Since 18th Nov 2007

www.hyderabadmizo.org

An official weekly newspaper for the Hyderabad Mizo Association Vol.14 Issue-3 Dt.5 t h Aug,2012(p-1) KAN CHHUNGKUA ## Kar kalta ningani (2nd Aug) tlai lam dar 4 vel khan kan hma lawka HC Lalrindika Memorial Football Tournament- atana inbuatsaihna leh inhmuhkhawmna ni pah fawmin Universitty of Hyderabad ah Hyderabad Mizo thalai mi sawmli chuang friendly match khelin an kalkhawm a. Hun hlimawm tak an hmang. He inkhelhah hian HCU-Zopa team te chuan anmahni rawn tlawhtute hi 3-2 in an lo hneh a ni. ## Masab tank-lam tlangval pahnih Tv. Lalhruaitluanga leh Tv. Malsawmkima Sailo te pawh Bangalore lamah case study neiin zirtawpni (3rd Aug) khan tluang takin Hyderabad an rawn thleng a. Tv Dublin-a erawh Ahmedabad lamah case study nei thoin, ani erawh a la cham a ni. ## Nl.C Lalrinmawii, JNTU pawh Hyderabad-a zirna sang zawk bei turin 10th August lam hian a rawn thleng ang. ## Nimin (4th Aug) tlailam dar 3 khan HMA executive committee chu Tv. Lalhruaitluangate In, Masab Tank ah an thukhawm. ## Tunlai hian JNAFAU (Architect) zirlaiten exam an nei mek a, tunkar thawhlehni hian an zo ang. ## Hyderabad Central University lamah pawh Admission ti thar tur te pawh an buai thei hle niin thu kan dawng.

FANGHMIR HI EN LA, FING RAWH A khuhhawnna

(source: Zing Daifim by Zara)

"Nang thatchhepa,fanghmir tih dante chhut la,fing rawh" tih hi khawvela lal fing ber, Lal Solomon-a thufing a ni. Fanghmir tihdan hre turin bawkkhup la, kun ngur ngur la, fin tumin hawi kual vual vual mah la, i harh chhuak zo lo maithei. Solomon-a hi chuan fanghmir leh hnathawh a sawi zawm a, fing turin min duh. Keini aia thluak nei te zawk, lu mum ve satliah, fanghmir hi a fing zawkah an tang reng ang maw? Hna i thawk peih lo a nih paw'n, he fanghmir chanchin hi chhiar la fing rawh.

Fanghmir - ei thladuak
Fanghmir rau rau ah pawh Central leh South America vela an fanghmir chi khat 'trap-jaw ants' an tih chiho hi chu ei thladuak-a te an ni. Anmahni rihna let 300-a liante an ei thin a, an kg. zat danglam tak maw? He'ng fanghmir chi-ho hian ei an thei bawk a, a chuh lah an chuhhelh! Sa an han pel a, an sapelhin an hnar an han verh zar tawh chinah chuan darkar khata km. 100 vela chakte'n an ving thuak thuak tawh mai thin - sa chuh ti na tak zawng an lo ni e! An sa pelh laia hlauhawm an hmuh chuan an invawrhvir zak zak a, an invawm bo zung zung mai bawk. Hetiang fanghmirho hian khabe sei deuh mai an nei a, an khabe an chhawr tangkai viau. An bu chheh tawmpui tum emaw ,ral an lo len hlek tawh chuan an khabe hmangin an veh then then a, hmui an chip leh hmuk a, hnaivaia thenawm khawveng leh ral hlauhawm chu an thi zui mai. An chet ran em a vang hian US mithiamte chuan nungcha zinga che rang ber a nih an ring hial a, he'ng fanghmirho chetzia hi an la zir ta zel.

Fanghmir - eizawng
Thlaler fanghmir an tihho hi an danglam leh pek. He'ng fanghmirte hian an taksa chhungrilah thil hlat zawng hriat theihna an pai ve tlat.Zirchiangtute chuan he'ng fanghmirte hian khaw eng chu 'kutke' berah an hmang a, van inkap eng ruih mai khi an tan chuan Bethlehem Arsi ang a ni. Khi van eng ruih mai khi thlaler vaivut zinga fanghmirte chuan hruaitu meialh angin an en a, kawng an bo ngai lo. An ke pen tin atangin an thlen hlat zawng an hre thei tlat. Van inkap eng hmangin Sahara thlalerahte chaw zawngin an tei kual vak vak a, an hniakhnu an teh tiam ve tlat a, engtianga hlaah pawh ei va zawng mahse, an bu awmna an hai ngai lo va, bo zawn tur an nei ngai lo!Hetiang In lam leh ram lam an hriat hran theihna tur hian hniak tih chiar dan tawk an hria a. Chin hriatna'n, an thlen hlat zawng zel bithliahin, awlsamna'n pen zau dan an hre thin. Zau lutuk lova hniak 1,000 vel hnutchhiah a, chumi atanga an In lam hriat theihna dante an nei a ni.

