muy
particularmente di Eucaristia:

Bo ta puntra con e pan ta converti den Curpa di Cristo y e biña… den e Sanger di
Cristo. Mi ta contesta bo: Spirito Santo ta baha riba nan y ta realisa loke ta sobrepasa
tur palabra y tur pensamento… Laga ta suficiente pa tende cu ta pa accion di Spirito
Santo, di e mesun manera cu gracia na Santa Birgen y e mesun Spirito Santo, Señor,
pa su mes y den su mes a tuma carni humano.

÷1107
E poder transforma di Spirito Santo den e Liturgia ta pura e binida di e Reino y e
consumacion di Misterio di Salbacion. Den espera y den speransa ta haci nos anticipa
realmente e comunion pleno cu e Trinidad Santo. Manda pa Tata, cu ta scucha e
epiclesis di Iglesia, Spirito ta duna bida na esnan cu ta acept’e y for di awo caba E ta
“garantia” di su herencia.

÷1108
Den cada accion liturgico Spirito Santo ta manda pa trece nos den comunion cu Cristo
pa asina forma su Curpa. Spirito Santo ta manera e juice di biña di Tata cu ta duna su
fruta for di e takinan22. Den e Liturgia ta realisa e cooperacion mas intimo entre
Spirito Santo y Iglesia. E spirito di comunion ta permanece incesantemente den Iglesia
y p’esey Iglesia ta e gran sacramento di comunion divino cu ta reuni e yiunan separa
di Dios. Comunion cu Spirito Santo y comunion fraternal ta e fruta di Spirito Santo den
liturgia inseparabel.

÷1109
Epiclesis ta oracion tambe pa e pleno efecto di comunion di e asamblea cu e Misterio
di Cristo. “E gracia di nos Señor Hesucristo, e amor di Dios Tata y e comunion di
Spirito Santo” (2 Co 13, 15) tin cu keda cu nos semper y duna fruto mas aya di e
celebracion eucaristico. P’esey Iglesia ta pidi Tata pa manda e Spirito Santo pa haci
bida di e fielnan un ofrenda bibo pa Dios mediante e transformacion spiritual den
imagen di Cristo, e preocupacion pa e unidad di Iglesia y e participacion den su mision
door di testimonio y sirbishi di caridad.

÷1110
Den liturgia di Iglesia, Dios Tata ta bendiciona y adora como e fuente di tur e
bendicionnan di e creacion y di salbacion, cu cual El a bendiciona nos den su Yiu pa
duna nos e Spirito di adopcion filial.

÷1111
E obra di Cristo den e liturgia ta sacramental, pasobra eynan su Misterio di salbacion
ta manifesta pa medio di e poder di Spirito Santo; pasobra Su Curpa, cu ta Iglesia, ta
manera un sacramento (signo y instrumento) den cual e Spirito Santo ta administra e
Misterio di e salbacion; pasobra atrabes di su accionnan liturgico, Iglesia peregrino ya
caba ta participa, como muestra, den e liturgia celestial.

÷1112
E mision di Spirito Santo den liturgia di Iglesia ta pa prepara e asamblea pa e
encuentro cu Cristo; recorda y manifesta Cristo na e fe di e asamblea di creyente;
manifesta y activa pa medio di su poder transformado; y pa laga e don di e comunion
duna fruta den Iglesia.

÷1113
Henter e bida liturgico di iglesia ta drey rond di e sacrificio di eucaristia y di e
sacramentonan24. Den Iglesia tin shete sacramento: Bautismo, Confirmacion (of
Huntamento cu Crisma), Eucaristia, Confesion, Sant’Oleo, Orden Sacerdotal y
Matrimonio25. Den e articulo aki ta trata loke e shete sacramentonan di Iglesia tin
igual saliendo for di e punto di bista di doctrina. Loke nan tin mescos segun e aspecto
di celebracion ta splica den e di dos Capitulo y loke cada un tin di nan mes, lo trata
den e di dos seccion.

÷1115
E palabranan y e hechonan di Hesus durante su bida scondi y su ministerio publico ya
tabata tin e poder di salba. Nan tabata anticipa e forsa di su misterio di pasco. Nan
tabata anuncia y prepara locual E lo a duna Iglesia ora tur cos lo keda cumpli. E
misterionan di e bida di Cristo ta e fundeshi di loke djawo en adelante, pa medio di e
ministronan di su Iglesia, Cristo ta duna den e sacramentonan pasobra “loke tabata
visibel den nos Salbador a pasa pa su sacramentonan”.

÷1116
E sacramentonan ta “forsa cu ta sali” di Curpa di Cristo 28 cu semper ta bibo y cu ta
duna bida. Nan ta e accionnan di Spirito Santo cu ta actua den su Curpa cu ta Iglesia.
Nan ta “e obranan maestro di Dios” den e aliansa nobo y eterno.
÷1117
Pa medio di e Spirito cu ta hib’e “na e berdad completo” (Hu 16, 13), Iglesia poco
poco a bin descubri e tesoro aki ricibi di Cristo. Anto como fiel wardador di e
misterionan divino el a pone bon cla con pa haci uzo di nan, mescos cu el a haci cu e
canon di e Santo Scrituranan y cu e doctrina di fe29. Asina Iglesia a precisa den curso
di siglo, cu entre su celebracionnan liturgico tin shete sacramento cual, den e sentido
propio di palabra, ta sacramentonan institui pa Señor.

÷1118
E sacramentonan ta “di Iglesia”den un forma dobel: nan ta existi “p’e y dor di dje.
Nan ta existi “pa medio di Iglesia” y “pa Iglesia”. Nan ta existi “pa medio di Iglesia”
pasobra Iglesia ta e sacramentodi Cristo su accionnan cu ta actua den dje danki na e
mision di Spirito Santo. Nan ta “pa Iglesia” den e sentido cu ta “e sacramentonan ta
forma Iglesia”30 como cu ta nan ta manifesta y comunica na hende, specialmente den
e Santa Eucaristia, e misterio di e comunion cu Dios, kende ta Amor, uno den tres
Persona.

÷1119
Formando cu Cristo, e Cabes, “un solo persona mistico”31, Iglesia ta actua den e
sacramentonan como “un comunidad sacerdotal structura organicamente”32.
Bautismo y Confirmacion ta haci cu

e pueblo sacerdotal por celebra e liturgia, mientras cu esnan entre e creyentenan


“kendenan a ricibi e sacramento di Ordenacion, ta keda nombra pa guia Iglesia, den
nomber di Cristo, pa medio di palabra y gracia di Dios”.

÷1120
E ministerio di ordenacion of e sacerdocio ministerial34 ta na servicio di sacerdocio di
bautismo. E ta garantisa cu, den e sacramentonan, ta Cristo ta actua pa medio di
Spirito Santo na fabor di Iglesia. E mision di salbacion cu Tata a confia na su Yiu ta ser
confia na e apostelnan como sucesor y pa medio di nan como su sucesornan: ta ricibi
e Spirito di Hesus pa actua den su nomber y den su persona35. Asina, e ministro kende
a haya ordenacion, ta e vinculo sacramental cu ta uni e accion liturgico na loke e
apostelnan a bisa y a haci y pa medio di nan na loke Cristo, e fuente y e fundeshi di e
sacramentonan, a bisa y a haci.
÷1121
E tres sacramentonan di Bautismo, Confirmacion y Ordenacion sacerdotal, ta duna
banda di gracia tambe un marca sacramental of un “seyo”, cual ta haci cu eCristian ta
participa den e sacerdocio di Cristo y ta forma parti di Iglesia segun diferente estado
y funcion. E configuracion akicu Cristo y cu Iglesia, realisa pa e Spirito, no por kita
mas36; pa semper e ta keda existi den e Cristian como undisposicion positivo pae
gracia, como promesa y garantiadi e proteccion divino, comovocacion na e adoracion
di Dios y na servicio di Iglesia. P’esey nunca por ripiti e sacramentonan aki.

÷1122
Cristo a manda su apostelnan bay predica pa nan “den su nomber proclama na tur
nacion arepentimento y pordon di pica” (Lc 24, 47). “Laga tur nacion bira mi discipel
y batisa nan den nomber di Tata di Yiu y di Spirito Santo” (Mt 28, 19). E mision pa
batisa, pues e mision sacramental, ta encera den e mision pa evangelisa, pasobra e
sacramento ta prepara pa medio di Palabra di Dios y pa medio di Fe cu ta di acuerdo
cu e Palabra aki:

“E pueblo di Dios ta reuni na prome luga pa medio di palabra di Dios bibo… E


proclamacion di e Palabra ta indispensabel pa e ministerio di e sacramentonan, como
cu nan tasacramento di fe cu ta nace y ta haya bida pa medio di Palabra”.

÷1123
“E meta di e sacramentonan ta pa santifica hende, pa edifica e Curpa di Cristo y
finalmente, pa duna gloria na Dios; pasobra nan ta señal y nan ta instrui tambe. No
solamente ta supone fe, pero nan ta aliment’e, nan ta fortific’e y nan ta expres’e den
palabra y den hecho. Ta p’esey tambe ta yama nan “sacramentonan di fe”.

÷1124
E fe di Iglesia ta prome cu e fe di creyente, kende ta ser invita pa bay di acuerdo cu
ne. Ora Iglesia ta celebra e sacramentonan, e ta profesa e fe ricibi di e apostelnan y
ta p’esey e dicho bieu: “Lex orandi, lex credendi”. “E ley di oracion ta e ley di fe”39,
Iglesia ta kere manera cu e ta resa. Liturgia ta un elemento constitucional di e
Tradicion santo y bibo.

÷1125
P’esey tambe no por cambia of manipula ningun rito sacramental na boluntad di e
ministro of di comunidad. Hasta e autoridad di mas halto den Iglesia no por cambia e
liturgia na un manera arbitrario. E por haci esaki solamente den obediencia di fe y cu
respet religioso pa e misterio di liturgia.

÷1126
Di otro banda, como cu e sacramentonan ta expresa y ta desaroya e comunion di fe
den Iglesia, e lex orandi ta un di e criterionan esencial den e dialogo cu ta purba
drecha e union entre e Cristiannan.

÷1127
Si ta celebra e sacramentonan na un manera digno den fe, nan ta duna e gracia cu
nan ta indica42. Nan ta eficaz pasobra den nan Cristo mes ta actua; ta E ta esun cu ta
batisa, E ta esun cu ta actua, pa asina comunica e gracia cu cada sacramento ta
nifica. Tata semper ta scucha e oracion di Iglesia di Su Yiu cu, den e epiclesis di cada
sacramento, ta expresa su fe den e poder di e Spirito. Mescos cu candela ta
transforma tur cos cu e mishi, asina Spirito Santo ta transforma den bida divino loke
ta someti na su poder.

÷1128
Esaki tambe ta e nificacion di e siguiente expresion di Iglesia43: e sacramentonan ta
obra ex opera operato (literalmente: “pa e mero hecho cu e accion ta haci”), esaki
kiermen, pa e virtud di e trabou di salbacion di Cristo realisa di un biaha pa semper.
Esaki ta haci cu “no ta realisa e sacramento dependiente di husticia di e dunado of di
e ricibido, pero pa forsa di Dios”44. Na momento cu ta celebra un sacramento di
acuerdo cu e intencion di Iglesia, e forsa di Cristo y di su Spirito ta obra den dje y pa
medio di dje, independiente di e santidad personal di e sacerdote. Pero e frutanan di
e sacramentonan si ta depende di e disposicion di esun cu ta ricibi nan.

÷1129
Iglesia ta declara cu sacramento di Aliansa Nobo ta necesario pa salbacion di
creyente. E “gracia sacramental” ta gracia di Spirito Santo, duna pa Cristo y propio
den cada sacramento. Spirito ta sana esun cu ricibi sacramento y ta transform’e
haciendo e parecido na e Yiu di Dios. E fruta di bida sacramental ta, cu e Spirito di
adopcion ta haci di e creyentenan, participantenan den naturalesa divino, door di uni
nan den un union bibo cu unico Yiu, e Salbador.

÷1130
Iglesia ta celebra e Misterio di su Señor “te ora cu E bin” pa “Dios ta tur cos den tur
hende” (1 Co 11, 26: 15, 28). For di e tempo apostolico, liturgia ta dirigi riba su meta
pa medio di e suspiro di e Spirito den Iglesia: “Maranatha!” (1 Co 16, 22). Asina
liturgia ta participa den e deseo di Hesus: “Apasionadamente mi a desea di por a parti
e cena di Pasco aki cu boso… te ora e haya su cumplimento den e reino di Dios” (Lc
22, 15-16). Den e sacramentonan di Cristo, Iglesia ya ta ricibi e siguransa di su parti di
e herencia, ya e ta participa den e bida eterno, mientras “nos ta wardando riba e
cumplimento santo di nos speransa, esta e revelacion di e grandesa di nos Dios grandi
di nos Salbador Hesucristo” (Tit 2; 13). “E Spirito di Dios y e bruid ta bisa: “Bini!...
Bini Señor Hesus!” (Ap 22, 17-20).

San Tomas ta resumi e varios aspectonan di e señalnan sacramental: Unde


sacramentum est signurememorativum eius quod praecessit, scilicet passionis Christi;
et demonstrativum eius quod in nobis efficitur per Christi passionem, scilicet gratiae;
et pronosticum,

id est, praenuntiativum futurae gloriae (“P’esey un sacramento ta un señal cu ta


conmemora loke a pasa, Cristo su pasion: ta demostra kico ta logra den nos pa medio
di Cristo su Pasion esta – gracia; y ta prefigura loke e Pasion ey ta pidi pa nos gloria
den futuro”).

÷1131
E sacramentonan ta señal di gracia eficaz, institui pa Cristo y confia na Iglesia, pa
medio di cual nos ta ricibi bida divino. E ritonan visibel cu cual ta celebra e
sacramentonan, ta indica e gracia propio na cada sacramento y ta realisa esaki. Nan
ta carga fruta den esnan cu ta ricibi nan den e disposicion rekeri.

÷1132
Iglesia ta celebra e sacramentonan manera un comunidad pastoral structura pa e
sacerdocio comun di esnan batisa y dje sacerdocio di su ministronan consagra.

÷1133
Spirito Santo ta prepara e creyente pa e sacramentonan pa medio di Palabra di Dios y
pa medio di fe, cu cual ta acepta e palabra ey den curason bon prepara. Asina ey
sacramento ta fortalece e fe y ta expres’e.

÷1134
E fruto di bida sacramental ta tanto personal como eclesiastico. Di un banda, e fruta
aki, pa cada creyente, ta consisti den bida pa Dios den Cristo; pa Iglesia di otro
banda, e ta un aumento den caridad y den su mision di duna testimonio.

÷1135
Catekesis liturgico na prome luga tin cu tuma na cuenta comprendemento di
economia sacramental (Capitulo uno). Den luz di esaki, e inovacion di e celebracion di
e liturgia lo revela su mes. E capitulo aki pues lo trata e celebracion di e
sacramentonan di Iglesia. Lo trata loke ta comun den e celebracion di e shete
sacramentonan, dentro di e diversidad di e tradicionnan liturgico y despues loke ta
pertenece na cada un di e sacramentonan. E catisashi fundamental aki tocante e
celebracionnan sacramental kier duna un contesta riba e preguntanan mas principal di
e creyentenan al respecto:

÷1136
Liturgia ta un “accion” di “Cristo completo” (Christus totus). Tur esnan cu di awo
caba ta celebrando e liturgia door di e señalnan, ya ta den liturgia celestial, na unda
e celebracion ta un Comunion total y un Fiesta.

÷1137
E buki di Revelacion di San Huan, lesa den e liturgia di Iglesia, na prome luga ta
revela na nos “un trono den shelo y riba e trono tin un persona sinta” (Ap 4, 2):
“Señor Dios” (Is 6, 1)1. Despues e ta mustra: e Lamchi, “para y comosifuera sacrifica”
(Ap 5, 6)2: Cristo crucifica y resucita, e unico Gran Sacerdote di e sanctuario
berdadero3, e mesun “cu ta sacrifica y cu ta ser sacrifica, cu ta duna y ta ser duna”4.
Por ultimo “e riu cu awa di bida… coriendo di trono di Dios y di e Lamchi” (Ap 22, 1),
un di e simbolonan mas bunita di Spirito Santo.

÷1138
“Poni bou di un cabez, esta di Cristo”, esnan aki lo participa den e servicio di
alabansa di Dios y den e cumplimento di su plan: e Podernan celestial6, henter
creacion (e cuater Sernan Bibo), e sirbidonan di e Aliansa Bieu y Nobo (e binticuater
ancianonan), e Pueblo Nobo di Dios (e shen y cuarenticuater mil)7, specialmente e
martirnan “asesina pa motibo di Palabra di Dios” (Ap 6, 9-11) y e Santisimo Mama di
Dios (e Muhe, e Bruid di e Lamchi)8, por ultimo “un multitud grandi, cu niun hende no
por conta, di tur nacion, di tur tribu, di tur rasa y di tur lenga” (Ap 7, 9).
÷1139
Ta den e liturgia eterno aki Spirito Santo y Iglesia ta laga nos participa ora cu nos ta
celebra den e sacramentonan e Misterio di salbacion.

÷1140
“Ta henter comunidad, Curpa di Cristo den union cu su Cabez cu ta celebra”. Sirbishi
liturgico no ta un accion priva, perota un celebracion di Iglesia cu ta “e sacramentodi
unidad”, esta, e pueblo santo uni y organisa bou di autoridad di obispo. Ta p’esey,
sirbishi liturgico ta toca henter Curpa di Iglesia. E ta manifesta y e tin efecto riba dje.
Pero e ta toca cada miembro di Iglesia individualmentey na diferente manera,
dependiendo di nan rango, nan papel den servicio liturgico y di nan participacion
activo eyden. Tap’esey cu “e ritonan cu segun nan naturalesa ta poni pa ta celebra
den presencia di un grupo grandi di creyente tin preferencia ribacelebracion
individual y casipriva”.

Catisashi di IglesiaCatolico

÷1141
E comunidad di fe cu ta celebra, ta e comunidad di esnan batisa, kendenan “pa medio
di e nacemento nobo y e huntamento di Spirito Santo ta consagra manera un cas
spiritual y un sacerdocio santo pa ofrece, door di obra propio di un Cristian, sacrificio
spiritual”11. E “sacerdocio comun” aki ta esun di Cristo, e unico Sacerdote, na cual
tur miembro di e curpa ta participa12:

Nos Mama Iglesia ta desea masha hopi mes cu tur creyente por yega na e participacion
completo, consciente y activo aki di e celebracionnan liturgico, cu esencia di liturgia
mes ta exigi y riba cual e pueblo Cristian, “un rasa escogi, un sacerdocio real, un
nacion santo, Dios Su propio Pueblo” (1 P 2, 9)13, pa via di bautismo tin derecho y
obligacion.14

÷1142
Pero “mescos cu e curpahumano tin hopi parti cu tin diferente funcion” (Rm 12, 4),
asina cierto miembro ta yama pa Dios, den y pa medio di Iglesia, pa un tarea special
pa comunidad. E sirbidornan aki ta eligi y consagra pa sacramento di Sacerdocio, anto
asina Spirito Santo ta capacita nan pa den persona di Cristo, e Cabez, nan actua na
sirbishi di tur e miembronan di iglesia. E sirbidor consagra ta como e “icono” di
Cristo-Sacerdote. Ya cu e sacramento di Iglesia ta manifesta su mes completamente
den eucharistia; e posicion di obispo como esun cu ta presidi y hunto cu ne esnan di e
sacerdotenan y di e diacononan, ta bira bisto, primeramente den e celebracion di
eucharistia.
÷1143
Cu e meta pa participa den funcion di e sacerdocio comun di fiel, tambe ta existi otro
ministerionan particular, cu no ta consagra door di sacramento di Sacerdocio; nan
funcion ta determina pa e obisponan segun e tradicionnan liturgico y e necesidadnan
pastoral. “E acolitnan, e lectornan, e comentaristanan y e cantantenan ‘schola
cantorum’ tambe ta eherce un funcion liturgico berdadero”.

÷1144
Pues den e celebracion di sacramento e asamblea completo ta “liturgo”, cada un
segun su propio funcion, pero den “unidad di Spirito”, kende ta actua den tur. “Den e
celebracionnan liturgico cada persona, clero of creyente, cu tin un funcion di eherce,
mester haci tur y solamente loke ta pertenece na su funcion segun e naturalesa di e
rito y di e normanan di liturgia”.

÷1145
E celebracion sacramental ta tehi cu signonan y simbolonan. Di acuerdo cu e
pedagogia divino di salbacion, nan nificacion tin rais den e obra di creacion y den
cultura humano, specifica pa evento di Aliansa Bieu y completamente revela den
persona y den obra di Cristo.

÷1146
Señal di mundo humano. Den bida humano, signonan y simbolonan ta ocupa un luga
importante. Como un ser humano cu ta alabes curpa y spirito, ta expresa y ta percibi
realidad spiritual pa medio di señal y simbolo fisico. Como ser social, hende mester di
señal y simbolo pa comunica cu otro, pa medio di idioma, gesto y accion. Esaki tambe
ta conta pa su relacion cu Dios.

÷1147
Dios ta papia cu hende pa medio di e creacion visibel. E cosmos material ta presenta
na hende su inteligencia di tal forma, cu eyden e por mira e marcanan di su
Creador18. Luz y scuridad, biento y candela, awa y tera, mata y su fruta ta papia di
Dios y ta simbolisa tanto su grandesa como su cercania.
÷1148
Como ser crea, e realidadnan sensibel aki por bira e moda di expresa di e accion di
Dios cu ta santifica hende y di accion di hende cu ta ofrece alabansa na Dios. Esaki
tambe ta conta pa e señalnan y e simbolonan den bida social di hende: laba y hunta,
kibra pan y comparti e caliz, por expresa e presencia santifica di Dios y di gratitud di
hende na su Creador.

÷1149
E religionnan grandi di humanidad, hopi biaha na un manera Impresionante, ta duna
testimonio di e nificacion cosmico y simbolico aki di rito religioso. E liturgia di Iglesia
ta presupone, ta integra y ta santifica elementonan di creacion y di cultura humano,
dunando nan dignidad di ta e signonan di gracia, di e creacion nobo den Hesucristo.

÷1150
Signonan di e Aliansa. E Pueblo scogi a ricibi di Dios signo y simbolo distinto cu ta
marca su bida liturgico. Esakinan ya no ta solamente celebracion di ciclo cosmico y di
gesto social, pero ta signo di Aliansa, simbolo di obranan grandi di Dios pa su pueblo.
Bou di e signonan liturgico aki di e Aliansa Bieu ta cay: circuncision, huntamento y
consagracion di rey y di sacerdote, ponemento di man, sacrificio y riba tur cos: e
Pasco. Iglesia den e signonan aki ta mira e prefiguracion di sacramento di Aliansa
Nobo.

÷1151
Signonan uza pa Cristo. Den su predicashi Señor Hesus hopi biaha ta haci uzo di
signonan di creacion pa revela misterio di Reino di Dios 19. E ta realisa sanacion of ta
ilustra su predicashi cu signonan fisico y cu gestonan simbolico20. E ta duna un
nificacion nobo na e hechonan y na e signonan di e Aliansa Bieu, specialmente na e
Exodo y na Fiesta di Pasco21, pasobra e mes ta e nificacion di tur e signonan aki.

÷1152
Signonan sacramental. Desde Pentecoste, Spirito Santo ta realisa Su trabou di
santificacion pa medio di signonan sacramental. E sacramentonan di Iglesia no ta
aboli, ma nan ta purifica y ta integra tur rikesa di e signonan y di e simbolonan di e
cosmo y di bida social. Ademas cu nan ta laga e tiponan y e figuranan di e Aliansa
Bieu keda cumpli, nan ta indica e salbacion logra pa Cristo y nan ta hacie activamente
presente, nan ta prefigura y ta anticipa e gloria di shelo.
÷1153
E celebracion sacramental ta un encuentro di e yiunan di Dios cu nan Tata, den Cristo
y den Spirito Santo; e encuentro aki ta tuma e forma di un dialogo, pa medio di accion
y palabra. E accionnan simbolico ta di berdad riba nan mes ya caba un idioma, pero
asina mes ta necesario cu e Palabra di Dios y e contesta di fe ta compaña e accionnan
aki y ta duna nan bida, pa asina e simia di e Reino por carga fruta den bon tera. E
accionnan liturgico ta indica kico e Palabra di Dios ta expresa tanto e iniciativa di Dios
sin mas, como e contesta di fe di Su Pueblo.

÷1154
E liturgia di Palabra ta un parti integro di celebracion liturgico. Pa alimenta e fe di e
creyente, mester enfatisa e signonan cu ta compaña e Palabra di Dios: e buki di
Palabra (lectionarium of evangeliarium), su adoracion (prosecion, sensia, bela), luga
di su proclamacion (ambo), su lectura cu mester ta bon cla pa scucha y pa
compronde, e homilia di e ministro, kende ta prolonga e proclamacion di Palabra di
Dios; e contesta di e asamblea (aclamacion, salmo di meditacion, litania, credo…).

÷1155
Mescos cu e Palabra y e accionnan liturgico ta mara na otro na un manera
inkebrantabel como signo y como instruccion, nan ta asina tambe te na unda cu nan
ta realisa loke nan ta nifica. Ora Spirito Santo ta spierta fe, no solamente E ta duna
un comprondemento di Palabra di Dios, sino tambe pa medio di e sacramentonan E ta
realisa e “maraviyanan” di Dios cu e ta anuncia. Spirito Santo ta presenta y ta anuncia
e obra di e Tata, realisa pa Su Yiu stima.

÷1156
“E tradicion musical di Iglesia universal a crea un tesoro di un balor incomparabel, cu
ta surpasa e otro expresionnan di arte, principalmente pasobra e melodianan sagrado
ta uni na e palabranan y asina ta forma un parti esencial y integral di e liturgia
solem”22. Trahando poema y cantando salmo inspira, hopi biaha acompaña pa
instrumento musical, ya caba tabata bon liga na e celebracionnan liturgico di Aliansa
Bieu. Iglesia ta continua y ta desaroya e tradicion aki: “Papia cu otro den salmo, den
himno y den cantica inspira pa e Spirito. Canta y toca pa Señor di henter bo curason”
(Ef 5, 10)23. “Esun cu canta, ta resa dos biaha”.

÷1157
Canto y musica ta cumpli cu nan funcion como señal na un manera mas nificativo ora
nan ta “mas tanto liga na e accion liturgico”25, segun tres criterio principal: e
expresion di beyesa di oracion, e participacion unanime di e asamblea na e
momentonan stipula y e caracter solemne di celebracion. Na e manera aki nan ta
tuma parti na e palabranan y na e accionnan liturgico: alabansa di Dios y santificacion
di creyente26:

Con mi a yora profundamente conmovi pa boso himnonan, boso canticanan y pa boso


bosnan cu tabata resona den boso Iglesia! Ki un emocion mi a experencia den nan! E
zonidonan ey a penetra den mi horeanan y a laga e berdad destila den mi curason. Un
sentimento di devocion a brota bin halto den mi y awa di wowo a basha bin afo,
lagrima cu a laga mi sinti bon!27

÷1158
E harmonia di e señalnan (canto, musica, palabra y accion) aki ta lo mas expresivo y
fructifero ora nan ta expresa den e rikesa cultural di e Pueblo di Dios cu ta
celebrando28. P’esey tambe “mester promove e canto religioso di e pueblo na un
manera adecua cu asina tanto den e ehercicionan devoto y religioso como den e
servicionan liturgico, conforme e normanan di Iglesia, e bos di e creyente por
resona”29. Pero “e textonan cu ta scogi pa canta semper mester ta di acuerdo cu fe
catolico. Hasta nan mester ta saca specialmente for di Santa Scritura y for di fuente
liturgico”.

÷1159
E imagen sagrado, e icono liturgico, primeramente ta representa Cristo. E no por
representa e Dios invisibel y incomprensibel; pa medio di e incarnacion di Yiu di Dios e
imagennan a haya un funcion nobo den e plan di salbacion di Dios:

Prome aya Dios, kende no tin ni curpa ni cara, no por a er representa pa un imagen
den ningun forma. Pero awo cu El a haci su mes visibel den carni y a biba memey di
hende, por traha n imagen di loke a mira di Dios… y ta contempla e gloria di Dios cu
Su cara desvela”.

Catisashi diIglesiaCatolico

÷1160
E iconografia Cristian den imagen ta expresa e mesun mensahe evangelico cu Santa
Scritura ta comunica cu palabra. Imagen y palabra ta aclarea otro:

Nos ta declara cu nos ta preserva na un manera intacto tur tradicion di Iglesia skirbi y
no skirbi cual a ser confia na nos. Un di e tradicionnan aki ta consisti di e produccion
di trabou di arte representativo cu ta acorda e historia di e predicashi di Evangelio.
Pasobra e ta confirma cu e incarnacion di Palabra di Dios tabata real y no imaginario,
locual pa nos tambe ta util y beneficioso, pasobra realidad cu ta ilustra otro sin duda
ta refleha otro su nificacion.

÷1161
Tur señal den celebracion liturgico ta relaciona cu Cristo: mescos tambe e imagennan
santo di Santisimo Mama i Dios como esunnan di santo. Nan berdaderamente ta nifica
Cristo, Kende ta ser glorifica den nan. Nan ta manifesta e “nubia di testigo” (Hbr 12,
1) kende ta siguiparticipa den e salbacion di mundo y cu kende nos a uni,
specialmente den e celebracion sacramental. Pa medio di icono ta hende ta esun,
kende ta ser revela den nos fe, kende “segun imagen di Dios”, finalmente ta
transfigura na “Su semehansa”33. Esaki tambe ta sosode cu e angelnan, kendenan ta
recapitula den Cristo:

Siguiendo e siñansa inspira divinamente di nos santo Tatanan y e tradicion di Iglesia


Catolico (pasobra nos sa cu e tradicion aki ta bin di Spirito Santo, kende ta biba den
dje) nos ta dicidi cu tur siguransa y exactitud, mescos cu pintura di cruz precioso cu
ta duna bida, tambe e venerabel imagen santo, si nan ta pinta of den mosaico poni of
na un otro manera traha, mester ta buta den iglesia santo, riba vaas santo of riba
paña, riba muraya y riba cuadra, den cas of na canto di caminda; tanto e imagen di
nos Señor, Dios y Salbador, Hesucristo, como esun di nos inmaculada y santa Mama di
Dios y esun di angel y di tur santo y di husto.

÷1162
“E beyesa y e colonan di imagen ta stimula mi haci un oracion. E ta un fiesta pa mi
wowo, mescos cu e bista di un campo espectacular ta laga mi curason duna gloria na
Señor”35. E contemplacion di imagen sagrado, uni cu meditacion di Palabra di Dios y
cu canto di himno liturgico, ta forma un harmonia cu e señalnan di e celebracion. Di e
modo aki e misterio celebra ta keda imprimi den memoria di curason y despues ta
keda expresa den bida nobo di fiel.

÷1163
“Nos santo Mama Iglesia ta considera cu ta su deber pa celebra e obra di salbacion di
su Esposo divino cu un conmemoracion sagrado riba cierto dia durante aña. Un biaha
cada siman, riba e dia cu El a yama ‘Dia di Señor’, Iglesia ta conmemora e resureccion
di Señor. Esaki Iglesia ta celebra tambe un biaha pa aña hunto cu Su santo Pasion
durante e fiesta di mas solem y di mas grandi esta, Pasco Grandi. Ademas, den curso
di aña Iglesia ta desaroya henter Misterio di Cristo… Recordando e misterionan di e
redencion di e manera aki, Iglesia ta habri pa su creyentenan e rikesa di virtud y di
merito di Señor; di modo cu e misterionan aki den cierto sentido semper ta presente
pa asina e fielnan por bin den contacto cu nan y yena di gracia di salbacion”.

÷1164
Desde tempo di legislacion di Moises, Pueblo di Dios a conoce fiestanan fiho,
cuminsando cu fiesta di Pesag (Pasco), pa recorda e hechonan maraviyoso di Dios
Salbador, pa gradiciE pa nan, pa haci su recuerdo eterno y pa siña generacionnan
nobo pa comporta nan mes conforme na nan. Den e epoca di Iglesia, entre Pasco di
Cristo, ya caba cumpli pa Semper, y su consumacion den Reino di Dios, e liturgia
celebra riba dianan fiho ta carga e seyo di e novedad di e Misterio di Cristo

÷1165
Ora Iglesia ta celebra e Misterio di Cristo, tin un palabra cu ta marca su oracion:
“Awe!” un palabra cu ta resona e oracion cu su Señor a siñ’e, y e yamada di Spirito
Santo37. E “awe” aki di Dios bibo cu hende ta yama pa drenta aden, ta e “Ora” di
Pasco di Hesus cu ta recore y ta carga henter historia:

Bida a cubri tur ser crea y ta yena nan cu un luz sin limite: e Oriente di tur oriente ta
inunda universo y esun cu tabata existi “prome cu e strea di mainta” y prome cu tur
astro, cu ta inmortal y inmenso, e gran Cristo, ta briya mas fuerte cu solo riba tur ser.
P’esey, pa nos cu ta kere den djE, un dia di luz, duradero y eterno ta wordo introduci,
un dia cu no ta caba nunca: e Pasco mistico.

÷1166
“Pa medio di un tradicion cu e apostelnan a pasa pa posteridad y cu a origina for di e
dia di Cristo su Resureccion mes, Iglesia ta celebra e misterio pascual riba cada di
ocho dia, cu apropiadamente ta wordo yama dia di Señor of diadomingo”40. E dia di
Cristo su Resureccion ta alabes “e prome dia di siman”, e recuerdo di e prome dia di
creacion y e di “ocho dia”, riba cual Cristo, despues di su “sosiego” riba e sabat
grandi, a naugura e Dia “cu Señor a traha”, e “dia cu no conoce anochi”41. E “cena di
Señor” ta e centro di e dia aki, pasobra ta aki e asamblea completo di fielnan ta topa
cu Señor resucita, cu ta combida nan na su bankete42:

E dia di Señor, e dia di resureccion, e dia di Cristiannan, ta nos dia. P’esey ta yam’e
dia di Señor: riba e dia ey Señor a subi bay cerca Tata victoriosamente. Si e
paganonan ta yam’e dia di solo, nos tambe lo haci esaki gustosamente; pasobra awe e
luz di mundo ta halsa splendorosamente, awe e solo di husticia ta keda revela cu
sanacion den su rayonan.
÷1167
Diadomingo ta e dia pa excelencia pa asamblea liturgico, ora cu e fielnan ta reuni “pa
scucha Palabra di Dios y pa participa na e Eucaristia, recordando asina e Pasion, e
Resureccion y e gloria di Señor Hesus y pa duna danki na Dios kende pa medio di
Resureccion di Hesucristo a laga nan renace for di “e mortonan den un speransa
nobo”44:

Ora nos medita, o Cristo, riba tur maraviya cu a keda realisa riba e diadomingo di Bo
Resureccion santo aki, nos ta bisa: Bendiciona sea e diadomingo, pasobra riba e dia
aki a cuminsa e Creacion… salbacion di mundo… e renobacion di rasa humano. Riba e
dia aki shelo y tera a alegra y henter universo tabata yena cu luz. Bendiciona sea e
diadomingo, pasobra riba e dia aki e portanan di Paraiso a keda habri, pa asina Adam
y su exiliadonan por a drenta sin miedo.

