Pa

“Un Kòrsou Sano, Salú i Sigur”

Kontenido
Introdukshon
1. Konteksto
1.1.
Momento den historia
1.2.
Punto di salida
1.3.
Método i proseso
1.4.
Skema simbóliko di e proseso
1.5.
E palu di fruta di MFK
2. Un Futuro nobo
2.1.
Inovashon i kreatividat
2.2.
Mas serka di hende
2.3.
Desaroyo duradero
3. Vishon
4. Metanan Stratégiko
5. Kondishonnan Stratégiko
5.1.
Desaroyo sosial
5.2.
Desaroyo ekonómiko
5.3.
Desaroyo ekológiko
6. Temanan pa e programa di akshon
7. Un komienso nobo responsabel pa Kòrsou (“no business as usual”)

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

2

Introdukshon
Apresiable lesadó,
Esaki ta e programa di akshon di Movementu Futuro Kòrsou (MFK). Manera e nòmber ta bisa, ta trata akí
di un Movementu ku ta traha riba e desaroyo di Kòrsou a base di un vishon pa largu plaso. Ta trata di un
Movementu di hende i ret di organisashonnan ku a base di prinsipionan di kreatividat, inovashon i
sostenibilidat – ta traha na desaroyo di Kòrsou. Un Movementu ku ta traha mas serka di pueblo. Kon nos
ke logra esaki ta ser spliká den e siguiente kapítulonan.
Ta un echo ku Kòrsou a kambia di státus i a bira un pais. Nos a enfrentá hopi reto i ainda tin un tarea
grandi nos dilanti pa ehekutá. Un tarea ku sigur nos por finalisá di un forma korekto. Sinembargo, esaki ta
posibel solamente si nos tur, amigu i enemigu ta dispuesto pa den e desenio benidero, nos logra kambia nos
sistema di pensa i nos aktitut, di un kultura di “ami”, pa un kultura di “nos”, di un forma di aktua
egoséntriko pa benefisio propio, pa un aktitut ku kompashon pa otro, di no ke kompartí nada ku otro, pa
un aktitut di ke kompartí muchu mas ku otro. Di un forma konstruktivo i diligente nos mester kooperá ku
otro pa logra metanan komun pa nos dushi Kòrsou. Pues, ta imperativo invertí no solamente den kapital
humano, sino tambe den kapital sosial di nos komunidat. Den hende!
Den e periodo nos dilanti, lo tin ku buska un balanse entre adelanto material òf nivel di bida (standard of
living) i bienestar (quality of life). MFK ta dispuesto pa uni forsa ku hende i organisashonnan ku ta dispuesto
pa huntu nos haña e balanse akí, pa huntu nos logra pa nos Ban Kambia Nos Bida, esaki ta e vishon di
MFK, ku nos ta deskribí akí:

Ban Kambia Nos Bida




Ta e frase ku ta definí nos determinashon firme, ya ku e ta enfatisá e desishon fundamental i e derecho
básiko ku tur ser humano tin di kambia su forma di biba, den su aspirashon legítimo pa e yega na un
mihó nivel di bida. Anto esaki ta loke den MFK nos ta defendé tur ku tin.
Ku esaki nos ke lansa un reto personal na tur habitante di Kòrsou; e reto di rekonosé ku awe realidat di
e pais akí i nan propio realidat tambe ta laga hopi di deseá, pero riba tur kos, nos ta invitá nan pa
partisipá aktivamente i asina hasi algu pa modifiká e status quo.
Esaki ta definitivamente un yamada pa kambio. Un gritu liberador ku ta surgi pa ekspresá e frustrashon
i e impotensia ku awe míles di habitante di e pueblo akí ta biba.
Ta nifiká libra di e gobièrnu aktual. Un gobièrnu ku a demostrá palpablemente su inkapasidat pa atendé
adekuadamente e nesesidat i problemanan real di hende.
Ku e yamado akí, partido MFK, dirigí pa su lider, Gerrit Schotte; su Parlamentario-, kandidato-,
portabosnan, ta buska manera di sakudí, tochi alma i mente di pueblo kurasoleño pa nos hendenan
reakshoná i aktua – di manera sivilisá i pasífiko – pa modifiká nan destino i kohe e rumbo ku ta hiba
famianan na Kòrsou bai biba un bida mihó.
Ta un ekspreshon pa presentá i manifestá semper di forma positivo, konstruktivo, alegre, kaluroso,
humano i ku speransa, mas un importante dósis di emoshon.
Ta un frase di tur hende, hòmber i muhé di bon boluntat, di pas i amor pa bida, ta un vishon di un
futuro posibel i ku ta reflehá e kompromiso i vishon di tur hende den MFK.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

3

Un desaroyo ku hende, pa hende, i dor di hende pa realisá un Kòrsou Sano, Salú i Sigur
E motibu prinsipal di partidonan polítiko hopi biaha no ta pa logra e vishon i metanan di e partido pa nos
dushi Kòrsou. Mayoria di biaha nan propósito ta pa laga e partido krese i eksistí i logra interes propio di
esnan envolví den e partido polítiko.
Esaki ta un motivashon robes pa forma di aktua di e polítiko i su partido. Movementu Futuro Kòrsou ta
konsiderá su mes un Movementu ku ta sali na vanguardia pa traha ku hende i pa hende na futuro di e isla, di
moda ku TUR hende por tin benefisio. Ta pèrkurá pa alkansá e meta i asta si nos no tin mester di tei mas,
nos vishon i nos metanan prinsipal sí a keda realisá na bienestar di pueblo. Ta esaki ta motivashon i guia pa
aktuashon di Movementu Futuro Kòrsou.
Di e manera akí mi ta spera ku huntu ku otro forsanan positivo na e dushi isla akí, di krea un Kòrsou
kaminda mi yunan, bo yunan i futuro generashonnan por krese komo siudadano Sano, Salú i Sigur.
Lo mi sigui traha duru pa yega na un base di sosten amplio i ku kooperashon di tur hende logra bienestar
general.
Gerrit F. Schotte
Lider polítiko
M ovementu Futuro Kòrsou

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

4

1. Konteksto
1.1.

Konteksto históriko

E poblashon di e islanan ku tabata forma parti di Antia Hulandes, den e periodo di yüni di aña 2000 i aprel di
aña 2005, a ekspresá nan mes tokante e struktura estatal di nan isla. E resultado tabata ku:


Kòrsou i St. Maarten a skohe pa ta un Pais ku laso denter di Reino
Boneiru i Saba a skohe un laso direkto ku Hulanda
St. Eustatius kier a keda forma Antia Hulandes

Entretantu e islanan Boneiru, Saba i St. Eustatius a mara nan mes pa sigui komo “Munisipio Karibense” di
Hulanda (entidat públiko spesial) ku Dòler Amerikano komo nan moneda legal.
Ku Antianan Hulandes lo no por a sobrebibí komo un pais di 5 isla, tabata opvio kaba for di e añanan despues
di salida di Aruba for di e konstelashon di Antia.
Un último paso despues di e referèndem di 1993 pa promové un asina yamá Antia Restrukturá a resultá den un
desilushon total. Na aña 2000 St. Maarten a disidí ku e no ke forma parti mas di e konstelashon Antiano. Na aña
2005 Kòrsou tambe a duna di konosé di no ta kere den Antia mas.
Den 12 aña di tempu e luchadó grandi pa konservá Antia di 5, a para bira e bosero mayó pa desmantelá Antia.
Nos ta bibando 32 aña despues di e realidat ku a plama Antia Hulandes for di otro dor di a duna Aruba Status
Aparte, un echo ku a pone eks-promé minister sr. Juancho Evertsz q.e.p.d. hasi e ekspreshon konosí: “6-1= 0”.
Na aña 2010 na òktober esaki a bira realidat. Un parti grandi di e poblashon di nos isla durante un periodo largu
di nan bida a eksperensiá un gobernashon disfunshonal i inefikas. Añ’aden aña afó nos gobernantenan (hopi bia
ku bon intenshon) a trata di aktua i atendé e problemanan kresiente na e mes manera di pensa di kustumber i
kada bes ku e mesun resultado negativo. Konstantemente nan a trata di tene e islanan huntu pa nan mes keda na
mando.
Movementu Futuro Kòrsou ta sali for di e punto di bista ku e lema “Goberná ta mira dilanti”, no ta djis un frase
bashí. E konsepto akí mester bira un manera natural di aktua i hasi. E konosido siklo di maneho di Dr. Deming
(Planeá, Hasi, Kontrolá, Aktua – fig,1) mester bira práktika komun pa tur loke nos ta hasi den maneho di e
sektor públiko.
Figura 1 – Siklo di maneho di Dr. William Edwards Deming (1900 – 1993)

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

5

1.2.
Punto di Salida
Ken lo no a deseá pa un suseso importante manera nasementu di un yu, òf manera tabata e kaso ku
nasementu di e pais nobo, tur hende lo por a selebrá ku gran alegria!
Movementu Futuro Kòrsou (MFK) tambe tabata ke pa esaki tabata e kaso, sin importá si e pais nobo
Kòrsou, nos yu nobo, lo a nase riba 10-10-10 òf riba 1-1-11. Importante pa MFK tabata ku e nasementu lo
tabata di un yu Sano, Salú i Sigur. Pues pa MFK e fecha 10-10-10 riba su mes no tabata un lei sin mas. Si
tabata nesesario formalisá e pais un par di luna despues pa motibu di un aktuashon kouteloso, koutela lo a
haña prioridat riba un fecha ku ta zona bunita (es mas, 1-1-11 tambe ta zona bunita i ademas e pais lo a
start ku un aña nobo i un fecha fiskal normal pa sektor públiko). Importantísimo ta un komienso sano, salú
i sigur! Esaki no solamente den sentido material i finansiero, sino tambe kontando e ora ei ku un sosten
amplio den komunidat, ku rèspèt pa otro i ku fe den futuro.
Nos di MFK tabata konsiente ku e fikshon riba e fecha 10-10-10 lo trese nos den un kore kore di bida i
morto. Fòrsá dor di tempu, e kalidat i koutela ku kua instituto- i organisashonnan nobo tabatin ku lanta, a
laga hopi di deseá. MKF tabata preokupá ku e manera ku a hasi tur sorto di maniobra fiktisio pa logra un
fecha i laga parse manera tur kos tabata seyá kaba i bon organisá.
Riba papel a traspasá tareanan di ministerionan, i ministerionan sin aparato ni ámtenar a keda funshoná
manera nada no a sosodé. Mas ku 4000 ámtenar a pasa pa un inseguridat e tempu ei pa loke a toka nan
futuro profeshonal. Konsehonan rashonal a keda desbaratá, miéntras a duna oido na preferenshanan
polítiko.
Pa ilustrá nos ta referí na un ehèmpel palpabel i bibu. Den e rapòrt di ‘Werkgroep Voorbereiding RTC
2005” nos por lesa:
“Conclusie: De Werkgroep Voorbereiding RTC 2005 concludeert, dat de nieuwe staatkundige entiteiten ieder afzonderlijk
zullen voorzien in een monetair stelsel, waarbij Curaçao en St. Maarten een eigen munt gekoppeld aan de Amerikaanse dollar
en een eigen centrale bank zullen hebben. Zowel Curaçao als St. Maarten zijn bereid tot inter-institutionele samenwerking,
m.n. op gebied van kennis en operations, mits tegen vergoeding met dien verstande dat St. Maarten samenwerking in een
gezamenlijke centrale bank niet uitsluit.”
Kiko tabata motibu ku mandatarionan i polítikonan di Kòrsou i St. Maarten a opta pa pone e konseho akí
un banda i kontinuá ku nan sistema monetario separá i tòg skohe pa un banko sentral kompartí i un
moneda komun? Ta un solushon ku di antemano tabata konosí ku den práktika lo e no resultá, ni polítikani gubernamentalmente. Asta areglonan monetario grandi manera esun di Union Europeo tin masha
difikultat pa funshoná na drechi.
Movementu Futuro Kòrsou awe despues di 6 aña a haña rason ku e tipo di desishonnan akí ta bolbe
strangulá nos pais nobo den diskushonnan polítiko sin final i tur sorto di intento pa ‘a toda kosta’ mantené
koalishon. Gobièrnu lo ta un bes mas atendiendo ku su mes, manera tabata e kaso den e desenionan tras di
lomba, en bes di krea e kondishonnan pa un desaroyo duradero di nos pais.
No por ta asina ku un unidat ekonómiko ku a ser disolvé (Antia) pa falta total di sinergia i interes komun, a
bai den un bachi nobo (di pais) i ta kai bèk riba un di e instrumentonan mas importante di un unidat

