A TIH THEIH TAWK A TI A NI

A tih theih tawk a ti a ni, ka taksa hi phum turin a lo hnawih lawk a nih hi
(Mk. 14:8)

Vawi khat chu John Hopkins University-s doctor thiam tak Dr. Howard
Kelley-a hi a ram chhuak a. A tum aia kea a kal thui avangin a chau hle a, a
tui a hal hle bawk a. Farm pakhat hi a va pan chawt a, hmeichhe naupang
pakhat hian a lo chhawn a. Doctor chuan tui in tur a dil a, hmeichhe
naupang chuan tui in tur a lo neih loh avangin bawnghnute chu a intir teuh
mai a, doctor chungah chuan a tih theih tawk a ti a ni.

Nakinah chuan chu hmeichhe naupang chu a dam lo va, damdawi in lam an
pan ta a. A zaitu chuan tha takin a lo zai a, zaina man chu a tam tham em
avangin hmeichhe naupang chhungte chuan pek tur an neih loh thu an va
thlen a. Doctor chuan a lo en vang vang a, hmana bawngnute intirtu kha a
ni tih a hriatin, He hmeichhe naupang hian hmanni khan ka chungah a tih
theih tawk a lo ti tawh a, tunah hian kei pawhin a chungah ka tih theih tawk
ka tih ve a hun a ni, tiin a an bill lehkhaah chuan Bawnghnute no hnihin
heng bill zawng zawng hi a rul zo vek tawh e, tiin a ziak ta a.

Pathianin mihringte hi tihtur neiin min siam a, kan tih theih a inchen vek lo
va, kan thiam zawng lah a thuhmun hek lo. Mi thenkhat chu mi thiam
filawr tak an ni a, mi thenkhatte chu mi mawl, thiam bik nei lo kan ni bawk
a. Amaherawhchu mi tinte hian kan tih theih tawk kan tih hi kan bat a ni a,
chu chu Pathianin min phut pawh a ni bawk. Mi thiam, tih theih tawk ti duh
lo aiin mi mawl, tih theih tawk titu chuan Pathian siam chhan a hlen chhuak
zawk ang. Tunlai khawvelah hian mi thiam tak si, chhawr tlak hauh loh a
awm theih a, lal tak si, zah phu hauh lo a awm theih a, mi fing tak si, rawn
tlak hauh loh a awm theih bawk. Chutiang mite chuan an tih theih tawk an
ti lo va, an nun an thlahdah a, an nihna chu zahawm hle mah se, anmahni
kha an zahawm thei lo a ni.

Lal Isua bulah hmeichhe sual tak pakhat a lo kal a. Chu hmeichhia chuan
Alabasta bawmin spikenard hriak to tak mai chu a rawn hum lut a, engtin
nge a tih dawn le? Hmeichhia chuan a hriak rim tui chu Lal Isua pe ta mai
lo chuan Isua bulah a sawh keh ta vek mai a. Zirtirte chuan an ui hle mai a,
a ngaihna an hre lo a ni. Nimahsela Lal Isuan an hnenah He hmeichhia
hian ka chungah a tih theih tawk a ti a ni. Chanchin Tha an hrilhna
apiangah he hmeichhe thiltih hi an la sawi zel dawn a ni, a ti ta daih mai a
ni (Courtesy: Tui Nung Lui by Rev. Vanlalzuata, pp. 25-26)







INKHAWM PROGRAMME







JUNE THLA
Meeting Chairman:
Rev. K.M. Vanlalpeka
Vawiin Inkhawm 3:00pm
KTP Hruai
Hruaitu: Tv. J.C.Rochangliana
Tantu : Nl. R. K. Lalrinsangi
Thusawitu: Tv. K.Remruatfela
Special Items:.Nl.Saithanpuii
Zote , Quartet, KLE Mizo Zirlaite
June 29, 2014 (Pathianni)
Sunday School
Hruaitu: Superintendent
Tantu: Tv. Lalhruaizela
Zirlai khaikhawmtu: Rev. K.
Ramdinthara
_______________________






June Thla
Thupui:
Isua Zui

Volume IV Issue No. 25 OLIVE 22nd June, 2014 1
Inkhawmna Hmun:
JRC Hall
United Theological College
Millers Road, Benson Town.

Inkhawm Hun:
Pathianni tlai dar 3:00pm
















THAWHRIM HI CHAWLHNA
NUAM A NI

Thawhrimna kalsana hahdam tak leh
nuamsa taka awm der der hi kan
thlahlel tlang hle tih hi kan hla sak thin
tam takah hian chiang takin a lang a.
Kan pi leh puten pialral thlen an
chakna chhan pawh engmah thawh
ngai lova faisa ringa awm der der kha a
ni a. Rim taka thawk thin tan chuan
chawlh hi a thlakhlelhawm viau thin
reng a ni. Amaherawhchu, thawkrim lo
tan chuan chawlh hian hlutna tak tak a
nei hran lo.

