PRENTSA TAILERRA.

PROGRAMAZIOA

1. Gaitasun orokorra

Ikasgai honen helbururik behinena, kazetaritza generoen bidez ikasleen gaitasun

komunikatiboa garatu, zabaldu eta sendotzea da.

2. Arloko helburu orokorrak:

1. Idatziaren ulermen maila egokiaren bidez, ikasleak kazetaritzako testuak ulertu

eta interpretatzeko gaitu.
2. Ikasleak idatzizko adierazmena menperatzeko eta kazetaritza testuak idazteko
gaitu, estilo propioa lor dezan lagunduz.
3. Komunikabideen elementuak eta ezaugarriak ezagutuz eta aztertuz, eta beren
manifestapenaek egungo kulturan daukaten garrantzia baloratuz, komunikabideen
mezuekiko jarrera kritikoak garatu.
4. Klasea ikasleak inguruko eta gizarteko arazoen ezagutzan murgiltzeko pizgarri
kultural bezala erabili.
5. Pertsona orok adierazteko eta informatua egoteko duen eskubidea ezagutu eta
baloratu.

3. Gaitasunak

KOGNITIBOAK UNITATE DIDAKTIKOAK

Sintetizatu 1
Arrazoitu 1
Pentsaera kritikoa 1-2-3-4
Bereizi 1
Planifikatu 2-3-4
Aztertu 1-2-3-4

KOMUNIKAZIOZKOAK UNITATE DIDAKTIKOAK

Zehaztasunez adierazi 2-3-4
Egokitasunez eta zuzentasunez 2-3-4
adierazi
 AFEKTIBOAK UNITATE DIDAKTIKOAK
Interesa adierazi 1-2-3-4
Kreatibitatea 2-3-4
Ardura 2-3-4

GIZARTERATZEKOAK UNITATE DIDAKTIKOAK

Baloratu 2-3-4
Elkarlanean aritu 2-3-4
Jarrera aktiboa 1-2-3-4
Kritiko azaldu 1-2-3-4
Parte hartu 1-2-3-4
Errespetatu 1-2-3-4

1. Unitateen izena

1. UNITATEA Kazetaritza eta kazetaritza generoak

2. UNITATEA Abenduko eskola-aldizkaria
3. UNITATEA Martxoko eskola-aldizkaria
4. UNITATEA Ekaineko eskola-aldizkaria

5.Unitateen helburu didaktikoak:

1.UNITATEA: KAZETARITZA ETA KAZETARITZA GENEROAK

1. Egunkari baten sailak eta generoak zehaztasunez identifikatu, iritzizko eta

informaziozko atalak argi bereiziz.
2. Testu batean agertzen den informazioa eta iritzia bereizi, horrekin pentsaera
kritikoa garatzen joan dadin.
3. Albisteak, erreportaiak, elkarrizketak, artikuluak eta kritikak idazteko
beharrezko diren teknikez jabetu.
1. Herriko eta bailarako argitalpen grafikoen artetik, hedapen handiena dutenak
ezagutu.
2. UNITATEA: ABENDUKO ESKOLA-ALDIZKARIA

5. Ereduak imitatuz eta nork bere erantzunkizunak arduraz betez, taldeko lana
gauzatzeko elkarlanean aritu.
6. Prentsari buruz landutako kontzeptuak era pertsonalean aplikatuz, iritzizko
testu batean nork bere iritzia egokitasunez eta zuzentasunez arrazoitu,
talde lanean.
7. Hautatutako informazioak garrantziaren arabera hierarkizatuz, beren
kohesiorako ikasitako baliabide gramatikalak era erreflexiboan erabiliz eta
ikasitako teknikak aplikatuz, albiste bat zehaztasunez eta zuzentasunez
adierazi, talde lanean.
8. Landutako kontzeptuak eta kazetaritza teknikak aplikatuz, erreportaia bat
zuzentasunez eta egokitasunez garatu, ikerketa eta sakontze lanaren
ondorio bezala.
 9. Ikasitako formula eta teknikak aplikatuz, interesa duen pertsonaia bati
egindako elkarrizketa bat zuzentasunez eta egokitasunez idatzi.
10. Ikasitako baliabideak eta teknikak aplikatuz, kritika bat zuzentasunez eta
egokitasunez idatzi.
11. Informazio garrantzitsuenak hautatuz eta edukia zuzentasunez adieraziz,
titulu baten bidez kazetaritza testua sintetizatu.
12. Akatsak aprendizaia prozesuaren elementu bezala errekonozituz, mezuak
zehaztasunez, zuzentasunez eta egokitasunez adierazteko interesa
adierazi.