÷1168
Cuminsando desde “Triduo Pascual”, como su fuente di luz, tempo nobo di
Resureccion ta yena henter aña liturgico cu su splendor. Saliendo di e fuente aki
henter e aña prome y despues di Pasco Grandi ta keda gradualmente transfigura pa
liturgia. Realmente e ta “un aña di gracia di Señor” (Lc 4, 19). E trabou di salbacion
ta actua den cuadro di tempo, pero desde su realisacion den Pasco di Hesus y e
dramamento di Spirito Santo, e culminacion di historia ta keda anticipa ”como un
muestra”, anto Reino di Dios ta drenta den nos tempo.

÷1169
P’esey Pasco Grandi no ta simplemente un fiesta entre e otro fiestanan: pero e ta e
“Fiesta di tur fiesta”, e “Solemnidad di tur solemnidad”, mescos cu Eucaristia ta e
“Sacramento di tur sacramento” (e gran Sacramento). San Atanasio ta yama Pasco
Grandi e “gran Diadomingo”46, mescos cu na Oriente nan ta yama Semana Santa “e
gran Siman”. Misterio di Resureccion, den cual Cristo a aplasta morto, ta penetra nos
tempo bieu cu su energia poderoso, te ora tur cos ta someti na djE.

÷1170
Na Concilio di Nicea (na aña 325) tur iglesia a bay di acuerdo pa Pasco Cristian keda
celebra riba e diadomingo despues di e prome luna yen (di 14 dia di Nisan) despues di
e cambio pa primavera. Pa motibo di e diferente metodonan pa calcula e di 14 dia di
e luna di Nisan, e fecha di Pasco Grandi no ta e mesun fecha den iglesianan di
Occidente y di Oriente. Ta pa e motibo aki cu awendia Iglesia ta buscando pa yega na
un acuerdo pa un biaha mas por celebra e dia di Señor su Resureccion riba e mesun
fecha.
÷1171
Den e aña liturgico varios aspecto di e misterio unico Pascual ta desaroya. Esaki ta e
caso tambe cu e ciclo di fiestanan (Anunciacion, Pasco di Nacemento, Epifania) cu ta
rondona misterio di encarnacion. Nan ta conmemora comienso di nos salbacion y ta
anuncia na nos e prome frutanan di e misterio di Pasco Grandi.

÷1172
“Den e celebracion anual aki di e ciclo di misterionan di Cristo, Santa Iglesia ta venera
e bienaventurado Mama di Dios, Maria, cu un amor special. Maria ta
inkebrantablemente mara na e trabou di salbacion di su Yiu. Den Maria, Iglesia ta
admira y ta exalta e fruta mas excelente di redencion y ta contempla cu goso, manera
un imagen puro, locual e mes ta desea y ta spera di ta completamente”.

÷1173
Ora Iglesia ta conmemora martirnan y santonan den ciclo anual, e ta “proclama e
misterio di Pasco Grandi den esnan “kendenan a sufri y a glorifica cu Cristo; Iglesia ta
recomenda nan na e fielnan como ehempelnan, cu ta hala tur hende cerca Tata pa
medio di Cristo y pa medio di nan meritonan Iglesia ta implora pa fabornan di Dios”.

÷1174
E misterio di Cristo, Su Encarnacion, Su Pasco Grandi, cu nos ta celebra den
Eucaristia, specialmente den asamblea dominical, ta penetra y ta transfigura tempo
di cada dia mediante e celebracion di Liturgia di Ora, esta e “oficio divino”49. E
celebracion aki, fiel na e recomendacionnan apostolico di ”resa sin stop”50, ta
structura di tal manera, cu ta consagra e curso di henter dia y anochi na alabansa di
Dios51. Den e “oracion publico di Iglesia”52 aki e fielnan (clero, religioso y laico) ta
eherce sacerdocio real di esnan batisa. Celebra den “forma aproba” pa Iglesia,
Liturgia di Ora, realmente ta e bos di e Esposa mes cu ta papia cu su sposo; mas ainda
e ta e oracion di Cristo mes, hunto cu Su Curpa na Su Tata”.

Catisashi di IglesiaCatolico

÷1175
E Liturgia di oranan ta yama pata e oracion di henter Pueblo di Dios Den dje, Cristo
mes “ta sigui eherce su funciondi sacerdote atrabes di Su Iglesia”54; cada un di su
miembronan ta participa segun su mesun luga den Iglesia y su circumstancia di bida: e
sacerdotenan dedica na nan ministerio pastoral, pasobra nan ta yama pa permanece
den oracion y den servicio di e Palabra55; e religiosonan, pa e carisma di nan bida
consagra56; tur e fielnan mas tanto posibel: “E cuidadornan di alma mester percura
cu e oranan principal, specialmente e Vespers, ta wordo celebra hunto den misa riba
diadomingo y riba e fiestanan mas solem. Ta recomendabel pa laiconan tambe resa e
Oficio divino, sea hunto cu sacerdotenan, como entre nan mes, of hasta nan so”.

÷1176
E celebracion di e Liturgia di oranan ta exigi no solamente un harmonia entre e bos y
e curason cu ta resando, pero tambe un“comprondemento mas profundo di liturgia y
di Biblia, specialmente di e salmonan.

÷1177
E himno y e litanianan di Liturgia di Ora ta integra e oracion di e salmonan den e
tempo di Iglesia, expresando e simbolismo di e tempo di dia, di e temporada liturgico
of di e fiesta cu ta celebrando. Ademas, e lectura di e Palabra di Dios na cada ora (cu
nan respectivo respons of troparia) y e lecturanan di e Tatanan y di e Maestronan
spiritual na cierto ora, ta revela mas profundamente e nificacion di e misterio cu ta
celebrando, ta yuda na compronde e salmonan y ta prepara pa e oracion den silencio.
E lectio divina, den cual ta lesa y ta medita e Palabra di Dios ta di tal forma cu e ta
bira un oracion, asina e ta haya su rais den celebracion liturgico.

÷1178
Liturgia di Ora, cu ta manera un extension di e Celebracion Eucaristico, no ta exclui,
pero mas bien na un forma complementario ta mustra riba varios devocion di Pueblo
di Dios, specialmente e adoracion y e veneracion di Santisimo Sacramento.

÷1179
E celebracion “den spirito y di berdad” (Hu 4, 24) di Aliansa Nobo no ta mara
exclusivamente na un luga particular. Mundo henter ta sagrado y ta confia na yiunan
di hende. Loke ta mas importante ta cu ora e fielnan reuni na un cierto luga, nan ta e
“piedranan bibo”,treci hunto pa e “construccion di e cas spiritual”(1 P 2, 4-5).
Pasobra e Curpa Resucita di Cristo ta e tempel spiritual di unda ta brota e fuente di
awa bibo; incorpora den Cristo pa medio di Spirito Santo, “nos ta e tempel di Dios
bibo” (2 Co 6, 16).
÷1180
Si e practica di libertad religioso no ta wordo impedi59, Cristiannan ta construi
edificionan pa celebracion divino. E Iglesianan visibel aki no simplemente ta luga pa
bini hunto, pero ta nifica y ta manifesta e Iglesia cu ta biba na e luga aki, e presencia
di Dios cu e hendenan reconcilia y uni den Cristo.

÷1181
Na misa, “e cas di oracion den cual ta celebra y ta warda santo Eucaristia, na unda e
fielnan ta bini hunto y na unda ta venera e presencia di e Yiu di Dios, nos Salbador,
sacrifica pa nos riba e altar di sacrificio pa yudansa y consuelo di e fielnan. E cas aki
mester ta nechi y un luga digno pa oracion y ceremonia sagrado”60. Den e “cas di
Dios” aki e berdad y e harmonia di e señalnan riba cua e ta basa, mester manifesta cu
Cristo ta presente y ta actua den e luga aki.

÷1182
E altar di Aliansa Nobo ta e Cruz di Señor62, for di unda e sacramentonan di misterio
di Pasco ta sali. Riba e altar, cu ta e centro di e Iglesia, ta presenta e sacrificio di e
Cruz bou di e signonan sacramental. E altar ta tambe e mesa di Señor na cual e
Pueblo di Señor ta invita63. Den cierto liturgia Oriental, e altar ta tambe e simbolo di
e graf (Cristo berdasderamente a muri y a resucita berdaderamente).

÷1183
E tabernakel mester ta poni “den iglesianan na un luga di mas digno y di e mayor
respet”64. E dignidad, e posicion y e seguridad di e tabernakel Eucaristico65 mester
provoca e adoracion di Señor, kende ta realmente presente den e Santisimo
Sacramento di altar.

E Crisma Santo (Myron) pa uza den huntamento como e signo sacramental di e seyo di
e don di Spirito Santo, tradicionalmente ta ward’e y vener’e na un luga segura den e
sanctuario. E zeta di e catecumenonan y esun di e enfermonan tambe por ta warda
eynan.

÷1184
E stoel (catedra) di obispo of di e sacerdote “mester expresa e funcion di esun cu ta
dirigi e reunion di e fielnan y kende ta guia e oracion”.

E luga pa predica (ambo): “E dignidad di e Palabra di Dios ta exigi cu den iglesia


mester tin un luga reserva di unda ta proclama esaki asina cu e atencion di pueblo
facilmente por ta dirigi na tal luga durante Liturgia di Palabra”.

÷1185
E reunion di Pueblo di Dios ta cuminsa cu Bautismo; p’esey e tempel mester tin un
luga apropia pa celebracion di bautismo y cu mester invita pa recorda e promesanan
di Bautismo (awa bendita).

E renobacion di bida batisa ta exigi penitencia. P’esey misa mester presta su mes pa
expresion di arepentimento y ricibimento di pordon, locual ta exigi un luga apropia pa
por ricibi hende penitente.

E misa tambe mester tin un espacio cu ta invita pa oracion devoto y den silencio, cu
ta prolonga y ta internalisa e gran plegaria di Eucaristia.

÷1186
Por ultimo, misa mester tin un nificacion escatologico. Pa drenta e cas di Dios, mester
crusa un drempel, simbolo di e traspaso for di e mundo herida pa pica, pa e mundo di
Bida nobo, na cual tur hende ta yama. E Iglesia visibel ta simbolo di Tata su cas na
unda e Pueblo di Dios ta travesa y na unda Tata “lo seca tur lagrima di nan wowo” (Ap
21, 4). P’esey tambe misa ta e cas di tur Yiu di Dios, hancho habri y cordial.

÷1187
Liturgia ta e trabou di e Cristo completo, Cabez y Curpa. Nos Gran Sacerdote, ta
celebr’e sin stop den liturgia celestial, hunto cu Mama santo di Dios, e apostelnan, tur
santo y cu e multitud di hende cu ya a drenta e Reino.

÷1188
Den un celebracion liturgico, henter e asamblea ta “liturgico”, cada un segun su
propio funcion. E sacerdocio di bautismo ta e sacerdocio di henter Curpa di Cristo.
Pero a hunta algun fiel cu Orden di Sacerdocio pa representa Cristo como Cabez di e
Curpa.

÷1189
E celebracion liturgico ta encera señal y simbolo cu ta referi na e creacion (luz, awa,
candela), na e bida humano (laba, hunta cu zeta, kibra pan) y na e historia di
salbacion (e ritonan di Pasco). Integra den e mundo di fe y yena cu e poder di Spirito
Santo, e elementonan cosmico aki, e ritonan humano y e gestonan pa recorda Dios, ta
bira portado di e accion di Cristo pa salba y pa santifica.

÷1190
E Liturgia di Palabra ta un parti integral di e celebracion. Ta expresa nificacion di
celebracion pa medio di e Palabra di Dios cu ta wordo anuncia y pa medio di e
compromiso di fe na e Palabra aki.

÷1191
Canto y musica ta estrechamente pega na e accion liturgico. E criterionan pa nan uzo
debido di nan ta: e beyesa expresivo di oracion, participacion unanime di asamblea y
di e caracter sagrado di e celebracion.

÷1192
E imagennan sagrado den nos misa y den nos hogar ta destina pa lanta y pa alimenta
nos fe den Misterio di Cristo. Pa medio di e icono di Cristo y di su obra di salbacion, ta
E ta Esun cu nos ta adora. Pa media di imagen sagrado di Mama Santisimo di Dios, di
angel y di santo, nos ta venera e personanan cu nan ta representa.

÷1193
Diadomingo, e “Dia di Señor”, ta e dia principal pa celebra Eucaristia pasobra e ta e
dia di Resureccion. E ta e dia primordial di e asamblea liturgico, e dia di famia
Cristian y e dia di goso y di descanso di trabou. Diadomingo ta e “fundeshi y esencia di
henter e aña liturgico”.

÷1194
Iglesia, “den e curso di aña, ta desaroya henter Misterio di Cristo, desde su
Incarnacion y Nacemento te na su Asuncion, di Pentecoste te na expectativa di
speransa sagrado di binimento di Señor”.

÷1195
Recordando e santonan, na prome luga e Mama Santo di Dios, despues e apostelnan, e
martirnan y tur otro santo, riba dia fiho den a aña liturgico, Iglesia na mundo ta
mustra cu e ta uni cu liturgia di shelo. E ta duna gloria na Cristo di por a cumpli cu su
Salbacion den su miembronan glorifica; nan ehempel ta encurasha Iglesia den su
caminda pa Tata.

÷1196
E fielnan cu ta celebra Liturgia di oranan ta uni cu Cristo, nos Gran Sacerdote, pa
medio di oracion, di salmo, di meditacion, di Palabra di Dios y di cantica y bendicion,
pa asina nan por ta uni cu Su oracion continuo y universal cu ta duna gloria na Tata
yta implora pa e don di Spirito Santo riba henter mundo.

Catisashi di IglesiaCatolico

÷1197
Cristo ta e tempel berdadero di Dios, “eluga unda su gloria ta biba” pa gracia diDios,
Cristiannan tambe ta bira tempel di Spirito Santo,piedranan bibo cu cualnan Iglesia ta
construi.

÷1198
Den su condicion terenal, Iglesia mester di un luga na unda comunidad por bin hunto.
Nos misanan visibel, luganan sagrado, ta imagennan di e Ciudad Santo, e Herusalem
celestial, pa unda nos ta na caminda como peregrino.

÷1199
Ta den e misanan aki Iglesia ta celebra su adoracion publico pa gloria di Santisimo
Trinidad, ta scucha Palabra di Dios y ta alab’E, ta halsa su oracion y ta ofrece
sacrificio di Cristo presente den sacramento memey di e asamblea. E misanan tambe
ta e luganan di reconciliacion y di oracion personal.

Catisashi di IglesiaCatolico

÷1200
Desde prome comunidad di Herusalem te na Parusia, e Iglesianan di Dios, fiel na e fe
apostolico, ta celebra tur caminda e mesun misterio di Pasco. E misterio celebra den
liturgia ta uno, pero e forma di su celebracion ta diferente.
÷1201
E misterio di Cristo tin un rikesa asina insondiabel cu no por agot’e door di expres’e
den ningun solo tradicion liturgico. E historia di nacemento y desaroyo di e ritonan aki
ta mustra con, na un manera asombroso, nan ta complementa otro. Ora Iglesianan a
biba nan respectivo tradicionnan liturgico den comunion di fe y e sacramentonan di
fe, nan a enrikece otro y nan a crece den fieldad na Tradicion y na e mision comun di
henter Iglesia.

÷1202
E diferente tradicionnan liturgico a surgi pa via di e mision di Iglesia mes. E iglesianan
di mesun region geografico y cultural a bin ta celebra e misterio di Cristo pa medio di
expresionnan particular caracterisa pa nan cultura; den tradicion di “deposito di fe”
(2 Tim 1, 14), den simbolismo litúrgico, den organisacion di comunion fraternal, den
inteligencia teologico di misterio y den diferente tipo di santidad. Asina Cristo, Luz y
Salbacion di tur pueblo, pa medio di un bida liturgico di un Iglesia, ta manifesta Su
mes na e pueblo y na cultura pa cual e Iglesia ey ta manda y den cual e ta tira rais. E
Iglesia ta catolico; e ta capaz di integra tur rikesa di cultura autentico den su unidad,
mientras cu e ta purifica nan.

÷1203
E tradicionnan liturgico, of e ritonan cu actualmente ta uza den Iglesia, ta ritonan
latino (principalmente rito Romano, pero tambe rito di algun iglesia local manera rito
Ambrosiano, rito Hispanico-visigotico of esnan di cierto ordennan religioso) y rito
Bizantino, Alehandrino of Copto, Siriaco, Armenio, Maronito y Caldeo. Den “fiel
obediencia na Tradicion, e sagrado Concilio ta declara cu Santo Mama Iglesia ta
concede igual derecho y honor na tur e ritonan legitimamente reconoci y kier pa den
futuro nan ta conserv’e y foment’e den tur forma”.

÷1204
P’esey celebracion di liturgia mester coresponde cu e genio y na e cultura di diferente
pueblo73. Pa “anuncia Misterio di Cristo na tur nacion pagano, pa trece nan na
obediencia di Fe” (Rm 16, 26), mester proclam’e, celebr’e y bib’e den tur cultura di
tal manera cu e culturanan mes no ta wordo aboli, sino cu e Misterio ta wordo rescata
y realisa den nan74. E multitud di yiunan di Dios, mediante nan propio cultura
humano, tuma y transfigura pa Cristo, por yega na Tata, pa asina nan por glorific’E
den un Spirito.
÷1205
“Den liturgia, specialmente den sacramentonan, ta existi un parti cu ta incambiabel,
pasobra e ta institui divinamente, y di cual Iglesia ta su wardador, y un parti cu por ta
cambiabel, cual Iglesia tin poder y tin biaha tambe e deber, di adapta nan na cultura
di e pueblo recien evangelisa”.

÷1206
“E diversidad liturgico por ta fuente di enrikecemento, pero tambe por provoca
tension, malentendimento mutuo y hasta di kiebro (cisma). Den e caso aki ta claro cu
diversidad no por daña unidad. E mester expresa solamente fieldad na fe comun, na
signonan sacramental cu Iglesia a ricibi di Cristo, y na e comunion hirarkico.
Adaptacion cultural ta rekeri tambe conversion di curason y hasta, unda ta necesario,
un kibramento cu custumbernan hereditario, incompatibel cu fe Catolico”.

÷1207
Ta apropia cu celebracion liturgico tin tendencia di xpresa su mes den e cultura di e
pueblo caminda eIglesia ta, pero sin cu e ta someti na dje. Di otro banda, liturgia mes
ta genera cultura y ta moldi’e.

÷1208
Diferente tradicion of rito liturgico, cu ta legitimamente reconoci, ta manifesta e
catolicismo di Iglesia, pasobra nan ta nifica y ta comunica e mesun misterio di Cristo.

÷1209
E criterio cu ta segura unidad memey di diversidad di tradicionnan liturgico ta fieldad
na Tradicion apostolico, kiermen e comunion den fe y sacramento ricibi di e
apostelnan, un comunion cu ta tanto significativo como garantisa pa medio di sucesion
apostolico.

÷1210
Cristo a institui sacramento di Ley Nobo. Tin shete di nan, esta: Bautismo,
Conformacion, Eucaristia, Confesion, Sant’Oleo, Ordenacion Sacerdotal y Matrimonio.
E shete sacramentonan ta toca tur fasenan y tur momento importante di bida Cristian:
nan ta duna bida y ta aumenta sanacion y mision na bida di fe Cristian. Tin anto un
cierto parecido entre e fasenan di bida natural y di esnan di bida spiritual.
÷1211
Siguiendo e analogia aki, lo splica na prome luga e tres sacramentonan di iniciacion
Cristian (prome Capitulo), despues sacramento di curacion (di dos Capitulo), por
ultimo e sacramento cu ta na servicio di e comunion y na e mision di creyente (di tres
Capitulo). Maske e orden aki no ta e unico posibel, toch e ta laga nos mira cu e
sacramentonan ta forma un organismo completo den iniciacion Cristian; cu cual cada
sacramento particular tin su mesun luga vital. Den e organismo completo aki,
Eucaristia ta ocupa un luga unico como e “sacramento di tur sacramento”: “tur e otro
sacramentonan ta ordena na dje como nan fin”.

÷1212
E sacramentonan di iniciacion Cristian; Bautismo, Confirmacion y Eucaristia, ta pone e
fundeshi di cada bida Cristian. “E participacion den naturalesa divino, duna na hende
pa medio di gracia di Cristo, tin cierto parecido na origen, na e desaroyo y na cuido di
bida natural. E fielnan ta nace di nobo pa medio di Bautismo, ta haya forsa pa medio
di sacramento di Confirmacion y ta ricibi den Eucaristia e cuminda di bida eterno.
Mediante e sacramentonan aki di iniciacion Cristian, nan ta ricibi asina, cada bes cu
mas abundancia e tesoronan di e bida divino y ta avansa na perfeccion di caridad”.

÷1213
E Santo Bautismo ta e fundeshi di henter bida Cristian, e entrada pa bida den Spirito
(“vitae spiritualis ianua”) y e porta cu ta duna acceso na e otro sacramentonan. Pa
medio di Bautismo nos ta libra di pica y ta nace di nobo como yiu di Dios; nos ta bira
miembro di Cristo, nos ta incorpora den Iglesia y ta bira participante den Su mision4:
Baptismus est sacramentum regenerationis per aquam in verbo (”Bautismo ta e
sacramento di e nacemento nobo pa medio di e awa den e Palabra”).

÷1214
E sacramento aki yama Bautismo, na e rito central pa medio di cual e ta efectu’e:
batisa (den Griego baptizein) ta nifica “sumergi” of “pone bou awa”: e
“sumergimento den awa ta simbolisa e miembro nobo su deramento den Cristo su
morto, for di cual e ta lanta pa medio di resureccion hunto cu Cristo6, como un
“criatura nobo” (2 Co 5, 7; Gal 6, 15).

÷1215
Ta yama e sacramento aki tambe e labamento di regeneracion y renobacion pa Spirito
Santo (Tt 3, 5), pasobra e ta nifica y por cierto ta trece cu ne e nacemento di awa y
di Spirito cu sin nan “niun hende no por drenta e reino di Dios” (Hu 3, 5).

÷1216
“E baño aki yama iluminacion, pasobra esnan cu ricibi e instruccion (cataketico) aki ta
ser ilumina pa nan por compronde”7. Ricibiendo den Bautismo e Palabra, “e luz
berdadero cu ta lusa cada hende” (Hu 1, 9), despues di “lusa” e persona batisa (Hb
10, 32), e ta bira un “yiu di luz” (1 Ts 5, 5), en berdad e mes ta bira “luz” (Ef 5, 8):

Bautismo ta Dios Su regalo di mas bunita y magnifico… ta yam’e e regalo, gracia,


huntamento, lusamento, bisti di incoruptibilidad, baño di renacemento y seyo. E
regalo di mas precioso. Nan ta yam’e don, pasobra e ta duna na esnan cu di nan mes
no ta aporta cu nada; gracia como cu e ta duna hasta na esun cu ta culpabel;
bautismo pasobra ta dera pica bou awa; huntamento, pasobra e ta sagrado y real
(mescos cu esnan cu ta hunta cu crisma); iluminacion, pasobra e ta briyo di luz; bisti
como cu e ta tapa nos berguensa; baño pasobra e ta laba; y seyo como cu e ta nos
guardia y e señal di soberania di Dios.

÷1217
Den liturgia di Vigilia di Pasco Grandi, durante bendicion di awa di bautismo, Iglesia
solemnementeta conmemora e gran eventonan den historia di salbacion cu ya caba
tabata prefigura e misterio di Bautismo

O Dios, na un manera milagroso bo poder invisibel ta traha den sacramento di bo


Iglesia; den curso di historia di salbacion Bo kiera haci uzo di bo criatura awa pa
emostra e graciananabundante di bautismo.

Catisashi diIglesia Catolico

÷1218
Desde comienso di mundo, awa, un creacion humilde y admirabel, tabata e fuente di
bida y di fertilidad. Santo Scritura ta bisa cu Spirito di Dios tabata “tap’e cu su
sombra”10:

Tata, na e manice mes di creacion Bo Spirito a supla riba awa, transformando e den
fuente di tur santidad.

÷1219
Iglesia a mira den e Arca di Noe un prefiguracion di salbacion pa medio di Bautismo,
pasobra ta pa medio di dje “algun, es decir, ocho persona a salba atraves di awa” (1 P
3, 20):
Tata, di e awanan di e gran diluvio Abo a haci un señal pa awa di Bautismo, cu ta
pone un fin na pica y ta pone un cumisamento nobo i bondad.

÷1220
Si awa cu ta sali for di tera ta simbolisa bida, awa di lama ta un simbolo di morto y
asina por representa e misterio di e cruz. Cu e simbolismo aki bautismo ta nifica
comunion cu morto di Cristo.

÷1221
Pero mas cu tur, e crusamento di Lama Cora, literalmente, e liberacion di Israel for di
e sclavitud di Egipto, ta anuncia e libertad gana door di bautismo:

Tata, Abo a libera e yiunan di Abraham for di e sclavitud di farao, lagando nan crusa
awa di Lama Cora sin muha, pa asina nan ta un imagen di e famia di esnan cu lo ta
batisa.

÷1222
Finalmente, Bautismo ta prefigura den crusamento di Riu Jordano pa medio di cual
Pueblo di Dios ta ricibi e regalo di e tera priminti na e descendientenan di Abraham,
un imagen di bida eterno. E promesa di e herencia aki ta cumpli den e Aliansa Nobo.

÷1223
Tur e prefiguracionnan di Aliansa Bieu ta haya nan cumplimento den Hesucristo. El a
cuminsa Su bida publico despues cu San Huan Bautista a batis’E den e Riu Jordano14.
Despues di su Resureccion Cristo ta duna Su apostelnan e mision aki: “Bay anto y di
tur nacion haci nan discipelnan, batisando nan den nomber di Tata y di Yiu y di Spirito
Santo, siñando nan pa warda tur loke Mi a manda boso haci” (Mt 28, 19-20).

÷1224
Nos Señor a somete Su mes boluntariamente na bautismo di San Huan, destina pa
pecado, pa asina “cumpli cu tur husticia”16. Hesus Su gesto ta un manifestacion “di
haci Su mes sunu”17. E Spirito cu a colga riba awa di e prome creacion, a baha e ora
ey riba Cristo como un preludio di e creacion nobo y Tata a revela Hesus como Su “Yiu
stima”.

÷1225
Den Su Pasco Cristo a habri e fuente di Bautismo pa tur hende. Ya caba El a papia di
Su Pasion, cu E tabata cla pa sufri na Herusalem, como un “Bautismo” pa cual E
mester a keda batisa19. E sanger y e awa cu a basha for di e custia perfora di Hesus
crucifica20 ta e figuranan di Bautismo y di Eucaristia, e sacramentonan di bida
nobo21. desde e momento ey, a bira posibel “pa nace di awa y di Spirito” pa asina
drenta e reino di Dios.

Mira unda bo ta batisa, mira di unda Bautismo ta bin, si no ta di e cruz di Cristo, di Su


morto. Esey ta tur e misterio: El a muri pa bo. Den djE bo ta rescata, den djE bo ta
salba.

÷1226
Desde dia di Pentecoste Iglesia a celebra y a administra Santo Bautismo. Di berdad
San Pedro a declara na e multitud conmovi pa su predicashi: “Arepenti y sea batisa
cada un di boso den nomber di Hesu Cristo pa pordon di boso picanan; y boso lo ricibi
e don di Spirito Santo” (Actonan 2, 38). E apostelnan y nan ayudantenan ta ofrece
Bautismo na ken cu a kere den Hesus: na e Hudiunan, na esnan cu ta teme Dios, na e
paganonan24. Semper ta mira Bautismo conecta cu fe: “Kere den Señor Hesus y lo bo
ta salba, abo y tur hende den bo cas”, San Pablo a declara na su cuidado di preso na
Philipi. Y e storia ta continua: y “mesora a batisa e cuidado di preso cu henter su
famia” (Act. 16, 31-33).

÷1227
Di acuerdo cu San Pablo, creyente pa medio di Bautismo ta drenta den comunion cu
Cristo Su morto, ta der’e cu nE y ta resucita cu nE:

Of ta lubida boso a lubida cu esnan cu a uni cu Cristo Hesus pa medio di bautismo, a


uni cu nE den su morto? Kiermen cu pa medio di nos bautismo nos tabata dera y a
muri hunto cu Cristo, pa mescos cu El a keda lanta for di morto pa medio di e poder
glorioso di Tata, nos tambe lo ta lanta for di morto pa biba un bida nobo” (Rm 6, 3-4).

A “rebisti cu Cristo” esnan batisa (Gal 3, 27). Mediante Spirito Santo Bautismo ta un
baño cu ta purifica, ta hustifica y ta santifica.

÷1228
P’esey Bautismo ta un baño di awa den cual “e simia inmortal” di Palabra di Dios ta
produci su efecto di duna bida27. San Agustin ta bisa di Bautismo: Accedit verbum ad
elementum, et fit sacramentum (“Ta uni palabra na elemento material y e ta bira un
sacramento”).

÷1229
Desde tempo apostolico, pa bira un Cristian por logra esey haciendo un biahe y un
iniciacion den diferente etapa. E caminda aki por hacie lihe of poco poco, pero cierto
elemento esencial semper mester ta presente: proclamacion di Palabra, aceptacion di
Evangelio cu tin como consecuencia conversion, profesamento di fe, Bautismo mes,
dramamento di Spirito Santo y admision na comunion Eucaristico.

E iniciacion aki a varia masha hopi durante siglo segun circunstancia. Den e prome
siglonan di Iglesia, e iniciacion Cristian a mira un desaroyo considerabel. Un periodo
largo di catecumenado tabata inclui un serie di rito preparativo, cual tabata marca
logro liturgico, na e caminda di e preparacion catecumenal y tabata culmina den
celebracion di sacramento di iniciacion Cristian.

÷1231
Awo cu Bautismo di mucha chikito a bira e forma den cual ta celebra e sacramento aki
normalmente, esaki a bira un acto unico cu ta integra na un manera masha corto e
etapanan prome cu iniciacion Cristian. Pa su mesunnaturalesa batisamento di mucha
chikito ta exigi uncatecumenado despues di bautismo. No solamente tin un necesidad
pa instruccion despues di Bautismo, pero tambe esaki ta necesario pa gracia di
bautismo por florece den crecemento personal. Esaki ta momento propio di catisashi.

÷1232
Concilio Vaticano II a restaura pa Iglesia Latin “e catecumenado pa adulto, parti den
diferente etapa”29. Por haya e ritonan pa e etapanan aki den e Ordo initiationis
christianae adultorum (1972). E Concilio tambe ta duna permiso pa: “den pais
misionero, adicional na locual ta prescribi pa tradicion Cristian, por admiti elemento
di rito di iniciacion, cual ya ta den uzo entre cierto pueblo, basta cu por adapt’e na
ritual Cristian”.

÷1233
Awendia den tur rito, latino y oriental, iniciacion Cristian di adulto ta cuminsa cu
entrada den e catecumenado y ta culmina den un solo celebracion di e tres
sacramentonan di iniciacion: Bautismo, Confirmacion y Eucaristia31. Den rito oriental
iniciacion di mucha chikito tambe ta cuminsa cu Bautismo inmediatamente sigui pa
Confirmacion y Eucaristia, mientras cu den rito Romano ta sigui añanan di catisashi
prome cu complet’e mas despues pa Eucaristia, culminacion di iniciacion Cristian.

Mistagogia di celebracion

÷1234
Por mira sentido y gracia di sacramento di Bautismo claramente den rito di su
celebracion. Siguiendo gesto y palabra di e celebracion aki cu un participacion atento,
ta inicia e creyentenan den rikesa cu e sacramento aki ta nifica y berdaderamente ta
efectua den cada persona nobo batisa.

÷1235
E señal di cruz, na cuminsamento di celebracion, ta marca cu imprenta di Cristo, esun
cu ta bay pertenece na djE y ta nifica gracia y redencion cu Cristo a gana pa nos pa
medio di Su cruz.

÷1236
E proclamacion di Palabra di Dios ta ilumina candidato y asamblea cu e berdad revela
y ta causa aclamacion di fe, cual ta inseparabel di Bautismo. En berdad, Bautismo ta
“sacramento di fe” den un forma particular, ya cu e ta entrada sacramental den bida
di fe.

÷1237
Ya cu Bautismo ta nifica liberacion di pica y di su instigado, diabel, ta pronuncia un of
mas exorcismo riba e candidato. E celebrante despues ta hunt’e cu azeta di
catecumeno, of ta pone su man riba dje y explicitamente e ta renuncia satanas. Di e
manera aki prepara, e por profesa e fe di Iglesia, na cual ta confi’e pa medio di
Bautismo.

÷1238
E awa di bautismo e ora ta consagra pa un oracion di epiclecis (sea na e momento aki
mes of na Vigilia di Pasco Grandi). Iglesia ta pidi Dios si pa medio di Su Yiu e poder di
Spirito Santo por baha riba e awa, pa asina esnan cu batisa den dje por “nace di awa y
di Spirito” (Hu 3, 5).
÷1239
E rito esencial di sacramento ta sigui: miho bisa: Bautismo. E ta nifica y
berdaderamente ta efectua morto pa pica y entrada den bidadi Santisimo Trinidad pa
medio di configuracion na Misterio Pascual di Cristo. Ta efectua Bautismo den su
manera masexpresivo pa un tripel baymento bou awa. Pero ya desde tempo antiguo
por a realis’e bashando awa tres biaha ribacabez di e candidato.

Catisashidi IglesiaCatolico

÷1240
Den Iglesia Latin ta acompaña e tripel bashamento di awa aki pa e sacerdote su
palabranan: “N., mi ta batisa bo den nomber di Tata y di Yiu y di Spirito Santo”. Den
liturgia oriental e catecumeno ta bira cara pa oriente y e sacerdote ta bisa: “E sirbido
di Dios, N., ta batisa den nomber di Tata y di Yiu y di Spirito Santo”. Mientras e ta
invoca cada persona na Santisimo Trinidad, sacerdote ta hinca e candidato bou awa y
ta sac’e atrobe.

