SINCE 18th Nov, 2007

th

email: puarak@gmail.com

An official WEEKLY NEWSPAPER for Hyderabad Mizo Association Vol.13 Issue 8, 8 April 2012

Editorial Board:
Vansanglura Ruben Lalruatfela

Editor:

HUN LEH HMUN

- Vansanglura

Joint Editor:

News Editors:
Vanlalnunpuii C. Lalrinmawii

Email: puarak@gmail.com Phone: 9493137215 9000686518

"Oh yes, the past can hurt. But you can either run from it, or learn from it." - Rafiki (The Lion King) "It takes a great deal of bravery to stand up to your enemies, but a great deal more to stand up to your friends." - Albus Dumbledore (Harry Potter) If you're not willing to risk it all, then you don't want it bad enough

ap ho chuan probability an ti a. Coin i vawr hian thil pahnih thleng thei a awm a. I coin kha tla boin, i hmu leh tawh miah lo thei a, anih loh pawhin i thianten an lo dawn khalh che anga i chan hlauh thei. Mahse chu chu ka sawi tum a ni lova. Coin hmai pahnihah khan a khawi zawk zawk emaw kha a chunglamah a awm anga, chumi tawpna chu a eng zawk zawk pawh chu ni thei. Hmai lehlam lehlam khan duhsakna inang chiah chiah an chang a, duhsak bik an awm lo. Kan nunah hian chutiang chuan dinhmun kan chan chang a tam mai. Duhsak bik kan nih kher lohna leh midang nena theihna zat reng kan neih chang a tam. Amaherawhchu, chumi hunah chuan, kan hmai chunglama a awm theih nan, keimahni hian, coin ang lo tak chuan, kan tawpna tur (kan hma hun) kan tidanglam thei thung. Channel hmet sawn miah lova, nilenga Cartoon Network ka en thin lai khan, kan kawt hmun remchang lai laiah hian ka pu hian thingkung tam tak a nei thin a. Lamkhuang kung te, serthlum kung te, theihai kung te, kawlthei kung te kha a tupa, zawng thlah tana a lo phun aniang chu ka ti maia. Kei leh ka ramhnuai mi thinglung chuan a lawn chak thei em em a; a lawn a lawn reng bawk a. Ka pu kha thei ngaina mi a lo ni pawh ni maithei e, kei erawh chuan ka ngaina lem lova, a kung sang tak leh a zar lian tak takte chu ka duhtawk viau a. Khang hunlai kha a lo nuam ber tak e. Kudama ka pa thingphek kan la a, ka nu bati dah that te chu ru chhuakin, thingphek hnuaih chuan kan han tat zo vek a, tichuan kawng laiah kan tawlh kan tawlh thin kha ni a. Kan naupan lai kha chuan, mi harh, hmun tin maia tam taka intipung thei kha ka nia. Ka tet lai kha chuan scooter tlan lai te pawh ka su tawh alawm. True story... Kan naupan lai lo nawm zia kha. Tire chhia te khan kan lawm a tikim em em a. Mamawh dang reng reng kha kan nei ngai lo. Kan hlimna leh lawmna kha khatiang thil ho te te khan an lo hril a. Rubber emaw, marble ka thianten min ei chat vek chang te chuan ka lungawilo nasa