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

6

ekonómiko, un banko sentral komun? Si nos no logra yega na un paro di e desaroyo akí, Kòrsou lo sigui
den un aventura ku hopi inseguridat.
Na mes momentu, ta kurioso pa opservá ku e munisipionan Karibense di Hulanda no a forma parti di e
pesadia nobo akí. Al kontrario, Hulanda inteligentemente a skohe pa introdusí dòler Amerikano (úniko pais
usando Euro ku ta introdusí US $ riba su teritorio).
MFK ta mashá konsiente ku e komienso teorétiko i fiktisio ku a ser siguí te ku awor akí, no tin masha di
hasi ku e realidat ku nos isla ta bibando aden. Trese huntu dos diferente kultura gubernamental i
organisatorio (Sentral i Insular) no ta un asuntu di un fecha ni di djis drei un kònòpi. Na final di kuenta ta
trata di un proseso ku a toka hende tantu den e aparato públiko komo den komunidat. Ta un proseso di
transformashon profundo ku mester a ser planifiká i ehekutá ku mas koutela i ku mayor sentido di realidat.
Pa MFK ta mas kla ku di dia, ku e periodo di gobernashon nos dilanti lo no ta un di “business as usual”. Al
kontrario, e periodo di gobernashon lo tin tur e karakterístikanan di un proseso di kambio masha profundo
i kompliká. Pa kolmo manera a ser señalá aki riba, un proseso ku debí na su preparashon robes, lo ta atrobe
un kaminda ku hopi buraku skondí den dje.
Nos ta pensa riba:
1. Un fase di urgensia riba término kòrtiku (te 9 luna) den kua a base di un programa di transishon
relashoná ku Kòrsou, ta trata asuntunan urgente. Pa kuminsá mester aseptá Konstitushon di Kòrsou ku un
mayoria amplio. Ademas mester pèrkurá pa ministerionan bira operashonal i ku ta pone un base sólido pa
implementashon di maneho.
2. Un término mediano (te 15 luna) den kua ta pone fundeshi pa tantu maneho, organisashon, komo
presupuesto, pa desaroyo duradero a base di un programa di desaroyo pa mas aña ku e plan di desaroyo
urbano i programanan di bario pertenesiente.
3. Un término largu (tot 48 luna) den kua ta ehekutá e programanan.
MFK ta konsiderá ku e periodo di gobernashon benidero mester haña un komienso kompletamente nobo
atrobe. Kòrsou tin ku kibra ku sistemanan tradishonal di pensa i aktua i ku patronchi- i strukturanan
establesé. MFK lo no ser guiá pa e forma bieu di pensa i aktua den e sektor públiko. MFK lo no presentá
listanan di deseo ku nos lo kier logra den e periodo di gobernashon nos dilanti, si nos gana elekshon. Loke
sí MFK ta ofresé ta nos manera di pensa tokante kon tin ku goberná nos dushi Kòrsou, a base di kua
prinsipionan i kua ta e metanan prinsipal ku nos tin ku sigui pa logra nos vishon. Tambe nos ke duna den e
programa akí e temanan ku tin prioridat pa nos i dikon nan ta prioridat. Bo por konta ku nos lo ta
transparente i rekto.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

7

1.3.

Método i proseso

Movementu Futuro Kòrsou ta dirigí su mes riba desaroyo mas aleu di Kòrsou i su abitantenan i no
solamente riba e problemanan ku tin aktualmente. Esaki ta trese kuné ku MFK no por traha un lista di
deseo riba nivel operashonal riba tur tereno di maneho sin nan tin korelashon ku otro. E komienso di kada
desaroyo ta ora komprondé di forma klarito unda bo ke bai i kiko bo ke logra.
Ta p’esei ta sigui un proseso ku nos por mira den e programa. E ta konsistí di diferente parti:
Statutonan

E metanan statutario di MFK ta punto di salida

Vishon

A base di esei a visualisá kiko ta nifiká ora logra metanan, kiko nos a realisá?

Kondishonnan

E kondishonnan pa realisashon di e vishon, kiko tin mester pa esei?

Temanan di maneho

Kon nos ta sòru pa krea e kondishonnan ei, na unda tin di pone atenshon den
maneho di gobièrnu?

Plan di maneho

Kua plan spesífiko nos mester pa realisá e vishon akí?

Plan di gobernashon

Kon nos ta bai implementá e programa di MFK den un e gobièrnu nobo?

Riba e siguiente página por mira ehekushon di e proseso skemátiko i athunto ta duna splikashon riba kada
sekshon mas den detaye.
Simbólikamente ta duna tambe un bista masha simpel di e proseso den forma di un Palu di Fruta.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

8

Nivel táktiko
Árean di maneho

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

9

1.4.

“Palu di fruta” (vruchtboom)

Pa simplifiká i duna un bista holístiko di e proseso akí, MFK a skohe pa visualisá e palu di fruta ku ta karga
fruta komo resultado di e proseso di desaroyo kaminda e hende ta sano, salú i sigur.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

10

2. Un futuro nobo
2.1.

Inovashon i Kreatividat

Un di e ponensianan klásiko di e filósofo i sientífiko Albert Einstein ku a inspirá Movementu Futuro
Kòrsou ta:
“The significant problems we face, cannot be solved
at the same level of thinking we were at when we created them.”
E ponensia ei ta trese e motivashon di mas importante di Movementu Futuro Kòrsou. E motivashon ta
duna dos punto di salida esensial pa un aserkamentu i forma di traha.
A – ‘Think out-of-the-box’
Pa por solushoná e problemanan akí i dal un paso grandi padilanti den nos desaroyo, nos tin di atendé nos
problemanan radikalmente di otro forma. Nos mester tin e kurashi di kibra ku pasado i skohe pa un
aserkamentu inovativo i kreativo. Si nos keda ku e mesun forma di traha i aktua nos lo kosechá
resultadonan pober. Nos lo no krea mihó eksistensia
ku mas perspektiva i bon kalidat di bida pa kada
hende.
B – Desaroyo duradero ( figura 2)
Movementu FUTURO Kòrsou ta konsiente ku
gobernashon di nos pais tin e tarea pa no solamente
solushoná nos problemanan aktual, pero e ta obligá
tambe di pone un base sólido pa desaroyo duradero
di nos pais i krea un futuro ku perspektiva pa nos
yunan i generashonnan ku ta sigui.
E prinsipio di desaroyo duradero ta tene kuenta ku
tantu término korto komo largu i ta sali for di punto
di bista tridimenshonal kaminda konstantemente ta
lucha pa logra un balanse entre e tres
dimenshonnan:


Kresementu ekonómiko
Desaroyo sosial
Kuido pa naturalesa i medio ambiente
(ekologia)

Figura 2 – desaroyo duradero
Kòrsou tin di tuma komunidatnan desaroyá manera den nos region i na Europa komo ehèmpel. Nan ya a
rekonosé e nesesidat di desaroyo duradero i hasi esaki prioridat number un den nan maneho.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

11

2.2.

Mas serka di hende

Den práktika e eskoho di Movementu Futuro Kòrsou pa e aserkamentu di “out-of-the-box thinking” i
desaroyo duradero ta nifiká entre otro:
Motibunan di polítika partidista no ta punto di salida pa Movementu Futuro Kòrsou.
MFK ta sigui e vishon di desaroyo i metanan ku e tin pa Kòrsou.
Den práktika esaki ta nifiká:


Movementu FUTURO Kòrsou ta funshoná komo un ret di hende i organisashon ku
direktamente òf indirektamente ta envolví den movementunan ku por haña nan mes den e vishon,
e aserkamentu i meta di Movementu Futuro Kòrsou.
Movementu FUTURO Kòrsou ta aseptá plannan di otro hende- i partidonan polítiko i
ehekutá esakinan si nan ta kuadra ku e vishon, aserkamentu i metanan di MFK.
Movementu FUTURO Kòrsou ta karga responsabilidat di gobernashon for di un aserkamentu ku
gobièrnu mester ta mas serka di hende (Mas serka di Bo), esaki ta nifiká di abou bai ariba,
kaminda nos lo traha e maneho i ehekutá esaki ku e hende i pa e hende. Na promé lugá nos tin di
identifiká i solushoná e problemanan di e hende, region- i barionan i no pèrdè for di bista e
problemátika di gobièrnu i gobernantenan.
Un desaroyo duradero pa Kòrsou ta nifiká un desaroyo duradero pa e hende, region- i
barionan na Kòrsou.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

12

3. Vishon
3.1.

Metanan statutario

E vishon di MFK konosé su orígen den e metanan statutario for di kua e organisashon a lanta.
MFK tin komo meta statutario, pa desaroyá Kòrsou komo pais di forma duradero, basá riba lo siguiente:
Kresementu ekonómiko balansá;
Desaroyo sosial balansá ku ta dirigí riba kuponan di trabou, adelanto sosial, i minimalisá i asta
sali for di pobresa;
• Protekshon balansá i mehorashon di e kalidat di medio ambiente;
• Mehorashon balansá di adelanto sientífiko i tékniko di komunidat di Kòrsou.

3.2.

Vishon

E vishon di Movementu FUTURO Kòrsou ta inspirá pa e pensamentu di Gerrit Fransisco Schotte, esta ku
desaroyo duradero di Kòrsou ta desaroyo duradero di tur hende, tur bario i tur parti di Kòrsou.

Un desaroyo ku hende, pa hende i dor di hende pa realisá un Kòrsou
Sano, Salú i Sigur

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

13

4. Metanan Stratégiko
Pa realisá nos vishon, MFK ta rekonosé e siguiente 4 metanan stratégiko;

Kalidat di Bida Haltu;
Un Kalidat di Bida Haltu ta enserá ku TUR HENDE por disfrutá di un grado haltu di
seguridat pa trabou, kuido médiko, enseñansa i formashon (life skills), bibienda, tráfiko, kuido
sosial pa hóben, adultonan i personanan di edat, kompañá pa un grado haltu di seguridat den su
bida diario.

Nivel di Bida Haltu;
Un nivel di bida haltu ta enserá ku TUR HENDE tin un fuente di entrada ku por garantisá
loke ta nesesario pa e por poseé kosnan material pa por biba un bida sano, salú i sigur den su
komunidat.

Koheshon Sosial (Sociale Cohesie);
Hende ku ta balorá su mes, su próhimo, su komunidat i su bishitantenan.

Gobernashon demokrátiko efikas ku ta operá mas serka di Hende;
Un gobièrnu ku ta sinti pa su siudadanonan i ta duna espasio pa mas partisipashon, i ta traha di
un forma visibel i transparente, i ku rèspèt pa e prinsipionan demokrátiko, rèspèt pa e minoria i
atenshon spesial pa esnan vulnerabel.