÷1241
E huntamento cu crisma sagrado, azeta perfuma y consagra pa obispo, ta nifica regalo
di Spirito Santo na esun cu a caba di batisa, kende a bira un Cristian, esta, uno
“hunta” pa Spirito Santo, incorpora den Cristo, kende ta hunta como acerdote,
profeta y rey.

÷1242
Den liturgia di Iglesia oriental, huntamento despues di Bautismo ta e sacramento di
Crismacion (Confirmacion). Den liturgia Romano huntamento despues di Bautismo ta
anuncia e di dos huntamento cu crisma sagrado cu mas despues obispo lo efectua:
Confirmacion, cual lo “confirma” y completa e huntamento di bautismo.

÷1243
E paña blanco ta un simbolo cu e persona batisa a “rebisti su mes cu Cristo” (Gal 3,
27): el a resucita cu Cristo. E bela, sendi for di bela di Pasco, ta nifica cu Cristo a
ilumina esun cu a caba di acepta fe. Den djE esnan batisa ta “luz di mundo” (Mt 5,
14)35. Esun recien batisa awo ta den e unico Yiu, un yiu di Dios cu tin derecho di resa
e oracion di yiunan di Dios: Nos Tata.
÷1244
Prome Santa Comunion. Awo cu neofito (esun cu a caba di acepta fe) a bira yiu di Dios
rebisti cu e paña di casamento, e ta admiti na “e cena di casamento di e Lamchi” y e
ta ricibi e cuminda di bida nobo, Curpa y Sanger di Cristo. Iglesia oriental ta mantene
un conscientisacion bibo di union di iniciacion Cristian dunando Santo Comunion na tur
esnan recien batisa y confirma, hasta na mucha chikito, recordando palabra di Señor:
“Laga mucha bini cerca mi, no stroba nan” (Mc 10, 14). Iglesia Latin, cu ta reserva
admision na Santo Comunion, na esnan cu a yega edad di razonamento, ta expresa
orientacion di Bautismo na Eucaristia door di laga nan trece chikitin recien batisa na
altar pa oracion di Nos Tata.

÷1245
E bendicion solemne ta conclui e celebracion di Bautismo. Na Bautismo di esnan
recien naci e bendicion di mama ta ocupa un luga special.

÷1246
“Por batisa solamente tur persona cu no ta batisa ainda”.

÷1247
Desde cuminsamento di Iglesia, Bautismo di hende grandi ta un practica comun na
unda e proclamacion di Evangelio ainda tabata nobo. P’esey e catecumenado
(preparacion pa Bautismo) tin un luga importante. E iniciacion aki den fe y den bida
Cristian lo mester haci capaz pa ricibi e regalo di Dios den Bautismo, den
Confirmacion y den Eucaristia.

÷1248
E catecumenado of formacion di catecumenonan, tin como meta pa laga nan
conversion y nan fe madura, como contesta na iniciativo divino y den union cu un
comunidad eclesiastico. Ta trata di “un formacion den bida Cristian completo…
durante cual discipel lo uni cu Cristo su maestro. E catecumenonan mester ta bon
prepara den misterio di salbacion y den practica dje virtud evangelico y mester ta
introduci den bida di fe, di liturgia y di caridad di Pueblo di Dios, pa medio di rito
sagrado consecutivamente”.
÷1249
E catecumenonan “ya caba a uni nan mes na Iglesia, ya nan ta pertenece na hogar di
Cristo y hopi biaha ya caba nan ta bibando un bida di fe, di speransa y di caridad”38.
“Cu amor y preocupacion mama Iglesia ya caba ta brasa nan como su mesun yiunan”.

÷1250
Naci cu un naturalesa humano cu a cay y mancha door di pica original, mucha chikito
tambe mester nace di nobo den Bautismo40, pa asina libra nan di poder di scuridad y
trece nan den reino di libertad di yiu di Dios41, na cual ta yama tur ser humano. Cu ta
ricibi e gracia di salbacion completamente pornada ta sali na cla particularmente den
Bautismo di mucha chikito. Iglesia y e mayornan lo ta nengando un mucha e gracia
precioso di por bira un yiu di Dios, si nan no batisa e mucha djis despues di su
nacemento.

÷1251
Mayornan Cristian lo reconoce cu e practica aki ta di acuerdo tambe cu nan papel
como cuidado di bida cu Dios a confia den nan man.

÷1252
E practica di Bautismo di mucha ta un tradicion di Iglesia. Tin testimonio explicito di e
practica aki desde siglo II y por ta bien posibel cu, desde cuminsamento di
predicamento apostolico, na unda “hogarnan” completo a ricibi Bautismo44, lo a
batisa mucha chikito tambe.

÷1253
Bautismo ta sacramento di fe46. Pero fe mester di un comunidad di creyente. Ta
solamente den fe di Iglesia cada fiel por kere. Fe rekeri pa Bautismo no ta un fe
perfecto y madura, ma e ta un comienso cu ta yama pa bay desaroya. Ta puntra e
catecumeno of e padrino: “Kico bo ta pidi Iglesia di Dios?” E contesta ta: “Fe!”

÷1254
Pa tur esnan batisa, sea mucha of adulto, fe tin di crece despues di Bautismo. Pa e
motibo aki Iglesia cada aña ta celebra durante Vigilia di Pasco Grandi, renobacion di e
promesanan di bautismo. E preparacion pa Bautismo solamente ta duna guia te na
drempel di bida nobo. Bautismo ta fuente di bida nobo den Cristo, for di kende henter
e bida Cristian ta brota.
÷1255
Pa gracia di Bautismo por desaroya ayudo di e mayornan ta masha importante. Mescos
tambe e papel di padrino of madrina, kende mester ta creyente firme, apto y cla pa
yuda esun recien batisa, tanto mucha como adulto, riba e caminda di bida Cristian47.
Nan tarea ta un berdadero funcion eclesiastico (officium)48. Henter comunidad
eclesiastico ta carga cierto responsabilidad pa desaroyo y seguridad di gracia duna dia
di Bautismo.

÷1256
administradonan comun di Bautismo ta obispo y pastor y den Iglesia Latin, tambe
diacono49. Den caso di urgencia, cada ken, hasta un persona cu no ta batisa, ma cu
tin e intencion rekeri, por batisa hende uzando formula di Bautismo di Santisimo
Trinidad. E intencion rekeri ta: kier haci loke Iglesia ta haci na ora di batisamento.
Iglesia ta busca e rason di e posibilidad aki den e boluntad universal di Dios pa salba50
y e necesidad di Bautismo pa salbacion.

÷1257
Señor mes ta afirma cu Bautismo ta necesario pa salbacion52. P’esey tambe El a
manda Su discipelnan bay proclama Evangelio

na tur nacion y pa batisa nan53. Bautismo ta necesario pa salbacion di esnan na kende


a proclama Evangelio y kende tabata tin e posibilidad di pidi pa e sacramento aki54.
Iglesia no conoce niun otro manera sino Bautismo cu ta sigura entrada den felicidad
eterno: p’esey Iglesia ta cuida pa e no neglisha e mision cu el a ricibi di Señor, esta pa
percura pa tur esnan cu por batisa ta “renaci di awa y Spirito”. Dios a mara salbacion
na sacramento di Bautismo, pero su salbacion no ta mara na Su sacramentonan.

÷1258
Iglesia semper a tene firmemente na e conviccion cu esnan cu muri pa causa di nan fe
sin cu nan a ricibi Bautismo ta batisa pa nan morto pa y cu Cristo. E Bautismo di
sanger aki, mescos cu e deseo pa haya Bautismo, ta produci fruta di Bautismo sin cu e
ta un sacramento.

÷1259
E catecumenonan cu muri prome cu nan Bautismo, nan deseo ferviente pa ricibi esaki,
hunto cu nan arepentimento pa nan picanan y nan caridad, ta sigura nan cu nan ta
haya salbacion cu nan no por a ricibi pa medio di sacramento.

÷1260
“Desde cu Cristo a muri pa tur hende e vocacion ultimo di hende ta e mesun, esta e
vocacion divino. Nos ta kere cu Spirito Santo ta ofrece na tur hende e posibilidad di ta
participe na un manera conoci pa Dios so, na e misterioPascual”55. Cualkier hende cu
no conoce Evangelio di Cristo y di Su Iglesia, pero ta busca e berdad y ta haci e
boluntad di Dios di acuerdo cu su conocemento di dje, por salba. Por supone cu un
persona asina lo a desea Bautismo sigur si e tabata conoce su necesidad.

÷1261
Loke ta trata e muchanan kende nan a muri sin haya Bautismo, Iglesia unicamente por
confia nan na misericordia di Dios, manera Iglesia ta haci den su rito di entiero pa
nan. En berdad, e gran misericordia di Dios kende ta desea pa tur hende ta salba56 y
Hesucristo Su ternura pa mucha, loke a pon’E bisa: “Laga e muchanan bin cerca Mi,
no stroba nan” (Marc 10, 14), ta permiti nos confia cu tin un manera di salbacion pa
mucha cu muri sin cu nan a batisa. Ta p’esey ta mas urgente ainda e yamada di Iglesia
pa no preveni mucha chikito di bin cerca Cristo pa medio di e don di santo Bautismo.

÷1262
Ta aclarea diferente efecto di Bautismo door di elemento sensibel di rito
sacramental. Sakmento bou awa ta simbolisa no solamente morto y purificacion, sino
tambe regeneracion y renobacion. Pues e dos efectonan principal ta purificacion di
pica y nacemento nobo den Spirito Santo

÷1263
Pa medio di Bautismo tur pica ta pordona, e pica original

y e picanan personal, mescostambe tur castigo pa causa di pica58. Den esnan cu a


renace nada no ta resta cu por impedi nan entrada den e Reino di Dios, ni Adam su
pica, ni pica personal, tampoco consecuencia di pica, di cual esun mas pio ta
separacion di Dios.

÷1264
Mester bisa si cu cierto consecuencia di pica temporalmente ta keda den esun batisa,
esta por ehempel sufrimento, malesa, morto y debilidad inherente na bida manera,
esun di caracter etc., como tambe inclinacion pa peca cu Tradicion ta yama
concupiscencia, of “fomes peccati” (e tendencia pa haci pica): ya cu concupiscencia
“ta poni pa nos lucha cu ne, e no por causa daño na esun cu no ta consenti, pero cu
fuertemente ta resistie pa gracia di Hesucristo”. En berdad, ‘no por corona un atleta,
si e no ompeti segun regla’ (2 Tim 2, 5)”.

÷1265
Bautismo no solamente ta purifica e recien batisa di tur pica, pero tambe e ta hacie
“un criatura nobo”, un yiu adopta di Dios60, kende a bira un “participe den
naturalesa divino”61 (2 Co 5, 17), un miembro di Cristo62 y co-heredero cu nE63 y un
tempel di Spirito Santo.

÷1266
Santisimo Trinidad ta duna esun batisa e gracia santificante, e gracia di hustificacion
cu:

- ta hacie kere den Dios, carga speransa den dj’E, stim’E pa medio di virtud teologal;

- ta dun’e e poder pa biba y actua bou guia di Spirito Santo mediante don di Spirito
Santo;

- ta permitie crece den bondad pa medio di virtud moral;

Asina henter organismo di bida spiritual Cristian tin su rais den Bautismo.

÷1267
Bautismo ta haci nos miembro di Curpa di Cristo: “P’esey… nos ta miembro di otro”
(Ef 4, 25). Bautismo ta incorpora nos den Iglesia. Di fuente di Bautismo ta nace un
Pueblo di Dios di Aliansa Nobo, cu ta surpasa tur limite tanto natural como humano di
tur nacion, cultura, rasa y sexo; “Pasobra nos tur ta batisa pa un Spirito y den un
Curpa” (1 Co 12, 13).

÷1268
Esnan batisa a bira “piedra bibo” pa ”traha un cas spiritual cu nan, pa nan ta un
sacerdocio santo” (1 P 2, 5). Pa medio di Bautismo nan ta comparti den sacerdocio di
Cristo, den Su mision profetico y real. Nan ta “un rasa scogi, un sacerdocio real, un
nacion santo, Dios Su mesun pueblo, cu por declara hecho milagroso di djE kende a
yama nan for di scuridad pa drenta den Su luz maraviyoso” (1 P 2, 9). Bautismo ta
laga esun batisa participa den sacerdocio comun di fiel.

÷1269
Awo cu el a bira miembro di Iglesia, e persona batisa no ta pertenece na su mes
mas65, ma na Esun kende a muri y a resucita pa nos66. Djawo pa dilanti e ta yama pa
ta na ordo di e otronan67, pa sirbi nan68 den e comunidad di Iglesia y pa “obedece y
ta someti” na lider di Iglesia,69 tratando nan cu respet y afeccion70. Mescos cu
Bautismo ta fuente di responsabilidad y di tarea, esun batisa tambe ta disfruta di
derecho den Iglesia; pa ricibi e otro sacramentonan; pa alimenta nan pa Palabra di
Dios y pa ta sosteni pa e otro ayudonan spiritual di Iglesia.

÷1270
“Renaci como yiu di Dios, esnan batisa mester profesa dilanti tur hende e fe cu nan a
ricibi di Dios pa medio di Iglesia”72 y participa den actividad apostolico y misionero di
Pueblo di Dios.

÷1271
Bautismo ta constitui dje fundeshi di e union entre tur Cristian, incluso esnan kende
ainda no ta den comunion completo cu Iglesia Catolico: “Pasobra hende cu ta kere
den Cristo y a batisa na un manera apropia ta den un cierto comunion, aunke
imperfecto, cu Iglesia Catolico… hustifica pa fe den Bautismo nan ta incorpora den
Cristo; p’esey nan a haya derecho pa ta yama Cristian y cu rason nan ta acepta como
ruman pa yui di Iglesia Catolico”74. “P’esey Bautismo ta constitui convenio
sacramental dje union cu ta existi entre tur esnan kende pa medio di dje ta renaci”.

÷1272
Incorpora den Cristo pa medio di Bautismo, esun batisa ta configura cu Cristo.
Bautismo ta seya e Cristian cu marca76 (caracter) spiritual cu no por kita mas, di su
pertenencia na Cristo. Ningun pica por kita e marca aki, ni maske cu pica impedi
Bautismo di carga fruta di salbacion77. Duna un biaha pa semper, no por ripiti
Bautismo.

÷1273
Incorpora den Iglesia pa Bautismo, fielnan a ricibi e caracter sacramental cu ta
consagra nan pa culto religioso Cristian78. Seyo di Bautismo ta haci Cristian capaz y ta
compromete pa sirbi Dios pa medio di un participacion vital den santo Liturgia di
Iglesia y pa eherce sacerdocio di bautismo mediante testimonio di un bida santo y di
un caridad eficiente.

÷1274
Spirito Santo a marca nos cu seyo di Señor (Dominicus character)80, “pa dia di
redencion” (Ef 4, 30)81. “Bautismo berdaderamente ta seyo di bida eterno”82. E fiel
kende a “tene e seyo” te na fin, kiermen, kedando fiel na exigencia di su Bautismo lo
por sali di e bida aki “marca cu e señal di fe”83, cu su fe di bautismo, den
expectativa di e vision feliz di Dios – e cumplimento di fe – y den speransa di
resureccion.

÷1275
Ta realisa iniciacion Cristian door di tres sacramento hunto: Bautismo cual ta e
comienso di un bida nobo; Confirmacion cual ta su forsa y Eucaristia cual ta alimenta
e discipel cu Cristo Su Curpa y Sanger pa su transformacion den Cristo.

÷1276
“Bay anto y haci e hendenan den tur nacion mi discipel: batisa nan den nomber di
Tata, di Yiu y di Spirito Santo y siña nan cumpli cu tur loke Mi a manda boso” (Mt 28,
19-20).

÷1277
Bautismo ta e nacemento den bida nobo den Cristo. Segun Señor Su boluntad, e ta
necesario pa salbacion, mescos cu Iglesia mes, den cual nos ta drenta pa medio di
Bautismo.

÷1278
Rito esencial di Bautismo ta consisti di baymento bou awa di e candidato of di basha
awa riba su cabez, pronunciando alabes invocacion di Santisimo Trinidad; Tata, Yiu y
Spirito Santo.

÷1279
E fruta di Bautismo, of e gracia di Bautismo, ta un realidad rico cu ta inclui; pordon di
pica original y di tur pica personal; nacemento den e bida nobo, loke ta haci esun
batisa bira un yiu adopta di Tata, un miembro di Cristo y un tempel di Spirito Santo.
Pa e simpel hecho aki e persona batisa ta keda incorpora den Iglesia, e Curpa di Cristo
y ta bira un participante den e sacerdocio di Cristo.

÷1280
Bautismo ta imprimi riba alma un señal spiritual cu no por kita mas, e marca
(caracter), cual ta consagra e persona batisa pa culto Cristian. Pa via di e marca aki
no por ripiti Bautismo.

÷1281
Esnan cu muri pa motibo di fe, esnan cu ta catecumeno y tur esnan cu, sin conoce
Iglesia, pero ta actua bou inspiracion di gracia, cu ta busca Dios sinceramente y ta
trata na cumpli cu Su boluntad, por salba maske cu nan no a batisa.

÷1282
Desde e tempo antiguo, Bautismo a ser duna na mucha chikito, pasobra e ta un gracia
y un regalo di Dios cu di antemano no ta rekeri niun merito humano; ta batisa mucha
den e fe di Iglesia. Entrada den e bida Cristian ta duna acceso na libertad berdadero.

÷1283
Cu respet pa e muchanan cu a muri sin a haya Bautismo, e liturgia di Iglesia ta
combida nos pa confia nan den Dios Su misericordia y pa resa pa nan salbacion.

÷1284
Den caso di emergencia, cualkier persona por batisa un otro basta cu e tin e intencion
di haci loke Iglesia ta haci y basta cu e basha e awa riba e cabez di e candidato
bisando: “Mi ta batisa bo den nomber di Tata, di Yiu y di Spirito Santo”.

÷1285
Cu Bautismo y Eucaristia, sacramento di Confirmacion hunto ta forma e “sacramento
di iniciacion Cristian”, di cual e union mester keda salbaguardia. Mester keda bon
splica na fiel cu ricibimento di sacramento di Confirmacion ta necesario pa completa
gracia di Bautismo86. Pasobra “pa medio di sacramento di Confirmacion, esnan batisa
ta mara na Iglesia na un manera mas perfecto y ta enrikece cu un forsa special di
Spirito Santo. Tambe, como testigo berdadero di Cristo, nan ta mas fuertemente
obliga na extende y defende fe pa palabra y hecho”.

÷1286
Den Testament Bieu profeta a anuncia cu Spirito di Señor lo ta descansa riba esun cu
ta sperando riba e Mesias88 Su mision di salbacion89. Bahamento di Spirito Santo riba
Hesus na Su bautismo door di San Huan Bautista tabata e señal cu esaki tabata Esun
kende mester a bin, E Mesias, e Yiu di Dios90. E tabata concebi pa Spirito Santo; Su
bida completo y henter Su mision ta keda realisa den un union total cu Spirito Santo,
cual Tata a dun’E “sin midi” (Hu 3, 34).

Catisashi di IglesiaCatolico

÷1287
Asina ta, e plenitud aki di Spirito no tabata pa keda unicamente den Mesias, sino
tabata pacomunic’e na henter e pueblo Mesianico91. Na diferente ocasion Cristo a
priminti ebashamento aki di Spirito92, un promesa cu cual El a cumpli riba e prome
diadomingo di Pasco93 ydespues naun manera mas impresionante riba dia
diPentecoste94. Yena di Spirito Santo e apostelnan a cuminsa proclama “e obranan
maraviyoso di Dios” (Hch 2, 11) y Pedro a declara e dramamento di Spirito aki como
un señal di era mesianico95. Esnan cu a kere den e predicashi apostolico y a keda
batisa a ricibi na nan turno “don di Spirito Santo” (Act 2, 38).

÷1288
“Desde e tempo ey e apostelnan, cumpliendo cu Cristo Su boluntad, a traspasa na
esnan recien batisa mediante e ponementodi man, e don di Spirito Santo cual ta
completa gracia di Bautismo96. Ta pa e motibo aki den e carta na e Hebreunan e
doctrina concerniendo Bautismo y ponemento di man ta poni entre e prome
elementonan di e iniciacion Cristian97. E ponemento di man ta hustamente reconoci
pa tradicion Catolico como origin di sacramentodi Confirmacion, cual den cierto
forma ta haci gracia di Pentecoste keda pa semper den Iglesia”.

÷1289
Masha tempran, pa profundisa mas miho e nificacion di e don di Spirito Santo, a
agrega un huntamento cu azeta perfuma (crisma) na e ponemento di man. E
huntamento aki ta ilustra e nomber “Cristian”, cu ta nifica “esun hunta” y cu ta
deriva di Cristo mes kende Dios “a hunta cu Spirito Santo” (Act 10, 38). E rito dje
huntamento aki desde e tempo ey a continua, tanto na oriente como na occidente. Pa
e motibo aki Iglesia Oriental ta yama e sacramento aki crismacion, hunta cu crisma of
cu myron loke ta nifica “crisma”. Na occidente, e terminologia Confirmacion ta sugeri
cu e sacramento aki na mesun instante ta confirma Bautismo y ta fortifica gracia di
Bautismo.

÷1290
Den e prome siglonan Confirmacion generalmente tabata consisti di un solo
celebracion hunto cu Bautismo, formando un “sacramento dobel”, segun expresion di
San Cipriano. Pa diferente motibo, multiplicacion di batisamento di mucha durante
henter aña, aumento di parokia pafo di ciudad y crecemento di diocesis hopi biaha a
impedi obispo di por ta presente na tur celebracion di bautismo. Na occidente e deseo
pa reserva na Obispo e acto di duna plenitud na Bautismo, a causa un separacion
temporario di e dos sacramentonan. Oriente a tene nan uni, asina ta cu ta duna
Confirmacion dor di e pastor kende ta batisa tambe. Ma e por haci esaki solamente cu
e “myron” consagra door di Obispo.

÷1291
Un custumber di Iglesia Romano a facilita desaroyo di practica occidental; esta un
huntamento dobel cu crisma sagrado despues di Bautismo. Tabata haci prome
huntamento di nobato converti saliendo for di baño di bautismo door di sacerdote;
tabata complet’e pa un di dos huntamento riba frenta di e recien batisa door di
obispo100. E prome huntamento cu crisma santo door di sacerdote, a keda mara na
ritual di Bautismo: e ta nifica e participacion di esun batisa den funcion di Cristo
como profeta, sacerdote y rey. Si a duna Bautismo na un adulto, ta un huntamento
despues di Bautismo so tin, esta esun di Confirmacion.

÷1292
E practica di Iglesia Oriental ta duna un enfasis mayor na union di iniciacion Cristian.
Esun di Iglesia Latino ta expresa mas cla e comunion di e Cristian nobo cu obispo como
wardado y sirbido di unidad di Iglesia, di catolicismo y apostolado di su Iglesia y den e
consecuencia cu origen apostolico di Iglesia di Cristo.

÷1293
Den tratamento di ritual di confirmacion, ta conveni pa considera señal di
huntamento y kico e ta nifica y ta imprimi: esta seyo spiritual.Huntamento, den
simbolismo biblico y den esun antiguo, ta yen di nificacion: azeta ta un señal di
abundancia101 y di alegria102; e ta haci limpi (huntamento prome y despues di un
baño) y e ta haci capaz (huntamento di atleta y di luchado): ta un señal di curamento,
como cu e ta suavisa golpi y herida103 y e ta haci hende radia di beyesa, salud y di
forsa.

÷1294
Huntamento cu azeta tin tur e nificacionnan aki den bida sacramental. E huntamento
prome cu Bautismo cu azeta di catecumenonan ta nifica limpiesa y fortificacion:
huntamento di esnan malo ta expresa sanacion y consuelo. Huntamento despues di
Bautismo cu e crisma sagrado durante Confirmacion y Ordenacion ta señal di
consagracion. Pa medio di Confirmacion Cristian, esey ta, esnan cu ta hunta, ta
comparti na un manera mas completo den e mision di Hesucristo y den plenitud di
Spirito Santo di cual e ta yena, pa asina nan bida por plama “e aroma di Cristo” (2 Co
2, 15).

÷1295
Mediante e huntamento aki confirmante ta ricibi e “marca”, seyo di Spirito Santo. Un
seyo ta simbolo di un persona104, un señal105 di autoridad personal, of di ta doño di
un obheto106. P’esey antes e soldanan tabata marca cu seyo di nan lider y esclavo cu
esun di su doño. E seyo ta haci cu un acto107 of un documento huridico ta
autentico108 y si tin mester ta lag’e bira secreto.

÷1296
Cristo mes a declara cu E tabata marca cu seyo di Su Tata110. Cristian tambe ta
marca cu un seyo: “Ta Dios mes ta sigura tanto nos como boso di e bida cu nos tur tin
den union cu Cristo. T’E mes a consagra nos, seya nos como su propiedad y pone
Spirito Santo den nos curason como garantia di tur loke E lo bay duna nos” (2 Co 1,
21-22)111. E seyo aki di Spirito Santo ta marca cu nos ta pertenece totalmente tanto
na Cristo, na nos drentamento den Su servicio pa semper, como na e promesa di
proteccion divino na e husgamento final.

÷1297
Consagracion di crisma santo ta un acto importante cual ta tuma luga prome cu e
celebracion di Confirmacion, cu den cierto sentido ta forma parti di dje. Ta obsipo ta
esun, kende durante di Misa Crismal di Diahuebs Santo, ta consagra crisma santo pa
henter su diocesis. Den algun Iglesia Oriental e consagracion aki ta reserva pa e
patriarca:

E liturgia di Antioquia ta expresa e epiclesis di consagracion di crisma santo (myron)


di e forma aki: “(Tata… manda Bo Spirito Santo) riba nos y riba e azeta aki cual ta nos
dilanti y consagr’e, pa asina e por ta pa tur cu lo ta hunta y marca cu ne, e myron
sagrado, e myron sacerdotal, e myron di rey, uncion di alegria, bisti di luz, e trahe di
salbacion, e don spiritual, e santificacion di alma y di curpa, e felicidad cu no ta caba
nunca, e seyo cu no por kita, e escudo di fe, e escudo fuerte contra tur trabou di
enemigo”.

÷1298
Ora celebra confirmacion separa di bautismo, manera ta e caso den Ritual Romano,
Liturgia di Confirmacion ta cuminsa cu renobacion di promesa di Bautismo y
primintimento di fe pa confirmante. Esaki ta mustra claramente cu confirmacion ta
bin despues di Bautismo114. Ora ta batisa adulto, inmediatamente e ta ricibi
Confirmacion y e ta participa den Eucaristia.

÷1299
Den Ritual Romano obispo ta extende su mannan riba henter e grupo dje
confirmantenan. Desde e tempo dje apostelnan e gesto aki a nifica e don di Spirito
Santo. Obispo ta invoca e dramamento di Spirito Santo cu e siguiente palabranan:

Dios Todopoderoso, Tata di nos Señor Hesucristo,Pa medio di awa y di Spirito SantoBo
a libra bo sirbidonan aki di picaY a duna nan bida nobo.Manda Bo Spirito Santo riba
nanPa E ta nan ayudo y guia.Duna nan e spirito di sabiduria y di inteligenciaE spirito di
conseho y di fortalesa,E spirito di conocemento y di temor di Dios.Esaki nos ta pidi pa
medio di Cristo nos Señor.

÷1300
Awo ta sigui e rito esencial di sacramento. Den e rito Latin, “e sacramento di
Confirmacion ta wordo administra door di hunta crisma riba e frenta, esaki ta wordo
haci cu ponemento di man riba cabes y pa medio di e palabranan: Accipe signaculum
doni Spiritus Sancti (‘Ricibi pa e señal aki e don di Spirito Santo’)117. Den Iglesia
Oriental di rito Bizantino, despues di oracion di epiclesis, ta hunta e partinan mas
significativo di e curpa cu myron: frenta, wowo, nanishi, horea, lip, pecho, lomba,
man y pia. Cada huntamento ta acompaña pa e formula (Signaculum doni Spiritus
Sancti): “E seyo di don di Spirito Santo”.

÷1301
E señal di paz cu cual ta conclui e ritual di e sacramento ta nifica y ta demostra e
comunion eclesiastico cu obispo y cu tur fiel.
÷1302
Di e celebracion por deduci cu e efecto di sacramento di confirmacion ta dramamento
di Spirito Santo, manera prome aya, riba dia di Pentecoste Spirito a baha riba e
Apostelnan.

Pa e motibo aki, confirmacion ta duna crecemento y profundidad na e gracia di


bautismo:

- e ta haci cu nos ta ancra nos mes mas profundo den filiacion divino cu ta pone nos
bisa “Abba, Tata” (Rm 8, 15);

- e ta uni nos mas firme cu Cristo;

- e ta aumenta donnan di Spirito Santo den nos;

- e ta perfecciona nos laso cu Iglesia119;

- e ta concede na nos un forsa special di Spirito Santo pa plama y defende nos fe pa


medio di palabra y hecho como testigo berdadero di Cristo, pa profesa cu balentia
Nomber di Cristo, pa nunca sinti berguensa di e cruz.

Corda pues, cu abo a ricibi e signo spiritual, e Spirito di sabiduria y inteligencia, e


Spirito di conseho y di fortalesa, e Spirito di conocemento y di piedad, e Spirito di un
temor santo. Cuida loke bo a ricibi. Tata Dios a marca bo cu su signo, Cristo Señor a
confirma bo y a pone den bo curason e prenda di Spirito.

÷1304
Ta duna Confirmacion, mescos cu Bautismo, solamente un biaha so. Confirmacion
indudablemente ta imprimi un marca spiritual denalma cu hamas por kita, e
“caracter”122, cu ta mustra cu Hesucristo a marca e Cristianaki cu e signo di su
Spirito door di yen’e cu forsa cu ta bin djaribapa ta sutestigo.

Catisashi di IglesiaCatolico

÷1305
E “caracter” ta perfecciona e sacerdocio comun di creyente cu el a ricibi pa medio di
Bautismo y “esun cu a confirma ta ricibi poder di profesa fe den Cristo publicamente y
comosifuera oficialmente (quasi ex officio)”.
÷1306
Tur persona batisa y cu ainda no a confirma por y mester ricibi sacramento di
Confirmacion125. Ya cu Bautismo, Confirmacion y Eucaristia ta forma un union,
consecuentemente “e creyentenan tin e deber di ricibi e sacramento aki na e
momento apropia”126, pasobra sin Confirmacion y Eucaristia, sacramento di Bautismo
sigur ta valido y eficaz, pero iniciacion Cristian ta keda incompleto

÷1307
E tradicion Latin for di siglo caba ta indica “e edad cu hende por rasona” como punto
di referencia pa ricibi sacramento di Confirmacion. Sinembargo, si tin peliger di
morto, mester confirma mucha tambe, ni maske e no a alcansa edad cu e mes por
rasona.

÷1308
Aunke tin biaha ta yama Confirmacion e “sacramento di madurez Cristian”, nos no
mester confundi fe adulto cu e edad adulto di crecemento natural. Tampoco por
lubida cu gracia di Bautismo ta un gracia a base di a eligi libremente y sin merito, cu
no tin mester di un “ratificacion” pa e bira efectivo. San Tomas ta recorda nos di
esaki:

Edad di curpa no ta consisti di un prehuicio di alma. Edad di curpa riba su mes no ta


determinante pa e alma. T’asina cu hende, hasta den su infancia, por ricibi
perfeccion di edad spiritual cu Sabiduria (4, 8) ta papia di dje: ‘behes no ta honra pa
largura di tempo, tampoco midi na cantidad di aña’. Cantidad di mucha, pa medio di
forsa di Spirito Santo cu nan a ricibi, a lucha balentemente y hasta a drama nan
sanger pa Cristo.

÷1309
Preparacion pa Confirmacion mester in como meta, conduci e Cristian na un union
mas intimo cu Cristo, y un confidencialidad mas bibo cu Spirito Santo – su accionnan,
su donnan y su yamadanan – pa por asumi miho e responsabilidadnanapostolico di bida
Cristian. Pa logra esaki catakesis pa Confirmacion mester haci esfuerzo pal anta un
sentido di ta pertenece tanto na Iglesia di Hesucristo, e Iglesia universal como tambe
na e comunidad parokial. E ultimo aki tin un responsabilidad particular den
preparacion di esnan c uta bay confirma.
÷1310
Pa ricibi Confirmacion mester ta den estado di gracia. Ta bon pa confesa pa keda
limpi di pica, pa ricibi e don di Spirito Santo. Un bida di oracion mas intenso mester
prepara e Cristian pa ricibi forsa y gracia di Spirito Santo cu mansedumbre y dispuesto
pa actua.

÷1311
Ta apropia cu candidatonan pa Confirmacion ta busca sosten spiritual di un padrino of
madrina, manera ta den caso ora di Bautismo. Lo ta bon si esaki ta un di e padrinonan
di Bautismo pa mustra bon cla e unidad di tur dos sacramento.

÷1312
E administrado original di Confirmacion ta obispo132. Na oriente ta custumber cu
mesun pastor cu ta batisa tambe ta confirma, di biaha durante mesun celebracion.
Sinembargo e ta haci esaki cu e crisma sagrado cu patriarca of obispo a bendiciona,
loke ta expresa unidad apostolico di Iglesia di cual e lasonan ta reforsa pa sacramento
di Confirmacion. Den Iglesia Latin ta aplica mesun disciplina durante Bautismo di
adulto of ora un persona batisa den un otro comunidad Cristian cu no tin Confirmacion
valido wordo admiti den comunion pleno cu Iglesia.

÷1313
Den rito Latin, e administrado normal di Confirmacion ta obispo134. Aunke obispo
por, pa motibo grave, duna un sacerdote autoridad pa duna sacramento di
Confirmacion135, lo ta mucho mas na su luga pa e mes efectua e sacramento aki, pa
motibo di nificacion di e sacramento aki. Mester corda cu ta netamente pa e motibo
aki a separa Confirmacion for di Bautismo. Obispo ta e sucesor di apostel y a ricibi e
mandato total pa efectua sacramento. Ora cu efectua e confirmacion aki claramente
ta keda expresa cu e acto sagrado aki tin como efecto un laso mas estrecho cu Iglesia,
cu su origen apostolico y cu su mision pa duna testimonio di Cristo.