thin kha nia. Kan naupan lai kha chuan, thil ho tak tak hi a lo awm lo. I pawr ami a? tih kan inzawh ringawt chang tea kan insual tak mai thin dan te kha, tun hnuah hian hriatthiam a har letling tawh zawk chu ni si a. Kha khawvel tereuhte, ka lalna ram zau tak anga ka ngaih ve thin, ka tet laia ka empire kha, ka ngai thin. Mahse khatiang hunlai kha nuamin hlimawm thin viau mahse kan vei leh rilru tihahtu erawh a dang. Marble perh chang te leh rubber perh changtea chat hlau em em a ni le lawi si a. Thianten kan marble leh rubber te min han hawn sak nal nal hi chuan, kan thinlung kha chuan, kawm tawh dawn lo che, i phakar emai a ti rilru vawng vawng thin a. A chang phei chuan hmai chhanah te kan inhrilh thin anih kha. Kan chan chhiat chang hi chuan midang kha an lo sual thin em em mai kha a lo ni a. Ka thianpa pakhat nen pawh hian nitin, ka kawm tawh dawn lo che, kan inah pawh lo leng tawh suh kan ti ziah. Nitina ka thian kawm thin kha a ni leh lawi si a. Thingkung lawn loh ka la neilo chu ka ti thei kher lovang, mahse ka lawn hnem ve thawkhat tawh chuan ka hria. Tun hnua ka ngaihtuah let chang hian ka chhungte kha an lo mangang thin ngawtin ka ring. Ka lu vun ser lo lai a awm zeuh zeuh chauh kha a ni si a. Ka luvun kak thui tura min puak lawp lawp thin lai te khan an rilru kha a hah ve thei viau chuan ka ring. Mahse heng ka lua ser awm te hi ka nawr kawlh tir anih em loh chuan a lang lem lo. Vanneihthlak tak maiin Khuanu hian malsawmna sam tam tham tak mai ka luah hian a lo vur mawlh mawlh hi a lo nia. Ka lu met thintu tana phun fona tham tak tak hi ka nei a. A sawi dan chuan (a uar mah mah ka tia), Ka lu meh tawh zawng zawngah i sam a la tam ber a ti thin a. Meh tir apiang hian thahnem ngai takin min lo hrilh thin a. Tun thlenga midang chawi zat ang chawia ka lu min la mehsak thin thute hi ka phurrit min tihzan sak laia a sawi duhzawng te hi a ni a. Ka lu met tu berin ka sam tam zia min han
(phek lehlamah chhunzawmna...)

Published and Edited by Ruben Lalruatfela for and on behalf of Hyderabad Mizo Association

 An official WEEKLY NEWSPAPER for Hyderabad Mizo Association Vol.13 Issue 8, 8 th April 2012

Editorial:
Hyderabad-ah hian kum 3 kan lo awm tling ve tawh dawn reng a. Ka awm chhung hian thil tam tak zirin, dai ngai loh ram tih takah, thil thar tam tak ka hmuin ka lo tem ve tawh a. Thil inthlak danglam ngai te a lo tam a, mahni mizia te pawh a lo inthlak thei em em hi a lo ni a. He danglamna hi a thalo zawngin a thleng thei nachungin, a tha zawng te pawhin mi a siam danglam ve thin a. Ka thil tawna ka hriat chian em em mai chu, Aizawl-a sikul kan kal lai kha chuan, pass kha a tawk viau thin a. Lehkha zir peih ti tha deuh kha chu kan ngei deuh letling thin kha nia. Kan pass kha chuan kan duhtawk viauin hrehawm han tihna em em pawh kan nei ngai lo. Hyderabad-a lehkha ka zir ve tan lai pawh khan engemaw tak kha chuan pass duhtawkna thinlung kha ka la nei tho mai. Mahse hun a lo kal zel a. Puitlinnain a nawr chhuah pawh a ni thei viau a, mahse kan zirlai puite azir hi a ni a tih loh theih loh. Tunah chuan fail aiin tih chhiat loh kan hlau tawh a. Thiante aia tichhia nih kan hlau ta em em a. Kan bul ami te azir hian kan mizia te pawh hi a lo danglam ve thin hi lo nia. A hmaa kan sawi ang khan, mize thalo tak tak pawh zir theih tho a ni a. Kan thian siam danah leh kan kawm danah i fimkhur leh zual ang u.
(phek hmalam chhunzawmna.)

(contd...)

hrilh chuan, Ka sam a kir a, a lang tam mai mai nih kha tih hian awmzia a nei thui lo khawp asin. Thingkung lawn nuam kan tih ringawt nachhan kha ka hrethiam chiah bik lo.
(contd.)