*MFK ta hasi un distinshon kla entre un “kalidat di bida haltu” i un “nivel di bida haltu”. Un nivel di bida haltu
no nesesariamente ta nifiká un kalidat di bida haltu, ya ku un kalidat di bida haltu ta nifiká muchu mas ku kos
material so.











E kantidat di produkto- i servisionan ku ta ser produsí i konsumí (esaki ta determiná nivel di bida).
E kalidat di e medio ambiente i e naturalesa ku hende por disfrutá di dje.
E tempu liber ku hende tin pa rekreá, hasi deporte, partisipá na aktividatnan kultural.
Kon hustu òf inhustu e repartishon di entrada ta.
Kon bon òf malu kondishonnan di trabou ta.
Kon fásil ta pa haña un trabou òf pa traha riba bo mes.
E seguridat ku hende tin perspektiva pa un bon futuro.
Kon salú nos ta.
E nivel di aktividat kultural, e nivel di edukashon pa tur hende, i kon aksesibel esakinan ta.
E kalidat di kas/bibienda disponibel.
E posibilidat pa desaroyá un bida spiritual i religioso satisfaktorio.
Kon fuerte e lasonan familiar den komunidat ta.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

14

5. Kondishonan pa por kumpli ku e metanan stratégiko
MFK a hasi un análisis di kiko ta e kondishonnan importante pa logra e metanan stratégiko manera ta
deskribí na paginá 14 di e dokumento akí.
A tene kuenta ku e tres dimenshonnan di e prinsipio di desaroyo duradero ku ta esun ekonómiko, esun
sosial i esun ekológiko, pa un ilustrashon skemátiko nos ta referí na kapítulo 1.4 di e dokumento akí.

5.1.

Desaroyo sosial

Pa alkansá e Kalidat di Bida Haltu, ta nesesario krea e siguiente kondishonnan den kuadro di desaroyo
sosial:







Formashon pre-eskolar profeshonal i igual pa muchanan di 0-4 aña den Tur Bario di Kòrsou;
Enseñansa igual pa Tur Hende, no ta importá di kua bario òf parti, ni di kua direktiva di skol;
Stimulá komportashon síviko di tur siudadano for di chikí;
Kuido médiko preventivo i kurativo mester ta un derecho pa tur hende i aksesibel na tur parti di
Kòrsou;
Programa spesial pa yudansa (opvoedingsondersteuning) pa mayornan i spesialmente pa mamanan
hóben. Strukturanan ku ta ofresé sosten na skol pa atendé ku problemanan sosial-emoshonal di
hóbennan i otro retonan ku no ta direktamente responsabilidat di skol- i dosentenan;
Un struktura pa akohé (opvang) hóbennan, aksesibel 24/7, pa mayornan di mucha di tur edat;
Strukturanan pa formashon síviko, interpersonal, kultural i deportivo pa hóbennan di 4-18 aña.
Promoshon aktivo di un estilo di bida salú, inklusive deporte i kuminda;
Atenshon intensivo pa personanan ku mester di resosialisashon òf reedukashon o formashon
personal.

Pa alkansá e Nivel di Bida Haltu, ta nesesario krea e siguiente kondishonnan den kuadro di desaroyo
sosial:








Stimulá i fasilitá “life long learning” pa hende por hasi full uso di su abilidatnan;
Kosto di bida mester ta kontrolabel;
Hasi Internet i studiamentu via Internet aksesibel pa tur hende i den tur bario;
Leinan laboral faborabel pa tantu empleadonan komo dunadónan di trabou, kombiná ku un kontrol
intensivo;
Stimulá bibienda sano i den un ambiente salú, pa nos hóbennan por lanta di un manera digno i
sigur;
Invershonnan ekonómiko diversifiká i balansá;
Enseñansa ku ta dirigí optimalmente riba merkado laboral;
Mester garantisá sosten i yudansa pa esnan ku no por traha i krea nan mes entrada;
Estímulo fiskal pa promové desaroyo sosial sano (e.o. penshun i pa desaroyo personal).

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

15

Pa alkansá Koheshon sosial, ta nesesario krea e siguiente kondishonnan den kuadro di desaroyo sosial:



Stimulá i fasilitá formashon i edukashon for di nivel pre-eskolar te ku adultonan, loke ta aksesibel
den tur bario di Kòrsou ku ta duna atenshon na formashon síviko, kultural i personal;
Stimulá i fasilitá organisashonnan di base (grassroots) i di formashon manera e.o. scouting, deporte
den bario i guia spiritual (iglesianan);
Stimulá i fasilitá aktividatnan sosial den bario pa abitantenan ku otro;
Stimulá komportashon síviko via kampañanan públiko.

Pa alkansá Gobernashon demokrátiko realístiko i efikas ku ta operá mas serka di hende ta nesesario
krea e siguiente kondishonnan den kuadro di desaroyo sosial:
Gobièrnu mester rekonosé i indiká e problemanan i e retrasonan ku tin den desaroyo di nos pais i
nos komunidat. Alabes e enfoke di gobièrnu no mester ta dirigí solamente riba manehá e pais, sino
spesífikamente tambe riba desaroyo di e pais, pa asina krea oportunidatnan pa su siudadanonan;
• Gobièrnu mester desaroyá su maneho for di abou bini ariba, envolviendo ‘stakeholders’,
instansianan di gobièrnu (manera CBS i GGD) i tambe envolviendo siudadanonan, i duna espasio
pa por influensiá e maneho. Asina gobièrnu por hasi uso optimal di tur informashon i
konosementu disponibel;
• Gobièrnu mester hiba un maneho di desaroyo duradero ku un balanse entre desaroyo sosial,
ekonómiko i ekológiko;
• Gobièrnu mester desaroyá métodonan alternativo pa midi desaroyo pa loke ta kalidat i nivel di bida
di Tur Hende;
• Gobièrnu mester promové i stimulá konsenshi di patriotismo serka kada siudadano, p’asina logra
aporte amplio di hende den desaroyo di su pais.

5.2.

Desaroyo ekonómiko

Kresementu ekonómiko dinámiko i dirigí
Mester aselerá desaroyo i kresementu ekonómiko di Kòrsou di un forma dinámiko. Planifikashon i
ehekushon di e maneho ekonómiko mester ta dirigí i progresista. Mester evaluá i midi progreso
konstantemente i kaminda ta nesesario bini ku programanan pa di un forma rápido adaptá e trayekto i pon’é
na e nivel deseá.
Selektivo i spesífiko
Un programa di mas aña pa desaroyo duradero i kresementu ekonómiko mester konsentrá di forma
selektivo riba sierto sektornan ku kua Kòrsou ke i por distinguí su mes den nos region. E region akí mester
tin balor agregá kla i konkreto pa sostené desaroyo di Kòrsou i su hendenan i tin ku ta basá riba e
prinsipionan di desaroyo duradero.
Kompetitivo globalmente
Pa un pais chikí manera Kòrsou, ta nesesario krea un nivel i kalidat mas haltu posibel. Nos ta realisá nos
mes ku kompetensia den hopi sektor ta tuma lugá na nivel mundial. Den e eskohonan ku nos ta hasi nos tin
ku kompará nos mes i kompetí ku e mihónan di mundu. Ku kontrol i stabilidat ekonómiko i finansiero nos
lo por kompetí ku e otro 35 islanan di Karibe, pa loke ta preis aksesibel di kambernan di hotèl, restorant i

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

16

tur e aktividatnan ku un turista ta envolví kuné ora e ta na Kòrsou. Lo ta fásil tambe krea pilánan
ekonómiko nobo, pasobra nos tin kontrol riba e gastunan di bida i hasimentu di negoshi na Kòrsou.
Tur esaki lo forma base pa un proposishon konkreto na industria- i komersiantenan ku ta buskando
kaminda pa invertí.
Den 5 aña nos lo tin e pais akí pa 50% independiente di energia fósil. Ku esaki, kontrol di preis riba
hasimentu di negoshi, nos ta bai ta kompetitivo riba tur merkado i nos lo tin forsa pa atraé Industria den
hopi sektor i meskos tambe invershon strañero. Di e 100% ku nos ta bai spar, nos ta invertí un 50% den e
tarifanan di Energia i Awa pa asina nos distinguí nos den Karibe.
Stimulá Ekonomia
Gobièrnu mester tin un ròl muchu mas aktivo den stimulá i insentivá. Kaminda ta nesesario esaki tin ku
sosodé pa medio di areglonan i insentivonan spesífiko, pa logra e desaroyo i kresementu ekonómiko deseá,
entre otro kreando mas posibilidat pa empresanan chikí i mediano lokal. Un pais ku tin stabilidat polítiko i
un polítika transparente, lo gana invershon di kapital strañero mas fásil, pues mas invershonista strañero lo
ke bin invertí.
E strategia nashonal ku nos ta bai hiba ta: prepará un Plan Kadastral Nashonal ku ta indiká pueblo i e
invershonistanan na unda tin tereno pa invershon den Agrikultura, Industria, Turismo, Energia Renobabel,
Desaroyo di Bibienda, Zona Bèrdè i Áreanan Komersial.
Pa impulsá Down Town (sentro di siudat) di Kòrsou, Punda ku Otrobanda, nos ta bai reservá 20 mion
florin pa renobá e konsepto di e siudat Willemstad (Punda i Otrobanda) ku ta Patrimonio Mundial di
Unesco i bolbe hasié atraktivo komo lugá di biba.
Nos ta bai propagá e fasilidatnan i e potensialnan ku Kòrsou ta brinda invershon strañero.
Ademas, tin mashá sektor ku ainda no ta eksplorá. Komo ehèmpel nos por pone loke nos a hasi ku e grupo
di ‘Sambil’ di Venezuela. Esaki nos lo por hasi masivamente. Un di e rasonnan prinsipal pakiko Kòrsou no
ta desaroyá, ta pasobra gobièrnunan ta kai ku demasiado frekuensia. (P’esei nos ke bini ku Reforma). No tin
kontinuidat den ningun proyekto ku otro gobièrnu realisá. Esaki ta kousa migrashon masivo (ehèmpel:
éksodo na aña 2000 i awor) invershon ta skars, ekonomia no ta kresiendo i tin desempleo.
Pa alkansá Kalidat di bida haltu ta nesesario krea e siguiente kondishonnan den kuadro di desaroyo
ekonómiko;

Sin kresementu ekonómiko, desaroyo general ta stanka. Kresementu ekonómiko sinembargo
no por tuma lugá sin un bon plan pa un desaroyo general. Pa kresementu ekonómiko kontribuí
no solamente na kantidat di entrada, sino tambe na kalidat di bida, tin ku tene kuenta ku e otro
dos dimenshonnan di Desaroyo Duradero, ku ta esun Sosial i esun di Naturalesa i Medio
Ambiente.
Pues, invershonistanan tin ku aktua teniendo kuenta ku e prinsipionan di “Corporate Social
Responsibility (People Planet Profit)”. Mester stimulá invershonistanan lokal i djafó pa nan
pensa riba mas ku hasi ganashi so.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

17

Pa alkansá Nivel di bida haltu ta nesesario krea e siguiente kondishonnan den kuadro di desaroyo
ekonómiko:



Un kresementu ekonómiko ku ta krea sufisiente empleo pa tur hende, generá sufisiente divisa pa
garantisá importashon, generá sufisiente fondo públiko pa kumpli ku e desaroyo deseá i realisá un
grado haltu di independensia finansiero pa Kòrsou;
Krea i stimulá un maneho pa agrikultura, plantashon i peska, hasiendo uso di métodonan moderno
i no dañino pa salú i ambiente. Asina nos ta importá ménos i tambe saka ménos divisa pa kosnan
ku nos mes por kultivá i hasi aki. Manera kultivá bèrdura i fruta na preis mas pagabel pa tur hende;
Stimulá tambe otro tipo di produkshon lokal ku por remplasá importashon i promové
eksportashon di produkto, servisio i konosementu;
Krea un struktura (finansiero) ku ta stimulá invershon den MKB (empresanan mediano i chikí), ku
ta wesu di lomba di nos ekonomia. Stimulá empresario hóben i nobo pa asín’aki por krea mas
empleo;
Invertí den desaroyo di nos kapital humano pa nos por krea un ekonomia di konosementu
(kenniseconomie);
Mester tin un ekilibrio sano i salú tambe entre invershonnan di empresarionan lokal i djafó,
semper teniendo kuenta ku lo por surgi un desigualdat ku ta pone e invershonista lokal den un
posishon di peliger i atraso i mester ofres’é un sierto grado di protekshon i krea kompetensia
hustu a base di un ‘level playing field’ ku oportunidatnan igual;
Mester skohe konsientemente den kua direkshon- i sektornan Kòrsou por sigui desaroyá,
teniendo kuenta ku faktornan interno i eksterno, i desaroyonan regional i global. A base di un
análisis mester krea i ehekutá un maneho integral i dinámiko pa stimulá e desaroyonan deseá.

