Nakauwi na sa bansa and 34 na overseas Filipino workers na
kabilang sa mga manggagawa ng isang kumpanya na nagwelga sa Madagascar bunsod ng hindi makatwirang pagtrato sa kanilang sa kanilang pagtrabaho. Ayon sa Department of Foreign Affairs Office of the Undersecretary for Migrant Workers Affairs (DFA-OUMWA), and 34 na OFW ay dumating sa Ninoy Aquino International Airport (NAIA) nitong Linggo ng gabi, Enero 9 buhat sa Madagascar. Sinalubong at binigyan ng kaukulang tulong ng mga kinatawan ng Overseas Workers Welfare Adminitration (OWWA) ang mga dumating na OFW nang lumapag ang mga ito sa NAIA. Magugunita na ang 34 na OFWs ay kabilang sa mga manggagawa ng Kentz Engineers and Contructors Ambatovy Mining site Tamatave, Madagascar na nagpiket may ilang lingo na ang nakakaraan dahilan sa pagkakaantala ng bayad sa kanilang suweldo , hindi pagbabayad ng kumpanya ng overtime, hindi kaaya-aya at overcrowded na akomodasyon at iba pang mga reklamo.