Está en la página 1de 2

ZRC AWGING

Lom 3, Hawm (73)

Weekly News
Restoring Hope, Rebuilding Lives

18/01/2015

aa zato tungvat cina gimte/nasepna pan leh accident


tuakte ahi hi.

!!!ZOMI CARe!!!
UNHCR card atawi nailo Zomi akua mapeuh in ZOMI
CARe ah ih lut kim ding hoih pen hi.
1. Zomi CARe Tawh Kisai Gencian Na
Zomi CARe pen Malaysia gamsung aa om akua
mapeuh ading in akibawl ahi hi. Adiak in UNHCR
card tawi nailo peuhmah in ZOMI CARe lutkiim leng
ei aa ding hoih pen ding hi.
2. ZOMI CARe Kuateng In Lei Thei, Lei Kul Ding
Hiam?
Kipawlna card ahing lai khat pepeuh atawi, Tune
Insurance ah lutkhuan a ngahlo, khempeuh in lei thei
ding hi.
3. ZOMI CARe In A Ngiimna Bang Hiam?
a) Malaysia gamsung ah mimal, innkuan hamsatna
zato ih tun teh ih ki huai zawh na ding ahi hi.
b) Lam-et hetloh pi-in liam-le-baai, nat-le-sat
hunciang in zatopi atungte sum-le-paai hamsatna ih
tuah maa aa, kidalna ding ahi hi.
4. ZOMI CARe Nalutphet Aa Kizang Theipah Nam
Teng:
Accident, mawtaw taih, motor cycle taih, nasepna ah
inntung pan kia, accident ei lampan mawhna omlo te
ZOMI CARe nalut phet in zang thei pah hi teh. Ahi
zong in zukham, guih theih kham theih azangte, kilaikitawng, ki vua cih a om leh ZOMI CARe satan ngahlo
ding hi. Palik, doctor te ciaptehna dandan en in huh
ding leh huh loh ding kikhen tat ding hi.
5. ZOMI CARe Nalut Zawh Ni 60 Khitciang Aki
Ngah Thei Namteng:
ZOMI CARe ah na lutzawh, na lutni pan ki pan ni 60
khit ciang ZOMI CARe ii hamphatna ngahtheih
namteng; si-khang, zunkhum, si-khum, bilna,
ngawngna, cancer, naaksung, lungtang, sihui, kallsung,
dula, tonsil, naubu, tawlbawk, gilzangkia te pawl pen
ZOMI CARe nalut zawh ni 60 khitteh ngah thei
panding hi.
6. ZOMI CARe Hamphatna In A Huamkhak Bangteng
Hiam?
Zato inn ah lupman tawh kisai in zato lum (inpatient) te
bek huamkha ding hi. Zato lum ih cihte pen siavuante
in zato a lupsak zato ah kep-le-khoi akul te cihna hi.
Gentehna in aatloh a phamawh cina gimte/git neihlohpi

7. ZOMI CARe Hamphatna In A Huamkhak Loh


Bangteng Hiam?
Zato lam ah Outpatient te huam khalo ding hi. (Zato
lupkullo te). Zato lup kullo ih cihte pen ci-na zato
lupkul seselo aa siavuante in zatui-zahaa hihteng na lei
in ci aa a ciah sakkikte leh sisan ensakte/datmaan
kizaihte/zun-le-ek, khaksawh sitsak cihte ZOMI CARe
in huam khalo hi.
8. ZOMI CARe In Natna Pawlkhat Huhna Pialo
Acihte Bang Teng Hiam?
Hih ZOMI CARe ah na lut hang in anuai aa ki gelh
natna-damlohna te tawh kisai aa zato na lup leh nang
leh nang tavuan na ki laak kul ding hi. Tua natnadamlohna te in: Nupi naupaai, nausuak, nausia, amahleh-amah ki thah sawm in liam, lungsim damlo te leh
mi hai te, mitliimlang, mit ki-at, pumpi sung ah van
(organ-steel) te laih:thuah: kheek a kulte ZOMI CARe
in panpihlo hi.
9. ZOMI CARe Bang Zahzah Man Hiam?
(a) Mimal ahih leh kumkhat in RM 100 piakkul hi.
(b) Innkuan ahih leh kum khat in RM 120 piak kul hi.
Innkuan khat sung ah
(i) Zi leh pasal
(ii) Zi, pasal leh kum 18 nuai a pha ta thum
(iii) Innkuan pih ahi lo naupang kum 18 nuai a om leh a
mah guak in abawl kul hi. Innkuan khat sung ah
kum 18 cing nailo ta 3 sang a tam zaw a om leh mi
khat ciang in RM 20 piak beh ding hi.
(iv) Innkuan khat sung ah kum 18 tungsiah ahih leh
mimal in lut kul ding hi.
10. ZOMI CARe Na Lutni Pan Maikum Nalut Ni Ma
Dong Anungta Hi. Kum Khat Sung
11. ZOMI CARe Ah Kipawl In Zato Nalup Leh Kum
Khat Sung Sum Zat Theih Ding Teng
Mimal khat in nalut leh- RM 8000 ciang zato na lup leh
zang thei ding. Innkuan khat RM 10000 ciang zato
nalup leh zang thei ding. (Kum khat sung hi ding hi)
12. (a) Kumpi zato ah alumte bek ZOMI CARe in sang
ding hi.
(c) Kumpi zato a hilo, Private zato ah alumte ZOMI
CARe in 30% huh ding hi. RM 8000 beidong ki
panpih zolo ding hi. Kumpi zato ki deih masa hi.

