Está en la página 1de 1

Abe Rábade, Guadi Galego e o poeta Anxo Angueira presentan…

Unha revolución dialéctica dos versos


de Rosalía de Castro en clave de jazz
Rosalía 21 (falcatruada’08) é unha revisión en chave de jazz da poesía de Rosalía de Castro, figura
central do Rexurdimento da literatura galega. Un álbum que forma parte dun espectáculo multimedia baixo
a dirección musical do pianista Abe Rábade, e no que Guadi Galego e o poeta Anxo Angueira lles poñen
voz aos versos de Rosalía. Un proxecto, porén, que non queda na envoltura superficial do seu poemario ao
piano, senón que supón toda unha renovación estética da temática rosaliana adaptada aos novos tempos:
melodía, timbre, harmonía e ritmo.
Pero tamén é Rosalía 21 unha reivindicación de textos inxustamente esquencidos que, dous séculos
despois de que o espírito profundo e crítico da poeta berrase, adquiren unha nova dimensión de
actualidade. “En Rosalía hai unha voz grave e profunda unhas veces, como poucas na Europa do seu
tempo –Negra Sombra, Cada noite eu chorandop pensaba…-, alegre e divertida outras, que cadra ben co
jazz”, afirma o propio Anxo Angueira.

01. A Xusticia pola man


02. Padrón, Padrón, Santa María, Lestrove
03. Ladraban contra min
04. Cada noite eu chorando pensaba
05. Negra Sombra
06. A Rosalía / Altares de silencio
07. Tecín soia a miña tea
08. Tembra un neno
09. Miña santiña
10. Alborada

Novos aires para a música galega da man de Abe Rábade ao piano e na composición, Jesús
Santandreu no saxo tenor, Nelson Cascais ao contrabaixo e Bruno Pedroso na batería-, Guadi Galego e
Anxo Angueira. Está nas tendas dende o 11 de marzo, pero xa sonou por vez primeira no mes de febreiro
no Teatro Mella de La Habana. Á estrea acudiron 800 persoas, que desfrutaron coa poesía musicada de
Rosalía amáis dunha versión dun poema de Curros Enríquez a cargo de Pablo Milanés, padriño de luxo
para o novo proxecto de Falcatruada.

! " "
! # # # $ # #