Documentos de Académico
Documentos de Profesional
Documentos de Cultura
Disfraces medievais
IES de Tomiño
Introducción
Personaxes marxinais
Ladróns, mercenarios, proscritos por distintos motivos que se ocultan no
bosque como Robin Hood.
Herexes que van de pobo en pobo como mendicantes ou flaxelantes,
predicando a fin do mundo; contrabandistas de reliquias que che venden un
óso dun santo, un dente de leite do Neno Xesús...
Artistas ambulantes con animais amestrados, xograres, músicos,
malabaristas, saltimbanquis, bufóns, timadores de toda calaña, bailarinas e
prostitutas.
Bruxas e meigas boas e malas, astrólogos, alquimistas e nigromantes.
Seres máxicos e mitolóxicos.
Na Idade Media crían en pantasmas, en mouras (en
castelán "hadas"), trasnos, ogros, etc. Pódese armar unha
comparsa de Santa Compaña por exemplo. Tamén se cría
en animais fabulosos como a quimera, o unicornio, e
sobre todo o dragón, que se caracteriza por dominar os
catro elementos: ten aletas para nadar e voar, patas e
cornos para andar por terra, e bota lumne pola boca.
Varios alumnos/as poden armar un dragón ou coca, ou
mesmo se pode representar un episodio en que un
cabaleiro mata a un dragón. Outros disfraces que se
admiten poden ser de anxos e demos.
Disfraces gore.
Quen queira un disfraz noxento ou asustador non debe ir de vampiro, pero pode
ir:
Cheo de sangue como un soldado ferido dalgunha guerra, ou cheo de vendaxes, e
tamén de leproso ou de apestado, que daquela eran as cousas que máis medo
metían porque eran moi contaxiosas. O apestado vai cuberto de pústulas e
vultos. O leproso é moi impactante, levará hábito con carrapucha para que se lle
vexa o menos posíbel, e irá tocando unha campá ou carraca e avisando "leproso,
leproso" para que a xente se aparte del. Irá todo pintado de branco, ou vendado,
cheo de pústulas, e faltaranlle dedos que lle poden ir caíndo polo camiño
mentres pide esmola cunha cunca para que lle boten algo, unhas moedas,
comida...
Tamén se pode ir de lobishome, de pantasma, de aparecido, de esquelete, de
"morte" con caliveira e gadaña.
Como comparsa pode montarse unha danza da morte. Eran moi populares as
danzas da morte: representacións de xente morta que saía das tumbas bailando
en roda, collidos pola man e dirixidos pola morte, nese corro macabro
representábanse ricos e pobres, homes e mulleres, reis e papas, mortos e a medio
descompoñer, como unha imaxe de que a morte os iguala a todos.