Está en la página 1de 2

ZRC AWGING

Lom 3, Hawm (70)

Weekly News
Restoring Hope, Rebuilding Lives

Ciimnuai Donghuu Kipawlna (CDK)


Siyin Organization of Malaysia (SOM), Zomi Refugee
Committee (ZRC), Tonzaang Lawm (TZL) te in
Malaysia ah dongtuakte huh zawh nading ngiimna tawh
Ciimnuai Donghuu Kipawlna (Ciimnuai Social-welfare
Committee) ci-in kipawlna hong nei uh hi. Lung
kituakin kipawlna 3 te in dong-tuakte huh khop ding
lunggulhna lian pen ahi hi.
CDK Member Mimal Lut Manh Kum (1) Aii
CDK member lut manh in kum (1) huam sung hi ding
hi. Tu kum aii dingin January 01-December 31, 2015
kikal hiding hi.
1.A nu le a pa CDK member ahih leh a ta/tanu uh kha 1
a cin maa peuhmah in, CDK member iin kiciamteh
ding hi.
2.Kum (kha 1 pan atung siah) RM 15 tawh CDK
member kilut thei hi.
CDK Member Pawlpi-Khua Lut Manh Kum (1) Aii
1.Pawlpi 1 pan kum 1 ai ding in RM 200 tawh CDK
member kilut thei hi. Tua Pawlpi in Pawlpi member
list tawh CDK zum ah ap khop hi ding hi.
2.Khua ki pawlna 1 pan kum 1 ai ding in RM 100 tawh
CDK member kilut thei hi. Tua Khua Kipawlna in
Khua member lists khempeuh tawh CDK zum ah ap
khop hi ding hi.
CDK Member Dongtuakte
1. CDK member khat ahih nak leh UNHCR card leh kipawlna card tuamtuam te a tawi kei zongin CDK in
dongtuakte kivaan/ki panpih ding hi.
2. CDK in pau le ham, minam, khua leh pawlpi deidan
neilo hi.
ZRC zum hon hun: Sunday-Saturday (10am-6pm)
3. CDK member khat in deihloh penin sihna a tuah leh
han vai leh zum vai aa ki-pan abei khempeuh hong
vaihawm ding hi.
4. Pawlpi/Khua lists hong ki puakte lak pan in
deihlohpen in sihna a tuah leh a si pa ii Pawlpi-Khua
tung ah CDK pan RM 500-RM 300 tawh sihgalna ki
pia ding hi.
5. CDK lut khit zawh ni 30 khit the ahing hi pan ding
hi. Ahi zong in tuah siatna (accident) tawh hong nu
siat zenzen leh CDK lut khit zawh ni 30 acin nailoh
hang in han vai leh zum vai aaki pan abei khempeuh
hong vaihawm ding hi.

28/12/2014

Bang Hang In CDK Ah Lut Kul Hiam?


