AKASO NO TIN SUFISIENTE PRUEBA PA ONTSLAG MANAGEMENT DI BOO

INCLUSO Mr. BARBOLINA?

Ata algun di e records nan di Management Team incluso sr. Barbolina ku ta funshonando
aktualmente komo plant manager di CRU.
- Sera contract sumamente lukrativo ku Seven Seas firmando na nomber di
Management Team y komo representante di CUC sin authorisashon ta basha firma
komo e uniko representante di CUC y Management Team.
- Duna kompanian trabounan sin un destaho manera ta exigi.
- Favorese commisario Deira door di laga su kompania traha den CUC komo
kontratista siendo e mes ta commisario. Conflict of interest.
Esaki ta djis un par di e malversashon ku Management Team a hasi pero te ku awe no tin
accountability. E 3 personan aki ku ta Jeff Paris, Abigail Isabella y Henny Barbolina ta den
dienst te ahinda ganando miles di plaka sin ku niun hende a tribi di pone nan responsabel pa nan
echonan. 2 di e miembronan aki ta di schors mask u 1 anja kaba na kas ganando nan salaris tur
luna sin ku niun director responsabel a tribi di pone nan responsabel pa nan akto.
Awe nos tin diferente naschoolse opvang kual muchanan mester a bai kas paso no tin plaka pa
sigi finansia e projecto aki di naschoolse opvang. Awe nos tin hobenan ku tin ku paga extra 1000
of 2000 florin pa studia na UNA paso no tin plaka pa subsidia UNA. Awe nos tin grandinan ku
tin ku paga extra pa seguro Basico for di e miserable penshun di behes ku nan ta hanjando.
Kaminda tin deroche di plaka, mal maneho na kompanianan di gobierno entre otro na un
kompania ku ta dochtermaatschappij di Refineria di Korsou. Esta un berguensa, unda Good
Corporate Governance a keda? Ki dia ta jama director di e kompanianan aki bin duna kwenta y
rason di tur e personan aki ku a malversa plaka di komunidat y ta ganando nan salaris ketu bai na
kas sin niun klase di responsabilidat? Foei Gobierno di Korsou , foei nos 21 parlamentunan.