Pa alkansá Koheshon sosial ta nesesario krea e siguiente kondishonnan den kuadro di desaroyo
ekonómiko:



Mester stimulá e espíritu empresarial (ondernemingsgeest) i sostené esaki for di den enseñansa básiko;
Enseñansa superior mester tin esaki den su curriculum (programa eskolar);
Desaroyo di hende en general;
Krea i ehekutá un plan di maneho riba término kòrtiku i largu pa yena ku personal prepará, e bashí
eksistente den e diferente sektornan.

Pa alkansá Gobernashon demokrátiko efisiente i efikas ku ta operá mas serka di hende ta nesesario
krea e siguiente kondishonnan den kuadro di desaroyo ekonómiko:


Gobièrnu mester krea un maneho balansá pa desaroyo ekonómiko i krea fasilidatnan ku ta stimulá e
desaroyo;
Atenshon spesial pa MKB i krea estímulo pa empresarionan chikí;
Stimulá i fasilitá “life long learning” pa hóben i adulto komo parti di un maneho integral pa
merkado laboral. Integral ta nifiká ku e ta aliniá ku otro terenonan di maneho (enseñansa,
asuntunan sosial, imigrashon etc.);

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

18

Krea i implementá un maneho adekuá i balansá kaminda tin operashon sano i kompetitivo (NO
monopolístiko) den áreanan di haf, aeropuerto, telekomunikashon, konstrukshon di kareteranan,
etc.;
• Tin ku hasi uso inteligente i agresivo di e institutonan pa desaroyo di Kòrsou (e.o. Korpodeko) pa
stimulá empresarionan i nan espíritu empresarial;
• Gobernashon tin ku krea e kondishonnan mas lihé posibel pa sali for di bou di kuratela di
Reino i proba ku echo ku Kòrsou mes ta apto pa regla su asuntunan finansiero.

5.3.

Desaroyo ekológiko

Medio ambiente
MFK ta bai proponé pa amplia leinan ambiental pa protegé nos rikesanan marino.
Nos lo desaroyá i implementá un plan di maneho di shushi sólido i awa di riol.
Ta ouditá i regulá asuntu di shushi kontaminá pa loke ta Aqualectra, - Elektrisidat i Awa - , pa detené
kontaminashon pa semper.
Nos lo promoshoná insentivonan pa turismo ku tin ménos impakto riba nos medio ambiente “Carbon
Neutral Tourism”.
Nos lo atendé ku keintamentu di nos planeta i su impakto riba piskamentu.
Nos lo trese spesialistanan den maneho ambiental pa realisá estudio di impakto ambiental, pa por desaroyá
empresanan sostenibel na nos isla.
Maneho di e rekursonan renobabel i no renobabel
Nos ta bini ku un plan pa maneho di e rekursonan di awa i energia, pa protegé nos rikesanan i nos
patrimonio.
Maneho di shushi sólido
Un di e retonan prinsipal pa Kòrsou ta relashoná ku su produkshon di shushi. E problemanan den maneho
di shushi ku ta vital pa sostenibilidat ambiental na Kòrsou ta inkluí kontaminashon di áreanan di laman i di
awa shushi i shushi di kas.
Nos lo instalá planta nobo adekuá pa purifiká awa shushi, ku tantu industria komo ámbito di agrikultura por
usa.
Nos lo regulá i nos lo ta mas kuidadoso den usamentu di sustansianan venenoso manera pestisida, zeta
supérfluo, metal pisá i regulashonnan inefikas. Den añanan benidero nos lo pèrkurá pa nos awanan i nos
isla ta liber di kontaminashon.
Nos lo pèrkurá pa bini ku mekanismonan ku ta sigurá ku esnan ku kontaminá, ta paga e gastu di tal
kontaminashon.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

19

Nos ta start ku e kontrol pa determiná kon ta para ku rikesa natural di Kòrsou. Kuantu e pèrdida ta i di ki
manera esaki ta sosodé.
Nos lo promové lei pa regulá maneho i uso di nos rekursonan natural i nos founa den laman.
Nos lo krea un sentro di investigashon sientífiko pa midi e impakto ku keintamentu di nos planeta tin riba e
bankinan di piská den laman rònt Kòrsou.
Lo kambia lei di konstrukshon di kas i lo modernisá e konsepto di konstrukshon di edifisio, pa e lei akí tin
den dje e filosofia ku ta konstruí ku sabiduria (Smart buildings) i ku ta rekohé awa di yobe di forma sabí;
mester kue mas tantu posibel kada gota di awa ku yobe. E ordenansa di konstrukshon di kas i edifisio
mester dekretá ku den kada konstrukshon tin obligatoriamente fasilidat pa rekohé awa di yobe.
Ta bai revisá henter e sistema di desagwe di nos pais i ta aktualis’é di forma ku e ta hiba tur awa ku kai
direkshon di e 2 sentralnan di prosesamentu di awa. Si ta nesesario ta konstruí sentral nobo tambe.
Asina maneho di gobièrnu kambia, ta saka inmediatamente for di e awa di pipa di Aqualectra ku pueblo ta
usa, e venenu Fluoride. Lo no permití ku sin konsentimentu di pueblo ta pone niun supstansia den Awa. Ta
un infrakshon di derechonan humano.
Nos lo mester pone un paro tambe na e deroche di pèrdida di Awa ku 30%, loke vários rapòrt ta indiká
komo transmishon defisiente di Aqualectra. E ‘lekverlies’ ta kosta pueblo 30 mion florin pa aña.
Lo bai analisá si no ta nesesario suministrá bibiendanan ku awa di kalidat pa bebe, konsiderando ku mas di
50% di e konsumo di awa ta usá pa muha mata, limpia kas, laba outo, den tur kaso no pa konsumo propio.
En bes di suministrá pueblo awa di masha bon kalidat, i mas di 60% ta usá no pa bebe, lo por suministrá
awa di kalidat inferior ku tal fin i proveé ademas awa na bòter pa bebe.
Lo deklará nos espasio aéreo definitivamente “Open Sky Policy”, sin protekshon visibel ni invisibel, pa
asina nos fomentá airlift i hasi tur loke ta na nos alkanse pa engrandesé nos konekshon aéreo i bai bèk
tambe na un aeropuerto di kategoria #1.
Pa alkansá Kalidat di bida haltu ta nesesario krea e siguiente kondishonnan den kuadro di desaroyo
ekológiko:



Laga naturalesa atras pa futuro generashonnan di un manera ku nan tambe por disfrutá di dje
meskos ku e generashon akí;
Protekshon adekuá pa nos flora i founa;
Energia alternativo tin ku ta e solushon fundamental pa libra Kòrsou for di e gara di petroli i
alabes kontribuí na kuida nos planeta pa futuro generashonnan;
Sòru pa infrastruktura adekuá den tur bario, entre otro kamindanan adekuá i bon mantené,
posibilidat pa rekreo i deporte, aktividatnan kultural i sosial.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

20

Pa alkansá Nivel di bida haltu ta nesesario krea e siguiente kondishonnan den kuadro di desaroyo
ekológiko:

Stimulá uso i diseño di kasnan i otro edifisionan nobo mas bèrdè posibel, entre otro via energia
solar;
For di ora ta traha kas, hasi esaki ‘fiscaal aftrekbaar’ òf atraktivo di un otro forma. Asín’aki uso
di elektrisidat i awa ta bira mas pagabel i por bende Aqualectra produkshon bèk i pone esaki
disponibel na preis mas abou pa kasnan/famianan ménos pudiente;
Mester sigui desaroyá Kòrsou komo un atrakshon turístiko.

Pa alkansá un alto nivel di Koheshon sosial ta nesesario krea e siguiente kondishonnan den kuadro di
desaroyo ekológiko:


Trese konsenshi bèk ku hende ta parti di naturalesa (no doño di dje) i ku mester kuida naturalesa
tambe;
Amplia i stimulá resiklahe di material;
Krea i implementá un plan integral di edukashon kon mester manehá shushi for di un edat
tempran.

Pa alkansá Gobernashon demokrátiko efisiente i efikas ku ta traha mas serka di hende ta nesesario
krea e siguiente kondishonnan den kuadro di desaroyo ekológiko:
Planifikashon i maneho di naturalesa i teritorio ta di sumo importansia;
Regionnan i barionan di Kòrsou tin ku traha riba plannan pa kada bario por desaroyá di un forma
ku ta tene kuenta ku tur e tres dimenshonnan di desaroyo duradero;
• Planifikashon tin ku tene kuenta ku áreanan di konservashon ku mester ta protehá;
• Krea insentivo pa tene Kòrsou i su barionan limpi, ku proyektonan kaminda bario mes ta limpia
bario i gana plaka pa mantené famia desentemente;
• Desaroyá i implementá insentivonan pa tantu hende individual komo organisashonnan biba un bida
mas ‘bèrdè’ posibel.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

21

6. Temanan di maneho ku ta importante pa e programa di MFK
A base di e kondishonnan nesesario den e diferente dimenshonnan di desaroyo duradero pa logra e
metanan stratégiko, ta keda konkluí ku tin un kantidat di tema ku ta sobresalí i ku ta rekerí atenshon
spesífiko i ta di prioridat haltu den e próksimo periodo di gobernashon.
E temanan di maneho ku ta sobresalí ta deskribí den e kapítulo akí.
Implementá E-Government/E-Governance i un gobièrnu habrí
Un maneho ekonómiko efikas i duradero mester ta parti integral di un maneho di desaroyo duradero pa
Kòrsou. Esaki ta duna posibilidat pa sinkronisashon planifiká ku desaroyonan riba otro áreanan di maneho,
manera enseñansa, naturalesa i medio ambiente, hustisia (imigrashon) i finansa. Pa por hasi esaki nos lo
implementá E-Government/E-Governance i un gobièrnu habrí. Loke mester kambia ta:



Kambia/Fiha e tempu di espera pa invershonistanan risibí nan pèrmit pa start ku nan
negoshi.
E gobièrnu nobo di MFK lo terminá e proyekto di “Un solo bentana” pa kualke trámite di
invershon. Na un lugá so i den ménos ku 72 ora nos lo fasilitá tur loke ta na nos alkanse na
esnan ku tin konfiansa den Kòrsou i ku ke generá trabou pa nos pueblo.
Nos lo simplifiká e prosesonan kompliká di Duana.
Nos lo stimulá kompetensia den e pais akí.
Nos lo MODIFIKÁ, KAMBIA o ELIMINÁ e leinan laboral ku no ta funshonando,
pasobra no tin kontrol ni riba doño di negoshi ni riba trahadó.

