ZRC AWGING

Lom 3, Hawm (71)

Weekly News
Restoring Hope, Rebuilding Lives

Kum Thak Thupha

Ni leh khate hong beibei
tawh ki ton in theihloh
kal in kum 2014 hong
bei hi. Kum 2014 sung
ah bang teng sem khin
aa bang ciang tung na
hiam? ci in en kik aa,
kum 2015 sung ah bang
cih sep ding leh bang teng sem ding cih gel khol aa sep
ki pan hun ta hi. Theih loh kal in hun hong bei ziau aa
kum thak hong tung zel hi. Ih biak Pasian in kum 2015
ading akoih kholh a thuphate Zomite tung ah hong tung
ta hen!
US Embassy Pan Interview Appointment Ngahte
US Embassy pan interview appointment ngahte in na
ngah nini in cidam kisitna (medical check-up) ding
appointment nget pah ding kisam hi. A ngen theilo ten
zong ZRC zum pan in huhna ki ngen thei hi. Tua cidam
kisitna (medical check-up) pai ding ni na theih khit
ciang na pai maa in ki gin dingte:
1. 4 photo passport size with white background
2. Address in USA
3. US zumpi (Embassy) Appointment lai (letter) with
case number.
4. Zato lai tuamtuam
5. Sum RM 400 pua ding
6. Na card tawi pua ding.
CDK Member Mimal Lut Manh Kum (1) Aii
CDK member lut manh in kum (1) huam sung hi ding
hi. Tu kum aii dingin January 01-December 31, 2015
kikal hiding hi.
1.A nu le a pa CDK member ahih leh a ta/tanu uh kha 1
a cin maa peuhmah in, CDK member iin kiciamteh
ding hi.
2.Kum (kha 1 pan atung siah) RM 15 tawh CDK
member kilut thei hi.
CDK Member Pawlpi-Khua Lut Manh Kum (1) Aii
1.Pawlpi 1 pan kum 1 ai ding in RM 200 tawh CDK
member kilut thei hi. Tua Pawlpi in Pawlpi member
list tawh CDK zum ah ap khop hi ding hi.
2.Khua ki pawlna 1 pan kum 1 ai ding in RM 100 tawh
CDK member kilut thei hi. Tua Khua Kipawlna in
Khua member lists khempeuh tawh CDK zum ah ap
khop hi ding hi.

04/01/2015

CDK Member Dongtuakte

1. CDK member khat ahih nak leh UNHCR card leh kipawlna card tuamtuam te a tawi kei zongin CDK in
dongtuakte kivaan/ki panpih ding hi.
2. CDK in pau le ham, minam, khua leh pawlpi deidan
neilo hi.
3. CDK member khat in deihloh penin sihna a tuah leh
han vai leh zum vai aa ki-pan abei khempeuh hong
vaihawm ding hi.
4. Pawlpi/Khua lists hong ki puakte lak pan in
deihlohpen in sihna a tuah leh a si pa ii Pawlpi-Khua
tung ah CDK pan RM 500-RM 300 tawh sihgalna ki
pia ding hi.
5. CDK lut khit zawh ni 30 khit teh ahing hi pan ding
hi. Ahi zong in tuah siatna (accident) tawh hong nu
siat zenzen leh CDK lut khit zawh ni 30 acin nailoh
hang in han vai leh zum vai aaki pan abei khempeuh
hong vaihawm ding hi.
6. Azenzen in CDK member hi na pin CDK vai
hawmna sang in a mau deihna han azong nuamte
CDK pan in sum tang in RM 3000 ki pia ding hi.
ZRSO Sangte Ah Sang Ki Ap Thei Ta
Nu leh pa ten tate kha lam, pumpi lam leh pilna,
siamna lam hoih kim ding in ki deih ciat hi. Zomi
Refugee Student Organization (ZRSO) sangte ah
sangnau pang te kha lam ahi zong pilna lam ahi zong it
sitlo in avek in ki sinsak hi. Siamna lam tawh kisai in
leitung ah zat loh pha mawh theih loh pha mawh
Computer zong ki sinsak den aa, pumpi lam ding in
zong exercise tuamtuamte pumpi kep dan ding,
siansuah dan dingte aa ki pan ki sinsak hi. ZRSO sang
ah aki ap nuam peuh mah in anuai aa om sangte lakpan
aki nai penpen sang ah ap kholh thei ta cih thu hoih thu
manpha kong pulaak khia uh hi.
1. Siamsin Learning Centre
Amun: Block O, 7-2, Jalan Selingsing 3
Taman Sri Kuching.
Ph: Sya Mung 012-262 9176
Email address: siamsincentre@gmail.com
2. Hope Learning Centre
Amun: No. 8A, Jalan Pandan 3/6A, Padan
Jaya, Cheras 55100, Kuala Lumpur.
Ph: Sya Lianbawi 012-262 9176
03-9201 2508
Email address: hlcpandanjaya@gmail.com

