Website: http://zomirefugeecommittee.blogspot.

com/

ZRC A

Lom 3, Hawm (96)

WGING
Weekly News
Restoring Hope, Rebuilding Lives

ZRC Kum Cin Ki Teelna Hong Tung Kik Ding Hi

Ta
A sawtlo in Zomi zum ahi Zomi Refugee Committee
(ZRC) kum cin ki teelna July 16, 2015 (Thursday) ki
nei kik ta ding ahihman in Zomi a it a vei, sum leh paai
lam enlo in itna veina tawh aki pia khia nuam a sem
nuam, Zomite hamphat na ding ahi zong, khan tohna
ding aa asem nuam Zomi sung pan akua mapeuh ZRC
zum ah nong zasak na ding ih gam leh ih nam ading in
veina tak tawh kong zawn uh hi.
Australia Lam A Lunggulhte Ii Theih Ding
Australia lam a lunggulhte in 842-Form ki gelh thei kik
ta hi. 842-Form cih ciang in Australia a tung khinsa na
pa/na nu/na pasal/ na zi/na ta/na sanggam te in hong
sam nuam ahih kul hi. Mel theih ta nau sanggam neilo
te in 842-Form ki shauh theilo hi.
842-Form a shauh nuamte ii theih ding thu pawl khat
1) Na min, 2) Na card numbat, 3) Na suah ni, kha leh
kum, 4) Pianna khua, 5) Pa min leh Nu Min, 6) Pa leh
Nu ii Pian kum, 7) Sang bang ciang zo, 8) Sang bang
kum pan bang kum ciang dong sang kah, 9) Tu ma kum
10 in na nasep na mun teng, 10) Tu ma kum 15 in na
om ngeina mun teng, 11) Malaysia tun ni, kha leh kum,
12) Kawlgam pan tai khiat kum, 13) Na omna mun
(address) aki cing tak in theih ding, 14) Na phone
numbat, 15) Kawlgam pan nong tai khiatna thu, 16)
Kawlgam ciah kik leh cin bang hong ki cih tam?, 17)
Kawlgam ciah kik leh cin kua in bang hong cih ding?
18) UNHCR card copy, Passport size maan 8 (letmat
1.5X2), 19) Hong sam dingte ii Min, Suah ni, kha leh
kum, 20) Hong sam dingte ii omma (address) aki cing
in leh a phone numbat uh, 21) Hong sam dingte in
Australia ah citizen ngah khin maw ahih kei leh
Permanent residence ngah khin? Cihte aa ki pan ki sam
ahihman in a lunglut a shauh nuam peuh mah in ki ginh
kholhsa in nongpai ding kong zasak uh hi.
Nottingham University Ah Sang Akah Nuamte
Ading
UNHCR zumpi pan leh Nottingham University te in
gambeelte ading deihsakna tawh Nottingham
University ah sang kah theih nang hong vai hawm uh
hi. Tua sang ong khit ciang certificate ngah theih nang
zong hong vai hawm sak ding uh hi.
Sang ki pat ding hun: September 2015
Amun: Jalan Broga, 43500 Semenyih,
Selangor Darul Ehsan, Malaysia.

12/07/2015

Alunglut akua mapeuh in ZRC zum ah Form ki ngah

thei ding hi. A nunung pen in August 20, 2015 khit
zawh ZRC zum pan ki sang nawnlo ding hi.
Form hong ki tin (Minsayin) hong ki pia teng lakpan
mimal 5 bek ki teel khia ding aa, ki kah sak ding hi.
Kum 17-30 kikal bek in Form tin theih hi ding hi. Sang
kahman paik kullo aa, ahi zong in lamsap, an nek, tui
dawn ei leh ei hi ding hi. Kha 1 in RM 500 bei thei ding
hi. Alung lut akua mapeuh in ZRC zum tawh nong ki
zopna ding kong zasak uh hi.
UN tawh Kisai Thu Tuamtuam
UNHCR card ngahsa te UNHCR zumpi pan hong
kisam ciang in ih tangthu (case) te lim tak ki gin huai
mahmah hi. Mi khem tam lua ahihman in ni dang sang
in hoih tak hong tel dot zaw uh hi. Dot dan dawng dan
ding atheilo ih om leh zong ZRC zum ah ki dong thei aa
huhna ki ngen thei hi. UN ah interview khin vai lem loh
ciang ZRC zum hong tung pan te pen ki huh theih
taktakna ding hamsa hi.
UNHCR card atawi te deih loh pen in hong ki mat
zenzen leh na card tung ah na min, na card numbat leh
na suah kum, ni leh kha te hoih tak na gen theih ding ki
sam hi. UNHCR card atawi nailo kipawlna card bek
atawi te deihloh pen in hong ki mat zenzen aa thong na
tun leh UNHCR pan hong tan ding hamsa mahmah aa,
thong sung ah kum bang zah om ding cih ki gen theilo
ahihman in kawlgam ciah zawk ding hoih zaw hi.
Kawlgam pan vai tuamtuam hang in nong pai kik nop
leh lem zaw ding hi.
Embassy Tawh Kisai Thu Tuamtuam
United States of America (USA) atung khinsa apasal,
azi, innkuan pihte leh asanggamte in 93 Visa tawh asap
nop uh leh ki sam thei hi. Asam nuam te in zong ahihna
uh limtak lak zawh ding ki sam hi. Tulai tak in suahna
lai (Birth certificate) min leh ih gen ki tuaklo cihte aa ki
pan om niknuk ahihman in 93 visa interview na ah hong
ki lim dot zaw ta aa, vai kai tuam zaw deuh ta hi.
Interview tawh kisai in Embassy in pan mun hong lak
sak ding aa, interview khit ciang in interview a on leh
sisit ngak ding hi ziau hi.
P3 tawh asam nuamte ading in US atun zawh kum 5 a
cin maa sung in sap theih hi bek hi. DNA hong ki sit
hamtang ding hi. DNA sitna ah adik leh DNA sitna
tawh kisai in sum bei khempeuh hongpia kik ding uh hi.
Interview tawh kisai in IRC (RSC) pan pan mun hong
la ding uh hi. Navai khempeuh RSC tung tawn ding hi.