÷1314
Si un Cristian ta den peliger di morto cualkier sacerdote por confirm’e136. Por cierto
Iglesia no kier pa niun di su yiunan, con chikito cu e por ta, despedi di e mundo aki sin
wordo perfecciona door di Spirito Santo cu e don di plenitud di Cristo.

÷1315
“Ora e apostelnan, cu tabata na Herusalem, a tende cu Samaria a acepta palabra di
Dios, nan a manda Pedro y Huan cerca nan, cu despues cu nan yegada a resa un
oracion pa pidi Spirito Santo baha riba nan. Pasobra ainda Spirito Santo no a baha riba
ningun di nan; solamente nan a batisa den nomber di Señor Hesus. Nan a pone man
riba nan y nan a ricibi Spirito Santo” (Hch 8, 14-17).

÷1316
Confirmacion ta perfecciona gracia di Bautismo; e ta e sacramento cu ta duna Spirito
Santo pa ancra nos mas profundo den filiacion divino, incorpora nos mas estrecho cu
Cristo, haci nos laso cu Iglesia mas firme, mara nos mas ainda na su mision y yuda nos
duna testimonio di nos fe no solamente cu palabra pero tambe cu hechonan.

÷1317
Confirmacion mescos cu Bautismo ta imprimi den alma di e Cristian un signo spiritual
of marca cu no por kita mas; ta p’esey un biaha so por ricibi e sacramentonan aki.

÷1318
Na Oriente ta duna e sacramento aki pareu cu Bautismo, sigui pa participacion na
Eucaristia. E tradicion aki ta expresa unidad di e tres sacramentonan di iniciacion
Cristian. Den Iglesia Latin ta efectua e sacramento aki ora cu a alcansa e edad
caminda e persona por rasona pa su mes y normalmente ta obispo ta haci e celebacion
aki y esey ta nifica cu e sacramento aki ta reforsa e laso eclesiastico.

÷1319
E candidato pa Confirmacion cu por rasona mester por profesa su fe, mester ta den
estado di gracia, tin intencion pa ricibi sacramento y prepara pa asumi e papel di
discipel y testigo di Cristo den comunidad eclestial y den asunto temporal.

÷1320
E rito esencial di Confirmacion ta huntamento cu Crisma Santo riba frenta di e
candidato (na Oriente tambe riba otro parti di curpa y e sentidonan), cu ponemento
di man door di e administrado di Confirmacion y e palabranan: “Accipe signaculum
doni Spiritus Sancti” (“Ricibi pa e señal aki e don di Spirito Santo”), den rito Romano:
“Señal di don di Spirito Santo”, den rito bizantino.
÷1321
Ora ta celebra Confirmacion separa di Bautismo, e conexion cu Bautismo ta keda
expresa den renobacion di compromiso di Bautismo. Celebracion di confirmacion
durante Eucaristia ta contribui na subraya unidad di sacrarmentonan di iniciacion
Cristian.

÷1322
Santo Eucaristia ta culmina e iniciacion Cristian. Esun cu pa medio di Bautismo a
wordo eleva na dignidad di sacerdocio real y pa medio di Confirmacion a conforma su
mes mas cu Cristo pa medio di Confirmacion, ta participa pa medio di Eucaristia hunto
cu henter comunidad na e Sacrificio propio di Señor.

÷1323
“Den e ultimo Cena, durante e anochi cu nan a entreg’E, nos Salbador a institui e
sacrificio eucaristico di su curpa y su sanger pa perpetua e sacrificio di cruz durante
tur siglo te ora E bolbe, y asina confia su Bruid stima, Iglesia, cu un recuerdo di su
morto y resurreccion: un sacramento di piedad, signo di unidad, laso di amor, bankete
di Pasco, den cual nos ta ricibi Cristo, nos alma ta yena di gracia y nos ta haya un
tesoro di gloria cu ta spera nos den futuro”.

÷1324
Eucaristia ta “fuente y culminacion di henter bida Cristian”138. “E otro
sacramentonan, mescos cu tur ministerio eclesial y trabou apostolico ta uni y mara na
Santo Eucaristia. Pasobra Santo Eucaristia ta contene tur tesoro spiritual di Iglesia cu
ta Cristo mes, nos Lamchi di Pasco”.

÷1325
“Eucaristia ta nifica y ta realisa comunion di bida cu Dios y e unidad di Pueblo di Dios
door di cual Iglesia ta keda existi. E ta e culminacion di tanto e accion di Dios
santificando e mundo den Cristo, como di e adoracion cu hende ta ofrece na Cristo y
pa medio di djE na Tata den Spirito Santo”.

÷1326
Finalmente ya caba nos ta uni nos mes pa medio di celebracion di Eucaristia cu
liturgia celestial y nos ta anticipa bida eterno, ora Dios ta tur cos den nos tur.
÷1327
Brevemente Eucaristia ta y totalidad di nos fe: “Nos manera di pensa ta den
harmonia cu Eucaristia y na su turno Eucaristia ta confirma nos manera di pensa”.

÷1328
E rikesa inagotabel di e Sacramento aki takeda expresa den diferente nomber cu a
dun’e. Cada un di e nombernan aki ta demostra algun di su aspectonan. El a hayae
nomber di:Eucaristia, pasobra e ta un accion di gracia na Dios. E palabranan
“eucharistein” (Lc 22, 19; 1 o 11, 24) y “eulogein” (Mt 26, 26; Mc 14, 22) ta
recordariba ebendicionnan Hudiu cu specialmente durante cenata anuncia obra di
Dios: creacion, salbacion y santidad.

÷1329
Cena di Señor143 pasobra ta trata di e Cena cu Señor a celebra cu su discipelnan riba
e anochi prome cu su pasion y di anticipacion di e cena di boda di e Lamchi144 den
Herusalem celestial.Kibramento di pan pasobra e rito aki, propio na e cena Hudiu
Hesus a utilis’e ora El a bendiciona y parti e pan como cabez di famia145,
specialmente durante e ultimo Cena146. Den e gesto aki su discipelnan lo reconoc?e
despues di su resurreccion147 y cu e expresion aki e prome Cristiannan lo designa nan
asambleanan eucaristico148. Esaki ta nifica cu tur cu come di e pan kibra unico aki,
cu ta Cristo, ta uni nan mes cu nE y ta forma un solo curpa cu nE149.Asamblea
eucaristico (synaxis), pasobra ta celebra Eucaristia den e asambleadi creyentenan,
expresion visibel di Iglesia.

÷1330
E recuerdo di pasion y resureccion di Señor.Santo Sacrificio, pasobra e ta actualisa e
unico sacrificio di Cristo, nos Salbador y ta inclui e ofrenda di Iglesia of tambe Santo
Sacrificio di misa, sacrificio di alabansa (Hch 13, 15)151, sacrificio spiritual152,
sacrificio puro153 y santo, como cu e ta completa y supera tur sacrificio di Aliansa
Antiguo.E Liturgia santo y divino, pasobra henter liturgia di Iglesia ta haya su centro y
su expresion mas cera den celebracion di e Sacramento aki; den mesun sentido ta
yam’e tambe celebracion di misterio santo. Ta papia tambe di Santisimo Sacramento
pasobra e ta e Sacramento di tur Sacramento. Cu e nomber aki tambe ta designa e
especienan eucaristico warda den tabernakel.
÷1331
Comunion pasobra nos ta uni nos mes cu Cristo pa medio di e Sacramento aki cu ta
laga nos participa na Su Curpa y Su Sanger pa forma un solo curpa154. E ta carga e
nomber tambe di cos santo (“ta hagia; sancta”)155 – esaki ta e prome nificacion di
“comunion di santo” den Simbolo di Apostelnan – e pan di angelnan, pan for di shelo,
remedi di inmortalidad156, viatico…

÷1332
Santa Misa pasobra liturgia den cua misterio di salbacion ta keda realisa ta termina cu
manda e fielnan bay (“missio”) pa nan cumpli cu Dios su boluntad den nan bida diario.

÷1333
Den curason di celebracion Eucaristico tin pan y biña cualnan, pa palabra di Cristo y
pa invocacion di Spirito Santo, ta bira Cristo Su Curpa y Sanger. Fiel na Señor Su
encargo, Iglesia ta sigui haci, na Su memoria y te na Su bolbemento glorioso, loke El a
haci riba e dia prome cu Su pasion: “El a tuma pan…” y El a tuma e caliz yen di
biña…”. E signonan di pan y biña ta bira, na un manera misterioso, Curpa y Sanger di
Cristo, tambe nan ta sigui nifica e bondad di creacion. Pues, durante di ofrenda, nos
ta gradici Creador pa pan y biña157, fruta di “trabou di hende”, pero mas cu tur cos,
“fruta di tera” y “di mata di wijndruif”, don di Creador. Iglesia ta mira den e rey y
sacerdote Melkizedek, kende “a ofrece pan y biña” (Gn 14, 18), un prefiguracion di su
mesun ofrenda.

÷1334
Den Aliansa Bieu, tabata ofrece pan y biña den sacrificio entre e prome frutanan di
tera como un signo di reconocemento na Creador. Pero tambe nan ta ricibi un
nificacion nobo den contexto di e Exodo: pan sin yist cu Israel ta come cada aña riba
Pasco ta conmemora e salimento pura cu a libra nan for di Egipto. E recuerdo di mana
den desierto, semper lo corda Israel cu e ta biba di pan di Palabra di Dios159. nan pan
di cada dia ta fruta di Tera Priminti, garantia di fieldad di Dios na Su promesa. E
“caliz di bendicion” (1 Co 10, 16), na final di e comemento di Pasco Hudiu ta añadi un
dimension escatologico na e alegria festivo di biña, e espera Mesianico riba
restablecemento di Herusalem. Ora Hesus a institui Eucaristia El a duna un nificacion
nobo y definitivona bendicion di pan y di e caliz.

÷1335
E milagro di multiplicacion di pan, ora Señor a duna bendicion, kibr’e y repartie pa
medio di su discipelnan pa nan alimenta e multitud, ta prefigura e sobreabundancia di
e pan unico aki di Su Eucaristia160. E señal di awa cambia den biña na Kana ya caba
ta anuncia e Ora di glorificacion di Hesus. E ta manifesta e cumplimento di e fiesta di
casamento den Reino di Tata, unda creyentenan lo bebe biña nobo cu a bira Sanger di
Cristo.

÷1336
E prome anuncio di Eucaristia a dividi e discipelnan, mescos cu e anuncio di Pasion a
scandalisa nan: “E lenguahe aki ta dificil pa traga, ta ken por scuch’e?” (Hu 6, 60).
Eucaristia y e cruz ta baranca riba caminda. E ta mesun misterio y semper e ta forma
un ocasion pa division. “Boso tambe kier bay?” (Hu 6, 67). Semper e pregunta aki ta
resona den transcurso di siglonan, como un invitacion di amor pa descubri cu
solamente E tin “palabra di bida eterno” (Hu 6, 68) y cu ricibiendo den fe e don di Su
Eucaristia ta nifica ricibi E mes.

÷1337
Señor, stimando esnan cu tabata cerca di djE a stima nan te na final. Sabiendo cu e
ora a yega pa despedi di e mundo aki y bolbe cerca Su Tata, durante un cena a laba
nan pia y a duna nan e mandamento di amor163. Pa laga na nan un prenda di e amor
aki, pa nunca nan bandon’e y pa haci nan participe den Su Pasco, El a institui
Eucaristia y a manda Su apostelnan pa celebra esaki te dia E bolbe, “e ora ey El a
constitui nan como sacerdote di Testament Nobo”.

÷1338
E tres evangelionan sinoptico y San Pablo, a pasa pa nos e relato di e institucion di
Eucaristia; di su parti San Huan a relata den sinagoga di Cafarnaum e palabranan di
Cristo cu ta prepara institucion di Eucaristia: Cristo ta yama Su mes e pan di bida cu a
baha for di shelo.

÷1339
Hesus a scoge e tempo di Pasco pa cumpli cu loke El a anuncia na Cafarnaum: duna Su
Curpa y Su Sanger na discipel.

“E temporada di fiesta di Pesag, dia cu ta mata e lamchinan pa cena di Pesag, a yega.


Hesus a manda Pedro y Huan cu e encargo aki: ‘Bay y prepara e cena di Pesag pa nos
come’… Nan a bay y a prepara cena di Pesag. Ora momento a yega, Hesus a sinta pa
come hunto cu e apostelnan. El a bisa nan:’Mi tabatin masha gana di comparti e cena
di Pesag aki hunto cu boso, prome cu Mi sufri. Pasobra laga Mi bisa boso: Lo Mi no
tuma parti n’e atrobe, te ora e haya su nificacion completo den reino di Dios’…
Despues Hesus a cohe pan, gradici Dios, kibr’e, duna nan y bisa: ‘Esaki ta Mi Curpa cu
ta entrega pa boso. Haci esaki pa boso corda riba Mi’. Di mesun forma, El a cohe e
copa despues di cena y a bisa:’Esaki ta e copa di e aliansa nobo confirma cu mi
sanger, cu lo ta drama pa boso” (Lc 22, 7-20).

÷1340
Celebrando e Ultimo Cena cu Su apostelnan den transcurso di e comemento di Pasco,
Hesus a duna Pasco Hudiu un nificacion definitivo. Hesus Su baymento cerca Su Tata
pa medio di Su morto y Resureccion, e Pasco Nobo ta anticipa den e Cena y ta celebra
den Eucaristia, cual ta duna plenitud na e Pasco Hudiu y ta anticipa e Pasco final di
Iglesia den gloria di e Reino.

÷1341
E ordo di Cristo pa ripiti su actonan y su palabranan “te ora E bolbe”, no solamente ta
pidi pa nos keda recorda Hesus y locual cu El a haci. Pa medio di apostelnan y nan
sucesornan E ta dirigi na e celebracion liturgico, di recuerdo (memorial) di Cristo, di
Su bida, di Su morto, di Su Resureccion y di Su intercesion den presencia di Tata (1 Co
11, 26).

÷1342
Desde cuminsamento, Iglesia a keda fiel na e mandamento di Señor. Di Iglesia di
Herusalem tin skirbi:

Nan a dedica nan mes na enseñansa y fraternidad di apostelnan, na kibramento di pan


y na oracion… Dia pa dia, cu perseverancia nan tabata bay tempel y cu e mesun animo
nan tabata kibra pan den nan hogar y nan tabata comparti cuminda cu alegria y cu un
curason generoso (Ech 2, 42. 46).

÷1343
Tabata specialmente riba “prome dia di siman”, esta diadomingo, dia di Resurreccion
di Hesus, cu Cristiannan tabata topa cu otro pa “parti pan” (Ech 20, 7). Desde e
tempo ey te cu awendia e celebracion di Eucaristia a continua asina te cu awe nos ta
haya esaki tur caminda den Iglesia cu e mesun structura fundamental. E ta keda e
centro di Iglesia su bida.

÷1344
Pues di celebracion pa celebracion, proclamando misterio Pascual di Hesus “te ora e
bini” (1 Co 11, 26), pueblo peregrino di Dios ta avansa, “siguiendo e caminda smal di
cruz”167, rumbo pa e bankete celestial, unda tur esnan eligi lo ta sinta na mesa di
Reino.

÷1345
Ya den di dos siglo nos tin testimonio di San Hustin, martir, pa e liñanan grandi di e
desaroyo di celebracion eucaristico. Esakinan a keda mescos, sin cambio te den nos
tempo, pa tur e gran famianan liturgico. Alrededor di aña 155, San Hustin a skirbi un
carta na e emperador pagano Antonino Pio (138-161), splicando loke Cristian tabata
haci:

Riba dia cu nos ta yama dia di solo, tur esnan cu ta biba den ciudad of den cunucu ta
bin hunto na un luga fiho. Ei, asina leu cu tempo ta permiti, nan ta lesa e memorianan
di e apostelnan y scrituranan di e profetanan.

Ora e lesado caba, esun cu ta presidi ereunion ta adverti y ta urgi nan pa imita e
ehempelnan bunita aki.

Catisashi di IglesiaCatolico

Despues nos tur ta lanta para y ta ofrece oracion pa os mes... y pa tur otro hende, na
unda cu nan por ta, panos bida nos actonan por wordo considera husto y cu virtud y
fiel na e mandamentonan, pa nos por ricibi salbacion eterno.

Ora caba cu oracion nos ta duna otro sunchi y ta desea otro paz.

Despues, ta ofrece pan y un beker di awa mescla cu biña na esun cu ta presidi e


hermandad. E ta tuma nan y ta ofrece alabansa y gloria na Tata di universo, pa medio
di nomber di Yiu y Spirito Santo y ta haci un accion di gracia largo, pa gradici pa a
haya nos digno

di e regalonan aki.Y ora cu e termina cu oracion y gradicimento, tur presente den un


solo bos ta haci un aclamacion bisando: “Amen”.

ora esun cu ta presidi a yama danki y e pueblo a responde, esnan cu nos ta yama
diacono ta duna esnan presente e pan “eucaristico”, biña y awa riba cual a haci
accion di gracia y ta hiba tambe pa esnan ausente.

÷1346
Liturgia di Eucaristia a desaroya di acuerdo cu un structura fundamental cual a
preserva durante siglo te awo. E ta desplega dos gran parti cu ta forma un union
fundamental:

- e reunion, liturgia di Palabra, cu lesamento, predicashi y intercesion general;

- liturgia eucaristico, cu presentacion di pan y biña, accion di gracias di consagracion


y comunion.

Liturgia di Palabra y liturgia di Eucaristia hunto ta forma “un solo acto di


alabansa”169; e mesa prepara pa nos den Eucaristia ta na mesun momento Palabra di
Dios y Curpa di Señor.

÷1347
Esaki ta mesun dinamismo di bankete pascual di Hesus resucita cu Su discipelnan:
canando cu nan el a splica nan e Santo Scritura despues sintando cu nan na mesa, “El
a tuma pan, a bendicion’e, a kibr’e y a dun’e na nan”.

÷1348
Tur ta reuni. Cristian ta bin hunto na un luga pa asamblea eucaristico. Na cabes di
esaki ta Cristo mes, e persona principal di Eucaristia. E ta e gran sacerdote di Aliansa
Nobo; ta E mes ta Esun cu ta presidi invisiblemente cada celebracion eucaristico.
Obispo of sacerdote ta represent’E actuando den persona di Cristo na Cabez (“in
persona Christi Capitis”), ta presidi asamblea, ta papia despues di lesamento, ta ricibi
ofrenda y ta bisa oracion Eucaristico. Cada ken tin di cumpli su propio papel activo
den celebracion, cada un na su manera: lectornan, esnan cu ta trece ofrendanan,
esnan cu ta parti comunion y henter pueblo cual cu nan “Amen” ta manifesta nan
participacion.

÷1349
Liturgia di Palabra ta inclui “scritura di profeta” esta Testament Bieu y “memoria di
apostel” es decir, nan cartanan y Evangelio. Despues di predicashi, den cual ta hala
atencion pa acepta e Palabra aki locual “e ta berdaderamente, Palabra di Dios” (1 Ts
2, 13) y pa pon’e den practica, ta bin intercesionnan pa tur hende, di acuerdo cu
palabranan di e apostel: “Prome cu tur cos mi ta haci un apelacion serio na e
creyentenan pa ofrece suplicanan, oracion, intersecionnan y gradicimento na Dios pa
tur hende, pa reynan, y tur den posicionnan halto” (1 Tm 2, 1-2).

÷1350
Presentacion di ofrenda (ofertorio): e ora ta hiba, tin biaha den procesion, e pan y
biña na altar; nan lo wordo ofreci door di e sacerdote na nomber di Cristo den
sacrificio Eucaristico den cual nan lo converti den Su Curpa y Su Sanger. Esaki ta e
accion di Cristo mes durante e Ultimo Cena, “tumando pan y un caliz”. “Ta Iglesia so
ta ofrece e ofrenda puro aki na nos Creador, ora e ta ofrece cu accion di gracia loke
ta bini for di Su creacion”172. Presentacion di ofrenda na altar ta asumi e gesto di
Melchizedek y ta pone Creador su donnan den man di Cristo, kende Su sacrificio ta
perfecciona tur intento humano pa ofrece sacrificio.

÷1351
Desde cuminsamento, hunto cu pan y biña pa Eucaristia, Cristian ta trece tambe
regalonan pa comparti cu esnan den necesidad. E custumber aki di colecta173,
semper apropia, ta inspira door di ehempel di Cristo, kende a bira pober pa haci nos
rico174: Esnan cu ta bon para y esnan cu tambe kier, ta duna locual nan kier:

Esnan cu ta bon para y esnan cu tambe ta dispuesto, ta duna locual nan kier: Ta duna
loke ta colecta na esun cu ta precidi pa yuda huerfano, viuda, esnan cu pa via di
malesa of pa otro motibo a perde nan entrada, na presonan, imigrantenan y den un
solo palabra na tur esnan den necesidad.

÷1352
E Anafora: cu oracion Eucaristico, oracion di accion di gracia y consagracion – ta yega
na curason y culminacion di e celebracion:Den prefacio; Iglesia ta gradici Tata pa
medio di Cristo, den Spirito Santo, pa tur Su obranan, pa creacion, redencion y
santificacion. Asina henter comunidad ta uni den alabansa sin fin cu Iglesia celestial,
angel y tur santo ta canta na Dios tres bes santo.

÷1353
Den epiclesis, Iglesia ta pidi Tata pa manda Su Spirito Santo (of e poder di Su
bendicion)176 riba pan y biña pa asina pa medio di Su Poder nan converti den Curpa y
Sanger di Hesucristo y pa asina esnan cu ta participa na Eucaristia por ta un Curpa y
un Spirito (algun tradicion liturgico ta pone epiclesis despues di anamnesis):Den relato
di institucion, poder di palabra y di accion di Cristo y poder di Spirito Santo,
sacramentalmente presente bou di e figuranan di pan y biña, Cristo Su Curpa y
Sanger, Su sacrificio ofreci na cruz un bes y pa semper.

÷1354
Den anamnesis cu ta sigui, Iglesia ta recorda Pasion,Resureccion y e bolbemento
glorioso di Hesucristo; e ta presenta na Tata eofrenda di Su Yiu kende ta reconcilia
nos cu nE.Den intercesion, Iglesia ta expresa cu ta celebra Eucaristia den comunion cu
henter Iglesia di shelo y di tera, cu esnan bibo y morto; y den comunion cu wardado di
Iglesia, e Papa, obispo di diocesis, su clero y diacononan y cu tur obispo di henter
mundo hunto cu nan Iglesia.

÷1355
Den Santo Comunion, cu ta sigui despues di Señor Su oracion y kibramento di pan,
fielnan ta ricibi “pan di shelo” y “e caliz di salbacion”, Curpa y Sanger di Cristo,
kende a entrega Su mes pa “bida di mundo” (Hu 6, 51):

Nos ta yama e cuminda aki Eucaristia y niun hende no por tuma parti na dje, si e no ta
kere cu loke nos ta siña ta berdad, a ricibi bautismo pa pordon di su picanan,
renacemento y ta biba conforme cu loke Cristo a siña nos.

÷1356
Desde cuminsamento Cristian ta celebra Eucaristia den un forma cu den transcurso di
tempo y atrabes di diversidad di liturgia no a cambia esencialmente. Esey ta pasobra
nos ta sinti nos mara na mandamento cu Señor a duna nos riba e anochi prome cu Su
pasion: “Haci esaki pa keda corda riba Mi” (1 Co 11, 24-25).

÷1357
Nos ta mantene e mandamento aki di Señor door di celebra recuerdo (memorial) di Su
sacrificio. Di e moda aki nos ta ofrece Tata loke Su Yiu mes a duna nos: e donnan di
Su creacion, pan y biña, cu pa medio di poder di Spirito Santo y door di palabra di
Cristo, a bira Curpa y Sanger di Cristo: asina Cristo ta berdaderamente y
misteriosamente presente.

÷1358
Ta p’esey nos mester considera Eucaristia:

- como accion di gracia y alabansa na Tata;

- como recuerdo (memorial) di sacrificio di Cristo y di Su Curpa;

- como presencia di Cristo pa poder di Su Palabra y di Su Spirito.


÷1359
Eucaristia, sacramento di nos salbacion cu Cristo a realisa riba cruz, ta tambe un
sacrificio di alabansa como accion di gracia pa e obra di creacion. Den sacrificio
eucaristico ta ofrece henter creacion, stima pa Dios, na Tata pa medio di morto y
resureccion di Cristo. Pa medio di Cristo Iglesia por ofrece Sacrificio di alabansa como
gradicimento pa tur bondad, tur loke ta bunita y tur loke cu ta husto cu Dios a realisa
den creacion y den humanidad.

÷1360
Eucaristia ta un sacrificio di accion di gracia na Tata, e ta un bendicion door di cua
Iglesia ta expresa su reconocemento na Dios, pa tur su beneficionan, pa tur loke El a
realisa pa medio di Su creacion, salbacion y santificacion. “Eucaristia” na prome luga
ta nifica accion di gracia.

÷1361
Eucaristia ta tambe sacrificio di alabansa pa cual Iglesia, den nomber di henter
creacion ta canta gloria di Dios. E sacrificio di alabansa ta solamente posibel atrabes
di Cristo: E ta uni fielnan cu Su persona, cu Su alabansa y Su intercesion, di manera cu
sacrificio di alabansa na Tata ta ofreci door di djE y cu nE pa ta acepta den djE.

÷1362
Eucaristia ta recuerdo (memorial) di Pasco di Cristo, actualisacion y ofrenda
sacramental di Su unico sacrificio den liturgia di Iglesia, cu ta Su Curpa. Den tur
oracion eucaristico ta haya, despues di e palabranan di institucion, un oracion cu ta
carga e nomber di anamnesis of recuerdo.

÷1363
Santo Scritura no ta splica e memorial solamente como un ecuerdo di e
acontecemento di den pasado, sino tambe como proclamacion di e obranan
maraviyoso cu Dios a haci pahende178. Den celebracion liturgico e acontecementonan
aki, den cierto sentido, ta presente y actual. Di e manera aki Israel ta interpretasu
liberacion di Egipto; cada bes cu celebra Pasco acontecimentodi Exodo ta bira
presente den memoria di creyentenan pa asina nan conforma nan bida cu e
acontecimentonan aki.

÷1364
Den Testament Nobo e recuerdo aki ta haya, un nificacion nobo. Ora Iglesia ta celebra
eucaristia e ta recorda e Pasco di Cristo, anto esaki ta bira presente: e sacrificio cu
Cristo a sufri riba cruz pa awo y semper, ta permanece pa semper actual (un realidad
bibo)179: “Cada bes cu celebra riba altar e Sacrificio di cruz, riba cual nos Lamchi di
Pasco, Cristo, a keda sacrifica, obra di nos salbacion ta keda realisa”.

÷1365
Pasobra e ta e memorial di misterio di Pasco di Cristo, Eucaristia ta tambe un
sacrificio. Caracter sacrificial di Eucaristia ta manifesta su mes den palabra
diinstitucion: “Esaki ta Mi Curpa entrega na boso” y “e caliz aki ta e Aliansa Nobo di
Mi sanger cu lo ta drama pa boso” (Lc 22, 19-20). Den Eucaristia Cristo ta ofrece e
mesun curpa cu El a entrega nan nos riba cruz y e mesun sanger cu pa hopi a keda
“drama pa pordon di pica” (Mt 26, 28).

÷1366
Ta p’esey Eucaristia ta un sacrificio, pasobra e ta representa (ta haci presente)
sacrificio di cruz, pasobra e ta su memorial y e ta aplica su frutanan:

Cristo, nos Dios y Señor, a ofrece Su mes na Dios Tata un bes pa semper, muriendo
riba altar di cruz como intermediario, con tal di realisa pa hende un pordon eterno.
Sinembargo, como Su morto no mester a pone un fin na Su sacerdocio (Hch 7, 24. 27),
durante Ultimo Cena “e anochi cu a entreg’E” (1 Co 11, 23), El a desea di laga na
Iglesia, Su Esposa stima, un sacrificio visibel (manera naturalesa humano ta exigi),
door di cual lo representa e sacrificio sangriento cu El a realisa un biaha so na cruz, su
memoria perpetua te na fin di mundo (1 Co 11, 23) y su efecto saludabel sea aplica pa
pordon di e picanan cu nos ta comete tur dia.

÷1367
Sacrificio di Cristo y Sacrificio di Eucaristia ta forma un solo sacrificio: “E ta e mesun
victima cu a sacrifica Su mes na cruz pa nos y awo E ta sacrifica Su mes pa medio di e
ministerio di sacerdotenan. Solamente tin un diferencia den e forma di sacrifica”.
“Den e sacrificio divino cu ta tuma luga durante di misa, e mesun Cristo cu a sacrifica
Su mes tur na sanger riba altar di cruz, ta presente y awo ta keda entrega y sacrifica
sin crueldad”.

÷1368
Eucaristia ta tambe e sacrificio di Iglesia. Iglesia ta e Curpa di Cristo y ta participa
den sacrificio di Su Cabez. Cu nE Iglesia ta ofrece su mes totalmente. E ta uni su mes
na Su intercesion cerca Tata pa tur hende. Den Eucaristia e sacrificio di Cristo ta bira
tambe sacrificio di miembronan di Su Curpa. E bida di fielnan, nan alabansa, nan
sufrimento, nan oracion y nan trabou ta keda uni cu esun di Cristo y cu su ofrenda
total y di e manera aki nan ta adkeri un balor nobo. E sacrificio di Cristo, cu ta
presente riba altar, ta duna tur generacion Cristian, e posibilidad pa uni nan mes cu
Su Sacrificio.

Den e catacumbanan, frecuentemente ta representa Iglesia manera un hende muhe


resando, cu su brasanan hancho habri. Manera Cristo cu a habri su brasanan riba cruz,
pa medio di djE, cu nE y den djE, Iglesia ta sacrifica su mes y ta intercede pa tur
hende.

÷1369
Henter Iglesia ta uni cu sacrificio y intercesion di Cristo. Encarga cu e ministerio di
Pedro den Iglesia, Papa ta asocia cu tur celebracion di Eucaristia den cual el a keda
nombra como signo y sirbido di unidad di Iglesia universal. Obispo di e luga, semper ta
keda responsabel pa Eucaristia, tambe ora un sacerdote ta haci misa, nomber di
obispo ta keda menciona pa mustra cu t’e ta na cabes di Iglesia particular, memey di
sacerdotenan y cu sosten di diacononan. Comunidad ta intercede tambe pa tur
sacerdote cu, pa e comunidad y cu ne ta ofrece e sacrificio Eucaristico.

Solamente Eucaristia precidi pa un obispo of esun cu el a nombra ta wordo considera


como legitimo.

Pa medio di ministerio di sacerdocio, ta realisa sacrificio spiritual di fielnan den union


cu sacrificio di Cristo, e único Mediador, cu den Eucaristia ta wordo ofreci mediante e
mannan di sacerdotenan na nomber di henter Iglesia, na manera sacramental y sin
drama sanger, te ora Señor mes bolbe.

÷1370
Hunto cu Sacrificio di Cristo e miembronan cu ta biba riba e mundo aki y tambe esnan
cu ya ta den gloria di shelo ta uni nan mes: Iglesia ta ofrece Sacrificio Eucaristico den
Comunion cu Santisimo Birgen Maria, cordando riba dje y na memoria di tur Santo.
Den tur Eucaristia ta manera cu Iglesia hunto cu Maria, ta para na pia di cruz uni cu
Sacrificio y intercesion di Cristo.

÷1371
Ta ofrece sacrificio Eucaristico tambe pa tur difunto “cu a muri den Señor y no ta
plenamente glorifica ainda”185, pa nan por drenta den luz y paz di Cristo:Dera e
curpa aki na unda bo ta desea; no preocupa pa e cuido di dje. Un cos so mi ta pidi di
bo; na unda bo por ta encontra bo mes, corda riba mi dilanti altar di Señor.

Despues nos ta resa tambe pa nos difunto Papanan, obisponan, santonan y pa tur
hende sin distincion cu a bay nos dilanti den morto den confiansa cu e almanan pa
kendenan ta ofrece e oracion aki, mientras e Santo y adorabel victima ta nos dilanti,
tin gran probecho di dje.

Mientras nos ta resa pa difunto, aunke nan ta pecado, nos ta ofrece Cristo crucifica y
di e manera aki nos ta drecha e lasonan amoroso entre nos Dios bondadoso amigo di
hende y nos.

÷1372
San Agustin a resumi admirablemente e doctrina aki cu ta apoya nos pa participa cada
bes atrobe mas profundamente na Sacrificio di nos Redentor cu nos ta celebra den
Eucaristia:

E ciudad plenamente rescata aki, kiermen e asamblea y e comunion di Santo, ta


ofrece na Dios como un Sacrificio universal door di e sumo Sacerdote, como cu el a
sacrifica Su mes pa nos den Su pasion pa haci di nos e curpa di un Cabes asina halsa...
Esaki ta e sacrificio di Cristiannan: “Nan tur hunto a forma un solo Curpa den Cristo”
(Rm 12, 5). Y e sacrificio aki Iglesia no ta stop di celebra den Sacramento di altar cu
ta bon conoci pa fielnan y caminda ta keda demonstra cu ta e mes ta keda sacrifica
den locual cu e ta ofrece.

Presencia di Cristo pa medio di poder di Su Palabra y di Spirito Santo

÷1373
“Cristo Hesus, cu a muri, a resucita y ta sinta na man drechi di Dios Tata pa intercede
pa nos” (Rm 8, 34), ta presente den Su Iglesia na diferente manera189: den Su
palabra, den oracion di Su Iglesia, ‘caminda dos of tres ta reuni den mi nomber’ (Mt
18, 20), cerca pober, enfermo, preso190, den Sacramento di cual E ta e autor, den
sacrificio di misa y den persona di ministro. Pero “mas cu tur cos E ta presente bou di
figuranan Eucaristico”.

÷1374
E manera cu Cristo ta presente bou di figuranan Eucaristico, ta unico. E ta eleva
Eucaristia riba tur otro sacramento como “e perfeccion total di bida spiritual y e meta
cu tur sacramento kier logra”192. Den Santisimo Sacramento di Eucaristia “Curpa y
Sanger di nos Señor Hesucristo ta berdaderamente, realmente y substancialmente,
presente hunto cu Su alma y Su divinidad y asina tambe consecuentemente Cristo ta
completamente presente”193. “Ta yama e presencia aki '93real” no pa exclui otro
forma di presencia, pasobra ta presencia den sentido completo: kiermen, e ta un
presencia substancial pa cual Cristo, Dios y hende ta haci su mes henteramente y
totalmente presente”.