I pianna gam nusia-in cikmah hun aa i tun ngeilohna
gam dang mun dang ah i om tak ciangin hamsatna,
cihmawhna leh dongtuahna kituak den ahih manin
mimal kigal gin ding kisam mahmah hi. Mihing i hihna
tawh kizui-in dongtuak khalo cih omlo aa, dong-tuak na
lian i tuah ciangin pau le ham, tat le heek i theihlohna
gam dang ah haksa semsem hi. Tua bang hun ciangin
khat tang in mai nawt zawh ding a thu-baihlo ahihna
hangin khat leh khat kipanpih, kidah-pih, kinoppih aa,
sang gam khat i hihna siksanin i ki-uap liailiai ding
kisam pha mahmah hi. Sihna manna i tuah teh thu
ummi i hih manin gul sih thang sihin silo aa, han mual
ah i kikhak ding i lunggulhna ahi hi. Tua hi aa,
tuahsiatna i tuah ciang i kihuh zawh nadingin mimal
kim in CDK member i lut hamtang nading hanciam
bawl ni. Nang zat ding in pia kenla, azang khate
khualna in pia zaw in. Thupha abawl na hi zawk lam
phawk in.
ZRSO Sangte Ah Sang Ki Ap Thei Ta
Nu leh pa ten tate kha lam, pumpi lam leh pilna,
siamna lam hoih kim ding in ki deih ciat hi. Zomi
Refugee Student Organization (ZRSO) sangte ah
sangnau pang te kha lam ahi zong pilna lam ahi zong it
sitlo in avek in ki sinsak hi. Siamna lam tawh kisai in
leitung ah zat loh pha mawh theih loh pha mawh
Computer zong ki sinsak den aa, pumpi lam ding in
zong exercise tuamtuamte pumpi kep dan ding,
siansuah dan dingte aa ki pan ki sinsak hi. ZRSO sang
ah aki ap nuam peuh mah in anuai aa om sangte lakpan
aki nai penpen sang ah ap kholh thei ta cih thu hoih thu
manpha kong pulaak khia uh hi.
1. Siamsin Learning Centre
Amun: Block O, 7-2, Jalan Selingsing 3
Taman Sri Kuching.
Ph: Sya Mung 012-262 9176
Email address: siamsincentre@gmail.com
2. Hope Learning Centre
Amun: No. 8A, Jalan Pandan 3/6A, Padan
Jaya, Cheras 55100, Kuala Lumpur.
Ph: Sya Lianbawi 012-262 9176
03-9201 2508
Email address: hlcpandanjaya@gmail.com
3. Zomi Computer Centre
Amun: (8-4-17) Gugusan Dedap, Jln Kenyalang
11/1, Sek 11, 47810 Kota Damansara
PJ Selangor.

In God We Trust

Ph: Sya Tungpi 014-922 5395/016-653 9947


03-6141 0087
4. Classic Learning Centre
Amun: A-1-12, Jalan Kawantung,
Apartment Surtarma,
Kajang 43000 Kuala Lumpur
Ph: Sya Zam 017-349 9506
Email address: abcelaijah@gmail.com
5. Future Star Learning Centre
Amun: Block D-5-14, Mentari Court, Jln PJS 8/9
Taman Sri Mentari 46150 Petaling Jaya
Selangor.
Ph: Sya Tuanpu 012-697 6194
ZCF Biakinn Thak Honna
Klang Bukit Tinggi ah Zomi Christian Fellowship
(ZCF) Biakinn thak honna January 4, 2015 (Sunday) ni
in ki nei ding hi.
Amun: No. 3, Jorong Butu Nilam 10, Ahandan
Bukit Tinggi 41200 Klang.
Contact Person: Church Pastor
Rev. Tuang Sian Mung
017-285 6544
Tune Insurance Alei Akua Mapeuh Tung Zaksakna
UNHCR pan hong han thotna tawh kizui in Tune
Insurance alei akua mapeuh in theih ding ki sam
mahmah om hi.
i) Azenzen in deih loh pen in zato na lup zenzen leh
011-330 19019 (or) 011-330 19020 tung ah zaksak
pah ding ki sam hamtang hi. Na zaksak ciang un
zong UNHCR card tung ah aki gelh na min leh na
UNHCR numbat hoihtak aki ciantak in piak theih
ding ki sam mahmah hi.
ii) Azenzen in buai na tuamtuam hang in zaksak khalo
in zato pan tuak aa na ciah leh zong sum piakna lai
(hospital bill), zato pan tuah theihna lai, leh zato ah
sum pia khin na hih leh zong zato pan receipt
(pyesa) zato pan laak hamtang ding kong zasak uh
hi.
iii) Tua khit ciang in sum nget kikna ding in UNHCR
card copy tawh kop in Fax: 03-6206 1190, Email:
peter@praassist.com.my tung ah khak ding ahi.
Azenzen in hamsatna na neih leh ZRC member te
ading in ZRC zum pan zong ki khak sak theih hi.
Nupi Naupaaite Theih Huai Thu
Tulai takin Nau paai nupi akua mapeuh nau suak ding
na hih leh UNHCR card atawilo peuhmah in a) GHKL
(chowkit) zatopi, b) Serdang zatopi leh c) Ampang
zatopi ah nau ki suak thei nawnlo hi.
KL khua sung ah aki ngahlai zato ahih leh Klang zatopi
bek omlai hi.
HUKM zatopi ah nau suak nuamten nau nu gil sung ah
kha 3 a phaak aa ki pan, gen kholh kul hi. Tua hi leh
ZRC zum hon hun : (Sunday-Saturday)9am-6pm