Thawhrim hi hremna leh anchhia anga
ngaihna a awm thin. Mahse kan
Pathian pawh hi siamtu, eng lai pawha
thawk reng a ni a. Chu mi ringtute tan
chuan thawhrimna pumpelh zawnga
chawlhna nuam chan tum hi thil intuha
lo tak a ni. Thawhrimna chhungah ngei
hian hlimna leh lawmna inphum ru hai
chhuah tur a awm a. Chutianga
thawkrimte tan chuan chawlhna hi a
hlu bik thin. Chawl leh hahdam taka
awm sa reng tan chuan han hahdam
leh chuan dan tur a awm lo thuai thin
a. Mi tam tak chu chawlh hahdam leh
nawmsak an tum luatah hrehawmna
khurhah an lut hial thin. Thawhrim hi
chawlhna nuam a ni tih hriat chian hi a
va pawimawh em!







Buhfaitham Documentary Film tlangzarh
June 13, 2014 khan Mizoram Presbyterian Kohhran Hmeichhe
Buhfaitham Documentary Film chu Rev. Lalramliana Pachuau,
Executive Secretary-in a tlangzarh. Tlangzarh inkhawm hi JM Lloyd
Hall, Synod Office -ah neih a ni a. He Documentary-ah hian
Buhfaitham lo chhuah dan atanga tun dinhmun thleng tihlan a ni.
Buhfaitham hi kum 1910-ah tham tan a ni a, kum 2010 khan Electric
Veng Kohhranah Rorel Inkhawm rualin Buhfaitham Centenary
lawmna hun hman tawh a ni (Synfocity).

Rajya Sabha member atan Ronald Sap Tlau a
tling
Mizoram-in Rajya Sabha-a seat khat a neih luah turin rorel lai,
Congress candidate, Pu Ronald Sapa Tlau thlan tlin a ni. Parliament
in chungnung zawka Mizoram seat luah tur thlang tur hian Ningani
khan MLA-ten vote an thlak a, vote tlate hi tlai dar 5 khan
Returning Officer, Pu Ngurthanzuala hova chhiar a ni a, Pu Ronald
Sapa Tlau hian vote 40-ah 34 a hmu a, MNF party candidate, Pu L.
Ramkinlovan vote 6 a hmu a ni. (Zonet)

Aizawl Civil Hospital ram sahthlak tawh
Damdawi-in tana pek lt remtih a ni
Aizawl Civil Hospital rama Dawrpui Multipurpose Centre sak tum
leh a kaihhnawih thilte chu June 18 khan Health minister Lal
Thanzara khaihhruaiin Aijal Club-ah sawiho a ni a; Aizawl Civil
Hospital ram, Dawrpui Multipurpose Centre atana lo sahthlak tawh
chu damdawi-in tan eng emaw zat sahthlak lt leh remtih a ni.
Sawihonaah hian bialtu MLA leh Finance minister Lalsawta,
UD&PA Minister Zodintluanga, Health Secretary RL Rinawma,
Health Principal Director Dr K Ropari, Mizoram University leh
Pachhunga University College-a professor te, Dawrpui Multipurpose
Centre Committee, Central YMA, MHIP, MJA, MZP, MSU, PRISM
leh tlawmngai pawl dang aiawhte an tel (Vanglaini).

Asia-a zirna hmun thaah India aangin 10 an
lang
Times Higher Education Asia University 2014 chuan Asia rama zirna
hmun ha ber ber a thlang chhuak a, chung zingah chuan India ram
aangin zirna hmun 10 lai a lang thei. India rama university zingah
Panjab University chu a sang ber a, 32-naah a lang. India ram aanga
zirna hmun lang zinga paruk chu IIT a ni a, a dangte chu Jadavpur
University, Aligarh Muslim University leh Jawaharlal Nehru
University (JNU) te an ni (Vanglaini).



Volume IV Issue No. 25 OLIVE 22nd June, 2014 2
Editor:
Rev. Lalawmpuia Hauhnar
Phone: 81059 60852
Joint Editors:
R. Lalremruata
Lalruatdika
Deborah Lalrempuii
HMS Dawngliana
Circulation Managers:
Lalchhandama
Thangkhuma
Email: olivenewsletter@gmail.com
Chhiar leh download duh tan:
www.scribd.com/Olivenewsletter/documents
Olive Variety








KOHHRAN CHHUNGKUA

Moderator a haw
Pathianni hmasa hmanga kan Kohhran rawn tlawhtu
Mizoram Synod Moderator Rev. K. Lahmuchhuaka
leh amah rawn zuitute chuan Delhi Mission Field an
tlawh leh hnuaah Zirtawpni khan dam takin Aizawl
an thleng chho leh ta.