÷1375
Ta door di trocamento di pan y biña den Curpa y Sanger di Cristo, cu Cristo ta keda
presente den e Sacramento aki. Tatanan di Iglesia fuertemente a afirma fe di Iglesia
den eficacia di Palabra di Cristo y den accion di Spirito Santo pa realisa e conversion
aki. Asina San Huan Crisostomo ta declara cu:

No ta hende ta haci cu loke cu nos sacrifica ta converti den Curpa y Sanger di Cristo,
sino Cristo mes cu ta Esun cu a wordo crucifica pa nos. Sacerdote cu ta representa
Cristo, ta pronuncia e palabranan aki, pero nan forsa di gracia ta bin di Dios. Esaki ta
mi Curpa, e ta bisa. E palabranan aki ta transforma loke ta sacrifica.

Y San Ambrosio ta bisa di e conversion aki:

Laga nos ta convenci cu esaki no ta loke naturalesa a forma, pero loke e bendicion a
consagra y cu e forsa di e bendicion ta mas fuerte cu e forsa di naturalesa, pasobra ta
door di e bendicion e naturalesa mes a cambia... Mester ta posibel cu Palabra di Dios
for di nada por a traha algo cu nunca a existi, cu tin e poder di cambia algo cu ta
existi den loke e no tabata. Pasobra no ta un logro menor pa duna cosnan nan nan
naturalesa original cu pa cambia nan naturalesa.

÷1376
Concilio di Trent ta duna e siguiente di fe catolico: “Pasobra Cristo cu ta nos
Salbador a bisa cu loke El a ofrece bou di figura di pan ta berdaderamente Su Curpa,
esaki semper a keda e conviccion di Iglesia di Dios y ta p’esey e Concilio Santo aki ta
declara esaki atrobe: Door di consagracion di pan y biña e cambio ta tuma luga di
henter e substancia di pan den substancia di Curpa di Cristo nos Señor y tur substancia
di biña den substancia di Su Sanger; Iglesia Catolico hustamente y apropiadamente a
yama e cambio aki transsubstanciacion”.

÷1377
E presenciaEucaristico di Cristo ta cuminsa na momento di consagracion y ta dura
tanten cu forma Eucaristico ta keda existi: Cristota henteramente presente den cada
un di tur dos e figuranan aki y henteramente den cada parti, di tal manera cu e
kibramento di panno ta dividi Cristo.
Catisashi diIglesiaCatolico

÷1378
Adoracion di Eucaristia. Den liturgia di Misa nos ta expresa nos fe den presencia real
di Cristo bou di figura di pan y biña, entre otro door di hinca rudia of sak cabes
profundamente como señal di adoracion. “Iglesia Catolico a duna y ta sigui duna e
culto aki di adoracion na Sacramento di Eucaristia, no solamente durante di sacrificio
di misa, pero tambe despues di e celebracion: cu hopi cuidou Iglesia ta warda e
hostianan consagra, ta ofrece nan pa adoracion solem na e fielnan,y ta carga nan den
procesion”.

÷1379
E tabernakel primeramente tabata destina pa warda e Eucaristia na un luga digno, di
manera cu despues di Misa por hib’E pa enfermonan y esnan ausente. Door di
profundisacion di fe den presencia real diCristo den su Eucaristia, Iglesia a bin
compronde e sentido di adoracion silencioso di Señor presente bou di figura di
Eucaristia. Ta p’esey e tabernakel mester haya un luga cu ta hopi digno den Iglesia, e
mester ta construi di tal forma cu e ta subraya y manifesta berdad di presencia real di
Cristo den Santisimo Sacramento.

÷1380
Realmente ta conveniente cu Cristo kier a keda presente pa Su Iglesia den un manera
asina unico. Pasobra Cristo a aleha su mes di un manera visibel for di su hendenan, E
kier a duna nos Su presencia Sacramental; como cu E lo a sacrifica Su mes riba cruz pa
nos salbacion. E kier pa nos tin e memorial di su amor grandi pa nos “te na final” (Hu
13, 1), hasta dunando Su bida pa nos. Den su presencia Eucaristico E ta keda
berdaderamente cerca nos na un manera misterioso como E Persona cu ta stima nos y
cu a sacrifica Su mes pa nos200 y E ta keda cerca nos bou di signonan cu ta expresa y
comunica amor:

Iglesia y mundo tin hopi mester di adoracion di Eucaristia. Hesus ta warda riba nos
den e Sacramento di amor aki. Laga nos tuma tempo suficiente ora nos mester bay
cerca djE pa ador’e den un oracion contemplativo yen di fe y habri pa expia pica y
delito grave di mundo. Laga nos no termina nos adoracion nunca.

÷1381
“Presencia di berdadero Curpa y di Sanger di Cristo den e sacramento aki, ‘no por
wordo capta cu e sentidonan’, segun San Tomas, ‘pero solamente cu fe, cual ta
depende di autoridad divino’. P’esey, segun texto di San Lucas (22, 19): “Esaki ta mi
Curpa cu ta entrega pa boso’, San Cirilo ta declara: “No puntra bo mes si esaki ta
berdad, sino mas bien acepta cu fe palabra di Señor, pasobra E, cu ta e Berdad, no ta
gaña”202:

(Adoro te devote, latens deitas,Quae sub his figuris vere latitas:Tibi se cor meum
totum subjicit,Quia te contemplans totum deficit.Visus, gustus tactus in te
fallitur,Sed auditu solo tuto creditur;Credo quidquid dixit Dei Filius:Nil hoc Veritatis
verbo verius.)

Divinidad scondi, cu mi ta adora,

Cu berdaramente ta scondi bou di tur loke

ta sagrado;

Na bo mi ta entrega mi curason totalmente,

pasobra na momento di contempla bo, mi ta

sinti mi debilidad completamente.

Bista, sintimento, gusto, aki ta faya cu Bo,

solamente cu oido por yega na fe sigur;

Mi ta kere tur loke Yiu di Dios a bisa:

No tin nada mas berdad cu e palabra di

Berdad aki.

÷1382
Santo Sacrificio di Misa ta na mesun momento, y inseparablemente, e recuerdo
sacrificial den cual sacrificio di cruz ta perpetua y tambe e bankete sagrado di
comunion den Curpa y Sanger di Señor. Pero celebracion di sacrificio Eucaristico ta
completamente dirigi na union intimo di creyentenan cu Cristo pa medio di Santo
Comunion. Ricibiendo Santo Comunion ta nifica ricibi Cristo mes kende a sacrifica Su
mes pa nos.

÷1383
Altar, rond di cual Iglesia ta reuni den celebracion di Eucaristia, ta representa e dos
aspectonan di mesun misterio: altar di sacrificio y mesa di Señor. Esaki sigur ta asina
ya cu altar Cristian ta simbolo di Cristo mes presente memey di asamblea di Su
fielnan, tanto como e victima ofreci pa nos reconciliacion y como e cuminda celestial
duna na nos. “Pasobra kico altar di Cristo ta si no ta e imagen di Curpa di Cristo?”,
San Ambrosio ta puntra203, y na un otro caminda e ta bisa: “Altar ta representa
Curpa di Cristo y Curpa di Cristo ta ariba altar”204. Liturgia ta expresa e union aki di
sacrificio y comunion den cantidad di oracion. Asina Iglesia Romano ta resa den su
anafora:

Dios Todopoderoso, nos ta pidi: laga bo angel hiba e sacrificio aki na bo altar den
shelo. Anto yena nos cu bo gracia y bendicion, awor cu nos ta ricibi for di e altar aki,
Curpa y Sanger sagrado di bo Yiu.

“Boso tur tuma y come esaki”: Santa comunion

÷1384
Señor ta manda un invitacion pa nos y ta urgi nos pa ricibiE den sacramento di
Eucaristia: “Berdaderamente, Mi ta bisa boso, si boso no come carni di Yiu di hende y
bebe Su Sanger, bo no tin bida den boso” (Hu 6, 53).

÷1385
Pa responde na e invitacion aki nos mester prepara nos mes pa un momento asina
grandi y asina santo. San Pablo ta urgi nos pa nos samina nos consenshi: “Kiermen,
ken cu come for di e pan of bebe for di e caliz di Señor, na un manera cu ta deshonra
Señor, ta culpabel: e ta haci pica contra Curpa y Sanger di Señor. P’esey tur hende
mester samina su mes prome cu e come for di e pan y bebe for di e caliz” (1 Co 11,
27-29). Esun cu ta consciente di tin pica grave, mester ricibi Sacramento di
Reconciliacion prome cu e bay ricibi Santa Comunion.

÷1386
Dilanti di un sacramento asina grandi, creyentenan solamente por repiti
humildemente y cu fe ardiente e palabranan di e Centurion206: “Domini, niun sum
dignus ut itus sub tectum meam sed tantum tie verbo, et sanabitus anima mea”
(Señor mi no ta digno pa Bo bini serca mi, ma papia un palabra so y lo mi ta cura).
Anto den e Liturgia Divino di San Huan Cristomo creyentenan ta resa den e mesun
spirito:

Oh, Yiu di Dios, pone mi awe den comunion cu Bo cena mistico. Mi lo no conta bo
enemigonan e secreto, ni sunchi Bo cu sunchi di Hudas, pero como e bon ladron mi ta
sclama: “Hesus, corda riba mi ora bo drenta Bo reino!”.
÷1387
Pa prepara pa un ricibimento digno di e Sacramento aki, e creyentenan mester tene
cuenta cu e abstinencia rekeri den Iglesia208. Actitud corporal (gesto, bistimento)
mester transmiti respet, solemnidad y alegria di e momento aki ora Cristo ta bira nos
bishita.

Di acuerdo cu e sentido mes di Eucaristia, creyentenan, si nan tin e inclinacion rekeri,


ta ricibi Santo Comunion ora nan participa den Santo Sacrificio di Misa209. Manera
Concilio Vaticano II ta bisa: “E forma mas perfecto di participacion na Santo Sacrificio
di Misa na unda creyentenan, despues di comunion di e sacerdote, ta ricibi Señor Su
Curpa den e mesun sacrificio, ta altamente recomenda”.

÷1389
Iglesia ta obliga creyentenan “pa participa den Liturgia Divino riba diadomingo y riba
dia di fiesta”211 y prepara pa sacramento di Reconciliacion, ta ricibi Eucaristia por lo
menos un biaha pa aña, si ta posibel durante temporada di Pasco Grandi212. Pero
Iglesia firmemente ta encurasha creyentenan pa ricibi Santo Comunion riba
diadomingo y riba dianan di fiesta of hasta cu mas frecuencia, te hasta diariamente.

÷1390
Ya cu Cristo sacramentalmente ta presente den cada un di e figuranan, ricibimento
den forma di pan so ya ta haci posibel pa ricibi tur fruta di e gracia Eucaristico. Pa
motibo pastoral e manera aki di ricibi Santo Comunion a keda estableci legitimamente
como e forma mas comun den e rito Latin. Pero “e expresion di Santo Comunion ta
mas completo como signo, ora e ta duna den e dos figuranan, como cu den e forma ey
signo di cena Eucaristico ta sali mas na cla”213. Esaki ta e forma usual di ricibi Santa
Comunion den e ritonan oriental.

÷1391
Santa Comunion ta aumenta nos union cu Cristo. E fruta principal di ricibi Eucaristia
den Santa Comunion ta un union intimo cu Hesucristo. Berdaderamente, Señor a bisa:
“Esun cu come mi Carni y bebe mi Sanger ta biba den Mi y Ami den Dje” (Hu 6, 56).
Bida den Cristo tin su fundeshi den e bankete Eucarisitco: “Pasobra Tata cu a manda
Mi tin bida y Ami ta biba, pasobra E ta biba” (Hu 6, 57).

Riba dianan di fiesta di Señor, ora creyentenan ricibi e Curpa di e Yiu, nan ta
proclama na otro e Bon Noticia cu a duna e prome frutanan di bida mescos cu ora e
angel a bisa Maria Magdalena: “Cristo a resucita! Awo tambe ta duna bida y
resureccion na esun cu ricibi Cristo”.

÷1392
Loke cuminda material ta produci den nos bida fisico, Santa Comunion
milagrosamente ta logra den nos bida spiritual. Comunion cu Carni di Cristo Resucita,
un carni “cu a haya bida y ta duna bida pa medio di Spirito Santo”215, ta preserva, ta
aumenta, ta renoba bida di gracia ricibi den Bautisno. E crecemento aki den bida
Cristian mester di e alimentacion di e ComunionEucaristico, e pan pa nos
peregrinacion te na e momento dimorto, ora cu e lo wordo duna na nos como viaticum
(cuminda pa durante e biahe).

÷1393
Santo Comunion ta separa nos di pica. E Curpa di Cristo cu nos ta ricibi den Santo
Comunion ta “entrega pa nos” y e sanger cu nos ta bebe “ta drama pa hopi pa pordon
di pica”. P’esey Eucaristia no por uni nos cu Cristo sin limpia nos na mes momento di
nos picanan di pasado y preserva nos di e picananden futuro:

“Pasobra cada biaha cu nos come e pan aki y nos bebe di e caliz, nos ta proclama
morto di Señor”216 Si nos proclama Señor Su morto, nos ta proclama pordon di pica.

Si cada biaha cu Su Sanger ta drama, e ta drama pa pordon di pica ami semper mester
ricibi pa asina semper e por pordona mi picanan. Pasobra ami cu semper ta peca,
semper lo mester tin un remedi.

÷1394
Manera nutricion corporal ta recupera forsa perdi, asina Eucaristia ta reforsa nos
caridad, cual tin e tendencia di bira debil den bida diario y e caridad cu a haya bida
aki, ta kita pica di tur dia218. Dunando Su mes na nos, Cristo ta rebiba nos amor y ta
haci nos apto pa kibra nos lasonan desordena cu criaturanan y ta planta nos mes den
djE:

Como cu Cristo pa amor a muri pa nos, ora nos celebra e recuerdo di Su morto na e
momento di sacrificio nos ta pidi pa amor sea duna na nos mediante e binimento di
Spirito Santo. Humildemente nos ta resa cu den e forsa di e amor aki pa cual Cristo
tabata dispuesto pa muri pa nos, nos, ricibiendo e dondi Spirito Santo, por ta apto pa
considera e mundo crucifica pa nos y nos mes crucifica na e mundo. Ya cu nos a ricibi
e regalo di amor, laga nos muri pa pica y biba pa Dios.
÷1395
Cu mesun caridad cu e ta cende den nos, Eucaristia ta proteha nos di pica mortal den
futuro. Mas nos comparti bida di Cristo y progresa den Su amistad, mas dificil ta pa
kibra bay for di djE pa motibo di pica mortal. Eucarisitia no ta pa pordona pica
mortal, esey ta propio di sacramento di Reconciliacion. Eucarisita ta mas bien e
sacramento pa esun cu ta den comunion total cu Iglesia.

÷1396
Union cu e Curpa Mistico: Eucaristia ta haci Iglesia. Esnan cu ricibi Eucaristia ta uni
mas cerca cu Cristo. Pa medio di Eucaristia Cristo ta uni nan na tur creyente den un
solo curpa: Iglesia. Comunion ta renoba, ta reforsa y ta profundisa e incorporacion aki
den Iglesia, ya caba logra pa Bautismo. Den Bautismo a yama nos pa forma un solo
curpa220. Eucaristia ta cumpli cu e yamada aki: “Ora nos ta bebe for di e caliz di
bendicion pa cual nos ta yama Dios danki, nos no ta participa na e Sanger cu Cristo a
drama pa nos? Ora nos come e pan cu nos kibra, no ta nos tur ta participa hunto na
Curpa di Cristo? Ta un pan so tin; p’esey aunke nos ta hopi, nos ta un Curpa, pasobra
nos ta participa na e mesun pan” (1 Co 10, 16-17):

Si boso mes ta e curpa y e miembronan di Cristo, anto ta boso sacramento ta poni riba
mesa di Señor; anto ta boso sacramento boso ta ricibi. Ta na locual boso ta responde
“Amen” (es decir “Si, ta berdad!”) y respondiendo na dje boso ta bay di acuerdo cu
ne. Pasobra boso ta tende e palabranan “E Curpa di Cristo” y ta responde “Amen”.
Sea anto un miembro di Curpa di Cristo pa boso “Amen” por ta berdadero.

÷1397
Eucarisita ta compromete nos na fabor di esnan pober. Pa berdaderamente ricibi
Curpa y Sanger di Cristo entrega pa nos, nos mester reconoce Cristo den esnan di mas
pober, su rumannan222:

Boso a gusta Sanger di Señor, anto asina mes boso no ta reconoce boso ruman. Boso ta
deshonra e mesa aki ora boso no ta husga digno pa comparti boso cuminda cu un
hende cu a keda husga digno pa tuma parti na e cena aki. Dios a libra boso di tur boso
pica y a invita boso aki, pero boso no a bira mas misericordioso.

÷1398
Eucaristia y e union di Cristiannan. Dilanti di grandesa di e misterio aki. San Agustin a
sclama: Oh, sacramento di devocion! Oh, signo di union! Oh, vinculo di caridad!224.
Mas doloroso e experiencia di division den Iglesia, cu ta kibra e participacion
conhunto na mesa di Señor ta, mas urgente nos oracionnan na Señor ta pa e tempo di
union completo entre tur esnan cu ta kere den djE por bolbe.

÷1399
Iglesia Oriental cu no ta den comunion completo cu Iglesia Catolico ta celebra
Eucaristia cu gran amor. “E Iglesianan aki, aunke separa di nos, toch ta posee
sacramentonan berdadero y mas cu tur cos, pa medio di sucesion apostolico,
sacerdocio y Eucaristia, caminda ainda nan ta estrechamente uni na nos”225. Un
cierto comunion in sacris y di e forma ey den Eucaristia, “con tal cu ta den
circunstancianan apropia y cu aprobacion di autoridad di Iglesia, no solamente ta
posibel pero ta wordo encurasha”.

÷1400
Comunidadnan eclesiastico cu a sali for di e Reformacion y a separa for di Iglesia
Catolico, “no a preserva e realidad debido di e misterio Eucaristico den su plenitud,
specialmente pa e ausencia di sacramento di Ordenacion”227. Ta pa e motibo aki, pa
Iglesia Catolico e intercomunion Eucaristico cu e comunidadnan aki no ta posibel.
Sinembargo e comunidadnan eclesiastico aki, “ora nan ta conmemora Señor Su Morto
y Resureccion den Cena Santo… nan ta profesa cu esey ta nifica bida den comunion cu
Cristo y warda riba Su binimento den gloria”.

÷1401
Ora, segun huicio di Obispado, un caso urgente presenta, sacerdotenan Catolico por
duna sacramentonan di Eucaristia, Confesion y Santa Oleo na otro Cristiannan cu no ta
den pleno comunion cu Iglesia Catolico, pero cu ta pidi esaki cu deseo y rectitud, den
tal caso nan tin cu profesa e fe Catolico den e Sacramentonan aki y nan mester tin e
disposicion rekeri.

÷1402
Den un oracion antiguo, Iglesia ta aclama e misterio di Eucaristia: Oh bankete sagrado
den cual Cristo ta nosalimento, den cual e recuerdo di Su Pasion ta wordo renoba; den
cual gracia ta yena nos alma y den cual nos ta ricibi e garantia di e bida futuro. Si
Eucaristia ta e recuerdo di Pasco di Señor Hesus y si mediante nos comunion na altar
nos ta yena “cu tur gracia y bendicion celestial”230, anto e Eucaristia ta tambe un
anticipacion di gloria celestial.

÷1403
Na e Ultimo Cena, Señor mes a dirigi atencion di su discipelnan na cumplimento di e
Pasco den reino di Dios: “Mi ta bisa boso: for di awe, lo Mi no bebe biña mas, te dia Mi
bebe biña nobo cu boso den reino di mi Tata” (Mt 26, 29)231. Cada bes cu Iglesia ta
celebra Eucaristia, Iglesia ta recorda e promesa aki y ta fiha su mirada “na esun cu lo
bini”232. Den su oracion Iglesia ta pidi Su binimento: “Marana tha” (1 Co 16, 22),
Bini, Señor Hesus!” (Ap 22, 20); “Mare Bo gracia bini y e mundo aki pasa bay!”.

÷1404
Iglesia sa cu Señor ta bini, awo caba, den su Eucaristia y cu E ta memey di nos.
Sinembargo, Su presencia ta tapa. P’esey nos ta celebra Eucaristia “wardando riba e
speransa bendiciona y riba binimento di nos Salbador, Hesucristo”234, pidiendo “pa
por comparti Bo Gloria ora tur lagrima lo ta seca. Riba e dia ey nos lo mira Bo, nos
Dios, manera Bo ta. Nos lo bira manera Bo y lo alaba Bo pa semper pa medio di Cristo
nos Señor”.

÷1405
No tin siguransa mas grandi of señal mas cla di e gran speransa aki “den shelo nobo” y
“tera nobo” den cual husticia ta reina (2 P 3, 13), cu Eucaristia. Cada biaha cu ta
celebra e misterio aki, ta “realisa e obra di nos redencion”236 y nos “ta kibra e unico
pan cu ta duna remedi di inmortalidad, antidote di morto y alimento cu ta laga nos
biba pa semper den Hesucristo”.

÷1406
Hesus a bisa: “Ami ta e pan bibo cu a baha di shelo. Ken cu come di e pan aki, lo biba
pa semper… esun cu come Mi Carni y bebe Mi Sanger lo tin bida eterno y… lo biba den
Mi y Ami den dje” (Hu 6, 51, 54, 56).

÷1407
Eucaristia ta curason y culminacion di bida di Iglesia, pasobra ta den dje Cristo ta
asocia Su Iglesia y tur su miembronan cu Su Sacrificio di albansa y di gratitud ofreci di
un solo biaha pa semper riba cruz na Su Tata. Pa medio di e sacrificio aki E ta basha e
gracianan di salbacion riba Su Curpa cual ta Iglesia.

÷1408
E celebracion Eucaristico semper ta inclui: proclamacion di Palabra di Dios; accion di
gracia na Dios Tata pa tur Su beneficionan, mas cu tur cos e regalo di Su Yiu;
consagracion di pan y biña y participacion den bankete liturgico pa ricibi su Curpa y
Sanger. E elementonan aki ta constitui un solo acto di alabansa.

÷1409
Eucaristia ta e recordatorio di Cristo Su Pasco, esta, e obra di salbacion logra pa
medio di bida, morto, y resureccion di Cristo, obra cu ta bira presente pa medio di
accion liturgico.

÷1410
Ta Cristo mes, e gran Sacerdote eterno di Aliansa Nobo, kende pa ministerio di
sacerdotenan ta ofrece sacrificio Eucaristico. Y ta e mesun Cristo, realmente presente
bou figura di pan y biña, kende ta e ofrenda di sacrificio Eucaristico.

÷1411
Solamente sacerdotenan legitimamente ordena, por presidi Eucaristia y por consagra
pan y biña pa nan por bira Curpa y Sanger di Señor.

÷1412
E signonan esencial di sacramento Eucaristico ta pan di trigo y biña di wijndruif, riba
cual ta invoca bendicion di Spirito Santo y sacerdote ta pronuncia e palabranan di
consagracion expresa door di Hesus durante e Ultimo Cena: “Esaki ta Mi Curpa cu lo ta
entrega pa boso… Esaki ta e caliz di mi sanger…”

÷1413
Pa medio di consagracion e transfiguracion di pan y biña den Curpa y Sanger di Cristo
ta sosode. Bou e figuranan consagra di pan y biña Cristo mes, bibo y glorioso, ta
presente na un manera berdadero, real y substancial cu Su Curpa y Sanger, cu Su alma
y Su divinidad.

÷1414
Como sacrificio, Eucaristia tambe ta ofrece pa reparacion di pica di esnan bibo y di
esnan morto y pa obtenebeneficio spiritual of temporal di Dios.

Catisashi di IglesiaCatolico
÷1415
Esun cu tadesea diricibi Cristo den Comunion Eucaristico mester ta den un estadodi
gracia. Si un persona ta consciente cu e tin pica mortal e no por ricibi Santo Comunion
sin cu el a ricibi absolucion den Sacramento di Confesion.

÷1416
Ricibi Curpa y Sanger di Cristo ta aumenta esun cu ricibi su union cu Señor, ta pordona
su picanan di tur dia y ta proteh’e di pica grave. Como cu ricibimento di e sacramento
aki ta reforsa e lasonan di caridad entre esun cu ta ricibi y Cristo, e ta fortalece
tambe union di Iglesia como e Curpa Mistico di Cristo.

÷1417
Iglesia ta recomenda calurosamente pa fielnan ricibi Santo Comunion cada biaha cu
nan ta participa den celebracion di Eucaristia y Iglesia ta obliga nan pa haci esaki por
lo enos un biaha pa aña.

÷1418
Como cu Cristo mes ta presente den Sacramento di Altar, E mester honr’E cu alabansa
di adoracion. “Bishitando Santisimo Sacramento ta un muestra di gratitud, un
expresion di amor y un deber di adoracion na Cristo nosSeñor”.

÷1419
Cristo, cu a pasa di e mundo aki pa bay cerca Su Tata, den Eucaristia ta duna nos
garantia di gloria cu nos lo tin hunto cu nE. Participacion na Santo Sacrificio di Misa
ta identifica nos cu Su Curason y ta sostene nos forsa durante peregrinacion largo di e
bida aki, ta hasi nos desea bida eterno y ta uni nos desde awo caba cu Iglesia
celestial, Santisimo Birgen Maria y tur santo.

÷1420
Door di sacramentonan di iniciacion Cristian, hende ta ricibi e bida nobo di Cristo.
P’esey e bida aki nos ta carg’e “den pochinan di klei” (2 Co 4, 7), y e ta keda “scondi
cu Cristo den Dios” (Col 3, 3). Nos ta ainda den nos “cas mundano”, someti na
sufrimento, malesa y morto. E bida nobo di yiu di Dios por bira zwak y hasta bay perdi
pa motibo di pica.

÷1421
Nos Señor Hesucristo, dokter di nos alma y di nos curpa, cu a pordona pica di e
paralitico y a debolb’e su salud1, kier pa su Iglesia continua, cu forsa di Spirito Santo,
cu Su obra di cura y salba, tambe den su mesun miembronan. Esaki ta e meta di e dos
sacramentonan di curacion: e sacramento di Penitencia y sacramento di Santa Oleo.

÷1422
Esnan cu yega na sacramento di Penitencia ta ricibi misericordia di Dios, pordon di
pica cu nan a comete contra djE y na mesun momento nan ta haci bon cu Iglesia, cual
nan a ofende cu pica. Cu su amor, su ehempel y su oracionnan Iglesia ta anima nan pa
converti.

÷1423
Nan ta yam’e sacramento di conversion pasobra sacramentalmente e ta realisa e
yamada di Hesus pa converti3, e prome paso pa bolbe na e Tata4 for di kende hende a
aleha su mes pa motibo di pica.Ta yam’e sacramento di Penitencia pasobra e ta
consagra e prome pasonan personal y eclesiastico di e pecador Cristian pa yega na
conversion, penitencia y expiacion.

÷1424
Ta yam’e sacramento di confesion pasobra e revelacion of confesion di pica cerca un
sacerdote, ta un elemento esencial di e sacramento aki. Na un manera profundo e
sacramento aki ta tambe un confesion, un reconocemento y un alabansa di santidad di
Dios y di su misericordia pa hende pecado.Ta yam’e tambe sacramento di pordon
pasobra door di pordon sacramental di sacerdote, Dios ta duna hende penitente
“pordon y paz”5.Ta yam’e sacramento di Reconciliacion pasobra e ta duna e pecado e
amor di Dios cu ta reconcilia: “Boso, haci bon cu Dios” (2 Co 5, 20). Esun cu biba di
amor misericordioso di Dios pronto lo responde na yamada di Señor: “Bay y reconcilia
cu bo ruman prome” (Mt 5, 24).

÷1425
“A laba Boso, a santifica Boso, a hustifica Boso na nomber di Señor Hesucristo y door
di Spirito di nos Dios” (1 Co 6, 11). Hende mester aprecia e grandesa di don cu Dios a
duna nos den sacramentonan di iniciacion Cristian pa por compronde te na ki grado
pica ta exclui pa esun cu “a bisti su mes cu Cristo” (Ga 3, 27). Apostel Huan ta bisa
tambe: “Si nos bisa cu nos no tin pica, nos ta gaña nos mes y e berdad no ta den nos”
(1 Hu 1, 8). Y Señor mes a siña nos resa: “Pordona nos nos debenan” (Lc 11, 4),
uniendo asina e pordon mutuo di nos ofensanan cu e pordon pa nos picanan cu Dios ta
concede nos.

÷1426
Conversion na Cristo, nacemento di nobo door di Bautismo, don di Spirito Santo,
Curpa y Sanger di Cristo ricibi como alimento a haci nos “santo y sin mancha” (Ef 1,
4), mescos cu Iglesia mes, Bruid di Cristo, ta santo y sin mancha” (Ef 5, 27).
Sinembargo, e bida nobo cu a ricibi den iniciacion Cristian, no a aboli fragilidad y
debilidad di naturalesa humano, ni e inclinacion na pica cu tradicion ta yama
“concupiscencia” y cu ta keda den esnan batisa pa asina sirbi pa nan, cu yudansa di
gracia di Dios, por pasa e prueba den e lucha di bida Cristian6. Esaki ta e lucha di
conversion cu bista riba santidad y vida eterno na cual Señor no ta cansa di yama nos.

÷1427
Hesus ta yama nos pa converti. E yamada aki ta un parti esencial di anuncio di Reino:
“E tempo ta cumpli y Reino di Dios ta cerca; Boso converti y kere den e Bon Noticia”
(Mc 1, 15). Den predicashi di Iglesia, e yamada aki ta dirigi na prome luga na esnan cu
ainda no conoce Cristo y su Evangelio. P’esey Bautismo ta luga principal pa prome
conversion y e ta fundamental. Door di fe den e Bon Noticia y door di Bautismo8 nos
ta renuncia maldad y nos ta alcansa salbacion, miho bisa, pordon di tur pica y don di
bida nobo.

÷1428
Asina ta, e yamada di Cristo pa converti ta sigui resona den bida di Cristiannan. E di
dos conversion aki ta un tarea sin interumpi pa henter Iglesia cu ta “ricibi pecado den
su propio seno” y cu siendo “santo na mesun momento cu e mester di purificacion
constante, ta busca penitencia y renobacion constantemente”9. E esfuerso di
conversion aki no ta solamente un obra humano. E ta emocion di un “curason
arepenti” (Sal 51, 19), atrai y anima pa gracia10 pa responde na e amor
misericordioso di Dios cu a stima nos prome.

÷1429
Di esey e conversion di San Pedro ta duna testimonio despues di a nenga su Maestro
tres biaha. E mirada di misericordia infinito di Hesus, a causa cerca Pedro lagrimanan
di arepentimento (Lc 22, 61), y despues di resureccion di Señor, Pedro a afirma tres
biaha su amor pa Cristo12. E di dos conversion tin tambe un dimension comunitario.
Esaki ta aparece den yamada di Señor na henter Iglesia: “Arepenti!” (Ap 2, 5.
16).Tocante e dos conversionnan San Ambrosio ta bisa cu, den Iglesia “ta existi awa y
lagrima: e awa di Bautismo y e lagrimanan di Penitencia”.

÷1430
Manera ya cerca e profeta prome cu Ne, e yamada di Hesus pa converti y pa haci
penitencia no tin como meta, na prome luga, e obranan exterior “saco cu shinishi”,
ayuno y mortificacion, sino e conversion di curason, penitencia interior. Sin dje, obra
di penitencia ta keda steriel y engañoso; sinembargo, conversion interior ta stimula
expresion den signonan visibel, gestonan y obranan di penitencia.

÷1431
E penitencia interior ta un reorientacion radical di henter un bida, un bolbemento, un
conversion na Dios di henter nos curason, un kibramento cu pica, un baymento contra
malo, cu repudio pa e actonan malo cu nos a comete. Na e mesun momento, e ta
encera e deseo y decision pa cambia vida, cu speransa pa ricibi misericordia divino y
confiansa den yudansa di Su gracia. E conversion di e curason aki ta bay compaña cu
dolor y tristesa saludabel cu e Tatanan di Iglesia a yama “animi cruciatus” (tormento
di alma), y “compunctio cordis” (arepentimento di curason).

÷1432
Curason di hende ta bruto y duro. Lo ta bon pa Dios duna hende un curason nobo16. E
conversion ta na prome luga un obra di gracia di Dios cu ta laga nos curasonnan bolbe
na Dje: “Converti nos, Señor y lo nos converti nos mes” (Lm 5, 21). Dios ta esun cu ta
duna nos forsa pa cuminsa di nobo. Ta ora nos descubri grandesa di amor di Dios, nos
curason ta tembla di horor y peso di pica y e ta cuminsa haya miedo pa ofende Dios pa
medio di pica y di wordo separa di djE. E curason humano ta converti door di mira
esun kende nos picanan a bora.

Laga nos tene nos wowonan fiha riba sanger di Cristo y laga nos compronde con
precioso e ta pa su Tata, pasobra, drama pa nos salbacion, el a logra pa mundo henter
e gracia di arepentimento.

÷1433
For di Pasco Grandi, ta Spirito Santo “a duna mundo e prueba di loke ta pica pica” (Hu
16, 8-9), es decir cu mundo no a kere den Esun cu Tata a manda. Pero e mesun Spirito
aki, cu ta devela pica, tambe ta e Consolador19 cu ta duna gracia di arepentimento y
conversion na curason di hende.

÷1434
Penitencia interior di e Cristian por wordo expresa na diferente manera. Scritura y
Tata ta insisti principalmente riba tresforma: yuna, oracion y dunamento di
limosna21, cu ta expresa conversion di hende relaciona cu su mes, cu Dios y
relacionacu otro. Hunto cu e purificacion radical efectua door di bautismo of door di
martirio, nan tamenciona, como medio pa ricibi pordon di pica: esfuersonan pa
reconcilia cu e prohimo,lagrima dipenitencia, cuido pa e salbacion di prohimo22,
intercesion disantonan y practica di caridad “cu ta cubri un multitud di pica” (1 P 4,
8).

÷1435
Ta logra conversion den bida di tur dia door di gestonan di reconciliacion, cuido pa
pober, practica y defensa di husticia y derecho23, door di reconocemento di nos
faltanan contra nos rumannan, coreccion fraternal, revision di bida, saminacion di
consenshi, direccion spiritual, aceptacion di sufrimento, door di soporta persecucion
pa motibo di husticia. Cargando nos cruz tur dia y siguiendo Hesus, ta e manera mas
sigur di haci penitencia.

