Since 18th Nov 2007

www.hyderabadmizo.org

An official weekly newspaper fot the Hyderabad Mizo Association Vol. 14 Issue- 7 Dt. 9th Sept 2012 (p- 1)

HMA Sport Special

HMA Sports atan a hriat tur pawimawh awm te: 1.Sports thawh hnihna HCU ground h tun inrinni(15th Sept) ah neih tur ani a,tunlai security a tight avangin visitors ID Card a hmunah siam chawp a ngai dawn a,hei hian hun a duh rei deuh dawn avangin member tin te zing dar 9 ah chuan HCU Main Gate ah kim theuh tum tur ani. Tlai lamah HCU University Football team in dar 4:30 atangin field an hman dawn avangin Sports hi hma taka tan a ngai dawn a,member tin te tumah tlai lova kim hun tur kan tarlan ah hian kim hman theuh kan tum dawn nia. 2. HMA in sum tuak nan sports na ah hian ei tur tui tak tak an siam leh dawn a,member tin ten kan dawr leh theuh dawn nia. 3. Referee te tan awlsam zawk a thutlukna an siam zung zung theih nan house tin ten team jersey neih theuh kan tum tawh dawn nia. 4. House tin in football pakhat theuh ken tur ani. 5. Field chhungah hian ruihtheih thil ken luh leh tih khap tlat ani a,zuk lem hmuam lamah pawh in sum hram hram kan tum dawn nia. 6. Hriattur pawimawh dang chu facebook- Hyderabad Mizo group lamah tihchhiah a ni ang. Kan group hi join vek tum ang u. HMA Sports 2012 tan ani ta!!! Hyderabad Mizo Association Sports 2012 thawhkhatna chu nimin(8th Sept) khan YMCA Narayanguda ah tluang taka zawh fel ani a,sports hi kan HMA Vice President Pu Vannuntluangan ropui taka min hawnsak hnu in tluang taka zawh fel ani a,tun kar inrinni(15th Sept) hian HCU Ground ah Sports thawhhnihna hi neih chhunzawm leh tur ani. YMCA,Narayanguda lama sports neih zawh takah hian member te kan kal tha in a hun takah sports kan zo fel thei a,inrinni lama sports kan neih leh turah pawh a hun taka kim leh theuh kan tum leh dawn nia. Sports thawh khatna neih zawh takah khan Volleyball(men,women),Basketball(men,women),indawlchuh(men,women) ah te in tihsiakna neih ani a,group hrang hrang pali a inthen ani bawk ani. Sports na ah hian intihsiakna tan hma leh ban hma in member in chhiar na neih ani a,heng te hi area tin a member kan kal dan ani. Zing lam inchhiarna: White House(JNTU,JNAFAU)=36 Blue House(Secbad,Alwal)=34 Black House(HCU,Gachibowli)=29 Yellow House(City,Sainik)=8 Tlai lam inchhiarna: White House(JNTU,JNAFAU)=46 Blue House(Secbad,Alwal)=31 Black House(HCU,Gachibowli)=35 Yellow House(City,Sainik)=13 Sports na ah hian a tawp thleng in member 125 lai kan awm thei a,kan thawh ho na a tha in mit ti khamlo sports na a nungchang mawilo te tumah kana wm lova,a lawmawm in sports leh zel na turah pawh tan kan la zel dawn nia. Results: Basketball: Men: 1)White House 2)Black House 3)Blue House 4)Yellow House Women: 1)Black House 2)White House 3)Blue House 4)Yellow House Volleyball: Men: 1)White House 2)Yellow House 3)Blue House 4)Black House Women: 1)Black House 2)Blue House 3)White House 4)Yellow House Indawlchuh: Men: 1)Yellow House 2)White House Women: 1)Black House 2)Blue House

Published and Edited for and on the behalf of Hyderabad Mizo Association by JNTU Hyderabad Mizo

An official weekly newspaper for the Hyderabad Mizo Association Vol.14 Issue-7 Dt. 9 t h Sept,2012(p-2) EDITORIAL BOARD Editor:Nehemia Lalramdina
Jt Editor:Anthony Zothansanga

KAN CHHUNGKUA ## Nl. Ramengmawii,(Masab tank) pawh nimin khan tlaung takin Hyderabad a rawn thleng. ## JNTU kukatpally lamah pawh naktuk hian fresher te an rawn thleng ve bawk ang. ## HMCF Retreat tur atan khan member te I inpuahchah ang u. ## JNTU lamah Tv. Lalramzaua leh Tv. Hlimpuia te zirtawp zan khan an lo thleng.