3. UNITATEA: MARTXOKO ESKOLA-ALDIZKARIA

Aurreko unitateko helburu berdinak bilatuko dira

4.UNITATEA: EKAINEKO ESKOLA-ALDIZKARIA.

Aurreko unitateko helburu berdinak bilatuko dira.

6. Unitateen edukiak:

1.UNITATEA: KAZETARITZA ETA KAZETARITZA GENEROAK

KONTZEPTUAK

1. Prentsaren historia laburra

2. Komunikabideak
3. Informazio iturriak eta informazioaren trataera.
4. Egunkariaren antolaketa: sailak.
5. Kazetaritza generoak.
- Albistea:
- Albistearen hautaketarako ardatzak
- Sei ube bikoitzen teknika
- Osagaiak
- Objektibotasunaren gora-behera. Manipulazioa.
- Edukia
- Egitura
- Hizkuntz ezaugarriak
- Erreportaia:
- Edukia
- Egitura
- Hizkuntz ezaugarriak
 - Elkarrizketa:
- Edukia
- Hizkuntz ezaugarriak
- Editoriala:
- Edukia
- Hizkuntz ezaugarriak
- Artikulua:
- Edukia
- Hizkuntz ezaugarriak
- Gutuna:
- Edukia
- Hizkuntz ezaugarriak
6. Maketazioa egiteko modua eta aholkuak

PROZEDURAK

• Ulermen prozedurak:
1. Komunikabide ezberdinen konparaketa burutu, egunkari ezberdinak irakurriz eta
aztertuz.
2. Informazioa eta iritzia bereiziz egunkarien irakurle kritikoa izaten ikasi.
3. Kazetaritza generoak elkarren artean bereizten ikasi, bakoitzaren ezaugarri
formal, egitura eta hizkuntz ezaugarrien ezagutzatik abiatuz.
4. Albiste desberdinetan sei ube bikoitzen erantzunak bilatu, honela informazioaren
hierarkizazioa bilatuz. Erantzun horien kokalekuaz ohartu.
5. Berri desberdinen tituluen egokitasuna edo ez-egokitasuna eztabaidatu.
6. Egunkari desberdinetan agertutako berri jakin bat aztertu eta bertsioen arteko
puntuz puntuko diferentziak bilatu; objetiboena eta ez-objetiboena zein den erabaki,
horretarako argudio zehatzak emanez.
7. Testuko ideia nagusiak erlazionatzeko kohesio elementu diren lokailu eta
antolatzaileak identifikatu, duten funtzioa antzeman eta era egokian erabiltzen ikasi.

• Ulermen / ekoizpen prozedurak:

9. Albiste laburrak idatzi hizkuntz baliabideak, baliabide grafikoak nahiz
tipografikoak kontuan hartuz eta ardatzei zein sei ube bikoitzei erreparatuz.
10. Berri baten bertsio ezberdinak irakurri ostean, norberaren bertsio objetiboa
idatzi.
11. Berriak eraldatu: oinarrizko datuak erabiliz eta egiaren antza galdu gabe, berria
guztiz ituxuragabetu, goitik behera aldatu.
 JARRERAK
1. Prentsa gizarte pluralista batek berezkoak dituen iritziak eta postulatu ideologikoak
haedatzen dituen gizarte komunikabide bezala baloratu.

2.UNITATEA: ABENDUKO ESKOLA-ALDIZKARIA

KONTZEPTUAK

1. Idazten hasi aurretik, landu nahi den kazetaritza generoko testuen behaketa eta
azterketa aldizkari eta egunkari ezberdinetan, idazketarako eredutzat hartu eta
ideiak atzemateko.

PROZEDURAK

• Ekoizpen prozedurak:

12. Guztien artean, eskola-aldizkariaren diseinua erabaki: agerkariaren izena, sailak, eta
hauen antolaketa eta banaketa ikasgelako lagunen artean.
13. Taldeka eskola-aldizkaria sortzeko lan hauek egin, alderdi teorikoak, funtzionalak eta
estetikoak kontuan hartuz:
- bina erreportaia
- elkarrizketa bana
- albiste bana
- iritzizko testu bana (artikulua, gutuna, zein editoriala)
- kritika bana (zinema, musika edo literaturaren alorrean)
14. Aldizkarirako lanak burutzeko:
-Planifikatu:
- Idatziaren gaia aukeratu kazetaritzako hiru ardatzak kontuan hartuz.
- Informazio iturriak bilatu eta informazioa atera.
- Komunikazio egoerako elementuen arabera, gidoi edo eskema baten bidez
informazioa antolatu, sei ube bikoitzen teknika kontuan hartuz.
- Testualizatu:
- egokitasuna, koherentzia, kohesio eta zuzentasun mailako arauak maila
onargarrian aplikatuz, planifikatutako informazioak garatu.
- informaziozko testuetan objetibotasuna bilatu; iritzizko testuetan
modalizatzaileak era egokian erabili.
- Berrikusi:
- Kontrol zerrendaren laguntzaz, norberaren testuan egon litezkeen
akatsak identifikatu eta era autonomoan hautazko konponbidea aurkitu.
JARRERAK