Tv. Henry-a Nu Boral
Tv. Henry Vanlalchhuanga, KLE-a zirlai chu a nu Pi
Lalthlengliani kum-46, Aizawl Chanmari chuan
Zirtawpni chawhma dar 10 vel khan a boralsan a.
Henry hi a nu ruang nang hman turin Zirtawpni vek
tlai lamah khan Zoram lam panin a haw nghal.
Khawhar chhungkuate i tawngtaipui ang u.




































KOHHRAN COMMITTEE THUREL
THENKHAT
1. Sound system tihchangtlun nan hengte hi lei tura
rel a ni: Mixer : Rs. 36000 man; Stabilizer: Rs. 4000
man; Multi plug: Rs. 2000 man; Accessories: Rs.
5000 man; Tie microphone: Rs. 25000 man. A lo lei
turin Bialtu Pastor leh Rev. Zosanglura Pakhuangte
te ruat an ni.
2. Rawngbawltu inenthatna neih a ni a. Heng mite hi
ruat thar an ni:
(a) Kohhran Hmeichhe Committee member atan
Pi Miriam Zarzokimi, Pi Lalremruati Chawngthu leh
Pi Lalrochhari.
(b) KTP Committee member atan Tv. V.
Lalramdina, Nl. Angela Lalramzauvi leh Nl. K.
Zohmingmawii. Kohhran aiawha KTP Committee-a
awm turin Rev. V.L. Krosschhuanmawia.
(c) Sunday School Superintendent i/c Naupang
Sunday School turin Dr. Hrangthanchhungi aiah
Rev. Andrew H. Laltlanliana.
(d) Olive chanchinbu Editor turin Rev. Lalawmpuia
Hauhnar aiah Rev. V.L. Krosschhuanmawia. Cir.
Manager turin Tv. Lalhruaizela chu ruat belh a ni
bawk.
(e) Sound system enkawltur turin Tv. L.R.
Lalrinawmia Hnamte ruat belh a ni.
(f) Kohhran account auditor atan a awmsate bakah
Bialtu Pastor ruat belh a ni.
(g) Kohhran facebook group admin turin a awmsate
bakah Rev. Zosanglura Pakhuangte leh Rev. K.M.
Vanlalpeka te ruat belh an ni.
(h) Biak In enkawltu atan heng mite hi ruat an ni:
Tv. J.C. Rochangliana; Tv. C. Lalrindika; Tv.
Jerome H. Lalrinfela; Tv. L.R. Lalrinmawi Hnamte
3. Kan Kohhran chhunga sum account kan vawnna
heng Kohhran account, Kohhran Hmeichhe account
leh KTP account te hi July thla chawlhkar vawi
khatnaah audit fel vek tura rel a ni a. Sum vawngtute
pawh lo inring ila a tha awm e. Report chu July thla
Kohhran Committee ah pek tur a ni.









Volume IV Issue No. 25 OLIVE 22
nd
June, 2014 3
NITIN LALPA NEN
(Bible chang tarlan hi nitina i chhiar zel chuan kum khat
chhungin Bible i chhiar chhuak ngei dawn a ni.)
22 June (Pathianni)
2 Kings 3:1-4:17; Acts 14:8-28
Psalm 140:1-13; Proverbs 17:22
23 June (Thawhtanni)
2 Kings 4:18-5:27; Acts 15:1-35
Psalm 141:1-10; Proverbs 17:23
24 June (Thawhlehni)
Kings 6:1-7:20; Acts 15:36-16:15
Psalm 142:1-7; Proverbs 17:24-25
25 June (Nilaini)
2 Kings 8:1-9:13; Acts 16:16-40
Psalm 143:1-12; Proverbs 17:26
26 June (Ningani)
2 Kings 9:14-10:31; Acts 17:1-34;
Psalm 144:1-15; Proverbs 17:27-28
27 (Zirtawpni)
Kings 10:32-12:21; Acts 18:1-22
Psalm 145:1-21; Proverbs 18:1
28 (Inrinni)
2 Kings 13:1-14:29; Acts 18:23-19:12
Psalm 146:1-10; Proverbs 18:2-3
29 (Pathianni)
2 Kings 15:1-16:20; Acts 19:13-41
Psalm 147:1-20; Proverbs 18:4-5

K..P Thil Tumte:
Isua Krista leh Amah anna kawnga halaite hruai.
Kohhran kutke ni tura halaite buatsaih.
Kohhran hnathawh tihpuitlin.
Krista chanchinha puan darh.
Olive Huan Vengtu










