Non sei a quen lle escoitei que o máis interesante do pop
rock hispano da década dos oitenta era o que se facía na periferia. Tal vez sexa algo esaxerado, pero non deixa de ter certo sentido. Como proba a favor teriamos a Primavera Negra, que chegaban dende Lleida da man de Javier Baró, un persoalísimo cantautor rock que fundía o mellor do folk rock americano máis literario cun curioso gusto polo pop nacional dos 60 e a imaxinería da súa terra de orixe. Nado en 1954 as súas primeiras inquedanzas musicais teñen que ver co folk de feito no ano 73 entra en Camps de Cotó, grupo de canción tradicional catalana. A finais dos setenta Xavier Baró participa en diversos proxectos musicais sendo Tagomago o máis representativo desa época. No grupo coincide con Domingo Espax (Mingo, morto o ano pasado) que se convertirá en compañeiro inseparable. Tagomago só deixan unha maqueta, "Zoo frío", pero serve para reorientar os gustos de Baró achegándose a outras fontes coma o rock. Primavera Negra xurden desa evolución e debutan en 1984 cun primeiro single "Colonos de Marte" e "Placeres" editado polo selo Acuarius e con portada do debuxante Max dentro dunha serie titulada Rock & Comic. Nesa mesma colección sairon Avikultores Modernos e Acolla. Na contraportada díse clararmente Primavera Negra é Javier Baró que se fai acompañar de músicos da súa cidade, Lérida. El nombre viene de una novela de Henry Miller. "Colonos de Marte" é a típica canción desa época con certo toque modernillo mentras que "Placeres" xa se achega máis ao posterior son da banda.
O selo madrileño Twins decide gravarlles un disco e o resultado é un Mini
Lp de seis temas "Primavera Negra" que será publicado en 1985 xa cunha formación estable na que están Baró á voz e guitarra e Mingo na batería xunto a Artur Mercé na outra guitarra e Quim Ramón ao baixo. A producción foi de Manolo García e Quimi Portet que fixeron un traballo mediocre non sei se por falta de recursos do estudio ou polos seus propios gustos. O mellor do disco creo que está na cara A que se abre coa primeira versión de "En la autopista" que ten un toque absolutamente distinto á que posteriormente gravarían en "Flores Encendidas". "Ecos de R&R" é unha boa canción desperdiciada cunha guitarra que case non se escoita e "Radio Peggy Sue" un dos grandes momentos da banda. Da cara B non está mal ¿Dónde están los santos" pero que segue tendo o problema da producción.
Ese mesmo ano a banda publica un single con
"Bajo el Sol" de Juan e Junior á que lle dan un toque rockabilly e incluso lle cambian unha frase convertindo o melifluo "no olvidare jamás que me besaste bajo el sol" por algo máis acorde cos tempos "no olvidare jamás que te metí mano bajo el sol". De cara B utilizan unha nova versión de "Radio Peggy Sue" moito mellor que a editada no Mini Lp. A aventura con Twins remata despois dese single e haberá que esperar un par de anos para ver o que será o seu mellor traballo "Flores Encendidas" editado por La Rosa Records, o mesmo selo onde empezou o noso Magín Blanco con La Rosa, estaban claramente predestinados. "Flores encendidas" é publicado no ano 87 e a primeira diferencia notable e que Baró está implicado na producción do mesmo en compa ña de Enrique Lindo. O son cru de estudio barato realza a visión poética dun Baró inasequible ao desalento. As cancións aparecen enriquecidas con máis matices por exemplo os que proporciona o violín de Carlos Juste nalgún momentos ou polas achegamentos máis folk-rock. A peza que abre o disco "Madrugada" é a miña favorita aínda que a nova versión de "En la Autopsita" é tamén gañadora. Outros temas destacados son "Flores Encendidas", a peza máis longa composta pola banda e o bonito instrumental que pecha a cara A "Hotel Invierno". Na cara B hai un par de versións "En El Castell" de Sisa, daquela esquecido polo mundo do rock español e unha adaptación ao castelán do "If Dogs Run Free" de Dylan que transforman en "Si los perros son libres" pero a máis interesante é "La Ciudad Tambor" que tamén sería editada como segundo single do Lp e que contén na súa cara B un tema inédito "Algo Entre Los Dos" que se convertiría no último editado pola banda. Fala Xavier Baró: “En aquellos entonces, yo tenía intención de lanzarme ya a la aventura en solitario, pero Mingo me insistió y, tras la disolución de Primavera Negra, llegó Tormentos”.
O único Lp de Los Tormentos "Guitarra e Carretera" foi editado por
Justine en 1989. De novo Baró: "Esta banda sacó un disco pero tuvo poco tiempo de vida en los albores de los noventa. La idea que tenía era la de seguir haciendo rock’n’roll juntos terapia y divertimento”. Carezo de datos da gravación, producción e formación porque a copia que teño non ten encarte. "Guitarra y Carretera" ten un son máis rock e agora que o escoito de fondo mentras escribo isto case me parece o mellor de todos. Na cara A están moi ben "Vértigo" e o country rock "Tenemos que irnos". O resto deixase oir incluída a versión de "Brand New Cadillac" de Vince Taylor vía Gatos Negros. A cara B ten grandes momentos como a macarrada casi heavy "En la Tormenta" cunha boa soleada, a peza que da título ao disco, o hit single super pop e pegadizo "En el reino de la melodías" cuns ventos moi bonitos para rematar cunha nova versión mellorada de "Ecos de Rock´N´Roll" aparecida no Mini Lp. Despois de Los Tormentos Baró seguiría tentandoo como cantautor cada vez máis alonxado do rock e empeñado en renovar a tradición floklórica catalana dende unha óptica contemporánea. Un lembra velo acompañado coa súa acústica coma un Dylan primitivo, entregándose a fondo nun club semi baleiro. Encomiable, pero un non podía deixar de botar de menos as guitarras limpas, rexas e certeiras de Flores Encendidas ou "Guitarra e Carretera"
Enyores alguna cosa de l'època de Primavera Negra i dels 80?
El que lamento és haver-la viscut. Per a mi és una època molt dolenta, en
molts aspectes. Els anys 80 són els anys de la destrucció d'un pensament, d'una forma autodidacta i artesanal de fer les coses. És el moment en què apareixen els grans depredadors dels negocis.