1. Sormena eta iritzi kritikoa garatzeko motibazioa agertu.

2. Inguruko gertaerekiko jakinmina eta hauek kontatzeko gogoa adierazi, informazio
bilaketarako ohitura eta idatzizko mailako inplikazio asmoa garatuz.
3. Norberaren lanarekiko ardura eta erantzunkizunaren bitartez, talde lanean aritzeko
portaera egokiak garatu.
4. Eguneroko lanarekiko jarrera aktiboa eta gaiarekiko jarrera positiboa adierazi.
5. Elkarren lanak baloratu eta errespetatu.
6. Aldizkariaren egitasmoa gauzatzean erabiliko diren materialak zaindu, bai
ikastetxekoak, baita ikastetxez kanpokoak ere, jarrera honek guztiongan eragiten duela
kontzientziatuz.
7. Akatsak aprendizaia prozesuaren elementu bezala errekonozituz, mezuak
zuzentasunez adierazteko jarrera agertu.

3.UNITATEA: MARTXOKO ESKOLA-ALDIZKARIA

Bigarren unitateko kontzeptu, prozedura eta jarrera berdinak landuko dira.

4.UNITATEA: EKAINEKO ESKOLA-ALDIZKARIA

Bigarren unitateko kontzeptu, prozedura eta jarrera berdinak landuko dira.

6. Unitateen denboralizazioa

Ebaluazioa Orduak Unitateak

1.a 1. Kazetaritza eta kazetaritza generoak
2. Abenduko eskola-aldizkaria
3. 2.a 3. Martxoko eskola-aldizkaria
3.a 4. Abenduko eskola-aldizkaria
7. Metodologia

Konstruktibismoaren kontestuan kokaturik, irakaslea ikaslearen aprendizaia

prozesuaren gidaria izango da soilik eta ikaslea protagonista . Beraz, elkarrekintzazko
pedagogia da ikasgai honetan erabiliko dena,
Hasiera batean irakasleak prentsako oinarrizko kontzeptuak azalduko ditu, ikasleei
hauek lantzeko jarduerak proposatuz. Horretarako, irakasleak banatutako fotokopiak
izango dituzte euskarri teoriko eta praktiko bezala. Ariketak koadernoan egingo dituzte.
Eduki hauetan oinarrituz, ikasleek eskola-aldizkariaren egitasmoa abian jarriko
dute irakaslearen laguntza eta gidaritzapean, honen egituraketa, taldeen antolaketa eta
gaiak erabakiz. Antolaketa lan hau ebaluaketa bakoitzean egin beharko dute ikasleek,
aldizkariaren idazketa hasi baino lehen.
Ebaluaketa bakoitzean aldizkari bat emango da argitara. Hortaz, oinarri teorikoak
(kontzaptuzko edukiak) lehenengoan bakarrik jorratuko dira, lehenengo aldizkariarekin
batera. Hurrengo ebaluaketetan jakintza horiek praktikara eramango dituzte ikasleek
aldizkariaren idazketarekin, lehenengo aldizkarian baino zehaztasun, sakontasun,
egokitasun eta zuzentasun handiagoz.
Ikasleek euren lanak inprimatuta eta disketean eman beharko dizkiote irakasleari,
honek zuzenketak egin ditzan.
Hasiera batean zuzenketa puntualak irakasleak berak egingo ditu disketean,
ikasleari akatsen berri emanez, baina gero ikasleak berak egin beharko ditu aldaketak,
irakasleak zein akats mota duen jakinarazi ondoren. Era honetan, autozuzenketa egitera
bultzatua egongo da ikaslea, ohitura egokia sortuz.
Testua aldatzea eskatzen duten zuzenketak berriz, ikasleak egingo ditu hasiera
hasieratik, irakaslearen proposamen eta oharrei jarraituz.
Ikasleek koadernoan akatsen zerrendaketarako atal bat izango dute. Akatsaren
nolakotasuna eta zuzenketa azaltzeaz gain, egindako akats puntual bakoitzarekin hiruna
esaldi egingo dituzte, non lehen oker erabilitakoa egoki erabiliko den.
Honekin guztiarekin, ikaslea bere idazketa prozesuaren arduradun egin dadin
bilatu nahi da, idatzizko adierazmena menperatzeko bidean jarriz. Irakaslea, prozesu
guztian zehar ikaslearen lanaren gidari izango bada ere, hasiera batean ikasleei denerako
eskainiko dien laguntza murriztuz joango da, ikasleek modu autonomoagoan lan egiten
ikasten duten heinean. Irakaslearen laguntza, oinarrizko zalantzetarako izatetik
zalantza espezifiko eta teknikoak argitzera igaroko da.
Zuzenketa guztiak egin ondoren maketazioaren arduradunek aldizkariari forma
emango diote, ebaluaketa bakoitzaren bukaeran aldizkaria inprimatu eta ikastetxeko
ikasleentzat fotokopiatzeko moduan uzteko.
Ikasleek aurkeztutako proiektu batzuk Auzoka aldizkarira bidaliko dira.