Fomento di ‘emprendedurismo’:
Emprendedurismo ta e proseso kaminda un persona ta trese su idea pa un proyekto konkreto, sea ku fin di
hasi ganashi o pa benefisensia sosial, generando inovashon i empleo. Mester kapitalisá e puntonan fuerte di
nos pais.


Nos ta sigui fomentá bon enseñansa den e pais multilingwe ku nos ta.
Un poblashon multikultural di profeshonalnan ku por desempeñá un trabou den servisio
finansiero i turismo.
Nos lo probechá nos posishon geográfiko ku ta duna nos oportunidatnan regional.

Nos ta bai proyektá e pais akí basá riba e puntonan fuerte akí i nos ta sigurá nos mes ku nos lo no pèrdè e
aspektonan úniko akí fo’i bista.
Nos lo duna impulso na e banko di desaroyo (Korpodeko) ku un plan deliniá ku ta aprobá anualmente 400
fiansa mikro na empresarionan chikí. Di tal forma ta promové ku ta krea mas i mas empresa mikro. Nos lo
krea algun fondo ku un porsentahe destiná spesialmente pa finansiá industria, bibienda, agrikultura i
turismo.
Atrakshon di invershon strañero
Pa aselerá kresementu ekonómiko di nos pais nos lo bai desaroyá un plan pa atraé
(25 mil famia emprendedor for di diferente parti di mundu) hendenan ku ke biba un bida isleño na Kòrsou i
ku lo krea oportunidatnan na Kòrsou. E plan akí di reemigrashon di strañeronan entreprenuer, tantu hende

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

22

hòmber komo hende muhé, lo mester paga un tarifa pa nan haña nan pèrmit di estadia i di negoshi ku ta un
total di US$ 6000.00 pa aña pa persona i yunan di 0 te 18 aña no ta paga. Lo por atkerí un pèrmit pa 5 aña
despues ku pasa tur èksamen di integrashon i tambe si ta deseá lo por opta pa naturalisá. Ademas di e
pèrmit i e gastunan di e suma anual, nan lo mester pasa èksamen pa tèst nan konosementu di nos Kultura,
Papiamentu i Hulandes.
Nos lo manehá di forma transparente e kondishonnan bou di kua strañeronan entreprenuer i
invershonistanan por ta legalmente den nos pais.
Kreashon di trabou
Kuponan di trabou ta bini kompañá pa proyektonan ku lo nase ku invershonnan lokal i esunnan strañero.
Nos gobièrnu ta bai impulsá simplifikashon di e prosesonan laboral i e forma di hasi trámite. Manera nos a
menshoná anteriormente, stabilidat ta un di e ingredientenan prinsipal pa atraé invershon ku ta generá
trabou.
Gobièrnu di MFK lo ta un gobièrnu ku lo bai krea trabou. Nos lo generá entre 1.500 pa 3.000 kupo di
trabou durante e promé dos añanan i ora nos kumpli e término di nos gobièrnu esei lo ta 5.000 kupo di
trabou.
Nos lo kapasitá obreronan den kooperashon ku un instituto nobo ku lo tin representashon di sindikatonan,
trahadónan, sektor privá i gobièrnu. (Instituto Nashonal di Preparashon i Edukashon – INPE)
Nos lo baha desempleo:

Nos lo ta un Gobièrnu ku ekonómikamente ta traha ku mira pa generá trabou, pasobra nos ta
kere ku pa alkansá un desaroyo humano integral, mester kubri e nesesidatnan básiko di
famianan di nos pueblo. Kreashon di trabou ta faboresé stabilidat, seguridat general,
interakshon sosial i rèspèt pa derechonan di tur otro hende.
Nos lo promové un ekonomia nashonal mas kompetitivo ku lo brinda mihó kondishon pa
invershon i kreashon di trabou, loke ta permití hende alkansá un mayor nivel di bienestar
ekonómiko.
Nos lo buska pa atraé Invershon den kapital físiko pa kua tin mesté di kondishonnan
ekonómiko mas kompetitivo. Maneho di gobièrnu lo ta dirigí riba oumento di ganashi den
proyektonan, redukshon di gastu di produkshon riba teritorio di Kòrsou, promoshon di
invershon den infrastruktura i redukshon di e riesgo ku invershonnan ta kore.
Nos lo traha pa krea posibilidat pa hendenan ku un mihó edukashon i kombatí marginashon di
otronan, generando kupo di trabou bon pagá. Nos lo habri nos espasionan ku no ta utilisá na e
isla akí pa mas empresa internashonal konsiderá man di obra di Kòrsou komo un opshon real
na preisnan kompetitivo pero ku garantia pa nos pueblo. Esakinan ta algun di e elementonan
ku lo permití nos konta ku trabou, disminuí desempleo i emprendé proyektonan mas
ambisioso, ampliando e oportunidatnan produktivo di Kòrsou.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

23


Nos lo bai probechá tur ku tin nos posishon geográfiko, nos rekursonan natural i beyesa di nos
isla, pa promové ‘emprendedurismo’ turístiko i duna insentivo fiskal pa kada fuente di trabou
ku un kurasoleño generá. Ku esaki nos ta buska antó pa yunan di tera tambe invertí.
Nos lo reaktivá enseñansa tékniko-profeshonal (LTS) den e sistema edukativo i nos lo krea e
Instituto di kapasitashon Tékniko-Profeshonal na Kòrsou.
Nos lo fomentá den industria, kreashon di espasio spesial pa hóbennan ku por traha
partaim pa nan no tin nodi di stòp ku nan estudio.

Ekonomia familiar
E kompetensia riba merkado di produktonan na nivel A1 ku drenta na preis kompetitivo, i eliminashon di e
‘Schakel di OB’ na momento di importashon, lo kondusí na preisnan abou den supermerkadonan.
Reorganisá e flota merkantil for di Venezuela i agregá mas pais na e flota akí ku mas punto di akseso den e
Pais pa yuda nos ekonomia familiar. Mester restrukturá forma di operá di e merkado flotante di Venezuela
di manera ku nan ta bende produktonan adishonal for di otro pais. Konseptonan di supermerkado por
ehèmpel manera Super Stores/Save A Lot lo mester habri pa kompetí ku e kartel di preis ku awe nos ta
topa den supermerkadonan eksistente.
E rikesanan natural ku e pais akí tin lo mester ta asigná direktamente na Pueblo.
Nos lo krea un fondo/trust ‘energétiko’ kaminda na lugá di hinka aden loke nos ta pensa ku ta nesesidat di
pueblo, kada tres luna gobièrnu ta duna un chèk di e ingresonan di e negoshi di ekstrakshon di Petroli o
Gas for di nos awanan teritorial. Ta aprobá e lei di Petroli di manera ku esaki ta keda reflehá promé ku
firma kontrato ku Multi Nashonalnan.
Kosto di bida
E kambio pa un maneho Energétiko Fósil independiente, ta bai duna nos kontrol riba nos ekonomia i
kosto di bida, i asina kosto di hasimentu di negoshi den Kòrsou lo baha. Pa e gastunan haltu di operashon
na un isla tropikal ku un promedio diario di entre 30 pa 40 grado Selsio, ta imperativo pa e aktividatnan
sosodé den un ambiente ku èrkòndeshen. Asina e komersiantenan ta pasa e gastu haltu di koriente riba
preis di e produktonan. P’esei nos ta bai ataká ku plannan konsiso e kosto haltu akí di bida, independisando
nos di e maneho energétiko ku ta mará na petroli.
Energia



Energia Solar
Energia di Bientu
Tidal Energy (energia probechá di awanan ku ta move fuertemente i den korientenan di
oséano)
Hidrógeno

W aste Energy
Proyekto pa prosesá 175 mil tonelada di shushi ku por generá alrededor di 10-15 MW di energia
diariamente. Esaki ta resolvé ademas un parti ambiental i di maneho di shushi ku no ta kanando bon; nos
tin mas di 100 lugá klandestino kaminda ta tira shushi na nos isla.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

24

E plan ta:

Nos ta bai eliminá e 20 florin mensual ku lei ta dikta ku siudadanonan mester paga pa laga
kue shushi.
Nos ta bai eliminá e montante ku mester paga pa tira shushi na e lugánan di gobièrnu ku
ta 30 florin pa kada 1000 kilo di shushi.

Sekundario
“Fly Wheel Technology Energy”
Simultáneamente lo mester hasi loke ta sigui:
1. E forma di traha kas, kasnan Energy+, edifisionan energétikamente efisiente (Smart
buildings).
2. Revolushon di LED light.
3. Krea e ret di energia sabí – Smart Grid i Smart Energy: Energia Alternativo –
Interkonekshon di sistema – Maneho di Oferta i Demanda den SMART GRID –
Transmishon i Distribushon ta tuma lugá a traves di un ret inteligente – Kòrsou ku un
sistema di Maneho di Energia – Net Zero Buildings i kasnan – Load Shedding i
optimalisashon ku resultado Konsumo Efisiente na nos pais.
4. Krea ‘Advanced Batteries’ (bateria avansá) i Almasenahe di Energia.
5. Un ret sabí de distribushon di awa (Smart water networks), introdukshon di válvulanan
ku ta mehorá suministro di awa i ta eliminá oksígeno den e tuberia pa asina redusí
konsumo/desperdisio di un 10%, asta te un máksimo di 33%.
6. Rekolekshon kontinuo di energia (Energy Harvesting)
7. Suministro di gas na kasnan di famia via ret di tuberia i no mas ku silinder di gas.
Stabilidat ekonómiko i finansiero
Durante nos gobièrnu nos lo krea tur kondishon pa nos ta mas kompetitivo i transparente. Nos lo establesé
mekanismo pa stabilidat ekonómiko i finansiero reina. Maneho di rekursonan lo ta realisá di un forma
kompletamente habrí pa henter pueblo tuma nota di dje, esta pa no tin duda o mal entendido. Nos lo krea e
portal ‘CURACOMPRA’ pa tur hende por tuma nota den tempu real di e kompranan di Estado ku
gobièrnu ta hasi. I nos ta krea pa siudadanonan e posibilidat di akseso na informashon i ouditoria.
Supsidio pa esnan den mas nesesidat
Nos lo krea un polítika nashonal pa yuda esnan den mayor nesesidat, miéntras ta generando kupo di trabou,
i nos lo bini ku un programa di yudansa asistensial “Mi Apoyo” ku lo sirbi komo un seguro pa
desempleadonan o sea pa pobresa na Kòrsou.
Renobashon i ekspanshon di Infrastruktura
Awor kaba e mobilidat na Kòrsou ta laga hopi di deseá i e desaroyo di infrastruktura públiko ta kai atras si
kompará e kresementu ekonómiko i desaroyo di e isla. Den nos plan nashonal pa desaroyo di bario, e
prinsipal problema na Kòrsou ta e infrastruktura. Falta di sentronan di bario, falta di parke i plasa públiko
kaminda pueblo por topa i hende por tin un lugá di konvivensia sosial. Falta di fasilidatnan deportivo. Sin
embargo, nos sa ku nos tin espasio pa krea infrastruktura ku loke nos tin kaba ku ta na mal estado, pero ku
nos lo por mehorá.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

25

Tantu den e sektor di infrastruktura públiko, (entre otro kareteranan i transporte públiko), komo den e
infrastruktura logístiko pa aktividatnan ekonómiko, (haf, aeropuerto, dòk, komunikashon/Internet) tin e
nesesidat di un programa di mas aña pa identifiká i sinkronisá e mobilisashon di e invershonnan kuantioso
ku ta nesesario pa sostené e ekspanshon i mehorashon ku mester.
Infrastruktura rònt Kòrsou
Nos ta bai implementá den barionan e plan di infrastruktura mas grandi den historia.
Nos ta bai konstruí i mehorá pa benefisiá tur nos famianan na Kòrsou, sentronan di bario, parkenan,
espasionan kultural i fasilidatnan deportivo rònt e isla.






