Haurrek eta familiek eskertuko dizuete Oarsoaldeko udalek 12 urtetik beherako haurrentzako eskolaz kanpoko jarduera guztiak euskaraz antolatzeko konpromisoa hartua dugu. Euskaraz diberti daitezen. Denbora librean eta aisialdian ere hizkuntza bera hitz egin dezaten. Egun euskaraz eskaintzen dira dagoeneko udalok antolatzen ditugunak (kirola, udalekuak, antzerkia...). Eta ikastetxeek antolatzen dituztenak (eskola kirola, dantza, eskulanak...) Eskaintza osatzeko, gero eta gehiago zarete zentzu horretan urratsak egiten ari zareten elkarteak. Adin honetako haurrek egiten duten hirugarren jarduera nagusia den futboleko talde batzuek, Pasaia KEk adibidez, ikasturte berrirako euren futbol eskolaren eskaintza euskaraz egitea erabaki dute. Urrats horiek egiteko laguntza eskainiko dizuete udalek. Informazio gehiago nahi izanez gero, euskara zerbitzuetara jo dezakezue. Elkarrekin planifikatuko dugu egin beharreko bidea.
euskaraz
EUSKARAZ GARATZEN DIREN kirol jardueren ehunekoen bilakaera 8-12 adin-tartea