Fanghmir - thangkamtu
French mi thiamte'n an zirchiannah chuan fanghmirte hian vantlang nun danglam tak an nei . An kum milin hna thawh tur an insem a, a naupang lamin hna rim an thawh laiin, a upa lam chuan thang an kam thin niin an sawi. Hetianga an sa pelh man theihna tura thangkam chingte hi Amazon fanghmirte an ni. Rannung chenna niawm takin In thang an kam a, ral manna'n an hmang thin an ti. Chutiang vel atan chuan thlai sam an tan ve a, Hruizam eng engemaw an dah hnawk ve niaih thin a ni. In lem niawm taka an sak chhungah chuan pindan hrangte an la siam ta zel a, hnathawktu za tam rual chuan ral lo kal hun an nghak ta thin niin an sawi.

Fanghmir - intodelh
'Anni chuan lal te.... nei lovin,nipuiah chaw an chhekkhawm a, an seng hunin an ei turte an seng khawm thin' lo titu, Lal Solomon-a hi la dam sela fanghmir chanchin sawipui vak a chakawm mang e! (phek hnungah chhunzawm)

Published and Edited for and on the behalf of Hyderabad Mizo Association by JNTU Hyderabad Mizo

An official weekly newspaper for the Hyderabad Mizo Association Vol.14 Issue-3 Dt.5 t h Aug,2012(p-2) EDITORIAL BOARD Editor:Nehemia Lalramdina
Jt Editor:Anthony Zothansanga

LAWRKHAWM
## Thawhtan (30 August) zing khan Chennai pana tlan, khualzin phurtu rel, Tamil Nadu Express pindan pakhat chu Nellore, Andhra Pradesh-ah a circuit short avangin a kang a. Rel-a chuang khualzin 32 an kanghlum a, midang 27 na takin an hliam bawk. Rel pindan S-11 chu a kang chhhe hneh hle a, khualzin 26 chhanchhuah hman an ni. ## Current mumal neih loh lai lain -Andhra Pradesh Therma plant-a gas supply chu Central lam atanga cut a ni a. Hei hian Power siam chhuahna 15% laiin a tlakhniam tir dawn a ni. ## State thar- Telangana ngiat th kha a la tawp mai lo a. 30 September thla hian Chalo Hyderabad kawngzawh chu Telangana Joint Action Committee chuan a huaihawt leh dawn a ni. ## Mizoram Premier League khel tur team pariat an hriat ta. A tling sa team palit- Luangmual FC, Kulikawn FC, Dinthar FC, Mizoram Police te zawm turin Aizawl FC, Reitlang FC, Chanmari FC leh FC RS Annexe-te an inpet tling ve ta a. Reitlang FC leh FC RS Annexxe ah te hian Hyderabad-a inkhelh thiam kan neih thin Tv.HC Lallianzama leh Tv.Lalramzaua te an tel a ni. ## Mizoram Assembly Budget Session, July 16, 2012-a tan chu nimin chawhnu dar 1:11 khan tiamchin awm loin Speaker, R Romawia'n a titawp. Tun tum session-ah hian starred question lut 410 zingah 387 pawm niin, chung zinga 87 chu House-a chhan hman a ni a; unstarred question lut 111 zingah 84 pawm niin, ziakin chhanna inpek a ni.
th

(phek hma chhunzawmna..)

News Editor:Laltlankima (Email:puarak@gmail.com) Phone no:7893428032 8790692860

I rit phurh chu LALPA chungah nghat la, tichuan Annin a tichak ang che -SAM 55:22

EDITORIAL
Happy Frienship day. Inthianthatna-Ni ni lovin, Inthianthatna lawmna ni a ni e. Lawmna tur hi a lova tam em! A hunlai a niange, sihsen hi hmun tinah hmuh tur an awm. Awmna hmun a zir leh zirloh lam ni loin, hnawk hi an ni chiang ve ngawt mai. Amaherawhchu zirtirtu, entawntlak hmuhin Lal Solomon-a chuan a hmu a. A ziaktu hian ngaihnawmin a ziakthiam bawk a, naupang atanga puitling thlenga chhiar nuam leh hriatthiam theih tura a rawn dah thei hi a fakawm. Thla thar kan chuangkai a, Puarak Editorial Board in chibai a buk vek a che u.