8. Irakasteko materialak
 -Elgoibarko Mintegia, Euskara eta Literatura, Kazetaritza tailerra, ELKAR-GI.E.
-Aldasoro, M. eta Olaizola, B., 1997,Euskara eta Literatura 3, “Ostadar”
Proiektua, ELKAR-G.I.E, Donostia.

9. Ebaluazioa
9.1. Ebaluazio-sistemak:

Ikasturtea hiru ebaluaziotan banatuko da eta kalifikazioan honako faktoreak

hartuko dira kontuan:
- Ikasleek ebaluaketa bakoitzeko eskola-aldizkarirako aurkeztutako proiektuak,
baita Auzoka aldizkarira bidalitakoak ere.
- Klaseko nahiz etxeko jarduerak (proiektuetako akatsen zuzenketa eta
berzuzenketa barne) ere kontuan hartuko dira, koadernoaren kontrolaren bidez.
- Behaketaren bidez, ikasturtean zehar erakutsitako lan pertsonala (gaiarekiko
jarrera, txukuntasuna, garbitasuna) hartuko da kontuan.

9.2. Ebaluazio-arauak

- Ikasgaia gainditu ahal izateko, hiru ebaluaketetan batazbestekoak 5 izan

beharko du. Batazbestekoa ez da egingo 5 baino gutxiagorekin.
- Ebaluaketa gainditu ahal izateko kontzeptuzko, prozedurazko eta jarrerazko
edukietan gutxieneko batzuk lortu beharko ditu ikasleak.
- Ebaluaketa gainditu ahal izateko, ikasleak lan guztiak aurkeztu beharko ditu.

9.3. Ebaluazioaren errekuperaketak eta laguntzak

Ebaluazio bat ez gaindituz gero, hurrengo ebaluaketan errekuperaketa lana

egingo du ikasleak.
Prozedurazko edukiak errekuperatzeko, egiteke utzitako lanak burutu, oker
egindako lanak berregin eta irakasleak hala iritzi badio beste lan osagarriren bat egin
beharko du ikasleak.
Jarrera errekuperatzeko ez da lan berezirik bidaliko, baina hurrengo
ebaluaketan jarrera nabarmenki hobetu beharko du ikasleak.
Errekuperatutako ebaluaketako nota 5 izango da beti.
 9.4. Edukien ebaluaziorako irizpideak

Nota orokorra emateko hiru eduki mota hartuko ditugu kontuan:

- Kontzeptuzkoak: %50a
- Prozedurazkoak: %40a
- Jarrerazkoak: %10a

KONTZEPTUZKOAK:
Prozedura eta jarrerako notaren baturak emango digu kontzeptuzko edukien nota.
Horietan baloratuko da, beraz, kontzeptu mailako edukien barneratze, ulertze eta
menperatze maila.

PROZEDURAZKOAK:

Idazmena eta ulermena:

- Gelako eta etxeko jarduerak
-PROIEKTUAK (egokitzapena, koherentzia, kohesioa, zuzentasuna,
aberastasuna, aurkezpena)
- Koadernoa
- Gelan banatutako fotokopia guztiak
- Ariketa guztiak eginda (1.ebaluaketan)
- Ariketen nahiz proiektuen zuzenketa eta berzuzenketa

Irakurmena:
- Gelako eta etxeko jarduerak

Mintzamena:
- Gelako jarduera: hizketa egokia erabiltzea.

JARRERA

- Lana garaiz egitea eta ematea.

- Arretaz entzun, hitza eskatu, hitzegiteko txanda errespetatu, hiztegi
eta tonu egokia erabiliz mintzatu, besteen lanarekiko iritzi kritikoa
eman. Hau da, helburua lan hori hobetzea da, proposamenak eta
iradokizunak eginez.
- Gaiarekiko jarrera (interesa, euskararen erabilera, kontsultak ...)
- Kaleratzeak
- Etxeko-lanak egitea
- Materiala ekartzea
- Gelako eta ikaskideen materiala errespetatzea.