bek HUKM zatopi ah nau ki suak sak thei pan ding hi.
ZRC Zum Ni 2 Kikhak Ding
Vai tuamtuam hang in ZRC zum December 31, 2014January 1, 2015 ni nih sung ki khak ding hi. Ahi zong
in January 2, 2015 aa ki pan ki hong suak kik ding hi.
Tate Hilhna Ah Nute Pate Tavuan
A neihsa Khempeuh uh Pasiana hi-a, hi kei aci thei
ding bangmah omlo ahihlam na tate uh hilh un; thu
mang maw manglo cih sittelna dinga tuate akipia ahihi.
Sum pen a phamawh khat a hihi; akisamlo pi-in
thangzat sak kei un. Na huh ding a kisam mi om ding
hi. A thangzat thei mi na hih leh kikhel mengmeng in.
Na ki khel kei leh tawntung supna na na ngah ding hi.
(Child Guidance, laimai 134)
Tulai khangnote in ciil siam ding ngaihsunlo in, ciilna
pen hazatna leh khaw muh lohna bangin seh uh hi. Ahi
zongin ciil siamna pen khaw muhna leh citna hi zaw hi.
Ciil siamna a kizat lohna mun ah citna taktak om theilo
hi. Ciil siamna leh a them a nengte kep siam ding kisin
ding pen za neuna bang in kuamah in ngaihsun kei hen!
(Counsels to Parents, Teachers and Students, laimai
400.)
Lungsim sung thubuaite phelh bek ding hilhlo in, sum
ngahna leh zatna sazian kician tak aa abawl ding uh
khangnote leh naupangte khempeuh hilh un. Zatna tawh
sum a maan aa zat dan theisak un. Nute pate in na piak
uh ahi aa, amau a thalawh uh sum tawh ahi zongin,
amau deih puante, laibute leh akisapna dangte uh amau
mah in teel aa, alei theihna dingun hilh un. A sum
zatnate uh ciamteh le-uh sum zat dan leh sum
manphatna hong thei ding hi. Tualo in theitheilo ding
uh hi. (Counsels on Stewardship, laimai 294)
Ih tate huhna ih piakna ah ahoihlo khat om hi. College a
kah zawhna ding vua na asemte in, mi dang khat huhna
tawh a kahte sangin amau kiman theihna hong kiphawk
zaw uh hi. Van gikpi a suah dong uh ih tate ih
puakpuak ding hilo hi.
Nasep a thupina thei nailopi, thuhilhsia khawng,
siavuan (doctor) khawng a suahna dinga pilna sinna
ding thatang hatna a nei khangno khatpeuh sum a pia
ziahziah nute pate in a tavuan (mawh puak) uh a zang
khial ahi hi.
Zi leh nu-i a noptatna leh a zeek siam lohna hang in
sum bei hanhan hi. Amah leh a tate deihnate cikmahin
kikham ngei lo-a, inn sung vaite ah siamsin ngeilo
ahihman in, nu in a siam theih tawp aa asem mah kisa
lai ding hi. Tua bang in innkuan khat in amau zahmah a
pha innkuan-te zatzah nih bang kisam thei mai hi.

Email:zrcmly@gmail.com ZRC Fax/Tel: 039-224 7283