Documentos de Académico
Documentos de Profesional
Documentos de Cultura
Anonimo Cantar de Roncesvalles (Ramón Menéndez Pidal) PDF
Anonimo Cantar de Roncesvalles (Ramón Menéndez Pidal) PDF
Cantar de Roncesvalles
[Despus de la sangrienta derrota de su retaguardia, Carlomagno lamenta sobre el cadver de Turpino,
arzobispo de Reims, en el campo de Roncesvalles]
1. raonse con ella, como si fuese bivo:
2. Bueno pora las armas, mejor pora ante Jesuchristo,
3. consejador de pecadores e dar... tanto ...da...
4. el cuerpo priso matirio por que le... dino
5. Mas quin aoncseyar este viejo mesquino,
6. que finca en grant cuita con moros en periglo!
7. Aqu clam sus escuderos Carlos el enperante:
8. Sacat al arebispo desta mortaldade!
9. Levmosle a su tierra a Flanderes la ciudade.
10. El enperador andava catando por la mortaldade;
11. Vido en la plaa Oliveros o yaze
12. el escudo crebantado por medio del braale;
13. non vio sano en ll quanto un dinero cabe;
14. tornado yaze a orient, como lo puso Roldne.
15. El buen enperador mand la cabea alare
16. que la linpiasen la cara del polvo e de la sangre.
17. Como si fuese bivo, comenlo de preguntare:
18. Digdesme, don Oliveros, cavallero naturale,
19. d dexastes a Roldn? digdesme la verdade.
20. Quando voz fiz conpanneros distesme tal omenaje
21. por que nunca en vuestra vida no fusedes partidos mes
22. Dizmelo, don Oliveros, d lo ir buscare?
23. Yo demandava por don Roldn a la priesa tan grande.
24. Ya mi sobrino, dnt vos ir buscare?
25. Vo un colpe que fizo don Roldne:
26. Esto fizo con cueyta con grant dolor que avie.
27. Estonz al los ojos, cat cabo adelante,
28. vido a don Roldn acostado a un pilare,
29. como se acost a la ora de finare
30. El rey quando lo vido, ot lo que faze,
31. arriba alo las manos, por las barbas tirare,
32. por las barbas floridas bermeja sala la sangre;
33. essa ora el buen rey ot lo que dirde,
34. diz: Muerto es mio sobrino, el buen de don Roldne!
35. Aqu veo atal cosa que nunca vi tan grande;
36. yo era pora morir, e vos pora escapare.
37. Tanto buen amigo vos me solides ganare;
38. Por vuestra amor arriba muchos me solin amare;
39. pues vos sodes muerto, sobrino, buscar me an todo male.
40. asaz veo una cosa que s que es verdade:
41. que la vuestra alma bien s que es en buen logare;
42. Mas atal viejo mezquino, agora que farde?
43. Oi perdido esfuero con que sola ganare.
44. Ai, mi sobrino, non me queredes fablare!
45. Non vos veo colpe nin lanada po que ovisedes male,
46. por esso non vos creo que muerto sodes, don Roldne.
47. Dexamos vos a aga donde prisiestes male;
48. las mesnadas e los pares anbos van alle
49. con vos, e amigo por amor de a vos guardare!
50. Sobrino, por esso non me queredes fablare?
51. Pues vos sodes muerto, Fania poco vale.
52. Mio sobrino, ante que finsedes era yo pora morir mes.
53. Atal viejo mequino, qui lo conseyerade?
54. Quando fui manebo de la primera edade,
55. quis andar ganar preio de Francia, de mi tierra natural[e];
56. fuime a Toledo a servir al rey Galafre
57. que ganase a Durandarte large;
58. ganla de moros quando mat a Braymante,
59. dila a vos, sobrino, con tal omenage
60. que con vuestras manos non la disedes a nadi;
61. saqula de moros, vos tornstela alle.
62. Dios vos perdone, que non podieste mes!
63. Con vuestra rencura el coran me quiere crebare.
64. Salme de Frania a tierra estranna morare
65. por conquerir proveza e demandar linaje;
66. acab a Galiana, a la muger leale.
67. Naiestes, mi sobrino; a diezesiete annos de edade,
68. fizvos cavallero a un preio tan grande.