Indicacións xerais

para a presentación
de documentos
administrativos
servizo _de_normalización_lingüística
Concello de Cerceda
 1. O corpo e o tipo de letra
Na actualidade, os procesadores de texto con que realizamos un
documento de calquera estilo, ofrécennos a posibilidade de
empregar diversos e moi variados tipos de letra e moitas variantes
para estes, como o tamaño, sangría, espazamento entre letras e
entre liñas.

Con todo e como principio xeral cómpre que nos documentos

administrativos do Concello de Cerceda, sobre todo, empreguemos
o mesmo corpo e o mesmo tipo de letra co obxectivo de ofrecermos
unha imaxe homoxénea e uniforme á cidadanía.

Por tanto, empregaremos principalmente un corpo de letra 12 do tipo

Arial sempre que non se faga unha indicación contraria. Isto
obedece, sobre todo, a que unha mesma persoa non pode recibir un
texto de dúas áreas diferentes do Concello de Cerceda cun tamaño
e unha tipografía diferente pois dá mostra de falta de unidade.

2. A folla
Empregaremos follas en todos os nosos escritos de tamaño DIN-A4
escritas por unha única cara. Segundo o tipo de escrito,
empregaremos as follas coa cabeceira e o pé de páxina institucional
ou follas en branco. No primeiro caso tratarase de documentos
oficiais dirixidos á cidadanía, empresas ou outras administracións en
comunicacións oficiais.

As follas en branco, pola súa banda, empregaranse para informes ou

memorias e outro tipo de traballos semellantes cuxa extensión
excede varias páxinas. Con todo, deberá ficar constancia da
Administración que realiza o escrito.

Para os escritos de ámbito municipal que se colguen no web do

Concello, existe un modelo para cada área co seu logotipo que será
o que se empregará preferentemente.

3
Indicacións xerais sobre a presentación de documentos administrativos
Por último, nos documentos dunha extensión ampla, cómpre
numerar as follas. A numeración das páxinas situarase na marxe
inferior dereita e indicarase en cada unha o número total de páxinas
do documento (Páxina x de x)

3. As marxes
Para as marxes esquerda e dereita pode empregarse tanto 3 cm
como 2,5 cm, aínda que será preferente esta última.
Pola súa banda, a marxe superior dependerá de se estamos a
empregar unha folla en branco ou se esta leva o selo do Concello.
Neste último caso, a marxe superior será de 5 cm.

Ademais, as marxes superior e inferior tamén dependerán do uso da

folla. Así, se empregamos a totalidade do folio sen o selo do
Concello, estas marxes serán de 5 cm. Pola contra, de a non
empregarmos, cómpre axustar o contido do documento para que
fique a mesma marxe tanto na parte superior como na inferior para
conseguirmos unha visión centrada do documento.

4. Os parágrafos
Os parágrafos son cada unha das partes dos textos que adoitan ter,
e así debe ser, unha unidade temática ou significativa. Dos
diferentes parágrafos existentes empregaremos, tanto nos escritos
administrativos como de calquera tipo, o denominado parágrafo
moderno. Este parágrafo non ten ningún tipo de sangría e, por tanto,
todas as liñas teñen a mesma largura e se aliñan á esquerda e á
dereita, o que no procesador de textos se denomina "Xustificado".
Para marcar o cambio de parágrafo empregaremos unha liña en
branco.

5. Separación entre liñas

Como norma xeral, a separación entre as liñas será dun espazo ou

4
Indicacións xerais sobre a presentación de documentos administrativos
 espazamento sinxelo.

6. Divisións dun texto: títulos, subtítulos, seccións,

subseccións e apartados
En documentos longos, cómpre separar os diferentes apartados de
que se compón e reflectir a xerarquización entre eles. Para iso
debemos empregar os diferentes recursos tipográficos dispoñibles
(tamaño das letras, maiúsculas, negra e itálica) así como a
numeración correlativa e coherente para facilitar tanto a ordenación
como a consulta axeitada.

Existen diferentes formas de caracterizar tipograficamente as

diferentes seccións que compoñen un texto. Entre elas propomos a
organización do xeito seguinte:

TITULO DUN DOCUMENTO (16, maiúscula)

1. TITULO DE APARTADO (12, negra, maiúscula)
1.1. Título de subapartado (12, negra)
1.1.1. Titulo de apartado (12, cursiva)
a) Título de apartado (12, redonda)

5
Indicacións xerais sobre a presentación de documentos administrativos