÷1436
Eucaristia y Penitencia. Conversion y penitencia di tur dia ta tin nan fuente y nan
alimento den Eucaristia, pasobra den dje a wordo poni presente e sacrificio di Cristo,
cu a reconcilia nos cu Dios. Pa medio di Eucaristia esnan cu ta biba for di bida di
Cristo ta wordo alimenta y fortifica. “E ta un remedi cu ta libra nos di nos fayonan di
tur dia y ta proteha nos contra pica mortal”.

÷1437
Lesamento di Scritura Santo, oracion di Liturgia di Ora y di Nos Tata, tur accion
sincero di alabansa of di piedad ta rebiba den nos spirito di conversion y di penitencia
y ta contribui na pordon di nos picanan.

÷1438
Tempo y dia di Penitencia durante aña liturgico (den tempo di Cuaresma, tur
diabierna den memoria di morto di nos Señor) ta momento fuerte pa practica di
penitencia di Iglesia26. E temponan aki ta apropia particularmente pa haci ehercicio
spiritual, pa liturgia penitencial, pa peregrinacion como signo di penitencia, pa priva
bo mes boluntariamente door di tene yuna, duna limosna y comparti fraternalmente
(obranan caritativo y misionero).

÷1439
Hesus a describi proceso di conversion y di penitencia maraviyosamente den e parabel
yama “E yiu perdi”, di cual “e tata misericordioso” (Lc 15, 11-24) ta central):
fascinacion di un libertad yen di ilusion, abandono di cas paternal; miseria extremo
den cual e yiu ta haya su mes despues di a drispidi su fortuna; e humiyacion profundo
cu el a sinti door di haya su mes obliga di cuida porco y pio ainda e deseo pa alimenta
su mes cu e restonan cu porco tawata come; e reflexion riba tur loke el a perde, e
arepentimento y e decision di declara su mes culpabel dilanti di su tata, e caminda di
regreso; e acogido generoso di su tata; alegria di e tata: tur esakinan ta
caracteristicanan di proceso di convesion. E bunita bisti, e renchi, y e bankete festivo
ta simbolonan di e bida nobo ey, puro, digno, yen di alegria di tur hende cu ta regresa
na Dios y den seno di su famia, cu ta Iglesia. Solamente curason di Cristo, cu conoce
profundidad di amor di su Tata, por a revela na nos e abismo di su misericordia na un
anera asina yen di simplesa y beyesa.

Catisashi diIglesia Catolico

÷1440
Pica ta, prome cu tur cos, un ofensa contra Dios, un kiebra di comunion cu nE. Na mes
momento e ta un atentado contra comunion cu Iglesia. P’esey conversion ta nifica e
pordon di Dios y alabes e reconciliacion cu Iglesia, loke ta wordo expresa y realisa
liturgicamente pa medio di sacramento di Penitencia y Reconciliacion.

÷1441
Solamente Dios ta pordona pica28. Pasobra Hesus ta yiu di Dios, e ta bisa di su mes:
“E Yiu di hende tin poder pa pordona pica na mundo” (Mc 2, 10) y E ta eherce e poder
divino ey: “Bo picanan ta pordona” (Mc 2, 5; Lc 7, 48). Mas ainda den virtud di su
autoridad divino, Hesus ta duna e poder aki na hende29 pa nan eherce den su
nomber.

÷1442
Cristo tawata kier pa henter su Iglesia, tanto den oracion como den su bida y su obra,
ta simbolo y instrumento di pordon y di reconciliacion cu a cumpra nos cu prijs di su
sanger. Sinembargo, el a confia e trabou di eherce poder di absolucion na ministerio
apostolico, cu ta esun encarga cu e “ministerio di reconciliacion” (2 Co 5, 18). E
apostel ta manda “na nomber di Cristo” y ta “Dios mes” a traves di Dje, ta pidi y
suplica: “Boso reconcilia cu Dios” (2 Co 5, 20).

÷1443
Durante su bida publico, Hesus no solamente a pordona pica, pero tambe El a
manifesta efecto di e pordon aki: El a reentegra pecadonan pordona den e comunidad
di pueblo di Dios, cu a bira lomba pa y te hasta a exclui pica. Un signo remarcabel di
esaki ta e hecho cu Hesus ta admiti pecadonan na su mesa, un gesto cu ta expresa na
un manera asombroso tanto e pordon di Dios30 como e regreso den seno di pueblo di
Dios.

÷1444
Ora Hesus a participa na apostel cu nan tin poder pa pordona pica, El a duna nan
autoridad tambe pa reconcilia pecado cu Iglesia. Ta expresa e dimension eclesial aki
di su tarea particularmente den e palabranan solem cu Cristo a bisa Simon Pedro:
“N’abo Mi ta duna e yabinan di Reino di shelo y loke Abo mara na tera ta keda mara
den shelo y loke Bo los na tera, lo keda gelos den shelo” (Mt 16, 19). “Ta cla cu
colegio di Apostel tambe, uni na Su Cabez (cf Mt 18, 18; 28, 16-20) a ricibi funcion di
mara y los duna na Pedro (cf Mt 16, 19)”.

÷1445
E palabranan mara y los ta nifica: esun cu bo a exclui di bo comunion, lo ta exclui di
comunion cu Dios; esun cu bo ricibi di nobo den bo comunion, Dios tambe lo acept’e
den Su comunion. Reconciliacion cu Iglesia ta inseparabel di reconciliacion cu Dios.

÷1446
Cristo a institui sacramento di Penitencia pa tur miembro pecado di su Iglesia,
especialmente pa esnan, cu despues di Bautismo, a cay den pica grave y asina a perde
e gracia cu nan a haya ora di bautismo y a herida comunion eclesiastico. Sacramento
di Penitencia ta ofrece na nan un posibilidad nobo pa converti y pa recupera gracia di
hustificacion. E Tatanan di Iglesia ta presenta e sacramento aki como e di “dos
salbabida (salbacion) despues di e naufragio cu ta perdida di gracia”.

÷1447
Den transcurso di siglonan e forma concreto segun cual Iglesia a eherce e poder aki cu
el a ricibi di Señor, a varia hopi. Durante e prome siglonan, reconciliacion di
Cristiannan cu a comete pica particularmente grave, despues di nan Bautismo (por
ehempel idolatria, homicidio of adulterio) tawata mara na un disciplina hopi rigoroso,
segun cual e penitente mester a haci penitencia publico pa su pica, hopi biaha
durante añanan largo, prome cu e ricibi reconciliacion. Na e “orden di penitentenan”
aki (cu solamente ta concerni cierto picanan grave) masha poco e pecado tabata
wordo admiti y den cierto regionnan, solamente un biaha den bida. Den siglo VII,
misioneronan Irlandes inspira pa e tradicion monastico Oriental, a trece e “practica
priva” di Penitencia na e continente Europeo, cu no a exigi realisacion publico y
prolonga di obranan penitencial prome cu ricibi reconciliacion cu Iglesia. For di e
tempo ey, ta realisa e sacramento den secreto entre penitente y sacerdote. E
practica nobo aki a crea e posibilidad pa ripiticion, y asina a habri e caminda pa ricibi
e Sacramento aki regularmente. El a permiti integracion di pordon pa pica grave y
pica regular den un solo celebracion sacramenental. Den liñanan grandi esaki ta e
forma di penitencia cu Iglesia a sigui practica te dia di awe.

÷1448
Bou di e cambionan den disciplina y celebracion cu e sacramento aki a experiencia
den transcurso di siglonan, por distingui e mesun structura fundamental. E ta consisti
den dos elemento egualmente esencial: di un banda e actonan di esun cu ta converti
pa medio di accion di Spirito Santo: cu ta, contricion, confesion y satisfaccion; di otro
banda, accion di Dios pa medio di intervencion di Iglesia. Iglesia, cu pa medio di
obispo y su sacerdotenan ta pordona pica na nomber di Hesucristo, y ta determina e
forma di satisfaccion, ta resa tambe pa e pecado y ta haci penitencia hunto cu ne.
Asina ta cura e pecado y ta restablec’e den comunion di Iglesia.

÷1449
Formula di absolucion uza den Iglesia Latin ta expresa elemento esencial di e
sacramento aki: e Tata di misericordia ta fuente di tur pordon. E ta realisa
reconciliacion di pecado door di Pasco di su Yiu y don di su Spirito, pa medio di
oracion y ministerio di Iglesia:

Dios, Tata misericordioso, cu a reconcilia mundo door di morto y resurreccion di su


Yiu y a manda Spririto Santo pa pordon di pica, ta concede, door di ministerio di
Iglesia, pordon y paz. Y mi ta absolve bo di bo picanan na nomber di Tata y di Yiu y di
Spirito Santo.

÷1450
“Penitencia ta exigi… pa e pecado sufri tur cos boluntariamente; den su curason, pa e
tin contricion den su curason, pa e confesa cu boca, y practica humildad completo y
satisfaccion fructifero”.

÷1451
Entre e actonan di penitente, contricion ta aparece na prome luga. E ta un “duele
den e alma y un rechaso di pica hunto cu e resolucion pa no peca mas”.

÷1452
Si e brota for di un amor c uta stima Dios mas cu tur cos, ta yama e contricion,
“perfecto” (contricion di caridad). Un contricion asina ta pordona faltanan chikito;
pecado ta ricibi tambe pordon pa pica mortal si e ta encera tambe e decision firme pa
acudi mas lihe posibel na sacramento di confesión.

÷1453
Econtricion yama “imperfecto” (of “atricion”) tambe ta un don di Dios, un impulso di
Spirito Santo. Eta nace door di realisa conscientemente e horor di pica of e miedo pa
condenacion eterno y otro castigo cu ta enasa e pecado (contricion di miedo). E shock
di e consenshi aki por tacuminsamentodi un evolucion interior cu ta culmina, door di
accion di gracia den absolucion den sacramento. Sinembargo riba su mes e contricion
imperfecto, no ta alcansa pa haya e pordon pa picanan cu ta grave, pero e ta haci
posibel pa pecado haya pordon den sacramento di Penitencia.

÷1454
Mester prepara pa ricibi e sacramento aki pa medio di un saminacion di consenshi haci
den luz di e Palabra di Dios. E textonan mas apropia den e caso aki ta den e Dies
Mandamentonan, e catekesis moral di e Evangelionan y e Cartanan apostolico, manera
e Predicashi riba Sero y enseñanza apostolico.

÷1455
Confesion di pica, incluso mira for di punta di bista simplemente humano, ta libra nos
y ta facilita nos reconciliacioncu otro. Door di confesion, hende ta enfrenta pica di
cual e ta sinti su mes culpabel; e ta asumi su responsabilidad y door di esey e ta habri
su mes pa Dios atrobe y pa comunion di Iglesia cu e meta pa haci un futuro nobo
posibel.
÷1456
Confesion cerca un sacerdote ta un parti importante di sacramento di Penitencia:
“Den confesion e penitente mester revela tur pica mortal cu e ta consciente di dje,
despues di a samina su mes seriamente, te hasta si e picanan aki ta sumamente
secreto y si a comete nan contra e ultimo dos di e Dies Mandamentonan40; pues tin
ora e picanan ey ta herida e alma mas grave y nan ta mas peligroso cu esnan cu a
comete den bista di tur hende”41:

Ora fielnan na Cristo ta haci esfuerso pa confesa tur pica cu e ta corda, lo no por duda
cu e ta presenta dilanti di misericordia divino pa pordon di tur su picanan cu el a
comete. Esnan cu ta actua di otro manera y conscientemente ta sconde algun pica, no
ta presentando dilanti di bondad divino nada cu por pordon’e door di intermediacion
di sacerdote. Pasobra “si esun enfermo tin berguensa di mustra su yaga na dokter, e
remedi no ta cura loke e no sa”.

÷1457
Segun mandamento di Iglesia “tur fiel cu tin edad di discrecion mester confesa por lo
menos un bes pa aña e picanan grave”43. “Esun cu ta consciente cu e ta den pica
grave, no por celebra misa ni comulga curpa di Señor sin acudi prome na sacramento
di confesion a no sea pasobra tin un motibo grave y no tin posibilidad di confesa; y
den e caso aki, tene na mente cu e ta obliga pa haci un acto di contricion perfecto,
cu ta inclui proposito di confesa mas pronto posibel”44. Mucha mester bay
sacramento di Penitencia prome cu ricibi Santa Comunion pa prome biaha.

÷1458
Sin cu e ta strictamente necesario, Iglesia ta recomenda masha hopi e confesion di
pica chikito46. Confesion di pica chikito pa custumber ta yuda forma consenshi, ta
yuda lucha contra inclinacion malo y ta laga e hende cura door di Cristo y asina
progresa den bida di Spirito. Door di ricibi don di misericordia di Tata cu mas
frecuencia, mediante e sacramento aki, nos ta wordo impulsa pa ta misericordioso
manera E ta misericordioso.

Esun cu confesa su picanan… ya ta coopera cu Dios. Dios ta acusa bo picanan, si abo


tambe ta acusa bo mes, bo ta uni bo mes cu Dios. Hende y pecado, ta, na moda di
bisa, dos realidad: Si papia di “hende” –esaki ta Dios a traha; si ta papia papia di
“pecado” – esaki ta loke hende mes a traha. Destrui loke abo a traha pa Dios salba
loke El a traha… Ora bo cuminsa detesta loke abo a traha, e ora bo bon obranan ta
cuminsa, pasobra bo ta reconoce bo obranan malo. E cuminsamento di obra bon ta
confesion di obra malo. Haci e berdad y bo ta bin na Luz.
÷1459
Hopi pica ta haci daño na prohimo. Ta bon pa haci lo posibel pa drech’e (por ehempel
debolbe cos horta, drecha reputacion malo di esun di kende bo a lastra y paga
compensacion pa heridanan. Husticia riba su mes ya caba ta exigi esaki. Pica ta herida
y ta debilita e pecado mes tambe, asina tambe su relacion cu Dios y su prohimo.
Absolucion ta kita pica, pero e no ta drecha tur desorden cu pica a causa49. Libra di
pica, pecado mester recobra ainda pleno salud spiritual. E mester haci algo mas pa
drecha su picanan: e mester “satisface” na un manera apropia of paga pa su picanan.
Ta yama e satisfaccion aki tambe “penitencia”.

÷1460
E penitencia cu confesor ta impone mester tene cuenta cu situacion personal di e
penitente y mester considera su bienestarspiritual. E mester cuadra mas tanto posibel
cu gravedad y naturalesadi e picanan cometi. E por consisti di oracion, ofrenda, obra
di misericordia, sirbishi na prohimo, priva bo mes boluntariamente di algo, sacrificio y
mas cu tur cos, acepta cu pasenshi e cruz cu nos mester carga. Penitencia asina ta
yuda nos bira conforme na Cristo, e Unico cu a kita nos picanan50 di un bes pa
semper. Nan ta permiti nos di yega na ta co-heredero di Cristo resucita, “ya cu nos ta
sufri cu nE” (Rm 8, 17)51:

Pero nos satisfaccion, esun cu nos ta realisa pa motibo di nos picanan, solamente ta
posibel pa medio di Hesucristo: nos, riba nos mes, no por nada. Cu ayudo “di Esun cu
ta fortalece nos, nos por tur cos”52. Pues hende no tin nada cu e por gaba cu ne, pero
tur nos gabamento ta den Cristo… den kende nos ta duna satisfaccion door di pruduci
“fruta digno di penitencia”53 cu ta ricibi su forsa di djE, door di djE ta ofrece nan na
Tata y danki na djE nan ta acepta pa Tata.

÷1461
Door cu Cristo a confia su apostelnan cu ministerio di reconciliacion,55 obisponan, cu
ta nan sucesornan, y sacerdotenan, esnan cu ta colabora cu obispo, ta sigui ehere e
ministerio aki. Berdaderamente, obispo y sacerdotenan, debi na e sacramento di
Ordenacion Santo, tin e poder pa pordona tur pica “na nomber di Tata y di Yiu y di
Spirito Santo”.

÷1462
Pordon di pica ta reconcilia hende cu Dios y tambe cu Iglesia. Ya for temponan
antiguo ta considera obispo, e cabes visibel di un Iglesia particular, hustamente a
wordo considera di ta esun cu principalmente tin e poder y e ministerio di
reconciliacion: E ta regla e administracion di e sacramento di Penitencia56.
Sacerdotenan, su colaboradornan, ta eherc’e asina leu cu nan a ricibi e tarea aki sea
for di nan obispo (of di un superior religioso), of for di e Papa, di acuerdo cu ley di
Iglesia.

÷1463
Ta sanciona cierto pica cu ta particularmente grave cu excomunicacion’ e castigo
eclesiastico di mas severo, cu ta impedi pa ricibi e sacramentonan y pa eherce cierto
actonan eclesiastico y pa cual consecuentemente, cu excepcion di e Papa, e obispo di
e luga of sacerdotenan autorisa door di nan, no por duna absolucion, segun ley
canonico58. Den caso di peliger di morto, tur sacerdote, incluso esnan priva di nan
facultad pa scucha confesion, por absolve cualkier pica59 y tur excomunicacion.

÷1464
Sacerdotenan mester encurasha e fielnan pa acudi na sacramento di Penitencia y nan
mester ta disponibel pa celebra e sacramento aki cada bes cu Cristiannan pidi esaki
na un manera rasonabel.

÷1465
Ora cu sacerdote ta celebra sacramento di Penitencia, e ta eherce ministerio di e Bon
Wardado cu ta busca carne perdi, esun di e Bon Samaritano cu ta trata e heridanan,
esun di Tata cu ta warda e yiu perdi y cu ta acept’e ora cu el a bolbe, esun di e Hues
husto cu no ta haci distincion den persona y kende su huicio ta alabes husto y
misericordioso. Den un palabra, e sacerdote ta marca y instrumento di Dios Su amor
pa e pecado.

÷1466
E confesor no ta doño, sino sirbido di pordon di Dios. E administrado di e sacramento
aki mester uni su mes na intencion y caridad di Cristo61. E mester tin un conocemento
proba di comportacion Cristian, experiencia di asuntonan humano, respet y delicadesa
pa esun cu a cay; e mester stima e berdad, e mester ta fiel na magisterio di Iglesia y
mester conduci e penitente cu pasenshi na curacion y madurez completo. E mester
resa y haci penitencia pa e penitente, confiando e na misericordia di Señor.

÷1467
Mirando delicadesa y grandesa di e ministerio aki y e respet debido na personanan,
Iglesia ta declara cu tur sacerdote cu ta scucha confesion ta obliga pa warda secreto
absoluto di pica cu su penitentenan a confesa cerca dje, bou di castigo hopi severo62.
Tampoco e no por uza conocemento cu confesion a dun’e di bida di e penitentenan.
Ta yama e secreto aki, cu no tin excepcion “seyo sacramental”, pasobra loke e
penitente a manifesta na sacerdote ta keda seya door di e sacramento.

÷1468
“Tur poder di penitencia ta consisti den e hecho cu e ta restaura nos den gracia di
Dios y e ta uni nos cu nE cu un amistad profundo”63. Meta y efecto di e sacramento
aki ta pues, reconciliacion cu Dios. Pa esnan cu ricibi sacramento di Penitencia cu un
curason arepenti y cu un disposicion religioso, reconciliacion“normalmente ta sigui pa
paz y serenidad di consenshi cu consuelo spiritual profundo”64. Como resultado, e
sacramento di reconciliacion cu Dios ta produci un “resureccion spiritual” berdadero,
un restauracion di dignidad y bendicionnan di bida di yiunan di Dios, di cual esun di
mas precioso ta amistad cu Dios.

÷1469
E sacramento aki ta reconcilia nos cu Iglesia. Pica ta daña of te hasta kibra comunion
fraternal. Sacramento di Penitencia ta drech’e of rehabilit’e. Den e sentido aki, e no
ta cura solamente esun cu ta bolbe integra su mes na comunion di Iglesia, pero e tin
tambe un efecto di haci bida di Iglesia mas bibo, ya cu el a sufri door di pica di un
disu miembronan66. Restableci of fortifica den comunion di santonan, e pecador ta
fortifica door di intercambio di bienes spiritualentre tur miembro bibo di Curpa di
Cristo, sea ainda peregrinando of ya caba den patria celestial67:

Nos mestercorda cu… e reconciliacion aki cu Dios, comosifuera ta conduci a mas


reconciliacion, cu ta drecha e otro kiebronan causa pa pica: E penitentepordona a
reconcilia cu su mes den profundidad absoluto di su ser, caminda e ta recupera su
berdad di mas profundo. El a reconcilia cu su rumannan, cu el a ofende y herida di un
manera of otro. El a reconcilia cu Iglesia; el a reconcilia cu henter creacion.

÷1470
Den e sacramento aki, e pecado, confiando den huicio misericordioso di Dios, ta
anticipa na cierto manera e huicio na cual e lo ta someti na final di su bida terenal.
Pasobra ta awo, den e bida aki, cu nos ta wordo ofreci e escogencia entre bida y
morto y ta solamente pa medio di conversion cu nos por drenta den e Reino, di cual
hende ta exclui door di pica grave69. Convertiendo na Cristo door di penitencia y fe,
e pecado ta pasa di morto pa bida “y no ta someti na huicio” (Hu 5, 24).

Catisashi di IglesiaCatolico
÷1471
Doctrina y practica di indulgencianan den Iglesia ta hopi pega na efectonan di e
sacramento di Penitencia.

Kico ta indulgencia

“Un indulgencia ta un dispensacion dilanti di Dios di castigo temporal debi na picanan


ya pordona caba pa loke ta culpa. Fielnan Cristian cu tin e disposicion apropia ta
adkiri, bou di cierto condicionnan prescribi, door di mediacion di Iglesia, cu, como
administrado di redencion, ta distribui y aplica cu autoridad e tesoro di satisfaccion di
Cristo y e santonan”.“Un indulgencia ta parcial of completo segun cu e ta kita sea
parcialmente of totalmente e castigo temporal debi na pica”70.“Tur fiel por adkiri
indulgencia pa su mes of por aplica nan pa difuntonan”.

÷1472
Pa compronde e doctrina y practica aki di Iglesia ta bon pa realisa cu pica tin un
consecuencia dobel. E pica grave ta priva nos di comunion cu Dios y p’esey ta haci nos
incapaz pa bida eterno. E carencia di vida eterno nos ta yama “pena eterno” di pica.
Di otro banda tur pica, incluso esun chikito, ta encera un pegamento insano na sernan
crea cu mester wordo purifica, sea aki na mundo, sea despues di morto, den e estado
cu yama Purgatorio. E purificacion aki ta libra nos di loke nos ta yama “pena
temporario” di pica. No mester mira e dos penanan aki como un sorto di vengansa,
duna door di Dios for di pafo, sino como algo cu ta brota for di naturalesa di pica mes.
Un conversion cu ta sali for di un caridad ferviente por yega na purificacion total di e
pecado di manera cu no ta resta nada di castigo.

÷1473
Pordon di pica y restauracion di comunion cu Dios ta encera dispensacion di pena
eterno di pica. Pero e pena temporal di pica ta keda. Soportando cu pasenshi e
sufrimento y tur sorto di prueba y enfrentando morto cu calmo ora e dia yega, e
Cristian mester haci esfuerso pa acepta, como un gracia, e pena temporario aki di
pica. E mester empeña, pa medio di obra di misericordia y di caridad, como tambe pa
medio di oracion y varios practica di penitencia, pa deshaci completamente di e
“hende bieu” y bisti su mes cu e “hende nobo”.

÷1474
E Cristian cu kier purifica su mes di pica y santifica su mes cu ayudo di gracia di Dios
no ta para su so. “E bida di cada un di e yiunan di Dios ta liga na Cristo y door di
Cristo, na un manera admirabel, na bida di tur otro ruman Cristian, den union
sobrenatural di Curpa Mistico di Cristo, como na un solo persona mistico”.

÷1475
Den comunion di santonan, “ta existi entre fielnan cu ya ta bienaventura den nan cas
celestial, esnan cu ta pagando nan castigo den purgatorio y esnan cu ainda ta
peregrina na tera, un laso duradero di amor. Tambe tin entre nan un intercambio
abundante di cosnan bon”74. Den e intercambio admirabel aki, santidad di un ta
resulta den probecho pa otro, hopi mas cu e daño cu pica di uno por causa na
otronan. Asina, e pecado penitente, door di haci un apelacion na comunion di
santonan, por wordo purifica mas lihe y mas eficaz di e castigonan pa pica.

÷1476
E biennan spiritual aki di comunion di santonan, nos ta yama tambe e tesoro di Iglesia
cu “no ta e cantidad total di bienes cu a acumula den transcurso di siglo. Al contrario
‘e tesoro di Iglesia’ ta e valor infinito y inagotabel cu e meritonan di Cristo tin pa
Dios. Nan a wordo ofreci pa libra henter humanidad di pica y logra comunion cu Tata.
Den Cristo, e Redentor mes, e satisfaccionnan y meritonan di su Redencion ta perdura
y tin balor” (cf Hb 7, 23-25; 9, 11-28).

÷1477
“Igualmente ta pertenece na e tesoro aki e prijs berdaderamente inmenso, sin midi y
semper nobo cu oracion tin dilanti di Dios y bon obra di Birgen Maria Bienaventura y di
tur santo cu a santifica pa gracia di Cristo, siguiendo su pasonan y realisando un obra
agradabel na Tata, di manera cu trahando pa nan salbacion propio, a coopera tambe
na salbacion di nan ruman den unidad di Curpa mistico”.

÷1478
Ta ricibi indulgencia pa medio di Iglesia, cu, pa forsa di e poder di por mara y los cu
Cristo Hesus a concede na dje, ta interveni na fabor di Cristiannan individualmente y
ta habri pa nan e tesoro di meritonan di Cristo y e santonan, pa haya di e Tata di
misericordia e dispensacion di castigonan temporal debi na nan picanan. P’esey Iglesia
no solamente kier yuda e Cristiannan aki, pero ta encurasha nan tambe pa haci obra
di piedad, di penitencia y di caridad.

÷1479
Door cu fielnan difunto na caminda pa purificacion ta tambe miembronan di mesun
comunion di santonan, nos por yuda nan entre otro door di haya indulgencianan pa
nan, di manera cu e pena temporal cu nan a merecedoor di nan picanan por wordo
dispensa.

÷1480
Manera tur sacramento, Penitencia ta un accionliturgico. Normalmente su
elementonan di celebracion ta: saludo y bendicion di sacerdote, lectura di palabra di
Dios pa ilumina consenshi y pa lanta contricion y yamada pa arepenti; confesion cu ta
reconoce pica y ta manifest’e na sacerdote; imposicion y aceptacion di penitencia;
absolucion di sacerdote; alabansa di accion di gracia y despedida cu bendicion di
sacerdote.

÷1481
Liturgia Bizantino ta reconoce diferente formula di absolucion, den forma di
invocacion, cu ta expresa admirablemente e misterio di pordon: “Cu e mesun Dios cu
mediante profeta Nathan a pordona David ora cu el a confesa su picanan, cu a
pordona Pedro ora cu el a Yora Amargamente, e prostituta ora cu el a laba Su pianan
cu lagrima, e publicano y e yiu perdi, cu e mesun Dios aki, pa medio di ami, un
pecado, pordona boso den e bida aki y den e otro y laga boso presenta dilanti di su
temibel tribunal sin condenación, Esun cu ta bendiciona den tur siglo di siglonan.
Amen”.

÷1482
Por celebra sacramento di Penitencia tambe den cuadro di un celebracion
comunitaria, den cua penitente ta prepara pa confesion y hunto nan ta gradici pa
pordon ricibi. Asina confesion personal di pica y absolucion individual ta hinca den un
liturgia di Palabra di Dios, cu lectura y homilia, examen di consenshi dirigi hunto,
peticion comunitario di pordon, resa Nos Tata y accion di gracia hunto. E celebracion
comunitario aki ta expresa mas cla e caracter eclesial di penitencia. Den todo caso,
cualkier cu ta e forma di su celebracion, sacramento di Penitencia ta semper, door di
su naturalesa mes, un accion liturgico, p’esey eclesial y publico.

÷1483
Den caso di necesidad grave por recuri na celebracion comunitario di reconciliacion cu
confesion general y absolucion general. Un necesidad grave asina por presenta ora cu
tin un peliger inminente di morto sin cu e sacerdote(nan) tin suficiente tempo pa
scucha confesion di cada penitente. Necesidad urgente por existi tambe ora cu
teniendo na cuenta cantidad di penitente, no tin suficiente confesor, pa scucha
debidamente e confesion individual den un tempo rasonabel, di manera cu
penitentenan, sin cu nan tin culpa, ta wak nan mes priva, durante un tempo largo, di
gracia di sacramento of di santa comunion. Den e caso aki, fielnan mester tin, pa
validez di absolucion, e proposito di confesa individualmente nan picanan na su
debido tempo79. Na obispo diocesano ta coresponde pa husga si ta existi e
condicionnan rekeri pa absolucion general80. Un gran concurencia di fielnan na
ocasion di fiestanan grandi of peregrinacionnan no ta un caso di necesidad urgente.

÷1484
“Confesion indiviual, integro y absolucion ta continua di ta e unico manera normal pa
fielnan reconcilia cu Dios y Iglesia, a menos cu e manera di confesa aki ta fisicamente
of moralmente imposibel”82. Pa e regla aki tin motibonan profundo. Cristo ta actua
den cada un di e sacramentonan. E ta dirigi su mes personalmente na cada un di e
pecadonan: “Mi yiu, bo picanan ta pordona” (Mc 2, 5). E ta e medico cu ta atende
cada un di e enfermonan cu tin mester di djE83 pa cura nan. E ta restaura nan y ta
reintegra nan den comunion fraternal. P’esey confesion personal ta e forma mas
significante di reconciliacion cu Dios y cu Iglesia.

÷1485
Riba e atardi di e dia ey, e prome dia di siman”, Hesus a aparece na Su apostelnan.
“El a hala rosea riba nan, y a bisa nan: Ricibi Spirito Santo. Esnan cu boso pordona nan
picanan, nan lo keda pordona; Esnan cu boso no pordona, nan lo no ta pordona” (Hu
20, 19. 22-23).

÷1486
Ta concede pordon di picacometi despues di Bautismo pa medio di un sacramento
particular yama e sacramento di conversion, confesion, penitencia ofreconciliacion.

÷1487
Esun cu peca ta herida honor y amor di Dios, sumesundignidad como un hende yama
pa ta un yiu di Dios, y bienestar spiritualdi Iglesia, di cual cada Cristian mester ta un
piedra bibo.

÷1488
Pa wowo di fe, ningun maldad ta mas grave cu pica y nada tin consecuencia pio pa e
pecadonan mes, pa Iglesia y pa mundo henter.

÷1489
Pa bolbe den comunion cu Dios, despues di a perd’e pa motibo di pica, ta un proceso,
naci for di gracia di Dios, cu ta rico na misericordia y masha preocupa pa salbacion di
hende. Ta bon pa pidi pa e don precioso aki pa Bo mes y pa otro.

÷1490
E movimento di bolbe na Dios, yama conversion y contricion, ta contene duele y
disgusto a picanan cometi, y e proposito firme di no bolbe peca den futuro. P’esey
conversion ta mira den pasado y den futuro y e ta nutri su mes pa medio di speransa
den misericordia di Dios

÷1491
E sacramento di Penitencia ta un totalidad consistiendo den tres acto di e penitente y
e absolucion di sacerdote. E actonan di e penitente ta: contricion, confesion of
manifestacion di picanan na sacerdote y e proposito di drecha e malo y haci obra di
reparacion.

÷1492
E arepentimento (tambe yama contricion) mester ta inspira pa motibonan cu ta brota
for di fe. Si arepentimento ta concebi door di amor di caridad pa Dios, ta yam’e
contricion “perfecto”; si e ta basa riba otro motibonan ta yam’e “imperfecto”.

÷1493
Esun cu kier haya reconciliacion cu Dios y cu Iglesia mester confesa cerca un
sacerdote tur pica grave cu e no a confesa ainda y esnan cu e ta corda despues di a
samina su consenshi cuidadosamente. Confesion di picanan chikito, sin cu esey ta
necesario riba su mes, ta altamente recomenda door di Iglesia.

÷1494
E confesor ta propone pa e penitente haci cierto actonan di “satisfaccion” of di
“penitencia”, pa drecha daño causa door di pica y pa reestablece custumbernan cu ta
cuadra cu un discipel di Cristo.
÷1495
Solamente sacerdotenan cu a ricibi e autorisacion pa duna absolucion for di autoridad
di Iglesia por pordona pica na nomber di Cristo.

÷1496
E efectonan spiritual di sacramento di Penitencia ta:

- reconciliacion cu Dios door di cual e penitente ta recupera gracia;

- reconciliacion cu Iglesia;

- dispensacion di pena eterno contrai door di pica mortal;

- dispensacion, por lo menos un parti, di pena temporal, cu ta pica;

- paz y serenidad di consenshi y consuelo spiritual;

- crecemento di forsa spiritual pa e bataya Cristian.

÷1497
Confesion individual y integro di pica grave sigui pa absolucion ta e unico medio
normal pa e reconciliacion cu Dios y cu Iglesia.

÷1498
Door di indulgencia e fielnan por alcansa pa nan mes y tambe pa e almanan di
Purgatorio dispensacion di pena temporal, cu ta consecuencia di pica.

÷1499
“Cu e uncion sagrado di e enfermonan y cu e oracion di e sacerdotenan, henter Iglesia
ta encomenda e enfermonan na Señor sufriente y glorifica pa E alivia nan y pa E salba
nan. Y sigur Iglesia ta encurasha nan pa contribui na bienestar di e Pueblo di Dios door
di uni libremente na e Pasion y morto di Cristo”.
÷1500
Semper a conta enfermedad y sufrimento entre e problemanan mas grave cu ta
molestia e bida humano. Den enfermedad, e hende ta experiencia su impotencia, su
limitenan y su finalidad. Tur enfermedad por haci nos premira morto.

÷1501
Enfermedad por conduci nos na angustia, na aleha nos di nos mes, tin ora hasta na
desesperacion y na rebeldia contra Dios. E por haci e persona mas madura tambe,
yud’e pa haci distincion den su bida entre loke no ta esencial pa bolbe na loke si ta.
Hopi biaha enfermedad ta pusha nos pa busca Dios, pa bolbe na djE.