Nos lo bai hasi mantenshon na e kamindanan ku ta kore den barionan.
Nos lo konstruí e kareteranan den e zonanan di desaroyo di Jan Thiel pa Mariepampoen i
tambe e zona di Bándabou, konstruyendo un di dos kaya prinsipal for di Betèsda pa
Willibrordus.
Nos lo desaroyá kosta sur den su totalidat aportando mas kamber di hotèl, permití
konstrukshon na nivelnan mas haltu, kreando ‘High Rise Hotels’ ku mas % di real estate, pa e
desaroyadó por kapitalisá su invershon. Mester emití tereno di gobièrnu na gruponan sólido i
obligá otro gruponan desaroyá loke nan tin kaba.
Nos lo desaroyá e proyekto di Mariepampoen ku ta un zona turístiko ku lo haña un bulevar di
aktividat, involukrando e besindario den su totalidat máksimo.
Pa loke ta Oostpunt ku tin un ekstenshon di 44 km² di tereno propiedat di un famia, mester
yega na finalisá e disputa ku a kana demasiado tempu kaba, limitando mas aleu desaroyo di
Kòrsou.
Pa aña nos lo konstruí 1.000 bibienda sosial pa pueblo, o establesé un mekanismo nobo,
mirando e problemanan finansiero ku e fundashon aktual tin. Nos lo eliminá e maneho aktual
di spar punto (1 punto pa luna, 12 punto pa aña pa yega 500 punto) pa haña akseso na un kas
sosial.
Nos lo desaroyá e península di Caracasbaai i tambe e aktividatnan portuario na Caracasbaai.
Nos lo konstruí un Zona Franko nobo i tambe un terminal di haf nobo na Bullenbaai i
konekt’é ku aeropuerto.
Nos lo generá mas akshon di ekoturismo (ta hotèlnan di otro estilo kompará ku esunnan
tradishonal na Kòrsou) den e área konosí di Bándabou, tumando pa realisá e trabou akí hende
di e zona mes.
Nos lo start e proseso di Refineria i su remodelashon. Tambe lo atendé ku tur proyekto rònt di
e refineria inklusive esun ku si ta proveé gas konsentrá òf gas líkido pa asina ekipá un fuel nobo
na Aquaelctra/CRU i refineria; ku esaki lo baha gastu, polushon na medio ambiente i lo generá
mas efisiensia.
Nos lo kuminsá ku i aselerá e proseso asina nesesario di e lago di asfalt Buskabaai N.V.
Benta di UTS òf atraé partner stratégiko. Gobièrnu lo mester sali for di e situashon kaminda e
ta partisipá den kompanianan kaminda ta e mes ta regulá merkado.
‘Interconnection Management System’: Nos lo introdusí un entrada nobo den kaha di
Gobièrnu sin impaktá nos merkado lokal. Gobièrnu ta pèrdiendo entrada di volúmen di tráfiko
entre yamadanan lokal i ‘carriernan’ internashonal.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

26

Kambionan grandi pa sostené e desaroyo i kresementu riba término largu lo ta indispensabel. Sinembargo
aki semper tin ku tene kuenta ku e ekilibrio entre kresementu ekonómiko, desaroyo sosial i kuido di
naturalesa i medio ambiente.

Maneho finansiero i fiskal inovativo i hustu
Kompetitivo i kibra barera
Kòrsou tin ku kompetí riba tereno fiskal ku nos region, pero tambe ku otro entidatnan den Reino ku ta
hiba un maneho fiskal propio. Sigur si tuma na kuenta e desaroyonan na e islanan BES, ta sin mas nesesario
pa rekonsiderá profundamente e kapasidat di kompetí ku e sistema fiskal nobo ku Kòrsou mester tin.
Ademas, desaroyo di Kòrsou ta eksigí invershonnan kuantioso den diferente sektor. E dos faktornan akí
(kompetensia fuerte i invershonnan kuantioso) ta motibu pa nos ta masha kreativo i inovativo ora ta diseñá
un sistema fiskal nobo. Esaki tin ku sosodé den konsulta estrecho ku tur esnan envolví/interesá. Banda di
esaki, tempu no ta na nos banda, pues e proseso pa diseñá i introdusí mester ta ku hopi diligensia i sin
demora. E sistema tin ku destaká pa su simplesa, efikasia i fasilidat pa e ser kontrolá, ku un mínimo na tarea
atministrativo pa habitante- i komersiantenan.
Konfiabel i sano
Un pais bon desaroyá ta solamente posibel ku un sistema i maneho finansiero konfiabel i sano i ku un
struktura adekuá. Tin ku invertí hopi tempu i atenshon na esaki pa mas lihé posibel sali for di bou di e altu
supervishon finansiero di Reino i asumí e responsabilidat ku ta pertenesé na un pais outónomo.
Hustu
E sistema fiskal tin ku tene kuenta ku puntonan di salida pa un kontribushon hustu. Den kombinashon ku
kontrol, huntu ku un manera transparente pa responsabilisá di parti di gobièrnu pa eskohonan ku e ta hasi,
riba maneho ku e ta hiba i resultadonan ku el a logra. Tur esaki tin ku kondusí na un sistema fiskal efektivo
ku ta generá sufisiente entrada pa desaroyo di Kòrsou.
Maneho Finansiero di Gobièrnu
Nos ta konsiente ku Kòrsou no por sigui ta tuma préstamo (fiansa) na banko i komo no tin un polítika kla di e
peso di debe di nos Gobièrnu, nos lo kuminsá pa instituí un polítika fiskal responsael i efikas. Balansa fiskal
mester pèrkurá pa un mihó suministro di e rikesa ku e isla akí ta generá. P’esei for di Gobièrnu nos lo inisiá un
polítika di ousteridat den gastunan koriente kaminda ta gasta ménos den atministrashon i ta redusí ademas e
nivel di debe.
Pa logra stabilidat ekonómiko i balansa produktivo di pais, nos lo oumentá nos PIB nashonal mas ku e último 2
añanan. Nos lo bai mehorá nos balansa komersial entre nos i nos sosionan komersial pa bin eksistí un maneho
korekto di finansa i ekonomia di Kòrsou.
Nos ta garantisá ku lo aloká e rekursonan ekonómiko di nos pais di un manera korekto den e programanan di
akuerdo ku e Plan di Bario, garantisando asina e máksimo impakto sosial.
Nos ta bai traha pa den e siguiente 10 añanan, debí na nos bon nivel di obra di man i debí na nos nivel
edukativo, ku lo konsiderá Kòrsou un destinashon stratégiko di produkshon den Karibe. I ku esaki nos fluho di
belasting den kaha di gobièrnu lo laga nos stabilisá ekonomia i fnansa di nos pais.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

27

Nos lo promové e figura di Invershon Públiko-Privá pa tur esnan ku ta bin invertí na Kòrsou, pa nan por bira
nos sosionan stratégiko i no djis invershonistanan ku ta mira nos pais komo un oportunidat pa hasi negoshi.
Asina e forma di invertí rekurso di finansa públiko lo aportá na nos desaroyo i nos ta baha nos nivel di debe.
Inovashon gubernamental
Gobièrnu tin ku bai operá di un manera ku siudadanonan ta bolbe haña konfiansa ku gobièrnu ta defendé
nan interes, yuda ku nan problemanan den bida diario i kontribuí na un perspektiva positivo pa futuro.
E retonan kompleho di Kòrsou i e metanan di desaroyo ambisioso, ta eksigí ku gobièrnu tin ku ta habrí pa
konosementu, deseonan i eksperensha di siudadanonan i otro instanshanan ku ta interesá. Esaki ta nifiká ku
tin ku drenta aktivamente den bario i tin ku krea strukturanan pa konsulta kontinuo ku interesadonan.
E ròl di gobièrnu mester ta unu kaminda e no ta traha i implementá desaroyo e mes, i e no sinta djis warda
kiko ta pasa pa e reakshoná. Ròl di Gobièrnu mester ta unu kaminda aktivamente e ta stimulá i fasilitá,
planifiká i antisipá susesonan ku ta afektá desaroyo di pais den kuadro di e maneho ku a keda stipulá
konhuntamente ku interesadonan.
Legalidat
Gobièrnu tin ku traha den forma transparente ku su empleadonan i ku siudadanonan, duna kuenta i rason i
keda aksesibel. Ta reforsá kontrol di lei. Tin hopi lei, pero komo no tin un mekanismo di kontrol
transparente den e pais akí, nos tin e problema konstante ku ta trapa derecho humano. No ta respetá
privasidat, funshonarionan ku mester implementá lei ta faya den esaki. P’esei Kòrsou ta pidi pa introdusí e
konsepto di un PAIS SABIO (Smart Country). Gobièrnu, ekonomia, mobilidat, ambiente, hende, bida, tur
propulsá pa sabiduria.
Smart Governance – Smart Economy – Smart Mobility
Smart Environment – Smart People – Smart Living
Desaroyo regional di pais
Ku e plan di reemigrashon nos lo tin un desaroyo urbano den tur área di nos isla. Mester konstruí
besindario nobo i moderno. Mester konstruí kaya prinsipal pa mehorá akseso na sierto área di desaroyo –
Caracasbaaiweg mester bira un kaya di 3 via (anto segun intensidat di tráfiko, na ora punta, ta turna e uso di
e 2 vianan); ta krea un ruta alternativo di Jan Thiel pa Mariepampoen. Ta krea e kaya di Betèsda pa
Willibrordus i ta generá un ruta alternativo pa Bándabou via Bullenbaai. Energia renobabel lo duna akseso
na produkshon energétiko desentralisá ku ta duna garantia di por avansá trankilamente ku e desaroyo den e
áreanan (lo no tin limitashon por ehèmpel ku ret di kondukto di awa i ret di elektrisidat no ta yega).
Eksplorá e posibildatnan di hasi nos sentro di siudat Punda y Otrobanda un TAX free zone. Den futuro, na
fin di aña ta bini un konsentrashon di hende den nos binnenwater den sentro i rònt di brùgnan Emma i
Juliana pa e selebrashon tradishonal di kambio di aña di un forma grandioso. (Esaki ta pa stimulá union i
sentido di patriotismo den pueblo).
Reforma di Estado