Mite chuan, Huan vengtu, i huanah hian olive hi i
thar tha thin hle a. Kum khata i sum lak luh ringawt
pawh hi tam tham tak a ni ang tih a hriat mai a.
Mahse i inthuam dan leh i khawsak danah hian sum
tam tak la lut thin i ni tih hi a lang hauh si lo va. I
sumte hi eng atan nge maw i hman thin le? an ti a.
Olive Huan vengtu chuan, Sum te chu a tam leh
hmanna a tam a ni mai alawm. In han sawi takah
chuan mahni tan ngawta sum la lut ni ila chu ka
hausa ve viau tawh awm tak e. Mahse sum tam tak
mahni tana khawla nuamsa taka awm hi thil
thlakhlelhawm berah ka lo ngai hlei nem, a lo ti a.
Mite chuan, Chu aia thlakhlelhawm chu a awm thei
dawn em ni? mak tih hmel tak hian an ti a. Olive
Huan vengtu chuan, Awm tehreng e! Vana awm
kan Pathian hi a neih hlu ber pawh min pe phaltu a ni
a. Van chu hmun nuam leh hlimawm ber kan ti a.
Neih apiang pek chhuah ve zel hi van ram zia a ni tih
a chiang viau a ni lom ni? Chuvang chuan a pe tam
apiang an hlim a, a sem hnem apiang an lawm a.
Mamawh tawk bak kawm puia ui bet thinte hian an
hlimna leh an lawmna tur pawh an ui bet tlat thin a
lo ni. Thilpek hmangin Pathian hnena mi hlimna leh
lawmna hi han tawng baw ve ngat ula chu in pe lo
phal tawh tawp lo vang. Ka neih apiang ka pek zel
hian keimahah hlimna leh lawmna a lo pung zel a
ni, tiin a chhang a.
_____________________________________________

Olivet Smile
Football Fan Ruh
A thutna bulah seat awl pakhat a awm a
Mi pakhat: Hei hi tu seat nge?
Football fan: Ka nupui seat a nih hi.
Mi pakhat: A thu si lo va. A lo kal dawn em ni?
Football fan: Kal dawn lo. A thi tawh.
Mi pakhat: Chuti chu i thiante tal thuttir la.
Football fan: Ka thiante zawng zawng tunah hian
ka nupui vuinaah an awm mek!!
----------------------------------------------------------------
Mi thilphal chu malsawmin a awm ang, A chhang
mi rethei a pek thin avangin
(Thuf. 22:9)










2014 FIFA WORLD CUP FIXTURE

22nd June - 03:30 AM Nigeria vs Bosnia Herzegovina
22nd June - 12:30 AM Germany vs Ghana
23rd June - 03:30 AM United States vs Portugal
22nd June - 09:30 PM Belgium vs Russia
23rd June - 12:30 AM South Korea vs Algeria
24th June- 01:30 AM Cameroon vs Brazil
24th June - 01:30 AM Croatia vs Mexico
23rd June - 09:30 PM Australia vs Spain
23rd June - 09:30 PM Netherlands vs Chile
25th June - 12:30 AM Japan vs Colombia
25th June - 01:30 AM Greece vs Ivory Coast
24th June - 09:30 PM Italy vs Uruguay
24th June - 09:30 PM Costa Rica vs England
26th June - 12:30 AM Honduras vs Switzerland
26th June - 01:30 AM Ecuador vs France
25th June - 09:30 PM Nigeria vs Argentina
25th June- 09:30 PM Bosnia Herzegovina vs Iran
26th June - 09:30 PM United States vs Germany
26th June - 09:30 PM Portugal vs Ghana
27th June - 01:30 AM South Korea vs Belgium
27th June - 01:30 AM Algeria vs Russia
16 Teams: 2nd Round (knockout stage) World Cup
2014 Schedule in IST
28th June - 09:30 PM Group A1 vs Group B2
29th June - 01:30 AM Group C1 vs Group D2
29th June - 09:30 PM Group B1 vs Group A2



Volume IV Issue No. 25 OLIVE 22nd June, 2014 4
Olive Newsletter 22nd June, 2014
I Ngaihtuah Ngai Em?
Mitin hian ngaihtuah dan hrang leh duh dan
hrang kan nei theuh a. Kan tui zawng leh kan
ngaihpawimawh zawng pawh a inang hek lo.
Midangte ngaihtuah lek lova mahni duh leh tui
zawng ringawt phul leh phur pui hlut reng hi mi
dangte tan thil ninawm tak a ni thei a. Chutih
rualin mi dangte ngaihchan thiamna erawh chuan
nunho a tinuam thin tih hi i ngaihtuah ngai em?