Siwswi

MUNASIAX JIWA QURPAWA

(Qillqtiri: Edwin Usquiano Quispe)

Khaysa suni pata uraqinx m jiska aylluw Lluxllata sata sutin utjna. Uka markax thaya pampan jawiranakan m juka quqanakani, jiska qullunakani ukhamaw jikxatasnxa, ukan utjasir jaqinakax wali suma llampu chuymanipxarakinawa, ukat m chika ururux m tatakuraw sapak kaaskut saraqasinx wali qarjat m jiska qipis qiptat amparaparux m juka pankanak aptataw kayuk walja jaqinak taypirux puriskna. Uka tatakurax Istiku satanwa, jupax wali jacha tans jaqinawa, chiqans jupax qara kastawa, chuchi ikutani, janqu ajanuni, laram nayranakani, janqu patalunani, jacha chiyar sakunan, tankas wixrur liwxatat kuchi lartasir lunqhu jaqinawa. Ukhamaw uka chika urux ayllunkir jaqinakamp wali aruskiptatayna, jayputuqirux ququnaks manqtasipxarakitaynawa. Ukhamaw uka urux jaypuwayxarakitayna, taqiniw jaypuxipanx utanakapar samartir maqawayxapxaraki, tatakuras m jiska qullu quch utanxa sapakirakiw samartaskarakinxa, amuysipanx jupax wali llaktatawa kamachtarakix jichhax sasaw sapak qhipartxarakna. Ukhamaw urunakas phaxsinakas mkirakiw saraqxaraknxa, tatakurax uka ayllunx janiw khitimpis aruskipta yatkaraknti, juparux ayllunkir jaqinakax janirakiw sums utapkarakitaynati, ukham sapak ujasisax janiw manqs phaytasix munxkarakitaynati, llakiskawis chakharnukstxarakiwa. Ukhamat m urux

m tawaquw kawkhantix tatakurax utjaskn ukawjarux puriskaraknxa, tatakurax ukham tumtir purinir ujasax walipuniw sustjasirakitayna, ikutapas chiqaruw sayararaki, ajanupats jumpis chaqartarakitaynawa, juparux janiw khitis uka ayllun utjasir jaqinakax ukham tumptirix sarapxarakirikataynati. Uka tawaqux Maria satanwa, wali jacha tansa, chiyar pichikanakani, muruqpach janqu ajanuni, nayrapax chiyararaki, janqu tusunakani, janqu manqhanchani, chupik awayuni, chiyar tankani, wali kuchi qamasan tawaqunawa. Ukham puriskasinxa akhamn sasaw aruskiptasipkarakitaynaxa. Maria: Aski uru churatpa jilata. Istiku: Jamarus ukhamaraki. Maria: Kuns akan luraskta sapaki, wali llakitjamakirakitasa. Istiku: Ukhamakiw akan sapakiw wali llakit apthapisiskta, janiw khitis yanaptir utjkarakituti, janirakiw khitimpis aruskipta yatkarakti, kuna sutinirakitast jumasti tawaqu. Maria: Nayan sutijax Mariyawa, nayax irnaqa thaqaskta, janiw awkinkti, nayarux jiskak jaytawayapxitu janit jumamp irnaqkirist, iyaw sakitay jilata. Istiku: Ukhamax jumax irnaqat munta, akanx nayax irnaqirx munaskapuntwa, utanak pichthaptiri, isinak taxstiri, manqa phaytir tawaq nayax muntxa, jumax ukham irnaqa yattati.

Maria: Nayaw isinaks taxsuskaxa, manqs phayaskarakiwa, utanaks pichthapiskarakiwa, taqikunans yanaptarakimawa, irnaqtakixaya. Istiku: Ukhamax akanay khipartxam nayax qullqisits waxtaskarakimaw Mariya.