In God We Trust

13. ZOMI CARe lut khin in zato nalup leh sumpiakna


bill (receipt) tawh ZRC zum ah sum thoh thei hi teh.
Ahi zong khua makai (or) Pastor te theih pihna bek
tawh hong ki thoh sak bek ding hi.
14. ZOMI CARe Pen Koi Mun Ah Ki Leithei Ding
Hiam?
ZOMI CARe pen ZRC zum aki hon hunsung in ki lei
thei tawntung hi.
15. ZOMI CARe Nalut Ciang Akisam Teng:
Maan (photo), Min, Suahni/kha/kum, Pa leh Nu min,
Kawlgam omna, Malaysia Omna, Contact/phone, Email
ID, Khua makai, Malaysia pawlpi, etc cih te kisam hi.
16. ZOMI CARe Vaipuak Pen Hihing Nuntak Sung
Bek Hi Ding Aa, Hong Nusia Khinte Vai Ki Hello
Ding Hi.
17. Zato Nalup Leh Phone Set Masa Le Cin Lempen
Zato pai ding-zato lum ding peuh mah in a nuai aa
phone number hong hopih masa hamtang un.
Hotline: 012-622 2986, ZRC zum hon sung
Phone/Fax: 03-9224 7283. Email Address:
zrcmly@gmail.com . ZRC zum ah a sem palaaite
tung ah zong ki zaksak thei den hi.
ZRC Awging Lom 3, Hawm 72na azom>>>>
Khut-Le-Khe Tat Khiatna
(Exercise)
Washington University te muhkhiatna ah kum 55-70 ki
kal numeite exercise bawl lote ii guh sungah siik dat
(taan dat) 1% kiamzaw cih mu hi.
Ahi zong in ni ki zom-in kha (17) sung bawl suak leh
guh dat 6.2% khangto leuleu hi. Tua khit kha 18 khawl
cip in om leuleu leh 4.8% kiam-in a bawl lote sang in
hoih zawlai hi.
Exercise ih cih khut le khe tatkhiatna pen eima tha tawh
ki tuak a bawl ding kisam hi. Zingsang, sun, nitak ei ut
hunhun in ki bawl thei aa, an nek tawh ki hal ding hoih
hi. Nang bek in na bawl nop kei leh na pawlding zawn
in bawl thei hiteh. Exercise bawl ciang i mangngilh loh
ding thu 4:
1. Bang zah vei 2. Ki sinna
3. A hun
4. Bawl dan atuamtuam
Aerobic, siksakol tuan, lamsiau, tuipeek, Flexibility
(akyaw shawh), agik dom, ding-tu ,etc
Atung a khut le khe tatkhiatna khat peuhpeuhna bawl
khit ciang-in akyaw shawh bawlding mangngilh kei-in.
Ih khawl phet in tutpah, luppah hoihlo hi.
Na pumpi ii kisap dan en-in na bawl ding kisam hi. Mi
ZRC zum hon hun : (Everyday)9am-6pm

pawl khatte ading in exercise tampi a kisap hang in, mi


pawl khat te ading in tampi kisamlo thei hi.
Gtn: Zusa 10 lakah 5 pen amau pumpi tawh ki tuak in
buk bawlsak in khum cip uh aa, an lim nono pia uh hi. 5
pen ut bangbang in gamtat theihna ding buk golpi
lamsak in, mehteh, mehgah pia hi.
Hun khat khit ciang in tua zusate en uh aa, amau pum
ciabek aa, a kilam buk sung aa ki koih zusate pen an
lim nono a nek hang in khut le khe tat khiatna omlo
ahihman in a pumpi tha kiam cih mu hi.
Ut bang a taithei zusa 5 ahih leh an lim anek loh hang
in khut le khe tatna tam ahihman in apum tha hat in
thau hi.
Na pumpi cidam ding na ut aa, na khansau nop a leh
exercise bawl ding hahkat in.
Hun nei keng.
Cimtak huai lua.
Thadah huai lua
Ka kum tam khin lua
Gimbaih lua ing
Cih paulapte neilo-in na bawl leh na khan sau in na
cidam ding hi. Mipilte in zingsang sim in lamsiauh
napen lungtang nihna ci uh hi.
Ahih hangin Topa amuang mite a tha uh dimkik ding
a, muvanlai bangin kha tawh leng to in, amaute tai napi
un tawllo ding uh a, amaute lampai napi-un gimlo ding
uh hi. (Isaiah 40:31)
W-WATER-TUI
Tua ahih ciangin note in annek tuidawn aki pan, na
khempeuh na bawl uh ciangin Pasian vangliatna
ngaihsun in na hih un (I Corinthian 10:31).
Ahih hang in ken ka piak tui adawnte in a tawntung in
a dangtaak nawn kei ding hi. Ken kapiaksa tui-in tua
mi sungah nuntaak tawntungna tuikhuk in a piang ding
hi, ci hi (John 4:14).
Tui tampi dawn ding hoih hi. Ih dawn tui pen gimnam
neilo, colour (yong) neilo tui minsa hi ding hi. Ih pumpi
ki lamzia 70% pen tui ahi hi.
1.
2.
3.
4.

Satak sung ah tui 75% om


Khuak sung ah tui 85% om
Guh sungah tui 50% om
Sisan sung ah tui 93% om hi. Zoplai ding>>>>

Zomi Teksi (Taxi)


Pau dang kullo in Zopau ngait tawh utnana hong paipih
thei ding mawtaw ki kawm thei hi. Airport ahi zong,
Malaysia gamsung ututna ah hong paipih thei ding hi.
Booking khol theih zong ahi hi. Mawtaw akawm nuam
peuh mah in Thawng Lian 016-262 9176 tawh na ki
zop ding kong theisak uh hi.
Email:zrcmly@gmail.com ZRC Fax/Tel: 039-224 7283

También podría gustarte