WILLEMSTAD. - Curd Evertsz tabatin e honor pa risibí un yamada di Ofisina di Promé Minister Rhuggenaath pa keda invitá pa ta presente na Konseho di Minister den Fòrti anto pa ofishalmente risibí di Ministernan di su Gabinete e Standing Ordernan di Ride For The Roses. Ku esaki Stichting Ride For The Roses Curaçao a haña otro ekspreshon di sosten signifikante na e ‘standing order 1000 Awareness Tour & Movement’. Meta prinsipal di esaki ta pa konsientisá un i tur ku un sosten finansiero mensualmente, pues diesdos biaha pa aña tur aña, mediante un Standing Order, ta krea posibilidatnan grandi pa Prinses Wilhelmina Fonds por yuda pashèntnan ku ta sufri di kanser. Riba e foto por mira henter Gabinete Rhuggenaath huntu ku algun konosí.