÷1502
E hende di Testament Bieu ta biba enfermedad den presencia di Dios. Dilanti di Dios e
ta lamenta su enfermedad85 y ta di Dios, Señor di bida y di morto, e ta implora
curacion86. Enfermedad ta bira un caminda pa conversion87; pordon di Dios ta
cuminsa e curacion88. Israel ta experiencia cu enfermedad, di un manera misterioso,
ta vincula cu pica y cu maldad; y cu fieldad na Dios, segun su Ley ta debolbe bida:
“Ami, Señor, ta esun cu ta cura bo” (Ex 15, 26). Profeta ta premira cu sufrimento por
tin tambe un sentido redentor pa pica di otro89. Finalmente, Isaias ta anuncia cu Dios
lo laga un tempo bin pa Sion den cual e lo pordona tur falta y E lo cura tur
enfermedad.

÷1503
Compasion di Cristo pa enfermo y su numeroso curacionnan di tur clase di
enfermedad91 ta un signo maraviyoso di cu “Dios a bishita su pueblo” (Lc 7, 16) y cu
Reino di Dios ta hopi cerca. Hesus no tin solamente poder pa cura, sino tambe pa
pordona pica92: El a bini pa cura e hende completo, alma y curpa; e ta e dokter cu
esnan enfermo tin mester93. Su compasion pa tur esnan cu ta sufri ta yega asina leu,
cu E ta identifica su mes cu nan: “Mi tawata enfermo y bo a bishita mi.” (Mt 25, 36)
Su amor special pa esnan enfermo no a stop, atraves di siglonan, di yama e atencion
masha particular di Cristiannan pa tur cu ta sufri di curpa y di alma. E atencion aki ta
fuente di esfuerso incansabel pa alivia esnan cu ta sufri.

÷1504
Hopi biaha Hesus ta pidi esnan enfermo pa nan kere94. E ta uza signonan pa cura:
scupi y ponemento di man95, lodo y bañamento96. Esnan enfermo ta purba mishi cu
nE97, “pasobra for di djE tawata sali un forsa cu ta cura tur hende” (Lc 6, 19). Asina,
den sacramento Cristo ta sigui “mishi cu nos” pa cura nos.
÷1505
Conmovi pa tanto sufrimento, Cristo no solamente a laga esnan enfermo mishi cu nE,
sino cu El a haci nan miseria di djE: “El a tuma nos flakesa y a carga nos malesa” (Mt
8, 17)98. Pero E no a cura tur enfermo. Su curacionnan tabata señalnan di binimento
di Reino di Dios. Nan a anuncia un curamento mas radical: victoria riba pica y riba
morto door di Su Pasco. Na Cruz Hesus a tuma riba djE tur peso di maldad99 y El a
kita “pica di mundo” (Hu 1, 29), di cual enfermedad ta nada mas cu un consecuencia.
Door di su pasion y su morto na Cruz, Cristo a duna un nificacion nobo na sufrimento;
for di e tempo ey padilanti esaki por haci nos conforme cu nE y ta uni nos cu Su Pasion
redentor.

÷1506
Cristo ta invita su discipelnan pa siguiE y na nan turno tuma su cruz100. Door di siguiE
nan ta adkiri un bista nobo riba enfermedad y esnan enfermo. Hesus ta asocia nan cu
Su propio bida pober y humilde. E ta laga nan participa den su ministerio di compasion
y di curacion: “Y, nan a sali bay y a predica cu hende mester converti. Y nan a saca
hopi demoño y a hunta hopi enfermo cu azeta y a cura nan” (Mc 6, 12-13).

÷1507
Señor resucita ta renoba e mision aki (“Na mi nomber... nan lo pone man riba esnan
enfermo y nan lo bira bon”;Mc 16, 17-18) y ta confirm’e pa medio di e signonan cu
Iglesia ta realisa invocando su nomber101. E signonan aki ta demonstra na un manera
special cu Hesus ta berdaderamente “Dios cu ta salva hende”.

÷1508
Spirito Santo ta duna algun hende un carisma special di curacion103 pa manifesta e
poder di gracia di Cristo resucita. Sinembargo, ni e oracionnan di mas fervoroso no
semper ta haya cura pa tur enfermedad. Asina San Pablo ta haya tende di Señor cu
“Mi gracia ta suficiente pa bo, pasobra Mi poder ta bira perfecto den debilidad,” (2 Co
12, 9) y cu sufrimento cu mester wanta, por nifica cu “den mi curpa Mi ta completa
loke ta falta ainda na afliccionnan di e Cristo pa motibo di su Curpa, esta e Iglesia”
(Col 1, 24).

÷1509
“Cura esnan enfermo!” (Mt 10, 8) Iglesia a ricibi e tarea aki di Señor y ta purba
realis’e tanto pa medio di cuida esnan enfermo como tambe door di compaña nan cu
su oracion of intercesion. E ta kere den e presencia vitalisante di Cristo, e dokter di
alma y di curpa. E presencia aki ta particularmente activo pa medio di e
sacramentonan y di un manera completamente special, pa medio di Eucaristia, e pan
cu ta duna bida eterno104 y cual, segun San Pablo, ta relaciona cu salud corporal.

÷1510
No obstante, Iglesia apostolico tin su propio rito pa esnan enfermo, di cual Santiago ta
testigua: “Tin algun di boso cu ta malo? Yama e sacerdotenan di Iglesia, pa nan resa
cu ne, hunt’e cu azeta na nomber di Señor; y e oracion di fe lo salba esun enfermo y
Señor lo lant’e; y si el a yega di comete pica, nan lo ta pordona” (St 5, 14-15).
Tradicion ta reconoce den e rito aki un di e shete sacramentonan.

÷1511
Iglesia ta kere y ta profesacu, den e shete sacramentonan, ta existi un sacramento cu
ta specialmente destina pa reforsa esnan cu ta sufri di un enfermedad Huntamento di
enfermonan cu azeta:Cristo nos Señor a institui e santo huntamento aki di esnan
enfermo como unsacramento verdadero y propio di Testament Nobo. San Marco a
indic’epero ta Santiago, e apostel y ruman di Señor, a recomend’e nafielnan y a
propag’e.

÷1512
Desde antigüedad, den e tradicionnan liturgico, tanto na oriente como occidente, tin
testimonio di huntamento di enfermonan cu Santa Oleo. Den transcurso di siglonan,
mas y mas exclusivamente a duna Santa Oleo solamente na esnan cu tawata na punto
di muri. Pa e motibo aki, el a haya e nomber di “Ultimo Sacramento”. A pesar di e
evolucion aki, liturgia nunca a stop di roga Señor pa e enfermo recupera su salud, si
esey lo conduci na su salbacion.

÷1513
E Constitucion apostolico “Sacram Unctionem infirmorum” di 30 di november di 1972,
conforme e Concilio Vaticano II109, a determina cu di awo padilanti den rito Romano,
lo observa loke ta sigui:Lo administra e ultimo sacramento na esnan cu ta grave,
huntando nan frenta y mannan cu azeta debidamente bendiciona di olijfi of di otro
mata, pronunciando un biaha so e palabranan aki: “Pa medio di e huntamento santo
aki, cu Señor, den Su amor y misericordia, yuda bo cu gracia di Spirito Santo. Cu
Señor, cu ta libra bo di pica, concede bo salbacion y lanta bo.
÷1514
E Huntamento di Enfermo “no ta un sacramento solamente pa esnan cu ta na punto di
muri. P’esey, ta considera tempo oportuno pa ricibie ora cu un fiel ta den peliger di
morto pa motibo di enfermedad of behes”.

÷1515
Si un enfermo cu a ricibi huntamento cu azeta, recupera su salud, den caso di un otro
enfermedad grave, e por ricibi e sacramento aki atrobe. Si durante e mesun
enfermedad condicion di e persona bira mas grave, por ripiti e sacramento aki. Ta
apropia pa ricibi Huntamento di Enfermo prome cu un operacion importante. Y por
aplica esaki na un persona di edad avansa di kende su forsa ta debilitando.

÷1516
Solamente sacerdotenan (obispo y presbiteronan) ta administradonan di Huntamento
di Enfermo112. Ta deber di pastoornan pa instrui e fielnan riba beneficionan di e
sacramento aki. Fielnan mester encurasha enfermonan pa yama un sacerdote pa ricibi
e sacramento aki. E enfermonan mester prepara nan mes pa ricibie den bon
disposicion, cu ayudo di su pastoor y henter e comunidad eclesiastico, cu ta invita pa
rondona e enfermonan na un manera special. Pa medio di nan oracion y nan atencion
fraternal.

÷1517
Manera tur sacramento, Huntamento di Enfermo ta un celebracion liturgico y
comunitario113, sea cu e ta tuma luga den cas di famia, den hospital of misa, pa un
enfermo so, of pa un grupo di enfermo. Ta masha apropia pa celebr’e den Eucaristia,
cu ta memoria di Pasco di Señor. Si circunstancia ta permiti, celebracion di e
sacramento por bini despues di e sacramento di Penitencia, sigui pa e sacramento di
Eucaristia. Manera e sacramento di Pasco di Cristo, Eucaristia mester ta semper e
ultimo sacramento di peregrinacion riba tera, e “alimento pa durante di biahe” pa
“pasa” pa bida eterno.

÷1518
Palabra y sacramento ta forma un totalidad inseparabel. Liturgia di Palabra, anticipa
pa un acto di penitencia, ta habri e celebracion. Palabranan di Cristo, testimonio di
apostelnan, ta lanta e fe di e enfermo y di e comunidad pa pidi Señor pa forsa di Su
Spirito.
÷1519
E celebracion di e sacramento ta contene principalmente e elementonan aki: e
“sacerdotenan di Iglesia” (St 5, 14) – den silencio – ta pone nan mannan riba esnan
enfermo; nan ta resa pa e enfermonan den fe di Iglesia; esaki ta e “epiclesis” propio
di e sacramento aki; despues nan ta hunta esnan enfermo cu azeta bendiciona, si ta
posibel, door di obispo.E accionnan liturgico aki ta indica ki gracia e sacramento aki
ta duna esnan enfermo.

÷1520
Un don particular di Spirito Santo. E prome gracia di e sacramento aki ta gracia di
consuelo, di paz y di animo pa vence e dificultadnan cu enfermedad grave of
fragilidad di behes ta trece cu nan. E gracia aki ta un don di Spirito Santo cu ta
renoba confiansa y fe den Dios y ta fortalece contra tentacion di esun maligno,
specialmente tentacion di desaliento y angustia enfrente di morto115. E asistencia aki
for di Señor pa medio di forsa di Su Spirito kier conduci e persona enfermo na
curacion di su alma, pero tambe di su curpa, si esey ta boluntad di Dios116. Ademas,
“si el a comete pica, lo perdona nan” (St 5, 15).

÷1521
Union cu Pasion di Cristo. Pa gracia di e sacramento aki, e persona enfermo ta ricibi
forsa y don pa uni su mes mas intimo cu Pasion di Cristo: na cierto manera e ta
consagra pa duna fruta door di conforma cu e Pasion redentor di e Salbador.
Sufrimento, un consecuencia di pica original, ta haya un nificacion nobo; e ta bira
participacion den obra salbador di Hesus.

÷1522
Un gracia eclesiastico. Enfermo cu ricibi e sacramento aki “uniendo nan mes
libremente na pasion y morto di Cristo”, “ta contribui na bienestar di Pueblo di
Dios”118. Door di celebra e sacramento aki, Iglesia, den comunion di santonan, ta
intercede na beneficio di e persona enfermo, y e, na su turno, pa gracia di e
sacramento aki, ta contribui na santificacion di Iglesia y na bienestar di tur hende pa
kende Iglesia ta sufri y ta ofrece su mes na Dios Tata, pa medio di Cristo.

÷1523
Un preparacion pa e ultimo transito. Si duna e sacramento di huntamento di esnan
enfermo na tur cu ta sufri malesa y dolor grave, tin ainda mas motivo pa dun’e “na
esnan cu ta na punta di bandona e bida aki”; p’esey ta yam’e tambe sacramentum
exeuntium (e sacramento di esnan cu ta bay)119. Huntamento di Enfermo ta termina
di conforma nos cu morto y resureccion di Cristo, mescos cu Bautismo a cuminsa
hacie. E ta e ultimo di e uncionnan sagrado cu ta marca henter bida Cristian; esun di
Bautismo a seya den nos e bida nobo; esun di Confirmacion a fortalece nos pa bataya
di e bida aki. E ultimo uncion aki ta ofrece na final di nos bida terenal un escudo pa
defende nos durante e ultimo batayanan prome cu drenta den Cas di Nos Tata.

÷1524
Na esnan cu ta bay for di e bida aki, Iglesia ta ofrece ademas di e Huntamento di
Enfermo, Eucaristia como viatico (alimento pa durante e biahe). Ricibi na momento di
pasa bay cerca Tata, Comunion di Curpa y Sanger di Cristo tin un nificacion y un
importancia particular. E ta simiya di bida eterno y poder di resureccion, segun
palabra di Señor: “Esun cu come mi carni y bebe mi sanger, tin bida eterno y lo Mi
resucit’e riba e ultimo dia” (Hu 6, 54). E sacramento di Cristo, cu un biaha a muri y
awo resucita, aki Eucaristia ta e sacramento di pasa di morto pa bida, di e mundo aki
pa Tata.

÷1525
P’esey, mescos cu e sacramentonan di Bautismo, di Confirmacion y di Eucaristia ta
constitui un unidad yama “e sacramentonan di iniciacion Cristian”, nos por bisa cu
Penitencia, Santa Oleo y Eucaristia como viatico (alimento pa durante biahe), ta
constitui, ora cu e bida Cristian ta yega na su fin, “e sacramentonan cu ta prepara pa
drenta den patria celestial” of e sacramentonan cu ta clausura e peregrinación
terenal.

÷1526
“Tin algun entre Boso cu ta enfermo? Yama sacerdotenan di Iglesia, pa nan resa cu ne
y hunt’e cu oleo na nomber di Señor. Y oracion di fe lo salba esun enfermo y Señor lo
lag’e lanta y si el a comete pica, e lo haya pordon” (St 5, 14-15).

÷1527
E sacramento di Huntamento di Enfermo tin como meta, duna un gracia special na e
Cristian cu ta pasando den dificultadnan cu enfermedad grave of behes ta trece cu
nan.
÷1528
E tempo oportuno pa ricibi e huntamento santo (Santa Oleo) seguramente a yega ora
cu e fiel ta na comienso di peliger di morto pa motivo di malesa of behes.

÷1529
Solamente sacerdote (presbitero y obispo) por administra sacramento di Huntamento
di Enfermo; uzando oleo bendiciona door di obispo, of si ta necesario, door di
sacerdote mes cu ta haci e celebracion.

÷1530
E celebracion di Huntamento di Enfermo ta consisti esencialmente den huntamento di
frenta y mannan di e persona enfermo (den rito Romano) of di otro parti di curpa (den
e rito Oriental), e huntamento compaña pa e oracion liturgico di e sacerdote
celebrante cu ta pidi e gracia special di e sacramento aki.

÷1531
E celebracion di Huntamento di Enfermo ta consisti esencialmente den huntamento di
frenta y mannan di e persona enfermo (den rito Romano) of di otro parti di curpa (den
e rito Oriental), e huntamento compaña pa e oracion liturgico di e sacerdote
celebrante cu ta pidi e gracia special di e sacramento aki.

÷1532
E gracia special di sacramento di Huntamento di nfermo tin como efecto:- union die
persona enfermo cu Pasion di Cristo, pa su bon y esun di henter Iglesia;- consuelo, paz
y animopa soporta Cristianamente sufrimento di enfermedad of di behes;- pordon di
pica si e enfermo no por a hay’e doordi e acramento di Penitencia;- restauracion di
salud, si esakitabeneficia salbacion di su alma;- preparacion pa transicion pa bida
eterno.par

÷1533
Bautismo, Confirmacion y Eucaristia ta e sacramentonan di iniciacion Cristian. Nan ta
fundeshi di vocacion comun di tur Cristo Su discipelnan, un vocacion pa santidad y pa
e mision pa evangelisa mundo. Nan ta duna gracia necesario pa biba di acuerdo cu
Spirito Santo durante e bida aki como peregrino na caminda pa e patria.
÷1534
Otro dos sacramento, esta Ordenacion Santo y Matrimonio, ta dirigi na salbacion di
otronan; si nan ta contribui tambe na salbacion propio, pero esaki nan ta haci pa
medio di sirbishi duna na otro. Nan ta duna un mision particular den Iglesia y nan ta
sirbi na edifica ePueblo di Dios.

÷1535
Den e sacramentonan aki, esnan cu ya tawata consagra pa Bautismo y Confirmacion
pa sacerdocio comun di tur fiel1, por ricibi consagracionnan particular. Esnan cu ricibi
e sacramento di Ordenacion Santo ta consagra na nomber di Cristo “pa alimenta
Iglesia pa medio di palabra y gracia di Dios”2. Di nan parti “partnernan Cristian ta
fortifica y, comosifuera, consagra pa e tareanan y dignidad di nan estado pa medio di
un sacramento special”.

÷1536
Ordenacion ta e sacramento door di cual e mision confia door di Cristo na Su
apostelnan ta sigui tuma luga den Iglesia te na fin di tempo: pues e ta e sacramento di
e ministerio apostolico. E ta consisti di tres grado: episcopal, presbiteral y diaconal.

(Tocante institucion y mision di ministerio apostolico pa Cristo, nan a trat’e caba den
prome parti. Aki ta trata solamente di realidad sacramental pa medio di cual ta
transmiti e ministerio aki).

÷1537
Palabra orden den antiguedad Romano a indica un entidad civil estableci,
specialmente un entidad gubernamental. Ordinatio ta nifica integracion den un orden.
Den Iglesia tin entidadnan estableci caminda Tradicion, no sin un base den Santo
Scritura4, desde temponan antiguo yama taxeis (den Griego) of ordines (den Latin). Y
p’esey liturgia ta papia di e ordo episcoporum, di e ordo presbyterorum, di e ordo
diaconorum. Tambe tin otro gruponan cu ta haya e nomber di ordo aki:
catecumenonan, birgennan, partnernan den matrimonio, viudanan...

÷1538
. Integracion den un di e entidadnan aki di Iglesia tawata sosode pa medio di un rito
yama ordinatio (ordenacion), un acto religioso y liturgico, cu tabata un consagracion,
un bendicion of un sacramento. Awendia e palabra ordinacion ta reserva pa e acto
sacramental cu ta incorpora un homber den orden di obispo, di presbitero, of diacono
y ta surpasa un simpel eleccion, designacion, delegacion of institucion door di e
comunidad, pasobra e ta ofrece un don di Spirito Santo cu ta permiti pa eherce un
“poder sagrado” (sacra potestas)5, cu solamente por bini di Cristo mes, pa medio di
Su Iglesia. Nan ta yama ordenacion tambe consecratio, pasobra e ta un “separacion” y
un “investidura” den un encargo door di Cristo mes pa Su Iglesia. E ponemento di man
door di e obispo, hunto cu oracion di consagracion, ta forma e signo visibel di e
ordencion aki.

÷1540
Institui pa anuncia Palabra di Dios11 y pa restablece comunion cu Dios, pa medio di
sacrificio y oracion, e sacerdocio aki di e Aliansa Bieu, sinembargo, no tabata capaz
pa realisa salbacion. Cerca e sacerdocio aki mester a ripiti e sacrificionan sin stop, sin
cu esaki ta conduci na un santificacion definitivo12, cu solamente pa medio di e
sacrificio di Cristo por wordo logra.

÷1541
No obstante, liturgia di Iglesia ta mira den sacerdocio di Aaron y den sirbishi di
Levitanan, tambe den institucion di setenta “anciano”13, un prefiguracion di
ministerio di ordenacion di Aliansa Nobo. P’esey, den rito Latin Iglesia ta dirigi su mes
na Dios den oracion di consagracion di ordenacion di obispo na e siguiente manera:

Dios e Tata di nos Señor Hesu Cristo... pa medio di bo palabra di gracia bo a establece
e plan di bo Iglesia. Desde cuminsamento bo a eligi e descendientenan di Abraham pa
ta bo pueblo santo. Bo a establece rey y sacerdotenan y no a laga bo santuario sin
ministro pa sirbi Bo…14

÷1542
Na ordenacion di sacerdote, Iglesia ta resa:

Señor, Tata santo..., dia Bo a apunta sumo pontifice pa goberna bo pueblo, Bo a


scoge otro homber cu ta bou di nan den rango y dignidad pa ta hunto cu nan y pa yuda
nan den nan tarea… Bo a extende spirito di Moises na setenta homber sabio… Bo a
parti entre e yiu hombernan di Aaron plenitud di poder di nan tata.

÷1543
Den oracion consagratorio pa ordenacion di diacononan, Iglesia ta profesa:
Dios Todopoderoso… Bo ta laga Iglesia, Curpa di Cristo, crece na su plenitud como un
tempel nobo y mas grandi. Bo ta enrikec’e cu tur sorto di gracia y ta perfeccion’e cu
un diversidad di miembro pa sirbi e curpa completo den un ehempel maraviyoso di
unidad. Bo a establece tres sorto di ministerio di alabansa y sirbishi, pa Gloria di Bo
nomber. Como ministernan di Bo tabernakel Bo a scoge e yiu hombernan di Levi y a
duna nan Bo bendicion como nan herencia eterno.

÷1544
Tur loke e sacerdocio di Aliansa Bieu a prefigura ta haya su plenitud den Cristo Hesus,
e “unico mediador entre Dios y hende”. (1 Tm 2, 5) Tradicion Cristian ta considera
Melchizedek, ”sacerdote

di Dios Altisimo”, como un prefiguracion di sacerdocio di Cristo, “Sumo Sacerdote


unico despues di e orden di Melkizedek” (Hb 5, 10; cf 6, 20), “santo, inocente, sin
mancha” (Hb 7, 26), cu “pa medio di un solo sacrificio a perfecciona pa semper tur
esnan santifica” (Hb 10, 14), esta, pa medio di e sacrificio unico di e cruz.

÷1545
E sacrificio redentor di Cristo ta algo unico, realisa di un bes pa semper: ta p’esey e
ta presente den sacrificio eucaristico di Iglesia. Esaki tambe ta sosode cu sacerdocio
unico di Cristo; e ta presente pa medio di sacerdocio ministerial sin desminui e
sacerdocio unico di Cristo; “Ta Cristo so ta E berdadero sacerdote, e otronan ta
solamente su ministernan”).

÷1546
Cristo, sumo sacerdote y mediador unico, a haci di Iglesia “un reino di sacerdote pa su
Dios y Tata” (Ap 1, 6)18. Henter e comunidad di creyente, como tal, ta sacerdotal. E
fielnan ta eherce su sacerdocio bautismal pa medio di nan participacion, cada un
segun su propio vocacion, den mision di Cristo como, sacerdote, profeta, y rey.
Mediante e sacramentonan di Bautismo y Confirmacion fielnan ta wordo “consagra pa
ta… un sacerdocio santo”.

÷1547
Sacerdocio ministerial of herarkico di obispo y sacerdotenan y sacerdocio comun di tur
fiel ta participa, “cada un na su manera den unico sacerdocio di Cristo.”Aunke un ta
depende riba e otro”, esencialmente nan ta diferencia di otro”20. Den ki sentido?
Mientras e sacerdocio comun di fielnan ta wordo realisa pa medio di e desaroyo di
gracia bautismal – un bida di fe, speransa y caridad, un bida segun e Spirito – e
sacerdocio ministerial ta na sirbishi di e sacerdocio comun. E ta relaciona na e
desaroyo di e gracia bautismal di tur Cristian. E sacerdocio ministerial ta un medio
door di cual Cristo ta edifica y guia Su Iglesia. P’esey e ta wordo transmiti pa medio di
su propio sacramento, e sacramento di Ordenacion.

÷1548
Den sirbishi eclesiastico di e sacerdote ordena Cristo mes ta presente den Su Iglesia
como Cabes di su Curpa, Wardado di su rebaño, Sumo Sacerdote di sacrificio redentor,
Maestro di Berdad. Esaki ta loke Iglesia ta expresa ora e ta bisa cu sacerdote, den
virtud di sacramento di Ordenacion ta actua “in persona Christi Capitis”21:

E minister berdaderamente ta representa e persona sagrado, e mesun sacerdote,


Cristo Hesus. Awo e minister, mediante e consagracion sacerdotal cu el a ricibi, ta
berdaderamente traha pa ta igual na e Sumo Sacerdote, y ta posee e autoridad pa
actua cu poder y na luga di e persona di Cristo mes cu e ta representa (“virtute ac
persona ipsius Christi”).

“Cristo ta fuente di tur sacerdocio: e sacerdote di e ley antiguo tabata un figura di


Cristo, y e sacerdote di ley nobo ta actua como representante di Cristo”).

÷1549
Pa ministerio di ordenacion, specialmente esun di obispo y di sacerdotenan, presencia
di Cristo como Cabez di Iglesia, ta bira visibel memey di comunidad di creyente24.
Segun e bunita expresion di San Ignacio di Antioquia, obispo ta typos tou Patros: e ta
manera imagen bibo di Dios Tata.

Catisashidi Iglesia Catolico

÷1550
E presencia aki diCristo den e sirbido, no mester wordo comprendi den e sentido cu e
ultimo aki ta scapa di tur dificultad humano, di ambicion papoder, di eror, hasta di
pica. E poder di Spirito Santo no ta garantisaturacto di e sirbidonan na e mesun
forma. Mientras cu den e sacramentonan i ta haya e garantia aki, asina ta cu ni pica
di e sirbido por stroba e fruta di gracia, ta existi hopi otro acto den cual e condicion
humano di e sirbido ta laga marcanan cu no tur ora ta signonan di fieldad na Evangelio
y consecuentemente por daña e fertilidad apostolico di Iglesia.

÷1551
E sacerdocio ta un trabou di sirbishi. “E funcion ey… cu Señor a confia na wardadonan
di su pueblo, ta un berdadero sirbishi”26. E ta referi completamente na Cristo y na
hende. E ta depende totalmente di Cristo y di su sacerdocio unico y e ta institui na
bienestar di hende y di e comunidad di Iglesia. Sacramento di Ordenacion Santo ta
concede “un poder sagrado”, cu no ta nada otro cu esun di Cristo. P’esey ehercicio di
e autoridad aki, mester wordo midi segun emodelo di Cristo, cu pa medio di amor a
haci su mes esun di mas simpel y sirbido di tur hende27. “Señor a bisa bon cla, cu
cuido duna na su rebaño, ta prueba di amor p’E”.

÷1552
Sacerdocio di ministerio no tin solamente como tarea representa Cristo, Cabes di
Iglesia, dilanti di asamblea di fielnan, e ta actua tambe na nomber di henter Iglesia
ora e ta presenta na Dios e oracion di Iglesia29 yprincipalmente ora e ofrece sacrificio
Eucaristico.

Catisashi diIglesia Catolico

÷1553
“Na nomber di henter Iglesia”, no kiermen cu sacerdotenan ta delegadonan di
comunidad. Oracion y ofrenda di Iglesia ta inseparabel di oracion y ofrenda di Cristo,
su Cabes. Semper ta trata di culto di Cristo den y pa su Iglesia. Ta henter Iglesia,
Curpa di Cristo, ta resa y ta ofrece su mes, “pa medio di djE, cu nE y den djE”, den
unidad cu Spirito Santo, na Dios Tata. Henter e curpa “caput et membra”, (“cabes y
miembro”), ta resa y ta ofrece su mes, y p’esey esnan, cu den e Curpa aki, ta wordo
yama sirbidonan no solamente di Cristo, pero tambe di Iglesia. Ta pasobra sacerdocio
di ministerio ta representa Cristo p’esey e por representa Iglesia.

÷1554
“Ministerio eclesiastico divinamente institui pa Dios, ta eherce den diferente grado cu
ya desde tempo antiguo a haya nomber di obispo, presbitero y diacono”31. Doctrina
Catolico, expresa den liturgia, magisterio y practica constante di Iglesia, ta reconoce
cu ta existi dos rango di participacion di sirbishi den sacerdocio di Cristo: episcopado
y presbiteriado. E diaconado ta destina pa yuda y sirbi nan. P’esey e palabra
“sacerdos” den su uzo actual, ta indica, obisponan y presbiteronan, pero no
diacononan. Sinembargo, doctrina Catolico ta siña cu rango di participacion
sacerdotal (episcopado y presbiterado) y e rango di sirbishi (diaconado) tur tres ta
wordo concedi pa medio di un acto sacramental yama “ordenacion”, esta pa medio di
e sacramento di Ordenacion Santo:

Laga tur hende honra e diacononan manera ta honra Hesucristo, e obispo cu ta


imagen di Tata, y presbiteronan como senado di Dios y asamblea di apostelnan.
Pasobra sin nan no por papia di Iglesia.

÷1555
“Entre e diferente ministerionan cu, desde comienso di tempo, a wordo eherci den
Iglesia, e puesto di mas halto, di acuerdo cu testimonio di tradicion, ta wordo ocupa
door di e funcion di esnan cu, pa medio di nan nombracion na e dignidad y
responsabilidad di obispo, y cu consecuentemente a base di e sucesion sin
interupcion, cu ta bay bek te na principio, ta ser considera e cargadonan di e
stengelnan apostolico”.

÷1556
Pa realisa nan mision sublime, “Cristo a dota e apostelnan cu un binimento special di
Spirito Santo cu a baha riba nan” y mediante ponemento di man riba cabes, a pasa
don di Spirito Santo pa nan colaboradornan, cual te dia di awe ta wordo transmiti
door di e consagracion episcopal”.

÷1557
Concilio Vaticano II “ta siña… cu, pa medio di consagracion episcopal, hende ta ricibi
plenitud di sacramento di Ordenacion Santo, pues tal plenitud cu, tanto den tradicion
liturgico di Iglesia como den idioma di Tatanan Santo di Iglesia, ta yama ‘sumo
sacerdocio’, e acme (summa) di e ministerio sagrado”.

÷1558
“Consagracion episcopal ta ofrece, hunto cu funcion di santificacion, tambe e
funcionnan di educacion y gobernacion… Berdaderamente… door di ponemento di man
y pa medio di e palabranan di consagracion, e gracia di Spirito Santo ta wordo duna y
un marca sagrado ta keda imprimi di tal forma cu obisponan, na un manera eminente
y visibel, ta tuma e luga di Cristo mes, como maestro, wardador y sacerdote y ta
actua como su representante (in eius persona agant)”36. “Ta P’esey, pa forsa di
Spirito Santo, cu nan a ricibi, e obisponan ta nombra como berdadero y autentico
maestronan di fe y a haci nan pontifice y wardadornan”.

÷1559
“Un persona ta keda nombra como miembro di Colegio Episcopal pa forsa di
consagracion sacramental y pa comunion herarkico cu cabes y miembro di tal
Colegio”38. Caracter y naturalesa colegial di orden Episcopal ta manifesta su mes
entre otro, den practica antiguo di Iglesia cu kier pa durante consagracion di un
obispo nobo varios obispo participa39. Pa ordenacion legitimo di un obispo awendia ta
rekeri un intervencion special di Obispo di Roma, pasobra e ta e laso supremo y visibel
di comunion di Iglesianan particular den e Iglesia unico y e garantia di nan libertad.

÷1560
Como vicario di Cristo, cada obispo tin e cuido pastoral di e Iglesia particular cu a
confia na dje, pero na mes momento e ta carga colegialmente hunto cu tur su
rumannan di e episcopado e cuido pa tur Iglesia: “Aunke cada obispo ta solamente
wardador di e grupo confia na su cuido, como un sucesor legitimo di apostelnan, pa
institucion divino e ta, hunto cu otro obisponan, responsabel pa mision apostolico di
Iglesia”.

÷1561
Tur loke cu a caba di bisa, ta splica pakico Eucaristia, celebra pa e Obispo, tin un
nificacion asina special como expresion di Iglesia reuni rond di altar presidi pa esun cu
visiblemente ta representa Cristo, e Bon Wardado y Cabes di su Iglesia.

÷1562
“Cristo, kende Tata a santifica y a manda na mundo, a haci, mediante su apostelnan,
nan sucesornan, esta e obisponan, e participantenan den su consagracion y mision;
anto esakinan, na nan turno, a confia consecuentemente, den diverso grado,
diferente miembro di Iglesia cu e funcion di nan ministerio”42. “A pasa e funcion di
ministerio di e obispo, na un nivel subordina, den man di sacerdotenan, pa asina nan
por wordo nombra den orden di sacerdocio y pa nan ta colaboradornan di e orden
episcopal pa e realisacion apropia di e mision apostolico cu Cristo a confia na dje”.

÷1563
“Pa motibo cu e ta uni na orden Episcopal, e ministerio di sacerdotenan, ta comparti
e autoridad pa medio di cual Cristo ta construi, santifica y goberna su Curpa. P’esey
aunke e sacerdocio di e sarcedotenan ta presupone e sacramentonan di iniciacion,
toch e sacerdocio ey ta concedi door di su propio sacramento particular. Pa medio di
e sacramento particular aki, sacerdotenan, door cu nan a wordo hunta pa Spirito
Santo ta marca cu un caracter special y asina nan ta conforma na Cristo, e sacerdote,
di tal manera cu nan por actua den persona di Cristo e Cabes”.
÷1564
“Sacerdotenan, aunke nan no tin e funcion di sumo pontifice, y a pesar di e hecho cu
nan ta depende di obispo den ehercecio di nan propio poder, toch nan ta uni cu e
obispo pa motivo di nan dignidad sacerdotal; y pa poder di sacramento di Ordenacion
Santo traha según imagen di Cristo, e sumo y eterno Sacerdote45, nan ta consagra pa
nan predica e Evangelio y duna guia na e fielnan como tambe celebra e culto divino
como berdadero sacerdotenan di e Testament Nobo”.

÷1565
Pa medio di sacramento di Ordenacion Santo, e sarcedotenan ta participa den e
dimension universal di e mision cu cual Cristo a confia e apostelnan. E don spiritual cu
nan a ricibi cu nan ordenacion ta prepara nan, no pa un mision limita y restringi, “sino
pa un mision hopi amplio y universal di salbacion ‘te na limite di tera’”47, “prepara
spiritualmente pa predica e Evangelio tur caminda”.

÷1566
“Nan berdadero funcion sagrado nan ta eherce, na un grado Supremo, den culto
eucaristico of sinaxis. Den dje, actuando den persona di Cristo y proclamando Su
misterio, nan ta uni ofrendanan di e fielnan na sacrificio di Cristo nan Cabes; nan ta
actualisa y aplica den sacrificio di Misa, te ora Señor bini, e sacrificio unico di Aliansa
Nobo: esun di Cristo, ofreciendo Su mes un bes y pa semper un victima sin mancha, na
Tata”49. Di e sacrificio unico aki henter nan ministerio sacerdotal ta saca su forsa.