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

28

Nos lo aktivá akshon pa engrandesé nos status konstitushonal nobo atkerí 6 aña pasá i dun’é mas
kontenido. Lo tuma e reformanan nesesario, nos lo tene mas konsulta popular ku pueblo riba temanan di
interes general nashonal i asina nos lo tin e rumbo di Kòrsou den sinkronisashon ku pueblo. Lo tin tambe
un referèndem pa pueblo ekspresá su mes riba temanan konstitushonal ku lo mehorá nos demokrasia.
Nos ta bai impulsá e proseso, ku ámtenarnan ta duna kuenta i rason di nan trabou i ku ta evaluá
outoridatnan, konsiderando nan prestashon i no pa kuestion polítiko. Nos lo establesé e sistema di indikadó
di éksito pa por midi labor di gobièrnu den asuntu di invershon, transparensia i kon ta manehá rekursonan
di pueblo. Ademas nos lo impulsá leinan ku ta permití nos skohe un Promé Minister ku VOTO popular
DIREKTO, enkaminá un proseso ku ta permití ku ta skohe parlamentarionan tambe ku VOTO popular
DIREKTO.
Ku esaki nos ke logra stabilidat polítiko pa nos tin e garantia ku akshonnan implementá pa un gobièrnu, no
por kambia repentinamente ku kada kambio di gobièrnu.
Ta yega na un konsenso sosial, pa semper esun ku gana elekshon, efektivamente ta KUMPLI SU TEMPU
kompleto pa ehekutá e MANDATO ku pueblo a dun’é. Asina lo e mester yega na akuerdonan di
gobernashon pa hiba e pais dilanti.
Di un otro banda nos lo establesé un KÓDIGO DI KONDUKTA pa polítikonan i nos lo promové mas
kooperashon i diálogo ku komèrsio, sindikato di obrero i asosiashonnan di konsumidó, pa henter
komunidat di Kòrsou ta debidamente representá den e desishonnan di gobièrnu.
Resultadonan ku por ser midí i uso di indikadónan
E gobièrnu nobo tin ku traha ku metanan ku por ser midí, i organisá su aktividatnan di tal manera ku
resultadonan por keda midí a base di indikadónan ku ta di antemano konosí. Informashon den forma di
dato i indikadónan mester bira un parti importante di e maneho basá riba e modelo di Plania, Hasi,
Kontrolá, Aktua (fig. 1 mas ariba den e dokumento akí). Asina so por señalá si tin progreso òf nò i kon ta
koregí di un forma proaktivo.
E pilánan ku ta sostené gobièrnu ta:

Un liderazgo ku ta kondusí nos na kambia nos bida, mehorá e kondishon ku nos ta aden
awé, i habri pa nos un mihó futuro.
Nos lo traha pa bini ku lei i regulashonnan ku lo duna siguransa i garantia na kada hende di
e pais akí, ku aki tin un gobièrnu ku semper ta kòrda riba su pueblo i riba tur famia ku ta
forma pueblo. Nos ta bai krea i mehorá leinan ku lo hasi ku tur dia nos lo biba mihó ku
ayera i sin miedu ni riesgo.
Tur nos esfuerso i tur nos trabou lo ta dediká na desaroyá e pais akí i su hendenan. Nos ta
kere ku un gobièrnu ku ta kòrda riba bienestar di su hendenan ta un gobièrnu ku ta hasi ku
pueblo ta bai dilanti.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

29

Institushonalidat, Estado di Derecho i Hustisia
Seguridat di siudadanonan
Nos lo lansa un plan, pa presensia di polis ta klaramente visibel na e lugánan ku tin mas aktividat komersial,
kaminda tin mas hende ta trafiká i den orarionan ku tin mas tráfiko motorisá, ku partisipashon di hende
hasiendo su aktividatnan diario, pa tur hende sinti nan mas sigur, di moda ku nan por realisá nan
aktividatnan komersial sin miedu i sinti nan protegé kontra delinkuentenan.
Den gobièrnu di MFK nos ta establesé SERO TOLERANSIA kontra kriminalidat, inkluyendo menornan
di edat ku kometé kualke infrakshon. Lo sòru pa obligatoriamente nan risibí edukashon pa nan no bolbe
kometé un delitu. Tambe nos lo tin sero toleransia pa White Collar Crime i nos lo establesé un kontrol
spesial huntu ku un unidat anti-koruptivo pa atendé ku e tema akí.
Nos lo forma nos polisnan, ekipá nan pa nan atendé ku nesesidatnan di pueblo i nos lo kontratá i prepará
mas polis i duna nan akseso na tur loke e kuerpo mesté pa mehorá nan kapasidat di aktua kaminda ta
nesesario. Nos ta kumpra 150 outo di patruya nobo, spesialmente ekipá pa polis.
Ta forma e polisnan nobo ku un alto sentido di moral i ta duna nan seguridat hurídiko pa nan por aktua sin
e miedu, ku despues di a kumpli ku nan deber, nan lo tin di enfrentá problema hurídiko.
Kuerpo polisial lo risibí entrenamentu pa alkansá un mihó ‘shooting range’ i ta fomentá interkambio
internashonal pa kada miembro di kuerpo uniformá di e pais akí tin un mihó nivel di preparashon.
Ta mehorá POLITUR pa e miembronan por brinda e servisio di kalidat pa kua a krea e organisashon akí, di
moda ku nan ta bira e unidat pa yuda, orientá i protegé turistanan ku ta bishitá Kòrsou.
Ta introdusí ademas MOTOCROSS komo vehíkulo di mobilidat na playanan, hotèlnan i lugánan kaminda
hende ta stashoná nan outo for di oranan tempran di dia. Ku esaki nos ta logra brinda protekshon na
lugánan kaminda patruyanan koriente no tin akseso.
Outonan di polis lo ta propiedat di e polisnan ku ta manehá nan, pa nan por mantené nan limpi i por
presentá ku e outo tur momento ku esaki ta nesesario. Ku esaki nos ta profilá komo un pais na òrdu, limpi i
sigur.
Nos lo profeshonalisá uso di e proyekto di kámara digital i nos lo introdusí kontrol di velosidat huntu ku e
sistema ‘vishon’, pa redusí e ekseso di velosidat den áreanan di mayor riesgo.
Inovashon Sosial
Tanten tin diferensia entre skolnan i ta eksistí DESIGUALDAT SOSIAL i EKONÓMIKO nos lo no tin
oportunidat di progresá di forma igual. Nos Plan Nashonal pa desaroyo di bario ta esensial pa krea un
situashon di igualdat.
Ehekutá e Plan Nashonal pa Desaroyo di bario ta un strategia pa rekuperá e retraso sosial ekonómiko den e
150 barionan di Kòrsou. E plan ta kla pa start ku 23 bario na 2017 i asina susesivamente na aña 2018 ku 25
bario mas i na 2019, 25 mas, etc.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

30

Nos lo redusí e kantidat di ‘Onderstand’ ku hóbennan ta kobra i stimulá nan ku programanan diseñá
spesialmente pa nan, pa nan drenta e sírkulo laboral. Nos lo krea e fondo general pa penshun general pa
pueblo + mantené AOV o remplas’é por kompleto.
Terser edat





Inkapasidat








Nos lo diseñá un plan pa e adultonan mayó por partisipá na aktividatnan rekreativo ku ta yuada
nan mantené nan abilidatnan físiko, mental i sosial di akuerdo ku nan nesesidatnan.
Nos lo liga sektor komersial i produktivo na Kòrsou ku e adultonan di terser edat, pa brinda
nan espasio di trabou di akuerdo ku nan kapasitdatnan físiko i mental.
Nos lo krea un lugá pa ansiano ku spesialidat geriátriko, pa ansianonan di nos isla tin un lugá
digno i sano kaminda nan por pasa nan último etapa di bida.
Tur espasio públiko i transporte lo tin espasio spesial pa adultonan mayor. (hende grandi)
Nos lo krea e plan “60/65 i +” ku lo buska pa brinda yudansa ekonómiko mensualmente na
personanan di terser edat ku ta hendenan vulnerbel o ta víktima di pobresa i nos lo yuda nan pa
nan bolbe ta ekonómikamente aktivo.
Nos lo plantia “Kobra sero”, un programa pa hendenan na Kòrsou di terser edat ku no ta paga
pa servisio di transporte.
Nos lo instituí kuota mínimo di puesto di trabou na empresanan.
Nos lo krea sentronan di rehabilitashon spesialisá den hòspital general o den klínikanan spesial.
Nos lo liga sektor komersial i produktivo di Kòrsou pa personanan ku kapasidat diferente haña
espasio di trabou segun nan kapasidat físiko i mental.
Nos lo monta aki na nos isla un Téletòn, pa henter pueblo por aportá na konstrukshon di un
Sentro di Rehabilitashon pa personanan ku kapasidat físiko diferente.
Nos lo kambia e regulashonnan di konstrukshon di e pais akí pa semper, konsiderando
adaptashonnan arkitektóniko adekuá pa personanan ku kapasidat diferente por tin akseso fásil.
Nos ta lansa e plan playa aksesibel pa personanan ku kapasidat diferente por tin akseso di un
forma fásil i nan tambe por bai disfrutá.
Nos lo buska e Sertifikashon pa por konsiderá Kòrsou e promé destino turístiko “Handicap
Friendly” den Karibe.
Nos lo duna beka di estudio na mucha i hóbennan ku kapasidat diferente.
Nos lo krea den Gobièrnu 25/50 espasio pa e personanan ku kapasidat diferente tin
oportunidat di kresementu profeshonal.

Invertí den hende
Kòrsou ta un éksito si su hendenan ku ta forma e pais tin e chèns i e oportunidat pa nan ta eksitoso. Mester
traha di un forma integral i amplio na desaroyo di tur hende, chikí i grandi, pa tur tin e abilidatnan pa por ta
un persona sano, salú i sigur di su mes. Tarea di gobièrnu ta pa stimulá esaki kaminda ta posibel.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

31

Koheshon sosial
E echo ku Kòrsou ta un pais ku hopi kultura ta un rikesa ku mester kuida manera un tesoro. E eskala chikí
di e komunidat ta eksigí ademas ku nos mester por tolerá otro i traha huntu den forma produktivo. Pues,
gobièrnu tin ku stimulá i promové koheshon sosial i desaroyo di kapital sosial huntu ku komportashon
síviko. Esaki por sosodé dor di stimulá i promové aktividatnan rònt di desaroyo personal for di chikí den
un sistema preeskolar profeshonal, pagabel i aksesibel den tur bario.
Konsentrá riba hubentut
E hubentut (0-24 aña) ta eksigí atenshon spesial, pro aktivo i kontinuo di gobièrnu. Ta nan ta forma e base
pa e futuro di Kòrsou. 25% di hende sin trabou ta nos hóbennan, pa motibu di falta di kresementu
ekonómiko den nos pais, pasobra e sistema di enseñansa ta faya, meskos ku e sistema di entrenamentu i
pasobra e sistema di enseñansa aktual no ta riba e mes liña ku e nesesidatnan, e vokashonnan i e ventahanan
kompetitivo di nos pais. Pa medio di un sistema di kuido den kadena, i dor di tin atenshon konstante,
gobièrnu tin ku sòru pa den tur fase di nan desaroyo, hóbennan tin fasilidatnan adekuá i posibilidatnan pa
sosten i guia. Futuro di Kòrsou ta dependé di e posibilidatnan pa desaroyá kada yu. Atenshon spesial ta
nesesario pa resosialisashon i sosten di gruponan mas vulnerabel den komunidat.
Kultura i deporte
MFK ta pone e Plan nashonal pa desaroyo di bario den akshon; e plan ta kontené áreanan deportivo nobo i
renovashon di esunnan eksistente, tambe lo tin konstrukshon di sentro di bario nobo i renovashon di
esunnan eksistente. Ademas nos lo duna bèk na pueblo e áreanan públiko den nan bario kaminda lo duna
atenshon na arte i kultura (ehèmpel: Parke Wilhelmina).
Kanchanan deportivo eksistente i esunnan nobo lo tin akseso na preisnan favorabel di elektrisidat i tambe
awa, danki na nos maneho di energia renovabel.
MFK lo krea skol nashonal di Arte profeshonal na Kòrsou
Tambe nos lo krea un lei i un atmósfera na Kòrsou pa promoshoná Arte, Kultura i ekspreshon kreativo for
di nivel preeskolar te na e aktividatnan den komunidat lokal.
Nos lo desaroyá un skema pa duna sosten na artistanan ku ta lanta, pa por guia nan, promoshoná nan
talentonan, merkadeá nan den eksterior, protegé nan derechonan di outor i asistí nan den maneho di nan
evento/ekshibishon i konsiertonan.
Nos lo promové kreashon di kooperativanan kaminda kreashon artístiko ta tuma lugá.
Nos lo organisá un merkado públiko kaminda por bende i eksponé arte trahá na Kòrsou. Nos lo desaroyá e
promé festival di arte, kombin’é ku evento turístiko. Nos lo buska unda tin fondo pa donashon na arte,
inkluyendo fondonan ku Unesco tin. Nos lo krea ministerio di fomento pa kultura i arte, ku lo fungi komo
un agensia kultural pa monitoreá i duna follow-up na e aktividatnan pa fomento di kultura i arte.
Enseñansa, Salubridat i merkado di labor
Pa yega na un base sano, salú i sigur pa desaroyá Kòrsou, un sistema eskolar bon i apropiá ku ta disponibel
pa tur hende ta di vital importansha. Un sistema ku ta duna tur hende e chèns pa e por hasi uso optimal di
su potensial i ku ta duna atenshon spesial na gruponan vulnerabel. Esaki ta nifiká ku lo tin di stimulá
skolnan i dosentenan, ekipá i sostené nan pa nan por hasi nan tarea mihó posibel. Nos lo renobá e sistema
di enseñansa na Kòrsou di forma ku nos ta sigurá ku tur mucha ta risibí enseñansa di kalidat. Lo nota e
kalidat eskolar na tur tur skol rònt Kòrsou. Lo no tin kuenta ku ta sierto skol so ta di bon kalidat i otro ta di
kalidat inferior.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