In God We Trust

3. Zomi Computer Centre

Amun: (8-4-17) Gugusan Dedap, Jln Kenyalang
11/1, Sek 11, 47810 Kota Damansara
PJ Selangor.
Ph: Sya Tungpi 014-922 5395/016-653 9947
03-6141 0087
4. Classic Learning Centre
Amun: A-1-12, Jalan Kawantung,
Apartment Surtarma,
Kajang 43000 Kuala Lumpur
Ph: Sya Zam 017-349 9506
Email address: abcelaijah@gmail.com
5. Future Star Learning Centre
Amun: Block D-5-14, Mentari Court, Jln PJS 8/9
Taman Sri Mentari 46150 Petaling Jaya
Selangor.
Ph: Sya Tuanpu 012-697 6194
Gual Nop Bawlna
Khristiante in lungnopna ding a deih bangbang uh nei
hi. Gualnop bawlna ahoih leh ahoihlo zong hong gen
thei ding uh hi. Lungsim abei saklo, kha a su niamlo
ding, thupina leh kiman theihna a susia ding khaw nung
dahna a piangsaklo ding gualnop bawlnate nei thei uh
hi. Jesu tonpih theih uh aa, thu ngetna lungsim a neih
theih nak uh leh lauhuai lo hi.
Pasian in thupha hong piak sakna dinga upna tawh thu
na nget theihna gualnop bawlna khempeuh lauhuai lo
hi. Simtham thu ngetna, thu ngetna tau-a ki-apna leh
thu nget kikhopna ah kihel thei ding a hong piang saklo
gualnop bawlna khempeuh muan omlo in lau huai hi.
Eite in, ih nisim nuntakna tawh leitung ah Pasian a
thangsak den dingte ih hihna, ei nopsak bang beka
leitung ah a nungta ding ih hih lohna a um mite ih hi hi.
Mihingte nop tuamna leh khua sung thupha ahi dingin
hiah a om ih hi hi. A mawkna leh a haihuai bek a zong
mite lungsim paina ah ei zong ih lungsimte tuaksuk
sak le hang, ih mihing pihtea ding in phattuamna hi
thei ding ih hiam? Ih kim ih pama omtea dingin
thupha hi thei mawk ding ih hiam? sep dingte a muan
huai zaw a, a sem dinga hong ki lawmsaklo gualnopna
khat peuh ah paubanglo-in ih kihel thei kei ding hi.
Amau mun ah a maan mah ahihna tampi tak om ahih
hang in, Satan in a helsiatsa nate pen a ki kemlo mi a
ding in awkna ding ahi hi.
Thu dang khempeuh ah zong kidek kidamna a kisap
mah bangin gualnopna ah zong kisam hi. Tua thu
dangte omzia zong limtak a ngaihsut ding kisam hi.
Khangno khempeuh in, Hih gualnopnate in thatang,
lungsim leh cidamna hong koi cih kha tam? Pasian
a mang ngilh zo ding in hong meng gawp kha diam?
Ama thupina ka taan kha thei ding hiam? cihte a kidot
ding ahi hi.
ZRC zum hon hun : (Everyday)9am-6pm

A lungsim uh leh a thatang uh Pasian minthanna dinga

zatnopna tawh, a lungsim uh athak suahsak ding leh,
a pumpi uh a tangzang sak ding a siahuai lo gualnop
bawlnate Khristiante in abawl ding uh hi zaw hi. Ih
gualnop bawlnate pen khiatna neilo a haihuai khawng
hilo ding hi. Ih kikholhpihte phattuamna a pia ding,
Khristiante in ih sep ding nate a ki cian zaw a hong sem
zo zaw sak dingin gualnopnate ki bawl thei hi.
Thatang saanna hun zong a mawkna hilo hi. Pumpi
tung nate a ki tuak beka tha saanna in a nasep ciat
uh zo zaw sak hi. Pumpi na dangte taang lopi-a khuak
in na asep luat ciangin pumpi leh lungsim thahatna
kiam hi. Pumpi nate a cidamna kiamin, lungsim zong a
navakna kiama, kilat vatvat cih bangin om thei hi.
Tha Apiangsak Nek-Le-Dawn
En-un, leitung maitang khempeuh a-om, tang apiang
sak kungnote khempeuh leh a gah sungah tang a om
singkung khempeuh note tungah kong pia khinta hi.
Tuate an-in na nei ding uh hi. (Piancil 1:29)
Ling le kiakte nang ading in hong po khiasak dinga,
nang-in gamlak kungte na ne ding hi. Mehteh, mehgah
in natna dal hi (Piancil 3:18)
Gentehna in nisa lak ah napai ciang, kawl-lukhu na
khuk tawh aki bang ahi hi. Tua mah bang in mehteh
mehgah na nek ciang-in natna lungno hong dalsak hi.
Annek tui dawn nam 4 in ki khen hi.
1. Singgah, 2. Atang nei le ahawng khauh nam
(gentehna: Ong gah), 3. Mehteh mehgah, 4. Mangbuh,
Vaimim, Buh, cihte ahi hi.
Akung pan a ki ngah tha a om sak mehteh mehgahte
pen, Maiteh, Uumteh agui nei tehte genna ahi hi.
Vitamin, Sadat (Protein), Phytochemical leh siik dat
kihel hi. Mehteh, mehgah ih nek ciangin ganhing pan a
i ngah a hoihlo thau omlo ahihman in mehteh, mehgah
tampi nek ding hoih hi.
Singgah tampi nekna-in i sisan hoihsak hi. Atangnei le
ahawng khauh nam i nek na-in sadat (Protein) ngahsak
hi. Mehteh mehgah i nekna in natna lungno dal-in
vaimim, taang leh mangbuh nam nek na-in i tha hatsak
hi.
Sasung ah a om thaute tampi nekna hangin sisan sung
ah ahoihlo athau (cholesterol) khangsak mahmah ahih
man-in i si huite khaktan-in lungtang natna, sikhang
natna, pumzaw natna leh guh le tang natnate piangsak
hi. Sa-em tampi nekna-in cancer natna a pian
baihnading tha pia hi.
Lungdam Kohna
Church Of Jesus biakinn pan in Zomite a it, a vei man
un ZRC Awging ading in RM 50 hong pia khia uh
ahihman in ZRC pan ki lungdam mahmah hi.
Email:zrcmly@gmail.com ZRC Fax/Tel: 039-224 7283