Midang chunga len chakna thinlung atanga lo chhuak te a ni thei angem le? Eng pawh chu a chhan chu lo ni ta se, mi sam chan ai zawng zawng chhuhsaktu, kei misual hi, lui kal ruk te kha ka han la ching zui a. Tui chu ka cheng thiam nasa ngang mai, tui chhunga reilote thaw loa awm pawh ka thiam ve. Lung sang atanga tuia zuan luh te pawh kha ka thiam alawm. Eng eng emaw kha chu ka thiam ve a, mahse tui hleuh erawh kha chu ka thiam ngai miah lo. Chuvang chuan mahni san zawng mil zelin kan tui chenna kha a danglam thin. Hetianga lui kal nuam kan tih em em chhan hi tui kan chen chak vang piah lamah hian kan dai ngaihloh ram, hmun dang fan kual chakna thinlung kan neih thin vang kha niin ka hria. Chu thinlung chu kan thanlenpui chho ta zel a. Khatih hunlaia ka lui kal puite ho leh kei ngei pawh phaiah kan awm darh ta nuai chu ni si a. Tuna ka thingkung lawnna tur hmun chu thing hmun zau tak mai, mitin a hmuh phak loh thlenga thing din suauna hmun hi a ni a. Thingkung chu a tam em avang chuan lei pawh chuan ni eng a hmu mang lova. A hmingin a eng ve det det a, lei boruak chu a hnawng chuap a. Ka hmaa thingkung ding ka en chuan, ka lawn ngailohna a ni si a. A sang em em a, a tawp thleng tur chuan chakna ka neih pawh ka ringlo a. A zar te lah chu a khat em em zui a, lawn a har hle dawn hian ka hria. Mahse ka lawn ngei a ngai a, ka lawn chhuah ngei a ngai bawk si. Ngaih tha tak chuan thingkungah chuan ka han pakai ve ta nawlh mai chu nia. A tir lampang chu lawn a nuamin, hmasawn pawh a chak em em a. Ka piah lawkah keimah ang thoa thingkung lawn ve te nen pawh chuan kan inthlau lem lo. Mahse ka han dak a, ka hmabak thui tak ka hmuh chuan ka taksa chu a chau a, ka ban te chu a zawi ta em em hian ka hria a. Ka lu buk te leh ka tui chen thiamna te chuan awmzia a nei tlem ta hle hian ka hria a. Ka thlen chin ram thleng tur chuan ka tawrh a ngai tih a chiang ta em em a. Midang chunga len chak thin khan ka thil tihtur ka lo hai kha niin, midang ruala ka thingkung lawn lai chu lawn tum lo khan, theihtawp chhuahin ka lawn tur a lo ni. Kan thingkung lawnna leh kan lui kalna te chu a lo danglam ta si a. A hun a lo dang tawh a, a hmun pawh a lo dang ta. Rilru nei tak leh chhel takin ka thingkung lawn lai chu ka lawn anga; ka tlak palh hlauh loh nan. Tichuan, mi sam chan ai chhuhsaktu, kei mi sual hian, ka thlen chin ram atang hian tui cheng thiam lovin ka haw lovang. ____________________________

English and Foreign Languages University MA (English) zirlaite chuan April ni 10 (Thawhlehni) atang hian Exam a tan tawh dawn a. Tha taka exam te an ziah theih nan kan tawngtaipui thin dawn nia. JNTU te chuan April ni 5 (Ningani) khan Senior Farewell outing, Jalavihar-ah a nei a. Hun hlimawm tak an hmang niin thu kan dawng. University of Hyderabad zirlaite chuan, kum danga an lo thin angin April ni 5 (Ningani) zan dar 10-ah an campus chhungah Venpui Zan an hmang ho. Kan member Nl.Lalhmangaihi Chhakchhuak chu International Conference, Delhi-ah paper present turin a zin a, ni 6 (Zirtawpni) khan tluang takin a pe fel thei a. Tunah hian JNU-ah thlengin, DU leh JNU library-ah te a zirlaia a mamawh zawng kualin a cham mek.

Sairawkherh
Sasang, i kurta thar kha i patoka (patiala) pink nen kha a inhmeh ngawt ang
- Christy Khaila (EFLU)

Isua lumen zanah chuan in kal ve dawn em?

Ed Midang chuan Venpui Zan an ti vek asin mawle.

- C. Lalramdinpuii

Puarak PIC

MOVES LIKE JAGGER!

Published and Edited by Ruben Lalruatfela for and on behalf of Hyderabad Mizo Association