Saohagӧlӧ ginӧtӧ sino labe’e khӧma….

Nifosumange, bapak Pendeta Jemaat Orudua Fahasara Dӧdӧ,

Nifosumange, bapak ketua BPMJ jemaat Orudua Fahasara Dӧdӧ,
Nifosumange, bapak dan ibu satua niha keriso jemaat Orudua Fahasara Dӧdӧ,
Nifosumange, bapak dan ibu ketua-ketua komisi jemaat Orudua Fahasara Dӧdӧ,
Nifosumange, bapak dan ibu warga jemaat Orudua Fahasara Dӧdӧ sino tohare
ba zima’ӧkhӧ andre,
Ba tӧra-tӧra ira satuama, satua ndraono ni’a aro’ӧ ba zi ma’ӧkhӧ andre.
Ba ni omasi’ӧ ma ira awӧma ni’a aro’ӧ ma’ӧkhӧ andre…

U’owai ita fefu ba dӧi Zo’aya ya’ita Yesu Keriso…. Syaloom!!!…

Ya’ahowu.!!!

Tasuno Lowalangi ba ta’andrӧ si’ai saohagӧlӧ, meno tola owulo ita ba

zima’ӧkhӧ, ba Gereja andre, ba wamalua kebaktian ba sekaligus gӧi peneguhan
sidi ma fanga’aro’ӧ iraono sekola sidi. Ya’odo andre, mewakili ira awӧgu iraono
sekola sidi ni’a aro’ӧ ma’ӧkhӧ andre ba wa ma’ema sambua fehede khӧda fefu.
Ba si’ofӧna, u andrӧ wa’ebolo dӧdӧ khӧda fefu, na so fehedegu, silӧ faudu ba
niwa’ӧgu ba he nifa’emagu, tӧra-tӧra naso zambӧ, me ya’aga andre irano silӧ
nasa afӧnu fa’atua-tua ba wehede.
Si’ofӧna si’ai tasuno Lowalangi, meno tola tefalua lala halӧwӧ ba
zima’ӧkhӧ andre ba no tola terlaksana dengan baik. Lӧ olifu ndra’aga, ma’adrӧ
saohagӧlӧ fefu khӧra majelis jemaat ba khӧra pelayan Tuhan ba zima’ӧkhӧ
andre, sino mohalӧwӧ sehingga acara demi acara nifaluada ma’ӧkhӧ tola
terlaksana dengan baik. Ba tasuno lowalangi ba wa’omasi Nia andrӧ.
Ira, ama, ina, ba talifusӧ fefu ni’omasi’ӧ ba khӧ Zo’aya ya’ita Yesu Keriso,
Ya’aga iraono ni’a aro’ӧ ma’ӧkhӧ fa’ato 20 niha, ba dӧfi fa’ara, ba no ma tema’ӧ
arahan dan bimbingan, simane famaha’ӧ SAKRAMEN, Goroisa, ba tӧra-tӧra
famotokhi taromali Lowalangi khӧma fefu, moroi khӧra bapak ibu guru sekola
Sidi, sino akao ba wamaha’ӧ ndra’aga. Ya’aga iraono ni’a aro’ӧ ma’ӧkhӧ, ma
andrӧ saohagӧlӧ fefu wa’akao bapak ibu, bawamaha’ӧ ndra’aga. Khӧ Bapak
Pendeta, ma andrӧ saohagӧlӧ wa’akao bapak dӧfi fa’ara, wa no erege dӧdӧ ba
wamaha’ӧ ndra’aga. Ba ya’odo mewakili ira awӧgu ni’a aro’ӧ, ma’andrӧ
wa’ebolo dӧdӧ naso zala ma zilӧ faudu ba zi dӧfi fa’ara, me ya’aga andre masih
iraono sawena egebua, sambӧ fangera-ngera ba fa’aboto ba dӧdӧ. Mangandrӧ
ga, ena’ӧ bapak semakin kuat untuk pelayanan di dalam Tuhan. Simanӧ gӧi khӧ
bapak Ama Yaman Mendrӧfa, bapak Ama Wira Harefa, Ibu Rotilina Mendrӧfa,
saohagӧlӧ ginӧtӧ mi sino mi be’e ba wamahaӧ ndra’aga dӧfi fa’ara, tӧra-tӧra no
sabar ami ba wamaha’ӧ ndra’aga, ba no hulӧ satua sindruhu ami khӧma. Lӧ sulӧ
soroi khӧma, ya Lowalangi zanulӧni khӧra bapak ibu he ba noso ba he ba mboto,
ba he ba lala halӧwӧ nibaya-baya sero ma’ӧkhӧ. Ba ya’odo mewakili ira awӧgu