÷1567
“Sacerdotenan, como colaboradornan prudente di e colegio episcopal y tambe su
sosten y instrumento, yama pa sirbi Pueblo di Dios, ta forma, hunto cu nan obispo, un
colegio sacerdotal unico, berdaderamente dedica pa cumpli cu diferente tarea. Den
cada un asamblea local di fielnan nan ta representa, den cierto sentido, e obispo, na
kende nan ta uni den tur confianza y generosidad; parcialmente nan ta ocupa nan mes
cu su tareanan y su cuido y ta cumpli cu nan durante nan trabounan di tur dia”51.
Sacerdotenanpor eherce nan ministerio solamente dependiendo riba e obispo y den
comunion cu ne. E promesa di obediencia cu nan ta haci na obispo namomento di
ordenacion y e sunchi di paz di obispo na final di e ordenacion liturgico, ta nifica cu e
obispo ta considera nan su olaboradornan, su yiunan, su rumannan y su amigonan y cu
nan na nan turnotadeb’e amor y obediencia.

Catisashi di IglesiaCatolico
÷1568
“Tur sacerdote, institui den orden di sarcedocio pa sacramento di Ordenacion, ta
mara hunto pa medio di un fraternidad intimo y sacramental, pero na un manera
special nan ta forma un entidad sacerdotal den e diocesis den cual nan ta dedica nan
sirbishi bou guia di nan obispo…”52. Union di e presbiterio ta haya un expresion
liturgico den e custumber di ponemento di man pa parti di e presbiteronan, despues
di e obispo, durante e rito di ordenacion.

÷1569
“Den rango di mas abou di herarkia ta bin e diacononan, kende ta ricibi ponemento di
man ‘no pa eherce sacerdocio, sino pa realisa sirbishi’”53. Na un ordenaciondi un
diacono, solamente obispo ta pone man, riba e candidato, esaki ta nifica cu e diacono
ta specialmente liga na obispo den e obligacionnan di su “diaconia”.

÷1570
Diacono ta participa di un manera special den mision y gracia di Cristo55. Sacramento
di Ordenacion a marca nan cu un seyo (“caracter”) cu niun hende por kita y cu ta
configura nan cu Cristo, cu a bira “diacono” esta, sirbido di tur hende56. Ta toca
diacono entre otro pa asisti obispo y sacerdote den celebracion di divino misterio,
principalmente Eucaristia y den su distribucion, asisti na celebracion di matrimonio y
bendicion’e, proclama Evangelio y predica, presidi ora di entiero y dedica nan mes na
diferente sirbishi di caridad.

÷1571
Desde Concilio di Vaticano II, Iglesia Latin a restablece diaconado “como un grado
particular den e herarkia”58, mientras cu Iglesia di Oriente semper a mantene e
diaconado aki. E diaconado permanente aki, cu por concede na hombernan casa, ta
forma un enrikecemento importante pa mision di Iglesia. Berdaderamente e ta
apropia y util pa esnan cu den Iglesia ta realisa un ministerio realmente diaconal, sea
den vida liturgico y pastoral, of den su obranan social y caritativo, “wordo fortalesi pa
medio di ponemento di man, transmiti for di tempo di e Apostelnan. Nan lo ta uni mas
estrechamente na sirbishi di altar, y nan ministerio lo ta mas fructifero pa medio di e
gracia sacramental di diaconado”.

÷1572
Considerando e importancia cu ordenacion di un obispo, un sacerdote of un diacono,
tin pa bida di e Iglesia particular, su celebracion ta exigi pa mas tanto fiel posibel
atende. E lo mester tuma luga, preferiblemente riba un diadomingo y den catedral,
cu un solemnidad cu ta apropia pa e ocasion. Tur tres ordenacion, di obispo, di
sacerdote, y di diacono tin e mesun structura. E luga apropia pa nan celebracion ta
durante liturgia Eucaristico.

÷1573
E rito esencial di sacramento di OrdenacionSanto ta constitui pa tur tres rango den
ponemento di man di partidi e obispo riba cabes di esun cu ta wordo ordena, pidiendo
Dios, den oracion specifico di consagracion di e obispo, pa dramamento di Spirito
Santo y su donnan inherente riba e ministerio, pa cual ta ordena e candidato.

÷1574
Mescos cu den tur sacramento, rito complementario ta rondona celebracion. Esaki ta
varia masha hopi mes entre distinto tradicion liturgico, pero tur tin expresion di
aspecto multiple di gracia sacramental den comun. Asina den Iglesia Latin, rito inicial
– presentacion y eleccion di esun cu ta bay ricibi ordenacion, instruccion pa medio di
obispo, interogacion di candidato, litania di santo – ta comproba cu escogencia di
candidato ta bay segun uzo di Iglesia y nan ta prepara pa acto solemne di
consagracion; despues di cual varios rito ta expresa y completa den un manera
simbolico misterio cumpli; pa obispo y sacerdote, huntamento cu crisma santo, marca
di huntamento special di Spirito Santo cu ta haci ministerio fructifero; entrega di buki
di Evangelio, renchi, mitra y staf na obispo, como señal di su mision apostolico di
anuncia Palabra di Dios; di su fieldad na Iglesia, esposa di Cristo, di su encargo como
pastor di rebaño di Señor; presentacion na sacerdote di scoter di hostia y di caliz, “e
ofrenda di pueblo santo” cu ta yama pa presente na Dios; e entrega di buki di
Evangelio na diacono, kende a caba di ricibi e mision di anuncia Evangelio di Cristo.

÷1575
Tabata Cristo mes kende a eligi e apostelnan y a duna nan un parti den Su mision y
autoridad. Halsa na man drechi di Tata, E no a bandona su rebaño pero e ta cuid’e pa
medio di Su apostelnan bou di Su proteccion constante y E ta gui’e tambe mediante e
mesun wardadornan, cu awe ta continua cu Su obra61. Pues ta Cristo, kende Su regalo
ta, pa algun hende ta apostel y pa otro ta wardador62. E ta sigui actua pa medio di
obisponan.

÷1576
Ya cu sacramento di Ordenacion ta sacramento di ministerio apostolico, ta keda na
obispo como sucesor di apostel, pa transmiti “don di Spirito Santo”64, e “simia
apostolico”65. Obisponan legitimamente ordena, loke ta nifica, den linea di sucesion
apostolico, ta concede legitimamente e tres rangonan di sacramento di Ordenacion
Santo.

÷1577
“Solamente un homber (‘vir’) batisa ta ricibi legitimamente Ordencion sagrado”67.
Señor Hesus a scoge hombernan (‘viri’) pa forma colegio di e diesdos apostelnan68 y
apostelnan a haci mescos ora nan a scoge colaboradornan69 pa sigui den nan
ministerio”70. Colegio di obisponan, cu kende sacerdotenan ta uni den sacerdocio, ta
haci e colegio di Diesdos un realidad semper presente y semper activo, te dia cu
Cristo bolbe. Iglesia ta considera su mes mara door di e decision aki, tuma pa Señor
mes. Pa e motibo aki ordenacion di hende muhe no ta posibel.

÷1578
Niun hende tin derecho di ricibi sacramento di Ordenacion. Di berdad, ningun hende
ta tuma e ofishi aki pa su mes; ta Dios ta yam’e72. Cada ken cu ta pensa cu e ta
reconoce señal di yamada di Dios pa ministerio ordena, mester somete su mes
humildemente na autoridad di Iglesia, cu tin e responsabilidad y e derecho pa invita
un persona pa ricibi e sacramento aki. Manera tur gracia, un hende por ricibi e
sacramento aki solamente como un don no mereci.

÷1579
Ta elegi tur ministro di Iglesia Latin ordena, normalmente entre homber creyente cu
ta biba como soltero y cu tin intencion pa keda celibe (sin casa pa causa di reino di
Dios) “pa bienestar di Reino di Shelo” (Mt 19, 12). Yama pa consagra nan mes di
henter nan curason na Señor y na “Su asuntonan”73, nan ta entrega nan mes
completamente na Dios y na hende. Celibato ta un señal di e bida nobo aki na sirbishi
na cual ministro di Iglesia ta consagra; acepta cu un curason contento celibato ta
anuncia radiantemente Reino di Dios.

÷1580
Den Iglesia Oriental, ya pa hopi siglo, un disciplina distinto ta na vigor: mientras cu ta
eligi un obispo unicamente entre esnan celibato, hombernan casa por haya ordenacion
como diacono y como sacerdote. Ya pa basta tempo ta considera e practica aki como
legitimo; e sacerdotenan aki ta eherce un ministerio fructifero den seno di nan
comunidad75. Di otro banda celibato sacerdotal ta gosa di gran honor den Iglesia
Oriental y hopi sacerdote libremente a scoge pa esaki pa causa di e Reino di Dios.
Tanto na Oriente como na Occidente ta asina, cu un homber cu ya a ricibi sacramento
di Ordenacion Santo, no por casa mas.

÷1581
E sacramento aki ta conforma esun cu ricibie na Cristo, mediante un gracia special di
Spirito Santo, pa asina e por sirbi como instrumento di Cristo pa su Iglesia. Pa medio
di ordenacion e por actua como un representante di Cristo, Cabes di Iglesia, den Su
tripel funcion di sacerdote, profeta y rey.

÷1582
Mescos cu ta e caso cu Bautismo y Confirmacion e participacion aki den Cristo Su
mision ta wordo concedi solamente un biaha y pa semper. Sacramento di Ordenacion
Santo, mescos cu e dos otronan, ta concede un marca spiritual cu no por kita mas y cu
no por ripiti ni concede temporalmente.

÷1583
Ta berdad cu, pa motibonan grave, por kita e obligacionnan y funcionnan vincula cu
ordenacion for un persona ordena legitimamente, of por prohibie di eherce nan77;
pero e no por bira un laico di nobo den e sentido stricto78, pasobra e marca imprimi
door di ordenacion ta pa semper. E vocacion y mision ricibi riba dia di su ordenacion
ta marca e persona permanentemente.

÷1584
E hecho cu na final ta Cristo ta Esun cu ta actua y cu ta salba pa medio di ministro
ordena, e indignidad di e ultimo aki no ta stroba Cristo di actua79. San Agustin a bisa
esaki cu firmesa:

Pa loke ta trata e sirbido orguyoso, mester consider’e igual na diabel. Cristo Su don
no ta wordo profana pa tal motibo: loke ta brota door di dje ta mantene su puresa y
loke ta pasa pa medio di dje ta keda limpi y ta drenta tera fertil… Berdaderamente,
por compara poder spiritual di sacramento cu luz: esnan cu mester haya iluminacion
ta ricibie den su puresa y si e lo mester pasa mes via hende mancha, e mes no ta
mancha.

÷1585
Gracia di Spirito Santo inherente na e sacramento aki ta conformacion na Cristo como
Sacerdote, Maestro y Wardador, di kende esun ordena a bira sirbido.
÷1586
Pa obispo, esaki ta na prome luga un gracia di fortalesa (“Spirito diSoberania”:
Oracion di consagracion di obispo den rito Latin): gracia pa guia y defende su Iglesia
cu forsa y prudencia como tata ywardador, cu amor gratuito pa tur hende y cu amor
preferencial pa esnan pober,snan enfermo y esnan den necesidad81. E gracia aki ta
push’e pa nuncia Evangelio na tur hende, pa e ta un ehempel pa su rebaño, pa e bay
dilanti riba caminda di santificacion, identificando su mes den Eucaristia cu Cristo, e
sacerdote y victima, cu no tin miedo pa duna su bida pa su carnenan:

Tata, Abo conoce tur curason. Bo a scoge bo sirbidor pa oficio di obispo. Laga pa e ta
un wardador di bo rebaño santo y un sacerdote supremo sin reproche den bo bista
sirbiendo Bo dia y nochi; laga pa semper e gana e bendicion di bo fabor y ofrece e
ofrendanan di Bo Iglesia santo. Pa medio di Spirito cu ta duna gracia di Sacerdocio
supremo dun’e e poder pa pordona pica manera Abo a manda, pa asigna e
ministerionan manera Abo a decreta y pa e libra su mes di tur laso den virtud di poder
cu Abo a duna na Bo apostelnan. Laga pa e ta agrada Bo pa su cariño y su curason
puro, ofreciendo Bo un ofrenda perfuma, pa medio di Hesucristo, Bo Yiu...82

÷1587
E oracion aki di Rito Byzantino taexpresa e don spiritual concedi door di ordenacion
presbiteral. E obispo, mientras e ta pone man, ta Bisa entre otro:

Señor, yena cu don di Spirito Santo esun cu Bo a haya digno pa eleva na rango di
sacerdocio pa e por ta digno di presenta sin reproche dilanti bo altar, pa proclama
Evangelio di Bo Reino, pa cumpli cu ministerio di Bo palabra di berdad, pa ofrece Bo
donnan y Bo sacrificionan spiritual, pa renoba Bo pueblo pa medio di e baño di
renacemento, pa asina e por sali na encuentro di nos gran Dios y Salbador Hesu Cristo,
Bo unico Yiu, riba dia di Su segundo binimento y pa e por ricibi di Bo bondad inmenso,
e recompensa pa un administracion fiel di su orden.

÷1588
Encuanto diacononan, “fortaleci pa gracia sacramental nan ta dedica na E Pueblo di
Dios, den comunion cu obispo y su sacerdotenan, den sirbishi di liturgia, di Evangelio y
di trabou di caridad”.

÷1589
Pa motibo di eminencia di e gracia y tarea sacerdotal, e doctornan santo a sinti un
yamada urgente pa converti, pa asina conforma henter nan bida na Esun di kende su
sacramento a haci nan sirbido. Asina San Gregorio Nacianceno, siendo un sacerdote
hoben a sclama:

Ta bon pa nos cuminsa purifica nos mes, prome cu nos purifica otro; nos mester ta
instrui pa nos mes por instrui, bira luz pa nos por ilumina, acerca Dios mas pa trec’E
mas cerca di otro, sea santifica pa por santifica, guia na man pa por conseha cu
prudencia85. Mi sa di kende Su sirbido nos ta, unda nos ta y na unda nos kier bay. Mi
conoce Dios Su grandesa y e debilidad di hende, pero tambe su potencial86. (Kende
anto ta e sacerdote? E ta) e defensor di berdad, cu ta para hunto cu angelnan, cu ta
duna gloria hunto cu rcangelnan, cu ta laga sacrificio subi te na altar na halto aya, ta
comparti den sacerdocio di Cristo, ta remodela e creacion, ta restaur’e den imagen di
Dios, ta trah’e di nobo pa e mundo ayariba y, hasta loke ta mas grandi, el a wordo
haci divino y na su turno e ta haci otronan divino.

Y e santo Cura di Ars ta bisa: “Sacerdote ta continua cu obra di redencion na


mundo…” Si berdaderamente nos a compronde sacerdote na mundo nos lo muri no di
miedo sino di amor…” “Sacerdocio ta e amor di curason di Hesus”.

÷1590
San Pablo ta bisa su discipel Timoteo: “Mi ta recomenda bo pa bo rebiba carisma di
Dios, cu ta den bo pa medio di ponemento di mi mannan riba bo cabes” (2 Tm 1, 6), y
“si algun hende ta aspira e encargo di obispo, e ta desea un tarea noble” (1 Tm 3,
10). Na Tito el a bisa: “Esaki ta motibo pakico mi a laga bo na Creta, tabata pa bo
drecha loke tabatin defecto y pa bo nombra presbiteronan den cada ciudad, manera
mi a encarga bo” (Tit 1, 5).

÷1591
Henter Iglesia ta un pueblo sacerdotal. Pa Bautismo tur creyente ta participa den
sacerdocio di Cristo. E participacion aki yama “sacerdocio comun di e fielnan”. Basa
riba e sacerdocio comun aki y encarga cu su sirbishi, ta existi un otro participacion
den mision di Cristo: esun di ministerio concedi pa medio di e sacramento di
Ordenacion Santo, caminda e tarea ta pa sirbi na nomber y den Persona di Cristo, e
Cabes den centro di e comunidad.

÷1592
Sacerdocio di ministerio ta diferencia esencialmente di esun comun di fielnan, pa
motibo cu e ta otorga un poder sagrado pa sirbishi na fielnan. E sirbidonan ordena ta
eherce nan sirbishi na Pueblo di Dios mediante enseñansa(munus docendi), culto
divino (munus liturgicum), y gobernacionpastoral (munus regendi).
÷1593
Desde principio, a concede y a eherce ministerio ordena den tres rango: esun di
obispo, esun di presbitero y esun di diacono. E ministerionan concedi pa medio di
ordenacion ta ireemplasabel pa e structura organico di Iglesia: sin obispo, sin
presbitero y sin diacono, no por papia di Iglesia.

÷1594
E obispo ta ricibi plenitud di sacramento di Ordenacion Santo, cu ta incorpor’e den e
colegio episcopal y cu ta hacie e cabes visibel di Iglesia particular confia na dje. Como
sucesornan di apostelnan y miembronan di e colegio, e obisponan ta participa den e
responsabilidad apostolico y den mision di henter Iglesia, bou di e autoridad di e
Papa, sucesor di San Pedro.

÷1595
Sacerdotenan ta uni cu obispo den dignidad sacerdotal y na mes momento nan ta
depende di dje den ehercicio di nan funcion pastoral; nan ta yama pa ta
colaboradonan prudente di obispo. Rond di nan obispo nan ta forma e presbiterio cu,
hunto cu ne, ta carga responsabilidad pa e Iglesia particular. Nan ta ricibi di obispo e
encargo di un comunidad parokial of un funcion eclesiastico determina.

÷1596
Diacononan ta sirbidonan ordena pa desplega tareanan di sirbishi pa Iglesia; nan no ta
ricibi sacerdocio di ministerio, pero ordenacion ta duna nan funcionnan importante
den ministerio di Palabra, di culto divino, di gobernacion pastoral, y di sirbishi di
caridad, tareanan cu nan mester desplega bou di e autoridad pastoral di nan obispo.

÷1597
Ta otorga Sacramento di Ordenacion Santo door di ponemento di man, sigui pa
oracion di consagracion solem, pidiendo Dios pa duna esun cu ta wordo ordena e
gracianan di Spirito Santo, rekeri pa su ministerio. Ordenacion ta imprimi un marca
sacramental cu no ta kita mas.

÷1598
Iglesia ta concede e sacramento di Ordenacion Santo solamente na hende homber
(viri) batisa, kende su habilidad pa eherce e ministerio a wordo debidamente
reconoci. Solamente autoridad di Iglesia tin e responsabilidad y e derecho pa invita un
hende pa ricibi e sacramento di Ordenacion Santo.

÷1599
Den Iglesia Latin normalmente ta concede, sacramento di Ordenacion Santo pa
presbiteronan solamente na candidatonan cu ta dispuesto pa brasa e estado celibato
libremente y cu publicamente ta manifesta nan intencion di keda celibato pa amor di
Reino di Dios y sirbishi na hende.

÷1600
Ta obisponan ta concede e sacramento di Ordenacion Santo den e tres rangonan.

÷1601
“Aliansa matrimonial, pa medio di cual homber y muhe ta sera entre nan un convenio
di pareha pa henter nan bida, pa su mesun indole natural ta dirigi na bienestar di
pareha, na procreacion di yiu y nan educacion. A eleva e convenio aki entre dos
persona batisa na dignidad di sacramento door di Cristo nos Señor”.

÷1602
Santo Scritura ta habri cu relato di creacion di homber y muhe segun imagen y
semehansa di Dios91 y ta sera cu vision di e “boda di Lamchi” (Rev 19, 7. 9). Santo
Scritura ta papia di matrimonio henter ora bay y di su “misterio”, di su institucion y di
sentido cu Dios a duna na dje, di su origen y di su fin, di su diferente realisacionnan
den transcurso di historia di salbacion, di su dificultadnan naci di pica y di su
renobacion “den Señor” (1 Co 7, 39), den Aliansa Nobo di Cristo y di Iglesia.

÷1603
“Comunidad intimo di bida y di amor conyugal, ta funda pa Creador y enrikeci door di
Dje cu leynan apropia... Dios mes ta autor di matrimonio...93 un vinculo sagrado... no
ta depende di husgamento humano. E vocacion pa matrimonio ta inscribi den propio
naturalesa di homber y muhe como cu nan a bin di e man di Creador. Matrimonio no
ta un institucion netamente humano, apesar di diferente variacion cu e por a sufri
den transcurso di siglo den diferente cultura, structura social y actitud spiritual. E
diferencianan aki no mester laga nos lubida su caracteristican comun y permanente.
Maske dignidad di e institucion aki no ta mes transparente y cla tur caminda94, ta
existi den tur cultura un sentido di grandesa di union matrimonial. “Pasobra bienestar
di persona y di sociedad humano y Cristian ta estrechamente liga na prosperidad di
bida conyugal y familiar”.

÷1604
Dios kende a crea hende pa amor, ta yam’e tambe pa amor, vocacion fundamental y
for di nacemento mes di tur ser humano. Pasobra hende ta crea segun imagen y
semehansa di Dios96, cu ta Amor97. Como Dios a crea homber y muhe, amor entre
nan ta bira e imagen di amor absoluto y cu no sa faya nunca, manera Dios ta stima
hende. E amor aki ta bon, masha bon mes den wowo di nos Creador98. Anto e amor
aki cu Dios ta bendiciona, ta destina pa carga fruta y pa realisa su mes den trabou
comun di cuido di creacion: “Y Dios a bendiciona nan y Dios a bisa nan: ?Sea fructifero
y multiplica boso y yena mundoy somet’e na boso’ (Gn 1, 28)”.

Catisashi di IglesiaCatolico

÷1605
Santo Scritura ta afirma cu homber y muhe tawata crea un pa otro:“No ta bon pa
homber keda so”. Muhe, “carni di su carni”,esdecir, su igual, e ser mas semehante na
dje, Dios a dun’e como un“ayudante”, muhe asina ta representa Dios di kende ta bin
nos “yudansa”99. “Pesey un homber ta laga su tata y su mama y ta uni cu su esposa,
pa nan bira un solo carni” (Gn 2, 24)100. Señor mes ta mustra cu esaki ta nifica un
union di dos bida cu no por kibra, recordando kico plan di Creador tawata “den
cumisamento”: “Di manera cu ya nan no ta dos sino un solo carni” (Mt 19, 6).

÷1606
Tur hende ta experiencia maldad rond di dje y den su mes. E experiencia aki hende ta
sinti tambe den relacion entre homber y muhe. Den tur tempo union entre homber y
muhe a ser menasa pa discordia, pa dominio, pa infieldad, pa jaloezie y pa conflicto
cu por escala te yega na odio y separacion. E desorden aki por manifesta su mes na un
manera hopi of menos grave mas of menos por super’e dependiendo di e cultura, e
epoca, e individuo, pero semper e ta parce di ta algo universal.

÷1607
Segun fe, e desorden aki cu nos ta constata, no ta origina for di naturalesa di homber
y muhe, ni for di naturalesa di nan relacion, sino for di pica. E prome pica, e
kibramento cu Dios, tawata tin como prome consecuencia kiebro di comunion original
entre homber y muhe. Nan relacion a keda perturba pa atake di tur dos banda101;
nan atraccion mutuo, Creador Su mesun don102, a cambia den un relacion di dominio
y di deseo sexual103; anto e vocacion bunita di homber y muhe pa ta fertil, pa
multiplica y somete mundo a keda someti na dolor di parto y na esfuerso pa gana su
pan di cada dia.

÷1608
Sinembargo, e orden di Creacion ta sobrevivi aunke seriamente perturba. Pa sana
herida di pica, homber y muhe mester di yudansa di gracia cu Dios den Su
misericordia infinito, nunca ta nenga nan106. Sin Su ayudo, homber y muhe no por
logra realisa e union di nan bida pa cual Dios a crea nan “den principio”.

÷1609
Den Su misericordia Dios no a bandona hende pecado. E penanan cu ta consecuencia
di pica, “e dolor di parto” y e trabou “cu sodo di bo frenta” (Gen 3, 16, 19), tin
tambe remedi cu ta limita daño di pica. Despues di caida, matrimonio ta yuda vence
cu hende ta concentra den su mes, egoismo, e buscamento di placer propio, y pa
habri nos mes pa prohimo, pa yudansa mutuo y pa sacrificio propio.

÷1610
Consenshi moral pa loke ta concerni unidad y indisolucion di matrimonio, a desaroya
bou di pedagogia di Ley Antiguo. Poligamia di patriarcanan y reynan te ainda no ta
completamente rechasa. Asina mes ley poni pa Moises ta intenta pa proteha hende
muhe contra dominio arbitrario di homber, aunke segun palabra di Señor, ley ainda
tin indicacionnan di “duresa di curason” di hombre, motibo pa cual Moises a permiti
homber pa divorcia di su esposa.

÷1611
Contemplando Dios su Aliansa cu Israel bou imagen di un amor conyugal exclusivo y
fiel108, profetanan a prepara e Pueblo scogi su consenshi pa un comprension mas
profundo di unidad y di indisolucion di matrimonio109. E bukinan di Ruth y Tobias ta
duna testimonio conmovedor di un sentido eleva di matrimonio, di fieldad y ternura di
parehanan. Tradicion semper a considera Canto di Salomon como un expresion unico
di amor humano, asina leu cu esaki ta un refleho di Dios su amor, un amor “fuerte
manera morto” cu “awanan grandi mes no por paga” (Cantica 8, 6-7).
÷1612
Aliansa nupcial entre Dios y su Pueblo Israel a prepara aliansa nobo y eterno den cual
Yiu di Dios, encarnando y dunado su Bida, a uni su mes den cierto sentido cu henter
humanidad cu El110 a salba, preparando asina pa “e fiesta di casamento di e Lamchi”
(Rev 19, 7. 9).

÷1613
Na drempel di su bida publico, Hesus ta realisa su prome señal – riba peticion di su
Mama – durante un fiesta di casamento111. Iglesia ta duna importancia grandi na
presencia di Hesus na boda di Cana. Iglesia ta mira den esey confirmacion di bondad
di matrimonio y e proclamacion cu di ey pa dilanti matrimonio lo ta un signo eficaz di
Cristo su presencia.

÷1614
Den su predicashi, Hesus a siña bon cla e nificacion original di union di homber y
muhe, manera nos Creador tawata desea for di comienso: permiso duna door di Moises
pa divorcia di e esposa tawata un concesion na e duresa di curason112; Union
matrimonial di homber y muher no por disolve: Dios mes a determina esey: “P’esey
loke Dios a uni, hende no por separa” (Mt 19, 6).

÷1615
E insistencia, inekibocabel aki encuanto e indisolubilidad di e laso matrimonial por a
laga algun hende asombra y por parce un exigencia imposibel pa realisa113.
Sinembargo, Hesus no a pone un peso riba parehanan cu ta imposibel pa nan carga of
cu ta demasiado pisa114, mas pisa cu Ley di Moises. Biniendo pa restablece e orden
original di creacion perturba pa pica, Hesus mes ta duna forsa y gracia pa biba e
matrimonio den e dimension nobo di Reino di Dios. Ta door di sigui Cristo,
renunciando nan mes, cargando nan cruz115, parehanan lo por “compronde”116 e
nificacion original di matrimonio y bib’e cu yudansa di Cristo. E gracia aki di
matrimonio Cristian ta fruta di Cristo su Cruz, e fuente di tur bida Cristian.

÷1616
Esaki ta loke apostel Pablo ta laga hende compronde bisando: “Esposonan stima boso
casa, mescos cu Cristo a stima Iglesia y a entrega su mes p’e, pa e por a santific’e”
(Ef 5, 25-26) y ta añadi mesora: “Pa e motibo aki un homber ta bandona su tata y su
mama y ta uni su mes cu su casa y nan dos ta bira un. Esaki ta un misterio grandi y mi
kiermen pa loke ta trata Cristo y Iglesia” (Ef 5, 25-26, 31-32).
÷1617
Henter bida Cristian tin e marca di e amor di pareha di Cristo y Iglesia. Ya Bautismo,
cu ta ntrada den e Pueblo di Dios, ta un misterio nupcial; miho bisa ainda manera un
baño nupcial117 prome cu bankete di boda, esta Eucaristia. Matrimonio Cristian di su
parti ta bira un signo eficaz, sacramento di aliansa di Cristo y di Iglesia. Ya cu e ta
signo y comunicacion di gracia, matrimonio entre personanan batisa ta un berdadero
sacramento di Aliansa Nobo.

÷1618
Cristo ta centro di tur bida Cristian. Laso cu n’e ta bin prome cu tur otro laso, sea
familiar of social119. Desde cuminsamento di Iglesia tawata tin homber y muhe cu a
renuncia gran bondad di matrimonio, pa sigui e Lamchi na “unda cu e bay” (Ap 14, 4),
pa ocupa su mes cu asuntonan di Señor, pa trata di complac’e120, y pa bay topa cu
Esposo cu ta biniendo121. Cristo mes a invita algun persona pa siguiE den e moda di
biba aki di cual E ta modelo:

“Pasobra tin diferente motibo pa cual hende no ta casa; tin hende cu ta incapaz pa
casa, pasobra nan a nace asina; otro hende no por casa pasobra hende a haci nan
incapaz; y otro a haci nan mes incapaz pa motibo di e reino di Dios. Esun cu por
comprode esaki, e comprond’e numa!” (Mt 19, 12).

÷1619
Birginidad pa motibo di e Reino di shelo ta un desaroyo di gracia di bautismo, un signo
poderoso di e supremacia di e laso cu Cristo, di e espera ardiente di Su bolbemento,
un signo cu ta recorda tambe cu matrimonio ta un realidad cu ta manifesta e caracter
pasahero di e mundo aki”.

÷1620
Tanto e sacramento di Matrimonio y birginidad pa e Reino di Dios, ta bini di Señor
mes. Ta E ta esun cu ta duna nan sentido y ta duna nan e gracia indispensabel pa por
biba nan di acuerdo cu su boluntad123. E aprecio pa birginidad pa Reino124 y sentido
Cristian di Matrimonio ta inseparabel y ta sostene otro mutuamente:

Ken cu menosprecia matrimonio ta reduci gloriadi birginidad tambe. Esun cu admir’e


ta haci birginidad mas admirabel y resplandeciente. Locual ta parce di ta bon
solamente compara cu maldad, lo no ta bon en realidad. Lo mas excelente lo mester
ta algo mucho mas miho cu loke ta considera di ta bon…125
÷1621
Den Rito Latin, celebracion di matrimonio entre dos creyente Catolico normalmente
ta tuma luga durante Santo sacrificio di Misa, pa motibo di conexion di tur sacramento
cu misterio Pascual di Cristo126. Den Eucaristia conmemoracion di Aliansa Nobo ta
keda realisa, e Aliansa Nobo den cual Cristo a uni su mes pa semper cu Iglesia, Su
bruid stima pa kende El a entrega su mes127. P’esey ta apropia pa e partnernan seya
nan consentimento pa duna nan mes na otro mediante ofrenda di nan bida, uniendo
esakinan cu ofrenda di Cristo pa Su Iglesia presenta den sacrificio di Eucaristico y
recibiendo Eucaristia pa asina, door di drenta den comunion cu Curpa y Sanger di
Cristo, nan por forma solamente “un curpa” den Cristo.

÷1622
“Como cu e ta un accion sacramental di santificacion, e celebracion liturgico di
matrimonio… mester ta, pa su mes, valido, digno y fructifero”129. Pesey ta apropia
pa e bruid y e bruidegom prepara nan mes pa celebracion di nan matrimonio pa medio
di sacramento di confesion.

÷1623
Segun e tradicion Latin, esposo y esposa como ministernan di Cristo Su gracia
mutuamente ta duna na otro sacramento di matrimonio expresando nan
consentimento dilanti Iglesia. Den tradicion di Iglesianan Oriental, sacerdotenan
(obisponan of presbiterionan) t’ey como testigonan na e consentimento mutuo di
esposo y esposa, pero pa validez di e sacramento aki yama “Coronacion” nan
bendicion tambe ta necesario.

Catisashi di IglesiaCatolico

÷1624
E diferente liturgianan ta yen yen di oracion di bendicion y di epiclesis implorando ios
pa Su gracia y bendicion basha riba e pareha nobo, specialmente riba e bruid.en e
epiclesis di e sacramento aki e esposo y esposa ta ricibi Spirito Santocomo comunion
di amor di Cristo y di Iglesia130. Spirito Santo ta seyo di nan aliansa, fuente di nan
amor cual semper lo t’ey y e forsa pa renoba nan fieldad.

÷1625
Participantenan den un aliansa matrimonial ta un homber y un muhe batisa, liber pa
contrae matrimonio, cu ta expresa nan consentimento libremente: “siendo liber”
kiermen:

- no bou di presion;

- no stroba door di ningun ley natural of di iglesia.

÷1626
Iglesia ta considera intercambio di consentimento entre esposo y esposa como e
elemento indispensabel cu ta “realisa e matrimonio”131. Si no tin consentimento no
tin matrimonio.

÷1627
Consentimento ta consisti di “un acto humano pa cual e pareha mutuamente”132: ta
entrega nan mes na otro: “Mi ta ricibi bo como mi esposa” – “Mi ta ricibi bo como mi
esposo”133. E consentimento aki cu ta mara esposo y esposa na otro, ta haya su
realisacion ora nan dos “bira un carni”.

÷1628
Consentimento mester ta un acto di boluntad di cada un di e participantenan, liber di
violencia of di miedo externo grave135. Ningun poder humano por subsistui e
consentimento aki136. Si e libertad aki falta, matrimonio no ta valido.

÷1629
Pa e motibo aki (of pa otro rasonnan cu por haci e matrimonio nulo y invalido)137;
Iglesia, despues di un investigacion di e situacion pa un tribunal competente y di
Iglesia, por declara “e matrimonio nulo”, miho bisa, cu e matrimonio nunca a existi.
Den e caso aki participantenan ta liber pa bolbe casa, basta cu ta cumpli cu e
obligacionnan natural di un union anterior.

÷1630
E sacerdote (of diacono) kende ta asisti na celebracion di un matrimonio ta ricibi
consentimento di esposo y esposa na nomber di Iglesia y ta duna bendicion di Iglesia.
Presencia di e ministro di Iglesia (y tambe di e testigo) visiblemente ta expresa e
hecho cu matrimonio ta un realidad di Iglesia.
÷1631
Esaki ta e motibo pakico, Iglesia normalmente ta exigi pa creyentenan contrae
matrimonio segun formula di Iglesia139. Diferente motibo ta uni pa splica e rekisito
aki:

- Matrimonio sacramental ta un acto liturgico. P’esey ta na su luga pa celebr’e den


liturgia publico di Iglesia;