1.

JOSE, AROTZA
Mariak Jainkoak ematen dizkigun semealabak edoski ditzan

Usadioak San Jose arotz lanetan aurkeztu digu, bere eguneroko ogia bere esku lanei esker irabazten zuena, alegia. Ziurrenik beharrezkoa zen guztia egiten zuen baina baliteke zura lantzen jaioa izatea. Nik, ama izango zen Mariarentzat aulki kulunkaria egiten imaginatzen dut, berak familia anitza izango zuela amesten zuen bitartean. Hau judutarren ohituren arabera Jainkoaren bedeinkazioaren seinalea zen.

2. JOSE, JORNALARIA
Goizean goizetik Jainkoaren mahastian egiten dugu lan.

Joseren lana ere zelaian zegoen, lurra landuz eguneroko ogia irabazten zuen familia burua. Zelaiko kanpainak, urtaroaren arabera egokiak dira honetarako: mahats-bilketa, oliba, gari biltzea... Jose Jesus haurrarentzat eredu ikusten dut eta ziurrenik bere lanetik atera zituela Jesusek mahastiekin zerikusia duten parabolak.

3. JOSE, MARIAREN SENARGAIA

Agur Maria

Joseren herriaren ohituren arabera, ziurrenik oso gazte zelarik Mariaren senargaia izan zen. Aingeruak Mariari egindako agurra oso zabaldua omen zen Erromatar Inperioaren alde hartan: Jainkoak zaindu eta babes zaitzala eta osasuna eman iezazula.

4. JOSE, MARIAREN SENARRA

bedeinkatua zara zu andre guztien artean

Ziurrenik Jose senar ona izan zen eta Mariarekin elkarlanean ibili zela familia kontuetan. Asko maite behar izan zuen Maria ez baitzuen gaitzetsi. Baliteke ere berarentzat Maria munduko emakumerik ederrena eta bere maitasunaren merezigarriena izatea.

5. JOSE, JESUSEN AITA

egunen batean zu arrantzalea izango zara

Bere semea maite duen edozein aita bezala, Josek Jesusen ondoan denbora asko eman zuen, judutarren usadioak transmitituz, baina aldi berean elkarren konpainiaz gozatuz. Baliteke, Josek nolabait bere semearen etorkizuna susmatu edota asmatzea ere, nahiz eta zer nolako arrantzale mota izango zen ulertu ez.

6. JOSE, FAMILIA SAKRATUTO KIDEA

Bartzelonan etxea dugula entzun dut

Jose, Maria eta Jesus eredu izan dira hainbat kongregazio eta familia kristauentzat. Gaudiren tenplua Familia Sakratuaren omenez egin zen eta bertan erabilitako sinbologiak ez du agortzen Bibliako famila honek gizarteari eskaintzen diona.

7. JOSE, MIGRARIA
agian etxetik kanpo hitzari aukera bat emango diote

Jose, bere familiarekin batera, Egiptora joan zen Herodesengandik ihes eginez. Baliteke arrazoiak politikoak edo erlijiosoak izatea, baita ekonomikoak ere, batez ere faraoien lurraldea gosetetik alde egin nahi zuten aintzinako herri nomada anitzen helmuga izan baitzen.

8. JOSE, OTOIZLARIA
zure ekintza bada, egin dadila nigan zure borondatea

Judu baten bizitzan otoitza eguneko lehenengo momentutik dago presente baita erabaki garrantzitsuak hartu behar diren momentu guztietan ere. Mariarekin batera familia bat sortzea erabaki zuenean ziurrenik horrelako momentu bat izan zela.

9. JOSE, HEZITZAILEA

Senti ezazu egurra, seme

gurutzearena bada ere

Jose ez zen rabino ezta maisua ere izan. Jesusi bizitzaren bidea irakatsi zion aita eta langilea izan zen. Agian gurutzea ez zegoen bere horizontean baina bai Jainkoarenganako fedea eta salbazio nahiean.

10. JOSE, SANTUA

ea azkar bukatzen den bederatziurrena

horrela jaitsi eta tailerretik ostera egitera joango naiz

Guzti honegatik San Jose Elizako santu handienetarikoa da. Nik santu umea imajinatzen dut batez ere krisialdietan non ordu mordoa eman behar den familia aurrera ateratzeko, batez ere familia horrek misio unibertsala badu.

MARRAZKI HAUEK LANTZEKO

1. Nor zen San Jose? Zure Biblian bilatu beharko duzu. Mateo eta Lukasen ebanjelioen lehenengo kapituluetan aurkituko duzu. Aurkitutakoa zure koadernoan idatzi. 2. Marrazkiak begiratu eta testuak irakurri. Zer nolako gauzak aipatzen dira bertan Biblian ez daudenak? San Jose aita normal bat izan zela uste al duzu? Zergatik? 3. San Joseren "bertuteak". Horren arabera, uste duzu Jose "imitagarria" den pertsona bat dela ala "miresgarria" besterik ez? Zergatik? 4. Jesus eta San Jose. Zein gauza ikasi zituen Jesusek bere aitarengandik? Ebanjelioko atalen batean agertzen al dira? Non? 5. Maria eta San Jose. Zer zen Mariak San Joserengandik gehien atsegin zuena? Zergatik? 6. Zure inguruko pertsona garratzitsu bati oparitzeko. Marrazki eta testu hauek fotokopia ditzakezu folio erdian eszena bakoitza. Horrekin 3 folioko koadernotxo bat egin dezakezu, marrazki bakoitza orrialde batean itsatsiz, lehenengoa eta azkena lehenengo folioan agertuz eta beste guztiak barnealderako utziz. Margotu, kutxatxo batean sartu eta oparia paperean bildu bertan txartel bat ipiniz zure aitarentzako hitz goxoekin eta "aitaren eguna"-gatik zorionduz. Oparitzean elkarrekin San Joseren "bizitza" irakur dezakezue.
OHARRA: Material hau Catequetica aldizkaritik atarata dago, marzo-abril 2012, n 2, vol.53-2, 120-124. Egilea Javier Prat Cambra da. San Jose Ikastetxeko Pastoral taldeak itzulita.