Fanghmirte hian ei tur an chhekkhawm thin tak tak. Thing leh hnim hnahte hi thla seki ang deuh hian an keih thla a, an bupuiah an phur liam vu vu a,'nakin' atan an dahtha thin. Mahse hnim hnah nazawng an ei duh bik lo a, natna pai thei tur chi hnim an ei ngai lo. An eitur chhekkhawm hi kum khat a lo tlin chuan tam tham tak a ni tawh thin a. Fanghmir lalram pakhatah hian a tlangpuiiin maktaduai riat vel awm ang an ni a, chu'ngho ei tur chhekkhawm chu kum khatah 'tonne' hnihte a tling thin a ni. Fanghmirin an ei leh in an uluk a, chhekkhawl dan 'riau' an neih avang te, an chhenna hmun an vawnfai dan te leh an buhzem bul vel an thenfai reng thin avang hian mithiamte chuan thil siamchhuahna hmunah he fanghmir chetzia hian cheibawl danahte thleng hian fanghmir lakah entawn tur kan ngah hle niin an sawi.

Fanghmir - thawnthu hlui Kum maktaduai 100 tam kal tawhah khan fanghmirte hian khawvel hi an lo luah tawh a, fanghmirte hi thlahtu pakhat nei angin an sawi. Mahse an inthlahchhawng zela, fanghmir chi hrang an lo tam ta. Army fanghmir an tihho chu shark leh awle-teho nena kum engemawzat kal tawha inlaina hnai tak niin an chhut! Hetiang army ants (Hmir-sipai) chiho hi chuan chhungkaw 'picnic' te an nei ve thin a. A ruala pem dum dum chi, enthla hmasa lo va ral bei ngai miah lo, lalnu nei thin niin an sawi. An lalnute hian tui an ngah em em a, thla khatah tui maktaduai li chuangte an neih thin avangin khawvel hi an dap hneh bik anga sawi an ni.

Fanghmir - zirtirtu
Lal Solomom-a'n kaihhruaina nei lo; mahse fing taka hnathawk a, mahni ei tur chhekkhawm nachang hre khawpa fing nia a lo sawi tawh, fanghmir atang hian eng'e i zir chhuah? Pathianin engkim a siam a, a enkawl zui zel a, engkim hi Siamtu duan angin kan che vel a, kan awm a ni, tihah ngawt hian duhtawk suh. Fanghmir chetzia hi en la, finna tur i la chharchhuak ta lo a nih chuan, thlalera mahni In haw kawng hre thei fanghmir pawh i tluk dawn lo tihna a ni - i pawm em? Inkaihruaina tha pawh nei lo, engkim a nih tur ang thlapa ti thin, fanghmir nun chu han en teh. Intodelh nun hi ataka an hmanna chu Chhinlung Puk hunlai aiin a rei tawh zawk. Thawk lova neih tum lo va, eiruk rim an hre hek lo. Hunawl leh tlawngawl an hre lo ve, engkim mai chu rualkhai vekin an insem tlang vek a, mirethei leh hausa kar awm lo turin, rim takin an thawk a,'economic' leh 'politic' ah fanghmirte hian zirlai min pe asin. Kan chaw mal thlauh an chai a, In lamah puar el euha 'bora-khana' an duh. Chaw mal mai pawh an tan chuan chai tham a ni. An han pu zo lo ngei a, chuhhelh vang leh vir vang reng ni lovin, harsatna chu an hmachhawn a, hneh an tum thin. Ni tin hlawhtlinna thar chhar tura an beih dan zawng zawngte hi hriatthiampui thei dawn ila .. Fanghmir atang hian bul i tan tha leh ang u hmiang

LONDON 2012
2012 Summer Olympic kal zelah Michael Phelps chuan gold medal pali (4) leh Silver medal Pahnih (2) la tawh in,heti hian olympic history a mimala medal la hnem thei ber record siam.A medal lak zawng zawng hi sawmhnih phnih (22) ni in gold medal rinngawt pawh Sawmpariat (18) lai a la thei ani. Hetih lai hian India tan Vijay Kumar chuan 25 metre rapid fire pistol-ah silver a la a.Saina Nehwal chuan Women Single Badminton-ah a tumpuinu a in hliam avangin Bronze medal la in,Gagan Narang chuan 10m Air Rifle Shooting-ah bronze la bawk a,heti hian a zavai in medal pathum a la ve tawh ani.The fastest man on no legs an lo tih hial South African sprinter Oscar Pistorius chuan history siamin tun London Olympics neih meka athletics events ah telin Olympics a ke khinghnih bul chunga infiammi inlan thei hmasa ber a ni ta.

SAIRAWKHERH
@@ A khawma luh an phal lo a,amal te te luh kan dil a, an phal chuang lo ! -Avala(about CU gate) @@ Bawm tur dang thlawt awm lo mi le. Inbual zawh surprise attack hi ka khawlohpui thei tlat..-Reuben JNTU on fanghmir PICTURE OF THE WEEK

Published and Edited for and on the behalf of Hyderabad Mizo Association by JNTU Hyderabad Mizo