ni’a aro’ӧ, ma’andrӧ wa’ebolo dӧdӧ naso zala ma silӧ faudu bawefao-faoda ba
zi dӧfi fa’ara.
Ira awӧ-awӧ gu ni’a aro’ӧ ma’ӧkhӧ andre ni’omasi’ӧ ba khӧ Zo’aya ya’ita
Yesu Keriso, ba wefao-fao da ba zi dӧfi fa’ara, ba no oya ni tema’ӧ da famaha’ӧ
tӧra-tӧra fa’oboto ba dӧdӧ Taromali Lowalangi, ba ena’ӧ ya sowua-wua tӧdӧ ita
ba wa malua ya’ia ba wa’aurida zamӧsana, bӧrӧ me Taromali Lowalangi andrӧ
ba no Lowalangi, sanuturu lala sero ma’ӧkhӧ, enaӧ te fahowu’ӧ ita ba lala
wa’aurida mifӧna da. Mangandrӧ ita, ya’i tolo ita Lowalangi ba zorugo. Simanӧ
gӧi, faduhu dӧdӧma wa so sala ba olalӧwa nifaluada zamӧsana khӧ nawӧda ba
wefaoda dӧfi fa’ara, ba u’andrӧ khӧda ya dozi ta’efa’ӧ iya khӧ nawӧda, ena’ӧ
bӧi tobali ba’a-ba’a howu-howu khӧda zamӧsana ita.
Ira satua ma ni’omasi’ӧ ma, saohagӧlӧ fefu zino mibe’e khӧma he materi
soguna ba lala halӧwӧ andre, ba he gӧi mene-mene soguna khӧma ba lala nitӧrӧ
ma mifӧna andre, irege gӧi ya’aga maӧkhӧ andre tola la’aro’ӧ ba khӧ Zo’aya
yaita Yesu Keriso. Ba da’ӧ fefu lӧ sulӧ soroi khӧma, mangandrӧ ndra’aga
salahimi ya Lowalangi sanulӧni khӧmi fefu, ba ma’andrӧ ya anau nasa nosomi
ena’ӧ tola nasa mi be’e mene-mene khӧma me ya’aga andre nasa awena iraono
sawena egebua ba sambӧ si’ai fangera-ngera.
Ira bapak ibu guru sekola sidi ni’omasi’ӧ ba khӧ Zo’aya ya’ita Yesu
Keriso, no hasara dӧdӧ ma, iraono ni’a aro’ӧ ma’ӧkhӧ andre, wa so sinangea
berupa cendra mata ma fangandrӧ saohagӧlӧ sino ma owuloi, ba ma’andrӧ dania
wa’ebolo dӧdӧ khӧra bapak ibu, bӧi ya mufaigi ba wa ebua ma ba wa ide-ide,
ma andrӧ enaӧ mifaigi ba wa hasara dӧdӧ ma, iraono ni’a aro’ӧ ma’ӧkhӧ, simane
tӧi gosali da, Orudua Fahasara Dӧdӧ, ba ma’andrӧ khӧra bapak ibu nitӧtӧi ma
tӧi dania ena’ӧ lahalӧ nahia ba da’a fӧna.
Bapak pendeta jemaat Orudua Fahasara Dӧdӧ (ma’andrӧ mӧi fӧna)
Bapak Ama Yaman Mendrӧfa, (ma’andrӧ mӧi fӧna)
Bapak Ama Wira Harefa, (ma’andrӧ mӧi fӧna)
Ibu Rotilina Mendrӧfa, (ma’andrӧ mӧi fӧna)
Ma’andrӧ khӧ nawӧma Marsinaria Harefa, ena’ӧ mufa’ema khӧra bapak ibu
guru da sekola sidi.
(khӧra bapak ibu tola sa’e mangawuli ba nahia)
Sakali tӧ ma’andrӧ saohagӧlӧ khӧra bapak ibu guru ma sekola sidi ba wa’akao
dӧfi fa’ara, ya Lowalangi zanulӧni khӧmi fefu.

Ira, ama, ina, ba talifusӧ fefu ni’omasi’ӧ ba khӧ Zo’aya ya’ita Yesu Keriso,
da’ӧ iya sambua fehede mewakili ya’aga iraono ni’a aro’ӧ ma’ӧkhӧ andre, ba u
andrӧ wa’ebolo dӧdӧ naso zala ba wehedegu ma ba we ziziogu fӧna andre, ba
naso gӧi sambӧ ba nifa’emagu, ba u andrӧ khӧda fefu ya mu bӧnӧ-bӧnӧkhi
khӧda ba dӧdӧ da zamӧsana ya’ita.
Tӧra ambӧ nifa’emagu andre, u andrӧ saohagӧlӧ. Ba ufuli u owai ita ba
dӧi Zo’aya Ya’ita Yesu Keriso… Syaloom…!!!! Ya’ahowu.!!!