32

Nos lo ofresé un enseñansa/edukashon sensibel na nos kultura. Lo mester sinkronisá e plan makro di pais
ku e preparashon ku ta duna adolesentenan. Den e direkshon ei mester mantené nan bon prepará.
(Kapasidatnan analítiko, Atributonan profeshonal, Entrená pa ta diligente, Sensibel pa e kultura di hasi
negoshi, pa Atministrashon di negoshi, ku konosementu di ingles, spañó i hulandes.)
Nos lo duna nan motivashon pa nan por desaroyá un emoshon masha fuerte pa arte i kultura di nos pais, di
Karibe i di Latino-Amérika komo parti di nos orígen.
Lo bini programa spesífiko pa frena e porsentahe haltu di “Drop Outs” ku nos tin.
Lo informá tata i mamanan di famia di e sistema nobo di enseñansa i edukashon i di ki forma esaki ta
sinkronisá ku nos pais (brightwheel concept) kuminsando for di kuido na krèsh i na ‘kleuterschool’.
Nos lo krea programanan di Beka (Scholarships) pa tur klase di deporte eskolar, koordiná tambe enseñansa
avansá ku universidatnan den nos region kaminda e deportista por praktiká su deporte i risibí enseñansa,
mediante e akuerdonan ku gobièrnu tin ku e universidatnan akí.
Nos ta kuminsá ku un curriculum di deporte kombiná ku e estudionan na skol i hasi e ora ei e orario di skol
mas largu.
E situashon di e nivel di edukashon di e aktual forsa laboral i e meta pa laga siudadanonan desaroyá nan
potensial optimalmente, ta trese kuné ku tin mester di un maneho pa stimulá formashon kontinuo i pa bida
largu. Nos lo duna adultonan oportunidat pa nan por desaroyá nan mes riba tereno di Arte i Maneho di
Negoshi.
Tin 2 problema di dimenshon sosial na Kòrsou:
Nos tin un éksodo di serebro ‘Brain Drain’, pasobra tin mas oportunidat pafó di Kòrsou i ta pesei nos
hóbennan talentoso ku tin bon preparashon no ta bolbe.
Pa e motibu akí nos ta bai impulsá mas diskushon ainda ku hendenan di nos pais hasiendo e pregunta si nos
mester sigui duna enseñansa na hulandes o si nos tin di pasa pa ingles. Si nos bai duna enseñansa ku ingles
komo lenga vehíkulo nos lo duna nos hóbennan oportunidat infinito den nos region i nos yunan lo por
skohe pa bai studia na un nivel mas avansá, mas serka di kas.
Ora krea e 5.000 kuponan nobo di trabou nos lo enfoká ku un 50% di esakinan lo ta alineá pa e hóbennan
por desenvolvé nan mes ku rapides den nan trabou.
Ganaderia, Agrikultura i peska




Nos lo establesé un srategia nashonal pa desaroyo di agro-industria na Kòrsou.
Nos lo laga hasi un estudio di suela i di faktibilidat di produkshon agríkola i ganadero.
Nos lo promové e promé merkado pa benta di produkshon di nos kununku i nos laman.
Nos lo duna insentivo pa importashon di fertilisante orgániko pa nos tera por duna un mayor
rendementu di loke nos kultivá.
Nos lo duna un insentivo pa usa awa tratá, eksklusivamente pa ora ta planta kunuku.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

33











Nos lo instalá un planta pa tratamentu di awa di laman pa uso eksklusivo pa planta kunuku. E
planta ei lo traha 100% riba energia renovabel.
Nos lo promové kultivo di fruta i berdura orgániko kultivá den ‘kas di glas na temperatura adekuá’.
Nos lo duna seguridat hurídiko i finansiero na agro-industria i na su invershonistanan.
Nos lo impulsá kreashon di un flota peskero pa bai piska den awa hundu.
Nos lo duna insentivo pa modernisá i oumentá e flota peskero ku ta piska mas serka di kosta.
Nos lo instalá e promé tayer nashonal di motor marino ku kua nos lo apoyá piskadónan i nos lo
garantisá ku motor di nan boto ta keda funshoná pa un tempu asina largu posibel.
Nos lo promové uso de teknologia den e flota peskero ku ta piska mas serka di kosta.
Nos lo firma akuerdo internashonal pa e flota peskero di awa hundu por eksportá su produktonan.
Nos lo krea e promé finka ganadero na e isla akí kaminda e kondishonnan di suela, klima i
vegetashon ta permití desaroyá industria ganadero.
Nos lo realisá konekshon produktivo pa komersialisá i esei lo ta mas kumbiniente pa kumpli ku
demanda di konsumidónan na Kòrsou, tambe ora ta eksportá.
Nos lo duna piskadónan finansiamentu di gobièrnu pa nan atkerí mihó ekipo di trabou pa oumentá
produktividat.

Salú aksesibel
Nos ta bai koordiná servisio di salú i su ofisinanan satélite bou di un solo dak.
Nos lo promové invershon den fondonan di seguro privá.
Nos lo kambia e lei eksistente di seguro médiko básiko, pa un ròl ku lo mester tin un base realmente sosial
pa tur hende di e pais akí. Konhuntamente ku kompanianan di seguro privá nos lo krea paketenan
adishonal èkstra pa bende. No por ta asina ku gobièrnu tin un lei defisiente i seguronan privá tin un mihó
pakete ku e seguro básiko loke ta deber di un gobièrnu pa duna su siudadanonan.
Si esaki no ta posibel nos lo negoshá ku kompanianan di seguro internashonal pa mira si nos por hinka
henter nos poblashon den nan portafolio. Kompanianan multinashonal ku tin miónes di hende sigurá por
duna nos un pakete di kuido médiko ku akseso na Estádos Unídos, Hulanda/Europa i Sur Amérika
(Colombia) na preis muchu mas kompetitivo di loke nos ta trata di duna via un fondo nashonal lokal ku tin
apénas 150 mil habitante den e pais.
Nos ta start ku un plan pa trese mas spesialista i baha asina e kantidat di hende riba e listanan di espera
asina largu.
Nos lo re-introdusí “ciclo vías” kayanan será pa asina di un forma struktural pueblo por tin akseso na
vianan pa asina nos fomentá ku ehersisio un pueblo sano i salú. Nos lo supsidiá un programa na gymnan
rònt Kòrsou pa tur hende tin 4 ora di ehersisio pa siman den nan. Pa medio di Korpodeko lo finansiá
empresarionan ku sa di ehersisio, pa agregá mas gym si esaki ta nesesario despues di un análisis si tin
sufisiente pa duna akseso na e pueblo kompleto pa asina nos fomentá un pueblo sano i salú.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

34

V okashon- i nesesidatnan di Kòrsou
Duna insentivo na e propiedatnan eksistente, mehorá e ‘branding’. Nos lo introdusí ku ora bende pasashi
ku turista ku ta drenta Kòrsou, ta kobra nan un ‘rekargo’ pa nan tin un seguro médiko.
Efektivamente nos ta bai implementá e plan maestro di turismo (STMP).
Nos lo implementá un sistema pa evitá ‘SOBRE CUPO’ (QUOTA) di e kambernan di hotèl.
Nos lo amplia e responsabilidat i kapasidatnan di ‘Curacao tourist board’ pa nan hasi estudio di merkado i
di desaroyo di produkto ku kua nos lo mehorá nos oferta komo destinashon turístiko. Nos ta emprendé
práktika di sustentabilidat i nos ta pèrkurá pa e kalidat mehorá. Nos ta bai realisá un estudio pa mehorá
aksesibilidat aéreo di e isla akí i nos lo implementá akshonnan pa nos ta mas aksesibel pa turistanan. Nos lo
desaroyá nos web-site i nos akseso na medionan sosial pa atraé mas turista.
Nos lo lansa un kampaña internashonal di promoshon turístiko pa promové Kòrsou komo un destinashon
turístiko di kalidat i lo hasi esaki tambe via medionan sosial. Una bes ku duna Kòrsou su debido lugá komo
produkto turístiko, ta bai sondia si por introdusí na aeropuerto un tarheta turístiko di US$ 10.00.
Tur ámtenar na tur departamento di gobièrnu ku tin kontakto ku turista lo risibí entrenamentu. Hende lo
nota un giro di 180 grado den e forma amabel ora nos hendenan trata turista na nos pais.
Un sistema outomatisá pa Duana, pa e hendenan ku yega ku avion, lo pèrkurá pa skohe ‘ad hoc’ e
biaheronan ku mester presentá nan ekipahe i merkansia biniendo di afó, ku e meta pa kumpli ku reglanan di
duana. Lo entrená e empleadonan di resepshon/hotelero den e industria turístiko pa nan siña entre otro
Mandarin/Kantones.
Fo’i tera
Kantidat di habitante di e pais akí mester krese di 150 mil te 350 mil den e próksimo 10 añanan. P’esei nos ta
bai introdusí pa nos pais un lei di reemigrashon.
E meta prinsipal ta ku 100 mil habitante kurasoleño ku ta biba den eksterior ta bini bèk.
Nos lo adaptá lei fiskal di penshonadonan ku nos tin den nos Pais ku lo sirbi tambe komo forma pa oumentá
poblashon; nan tambe lo pasa e mesun kursonan di kultura i idioma ku e plan di reemigrashon lo trese kuné pa
asina por integrá.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

35

Tur esaki pa logra:
Un desaroyo ku hende, pa hende i dor di hende pa realisá
un Kòrsou Sano, Salú i Sigur.

Adres: Lindhbergweg z/n – P.O. Box 3103 - Telefon # +(5999) 724-7766 - Fax # (+5999) 461-7767
Email: office@mfk.cw - MCB # 2308-0601 - Vereniging Movementu Futuro Korsou

36

Sign up to vote on this title
UsefulNot useful