ATTACKING FOOTBALL LEH CHRISTIAN NUN Football kan en nasa a, kan tuipui a. A zir pawh kan zir chiang tur niin ka hria. Football -a chak tur chuan goal thun tam zawk nih a ngai a. Eng team pawhin defending an khelh chuan an lamah goal a lut leh nge nge thin. England manager lo ni tawh Kevin Keegan-a thusawi ka la hriat reng chu,"Defending dan tha ber chu attacking game khelh a ni. Goal kan thun tam zawk chuan kan lamah rawn lut ve bawk mahse hnehna kan chang tho thovang," tih kha a ni a. A dik khawp mai. Nawr nasat tur tih vanga goal keeper leh defender te dah miah loh tur tihna erawh a ni chuang lo. Kristian nunah pawh he thu hi a dik khawp mai. Thlemna leh sual rawn kal tur nghaka inveng reng renga hun kan hman chuan engtikah emaw chuan kan tlu leh nge nge thin. Chuti nilova, indai chin apiang in ram.. a tih anga Pathian hnaihna kawngah leh a rawngbawlna kawnga ke kan pen nasat chuan hnehna kan chang chho ngei ngei. Kan lamah goal/thlemna rawn lut ve thin bawk mahse goal kan thun hnem zawk na na na chuan hnehna chu kan chanpual a ni zel dawn. A dai thuk apiang thlarau malsawmnaa vur an ni a, Pathian tana inpe nasa apiangin thlemna leh harsatnate an dawlzo thin. Hetia attacking game khelh tur kan tih lai hian a chunga kan sawi tawh angin defending lam ngaihthah tur tihna a ni chuang hauh lo mai. Nehemia hova kulh siam that hna an thawh lai khan.. An khaw bul hnai amite khan an lo tibuai thin a nih kha. Hnathawktute khan hnathawhna hmanrua an kut dinglamin an keng a, an kut vei lamin ralthuam an keng bawk a. Chu chu Kristiante nunah a pawimawh khawp mai. Kan dai kuak duai duai lai hian thlemtu chuan thiam takin kan panna lai zawngin min thlem thin a, chumi laka kan himna tur chuan kan kut veilam hian Pathian ralthuam kan keng reng tur a ni. A tawp berah chuan Pathiana inpe nasa apiang, a dai thuk apiangte, tang ve ngar ngar thinte hian hnehna an chang zel a, thlarau leh khawvel thilah pawh malsawmin an awm thin. Unau duh tak, suala tluk hlau reng renga inveng lo khan, Pathian tan rawn penchhuak ve la, hnehna chu i chanpual a ni zel tawh dawn a ni.
-Digimalt

News Editor:Laltlankima (Email:puarak@gmail.com) Phone no:7893428032 8790692860

LALPAN in a sak loh chuan, a satute chu an thawkrim thlawn mai a ni. LALPAN khawpui a vawn that loh chuan, a vengtu chu a meng thlawn mai a ni.

Sam 127:1 EDITORIAL

HMA sport tluang takin kan tan thei a. A lawmawm hle mai. Sport kaihhnawih thil vangin hun awl kan nei tam hman lo a. Vawin pawh HMA sport Special kan rawn chhuah a ni e. Sport kan neih chhan hi kan chiang tur a ni a. Inthianthatna leh inhmelhriat ngai lote kan inhmelhriat a, helai kan awm hun chhunga pawh lehzuala kan inkawm theihna tur a ni tih hi hrechhuak thar leh ila. Intihsiaknaah erawh theihtawp kan chhuah theuh hi a zahawm hle. A ni khatna chu Pathian zarah tluang leh felfai takin kan zo thei a. A ni hnihna pawh nuam leh tha zawkin hman theuh tum leh theuh ila. Intihhlimna a nih angin Intihsiakna pawh tih danglam nual a ni a, mahni veng theuhah a tam zawk kan kal theihna turin mimal tin te kha tan ilo la ang u.

Sairawkherh
Tun inrinni HCU lama sport neih chu hawnna tur night bus ticket kan buaipui tan der tawh. ..(Hmaa & Avala, Alwal) Indawlchuh ah mai mai pawh nula in min han zim laih chuan ka khur hlum lo chauh alawm le.. (Tlankima, JNTU) Tun tum sport chu engzat tak beng chhuak leh ang maw?? .(Tv. Bena,JNTU) 2nd day ah chuan keiman Lawmi ka check tawh ang (RT- I, Masab) Volleyball ben chu zaimi te tan chuan alo tihchi loh a nih hi.. (Nelson-a, CU) Final khelh dawn khan captain khan min warm-up tir ve vel a, second half chuan tui min sem tir leh daih a, medal ka dawng ve tho angem le(James, CU) Modelling leh vairam nisa hnuaia volleyball khelh chu alo inpersan hle mai. (Sasangi, EFLU) Ka mumangah kha chuan ni khatna atang khan kan champion chiang asin mawle..(Remi, St Pious) Hydea sport-a HMA basketball captain tur hian ka tling ve tawk a ni. (Christ-a, JNTU) Sawi kher zel lo ula. Hyderabad ah te chuan Football final te chu kei ai baka refree thiam an awm chuang hleinem(Fela, Sainik)

Picture of the week

KHAWCHIN
Inrinni 15th September 2012 Max. 31C / Min. 21C (khua a that rin a ni)

Published and Edited for and on the behalf of Hyderabad Mizo Association by JNTU Hyderabad Mizo