Ukhamaw uka tawaqux tatakuratak irnaqir khipartatayna, pachanakas mkirakiw saraqxarakitayna, ukhamat uka tawaqux Istikump utasisas m suma munasiar puripxarakitayna, jupanak paninix wali suma llampu chuymapiw aruskitasipxarakiritayna. Uka ayllunkir jaqinakax janirakiw kuns tatakurat yatipkarakitaynati, Istikump Mariyampix jamasatakw jaqichasiwirux purxapxarakiyatna. Ukat m urux tatakuran amparaparux m qillqat laphirakw luqtapxatayna uka markankr jaqinakaxa, tatakurax kunatakirakipach aka laphisti sasaw utaparux puriyaskarakitaynaxa, utapar purisinx mkirakiw iqatatasinx wali sustjat ullaraskarakna. Uka qillqatax jilr tatakuran apayatataynawa Uwispu (Raphayl Kari Saqa) ukan qillqtatataynawa, akham sasaw snxa. Istiku, jichha marax jumax juntu tuqiruw sarxaama, janiw uka ayllunkaamax wakisxkiti. Ukham ullarasax janiw kun lurtas yatknti, ukat m uruw mariampiw akham sas aruskiptaskarakina. Istiku: Mariya jichhax khaysa juntu tuqir saraaw waktitu, jumax akanakw khipartata,

nayax akarukiw kuttanix kawkharurak sarkiriststi, akarukipuniw kuttanjaxa. Maria: Ukhamax sarxakchitay kamachkarakiritsti, juman jilrinakamaxay ukham sapxpachastamxa. Istiku: Ukhamaw Maria, nayan jilrinakajaw uksa markarux khitapxitani. Maria: Jumast wasampirak panichasiskasma, nayax jumarukipuniw akanx suyaskama, janiw nayax khitimpis parlkati, nayax jumarukiw munsma. Istiku: Nayax akapachparakiw jumar walpun munsma, janiw khitimpis panichaskati. Maria: Ukhamax sarxakchitay kamachkarakxa.

Ukhamaw uka tatakurax Mariyarux sapak jatjawayxarakitayna, ukampirus walja urunaka, phaxsinakaw saraqxarakitaynaxa. Mariax janiw khitimpis aruskiptirix anqarux misturikataynati, sapakiw uta manqhanx llakit jachtasis Istikurux suyaskarakiritayna, sapakix janirakiw manqs muxkarakitaynati, saprus jachak jachxarakitayna. Ukhamat uka markankir jaqinakax aruskiptasisinx mkiw kawkhantix tawaqux jakn ukarux Mariar tumptirix mantapxarakitayna, uka uta manqhanx Mariarux jiwatakrakw watxapxarakitayna, chiqanx Mariax wajchanawa naniw khitis tawaqut jachirix utjknti, taqiniw llakik llaktasipxataynaxa, ukat markpacharakiw pantiwunarux tawaqur pampachtirix sarapxarakitaynaxa. Istikux janiw kuns yatkarakntixa, ukham warmipan jiwatapatxa, jupax wali llaktatakirakiw uka juntu markanx sarnaqarakitayna, ( kunawsakirak Lluxllata ayllurust kutxasti) sasa.

Tatakurax m urux Wali kuchikirakiw juntu markatx Lluxllata markar kuttanxarakitayna, Lluxllata markar purisnsti Mariyarux janirakiw uxkanti, ukat uka ayllunkir jaqinakaruw Mariyatx jisktasirakitayna, Mariych ujapt sasa uka markankir jaqinakax awisxapxarakitaynawa, Mariyax sarawayxiw yaqha pacharu, tatakurax ukham istasax pantiwunarux mkirakiw lichupxar killtasisax wali jachat jachatayna, Istikux sapa arumaw lichupxar quchur sarixa, tatakurax janiw kuns lurtanx yatxkarakitaynati. Ukham sapa urum saraskasinx, m arumax tawaqurux pantiwunatx uraq manqhat allsu amtana, allsusinx m kayu chakhapw apsutaynaxa. Uka kayu chakx wali sumpunw jarsutaynaxa, uka chakhatx phusa luratayna, wali sumpunw Mariy tawaqukaspas ukhamw chakhar qhumtat iki, uka chakhampirakiw ikiatx sartaraki. Ukatx sapa arumarakiw pantiwunarux tawaqun lichup patxarux phusir sariritayna. Ukham sapa arum sarkasinx aka jawir pampanx tatakurarux jiwatakrakw waytxapxarakitaynaxa, aka ayllun qamasirinakax janiw kunjamat jiwataps yatipkarakitaynatixa, amukirakiw pashpa pantiwunar pampachttapxarakitayna. Ukhamaruw aka siwswix tuktayi, jichhapachanakanx munasiax janikjamarakiw jiwa qurpxiti, munasirpashpakirakiw munataparus jiwaxaraki. Wali amuytas sarnaqa urunakankaraktanwa.