BOLETÍN INFORMATIVO DEL CLUB NÁUTICO DE PORTOSÍN

Nº 12. Octubre - Noviembre de 2003

Dep. Legal nº C-1701-03

PEREIRIÑOS
Boletín Informativo
Decano de la da Biblioteca
prensa náutica del Barbanza do
CEIP do Foxo

BOLETÍN Nº 44
XUÑO 2008

FALADOIRO NA CARBALLEIRA
por OLIMPIO ARCA CALDAS

N
aquel luminoso solpor ¿falaba o
vento maino coas árbores? ou
¿era o murmurio das follas en
segredo faladoiro?
Sentado no medio da carballeira, o
mestre non era quen de entender aquel
son enigmático, aquel bisbar nos rolos
da brisa. Non obstante, sabía, de
certo, que aquela fraga era a
carballeira dos PEREIRIÑOS.
Noutras follas xa marelas, atopábase
descifrada a descoñecida e fermosa
memoria dunha xuntanza instructiva,
lúdica e infantil gardada moitos anos
con agarimo nos retorcidos troncos dos
vellos carballos.
Follas de arrecendo humano, rugosas e
sobadas do xornal estradense El
Emigrado, constituían testemuños
 Páxina 2 PEREIRIÑOS

irrefutables dos devezos culturais dos emigrantes daquel

entorno parroquial.
Ao lonxe unha campá esparexe polo val o son metálico
pregoeiro das vésperas dunha festa. De seguido, o
estoupido das bombas enchen a carballeira de voos
ondulantes de paporroibos e carrizos.
Enigma da orixe dos sons. De Curantes e Rubín moi
preto, de Pardemarín, Lamas e Olives, máis aló. O
mestre ensimesmado, escoita no oído da imaxinación, o
balbordo “in crescendo” de raparigos e pais avanzando
por corredoiras e chousas montesías camiño da
carballeira.
O mestre abandona o bosque e vai na procura de
protagonistas daquela foliada. No cómaro dunha leira
atopa unha fada. Cóntalle a negrura do esquecemento
durante anos daquela romaría. A fada coa súa variña e
co seu sorriso abre vellos armarios, descubre fotos,
atopa cartas e encontra xentes, madriñas e
abandeirados, protagonistas todos daquel evento, que
contan e contan con bágoas de emoción esvarando polas
meixelas.
O mestre do bosque navega polas páxinas do Emigrado,
busca os alicerces da festa e, como agasallo aos veciños,
escribe un libro: Certame escolar dos Pereiriños,
precedentes, memoria e actualidade.
Na veciñanza das parroquias daquel histórico Sindicato
de Pardemarín xorde de novo co esplendor aquela
significativa xuntanza, sempre da man daquela fada
activa e inquieta, de nome Marisé.
Este ano, o 15 de xuño, volveremos a unha nova edición,
a número XII da festa recuperada. E será o CEIP do Foxo
quen nos invite a lembrar e loar as arelas e sacrificios
daqueles significados devanceiros.
Nº44. XUÑO 2008 Páxina 3

PEREIRIÑOS 2008
UNS VERSOS PARA OS PEREIRIÑOS
E alguén acariñou suavemente
A póla dun carballo centenario
E fíxose a Luz... A Luz da memoria...
A luz dos nosos devanceiros

E, paso a paso, principiaban a estrada,

O camiño, a escola.
Os primeiros pasos, o comezo, o principio.
Abroia a Vida no Teatro do Mundo

O mellor faro no mar da Vida

O mellor faro para impedir que os pobos tropecen
É UNHA ESCOLA

E todos, todos os nenos avistaron o faro.

E todos, todos acudiron á escola.
Escolas feitas coa suor e coas bágoas dos nosos
emigrantes.
E logo... E logo, Xuntanza, Festa rachada, Romaría.
OS PEREIRIÑOS

A Carballeira de Pousada vístese de gala

Cos seus mellores atuendos
Ponse coqueta unha vez máis
Para recibir ao mellor do noso futuro:
Os nosos pereiriños...

Nenos de Olives, Curantes, Lamas, Pardemarín,

Rubín,
Callobre, Berres, Agar, Orazo, Remesar, San Pedro e
Santo Tomé de Ancorados, Riobó...
NENOS DO CEIP DO
FOXO

MIL PRIMAVERAS MÁIS PARA A CULTURA GALEGA...

CEIP DO FOXO