In God We Trust

Ideas Academy Ah Sang Akah Nuamte

Ideas Academy ah sang a kah nuam alunglutte sang ki
hong kik ta ding hi. Kum 12-15 kikal hi aa, alunglut
akua mapeuh in Principle: 012-293 3170 ahih kei leh
Email: recruitment@ideasacademy.org.my tung ah
kizasak thei in tel tak in zong ki dong thei ding hi.
Gambeel (Refugee) I Cih Kua Te Hiam?
1951 Geneva Convention ah aki genna tawh kisai in
Gambeel (Refugee) ih cih ciang in, ih tenna gam ah
bawl siatna ahi minam deidanna hang ahi zong, biakna
hang ahi zong, kumpi tawh ki lemlohna ahi zong, ih
tenna gam ah omlai leng lung muanna neilo aa, i tenna
gampan pai khiate pen Gambeel (Refugee) kici hi.
Innkuan Sung Kibawl Siatna (Domestic Abuse)
Leitung ahihna tawh Innkuan sung ki-tot/ki-selna pen a
om den hi. Inkuan sung ki-tot/ki-selna a om ciang in
pawl khat pen sum leh pai hamsatna hang ci uh hi. Ahi
zong pawl khat in ih Zi leh Tate pen awl mawhlo in, a
ut hun peuhpeuh ciang sim mawh in bawl sia hi.
Zah mawh lam tawh kisai in zong innkuan sung ki bawl
siatna zong om hi. Innkuan sung ah Tua bangna thuak
ciang in UNHCR-ICMC ah huhna ki ngen thei hi. Huh
ngetna ding phone numbat ICMC-0104211274.
Innkuan sung ki bawl siatna i cih ciang in:
1. Na Pasal/Zi in thu omlopi in hong vuakvuak ciang in
innkuan sung ki bawl siatna kici hi.
2. Lungsim natna ding kammal ahizong, lung kiatna
ding kammal ahizong, kam hoihlo ahi zong Zi/Pasal
tung ah ih gengen ciang in zong innkuan sung ki bawl
siatna kici hi.
3. Zah mawh lam tawh kisai in ih Zi/Pasal lam pan utlo
pipi in luppihna pen innkuan sung ki bawl siatna kici hi.
4. Sum leh paai vai tawh kisai in ih Zi/Pasal na a sep
nop uh hang a Zi/Pasal in phallo ahi zong, Khasum saan
ciang in i Zi/Pasal tawm khat zong aplo, aki sapte
leisaklo, nek leh dawn vai aa kipan vai hawmsaklo, na
semsak phial leh zong a sum teng avek in
sutsak/laaksak, a Zi/Pasal in, a Zi/Pasal te tung ah sum
a nget ciang in sim mawh bawl phot, ko phot, cihte aa
kipan innkuan sung ki bawl siatna kici hi.
5. Lawm leh pawl tawh ki-sai in kua mah tawh ki zom
saklo, ki pawlsaklo, mel theih unaute tawh zong ki
hosaklo, biakna vai pan zong ki sim mawhna/ki
deidanna ahih kei leh innkhan sung ah kalh cip cihte
zong innkuan sung ki bawl siat na kici hi.
Lungdam Kohna
Myanmar Believer Fellowship (MBF) pan in Pasian a
zahtaakna uh leh Zomi a it a veina hang mah in ZRC
zum ading in RM 100 hong pia khia ahihman in ZRC
zum pan in hong pia khia mimal khat kim ciat tung ah
ki lungdam mahmah hi.
ZRC zum hon hun: 9:00am-6:00pm

Nasep!! Nasep!! Nasep!!

1.

Store Ah Pasal 2 Kideih

Amun
: Subang Jaya
Nasep hun
: Nai 10 sung
Khasum
: RM 1300
Omna/An
: Pialo

2. Ansai Ah Pasal 2 Kideih

Amun
: Kelena Jaya
Ahun
: Nai 10 sung
Omna/An
: Pia
Kal 1
: Ni 1 Off
Kisap
: Mikangpau
Khasum
: RM 1200
3. Ansai Ah Mi 4 Kideih
Amun
: PJ, Serdang
Ahun
: Nai 9 sung
Omna/An
: Pia
Kal 2
: 1 vei Off
Khasum
: RM 900
4. Setzong ah Numei 3 Kideih
Nitha
: RM 55
Ahun
: 8:00am-8:00pm
Off Day
: Sunday
KFC A Lunggulh Akua Mapeuh In
ZRC Zum Ah Min Sayin Ki Pia Thei
Kikta Hi.

Atung aa nasepte tawh kisai

ki zopna ding: 018-263 5184
Atung aa kigelh nasep te banah nasep dang tuamtuam
na lunglut leh Thursday ni sim in ZRC zum ah zingsang
11:00am in interview om den hi.

Gammi te ii kum thak hong tung

dek ta ahihman in sum zong te
zong man lah mahmah uh hi. vak
suk vak toh ki dawm ni. Deih loh
pen in ki mat ki hen a tuak ih om
leh 017-610 0389 tung ah huhna
ki ngen thei hi. Na min, ZRC
numbat, na ki matna mun, ahun
leh kua hong mat cih theih ding
ki sam hi.

Email:zrcmly@gmail.com ZRC Fax/Tel: 039-224 7283