nagkakilala. Malaki na ang pinagbago ng lugar na ito. Ibang iba na ang ayos nito ngayon kumpara noon. Naaalala ko pa yung sinabi nya sa akin noon, Pag naging tayo na, dito kita unang ipapasyal. Napangiti na lamang ako ng maalala ko ang lahat ng yun. Yung mga kalokohan naming dalawa, yung tatakas pa kami para lang makapunta dito. Lahat ng pinaggagagawa namin noon ay naaalala ko pa. Alira, tara na. Umuwi na tayo. tawag sa akin ni Tatay. Agad naman akong pumunta sa kinaroroonan nya. Bago ako sumakay ng kotse muli kong sinilayan ang lugar na punong puno ng alaala kung saan una kong nakilala ang una kong naging kaibigan, ang una kong pinakamatalik na kaibigan at ang unang lalaki kong minahal. Dito kami bumuo ng masasayang alaala at dito rin sa lugar na ito nangyari ang pinakamasalimuot na pangyayari sa buhay ko. Napatingin ako sa puno na pinag-ukitan naming ng palayaw naming noon, Tabachingching love Tabatingting napangiti ako ng maalala ko yun. Napansin ko na parang may tao sa likod ng puno. Laking gulat ko ng makita ko sya. Tinitigan ko ng mabuti ang lalaking nakasilay sakin ngayon nakangiti sya sa akin pero puno ng kalungkutan ang kanyang mga mata. Pero paano? Paano sya nabuhay? Nakita mismo ng dalawang mata ko kung pano sya paslangin ng walang habas. Nakita rin mismo ng dalawang mata ko kung paano sya mag-agaw buhay. Pero hindi ako pwedeng magkamali, kilalang kilala ko sya. Alam kong sya yun, ang lalaking pinakamamahal ko.